السلام عليكم ورحمة الله وبركاته وبعد


مع خالص الود والعرفان الى الجميع وخصيت الاخ طرجم فيه لانه ذبح لغزي السابق
قبل المهاد ؟؟


هاوي شعر واكتب على قد حالي
وطرجم كفو والمر ماهو بحالي

والفوز ما هو دوم حظي لحالي
ويستاهل الناموس ومن فعل يمناه

اللغز فارس وكل رمعه تجيبه
ومن قبل اخطه كاشفن عنه جيبه
باسباب غرون يوم صفط بجيبه
خذنا المزاياء منه ولاقيل×سمناه

وأرسلتها عبر الفضاء صوب مكشات
وانا غلطت أمنت ذيبن على شات
وأثره فرسها وجاني الدم بالشات
واغرق جهازي والعوض ما عدمناه

والان اسأل عنه وأنسى قديمه
و مخصصه والسيل مبداه ديمه
ونسلى على جاله وننسى هديمه
وشرواه غالي وكل جرفن ردمناه

الاوله راحت وهذي بدلها
تعارف العسكر بسكبت بدلها
والنون تركب يارفيقي بدل هاء
هذي بداية لغزنا ثم وسمناه

ذكرّ وانا باساعدك يا مذكرّ
إهي وانا تجمع مؤنث مذكر
يابعدها بعدها لو تاخذ الكر
صعبه ومطلوبي حرامن وصمناه

والثانيه بالترجمة سيم / سيمسيم
احظوظ والمولى عطاها بتقسيم
مثل الموظف لاخذا امر ترسيم
نقول هو قوام والليل قمناه

والرمعه اللي ضيعت وسط لغزي
نيه وغصبن تستوي فوق قزي
ماجت عبث والا لميت تعزي
نو بالانجليزي تفقد اللي تمناه

ادري بان الوصف بالعين محيوس
وعندي خبر انه مع الناس محسوس
واحد معه واحد مفصل ومقيوس
شاب القصيد ورامنا بعد رمناه

اثنين عكس الجنس افهم كلامي
وعدل وبدل عن خوال وعمامي
وخاتمها عذري يسابق كلامي
وعطني النتيجة اربعه لافهمناه