عندما تجتاز الجروح مرحلة الألم فتغني ولا حاجة لـها
بالدواء .. وحينما يكون الدواء عليلاً فلا حاجة للجرح به
لأن فاقد الشئ لا يعطيه
اليكم احبتي هذه الخاطره بلهجتي العراقيه .. ^^ ..
أتمنى تعجبكم :-


انتظرتك
يا قلم يكتب على جروحي ملح
ويا جروح هواي بيه
وظل جرح يحسب جرح
يا نجوم تعاندت ويه الظلام
وهمهه تشكيه للصبح
انتظرتك
يا نهر عاف الشواطي
وگام بأيام العطش مايه يشح
يا قصيدة نباگت گبالّ اليشوف
وگامت تخط بنفسهه
وضيعت حتى الحروف .. وما تشوف

بيدك تشگگ اجروحي
وانه اگلك يله روف
انتظرتك ...
وانه بيه الشوگ ظل يكتب قصايد
ولبّس حروف العشگ احله الگلايد
يا غصن زاعل عصافير المحلة
وصار فاس
وظل يحطّب ظل يحطّب
حتى بعيون النعــاس
وانتظرتك .. وانه حته جروحي غنت
وأنت بيدك گطعتهه ..
شگد أحبك
وأنت تدري
الشوگ بلوة وضحكة بين ايام عمرك
لو تصح لو ما تصح



ســـلامـتـكم

.+ شموخ عراقيه +.