صداع نصفي والي يعرف احد يسوي صبخه

محروم.كوم · #1 01-03-2012, 11:30 PM

السلام عليكم ورحمة الله وبركاتة

هاذي اول مشاركه لي وصراحه الي طيحني على المنتدى موضوع احد الاخوان عن الصداع النصفي ( الشقيقه ) وحسيت بمعاناته لاني امر بها هالايام وهو ذكر ان الدكاتره قالو له ان عنده صداع نصفي وهو غير مقتنع وانا ايضا مثله لان الي عنده صداع نصفي تجيه نوبات ينزعج من النور والاصوات العاليه وهاذي ما عندي تماما انا تجيني حالات الصداع الشديد عادي اجلس بالنور واطلع للشارع في الشمس لان كل تفكيري براسي والوجع اقولكم مشكلتي

عندي الم في منطقه خلف الراس من شهر وكانت تصاحبه خمول بالجسم وكتمه واصوات في البطن

رحت عند عده دكاتره وكنت خايف من الكتمه الي تجيني وكانو يفحصوني يقولون كل شي سليم حتى انهم كلهم اتفقو اني اروح دكتور نفسي من كثر ما اجيهم وعرفوني حتى اني صرت اروح للمستشفى في اليوم مرتين

اتجهت للعلاج بالرقيه الشرعيه وبعد القرأه زالت عندي الكتمه والام البطن لكن بقي عندي الصداع وكان شديد حتى اني ما اقدر استحمله واروح للمستشفى يقوسون الضغط والدم يطلع كل شي سليم يعطوني ابره على بالهم تخفف الالم لكن دون فايده اروح استلقي على سريري لين انام وبعدها اقوم وبرضو نفس الصداع وتبدا مرحله العنا

اخر شي رحت دكتور مخ واعصاب سوا لي اشعه مقطعيه في المخ وطلعت سليمه ولله الحمد ورحت بعدها لدكتور نفسي قالي هاذي الام الشقيقه الصداع النصفي وما اقتنعت منه ورجعت لدكتور المخ والاعصاب وقالي احتمال كبير الشقيقه لان جميع تحاليلك سليمه وعطاني ادويه تخفف الالم

قبل ما اروح للدكتور النفسي خف الصداع لكني حبيت اني ازيله تماما ولين يومنا هذا والصداع خاف لكنه يفقدني التركيز حتى اني ما اداوم بسببه وبعض الاحيان تزيد حاله الصداع وتزداد معها دقات القلب مما يجعلك تخاف

نصحوني بالحجامه لكن انا عندي حساسيه من هالموضوع لان عندي فوبيا الخوف من الدم مجرد ما اعرف ان جسمي فقد قطره دم تصيبني حاله مثل حالات الاغماء مع اني لله الحمد لا اشتكي من فقر دم

الخلاصه يا جماعه فيه احد مرت عليه هالحاله وقدر يداوي راسه سوا اعشاب او خلافه وياليت يكون الشخص مجرب نفسه لاني بحثت في النت كثير واكثر الكلام يتوهك وياليت بعد الي يعرف احد بالرياض يسوي صبخه للراس لان احس ان الي في راسي هوا او خلافه لاني مجرد ما اتعرض للهواء يزيد الصداع

اسف اذا الموضوع مو مرتب وسرد الاحداث عشوائي لاني مثل ما قلت لكم افتقد للتركيز __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حط مبلغ والي بعدك يقولنا ويش يسوي بالمبلغ	ابو نيزا	العاب , فكاهه , مسابقات	50	03-27-2016 02:34 PM
الله يخليكم الي يعرف يسوي لي	محروم.كوم	منتدى أخبار المواقع والمنتديات العربية والأجنبية	0	12-16-2011 01:30 PM
شباب مين يعرف طريقة اعداد لبن شبيه بلبن البقر البلدي الحامض حلو الطعم	محروم.كوم	منتدى أخبار المواقع والمنتديات العربية والأجنبية	0	01-13-2010 07:49 PM
مطلوب دعم فني يمسك السيرفر يسوي اعدادات وحماية والخ..... سنويا	محروم.كوم	منتدى أخبار المواقع والمنتديات العربية والأجنبية	0	10-13-2009 07:50 PM