IN LonDon (في لندن)

! ĐįƠЯ ƒάṦђịǑη ! · 12-29-2011, 01:05 AM

البــــــــــــــــــــ13ـــــــــــــــــارت
،
،
|{ سلآمْ يآعآشقين آلهوى سلآم علىَ قلبنَ غير حبكَ مَآنوى }|
/
\
بو محمدَ : زيغتينا عليجَ يآ آم محمدَ .. آلحمدلله على سلآمتَج
أم محمد : آلله يسلمك ..
بو محمد : يلآ بعد مآسلموا عليج الكل وروحوآ .. بنظهر نحن آلحينٌ . .آلدكتور قال مآعليج أي خوف . .
أم محمد : آن شآ آلله الحين بنش البس عبآتي..
،
ف بيت بو مَـآآآيدْ
،
دخلت ريم غرفتهَآ وطآحت ع الشبريية . .كآنت حآسبة بتعب . .تعبت وآيد آليوم من آليلسـهُ .. شوي ولآ آطآلع آلسـآعه كم @9:15 . .زخت الفون ودقت لـأإأمل ..
ريم : السلام عليييكمْ . .
أمل : وعليكم آلسلآم وآلرحمه .. هلآ وآلله ..منوه متصل علية آليوم . .
ريم : ههه ، فديت رووحجَ . . علومج ؟
أمل : علووومي طيبة . .عال العال . .آنآ بخير بخير بخير
ريم: آوب آوب .. دوم يآرب. .شكلج مستآنسه وآيد
أمل ..لو تدرين اني ميته ف اخوووج : هيه ..آلحمدلله آحس برآحححهَ
ريم: يعله دومُ يـآأإأرَب ..
أمل: ريمُ
ريم : هلا
أمل : يشهد الله إني اعزج وآيد . .صح معرفتي فيج بسيطه . .ومب من فترة طويلة لكن مآشآ آلله عليج بنت حبوبة وطيبة . .ومآشفت منج الا كل خير
ريم بابتسامه: من طيبج وآللهْ ، شو من هذآك آليوم مب نآوية تزورينـآ
أمل : وآلله ودي حبيبتي . .بسس أمم آبوية يكون ف الشغل ..ونحن ماعدنا حد . .وانا روحي ف البيت ..آسوي غدا لابوية . .وآبوية من يرد يرققدَ . .
ريم : آممم . مآعليه يلآ آكيد بشوفج ف يومُ . . المهم حبيبتي مآبطول علييجً
أمل : تسلمين ريمممآني ع الاتصآل ^^
ريم : يسلمج ربي. .يلا تحملي ع روحج
،
[شوي ولآيندق آلبـآب]
ريم: تفضضضل
راشد يوايج عليها من عند الباب : بعدج مب راقده
ريم : آلحين برقد ..كنت آرمس امل
رآشد من سمع اسم امل صك الباب ورآه ودخل : آي أأمل . .
ريم : بلآك .. أمل بنت الريال الي يا وياك من لندن
راشد : هييهُ . .اقول ريييم ..
ريم : هاا
راشد : آآ .. شو . .كنت بقولج . .هيييه ..أميه من ساعه تزقرج ..نشي سيري لها
ريم: هي تدري اني ف غرفتي .. [نشت] آفف . .يلآـآ بنززل . .
ظهرت ريم . . وتم راشد يطآلعهآ لين ظهرت وسكرت الباب ورآهـآ . . بسرعه زخ فوونهَآ بيآخذ رقم أمل . .
راشد : ششششششت الله يلعن هآلحظ . .عليه بآس . .[فر الفون ونش سكر الباب بقووو وسآر غرفته]
/
\
ريم : أممممآيه .. آمممايه وينج
أم مايد : تعالي انا هني
ريم : شو كنتي تبين منيه
أم مايد : آنآ ؟ مابا شي منج ..
ريم: راشد يقول كنتي تزقريني
أم مايد : لآزقرتج ولاشياته
ريم: عيل بلاه هالحبيب ..يلا مآعليه بسير ارقد . .
وهي تركب آلدررريُ ..كاآن أحمد نَـآزل . .
أحمد : ريم ريم ريم
ريم : شوو ..
أحمد : ريم حبيبتي ..
ريم : بلآك أحمد . .دخيلك بسير آرقد وآللهُ
أحمد : شو كنت بقولج . .بنت عموه فآطمه الي قلتيلي عنهآ . .ياربي شو قلتي لي آسمهآ
ريم: الحمدلله وآلشكر . .مهره ، مهره . .
أحمد : هيه زين ..يلا سيري انخمدي
ريم : بلآهم آخوَآني ..آستخفوآ . .
\
/
\
/
آمـــــَآ عن هنـَـــد . .
هندَ كآت ف غرفتهَآ . .ودآفنه ويههآ ف المخدهَ . .وعيونهَآ كلهآ دموؤوعَ .. كَآن قلبي يدق يدق بقوو . .كآنت خآيفة من رآشد .. مهووسة ف التفكير .. وخآيف ف أي لحظة . .رآشدُ يخبر مآيد ..
هند : بموت بموت .. ليتني آموت ولايقول رآشد لمآيد كلمة .. انا مآروم اظهر ولا اروم آرمس حد .. السالفة هاي مب رآيمة تخوز عن بآلي . .مب رايمه احط عيني ف عين مآيد وان احس ان اليوم ولا باجر مآيد بيعرف .. آهَـ يـَآأإأربُي ..
شوي ولآ يدخل مآيد
مآيد فصخ غترته وعلقهآ ..
مآيد: شحالج حبيبي ..وينج ماشفتج ويه اميه وريم
هند تحاول تمسح دموعها ومآتبين لمايد : تعرف الحمل متعبني شوي
مآيد انتبه ع هند وزخ ويهه ف إيده ولفه صوبه : شو فيج ..بلاج تصيحين
هند : مآشي .. قلتلك من الحمل
مايد خوز إيده عن ويهه وقلبه مآطمن لكلآمهآ : لآتعبين عمرج . .ولآتمين تصيحين بتمر الايام وبتنسين ..
,
،

أحبكـ و السكوت أبلغ مدام إن الحكي قصر
مدامه ما بقى بالحب كلمة لين قلناها
يبيلي أبجدية من جديد إلها حروف كثر
عساي ألقى بها كلمة غرام ما حكينها
أبيها لكـ ولا غيركـ بيأصلها ولا يقدر
إذا انقالت لغيركـ يا بعد عمري ظلمناها
/
بعدَ يومينُ .. الظهر ف آلصآلة ف بيت بو مآيد
/
محد كآن يآلس غير آم مآيد ورآشد ،!
أم مآيد : رآشد أميه
راشد : لبيييه
ام مايد: لبية حاية . .اميه في سالفة من زمآن كنت ابا افاتحك فيهآ . .بس مالقيت فرصة ..
رآشد : خير ..
ام مايد: خير ان شا الله . .أميه راشد . .ماشا الله اخوك عرس ومرته حامل الحين
رآشد بدهشة : حاممل !
أم مايد : هيه حامل
رآشد ..ماهميتيني ياهند : يستاهلون يستاهلون . .
أم مايد : وابي افرح فيك أنته بعد . .مب نآوي تعرس
راشد بابتسامه عريضة : ا نشا الله ا نشا الله جريب يالغالية
أم مايد بفرح : انا عندي لك بنت .. جمال ودلال ونعرفهآ
رآشد بلهفة : منوه خبريني عنها
أم مايد : اذا تبـَآ بنت تصونك وتحفظك . . عندك عليا بنت خآلتك بنت وآلنعم
رآشد وملامحه فجأة تغيرت: عليآ ؟! . .عليا !! مستحيل
أم مايد بنرفزة : وليش شو فيها عليا
رآشد : عليا مستحيل لو مآيتم ف العالم الا هي والله ماخذها عليا شرات ريم أختي وعمري مافكرت فيها
أم مايد بعصبية: والله عيال اخر زمن . .وقمت تعرف ترآدد . .آلحين عليآ استوت ف عيونك شينه . .
رآشد نش : شرات ماخليتوا مآيد يختآر البنت الي يباها . .انا من حقي اختار آلي آبَآهَـآ ..
أم مايد : ومنوه هاي الي تبآهَـآ . . وبتخلي بنت شرات عليا عسبهآ
رآشد : استغفر الله يا اميه بلآج . .شو ياينج علية ..
أم مايد : لكن يزاتي انا الي ابالك الحرمة الي تحبك وتقدرك . .على هواك سو الي ف راسك بس لاتيني ف يوم وتقولي خطبي لي عليا
راشد بضحكة سخرية : لآتحاتين . .عليا لو تنطبق السما ع الارض مآخذهآ . .
ريم كانت نازلة .. وتسمع صوت راشد وأمها
ريم : بسم الله شو مستوي تحت عندكم ..
راشد: تعالي شوفي أمج . . غصب تبا تيوزني عليا
ريم : علياا ..
راشد:هيه عليا
ريم يلست حذال امها: امييه حبيبتي . . دام راشد قال مايباها شحقى تحرقين اعصابج ماتنجبر روحن على روحُ . .
أم مايد نشت : والله الي يبا مصلحتكم ويدور لكم الخير مآتبونه [ومشت وسارت غرفتها]
ريم : لآتزعل منها رشوود . .تعرف اماية وايد تحبك ويوم انته بديت تزاعج وتعلي صوتك .. عصبت
راشد يتنهد : يلا مآعليهُ [ويت عينه على إيد ريم والفون ف إيدها] . .ريموه ماعندج شي ف فونج
ريم :شي ؟ شرات شوه
راشد: اغاني .. مقاطع فيديو
ريم تمد الفون لراشد : امبلا شي واايد . .
راشد : كتبتي الباس عآَد
ريم : وانته شدراك انه فوني عليه باس . .
راشد بارتباك : هـَآ . .لآأآ بس احيد مرة كان عندي وشليته وشفت عليه باس
ريم : اها ..زين يوده مفتوح . .
[ وبسرعه يسير راشد ويدور أسم أمل . . وسيف الرقمَ عنده]
راشد نش : مشكورة يا احلى اخت ف العالم
ريم : مسرعك مآطرشت . .
راشد : طرشت اغنية وحده . . الحين بسير ارمس سيف ..والله من زمان مارمستهَ
ريم: ززين ..
,
,
,
فوق عَـند رآشد . .
دخل سيدة وقفل ورآه البآب ويلس ع الكرسي . . وآتصل ع ـَآلرقمْ . . ومآحس الا ووو . ..
أمل : آلووه ..
راشد بابتسامه : مرحبا وسهلا
أمل : مرحبتين . .منوه ويايه ؟
راشد: أمممم .. واحد يحبج بس انتي مآتحبينه
أمل شككت ع الصوت : منوه ؟!
راشد : قلتلج واحد ماتحبينه

أمل : راشد ؟
راشد: مسودية الويه وتقولين راشد بعد . . هيه انا راشد الي يحبج راشد الي متخبل عليج راشد الي مب عارف كيف يووصلج بأي طريقة

أمل بضحكه عفوية : مب قصدي . . بس عرفت صوتك . .
راشد : أمول
أمل : اول مرة تزقرني أمول
راشد : انتـي امولتَـي . .وحبيبتي الي اقتحمت حيآتي
أمل بخجل : بس رآشد ..
راشد : أحبج يابنت الناس أحبج . .
أمل : آعرف
راشد: وَآعرف انج تحبيني
أمل : لآم احبك
رآشد:تحبيني
أمل:ماحبك
رآشد:تحبيني . .والدليل ف المستشفى الله طيحج وخلاج ورآية . .شوي كان الكل بيسمعج وانتي تقولين [يقلد صوتها] أفف راشد وينك راشد
أمل : ههههه ، =$
رآشد بتردد : فديت هـآلضحكه
أمل : .........
رآشد : استحيتي
أمل تحاول تغير الموضوع: امم . .صح كيف يبت رقمي وليش متصل
رآشد : شرات مايبت قلبج . .يبت رقمج . ..
أمل : والله انك لوتي . .بس مب شايف انه غلط ارمسك !
رآشد بحزن : آدري غلط بس شسوي ؟! قوليلي شسوي احبج ياخي احبج . .
أمل : اممم . .اوكي بس لازم ابند عنك ماروم ارمسك الحينُ ..
رآشد : اوكي يـآ [بخبث] أإأمولتـي
أمل : ههه أوكي مع ـآلسلآآأإآـآمهٌ
،
|{ آحيـــى بصوتك يوم يآني آتصـــَآأإألك =$ }|
يآويلي يآويلي يآويل حـَآلي . . آآآآ يعلني فدآ هـآلصوتُ محلآك يآرآشد ومحلآ طبآعَك . . احمدك يآربي آنك عرفتني على آنسـآن شرآتهَ . . وآلله آحبك يآرآشد . . أحبك . .
ولآعرف كيف ومتى دخلت قلبي .. عشقتك بلآ سبب وحبيتك من دون مَـآعرفُ . .آستحليت كيآني وفكري وبآلي . .لولاك انا اليوم مآكنت هني . .
آآَآَآآَهَـ يآ لندنْ . .
يآغلآج ف قلبيُ . .ويلوموني ليش آحبهآَ . .رغم قسآهَآ رغم شقآهَآ رغم التعب والضيم الي ذقته آلا انها كانت تجمعني ويآ نآس طيبين . .وآلآحلى من هذآ كله . .
آني عرفتك يآرآشد . .
في لندنْ
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
London and Stockholm Subway Map - مترو مدينتي لندن و ستوكهولم	محروم.كوم	منتدى أخبار المواقع والمنتديات العربية والأجنبية	0	03-05-2010 06:50 AM
London eye ..!*	الحـــــب	عدسة الاعضاء , كاميرا الاعضاء	18	04-01-2009 04:06 PM
لنـــدن London ..~ْ*	طـبـعـيـﮯ شيـوــخـيـﮯ	سفر وسياحة	32	09-14-2008 03:06 PM
لنـــدن London ..~ْ*	طـبـعـيـﮯ شيـوــخـيـﮯ	سفر وسياحة	13	09-10-2008 08:20 PM
لنـــدن London ..~ْ*	●~мя-язσôσв }~	المواضيع المكرره	10	07-21-2008 04:22 AM