| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
| |
|
#1
12-29-2011, 12:40 AM
| |||
| |||
 آلبــــــــــــــــــــــ8ــــــــــــــــآرت
__DEFINE_LIKE_SHARE__
/ / انا لذاك المكان احن و اشتاقي يكبر بعيني مدام انتي تمرينه لندن مكانك و مري فيه بتلاقي لي الحين قلبي مكانه هناك لي الحينه ، بعدَ مآتغدى رآشد عند جآسم . .وروحُ . . تم كلآم رآشد معلق ف ذهن جآسم . .وكآَن كل شويَ يلف ويطآلع بيته آلي سآكن فيهُ . .وكيف معيش بنته بهآلعيشة ، وهو كآن بأمكآنه يعيش أحسن عن هآلحيآة وآلمكآن آلي هو فيه . . جآسم : أمَـوْل . . أإمووول. . أمل ظهرت من غرفتهآ ويلست حذال ابوهآ : هلآ آبوية .. خير في شي ؟ جآسم مب عآرف كيف يرمس : أمل آبوية .. في موضوع مب عارف كيف آفتحه ويآج أمل حست أنه بيقولهآ انه يبا يرجع آلآمآرآت : قول آبوية . . آسمعك ! جآسم : أمل آبوية . . شرآت مآتشوفين حآلتنآ .سيئة . . وعلى آلله . . وإنتي تشتغلين صبح ونهار وليل عل وعسى نحصل لنـَآ لقمة نآكلهـَآ . . إنتي تعرفين أني كبير ف آلسن . .ومآعدت آقوى على الشغل شرآت آول أمل : بس آبوية . .آنآ مآشتكيت من شي . .آلحمدلله هذا قدرنآ ومآعدنا أي اعتراض عليه جآسم يزخ إيد بنته ويطآلعه بنضرة حزينة : آبوية .. لو قلتلج نرد آلآمآرآت . .بتوآفقين أمل نزلت رآسهـآ : آبوية تعرف كم عمري الحينه ؟ جآسم: بس [تقاطعه أمل ] أمل : جريب بدخل 19.. وآنآ عمري مآسرت آلآمآرآت ولو زيآرة . .من فتحت عيوني وآنآ آعرف شي وآحد . .آعرف لندن على قسآهآ ومرهَـآ . . جآسم بشفقة : بس آنآ ضميري يأنبني بنت صغيرة توهآ ف بدآية شبآبهآ . .تعيش هآلحيآة .. آبوية شفتي آلريآل الي يانا قبل شوي. . ترى . . . أمل : لآتكمل آبوية . .آنآ سمعت كل آلي قآله . . جآسم: وآفهم أنج خلآص . .مآتبين نرجع آلآمـآرآت ؟! أمل : بنرجعٌ . . [بحزن] بس قلبي بيتم معلق هني . . [اطالع ابوها وتحط عينها ب عينه] آوعدني آنك آتيبني هني بين فترة وفترة جآسم بآبتسآمه : وعد . . وعد ، نشت آمل ودخلت غرفتهَآ .. سكرت آلبآب . . وطآحت تحت . . تمت آتصيح . . وآتصيح وآيدهآ على ويههـَآ . . ليش مكتوب لنـآ آلشقـآ وآلتعب وآلآه . .ليش ليش ! هذا يشفق علينـآ وذآك يتصدق علينآ بكم دولار ! آآ آ آ آهـ . .ليتج يآ آمييه عآيشة . . وتآخذيني بين آحضآنجْ . . مآبآ آرجع . .مآبآ آرجع . .آلود ودي آتم هني وآتنفس آلهوى ذآته لي كآنت آنفآسج تستنشقه ! \ هدت شوي . . ونشت ويلستُ ع شبريتهَآ . .وتذكرت آلي آسمه رآشد . . [ آبتسمت بلآ آرآدة يوم آتذكرته ] . . من أول مآشآفته ف آلمطعم . .وكيف كآن يطآلعهآ كنه شآيف مخلوق غريب . . ، .. آلحين نحن . .بنرجع آلآمـآرآت . .عسب وآحد مآنعرفه ؟! . . أقصد آنآَ مآعرفه !! بس ليش . . يعني لهآلدرجة روح آلآنسآنية عنده عآليّة . [بضحكة سخرية] مآفي حد يقدم شي بلآ مقآبل . . . . آ آ آ هَـ . . آحبكَ يآبويةُ آحبك . . آلله يخليك لي ويطول بـعمرك . . ، ، ، \ ، ريَـم : شو فيج هند ويهجَ مصفر . . هند : مآعرف وآلله . . من يومين ودومَ آحس بدوخهَ . . ولوعةَ ريم بآستنكآر :مآتشوفين شـر [فخآطرهآ . .هذي من عرفنآهآ وهي تعبآنه ] هند : آلشر مآييج .. أممم ريم بغيتج ف موضوع ريم بآهتمـآم : خير ؟! هند : عليـآ . . ريم بتعجب وصوت شوي عآلي : عليـآ . .بلاها عليـآ هند : لآآ . .مآشي خلاـآص . . ريم : وآلله تقولين .. شو عندج ؟! هند : عليـآ . .تحب رآشد ؟! ريم : شووووه . . من وين يبتي هآلرمسة [وقفت ريم] وبعدين رآشد مجرد أخو لهآ لآ آكثر ولآ آقل .. وشحقى آصلآ تسألين .. ليش شو يعنيلج هآلشي هند بآرتبآك وتحآول تسيطر على الموقف : آلله يهدآج يآلريم ..فهمتيني غلط . .بس ..أمج تبآ تخطب عليـآ لرآشد يوم يرد من آلسفر ريم بآنصدآم .: عليـآ لـ رآشد ؟! هند : هيه . . ريم يلست : آلصرآحه ف حيآتي مآفكرت آنه عليـآ ف يوم من آلايآم بتآخذ رآشد آخووية . . هند : لآتعليق . ... ريم : يقولون جريب بيرجع رآشد هند : شوو . .بيرجع ؟ ليش !! ريم: نعم ؟ بيرجع . .شو ليش . .بيرجع بيته هند تحس على عمرهآ : هـَآ . . [تضحك] بلآج ريموهَ .. لآتتفلسفين ريم عآقده وحده من حيآتهآ .. وف خآطرهآ [الحمدلله وآلشكر هآي مينونة وآلله العظيم] ، ،, \ . . . |{ . . ملكتَ آحسآس وروحَي ، وعقلي شآغلن فكره . . }| . . من بعد غدآ رآشد عند جآسمَ . . مرت 4 آيَـآم . . ورآشد كل يومُ يسير آلمطعمَ . . بس عسب يشوف أمـل . . ، تقريبـآ هند طلعت من بآله . .كآن كل تفكيره .. شو بيلبس بآجر . .من آي عطر بيتعطر . . كآنت أمل شآغله بآله . . كآن آذآ يلس بينه وبين نفسه . .ويلس يفكر فيهآ . . يعترف أنهآ شآغله كل وقته . . بس مآيعترف آنهَ يحبهـآ . . آسـآسآ . . كآن ضآيع . . متشتت . . مب عآرف شوآلمشآعر آلي ف قلبه صوب هـ آلبنت .. بس حسَ آنه عنده أمل ويآهآَ . . خصوصآ آنّ آبوهآ جآسم . . ريآل طيب ومحترم . . ، وف يوم من آلايـَآم . . كآن كـآلعآدة . . مآخذ على نفس آلشـآرع . . وصوب آلمطعمَ . . دخل رآشد آلمطعمَ وييلس على آلطـَآولة . .ويته وحده من آلقرسونَـآت . .وطلب له أي شي . . وكآنت عيونه مآكله آلمكآن . .ودمه يفـور . .وينهآ هذي !! للحين مآيت . .للحين مآبينت . . كآن يآخذ نفس عميييق . . ويحآول يهدآ . . مآقدر يستحملُ . . بدون مآيحس على عمره .. رجع بآلكرسي لـورآ .. وخذ تنهيده قويية! . . حس آنه بيموتَ لو مآشآفهَـآ . . وصل طلبه . . وخلص وآتريـآ ربع سآعه نص سآعه سآعه ! بس مآشي فآيدهُ شكلهآ مآبتدآوم آليوم . . ، آستسلم رآشد للوضع . .دفع حسآبه وظهر . . ، رآشد وهَـو يمشي وينـَج يآ أمل وينَـج عني آليومَ . . [يرفع رآسه للسمـآ] يآرب . . لآيكون مستوي بهآ شي . .لآ آلله لآ قـآل . . آتصل ف آبوهآ ؟ لآآ . .شو بقوله وين بنتك !! شو سويتي بي يآبنت لندن . . شو آلي فيج خلآني آنسـى هند بهآلسرعه ! وينَـج . .مقوى زود آلآنتـظآر . . وبين مآكآن هو يهوجس بين نفسه . . دعم . .ب حد ! رآشد بتنرفز : Are you blind to not see?> ( عمي أنته مآتشوف ؟ ) .......: sorry !! رفعت آلبنت رآسهآ . .ولآ أمل .. ! رآشد مآصدق آنه آلي جدآمه آمل . .من فرحته ضحك . .وحس عمره ف حلم . .ومآحس آلآ وهو زآخ آمل من جتوفهَآ . . رآشد : أنتي وينج آليوم ؟ صآر لي سآعه وآنآ آتريآج ف آلمطعم . . أمل آطآلع إيد رآشد وين وترفع رآسهآ وآطآلعه بنضرة غريبة رآشد هني حس على عمره: آآ .. .آنآ آسف .. مب قصدي شي ! أمل تحآول تمشي عنه : بليز . .شوي ! رآشد يوقف جدآمهـآ . . حس أنه فجأَإة يته آلجرأة . . وحس فجأة آنه شي كلآم ف قلبه صوب هـ آلبنت .. رآشد: أمل .. آنـآ . .[يسكت ويطآلعهآ ] آنـآ . . أمل تحرك رآسهآ بأنها مب فآهمة شي .. رآشد بنضرة كلهآ حب وحنآن وبصوت هآدي : أمل ..أحبـــــــج ! ، قآل آحبـــج وحسهآ من صميم قلبه . .قآلهآ آلكلمة آلي مآقدر يقولهآ بينه وبين نفسه . .قآلهآ آحبج . .وحس آنه كل شي وقف سآعتهآَ . .حس أنه آنولد مرة ثآنية . . حس عمره . .وآقف جدام . .ملآك بريء مآيخصه ف شي . .ولآيخصه ف آلي حوآليه هني يت أمل بتتكلم . .بس مد رآشد إيده .. آنه لآتقولين شي .. رآشد : لآتقولين شي . .آدري آنج منصدمه .. مآبآ آسمع منج أي رد . . أمل بعدهآ مب مستوعبة شو آلي يآلس يستوي .. رآشد يحبني آنـآ ؟! يحبني آنـآ .. لآ آكيد يلعب ويبـآ يتسلى ويحسبني من هآلبنآت آلي ينضحك عليهن بكلمتين .. بس لآ. . عيونه نضرته صوته نبرته . .كل شي فيه يوحي لـ شي ثآني .. بس !! آنـَآ منوه يحبني آنـآ منوه ! على شوه حبيتني يآ رآشد ؟ على حسني ولآ جمآلي ولآ دلآلي ولآ مكآنتي آلعآلية .. ، كل هذي آلآسئلة كآنت معلقة ف بـآل أمل . .! بس مب رآيمه تسأله يآهن ...
 مدونتي ] ..~ آه من قلبٍ غدى حبه جنوني ] ..~  |
|
12-29-2011, 12:42 AM
| رقم المشاركة : [ 2 ] | |
| مشرفة  | آلبــــــــــــــــــــــ9ــــــــــــــــآرت
__DEFINE_LIKE_SHARE__
، ليه آحسك حقيقة . .وآرجع آشوفك خيآل . .وليه آحسك وآقعَ . . وآرجع آشوفك سـرآب . . آلمشكله . . كلآمكَ آتعبني . .نضرتكَ ، صوتكَ ، عذبونيُ . . مبَ قآدرهَ آنسـى خيآلك . . ولآ طيفكَ ولآ كلآمك ! كل شي حولي يذكرني فيكَ حتى آلجدرآن . . قآمتَ تسولف لي عنـَك . . ، مآقول آني آحبك ولآ آقول آني مآبيك . . بس آلي آقوله . . يـ قلبَ وش صـآبك . . وش عَـآد فيك ؟! . . . . . رجعَ رآشدَ للفندق وهو طآير من آلفرررررح . .سكر آلبـآب .. وطآح ع الشبريه .. ويهه مبتسم . .أول مره يبتسم رآشد من ييته للندن . .أول مرهَ يحس آنه صدق فتح صفحه يديدة ف حيآته . .وآنَ هند مآعادت تعني لهَ . . كَآن يتذكر كلآمه لأمل . .وكيف زخهَآ . .وكيف كآنت آطآلعهه ..حس آنهَ يحبهـآ .. يحبهآ صدق وكلمه آحبج . .طلعت منهَ بلآ إرآده . . طلعت من كل خآطره . .طلعت من قلبه . .بآحسآسه وشعوره . . رآشد نش ويلس ع الكرسي وشل فونه بيتصل ف آبوهَ : آلوو .. آلسلآم عليكم آبوية . . بو مآيد : وعليكم السلام وآلرحمه . .هلآ آبوية رآشد . .علومك شحآلك رآشد :آلحمدلله بخييير وسهآله . . بو مآيد : شو مب نآوي ترد آلبلآد . .تولهنآ عليكَ رآشد بآبتسآمه عريضة : وآنآ تولهت عليكم كلككم . .بس آبويةَ بو مآيد . .بس شو ؟ رآشد : آبوية . .طلبتكَ ولآتردني بو مآيد : آمررر آبوية ؟ مرة آذآ آروم مآردك . . رآشد : آبوية تعرف جآسم . . بو مآيد : هيه .. بلآه رآشد : آبوية . .آلريآل عزمني ف بيته ومآقصر ويآية . . وآلله العظيم لو شفت حآلته قلبك بيعوره عليييه . .آلريآل متغرب هني .. آبوية نحن الحمدلله خيرنـآ وآيد . . وآلي آبآه منك . .آنك تدبر للريآل آي شغله عندنا ف الشركه . .لو رآتب بسيط يأكله ويعيشه . . بو مآيد : بسس جذي ! . .يا غالي والطلب رخيص .. قوله وظيفته موجوده ولآيحاتي .. وبعدين يابو سنيدة . .انا قبلك طلبت منه أن يرجع البلاد لكن مآطاع رآشد بفرررح : آلله يطول بعمرررررك يآشيخ آلريآيل بو مآيد : ههه .. آسميك لوتي . . رآشد : يلآ آبوية سلم ع الررربع بو مآيد : يوصل .. وبسرعه آرجع . .ترى طوفتهآ لك هالمرة ومآقلتلك شي رآشد :هههه .. فديت خشمك يالغالي. . آن شآ آلله من عيوني ..من عيوني . . . تعَـآلو شويٌ . .عند مهره وخلود ؟! بنآت عمة ريم .. أكيد عرفتوهن ؟! مهره يالسه ع اللاب وترمس خلود : خلود . .اليوم بغيت أمووت . . خلود : بسم الله عليج .. بلاج مهره تبند اللاب وتحط المخده ف حضنهآ وتلف صوب خلود : مَآدريُ بس آتحرش بي وآحد . . وكنت بنفضح يدام آلنـآس خلود : مسووودة الويه وتوج تقوليلي . .منوه هذا مهره بسخريه : تستهبلين . .وانا شعرفني فيه . .قالولج شرات هآلبنآت . .كلمتين وبآخذ الرقم منه خلود : آلحين انا مآقلت جيه مهره بنضرة : بس حلوووووو . . خلود حطت إيدها ع خصرهآ : لآو آلله . .حلووو آونهَ يالي مآتستحين مهره: ههههه .. وآلله اني مآشفته بس جيه نضره . . خلود : مآعليه . . زين مهره : تعرفين آختَج عآد . .حلوووة وطر ومعذبة قلوب آلشبـآب خلود تعيب على مهره: [حلوة وطر ومعذبة قلوب آلـ .. آقول بس آنطبي . .من زينج آنتي آصلآ مآتوصلين نص جمـآلي . . مهرهَ : آقول دخيلج . .يالسندريلآ . . . . . ، زَآن حظي وآنـَآ حظي من يومي عآثـر وآبتسم لي آخيرآ عآلمي مع كونـــــــي حسبتك مجرد شخص ومجرد حب عآبر وآثرك ملكت تفكيري وكل وقتي مشغلني / جآسم : اموووول . . آمووول .. أمل يت تربع : خيرررر خيرر . .شو مستوي ؟ فيك شي بآبآتي جآسم مبتسم : لآ ياعيون آبوج . . أموول حبيبتيُ . . أمل بحيرة : ؟!؟... جآسم : ترى آتصل فيّة آبو رآشد . . أمل سآر تفكيرهآ لبعيد : آتصل فيك ؟ ليش ..شو يبآ منك جآسم : قآلي آنه وظيفتك موجوده . . وآي وقت بتي ..آعتبرنـآ شرآت آهلك أمل بآبتسآمه : حلو يآبووية . .آلله يوفقك يآربي جآسم : أمل . .متأكده تبين ترجعين ؟! أمل بآبتسآمه : متأكدهَ . . جآسم : عيل بخبر رآشدُ . . أنه بنرجع آلبلآد , نشت أمل ودخلت غرفتهآَ .. ضمت دبدوبهآ آلعووود وحست بصيحهٌ . . ويلست تفكر ف رآشدُ . . ، آلله يآَ محلآ كلآمك يآرآشدُ . . مآعرف كيف خليتني آنجذب لك بهآلسسرعه . .معقولة شي حب جييهُ آ آ آ آهَـ . . بسُ منوه بيرضى آنه ولده يآخذ وحده شرآتي : ( ! وحده حي آلله . . قرسونه ف مطعم . . / ليتني آروم آقولك كل الي ف قلبي يآرآشد . .وليتني شرآتك آروم آعبرلك . .وآرآوم آصآرحك . . ، ، ، عند مَـآيد وهنَـد . . نشت هند تربع للحمَـآم . . وكآنت ويههآ شآحب . .ومصفرر . .وحآلتهآ حآآآلة . . ربع مآيد ورآهـَآ . . مآيد : هنووود حبيبي .. شو فيج هند تنشف ويهها : مآفية شي غناتي . . بس هاللوعة مب طآيعه تفآرجني . . مآيد شل غترته : نشي بسرعه لبسي عبآتج . .بوديج المستشفى هند :لآ . . ميود مب لآزمَ مآيد : آقولج نشي يلآ بسرعه هند : آن شآ آلله دقآيق وبنزل مآيد : يلآ ..لآتتأخرين . . . . . . ، ، ريم : أمااايه .. ابوية يقول أنه جريب وبيرجع راشد أم مايد : والله تولهت عليه فديته ريم : هيه طبعا هذا راشد حبيبج حبيب قلبببج ونحن هني سمنديقا فهآلبيت أم مايد : ويدي بلاج . . كلتيني .. بنات اخر زمن [شوي ولآ ينزل مآيد وية هند] أم مايد : خير امييه . .وين سايرين هالحزة مايد : هند شوي تعبانه . . ام مايد : سلامات اميه هند . .ماعليج شر فديتج هند : الشر مآييج عمووه ريم : سلامات هنوود هند ردت لـ ريم ..آبتسآمه .. / \ / \ / \ خذينيَ معَج ولآعآد ترديني لـ دبي آلآ وَآنآ آردد وآنشد بآسمج يـآ لحنَ آن قلت آني آحبج آلحين اعرفي،شوي آنتي حب تمسكن فية من قواه وسكن آنتي شمسي آنتي نوري والقمر وآلضيُ من بعد مآتغير حآلي وآعترآني حزن جيتجَ وشفتج وطويت آلآلم ورآي طي معَآج حسيتَ آني طفل بآسمج يدندن وغلآج يشهد آلله آنه كوآني كي آلله يآ محلآ قصة هوآنـَآ جيتج بلآ موعد من دبي وآبتدينَـآ في لندن . . | |
| ||
| |
|
12-29-2011, 12:56 AM
| رقم المشاركة : [ 3 ] | |
| مشرفة | البــــــــــــــــ10ـــــــــــــارت
__DEFINE_LIKE_SHARE__
، عليا : حلفيي بيرجع ورآ بـآجر ريم : وآلله العظيم ليششش عليآ وهي شاقة الحلج : بس جيييييه [آآه فديتك يآرآشد آخيرآآآآ .. وربي تولهت عليك] ريم:عليوهـ بخبرج شي .. بس آمآنه بيني وبينج عليآ: بلآج . ؟ شو مستوي !! ريم: هند مرت مآيد عليآ: بلآهـآ ريم: مآدري . .بس آحس ورآهَآ شي وآلله آلعظيم عليآ : كيف يعني وضحي آكثرر لو سمحتي ريم: ممممم . . مآدري بس لاحظت عليهآ .. من نطري يدآمهآ آسم رآشد .. تعتفس ومآدري شو يستوي بهآ جيه مرة وحده عليآ: هآآآآ .. نعم! وليش آن شآ آلله ريم: وآلله مآدري .. آستغفر الله يآربي إن بعض الظن إثم عليآ وعلامآت الاستفهام على ويههآ: لآ ريموهَ .. هيه روحهَآ جيه طبعهآَ آحسهآ مزآجيةْ [شوي ولآ يدخل مآيد ويه هند] ريم:علايه علايه . .ببند عنج ميود وهند يو من المستشفى الحين عليآ:آوك حبيبتي .. [نشت ريم وسآرت صوب مآيد] ريم: هـآ هند . .سلآمآت مآيد وهو مقرب هندَ له وآلآبتسآمه رآسمه ويهه : وآخيرآ ريموه آلهبلة بتستوي عمممة هند صرخت : آآآآآآآآآآآآآآآآآآآآآآآآآآ . .[ولوت على هند] مبروووووووووك مبرووووك . . آخيررررا بستوي عمة . .تستآهلووون وآلله .. آن شآ آلله تطلع بنت . .وتشبه عمتهآَ .. وتغدي شرآتي ب كل شي هند: هههه .. آلله يبآرك فيج . . ريم تزقر امها ..وشالة البيت شل وية صوتهآ ريم: آمآيييييييه. .آمآيييييييييييييييه . . أمييييييه .. يدووووووووووووووه ! أم مآيد يت تربع : بسم الله ..بلاج تباغمين أنتي .. شو مستوي ريم: بآركي لولدج . .بيستوي آبو آم مآيد سآرت تربع لمايد وهند: مبررروك مبررروك يآ آميه . .تستآهل تستآهل . .هاي الاخبار الي تونس بآلواحد . . ، وآلكل تقريبـآ عرفَ بـ حمل هند وبآرك لهـَآ . . ومر يومُ ويـآ آليوم آلموعـَووود فيهُ . . . . . . . الكل كآن يآلس ف آلصآلة . . بو مآيد : سمعي يآ آم مآيد . .شرآت مآقلتلج .. ولدج آليوم بيرجعَ .. وويآه جآسم ربيعي وبنتهَ . .شرآت مآكرم ولدنآ هنآك .. آبآكم تبيضون ويهنآ أم مآيد : آفآ عليك .. حيآهم آلله وآلبيت بيتهمَ هند كآنت يآلسه وآلمخده ف حضنهآ . .وآلخيوط الي فالمخده كلهن طآحن . .وهند يآلسه وتسحب فيهنَ .. وتعق . .كآنت ف قمة توترهآَ .. تهز ريولهأإ .. ويآلسه تفكر شو بيستوي ..يوم بيي ، / \ / \ / أمـآ ف لندنَ 3> ! وتحديدآ ف آلمطآر . . جآسم : آبوية رآشد عطني شنطك .. بسير بخلص كل شي . .وآنت آيلس هني [يلف يرمس أمل] امل حبيبتي خلج هني يآلسه ترى رآشد مب غريب شرآت آخوج . . [وروْح جآسم ...وتمت أمل ويه رآشد روحهم يآلسين] أمل بدون شعور ضحكت ضحكه عفوية وطآلعت رآشد .. رآشد انتبه لهآ وبآبتسآمه : آول مرة آشوفج تضحكين أمل كشرت مرة وحده : لآآ .. مآشي رآشد: يمكن تفكيري شرآت تفكيرج . . أمل : شو ؟ رآشد : قآل آخَـوج .. أمل : ههه ... رآشد لف وجآبل أمل وحط عينه بعينهآ .. وهي هني ..صدق آحمرت . .وخدودهآ بروحهن سآلفة .. رآشد : أمل أمل: yeah راشد : خلي عنج هآلرمسة .. أنتي آلحين بتسيرين آلآمآرآت . .لا زقرتج .. قولي نعم . .لبيه .. مب يآه أمل آستحت ونزلت رآسهآ : آن شآ آلله . . رآشد : أمل.. أمل رفعت عيونهآ وبالعمآله قآلت :what do you want ( شو تبا ؟ ) رآشد بنضرة كلهآ حب : I want your Heart .. ( ابا قلبج ) أمل بآبتسآمه كلهآ خجل : رآشد رآشد ف خاطره يقول عيونه قلبه روحه فديت هالصوت: آمري أمل : آنآ للحين آفكر ب كلامك آلي قلتلي يآه رآشد : وليش ؟ . .هذا ان دل ..يدل على أنج مهتمة فيية أمل : هآ . .لآ بس يعني قصدي[يقاطعها راشد] رآشد: لآقصدج ولآ قصدي .. أمل آنآ آحبـَج أمل: ..... رآشد : تحبينــــي ؟ أمل رفعت رآسهآ وطآلعت رآشد : آ . . . [قآطعهم صوت جآسم وهو يزقرهم] جآسم: يلآ تعآلو . . ترى مآبجى شي رآشد هني قآم ينآفخ : يلعن هآلحظ . .طول هآلوقت يآلسين يوم يت بسألهآ . .طب علينآ . . أمل كانت تسمعه وهو يتحرطم .. وكآنت تضحك عليه بس بصوت غير مسموع ، , ، ، ، , في دبي . . × كآنت عليآ عند ريمْ . . وية أمها ام نآصر . . يتريون راشد يرد .. وعسب ييلسون ويه البنية . . وريم واقفة عند الباب كل شوي توآيج تشوفهم وصلوا ولا . . ريم: امييه اميييه . .يو يو يو × طبعآ رآشد وجآسم سآروآ صوب ميآلس آلريآيل ، وآلبشكآرة . . دخلت أمل دآخل عند الحريم وآلبنآت . . ، أمل آول مآوصلت . .ودخلت بيت رآشد .. كآنت منبهره . .منصدمه . .هذآ بيت رآشد . .كيف يآ ودخل آلكوخ آلي نحن عآيشين فيه . .وهو سآكن فهآلقصر . .آآه . .يآربي آول مره بيلس ويه نآس مآعرفهم .. شو بسوي يآربي . .شو بسوي . . ، أم مآيد تفتح الباب لأمل وترحب بهآ وتوآيههآ: مرحبآ مرحبآ ب بنيتي . .هلآ أميه هلآ آقربي حيآج . .آلبيت بيتج لآتستحين . . أمل بآبتسآمه : الله يحيج خآلتي ..تسلمين وسلمت أمل على أم نآصر وعليا وريم ريييم تسسآسر عليآ : وووآي عليآآآآآآآه . . عليآ : وصمـآآآه . .بلآج ؟! ريم : خبآل . .وآي خبآل . . عليآ بطرف خشمهآ: من صدقج . .شو فيهآ حلو آلحين . . ريم : تقصين على عمرج ولآ شوه . .وآي تجنن مآشآ آلله عليهآ . . عليآ: بعد آمهآ آجبنية .. شو تبين منهَآ . . ريم : بلآج عليوه . .ليكون غرتي منهآ عليآ : نعم ليش حبيتي .. اصلا تخسي توصل جمآلي . . ريم : بس وآلله تغرررم . .مآ شآ آلله عليهآ . .شوفي ويههآ كيف ..تحسينهآ آجنبية وعربية / وسآرت ريم يلست حذآل آمل بآلضبط .. ريم بآبتسآمه : آنآ ريم آخت رآشد ..وهذي عليا بنت خآلتي .. أمل : هلآ وآلله ..[واطالع عليآ] تشرفنـآ أم نآصر: بنتي .. لآتستحين ترآهن شرآت خوآتج . . أمل : آن شآ آلله .. أم مآيد :يلآ آمآيه .. شلن ربيعتكن وسيرن فوق ..يمكن تستحي منـآ أمل مستحية :لآلآ خآلتي ..عآدي وآلله .. ريم زخت إيد أمل : يلآ اموولة يلآ ... | " | وسـآرن فوووق .. ودخلتهن ريم حجرتهآَ. . ريم كآنت طول آلوقت تسسولف ويه آمل . .ونست وحده آسمهآ عليـآ . .وعليآ كآنت بتموت من آلغيره .. شآفت آلكل يمدح ف آمل . .وآنهآ بنت رزينه وجميلة . .وخجولة . . ريم : هييه ..بس زين سويتوا وآلله وييتوا الامآرآت أمل : هيه ..الحمدلله على كل شيُ عليآ : طبعآ آكيد . .بتحسين آنه عآدآتنآ وتقآليدنآ غير عنكم [تسكت وتمد آلكلآم] . .يعني نحن منقود عدنا بنآت يشتغلن ف آمآآآآآآكن يعني مثلآ .. يعني كيف آٌقولج البنت عدنا مآتشتغل أية شغلة ريم بققت عيونهآ على ريم وكآنت شوي وبتكفخهآ . . وقرصت عليآ عسب تسكت عليآ : آآآآي . . أمل مرة وحده آنجلب ويههآ وحست عمرهآ ف المكآن آلغلط : آنآ آسفة اذا مسببتلكم آي آحرآج ريم زخت إيد آمل : لآ حبيبتي وآلله لآتزعلين من علايه ..وآلله انه قلبهآ طيب ومب قصدهآ شي .. أمل آبتسمت : لآ عآدي مآزععلت . .تسلمين وآلله ريم . . / / / لحظة ويت . .مآ سـألتوآ عن هند ؟! ، هند من يوم مآسآر آحمد ويه آبوه يستقبلون رآشد وجآسم وأمل وهي حآبسة عمرها ف الغرفة مب طآيعه تظهر بحجة آنهآ تتوحم !! تخآف تظهر وتشوف رآشد ..ويستوي شي !! ، , \ / ومرت آلسآعَـآت . .وروحوآ أمل وجآسم . .(طبعآ بو مآيد . .كآن مآخذ لهم بيت يدبرون فيه حآلهم هآلفترة لين يتعين بو مآيد بعدين) ودخل رآشد آلحينْ .. وكآنت عليآ يآلسه ويه ريمُ . .بعد مآروحت أمل . .وحذآلهم أم نآصر وأم مآيد رآشد : آلسسسلآم عليكم أم مآيد نشت وسارت صوب ولدهآ . .ورآشد بآسهآ فوق رآسهآ رآشد : هلآ هلآ بالغاليه .. هلا بهالشوف .. أم مايد : فديييتك يآميه هذي سوا تسويهآ فينآ . .كيف تسآفر ولآتعطينآ خبر. . رآشد : آمييه الحين آنآ رجعت . . رآشد يلف يمين يسآر : آلآ وين آم لسسآنين مآشوفهآ رييم بضحكه ويآلسه ع القنفة وسوت بيبآي آونهآ وحذآلهآ عليآ : آنآ هننننني . . رآشد : ملعونة الصير ..فزززي يلآ .. تعآلي سلمي على آخوج ريم ضحكت ونشت وسآرت سلمت ع رآشد . . وطول آلوقت عليآ كآنت ترآقب رآشد . . يعني سلم على أمه وريم وأميه . .مقعولة مآلمحني آنآ . . رآشد توه أنتبه على عليآ وبآسلوب جدا عآدي : علياا شحالج عليآ هني فز قلبهآ : آآهــ آنـآ . .آنـآ بخير الحمدلله. .من صوبك؟ رآشد : بخير ربي يعآفيج . . ، وقرب رآشد ويلس عندهَم رآشد كآن يبآ يرمس بس مب عآرف كيف يبدآ . . رآشد : رييم .. عيل شفتوا بنت جآسم . . ريم : آههه . .آسكت آسميهآ حلوووة . .طر مآ شآ آلله عليهآ رآشد بآبتسآمه عريضة : هيه ..[هني ريم طالعته ويه عليآ] .. آآ ..آلله يحفظها لآبوهآ عليآ كآنت مفولة ع آلآخر . .ومآخوزت عيونها على رآشد . .ومآعرف ليش ..كرهت أمل لهآلدرجه مع أنه أمل آنسآنه . .مآيخصهآ ف حد ومسآلمه لآخر حد . . . . . . . الكل روْح بيته . .وكلن دخل غرفتهَ . . | | رآشد وهو يآلس يتعبث ف آلفون .. تذكر هند !! وينهآ هند !! مآشفتهآ . . ~ معقولة مب ف آلبيت لاـآ . . بس مآيد هني !! [طآح ع الشبرية وفر فونهَ . .وآستبعد هند من مخيلته .. وبدآ يفكر بـ آمل ] ، من يصدق آني آعشق وحدهَ من لندن وآيببهآ آنآ ويآي دبي . .آآآه يآآآآآآآآآلندن يآعشقي لج . . حبي لج كل يوم عن يوم يزيد . . ليتج تحسين يآ آمل .. وتعطيني ويه ! ليتج تقولين .. وآنآ آحبك . . خآطري آسمعهآ منج . .. آنآ قمت مآرقد آلآ آذآ فكرت فيييج . .آستويت طفل .. وأنتي قصتي . .آلي مآرقد آلآ على طآريييهَآ . . آلله يجمعني ويـَآج ف يوم من آلايـآم . . لكن آنآ خآيف من آلقدر .. وآلنآس . .خآيف | |
| ||
| |
|
12-29-2011, 12:59 AM
| رقم المشاركة : [ 4 ] | |
| مشرفة | البــــــــــــــــ11ـــــــــــــارت ، , / صآر لـرآشد من بعد رجوعه من لندَن تقريبـآ . .آسبوع . . وتحديدآ في شركة بو مآيد وبو محمدَ .. جآسم : مشكور يآبو مآيد . .مآتقصر آلله يعطيك طولة آلعمر آن شآ آلله بو مآيد : آفآ عليك يالغالي .. نحن آخوآن . .وربعٌ جآسم : ومتى آبدآ شغلي بو مآيد : آذآ تبـآ . .من آلحين جآسم بفررح : خلآص .. من آلحين ..من آلحين !! وشوي ولآ يدخل محمد .. محمد : آلسلآم عليكم بو مآيد+جاسم: وعليكم السلام والرحمه بو مآيد : هلآ محمد .. خير في شي محمد يطالع جآسم : الخير ف ويهك . .مآفي شي عمي . .بس آبوية يقولك آليوم مآبيداوم بو مآيد : ليش .. غريبة ؟ شو مستوي ! محمد يلس ع الكرسي الي مجآبل جآسم : مآشي وآلله .. بس الوالدة تعبآنه شوي .. ووداها المستشفى بو مآيد : سلآمآت مآتشوف شر [يطالع جآسم] . .هذا محمد ولد أخوي جآسم يمد إيده يسلم على محمد : وآلنعم وآلله . محمد بآبتسآمه : وآلنعم بحآلك . . بو مآيد : من اليوم تعين عدنآ .. وبيكون ويآك ف نفس القسم محمد : يآمرحبـآ بآلزمييييل . . بتشل عني عيل نص الحمل جآسم :هههه .. آفآ عليك آلله يقدرنآ آن شآ آلله ونكون عند حسن الظن . . / \ | | عند عليـَآآآ . . ، كآنت يآلسه يدآم آلمنضرة وآطآلع عمرهآَ . .وتتلمس وييهَآ . . يآخوفيَ بس هآي آلي ردت ويهَ رآشد . .تكون حآطه عينهَآ علييه !! . .لآآآ . .ويآ خوفي رآشد آلي حاط عينه عليهآ . .أفف . .آنآ قلبي ينغزني آحس بينهم شي . .عيل آنآ ولآعبرني ولآسوآلي سآلفة . .يآلسه يدامه ومتكشختله .. يآي ويسأل عن هآي آلي مآتتسمى .. من زينهآ عآد يآليت فيهآ شي ينبلع .. مآعرف ع شو متخبلين عليهآَ .. بس تخسي آلآ هي آلي تحرق آعصآبي . .مآلت عليهآ بس !! ، / \ ف بيت بوَ مآيدٌ . . من شوي دخل بو مآيد وويآه مآيد وأحمد . . وكآنوآ توهم محطين آلغدااا وآلكل يآلس . .حتى هند !! بو مآيد كآن بعده فوق . .مآنزل ومآكان على االطاولة آلآ .. مآيد ورآشد وريم رآشد يطآلع هند : شحآلج مرت أخوي ! هند مآعرفت شو تسوي حست نبرة صوته غريبة : آلحمدلله بخير .. مآيد لف طآلع هند : بلاج حبيبتي هند : مآفيّة شي رآشد ف خآطره .. لآتحاتين ..مب أنـآ آلي بخبر آخوي عن علآقتج الجديمة ويآيهَ . .وبعدين فرآقج كان خيرة لي آنـآ . .لقيت آلي آحسن عنج . .!! , , , , جـآسم: هـَآ أإأموولَ ..آخبآرج ؟! . . أمل : آلحمدلله بخير . .شو سويت اليوم ف الدوام جآسم : آلحمدلله هايل ناس اياويد . .ومآقصروا فية .. شو نبا اكثر عن جيه أمل هزت راسها بآلإيجآب : بخليك باباتي . .بنش آرقد جآسم : نوم العوآفي . . أمل : آلله يعآفيك . . / دخلت أمل غرفتهآَ .. وطآحت ع الشبررررريـة . . وينك يآرآشد . .مآلك حس ، من زمآن مآشفتك . .معقولة خلآص ..نسآني !! وكلآمه وين رآح ؟! . . لآ مستحيل .. آنـآ حآسة آنه يحبني صدق . .آآآهـ يآربي .. يآرب لآتعلقني فيه آذآ مآبيكونَ من نصيبي ف يوم من آلايـآم .. يآرب قربني من في قربهم خيرة . . وآلله يآرآشد آنك آستحليت كيآني .. ومجرد آني آفكر فيك . .آحس برآحه . .ويتخللني شعور مآعرف شو معنآَه . . آنآ بديت آحس آني آحبببك .. وليتك تحس بهآلشي .. لو مآنطقته . .آقرآ الكلآم من عيوووني .. وغمضت عيونهآَ ورقدت . .ومآحست آلآ على صوت أبوهَـآ . . جآسم : آمممل .. أممووول . .نشي نشي بسررررررعه أمل نقزت من محلهآ وحطت إيدهآ ع قلبهآ : بسم الله الرحمن الرحيم . بلاك ابوية . . جآسم : أمول حبيبتي [فر عليها سويج الموتر] نشي شغلي الموتر .. وتلبسي بسرعه أمل : ليش !؟؟! جآسم : مرت أخو بو مآيد . .تعبآنه شوي . .ووآجب علينآ نسير نزورهَـآ . . أمل : آن شآ آلله . .آلحين عطني دقيقة بس . . ، / \ / ف آلمستشفى آلكل كَآن موجودٌ . . ، رآشد يرمس محمد : شو فيهآَ خآلوه ؟ محمد : مآعرف وآلله . .مآعرف يآرآشد . .يوم رمست ابوية وانا فالشركة قالي مآفيهآ شي بس تعبآنه طشونه .. وآلحين يوم سألت آلدكتور قآل بس الضغط نزل عندهآ رآشد بحزن : آلله يقومهآ بآلسلآمه . . [عم الصمت حوآلي 10 ثوآني] محمد : راشد رآشد: عونك محمد: عانك الرحمن . .رآشد ادري مب وقته . . بس فيّة فضول .. منوه جآسم هآ ؟ الي يآ آليوم رآشد : هييه .. جآسم . .هذا كآن ف لندنْ . .ويآ ويآية . .وآبوية عينه [شوي ولآ يدخل جآسم ويآه أمل] رآشد نش بسرعه ووقف : ولد حلآل . . محمد بنص ضحكه : لو طآريين المليون آحسن لنـآ.. [ويت عينه على أمل] رآشد ..ربع صوب جآسم . . وخآشمه رآشد : خير شو عندكم هني !؟[يطالع أمل] . .أمل فيهآ شي جآسم . لآلآ . .أمل مآفيهآ آلآ العافية نحن ياين نطمن على أم حمد رآشد هدا شوي :هيه .. تفضل عيل آيلس هني [طالع أمل بآبتسآمه] سيري يدام واول لفة ع يسارج .. بتلآقين البنآت يآلسآت هنآك محمد كآن طول الوقت يطآلع أمل [شو هالغزآل ياويلي ..وبعدين ليش راشد يرمسهآ . .شو يعرفهآ .. بس ابوها كان حذالهم ..شسالفة ؟] جآسم حط إيده ع جتف محمد : لآتحآتي وآنآ آبوك . .آن شآ آلله مآفيهآ آلآ العافية محمد يهز رآسه : آن شآ آلله . . جآسم : عيل وين آبوك . .وبو مآيد محمد: موجودين . .[أشر له] هنآك يالسين جآسم : عيل بخليكم .. بسير آيلس عندهم [بعد مآروْح جآسم ، على طول لف محمد صوب رآشد] محمد: رشوود رآشد لف صوبه وطآلعه محمد : منوه هذيج البنت رآشد : أي بنت ؟ محمد: أونك ماتعرف الي كانت ويه جاسم رآشد : هييه . .هذي بنته محمد : بنته !! ولآيخصها فيه . .ها وين ياب بنت شرآتهآ رآشد مآعيبه الوضع : لا بس امها لندنيه .. بس متوفيه محمد : قول جذيييه . .[غمز لرآشد] آلآ شو عندك ويآهآ . .شو كنت تقولهآ رآشد بضحكه عفوية : تبا الصدق يامحمد محمد: أكيد . . رآشد : آنآ آحبهآ . .بس وآلله يشهد الله علية أني مآشفت من البنت الا كل خير. . بس مآبينآ آلا نضرآت . .آشوفهآ صدفة وتشوفني .. محمد : آوووب آووب .. بو سنيده . .طلعت مب هين. . بس آسميك طحت على غزززززال . .وآلله آنهآ طرر يآريآل رآشد : إييه .. بلآك ؟ وين تبـآ .. محمد :هههه .. تغار رآشد : لآماغار . . بس مب زين هآلكلآم محمد : زين زين . .سآمحنآ . . |{ إيه آغَـآر . .شلون مآغَـآر مثلك جميل كيف عليه مآغآر }| | |
| ||
| |
|
12-29-2011, 01:01 AM
| رقم المشاركة : [ 5 ] | |
| مشرفة | البــــــــــــــــ12ـــــــــــــارت / / / ف آلمستشفى . . أمل : آلسلآم عليكم .. الكل : وعليكم السلام . . ريم: حيآج أمل . . يلسي أمل بآبتسآمه : خلج خلج يآلسه . .بتم وآقفة . . أمل اطالع عليآ : شحآلج عليـآ عليا بدون مآترفع راسهآ : زينه . .وأنتي أمل : آلحمدلله . . ريم : هيه أموول حبيبتي . .مآعرفتج على هالبنوتآت . .مهره وريم بنآت عموتي أمل تسير وتسلم عليهن : تشرفت خلود بابتسآمه: ونحن . . أمل بحزن : شو فيهآ مرت عمج ريم . .تضآيجت عليهآ . . ريم بتنهد : مآشي ..يقولون مآفيهآ شي .. بس لآزم ترتآح شوي أمل : مآدري ..مآرتحت يوم شفتكم كلكم هني . .خفت مستوي شي عليآ بصوت شوي عآلي : الله واكبر عليج . . وبعدين ليش تفاولين ع الحرمه .. شو تحريتيهآ مآتت يعني أمل : آلعفو منج . .بس مآقلت جيه آنآ ريم : عليييـآ . .ممكن تسكتين مهره : بلآكن بنآت . .آذكرن ربكن . .مب وقت الضرآبة ترى . . عليآ بتأفف نشت وروحت عنهن . . أمل : آنآ آسفة . .ماكان ودي يستوي جيه خلود : لآ حبيبتي ..شو فيج . .بس هذي ماكانت جيه . .مآدري قبل شوي عآدي . .آعتفست مرة وحده مهره: لآتلومونهآ يمكن آعصآبهآ متوترة شوي ريم اطالع أمل : سوري أمول .. مسحيهآ ف ويهي الغالية أمل تبتسم : فديتج يالريم . . ريم : مهـآري حبيبي .. سيري شوفي عليوه آلخبلة . .وين سـآرت . .زقريهآ مآفينا ع الفضآيح مهره : أوكي [نشت مهرره وسآرت آدور على عليـَآ . .. وهي ف الممر لمحت آخر شي عليآ وآقفة . . ف كآنت تزقرهآ .. عليآ عليآ / . .مآنتبهت إلا ع صوت واحد ساند ع الايدار ويرمس ف الفون يقولهآ ] أنتــــــي .. مهره : أنتتته الي . . أحمد عدل وقفته وسكر الفون وبآبتسآمه : هيه آنآ آلي غازلتج ههه مهره بنضره : قليل أدب [ومشت عنه] لحقهآ أحمد . . لحظة تعآلي تعآلي . .[بس شآفهآ مآعبرته . .وكآن يرآقبهآ . .بس آلي لفت آنتبآهه .. آنهآ وقفت عند عليآ . .] أحمد : تعرف عليآ ؟ هآي منوهٌ . .يمكن ربيعتهآ . .بس شو يآية تسوي عندهآَ . . [يزخ الفون سيدة ويتصل ف ريم ] ريم بدو ننفس : هآ أحمد شو تبـآ أحمد : ريموه . .ربيعة عليا الي عندها الحين شو آسمهآ ريم: ربيعة . .أي ربيعة ؟ أحمد : آووه .. شدراني وحده وآقفة عندها الحين ريم : يآلخدييية . .ليكون تقصد مهرووه بنت عموه فآطمه أحمد : هـآ . .بنت عموه فآطمه . .آنآ آحيد بنآتهآ صغآر ريم : وآلله آنك مفهي . .صغار قبل 5 سنين . . أحمد : زين زين جلبي ويهج . . [بند آحمد عن ريم ووتم يفكر ف مهره] آآآه يآويل حــآلي آنـَآ .. محلآـآج يآبنت آلعمة .. مآحيد ف عآيلتنآ حد غـَآوي جذيييه . .[حط إيده ع قلبه] وآي قلبي .. ، شوي ولا آتي مهره ويآهـَآ عليـآ .. ويوقف لهم أحمد ف نص الدرب أحمد : ممكن لحظة يآ صبآيـآ عليآ بدون نفس : شو تبآ أحمد . .خوز عن دربي أحمد يخوز عن عليآ ويأشر لهآ : تفضلي سيري . .محد ميودنج . .وآلله عليآ بعصبية : أوووه .. [وتمشي عنهم ] مهره : عليا عليا .. هاي بلاها الخبلة خلتني روحي [بصوت وآطي] ويه هالشيفه أحمد يتنحنح : ويـآج آحمد عبدالله آلـ**** . . شقيق ريم آلسـآبق . . مهره بتعجب : هـــآآآآه . . أحمد : ههههههههه . . مهره (الحمدلله والشكر) : أنته ولد خآلي عبداااااااالله . . أحمد : هيه بشحمه ولحمه لكن بجمآل آكثر وهيبة عآلية مهره بنضرة : وآيد شآيف عمرك . .[ ف خاطرهآ . .حرام هالجمال على هالهبل] . . يلآ فمان الله بسير عند آلبنآتُ. . / \ / عند آلريـــآيل . . بو محمد يآي من بعيد ومتشقق من آلونآسه .. بو مآيد : خير طمنآ على آم محمد . . بو محمد : آلحمدلله نشت . .ويقول آلدكتور رجع وضعهآ طبيعي . . الكل : آلحمدلله .. جآسم نش : تستآهل سلامتهآ . .دام آطمنا عليهآ . .بترخص منكم آلحين بو مآيد : مشكور مآتقصرر . . وعنينآك ويآنآ جآسم : آفآ .. آنتوا شرات اخوآني . . وروح عنهم جآسم وآتصل بـ أإمل .. آنهآ تظهر وهو يآلس يتريآهآ فالسيـآرة . . / \ / عند آلبنــــــــــــآتً ريم : أمول فديتج .. أمل : هـلآآ ريم : صدق مآتستحين على ويهج أمل : آفآ لييش ..شو سويت ريم : مآعطيتيني رقمج أمل بضحكه : زيغتيني آتحريت في شي . . ريم : ههه فديتج . . أمل : 050******* وشوي ويرن فون أإمل .. أمل : هلآ آبوية جآسم : يلآ آبوية ظهري آنآ آتريـآج . . أمل : آن شآ آلله . . آلحين يآية .. / ريم : ويين سآيرة آهىء تمي . . أمل نشت : حبيبتي وآلله .. آبوية برع يتريآني ريم مبوزمه : آوكي مآعليه نشوفج على خير أمل : يلآ بنآت . .مع آلسلآمه . .وسلموا ع مهره وعليآ . . خلود+ريم: يوصل . . ، |( كل آلآمآكن تذكرني فيك . .وكل آلجهَآت ترجعني لك . .وين مآرحت آشوفك وآلتقيك . . وكل مره آقول بآجر آقول آحبك )| / محمد: بو سنيده . .دخيلك نش يب لنآ شي نشربه . . رآشد : آن شآ آلله . .[ونش وروح صوب آلكفتيريـآ] . . ، ، آمـآ آمل ف كآنت تمشي وتفكر ف رآشد .. وفجأة . . [قطع حبل آفكآرهـآ صوت رنة آلفون] جآسم : أمول قبل مآتين . .يب ويآج مآي بتلآقين شي مكآن اكيد دكان كفتيريآ آي شي أمل :أوكي آن شآ آلله . . / وسآرت آمل آدورر كفتيريآ آو آي شي فآلمستشفى . . ، ، . .كآن يبين ف عيونهَآ آلوله عليه . .كآنت تتمنى لو تلمحه . . من زمآن مآشآفته ولآ سمعت عنه أي شي . .تمت تهوجس فيه . .وتلتفت يمين يسآر على وعسى تشوفففف خيآله . . لين وقفت عند آلكفتيريـَآ .. ومآنتبهت لأإأي حد جدَآمهَآ . . أمل : وينك يآرآشد . .بس لو آشوفك وآريح قلبي آلمسكين . . [بصوت عآلي ] . .وينننك رآشد أووف ويننْك . . ، هنيَ كَآن وآَحد وآقف جدَآمهآَ . . هزه فجأة . .صوت غآلي على قلبه .. وكن آلصوت . . قآل رآشد . .ف هآلثآنية . .دآر ف خيآل رآشد مليون شي . .تمنى لو يلف ويشوف ... رآشد بآبتسآمه عريضة : آنـآ هني أمل . .هني أمل منصدمه : رآششششششششد رآشد بحنآن ونضرة تشع حب : بذمتج أمل . .مآكنتي تقصديني أمل نزلت رآسهآ : هـَآ .. لآـآ .. لإإإ رآشد يقرب خطوة من أمل : بذمتتـج يآ أمل .. أمل لفت ع صوب وحآولت تجمع كللللل جرأتهآ : هيه أنت . .[لفت وطآلعت راشد] أنت يآرآشد رآشد : آنـآ منوه قدي آليووومُ .. منوه قدي وآنآ وآقف جدآمج وآشوف بعيونجَ كلآآم صووبي . .منوه قدي وَآنتي تفكرين فية . . أمل. . وآلله آحبج . . آحبج وحبج مآرحم حآلي . .24 سآعه آفكر بج . .ولآ آعرف كيف آوصللج . .آحس آني آعرفج من زمآن . . آحسج دوآ وضمد جروحي آلي آتعبتني . . آنتي شي ..شي مآقدر آوصفه . .آحبج . .آحبج . .لآتعذبيني بصدج . .لآتكآبرين ، سمعيني يآهآ ولو مرة . .خليني آحس ولو مرة بآنه في حد يحبني . . ومستعد يضحي عشآني . . عطيني آلـإمل ف حبج . . عشآن آكسبج يآ أمل . .! أمل : مب لآزم تسمعهآ . . آقرآهآ من عيوني رآشد بآبتسآمه : بقراها اليوم من عيونج [يأشر لها بصبعه] بس هآ . .بيي يوم وبسمعهآ من شفايفج |{ آليوم َآنـآ طآير وفوق وآعلى من آلسحآب .. نآقص آمسك يدينك وآخذك معي لـ بع ع ع ع ـيد . .لعآلم َآنـآ وآنت فيه لحآلنـآ آحبآب .. }| | |
| ||
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| London and Stockholm Subway Map - مترو مدينتي لندن و ستوكهولم | محروم.كوم | منتدى أخبار المواقع والمنتديات العربية والأجنبية | 0 | 03-05-2010 06:50 AM |
| London eye ..!* | الحـــــب | عدسة الاعضاء , كاميرا الاعضاء | 18 | 04-01-2009 04:06 PM |
| لنـــدن London ..~ْ* | طـبـعـيـﮯ شيـوــخـيـﮯ | سفر وسياحة | 32 | 09-14-2008 03:06 PM |
| لنـــدن London ..~ْ* | طـبـعـيـﮯ شيـوــخـيـﮯ | سفر وسياحة | 13 | 09-10-2008 08:20 PM |
| لنـــدن London ..~ْ* | ●~мя-язσôσв }~ | المواضيع المكرره | 10 | 07-21-2008 04:22 AM |
الساعة الآن 03:35 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227