العضو الغثيث

محروم.كوم · #1 12-20-2011, 01:40 AM

بسم الله الرحمن الرحيم
السلام عليكم ورحمة الله وبركاته
أليكم أحبتي هذه السالفة التى حدثت لأحد أقاربي
يقول وعمر السامعيين واللي يقرون يطول
ذيك السنة على بداية الجوالات كنا مجموعة شباب وكل ليلة نتقابل بمكان هذا يطردنا وهذا يهوشنا وهذا يشتكينا
يقول ...قررنا نتقاط ونستأجر أستراحة بدل هالشحططة:burnout2:
المهم لقينا ذيك الإستراحة المناسبة ..15*15 متر..غرفة وأعزكم الله دورة مياه ومطيبخ وغرفة حارس
يقول بالصراحة أرتحنا....دارت الأيام ...ويم نشب لنا ذاك اللصقة....كل يوم محضر....لامنطق ولا خفة نفس ويحضر دايم وإيده فاضية...ويتحكم بالقنوات هذاى مايبيه وهذى ماتجوز له....بإختصار دبل كبودنا
يقول....قررنا إذا جاء مانفتح له...وفعلا تم تطبيق الخطة ...وجاك صاحبنا الغثيث على العادة وإلى الباب مسكر...طق...طق..طق...كسر الباب ماأحد فتح
يقول قريبي...عقب ماتيقنا أنه راح ...قلت أبروح أجيب للربع عشا...وقبل ماأفتح الباب...يقول قلت خلني أويق من تحته أبي أتأكد أن الغثيث راح ...ويوم وقت وإلى عيني بعينه....أبوالشباب قاعد يراقب الإستراحة من تحت الباب

يقول مار أفتح الباب وأقول له أثره أنت أدخل بسرعة...فيه واحد مذينا ونفكر إنه أنت
قال ياأخي مالكم حق تكسرت إيدي من الطق:good:
يقول قلنا له علشان نتجنب اللي صار نبيك المرة الجاية إذا جيت طق الباب بهالطريقة...نغمة معينة....طق ططق طق ...طق ططق طق...علشان نعرف أنه أنت ونفتح لك على طول:good2:
ويم صار من بكرا وجاك صاحبنا على العادة
طق ططق طق....طق ططق طق...طق ططق طق...طق ططق طق....بالأخير فهمها و لا عاد عود
القصة واقعية دون زيادة أو نقصان
آمل أن تحوز على رضاكم,ىسف على الإطالة
__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
نرجوا من الاعضاء اللي يريدون ان يكتبوا في السوالف العبية يدخلون	محروم.كوم	منتدى أخبار المواقع والمنتديات العربية والأجنبية	0	12-04-2011 03:20 PM
أصفار الانتخابات: الاستراتيجية الغبية في تحويل الغالبية إلى أقلية 1-2	محروم.كوم	منتدى أخبار المواقع والمنتديات العربية والأجنبية	0	10-06-2011 12:00 AM
للإدارة الغبية وصبيانها الصغار من مراقبين ومشرفين حثالة وخبثاء قذرين	محروم.كوم	منتدى أخبار المواقع والمنتديات العربية والأجنبية	0	08-29-2010 10:10 AM
\|- نغمة - الدجاجة الغبية -\|	محروم.كوم	منتدى أخبار المواقع والمنتديات العربية والأجنبية	0	12-23-2009 05:20 PM
هواتف سامسونغ ودعاياتها الغبية !!	محروم.كوم	منتدى أخبار المواقع والمنتديات العربية والأجنبية	0	09-02-2009 12:30 PM