عباتي الحلوة..

رًوَحًيَ بًدَوًيهَ · #1 04-10-2009, 05:09 PM

بسم الله الرحمن الرحيم

إذا ضاقت بك الدنيا فلا تقل

يارب عندي هم كبير .... ولكن قل
يا هم لي رب كبيــــــــــر

اللهم صل وسلم وبارك على سيدنا محمد وعلى آله وأصحابه أجمعين

كما وصلني

بسم الله الرحمن الرحيم

اللهم صلي على محمد وال محمد وعجل فرجهم..

في يوم من الأيام قابلت زميلتي (س . ع) وهي ترتدي عباءة سوداء من القماش الثقيل وفضفاضه

تفاجئت في الوهلة الأولى لأني لم اعهد زميلتي من قبل بهذا الأحترام..

فقد كانت تلبس العباءة المخصرة المطرزه التي توحي للناظر بأنها فستان..

وكانت تكشف وجهها مع اضافة بعض مساحيق التجميل الخفيفه بحيث تبدو طبيعيه

بعد حديث مطول بيني وبينها سألتني: مبين عليج انج مستغربة من عباتي لأن مو بالعاده اللبس كذا !!

اجبتها : بصراحه ايه بس ماحبيت اسألج

ابتسمت في وجهي قائله: الحمدلله الي هداني الى طريق الصح

والله يوفق ويصلح اللي كان السبب

- أي سبب؟؟؟؟

اسمعي السالفة: في يوم كنت رايحه مع صديقتي السوق وكنت لابسه عباية ملونه ومطرزة وشك من فوق لتحت والفه ( الغشوة) شفافه وتلمع وكنت كاشفة الوجه وحاطه لي كريم اساس وكحله وماسكره وروج وردي ناعم واني اتمشى بالمجمع لاحظت ان شاب قاعد يراقبني بنظراته ...وبعدين

- تطور صار يلاحقني ،، طبعاً ماهتمينا فيه لأن احنا في مجمع ومايقدر يلمس شعره مني

- ايه وبعدين وش صاااااار!!!!!

بعد ماوصلنا مكان شبه معزول بس كان فيه ناس وقفني وقال لي: حرام عليج اللي تسويه فيني .تبغيني ارتكب الحرام غصب

اني انصدمت من كلامه وقلت له: وش تقصد؟؟

قال: انتي مو شايفه شكلج مو شايفه عبايتج مو شايفه مشيتج... والله حرام عليكم تلفتون انتباهنا وتخلونا نرتكب الحرام

بعدين رفع ايده للسما وقال: يارب ضاعف لها العذاب ضعفين مثل ماعذبتني وعذبت غيري

وبعدها رجعت البيت واني افكر في كلامه ... طول عمري اتزين واتمكيج .. بس كنت اتوقع اني بحمل سيئات نفسي مو سيئات كل شخص الفت انتباهه..

يعني اذا لفت انتباه 100 شاب بكره يوم القيامه ربي بحاسبني عليهم اكثر مما بحاسبني على نفسي

وقعدت ابكي وابكي وابكي واستغفر ربي على جهلي وقررت اني اللتزم بعباية محترمه واغطي وجهي عسى الله ان يغفر لي ذنوبي

صديقاتي واخواتي لا تبالغي في زينة عبائتك فحتى لو كانت في نظرك عباءة خفيفة الألوان وزخرفة والتطريز لكن لاتضمنين نظرة الشباب اليك...

منقول..^^.. __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أمطار وسيول (الحلوة) بحوطة بني تميم . مخايل الحلوة	محروم.كوم	منتدى أخبار المواقع والمنتديات العربية والأجنبية	0	05-10-2010 12:50 AM
»[ ممكن تعلقوون عباتي عندكم؟!؟! ^^ ]« ™	~♥ مفلوعهـ بقرطاسهـ ♥~	تراحيب وتهاني	14	02-22-2010 05:05 PM
صممي عباتج.. أو فستـانج بهالكرستالات العجيبهـ كرستالات سوارفسكي	محروم.كوم	منتدى أخبار المواقع والمنتديات العربية والأجنبية	0	09-10-2009 03:50 AM
ممكن ترحيب والا بلبس عباتي وبظهر	همسة حبـــ	تراحيب وتهاني	29	05-05-2009 06:06 PM
?? بترحبون فيني ولا البس عباتي واظهر من المنتدى ..؟؟	ღ بنت العيم ღ	تراحيب وتهاني	19	01-29-2008 10:50 AM