| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
| |
|
#1
12-16-2011, 08:30 AM
| |||
| |||
 Happy Birthday 2 you Happy Birthday 2 you Happy Birthday Happy Birthdays Happy Birthday 2 you الكـل صفقهـا وهيه هب مصدقه اللي يستوي حمـدان : السجينه وين ,, عادي اقصهـا وياج فطـوم : اكيـد عادي ,, يت المصـوره عدال حمـدان و فطـوم وصورتهم يوم قصـو الكيكه و عقب فجو الليـات و البنات يالسين ينفخون فـ ها مال الحفـله الصوايه مادري شو اسمها لووول و محمد و بو حمـدان ينقعـون هالي شرات الشلق ,, بس اللي يطلع منه اوراق ,, ينقعونه عند حمـدان و فطـوم حمـدان مسك فطـوم من خصرها و قربها صوبه : كل عـام وانتي الحب فطـوم مستحيـه امرررره و هب مصدقه اللي يستوي : وانته بخيـر يا حب ام حمـد : فديييتج كل عام وانتي بخير و عسى العمر كله و تحبها وسارو الكـل يسلمون عليها و صدق كانو مستانسيـن وخـاصه فطـوم و حمـدان ,, وعقب ام حمـدان بدت تقصص الكيكه و حمـدان و فطوم يضاربون فطـوم : خـالوووووه عطيني صوره حمـدان حمـدان : انا ابا صورت فطـوووم بليييز اميه ام حمـدان : حشرتونيه ,, انزين حمـدان و فطوم يشوفون بعض و يضحكون ,, وعقب ام حمـدان عطت كل واحد قطعه صغيـره لانه مايتسوي تقص من النص كل واحد يبا صورة الثانيه لوول ,, و جان ايلسون عدال بعض و ياكلون بعـض و الرحمه تصورهـم ,, و يوم خلصـو ام حمـدان : يـلا ياحلوين خلو الحبايب ايلسون بروحهم حمـدان : هيه يلا مانبا ازعـااااج برع يلا بررع الكـل : هههههههههههههه وعقب طلعو برع الكـل و الفرقه سـارت الصوب الثاني عشـان الحريـم و كانو صدق مرتبشين محمد ايوول وايبس ويا يده و عمه و بو مريم ,, و البنـات يرقصـون جـدام الحريـم اما عند الحبـايب كان فطـوم واقفه ما يلست من طلعو ,, حمـدان يلس ع الكرسي جان ادق الباب الحـرمه عشـان اتصـور حمـدان و فطـوم ,, يالله يا حمـدان كل مايسوي حـركه فطـوم تستوي طـماط من الخـاطر ,, فطـوم قافطه : لا لا حمـدان شوه عيب جـدام الحـرمه ,, حمـدان : عشـااان خاطري فطـوم محمـره : اففف انزين ,, لول الحبيب كان جدامها محطي ايده ع ظهـرها و مقرب ويهه صوب ويه فطـوم وهم الثنين حايسين راسهم لوول و مسكرين عينهم شويه .. الحرمـه : ياسـلام صوره رومانسيه وايد فطـوم ميـوده عمرها .. جان اتصـور الحرمه كمن صوره من قريب و بعيد حمـدان : بتخبـرج خلي هالصوره طويييله .. و الصغـار حولهـا الحـرمه : ان شاء الله ,, حمـدان : وخلي من كل صور اللي صورتيهم ,, صوره حق برواز .. الحرمـه : على عيني .. و يوم خلصـو تصويـر تـمت فطوم واقفه و حمـدان يالس ,, حمـدان : تعالي فديتج فطـوم سارت بتيلس عداله بس ماخلااها : عيل وين ؟ حمـدان : فحظنيـه فطـوم : يلا جب حمـدان : يلا عاد فطـامي فطـوم يالله يالله يلست فحظـنه جان تمر ريدلها ع الكرسي و اساندت ع المكـان اللي يحطون كوعهم فيه حمـدان : تعبـانه ؟ فطـوم : هيه متكسـره حمـدان : شو رايج فاليوم ؟ فطـوم : والله خبـال ,, فرحت من الخـاطر حمـدان قررب عدال ويها : انا اللي خططت ودبرت فطـوم : ههههه فديت روحك والله حمـدان : فديـتج بسـألج سوال جاوبيني بصراحه فطـوم : آمر فديتك حمـدان : انتي صدق كنتي ناويه توافقيـن ولا حد اصّـر عليـج فطـوم : حيـاتي انا ماحد يمشيني ع كيفه ,, وكيـف ما اوافـق وانته تدري اني احبـك حمـدان : فديتج والله ,, عقب باسها ,, حمـدان : طلبـــتج لاترديني فطـوم : تـــــم السـاع حمـدان : عطيني بوسه فطـوم قفطت : هاا حمـدان : بووووووسه ,, جان يقرب ويهه فطـوم مترده فـ خاطرها اعطي لا ما اعطي لا لا بعطي : امممموااااح حمـدان تعذب : يـاويل حالي انا ,, بعـد الله يخليج فطـوم مسـكت ويهه و باسته وطولت عاد ,, و جـان يدش حمود ويخرب عليهم من شاف المنظر تم يضحك فطـوم : امممممممممممممممموااااااااااااح انتبهت انه محمد موجود حمـدان يسوي عمره مودخ : وايه انا فدييت ..... عذاب والله عــذاب فطـوم عرفت شو قصـده : هههههههههههههه حمـدان شاف محمد .. : يا الخايس اطلع بررررع انا نسيت اقفل الباب ,, برع يلا محمد : تـاايم فنش حمـدان : فخشـمك يا الخمـااام ,, برع يلا ,, محمد : مابا ,, حمـدان : احلف انك قد هالرمسه ماعليه بتشـوف ,, محمد : ههههههه ,, انزين بنشوف ,, جان يطلـع حمـدان : سيري ييبي عبـاتـج فطـوم : ليش ؟ حمـدان : بشرد وياج فطـوم : لا بيعصبـون حمـدان : خلاص فديتـج انا الحين ريلج و انتي ف ذمتيه بس ابا اقهر محمد شويه ,, فطـوم : هههه انزين ثواني ,, كـــــــــــــــــت __DEFINE_LIKE_SHARE__
 مدونتي ] ..~ آه من قلبٍ غدى حبه جنوني ] ..~  |
|
12-16-2011, 08:32 AM
| رقم المشاركة : [ 2 ] | |
| مشرفة  | البـااارت 24 .. سـارت فطوم و قالت حق البشـكاره تيبلها عباتها و شيلتهـا و لبستهم وحمـدان يودها من ايدها و طلعـها من الباب اللي ورا ,, و هم شرات الحراميه و فطـوم هب داله المكـان ,, اول مره تي ,, المهم تمو يمشـون لين ما وصلو صوب سيـاته ,, و عقب فطوم ركبت و حمـدان ركب ,, و اتصل ع جسوم وقاله يفـج البـاب وعقب حرك السيـاره و طلع صـوت تخميـس لووول و الكـل استغرب منو ها !! و شافو سيـارة حمـدان ,, بو حمـدان : خيبـه خطفـها !! محمد : يلعـن شكله سواها خـالد : شو سوا .. محمد : ههههههه " وقاله السالفه " الكـل : هههههههههههه بو حمـد : يا ريـال خلـهم ,, ياما سوينا اخس من جيه مريوم : ههههه حيهم الشباب >> تقصـد بو حمـد الكـل : ههههههههههههههههه فـ السيـاره .. عنـد القلبيـن ,, كانت خايفه فطـوم صدق ,, لانه حمـدان خلاص ريلهـا يسوي اللي بيسوييه عـادي ,, طول الوكـت ساكته و منزله راسها و حمـدان كل دقيقه يشوفها و يبتسم ابتسـامه مـاكره و فطوم حاسه انه بيسوي شي ,, جـان يطلع موبايله و يغلقه .. وبعدين حمـدان حط ايده ع ريل فطوم من فوق هيه عاد اتيبست تغار وايد : حمـدااااااااان خوز ايدك اغاااااااار >> تصـارخ حمـدان ناقع من الضحك : هههههههههههههههههههههههههه ,, الله يعينج عيل ,, ماعليه بدربج من الحين عشان ماابتلش فيج يوم العرس فطـوم قفطـت وتناقز وهيه يالسه بس عشان يخوز ايده وهيه تخوز هوه يردها لوول : الله يخليـك حمـدان خووووز حمـدان : مااااابـااا فطـوم : اييييييييييييه حمـدان : بـــــي >> B فطـوم : هههه حلوه ,, حمـدان حبيبي انته .. خوز ايدك حمـدان : من عيوني خلاص ,, فطـوم : ابا بـاسكن بليز حمـدان : تامرين امر فديتـج ,, وعقب مر بـاسكن روبنز و نزل و سـار خـدا كرتيـن كبـار انا احيد الكرتيـن بـ 20 ,, مادري جان الحين غيـروه المهم طلب ,,Pralines 'n + Strawberry .. ويا موز و سوس فوقه Strawberry + Nuts وعقـب سـار بسرعه صوبها ودخل السيـاره وعطاها و هيه اتشوف الجيس تشوفه واحد ! استغربت فطـوم : بـل حمـدان وايد عود .. جيه واحد ؟ انته ماتبا ؟ حمـدان : احـم ,, باكل وياج ماخذ عود من جيه فطـوم : هيييه انزين ,, بنسير البيـت حمـدان : جب يلا ماشي ,, بنسير صوب البحـر فطـوم : غناتيه بس مابننزل حمـدان : منو قال ,, فطـوم : انا قـال ,, حمـدانوه فستاني بيخيس !! حمـدان : عادي ,, بوديـه الدراي كليـن فطـوم : حمـدانوه حمـدان : يلا جب فطـوم : انزين و النعـال ريليه بتنـكسـر حمـدان : انـدوج هالنعـال ,, >> حمـدان كان عنده نعـال احتيـاطي فـ السيـاره ,, جان يخلي فطـوم تلبسه فطـوم : وايد كبيـر حمـدان : عيل سيري البسي كعبج هاا فطـوم : ها لا لا مابا بتكـسر ,, __DEFINE_LIKE_SHARE__ | |
| ||
| |
|
12-16-2011, 08:33 AM
| رقم المشاركة : [ 3 ] | |
| مشرفة | عـند بيت بوحمـدان ,, الكـل فيه دوده يبـون يعرفون وين فطـوم و حمـدان ,, طبعـا بو حمد و ام حمـد و ام خـالد كانو وخـالد ردو دارهم ,, و حـتى بو مريم و ام مريم ردو بيتهم ,, اما فـ البيت ,, الكـل كان فـ الصـاله اللي فوق و حمود 24 يترحطم متى بعرس متى بعرس ,, بو حمـدان : يابوي فكـنا من الصدعه الكـل : هههههههه محمد : يا عمي تعبـاان ,, حستو فيني بو حمـدان : ماعليه كمن شـهر و بتاخذها سـاره قافطه و النبـات و ام حمـدان يضحـكون عليهم ,, مريوم : ياربي هاييل ماردو ياحيج يا فطـووم محمـد : مستخفيـن مايستحـون طاعو السـاعه كم !! 1ونص بو حمـدان : حليلك يا حمـدان متعذب اكيـد سـاره : حليلهم والله ,, الله يسعـدهم الكـل : آآآآآآآمييييين بو حمـدان : انا بسير ارقـد يلا ام حمـدان محمد يمسك ام حمـدان : لا خلـها اباها بو حمـدان يدزه و يضحك عليه : ههههههه يلا منـااك بتبرد غيضك ع حرمتيه فديتها والله ,, تعالي ويايه الغـرفه سـاره : هاااااااااااااا وهيه تغمز لـ ام حمـدان محمد : هاا شو بتسوون عيب عليكم الكـل : هههههههه ام حمـدان تمسك ايد ريلهـا : سوالف كبـار ههههه ,, تصبـحون ع خيـر البنـات + محمد : وانتو من اهله وعقـب تمو يشوفون التيلفزيون و يتحرطمون ع فطوم و حمـدان و سارو رقـدو ,, صوب الحبـايب ,, سـار صوب راس الاخضـر و كـاان الجـو خبـااال ,, و يوم و صـلو حمـدان سـار فـج باب فـطوم و مسكـ ايدها و نزلها و سـارو صوب البحـر ,, وكـانت مستحيـه موت ,, كـان محـطي اديه عند خصـرها و يمشيها ,, و البـاسكن فايد فطـوم ,, ويلسـو صوب الرمـل و البحـر كان قريب من عدالهم صوب الشـير ,, حمـدان كان يالسه و فطـوم مسانه عليه و تاكل الاسكريم وهوه بعد ياكل ,, فطـوم يوم خذت بالخاشوقه خذت قطعه كبيـره بس جيه كلت نصها جان حمـدان ياخذ الخاشوقه و ياكل البـاجي حمـدان : عســل فطـوم مستحيـه : هالمـره الثانيه و هيه حاطه راسها صدره وتشوفه ورافعه راسها حمـدان تـم يشوفها 5 دقايق بنظـرات حـب وهيه نفس الشي : الله لايحرمنـي من هالعيـون فطـوم : ولا يحـرمني منك غنـاتي حمـدان يا بـاس راسها و يوم خلصـو الاسكريم سـار عـقا الجيس فالزبـاله ,, حمـدان : فديتج بيب شي من السيـاره تريي اهنيـه فطـوم زاغته و تمسك ريوله : لا دخيلك خذني وياك بموت ظـلااام حمـدان : فديتج في نور والله مابتاخر بركـض فطـوم : بسرعه انزين __DEFINE_LIKE_SHARE__ | |
| ||
| |
|
12-16-2011, 08:33 AM
| رقم المشاركة : [ 4 ] | |
| مشرفة | سـار حمـدان ركيـض صوب السيـاره خدا جيس متـوسـط " هديـه " و سـار صوب فطـوم ,, وخلا الجيـس ورا ,, جان ايلس و فطـوم اسـاندت عليه حمـدان : تاخرت ؟ فطـوم بدلـع : لااا حمـدان : جابليني و غمـضي عينج فطـوم : انزين ,, جابلت حمـدان و غمضت عيـنها و حمـدان فج الجيـس و طلعت الهديـه اللي هيه سـاعه بكبـرها الـماس نعـوميه وايد ,, فج البوكس و خلااه صوب ويه فطـوم حمـدان : فجي عينج فطـوم اندهشـت : الاااااااااااااه حلـوه حمـدان : بس احلى يوم بتـكون ع ايدج .. شل السـاعه و لبسها فطـوم : فديـتج والله الحين احلـى فطـوم بدون ماتحـس : فديـتك حمـداااااني مشـكووور ,, ومسـكت ويهه و بـاسته من الخـااطر ,, حمـدان : ياربيه كـم بعيـش انا ,, فطـوم وخت راسها وهيه مستحيـه ,, حمـدان قـام و يود ايد فطـوم : قومي فطـوم : وين ؟؟ حمـدان : صـوب الحصـا عند البحـر فطـوم : هااا لا لا اخاااف حمـدان : بمسـكج يـلا فديـتج ,, قـامت فطـوم و رفعـت عبـاتها و و فسـتانها و سـارت ويـا حمـدان صوب الحصـا هوه يساعدها عشان تركب ,, وخايفـه موت ,, تخـاف اطيـح و هيه كل دقيقه اتصـارخ ,, و عقب سـارو عند آآآخر حصـاه ,, يلـس حمـدان و يـلس فطـوم فحظنه و هيه مستحيـه من الخـاطر ,, حمـدان : مرتـاحه ويايه فطـوم : هيه فديـتك حمـدان : فديتج والله فطـوم بدلع و بصوت اليهـال و امبـوزه : تب انا.. انا .. انا زلعـانه عليــك حمـدان بشوف البـوز : ياويلي ع البوووز انا ,, ليشـ غناتي ؟ فطـوم : وين هديتيه ؟؟ حمـدان : هههههه فديتــج والله ,, شفتي غرفتج ؟ فطـوم : لا ماخلوني ادشها المكيف خربان و عن عبدالرحمن يخربها حمـدان : يوم بنسيـر البيـت بتعرفين كل شي فطـوم وهيه تفـكر : همممممممممم اوكيه حمـدان : يلا فديـتج بنـسير قصـر الامارات فطـوم : ليـش ؟ حمـدان : بنتعـشـاا فطـوم : طـاع السـاعه كم 2 حمـدان : ان شاء الله لو 5 يلا قـومي وعقـب قـوم فطـوم و مسكـها عشان ما اطيـح و سـارو مكـانهم خذا جيس الهديه و سـارو عقب " قصـر الامارات" يوم وصـلو ,, كان الجـو ولا اروع ,, دخلـو قصر الامارات ,, و تمـو يمشـون و يدورون مطعـم راقي و حلـو ,, كشـخه والله ياليتني بـدال فطـوم لوول ,, وعقـب اختـارو مكـان مسـكر و يا الريـال و فطـوم كانت متغشـيه ,, حمـدان : اختـاري انتي فديتج انا باخذ شراتج فطـوم وهيه مستحيـه : هممم ماعرف والله ,, انته اختـار حمـدان : ابغـي اكل من ذوقج غنـاتيه فطوم مستحيه : خلاص خلي اييب هـا ,, وعقب حمـدان رمسه و يوم روح ماصدق سيده يلس عـدال فطـوم و يتلصـق فيها و هيه ذايبه و ويها مستوي طماط وساكته و حمـدان يضحك عليها __DEFINE_LIKE_SHARE__ | |
| ||
| |
|
12-16-2011, 08:34 AM
| رقم المشاركة : [ 5 ] | |
| مشرفة | حمـدان : هههههههه ,, بلاااج جيه ,, احيـدج قبل خريش ومادري شو فطـوم : هممممم فديتنيه مؤدبه الحين انا حمـدان قرب صوب خدها و باسها : احبـج فطـوم طبعا لا تعليق و حمـرت زيـاده و لا قالت شي ,, وعقـب ربع سـاعه وصـل الاكـل و حمـدان ياكل فطوم و هيه تـاكله كان الجـو صدق Romance .. وحمـداان كان مرتـاح لانه تحقق حلـمه وخـلاص فطـوم صارت ملكـه ,, و يوم خـلصو طلعـو بـرع .. يلسـو مره ثـانيه ع البـحر و كانت السـاعه 3:30. كان الجـو شويه بـارد ,, كانت فطـوم واقفه و حمـدان وراها لاوي عليـها .. فطـوم : حمـدااني حمـدان : لبيـه غناتي فطـوم : لبيـة حـايه يا روحي ,, بتحـب وحـده ثـانيه ؟ حمـدان يا جدامها و مسك ويهـا : حيـاتي لو شو ما استوا ما احب عقبج مستحيـل ,, انتي الاولـى و الاخيـره ,, انتي حيـاتي كلها ,, روحـي اذا غبـتي بمـ... فطـوم حطت ايدها ع شفايفه عشان مايكمل و بحنـان : لااتقـوول ,, عسـا عمـرك طويل حمـدان : حبيبي فطـوم : عيـوني حمـدان شـّل شله من كل قلبه : انتي وانا ماهمنا غدر للازمان ترى الوفا اللي داخلك من طباعي اذا زعلتي لو رضا كل زعلان ماحس قلبي بالرضا فيه داعي مدام عينك راضيه هان ماكان لو تزعل الدنيا لها مابراعي يا صابره والصبر للناس ميزان لي خان صبري ثبتيلي شراعي يا اعز واغلى ماخلق ربي انسان لو غط جفني خافقي فيك واعي لاجلك ذراعي صارعت كل ثعبان واقطع عصبها لو تقصر ذراعي ياخوض بحر يرسل الموج طوفان لاجلك تزايد في المحيط اندفاعي ولا سكنت بلجت البحر شطآن يعجبني اوفي في مسارك صراعي وانتي معي يبقى الزمان كله احسان للعز يدعيني من الوقت داعي وان غاب زولك يا عسى مابشر بان القى زمان يلقى وجود الضياعي وانتي معي مابشتكي غدر الازمان الصبر طبعك والوفا من طباعي حمـدان قـبل لايخـلص الشّله .. فطـوم كانت تشـوفه بحـنان وحـب ودمعـت عينها و يوم خلص لوت عليـه بالقو فطـوم وهيه لاويه عليه و الدموع فعينها : حبيبي دخيـلك لاتخلني ولا ثـانيه ,, و تلوي عليه بالقو حمـدان مصـدوم ليش فطـوم اتصيح : حيـاتي ليش اتصيحين ,, فذمتيـه ما ابتعد عنج غناتي مستحيـل فطـوم وهيه تهدي عمـرها وهوه يمسـح دموعهـا : احبـك حمـدان : امـوت فيج فطـوم : حبيبي شوف السـاعه 4وربـع ,, خلنا نرد البيـت حمـدان : ان شاءالله ,, بس اهم شي استانستي ؟ فطـوم : فذمتيـه انها احلى ليله حمـدان باس راسها و شلاهـا شرات اليهـال وهيه قافطه ,, فطـوم : ايه عيب جدام الناس حمـدان : هههه محد ,, __DEFINE_LIKE_SHARE__ | |
| ||
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| آه من قلبٍ غدى حبه جنوني / | admnt.7obk | قصص و روايات | 40 | 12-17-2011 12:11 AM |
| قلبَ ، قصيدَ ، و وردَ . . . . منْ خمسَ سنينْ : / | Aljohara | عدسة الاعضاء , كاميرا الاعضاء | 13 | 05-10-2010 12:22 PM |
| !¦[•..آآه من قلب (ن) غدا حبه جنوني..•]¦! | الودااع | استراحة قصص وابداعات الاعضاء | 33 | 02-09-2010 02:01 AM |
| شرح قلتش الطيران في كود 4 cod4 fly online - UFO MODE | محروم.كوم | منتدى أخبار المواقع والمنتديات العربية والأجنبية | 0 | 08-01-2009 10:30 AM |
| - - { مآ ينجبر قلبٍ / / على قلب . . ! | { كلي دفآشة ..~* | تصاميم الاعضاء | 86 | 02-21-2008 06:56 PM |
الساعة الآن 03:02 PM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227