| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
| |
|
#1
12-16-2011, 09:08 AM
| |||
| |||
 وبعديـن ,, حطت راسهـا ع ريل حمـدان .. هوه تم يشوفهـا وليـن ما رقـدت .. جـاان يخلي فطوم وسـار رقـد ع الكرسي الطويل اللي فغرفتهـا .. كان وايد بعيد من فطـوم ,, ومـر الليـل بسـرعه ,, و و ع صـلاة الفـير ام حمـدان نشت و و عت ريلهـا و عيـالها و البنـات .. و قامو صـلو و عقب ردو رقـدو الا ام حمـدان و بو حمـدان .. و مر الوكت بسرعه و استوت سـاعه 7 و سـار بو حمـدان رمس AL Body Guards عبـدالله و حمـيد .. يسيرون عند قوم بو حمـد عشـان ايون بوظبي .. و عقب سـارو .. امـا عنـد بو حمـد .. كانـو ام حمـد .. و ام خـالد .. يجهـزون الاغراض و يحططونهم بـرع و بو حمـد بعد يساعدهم .. و يوم خلصـو ,, يلسـو برع يتريـون AL Body Guards وعقـب سـاعه و نص وصلو AL Body Guards وحطـو الاغراض و ركـبو السيـاره و راحو صوب دار الظبـي .. وعقـب سـاعه و نـص و صـلو بيت بو حمـدان .. وكـانو ام حمـدان و بو حمـدان واقفين يستقبلونهـم ,, و سلـمو عليـهم و عقب دشو داخل و الخدم ودو اغراضهم ف غرفتهم ,, تحـت .. ام حمـدان : فديتـك عميـه ,, محمد بيملج يوم الخميـس بو حمـد : والله !! منـوه ؟ ام حمـدان : سـارونه فديتهـا ام خـالد : مبـرووووك والله يستاهلـون و تزغرط هيه و ام حمـد .. بو حمـدان : اذاني من كثر مايحـن بو حمـد : تستاهل لاتنسـى عمـرك بو حمـدان : يالله ايـااام حلـوه والله ,, ام خـالد : ههههه ,, و شخبـار فطـوم و حمـدان .. عسـاهم مرتاحيـن ؟ بو حمـدان : فديتهم والله ,, سمن ع عسل ام حمـد : ليش وين عيـل هم ,, و البـاجين ؟ ام حمـدان : كلهم راقديـن ,, بو حمـد : بسير اشوف فطـوم بوعيـها .. الكـل : ههههههه .. سير بس شوي شوي عليهـا .. جـان يسير فوق و سال البشكـاره وين غرفة فطـوم .. و عقب دلته جان يدق البـاب كمن مره بس ماحد رد .. بو حمـد : فطـييييم .. فطيـيييم فجي البـااب .. حمـدان بقهر : اففف منو هالمتفيج اللي يدق من صبـاح الله !! جان يقـوم و يسيـر الحمـام و يتغسل و خلص و سار يفج البـاب .. من فج البـاب و شاف يده فج عيونه حمـدان فخاطره : ياويل حـاليه بهزبني الحيـن ,, : هـلا والله بالطش و الررش بو حمـد شهق : عنتلااااااااتك يا الهـــرم !!! شو اتسوي اهنيـه و بعد رااقد !! جان يرفع الخيزرانه حمـدان : يا ابوي شوفيـك خل هاي تحت ماله داعي ترفعـها .. مافيها شي انا ريلهـا عـااادي بو حمـد : ماتروم تتريا لين العرس حمـدان : لا ماروم بو حمـد : يا المهروم شو سويتبهـا !! حمـدان : ههههه لايروح بـالك لبعيـد ماسويت شي اففف والله كنت راقد ع الكرسي بعيد عنها بعــد .. شحالك انته شخبـارك ؟ بو حمـد : بخير و سهـاله قوم خلني اوعيـها .. وجـان يدخل و يشوفهـا وهيه راقده ,, يلس عـدالها .. بو حمـد : فطـامي اميه قومي نشي فطـوم تفج عينـها : هـاااا .. فجتها عدل : يديـييه .. فديتك والله جان تلوي عليـه بو حمـد : هلا فديتج .. يلا فديتج قومي تغسلي و انزلي تحت ,, فطـوم : ان شاء الله ,, وعقـب سـار و وعـا محمد و سـاره و خلا سـاره توعي البنـات و كل نش و يوم خلصـو جان ينزلـون تحت .. بو حمـد : محمد شو يسوي ولدك راقد عنـد فطـوم !! بو حمـدان : مستخفيـن !! فطـوم قففففطت من الخـاطر تمت تحج راسهـا وهم يشوفونهـا وفاجين عيـونهم : هاا ما ما مما ا ماسوينـا ماسوينـا شي بلاكم !! و ثـانيـا هوه كان راقد ع الكرســـي !! عميــه لاتنـسا عمـرك انزيين.. لاتخليني اقـووول بو حمـدان : منـوه علمج ؟ فطـوم : يمدحون حرمتـك هاهاهاه الكـل : هههههههههههههه فطـوم فلعته بالتكيـه : الله يغربلك كله منـك !! حمـدان : عـادي انا ريـلج يا روحي .. محمد : انا شو بيصبرني لين يوم الخميــس .. بو حمـد : هههههههه وايد مستعيـل .. الله يعينج سـاروه بيحن عليج متى العرس بعديـن حمـدان : هيييه صــح .. نحنا متى بنعرس !! فطـوم : احلف انته بس !! حمـدان : هيه والله متـى ؟؟ فطـوم : ماعرف بو حمـدان : سوو عرس جـماعي احلـى .. بنفتك منكم سـاره + فطـوم وهم متشققـات : والله !!!! حمـدان + محمد فاجيـن عيونهم .. الكـل : هههههههههههههه ام حمـدان : والله صدق ونـاسه !! سـاره تشوف فطـوم : شو رايج موافقه ؟ فطـوم : هيييييييه مريوم + عليـا : يالله عقب نحنـا بنشل قشارنـا و بننفد بيت ابونـا بو حمـدان : فديتكم والله ,, ماتسيرون مكـااان تقرون مكانكم لين ما حد يخطبكم وعقب كيفكم عليـا : عميــه بس عـاد شو هالرمسه بـعدنا صغـاار الكـل : ههههههههههههههه __DEFINE_LIKE_SHARE__
 مدونتي ] ..~ آه من قلبٍ غدى حبه جنوني ] ..~  |
|
12-16-2011, 09:09 AM
| رقم المشاركة : [ 2 ] | |
| مشرفة  | وعقـب تمـو يسولفوون و ضحك و البنـات يرمسون ام حمـدان عسب الملجه و ام حمـدان خلت الحرمه اللي قبل يتهم تيهم هالخميـس .. وحجـزو فـ الصـالوون يسون حنـا .. اول شي يسوون اوكسجيـن عشـان يخوز الحنـا ,, وطبعـا هم ماقصرو كل دقيقه فالحمام يعججون ايدهم عشـااان يخوز الحنـا ,, ايدهم مستويه حمــرا عسب التعجيج لوول .. و مرت الايـام و مريوم و عليـا ما يرقـدون عـدل .. عشـان ماشـافو قلبهم .. من يوم ما سـارو المـول .. وكل وحده تتشكـى لثـانيه .. و محمد و سـاره عايشيـن احلى عيشه .. و محمد يتريـا يوم الخميـس ايي بسـرعه وامـا عند حمـدان و فطـوم مرتـاحييين مع بعض لا مشــاكل و لا ويعـت راس .. و قوم بو حمـد .. مساتنسيـن فـ بيت بو حمـدان .. ومـررت الايـام بسـرعه .. و يوم الاربعـاء .. سـاعه 5 سـارو البنـات + ام حمـدان + ام مريـم الصـالون .. سوو اكسجيـن البنـات و هم يحاتون عمـارهم بيخوز الحنـا ولا لا .. والحمـدالله خاز و عقب تحنـو ,, وعقب خذو معصارين حنـا حق اليدات يسوون روايب لوول ردو البيـت و مر الوكت شرات المـاي و تحنن اليداات .. و يو العمـال يحـطون لمـبات المـلجه .. و الخـدم رتـبو البيـت من الخـاطر .. يلامـع من الشده لوول .. اليـوم : الخميـس .. 13/7 .. سـاعه 12 الظهـر .. غرفة مريوم + عليـا .. ويـنه تراني حيـل مشتـاق .. مشتـاق خلي نـور الاوطـان حبه سطـا في وسط الاعمـاق .. يجـري بدمي وكـل شريـان عليـا كانت عند فطـوم و سـاره .. و اما مريوم كانت ع الفراش تشوف سقـف الغرفه و سرحـانه فخاطرها تقول : وينك ما وحشتك وجيت على بالك ما ذكرتني وتمنيت قربي يكون .. ما سألت عن حالتي حالك ما عرفت اني متيم بك ومفتون .. مريوم : آآآآآآه يا عـزووز .. ومحدن خذا قلبي مثل ماأخذته .. ويـنك لك وحشـه !! و عقـب هالتفكيـر كله دشت عليـا وشافتهـا و عرفت شو السـالفه عليـا : بلاها العاشقه مريوم : متعذبه ههه عليـا : ههه فديتج والله ,, شراتج بس شو تبينـا نسوي .. ماعليه اليوم اكيـد بييون مريوم : الله يسمع منــج .. شحـال نفسيـه سـاروه ؟ عليـا : ههههه تتحرطـم عليـنا .. خايفه و خايفه .. جنهـا بتعرس سيده مريوم : حليــلها .. و يوم أذن سـارو يصـلوون .. و يوم خلصـو . . سـارو يتغـدوون .. و بو حمـدان + بو مريـم و الشبـاب طلعـو وياهم .. و العصـر سـاعه 4 .. يوو الحريـم مال المكيـاج و الشعـر .. سـارو البنـات يابو فساتينهم عسب يشوفون اللـون وحتى الحريـم .. اول شي سوو حق ام حمـدان و ام مريـم ,, و يووم خلصـو .. سوو حق مريوم و عليـا .. و بعديـن فطـووم .. و بعديـن العروس سوولهـا مكيـاج عروس بس هب وايد دفش هـادي شرات فستانهـا .. و عقب حرمه سووت التسـاريح حق الحريم و البنـات ,, بس مريوم و عليـا .. سوو كيرلي .. وطالعيـن كيـووت من الخـاطر .. و فطـوم سوت تسريحه ويا سـاره .. و ع السـاعه 6 ونص ,, يالسيـن الكـل فـ غرفة ام حمـدان .. سـاره : امايه خايفه مريوم : حق شووو !! بالعكـس وناسه ام مريوم : هههه مستخفـه ام حمـدان : ماعليه الغـلا لاتخافيين مابيـاكلج هوه ام حمـد : فديـتج لاتخافييين .. و توكلـي ع الله .. سـاره : اخااف يقولي برقد وياج ويستخـف مابااااا .. فطـوم : ياربيه لو سوا جيه بيكـون قـلاااااد .. ههههه ماعليه انا بقـوووله .. ام خـالد : ههههه شو يرقد ويـاج .. مستخـف ها بعـد .. عليـا كانت توايج من الدريشه : مريوووووم .. مريووووم تعـالي بسـرعه .. مريوم تركض : ها ها شووه !! عليـا بصوت خفيف : عمـوور مريوم بشوق : ويـن عزووز ؟؟ عليـا : ماشفته مريوم تغصصت .. جان ترد مكـانها واتم سرحـانه ,, وعقب ربع سـاعه .. ام حمـدان : يـلا سيري لبـسو ,, و تكشـخو ,, وتعـالولي عقب بدخنكـم .. يلا فديتكم ( ترمس ام حمـد و ام خـالد ) سيرو تلبسـو ماباجي شي .. البنـات : ان شاء الله .. وعقـب كل واحد سـار غرفته .. لبسو فساتينهم و لبسـو ذهب و تعطرو و لبسـو نعـالهم و سارو صوب ام حمـدان عشان تدخنهم و تحطلهم دهـن عـود .. وعقب دقـايق جـان تي رفيـعه ,, يت ويا عزوز .. وعقب ودتهـا البشكـاره فوق و سلمو ع بعض امـااا تحـت .. مشغليـن الاغـااني و ربشــه من الخـااطر و يووله و رزفه و حالهم رقييييييييص الصراحه .. وع سـاعه 7وربع يـا المطوع و يوم خلصـو .. حمـدان سـار ودا الدفتـر حق ام حمـدان .. و كانو فـ الغرفه دق البـاب و ام حمـد خذت الدفتـر و عطت سـاره .. فطـوم : يـلااا وقعي سـاره : هـاا .. " تمت تستهبل " انتي وقعي .. فطـوم : كيف بعد آآخذ اخويه ,, عندي ريل انا .. يـلاا مريوم : ههههه يلا عـاد عن المنـكر ام حمـد : يلا فديتج حمـدان اكوه يتحرطـم .. سـاره غمضت عينها : بسم الله .. جان توقع فطـوم بصوت عـالي كلولولوليييش .. الف الصـلاااة و السـلاااام عليــك يا حبييييب الله محمد البنـات الـ 3 + اليدات : كلولولولوللييييييييش ام خـالد : بالمبـااارك فديتج سـاره مستحيـه : الله يبارك فيج :$ مريوم + عليـا : فديتج والله مبروك غنـاتي .. سـاره : الله يبـارك فيكم .. و عقبـالكم مريوم + عليـا صوت خفيف : آآمين رفيعـه : فديتج سـارونه و الله كبـرتي و صرتي حرمه ,, مبروك فديتج سـاره : الله يبـارك فيج خـالوه .. و عقبـال عيـاالج رفيـعه : آآآمين فديتج و تشوف مريوم و عليـا .. وهم يضحكـون ,, وعقب سلمـو ع سـاره و سارت ام خـالد و دت الدفتر و نزل حمـدان و محمد ما صدق ههههه خبله خبله مستوي محمد : ياويل حالي خـلاااااااص ارتـااااح قلبي فديتها ياربيييه بسيرلهـا جان ايي بو حمـد يضربه بـ العصـا : عنتلاتك وين سـاير !! محمد : افا والله .. افا والله .. الحين العريس تضربه ,, ماهقيتها منك يا ابويه الكـل : هههههههههههه عزوز : محد قـالك .. محمد : انته صخ صخ الله يخليـك .. يلا عميـه .. ابا اشوفهـا بو حمـدان : مابتشوفها الا بـاجر محمد : تخسـوون والله .. لاتخلوي اطب عليـها و هيه ماتدري عمـر : ههههههه بيـاكلونك اللي موجودين هنـاكي حمـدان : أأأ عزووز تعـال شويـه .. جان يسير ع صوب و عزوز ياه عـزوز : هلا آمر .. حمـدان : تحيد يوم ارمسـك عن مريوم .. قلتلها انك هب زعلان و السـالفه كلهـا هههه اشوفهـا احمـرت جان اقولها بلاج جان تقولي: يـاخي والله احبـه دزتني و دخلت داخل هههههه .. قلتلها والله بخبره جان تقولي لا يا حمـار عـزوز فاج عيونه : احـــلف حمـدان : ههههههه هييه والله عـزوز : فديتهـا وانا امـوووت فييييييييييهااااا حمـدان : انزين انزين عن تموت علينـا ههههه __DEFINE_LIKE_SHARE__ | |
| ||
| |
|
12-16-2011, 09:09 AM
| رقم المشاركة : [ 3 ] | |
| مشرفة | فـوووق ,,
فطـوم : يـلا انزلي .. سـاره محمـره : ايه شو انـزل مابا هب الحيـن .. عليـا : ياويل عليـج ,, بيذوب محمد بـ هالفستـان اللي لابستنـه سـاره : كلـه من خالوه رفيعـه .. استحي والله يشوفني جيه وايد امفصخ الفستـااان رفيعـه : ماعليه هههههه حلاته الكـل : ههههههههههههه .. فطـوم : اندوج الباقه .. سـاره : كـان فستـانهـا .. قطعتيـن ,, بيبي بلـو و بيـج ,, كـت كله فولك و شجج بالخرز باللون البيج و خفيف سماوي ,, وفي حزاميـن ضغيف ازرق واحد ياي جيه عالخصر و نازل و الثاني معتدل تحته .. و عقـب جيه يايه القطعة البيج فوق و البيبي بلو تحـت يعني ينعرف انه قطعتين .. و ع جهة اليمين ياي مرتفه ,, من ورا طويــل ,, و من جـدام ياي مايل صوب اليسار طويل و صوب اليمين قصيـر .. و مكـياجهـا كـااان عذاب .. ازرق و بيـج و مدخله شويه ذهبي وكـااانت رووعه ,, و نعـالها بيـج بو ربطـه " بس هب حبـل ,, ايي قمـاش " مريـوم : كـان فستـانها بيـج و عليـه برتقـالي .. ومن تحت فيه بني محروق .. و كـت و في شي نـازل ع الايد في ريـالات بالذهبي ,, ومخصـر .. طااالعه مـوووت حلـوه ,, .. و من فوق لي تحت كله شغـل .. و لابسه ذهب ذهـبي ع الفستـان .. و مكياجهـا كان اول شي في برتقـالي و بيج و عـداله بني محروق و راسمين عيـنها و عند بدايت العيـون محطين ابيض مفروش ,, و بعد عند نهايـة العيـون .. طالعه عذاب .. عليـا : كـان فستـانهـا فضـي ياي ع لمـعه .. كـت .. و ياي محـدد ع الجـسم .. وعند الركبـه فـ النص في خلقه بـ الشيفـوون بـ الون البيـج الفـاتح المغبـر ياي ع رصـاصي .. وياي منفـوش .. من تحت .. وكـان مكيـاجها اسود + رمـادي و ع بيج مغبـر .. و ابيض .. و راسميـن عينهـا .. فطـوم : ههه استخفـت هالمره .. فستـانهـا بيـج و فـوشي .. كله شـغل الفسـتان محـدد ع الجـسم .. و في تـور بـ الذهبي ع البيـج .. 3 قطع هم ,, اول شي فوشي و عقب البيـج و عقب التور الذهبي ع البيـج و ياي مدرج .. القطعه الفوشيه اطول شي و البيـج شويه قصيـره و التور اقصر شويه .. طويـل من ورا .. و من جدام ياي ع ينـب مفـتوح قصير لين الركبه .. " ميمعـات ويايه ع ينب " و نعـال فوشي في ربطـات .. و مكيـاجها كان شرات مريوم بس فوشي و بيـج .. طالعه حلـوووه وينك ياحمـدان لول .. و ام مريوم و ام حمـدان و رفيعه فاكيـن عمـارهم وماخذيـن فساتيـن نفس الشي بس هب شرات البنـات خفاف .. و اليدات مخـوره لوول ,, وعقب دقـايق جان ينزلـون البنـات و يا سـاره وهيه ماسكه البـاقه ... وكـااانت مستحيـه مـوت .. تمـو قوم مريوم و عليـا فـ الصاله و جان يدخلـون فطـوم و سـاره و ام حمـدان و ام مريـوم .. داخل .. و جان تتصل فطـوم حق حمـدان انهم ايـوون .. سيده عـاد محمد ما صدق دخـل اول واحد ,, واويـلاااااه لووول من شـافهـا بغـا يمـوت ماكان متوقع تلبس جيه .. تخبـل تخبــــل هههههه حليله مسكيـن حـاله سيده سـار صوبها ويه موخيـه راسهـا .. حمـود بحـنان : ياويلي عليـج ,, شو هالفستـاان العذاااااااب ,, مبـروك غناتي سـاره وهيه تشـوفه : الله يبـارك فيـك حيـاتي حمـود : آآخ كم بعيـش .. من متـى وانا اتريـا هاليـووووم ,, احبــج مـوووت والله بـاسها ع خدها لوول من الخـاطر ,, سـاره : ربيـه لايحرمنـي منـك حمـودي وعقب كل واحـد يا يسلم عليـهم و المصـوره اتصـور ,, فطـوم : يا حبـاايب ألبي .. مبـروك فديتكم سـاره + حمـود : الله يبـارك فحيـاتج .. حمـدان : مبروك فديتكم .. سـاره + حمـود : الله يبـارك فيـك .. حمـدان يشوف فطـوم من فوق لي تحت جان يتقرب منهـا : شو هالزيــن شو هالزيــن ,, جيه مالبستي جيه فـ الملجه فطـوم قافطه : جب لااه و تكفخه حمـدان : والله انـج حلـوه .. فستـاانج خبـااااااال .. جيه سوي حق العرس و اخس فطـوم : ههههه ماشي شغـل بو حمـد : سـاروه شو هالفستـان اللي لابستنه سـاره : اوووه يدييه هب انا مختارتنه خالـو رفيعه ,, الكـل : ههههههههههه بو مريـوم طلع و سـار صوب الصـاله .. بو مريـوم : فديتـكم خذو السويـج وايبولي موبايلي .. مريوم : من عيـونـا .. سـارت عليـا ترمس البشكـاره عشان تيبلهم عباتهم و شيلتـهم ويوم وصلت .. لبسو تغشـو ,, طلعـو برع .. و عقب سـارو صوب السيـاره ,, و يوم يابو الفـون توها بتسـكر السيـاره ,, عزوز تقرب صوب مريوم ,, و عليـوه سـارت بس شافهـا عمـور ,, تحيـه طيـبه و بعـد التحيه احـي قلبك القـاطع و صـاله .. مضـت ايـام بك و امضت عليـا سهر و دموع و همـوم و عباله .. عنـد عـزوز و مريـوم ,, عـزوز : شحـالج .. بشوق سيده صدت صوبه وفخـاطرها تتفدااااااه .. مريـوم : انته وينك كل هالمـده ,, لا سلام و لاخبـر ولا حس ولا شـي .. هب حرام عليـك تعذب قلـب ميـت فيـك >> بدون ماتحس قالت جيه ,, __DEFINE_LIKE_SHARE__ | |
| ||
| |
|
12-16-2011, 09:13 AM
| رقم المشاركة : [ 4 ] | |
| مشرفة | البــارت الـ 30 تحيـه طيـبه و بعـد التحيه احـي قلبك القـاطع و صـاله .. مضـت ايـام بك و امضت عليـا سهر و دموع و همـوم و عباله .. عنـد عـزوز و مريـوم ,, عـزوز : شحـالج .. بشوق سيده صدت صوبه وفخـاطرها تتفدااااااه .. مريـوم : انته وينك كل هالمـده ,, لا سلام و لاخبـر ولا حس ولا شـي .. هب حرام عليـك تعذب قلـب ميـت فيـك >> بدون ماتحس قالت جيه ,, حس فيـها و استـاانس .. بس انقهـر ليش متغشيـه بس كان يبنـان ملامح ويهـا وايد ليتـاات ,, عـزوز : اسمحيلي فديتج والله كنت شويه مشغـول مريـوم : وينك ما وحشتك وجيت على بالك ما ذكرتني وتمنيت قربي يكون .. عـزوز : الله يشهـد عليـه ,, اني ولهـان عليـج مـوت ,, مريـوم : ليش ما تسـأل !! عـزوز : فديتج والله انشغـلت ,, مريومه .. مريـوم : لبيــه عـزوز : لباااج قـلـبي .. جـان يرن موبايله .. ربيعه متصله قال بيلعـوزهـا .. عـزوز : هلا والله فديتك .. بخير وسهاله من سمعت صوتك .. وانته شحالك ياروحي .. هـاا .. هيه انا معـزوم بدقلك فليل اوكيه لاترقد يلا فديتك .. فداعة الله .. مريـوم فاجه عيـونهـا .. خذت بعمـرها و روحت .. عـاد هوه فخاطره يضحك .. جان يمسكهـا من ايدهـا .. عـزوز : تعـالي وين سـايره ؟؟ مريـوم عيونهـا بدت تحمـر " شويه و بتصيـح " ماشافته صاده الصوب الثـاني .. عـزوز : شوفيج ؟ مريـوم : ماشي بروح خل ربيعك ينفعـك عـزوز : ههههه ,, شوه تغـارين ؟؟ مريـوم : لو ما اغـار جان ما حـاتيتك =( .. عـزوز : فديتج والله .. والله ربيعـي تبين تتأكديـن ,, تريي شويه .. جان يتصل و خلا السماعه فذنهـا ومن قال الـوه ربيعه سكر فـ ويهه .. قويه صح لول .. عـزوز : هـاا .. عشـان خاطر عيـون الغـزال بنـدت فويهه .. مريـوم : ههههههههه .. انزين شو كنت بتقـول ؟ عـزوز : امممممم .. اقول ولا ؟ مريـوم بشـوق : هييه هيييه .. عـزوز : اوييه شوفي هنـاكي .. عاد هيه شافت .. تقرب من اذنهـا : احبـج مـوت مريـوم تيبست : هـاا شفت ماشالله .. ههههههههههه عـزوز : فديته حمـدااان قالي شي عنـج مـريوم فجت عيونهـا : اشـوووه !! عـزوز : يوم دزيتيه و دشيتي داخل الغرفه مـريوم : الله يغربله وصدت الصوب الثاني عـزوز : هههههه .. عادي عـادي يا روحي مـريوم : ............. عنـد عليـوه و عمـور .. توها كانت بتركب الدري .. عمـر : علايـه عليـا : عيـونهـا .. جان تلف عمـر: فديـت عيونهـا بس ما اشوفهـم و غمزلهـا .. شحـالج ؟ عليـا : ههههههه .. جان تنزل الغشوه و بس لحفت صوب ويها و خلت عيونها .. قـبل كنت تعبـانه .. بس من شفتك والله استويت بخيـر .. عمـر: فديت هالعيـون والله ,, عـلايه عليـا : لبيـه .. عمـر: لبيـتي حـايه .. ولهت عليـج مـوت فذمتيـه عليـا احمـرت : مي تـو ,, عمـر: ارفعـي الفسـتـاان عن اتطيحيين .. عليـا : هههه ماعليـك .. عمـر: خطيـره حلـو فستـانج عليـا : احـم .. عيـونك الاحـلـى عمـر: فديت عيـونج والله عليـا ارتبـكت : هييه انزين .. بسير انـا .. صوت عـالي : مريـووووم بسج طوفي خلينـا ندخل مريـوم : هههههه .. يايه .. يلا انا بروح .. عـزوز : ماتبيـن شي ؟ مريـوم : لا الغـالي سـلامت روحك .. طمنـا عليـك مره ثانيه عـزوز : من عيوني يا الغـلا .. مريـوم : فداعة الله .. جـان تسير صوب عليـوه و مسكـو ايد بعض و ركبـو الدري وهم مستانسـاااات ,, و سـارو صوب ابوهـم و عطوه المـوبايل .. جان يدشـون داخل .. يسلمون ع سـاره و محمد .. و عقب يـابو الطقـم و لبسهـا محمد و هيه مستحيـه هههه حليلهـا .. بعديـن يابـو الكيـكه ام 3 طوابق .. جان حمـود و سـاره يقصون الكيكه و المصـوره تصـور ,, وكـانو صدق صدق فرحـانين .. جان اي و يبوسهـا ع خدها ,, ام حمـد : ياويلي ع حـالك يا حمـود .. شكلك متعذب .. ام خـالد : ههههه فـ فاده منزمان يسوي جيه .. حمـدان يشوف فطـوم جان ايي صوبهـا يصاصرها : غرت الصـراحه .. لييت هاكي اليـوم يرد فطـوم : هههه بعدين بعديــن .. الكـل : ههههههههههههههه وعقـب اتصـورو ويا محمد و سـاره ,, وبعديـن الكـل سـار الصـاله .. وخلـو محمد و سـاره فـ الميـلس .. حمـود : اسـمع صوت دقـاات قـلب .. سـاره : ههههههه حمـود : هههه فديت هالضحـكه انا .. عسـاها مديـمه سـاره : ويـاك فديـتك .. حمـود : سـارونه والله احبـج موت .. هب مصدق انج خلااص ملــكي .. سـاره : انا بخليـك تصـدق .. هههه مادري كيف تجرئة و بـاستها حمـود تيبـس مكـانه .. سـاره : صدقت ؟ حمـود : شو سويتي انتــي .. ياويل حـاااالييه .. واخيراً واخيييراً سـاره : ههههههه حمـود : فديتـ روحج انـا .. جان يسير يبـوسهـا بـ القووو سـاره : بس عـاااد حمـود : احبـج والله احبـج سـاره : وانا بعـد حمـود : شوه وانتي بعـد ؟؟ سـاره : احبـك .. وامـوت فيك حمـود : ياربيـه فديتج .. الله يخليـج لييي سـاره : ويـاك حبيبي .. __DEFINE_LIKE_SHARE__ | |
| ||
| |
|
12-16-2011, 09:13 AM
| رقم المشاركة : [ 5 ] | |
| مشرفة | فـ الصـاله .. سـارت فطـوم فوق عشـان تيب عباتها مفتوحه بس كلها فصم .. و شيلتهـا عشـان يتعشـون برع .. وحمـدان سيده لحقـها .. دشت الحجره و سارت صوب عبيهـا جان يدخل و يسـك البـاب .. فطـوم : منـووه ؟؟ .. لبست عبـاتهـا شافت حمـدان .. : هلا فديتك حمـدان : ياربيـه فطـوم حسي متـى العرس ؟ فطـوم : ههههه لا حول ,, شوفيييك ؟؟ اليوم مالجين قوم حمـود ,, ترا بنسوي عرس جماعي حمـدان : مالي خـص .. شهـر 9 فطـوم : لا حراام عليـك .. حمـدان : دخيلج فطـامي .. فطـوم سكتت تمت تفـكر : خلاص ماعليه بنشوف قوم سـاره .. حمـدان : فديتج والله .. يلا ننزل .. جـان ينزلون .. و تغشت فطـوم و يسيرون برع البيـت .. و يلست فطـوم بين مريوم و عليـوه .. يالسيـن يتعشون ,, و الاولاد ايولون .. مريوم : ماخبـررتج ,, آآخ يا قلـبي ارتـااح يا فطـوم .. ارتـاااح .. فطـوم : ههههه .. شو استوا .. مريوم : قالتها سالفة عزوز فطـوم : حلفــي !! مريوم : آآه يا فطـوم .. فذمتيه اني احبــه موت .. ولا مره وحده تشوفه و تزعـج : ياويل حالي شوفيييييييه طاعت غترته شعررره خبـاااااااااال .. ام مريـوم : ايييه انتي .. وين يالسه .. ام حمـدان : نواري خليـها البنيه متعذبه رفيعـه : هههه فمنـوه ؟؟ ام حمـدان : اوييه فـضحت البنيه حرام .. رفيـعه : لا لا عادي قولي .. ترا بعـد عيـالي روحهم متعذبيـن .. اخبـرج نواري .. ام مريـوم : هلا فديتج .. رفيـعه : الريـم و علايه مخطوبـااات ام مريـوم : لا فديتهم .. رفيعـه : عيـل حبينـا اناسبـكم ام حمـدان : كوكوكووكولييييييش .. و تشوف مريوم " هم فـ طاوله والبنـات فـ طاوله " ام خـالد : ويه فديتهم والله .. ماشالله عليـهم غاويـااات .. يستـاهلونهم والله .. ام مريـوم : هههههههه .. والله هالسـاعه المبـركه .. رفيعـه : هههه اليوم عبدالعزيز يقول .. الله يخليـج والله ابا مريوم .. تخبلت فيها !! ام مريـوم : ههههه فديته والله .. ام حمـدان : نواري فديتج .. عبدالعزيز و عمـر .. ريايل و النعـم فيـهم .... ماشالله عليـهم ام مريـوم : اعرف .. فديتهم والله .. ماعليه برمس عـلي .. رفيعـه : خيـر ان شاء الله .. ام حمـد : لا ماظنتــي علـي مايوافق .. ان شاء الله يكـونون من نصيبهم .. رفيـعه + ام حمـدان : آآمييين صوب البنـات فطـوم بصوت عـالي : حمـدااااان .. حمـدان : عيـووووني .. فطـوم : ابا ايـووول مريوم : حتـى انـااا .. عليـا : ويـااكم عـزوز + عمـر : هههههههههههه ,, هايل شو عرفهم حمـدان : مستخفـات يعرفن .. تعـالن .. سيده مـاصدقـو البنـات .. قـامو .. و فطـوم سارت تيـبس ويا يدهـا و عمهـا بو مريـوم بعيد عن عزوز و عمـور .. مريوم بدلـع : عبـدالعزيز .. عطنـييي سـلاحك .. عـزوز : اندوج .. عليـا : وانـا .. عمـر : يفدااااج .. خذيه .. سـارو ايـولون ويا ابوهم .. و صدق كـانو ربشه من الخـاطر .. فطـوم تشوف البنـات انهـم يستعدون عشـان يفرون " اولااااد ولاجنه لابسين فساتين و كعب ,, بس ما اقول غير الله يسـتر " حمـدان : تخسيــن لاتتخبليـن جان يتقرب صوبهـا و يصاصرها .. احشمـي عزوز و عمـور اهنيه فطـوم : هممم انزين .. انا مابفـر هزبوني .. يلاا مريوم وعليـوه فرو .. عليـوه ما فرت .. مريوم يوم فرت كان عزوز وراها بمسـافه شويه بعيـده .. الحبيبه ردت ريوس جان تتخرطف بالفستـان و طاحت ع عزوز .. مريوم فخاطرها : الله يغربل هالمواقف البايخه ياربيه وين اودي ويهييييه .. مريوم تحـاول تقـووم بس ماتروم .. بو مريـوم : اونج عـاد .. قومي قومي نشي فشلتيـنا .. مريوم : باباتي انزين انـا ثـو اثوي .. عليـا تقول حق فطـوم : هههههه مسكيـن حال عزوز تعذب اكيـد فطـوم : ههههه جب الله يغربلـج .. جـان يسيرون الريايل يتعشـون .. بس تمو الاولاد .. مريـوم : عورتك ؟ عزوز : هـاا .. لا لا بالعكـس .. أأأ قصدي لا ماعورتيني ولا شي .. انتي تعورتي ؟ مريـوم : هـاا لا ماشي .. ماتعورت عزوز : الحمـدالله .. وعقـب سـارو الاولاد يتعشـون .. و ليـين ما روحـو الكـل .. و ودعـوا بعض الحبـايب على امـل ان يشوفون بعض مره ثانيه و حال سـاره و حمـود .. ماتنوصـف .. كل دقيقه يلعـوزها وهيه طفرت .. و يـوم خلصـو .. كل واحد سـار غرفتـه يرتـاح .. سـاروه سيده رقدت كانت صدق تعبـانه .. اما فطـوم كانت تسبـح .. و مريوم و عليـوه .. يضاربون ع الحمـام كل وحده تبا تسبح قبل .. جان مريوم تنتصر لوول ,, اتسبـحت و خلصت جان تدخل عليـوه و تسبحت و يوم خلصـت تمت تسولف ويا مريوم .. عن عزوز و عمـر ,, مريوم : بتخبـرج .. بـلاها اليوم خـالوه تزغـرط ؟؟ عليـا : اميـييه تصدقيـن تميت افكـر ,, شعرفني فيـها .. مريوم : تخيلي اللي بالي بـالج عليـا : ياويلي فشله !! مريوم : ههههههههه .. __DEFINE_LIKE_SHARE__ | |
| ||
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| آه من قلبٍ غدى حبه جنوني / | admnt.7obk | قصص و روايات | 40 | 12-17-2011 12:11 AM |
| قلبَ ، قصيدَ ، و وردَ . . . . منْ خمسَ سنينْ : / | Aljohara | عدسة الاعضاء , كاميرا الاعضاء | 13 | 05-10-2010 12:22 PM |
| !¦[•..آآه من قلب (ن) غدا حبه جنوني..•]¦! | الودااع | استراحة قصص وابداعات الاعضاء | 33 | 02-09-2010 02:01 AM |
| شرح قلتش الطيران في كود 4 cod4 fly online - UFO MODE | محروم.كوم | منتدى أخبار المواقع والمنتديات العربية والأجنبية | 0 | 08-01-2009 10:30 AM |
| - - { مآ ينجبر قلبٍ / / على قلب . . ! | { كلي دفآشة ..~* | تصاميم الاعضاء | 86 | 02-21-2008 06:56 PM |
الساعة الآن 08:07 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227