! .. Equalization love = معأآدلة الحب .. ] - الصفحة 85

{ كلي دفآشة ..~* · #1 06-20-2008, 07:24 PM

]ـآإلبآإرط ـآإلـ / 55 . . ]

وصل حامد ودق هرن لعليا عسب تطلع.. سمعت عليا وقامت وخاوتها ابتسام لين عند الباب.. وقبل لاتظهر..!
ابتسام:والله فشله >.<
عليا:ماعليج انا الحين بيلس انغزه 77..وباجر في المدرسه بخبرج في آخر التطورات
ابتسام: لادخيييلج كفااايه فضااايح >.<
عليا:هههههههههههههههه ياالله تصبحين على خير 77
ابتسام:وانتي من اهله
ركبت عليا السياره.. تحركت السياره وفي نص الطريج.. يلست عليو تشوي حركات وتنغز من تحت لي تحت 77..
عليا:بعض الناس مطرشين رساله 77 وحركااات وسوااالف 77
حامد فهم المقصود 77 ولا رد بس اكتفى بابتسامه <-- عدااال 77
عليا:كح كح نحن هنــا 77
حامد صفت السياره ع جنب 77..وعليا خافت (لايكون ناوي يصفعني ) حامد تم سااكت شوي... وبعدين صد صوب عليا وقال ..!
حامد:..... عليا..!
عليا(مستغربه):هلا
حامد:احبهــاا
عليا مصدومــه @_@..اسم الله على اخوي استخف >.<
حامد:هيه احبها لاتيلسن اطالعين جي ..!
عليا:مش مش خلنا نوصل البيت قبل لاتقول شي اكبر واخطر
حامد:ههههههههههههههههه اكبر عن جي ماقدر...استحي
عليا:هيهيههي لاوالله.. بسرعه اشوف تحرك خلنا نوصل البيت >.<... وموقفنا بنص الطريج مسوي عمره روميو 77
حامد:انتي مال صرااحه انتي... انتي حدج اطراقااات
وفي اليوم الثاني ..في المدرسه الصبح 77..صوب العلمي (مها ومي وابتسام ووداد) يتناقشون يف موضوع باجر اللي هو يوم ملجة مي 77 هع
مها:هييييييييه يامي ياليت انا مكانج >.<
مي:لافديييييتج استريحي مكانج..بروحي مو مصدقه
وداد:خييييبه مب شايفات خير..!
مها:عشتو..!... مومصدقه الاخت ان عندها ريييل .. قامت تخق بعد..!
وداد:هيه بعد شو ع الاقل احسن عن بعض الناس 77
مي:ها شو..؟!.. بتبدون ظرابــه ؟؟
وداد:لا خلاص بنسكت ... بروحهاا بسوم سرحااانه الله يستر في شووو 77...؟
ابتسام:عن اللقااافه 77

مي:ناااس عاشقيين انتي مايخصج فيهم 77
وداد ومها: اهااااا 77
ابتسام:جب ميو جب >.<
مي ووداد ومها:هههههههههههههههههههههههههههه
ووصب الادبي..(ريم وفرح وشما <-- المنرحفه اليديده 77..داقينها ضحك وسوالف وحش وخرط ^^"..وعليا سرحااانه في الكلام اللي قاله لها حامد امس..^^"
ريم:هههههههههههههههه اليوم بعد بنتأخر عن حصة الـ E بنخبل في مس ساميه 77
شما:ههههههههه هيه صح...امس ياا حليلها شوووي ولا تصييح
فرح:ههههههههههه انزين صح ظلم..!..الوحده تلوع جبدها ثلاث حصص انجلش في اليوم >.<
شما:صدقج والله >.<
ريم:ولا هاااااااااي ابلة الرياضيات تتحرى عمرها نكيييته وقسم باالله بايخه خخخ.. محد يضحك على سوالفها غير هبوو >.<
شما:ههههههههههههههههه انا الصراحه ماتعيبني
فرح:حووو مس عليوو 77 نحن هنــا 77
عليا:ادري انتو اهني.. يعني وين بتكونون مثلاً في المريــخ..؟
ريم:خييبه 77 اليوم عليا مالها خلق لحد 77
شمــا:عسى ماشاار 77
عليا(قامت):كل الخير^^"... انا بروح صوب العلمي ابا ابتسام بسااالفه
فرح: لاتروحين الحين بيرن الجرس..!
عليا:لا برووح ماقدر اصبر >.
ريم:اوصلج..؟
عليا:استريحي مكانج
ريم(قفطت):>.< برايج.. دبه >.<
عليا:ياالله باااااااي
ريم وشما وفرح:باااي
راحت عليا..!
ريم:شو عندها عليو..؟!
فرح:هيه والله مش طبيعيه اليوم..!
شمـا:ماعليكم منها بس ترجع من قوم العلمي بنقردنها وبنسحب الاولي والتالي 77
وصوب العلمي ..عليا زقرت ابتسام اللي كانت يالسه مع الشله..جان تروح لها ابتسام ..خذتها عليا بعيد شوووي^^"
ابتسام:شفيييج؟؟.. شو مستوي..؟
عليا:اوووف يا بسووم لو تعرفين شو صااار امس
ابتسام:بسم الله الرحمن الرحيم..زيغتيني..؟!.. شو مستوي..؟
عليا:حااااامد
ابتسام:حامد..؟!... بلاه..؟!
عليا:اناا اقــولج.!
عليا خبرت ابتسام بالسالفه 77..طبعاً ابتسام انذهلت..!
ابتسام:هوو قااال جي..؟!
عليا:هيه..!
ابتسام(استحت 77):اونـــه
عليا:هيه اونه 77
ابتسام:احم احم
عليا:هههههههههههههههههههههه الله يعيطج عقل انا قلت بتموتين 77
ابتسام:اسم الله علي ان شااء الله عدويني
وعالعصر حامد ياسل يتكشخ ويتعطر يدام المرايه 77 وحميد رايح في سابع نومه^^".. جان يروح ييلسه..
حامد:حميد حميد... نش
حميد(بطلعة الروح فتح عيونه):شو..؟!
حامد:انا طالع مع حمد.. مابتي معانا
حميد:وين بتروحون؟؟!
حامد:حمدو يقول خاطره يروح البحر.. الحين بتي ولا شــو..؟!
حميد:شو يطلعني للبحر انا... ماني برايح ..روحو انتو..!
حامد:زيــن عيل اخمد
وظرباه بالمخده وظهر^^"...طلع برع في الصاله ولا يشوف عليو متيلسه مع جواهر..جان تقول له^^"
عليا:حامد لاتنسى عالساعه 9 بتاخذني للصالون
حامد:ان شاء الله
ومها في البيت محتشره عليهم.. اخوها عبود مروح دبي وابوها في الدوام..ومحد عندها يوديها للصالون^^"
مها:يعني والحل..!؟
ام عبدالله:يعني لازم تتحنين..!؟
فاطمه:هيه والله لاااازم؟؟!
مها:جب انتي اوكي...هيه لازم اتحنى ..وبعدين ها عبودو مالت عليه انا قايله حقه لاتظهر مكان يوم الاربعاء بس هو دوم معاند فيني >.<.. الحين من بيوديني هاا..؟!
فاطمه:فارس
مها:أي فارس بعد انتي الثانيه @_@.
ام عبدالله:ولد عمج..ماعندج غيره..!
مها:مينووونه انااا اركب مع فروووس..!
فاطمه:لاتخافين انا بيي معاج
ام عبدالله:ماعندج غير هـ الحل..انا وحده مافيني حيل اروح مكااان..!
مها:عااااد فرووس..؟!>.<
فاطمه:يعني شو مثلاً ندق على ولد الجيران ايي يودينااا..!؟
مها:يااا ليييييت >.<... اهووون عن فرووس >.<
ام عبدالله:هذه اذا لقيتو فاسر فاااضي... انا الحين بدق له وبشوفه..!

CUT

ـآإتريآإ تعليقآإتكم ع ـآإلبآإرط هع __DEFINE_LIKE_SHARE__

{ كلي دفآشة ..~* · 06-22-2008, 01:40 PM

هآإع هآإظ هؤ ـآإلبآإرط ـآإلطؤيل خخ

ـآإلبآإرط ـآإلـ / 56 . . ]

وصوب حامد وحمد عالبحر..الاخ الرومنسي حامد سرحان وحالته لله 77 وحمد عاد يوم شافه سرحان اشتغل بااللقافه<-- ماتيوز يعني^^"
حمد:اوب اوب حامد سرحان ويطالع البحر وعيونه تلمع 77
حامد:خخخ تعابيرك مثل ويهك
حمد:ادري ادري حلوه^^"..زين لاتضيع السالفه ..كشفتك في منو سرحان 77؟
حامد:فيك
حمد:كح كح لهدرجه تحبني^^"
حامد:اووه انت بعدك ماعرفت معزتك عندي يا صديق الطفوله 77
حمد(اونه خجول):انزين ليش سرحان فيني؟؟ 77
حامد:تدري ليش..؟!!
حمد:ليش.؟!
حامد:يالس افكر ..اربيعي حمدو هذه متى بيودر اللقافه عنه..!
حمد:هذي يزاتي ابي اشاركك الافراح والاحزان ..ّ
حامد:خخخخ دخيلك..! أي افرااح واحزان .؟
وفي وسط السوالف والضحك لمح حمد بنت باين عليها انها وافده 77..يالسه بعيد وباين عليها انها تصيح وحالتها لله 77ح
امد:عيونك عيونك عن تاكل البنت 77
حمد:شو مشكلتها هااي..؟!
حامد:وانت حد حطك محامي عليها..خلها برايها 77

حمد:لا يااخي نحن نعين ونعاون
وقام حمد وشكله كان يبي يروح صوب البنت.. جان يمسك ايده حامد..!
حامد:حوو حوو بو الشباااب على ويــن..؟!
حمد:تعااال نشوف البنت شو بلاها..؟.. يمكن البنت تفكر تنتحر ..ترى بعدين بذمتنااا
حامد:ونحن شلنااا..؟
حمد:لنا ونص .. نحن شفنا البنت وشفنا حالتها وماساعدناها
حامد:اقول حمد لايكون فاكر عمرك في المكسك
حمد:عدااال يا بو حرف E 77
اووووبس نغزه بالقوو77...حامد اونه يبا يغير السالفه 77
حامد:زييين فكنا من لغوتك اللي ما منها فايده.. وايلس مكانك
حمد:خلني ارووح اشووف شو فيهاا
حامد:لااا انت اكييد استخفيت..!
حمد:يا ريااال شكلها محتايه حد يساعدها
حامد:لاوالله..وان شاء الله يا الشيخ حمد بتكون انت ابن الحلال اللي بيساعدهااا
حمد:ليش لا.. قلت لك نحن نعين ونعااون..ياالله امش خلنا نرووح
حامد:الله يصبر عقلك عليك
حمد:شوف انا رياح بتي ولا شوو..؟
حامد:لا طبعاً رووح بروحك لانك عورت لي راااسي
حمد:اوك انا برووح وانت خلك سرحاان في البحر 77
حمد تحرك بيرووح..رد مسكاه حامد مره ثانيه..!
حامد:ياااخي انت من صدقك..!
حمد:لاحووول حااامد... شبلاك انت اليوم مستوي ثوور..!
وراح حمد وحامد يالس مكااانه متعجب ويطالعه@_@..وصل حمد للبنت 77 ..والبنت يا حليلها مغطيه عيونها بويها وتصيح..ياحليله حمد..توهق^^"..من وين يبدأ..؟..فجأه بنت صغيره تقترب من هـ البنت وتزقرها باسمها وتقول 77
البنت:نرميييين نرميين ياالله حنروووح
لاحوول اسمهااا نرمين 77..الله المستعاان 77...مسحت البنت دموعها وقامت وراحتبحزنها المجهول77..وحمد واقف مكانه يطالع مثل الاهبل وحامد فمكانه ناقع ضحك على اربيعه..خخخ...رد حمد مشرد التفكير ومشووش هع..!
حامد:هههههههههههههههههههههههههههههه ها شو مشكلتهاا..؟!
حمد:مشكلتها مجهوله ..!
حامد:ههههههههههههههه احلف بس انته..قم خلنا نروح من اهني..انت اليوم مادري بلاك تتصرف تصرفاات ماتخطر عالبااال..!
حمد:الحين عشااان كنت بسااعد بنت مسكينه فقيره ومحتايه من يواسيها ..صارت تصرفااتي ماتخطر عالبال..!
حامد:هههههههههههههههههههههه حتى كلامك ماايخطر عالبااال..امش اشووف يدامي ههههههههههههه
حمد:زييييين لاتضحك ويااا هـ الوييييه
وصوب مها وامها واختها .. ام عبدالله خلصت تلفون مع فارس ..!
ام عبدالله:خلاص فارس راح ياخذج
مها:!!!!!!! اووف ياا امي
ام عبدالله:شوو بعد اووف.. مب انتي تبين تروحين الصالون..؟!
مها:هيه بس مب مع فروس >.<
فاطمه:مهوو عن الدلع77.. انتي تتمصخرين ولا شوو..؟
مها:خلاااص فكوني برووح
وراحت مهو لحجرتها..!
فاطمه:امي شو بلاها بنتج.؟!
ام عبدالله:يا خبله ولا خبله.. وحده من الـ 2
وابتسام تواجهه نفس مشكلة مها..!
ام فيصل:ابوج مش موجود والدريول في اجازه
ابتسام:لاوالله..!.. وانا ان شااء الله من بياخذني للصالون..!
ام فيصل:ماعندي حد
ابتسام:لاحووول..امي دخيلج دبريني ..ضروووري >.<
ام فيصل:هممم ولد عمج منصور
ابتسام:لاااا اموت ولا اركب معااه
ام فيصل:اتصلت فخالج بس طلع مشغول..شوفي اربيعاتج..!
ابتسام:اوكيك
راحت ابتسام ودقت لعليا^^"..
عليا:انزين تعالي معانا 77
ابتسام:من بيوصلج.؟
عليا:ماعندي غيره..حاامد 77
ابتسام:لا عيل في الاحلاااام...بعد اللي قاااله وعرفاااه...مستحيييل ..!
عليا:ههههههههههههههه يااالله زيييين77...بالمره يقولج في ويهج 77
ابتسام:لاوالله..اقولج جلبي ويهج خليني اشووف منحرفه غيرج
عليا:ههههههههههه اوكيك Cu
ابتسام:باااي
دقت بعدين على مها..!
مها:ماشي غير انج اتين معااي..ولد عمي فروس هو اللي بيوصلني
ابتسام:لا استحي >.<
مها:لاتستحين ولا شي ..انا واختي راح نكون معاااج
ابتسام:ولو فشله >.<
مها:بسوم عاد لاتصيرين معقده هــالقد..!
ابتسام:اوك اوك خلاص اترياااكم ..هذه اذا امي واافقت
مها:بتوافق اان شاااء الله
ابتسام:زين عيل بااااي
مها:باااي
ومبايل فطوم تحت سيطرة امون 77..ومسكينه فطوم (حجيه جوليت77) تولهت على ريلها ..جان تغافل امون وتروح لتلفون البيت..وقالت اونه بدق لعاادل 77..يلست تدق الارقام لكن امووون كانت لها بالمرصااد 77
طوووووط
امينه:ها ها حسبالج خلص العقااب
فاطمه:امون حرام عليج >.<
امينه:تحلمين 77
فاطمه:حرام عليج تعذبيني وتعذبين اللي فبطني >.<
امينه:حسبالج جي بتكسرين بخاطري 77؟؟
فاطمه:حراام عليج >.< انا اختج ليش تكسرين بخااطري >.<
امينه:انا احبج >.<.. بس ها عدوول مابسامحه للابد ع اللي سوااه >.<
فاطمه:ماعليج انا لما بشوفه بكفخه وباخذ حقج انتي بس خليني ارمسه ^^"
امينه:هيه خرطي خرطي ..هـ الحركات مش عليه 77
فاطمه:>.<
امينه:^^"
خخخ ونروح صوب مها يالسه تتزهب وفروس يترياها هي واختها في السياره..فطوم وصلت وركبت ورى..وسلمت..!
فاطمه:السلام عليكم
فارس"وعليكم السلااام والرحمه..اشحالج فاطمه..؟
فاطمه:بخير ربي يعااافيك وانت عسااك بخير ..؟
فارس:بخير ويهاله ..عيل وينها الاميره مهااا
فاطمه:هههههههههه الحين بتي ^^"
وصلت مها وركبت..
فارس:الناس يسلمون
مها:ليش انت عطيتني فرصه..!
فارس:انزين انتي بالاول سلمي بعدين داري عباتج مادري شيلتج؟؟!
مها:زين خلاص لازم تسويها سالفه>.<
فاطمه:لاحووول..صدعتوني تراكم..فروس حرك
وعليا تتريا حامد اللي بعده يحوط مع اربيعه حمد..جان اييها حميد..!
حميد:اوه علايه كاشخه
عليا:صار لي ساعه كاشخه والحين بتخوز الكشخه وحظرته الاخ حامد بعده ماشرف
حميد:هيه صح قالي بيروح البحر مع اربيعه
عليا:خلني ادق له
دقت عليا لحامد..ومامدها الا وشاافت حامد دخل البيت..!
عليا:اسفرت وانورت
حميد:واستهلت وامطرت
عليا:وارعدت وابرقت
حميد:بجيتك يا اليشخ حامد^^"
عليا:شرايك..؟^^"
حامد:الله يعطيكم عقل@_@..قومي انتي وراج صالون
عليا:اوه حسبااالي نااسي
حامد:هيه وانا اقدر انسى والله لاتاكليني
وقامت عليا بتسير مع حامد جان يقول حميد..!
حميد:انزين اعزمووو
حامد:انت سييير كمل رقاادك
عليا:وكككككككككككك سكتووه 77
وصوب فاارس ومها وفطوم..في نص الطريج..!
مها:فارس..لوسمحت يعني ممكن تمر على اربيعتي بتي معانا الصالون
فارس:وامنو هذي اربيعتج..ووين بيتهم..؟!
مها:الحين يعني لازم تعرف هي امنو..وبيتهم اهني قريب
فارس:والله حااااااله..راكبه سياارتي وتتحكم ..ولا انتي شرايج فطوم..^^".؟
فاطمه:صدقك نااس ماتنعطى وييييه ^^"
مها دلت فارس البيت ودقت لابتسام فون وظهرت ابتسام وهي متغشيه وركبت ورى عندهن..عاد فروس اونه عدل الغتره وعطر السياره وحركاات 77 ومهوو منغااضه منه 77 خخخ
وعليا وحامد في السياره ..حامد محطي في السياره اغاني ميحد حمد ..!

عليا:اوووف حشرتنا انت ..غير الاغنيه
حامد:لاوالله..الحين ميحد حامد صار حشره!!
عليا:هيه عاد مدري منو ميحد حمد..حط لنا راشد الماجد ولا عبدالمجيد عبدالله ولا عادل محمود..ناس يشرحون القلب مب ها >.<
حامد:ها ها عن الغلط... انزين علايه بسالج..؟
عليا:اسال..!
حامد:احم ..ابتسام بتكون في الصالوون
عليا:هههههههههههههههههههههههههه
حامد:ويااا ويهج^^"..ليش تضحكييين..؟
عليا:ههههههههه ولا شي سلااامتك..هيه طبعاً بتكون في الصالون 77
حامد(مستحي 77):سلمي عليها
عليا:لااا انت انحرفت من الخااطر^^"..كلاا من بسووم ^^"
مهو وقومها وصلو ونزلو من السياره ..بس فارس زقر مها ..راحت له مها وابتسام وفطوم كملو طريجهم ^^"
فارس:مهااا
مها:هلا
فارس(يبا يغايضها):اربيعتج احلى عنج 77
مهو مالقت يدامها غير انها تفتح شنطتها واطلع الكلوز وتفلع فروس 77..وراحت عنه وهو يضحك 77 هع

CUT

=) __DEFINE_LIKE_SHARE__

Roo7 wlhana · 06-20-2008, 07:50 PM

تسلمين ع البااارت

ونتريا اليااااي __DEFINE_LIKE_SHARE__

@روح وعدي وخذ التحدي@ · 06-20-2008, 09:49 PM

يسلموووووووووو __DEFINE_LIKE_SHARE__

قرموشـه · 06-21-2008, 12:07 AM

كملي الباااارت دفشوووه

نرقبج __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ عرض اعلان ] : اضافه اعلانك مجانا لي مده شهر في لدليل عيون الحب http://eyes-love.net/dir	محروم.كوم	منتدى أخبار المواقع والمنتديات العربية والأجنبية	0	10-01-2009 01:00 PM
This is the love هذا هو الحب ..!	محروم.كوم	منتدى أخبار المواقع والمنتديات العربية والأجنبية	0	07-19-2009 06:20 AM
الفرق بين الحب (love) والاستلطاف (like)	وحـداويـ بـرسـتـيـج	المواضيع المكرره	4	08-05-2008 10:46 PM
Love>>الحب	شواقي العين	المواضيع المكرره	3	05-30-2008 01:31 AM