! .. Equalization love = معأآدلة الحب .. ] - الصفحة 51

{ كلي دفآشة ..~* · #1 02-29-2008, 07:12 PM

البأآرت الـ / 38 . . ]

وفي الفسحى.. تيمعن المنحرفات في نص السااحه ويلسن عالارض خخخ
مهوو شلت عصير وداد ... جاان تنشعه منهاا ودادو بسرعه <<يفشلن^^" خخخ
مهاا:يماااه هاا على عصير جي سويتي... عيل الله يستر...
وداد:هيه هيه هاا فبيزات... عبالج فبلاش

عليا:بس بس لاتتضاربن
فرح:يااااااعااالم مــــــــلـــــــل
مي:اشراااايكم نغني77
ابتسام:هيه والله تعاااالو تعالوو بنغني..نغير روتيناا اليومي هع
ريم:واذاا صاادتنااا الوكيله ((غرشة البيبسي ))
علياا:خل تولي زيييين...عطوهااا طاااف هاا العاانس هااي
ريم:واذا نقصتناا من السلوك
عليا:اونج يعني مهتمه في السلوك... خل تنقلع بييب لهاا ابوي
وداد:لا لا ييبي حامد 77
مي:هيه عسب يصير محامي دفاع عناا 77
فرح:هيه والله هذه هو الحل الصحيح 77
ابتسام((قاافطه))"جب جب
ريم:من هذه حامد^^" <<ياا حليلج تووج مبتدأه خخخ
مهاا:اسالي بسووووم 77
ابتسام:جب زييييييييييييييين
عليا:اونهااا بسوووم يعني استحت هههه
المنحرفات:هههههههههههههههههههههههههههههههههههههههه هههه
ابتسام شافت امون من بعيد تمشي رايحه لاربيعاتهاا <<المنحرفات 2 خخخ
فزقرتهاااا....
ابتسام:امووووووووون
عليا:طع طع تغييير الساالفه
المنحرفات يضحكن وبسوم اونهاااا طاااف وتزقر امون خخخ... فسمعتهاا امون ولبت ندائهاا وراحت هع
امينه"هلااااااااااا المنحرفااات شوو هاا اليلسه الغااااويه
وداد:هلا الرزه هلا 77.. وجااان تنور الساااحه 77
امينه:هع هع احرجتوني
عليا:مصدقه عمرج وياا ها الوييه
امينه:اوه علااايه...اتصدقين ماااشفتج خخخ...
فرح:محد قااال لها تيلس عند مهوو الحين مابتبييين موليييه خخخخخ
المنحرفات:ههههههههههههههههههههههههههههههههههههههه
مهاا:الله يخليكن ياا الجياااااكر
ابتسام:امون تعااااالي بنتمشى ابااااج فكلمة راااس

مي:اوووونه عاااااد من بيينكم اسرااااار
ابتسام:انجبي انتي انجبي ماايخصج... امشي اموون
عليا:امون لا تمشيين خخخ
ابتسام:لاا امشي
امينه:الحين امشي ولا شوو؟
ريم:لا اركضي خخخ<<بايخااااااااه ههههههههههههه
راحت امينه تمشي مع بسووم...
ابتسام:اموووووووووون
امينه:هاا
ابتسام:تعرفين حرف الـH اللي كنت حااطتنه فمباايلي
امينه:احيده E... شو خلاااه H
ابتسام:بعدييييييييين بقوولج
امينه:لا قوولي الحيييين
ابتسام:اوووه امووون موو وقته
امينه:لاااا وقته... قولي قوولي
ابتسام:اووف زيين بقولج..
امينه:ياالله اسمعج
ابتسام:مثل ماانتي سرقتي حرفي من سياارته... علااايه سرقت حرفه من تلفونه وياابته حقي
امينه:الماااااااااتستحي... تسوي كل هاا من وراااي
ابتساام:مووو وقتج الحيين انتي
امينه:انزييين شووبلاااه؟؟؟
ابتسام:ماااادري وينه ><
امينه:صدق سخيفه
ابتسام:ليييش؟
امينه:عبااااالي عندج سااالفه والله .. مالت عليييج
ابتسام:ليييييييييش؟
امينه:الحين باالله علييج هااي سالفه مهمه..حرف وضااع شو يعني
ابتسام:هيه بس هاا موو أي حرف ><
امينه:مااعلييه بنسرق لج واحد ثاااني 77
ابتسام((اونهاا استحت)):جب
امينه:يااا شييين الحيااا على بعض النااااااس
وصوب مريوم في دبي<<هييييه ياا مريوم كبرتي وصرتي ثااني ثنوي... يالسه في الحصه الرابعه..اونهاا منتبه على شرح الابله.. وهي كل شوي تفتح الدفتر وتناظر الورده <<حشاا مااذبلت بعدها عندج^^"... جان تصيدهاا اربيعتها ميره << اقرب اربيعه لهااا...
ميره:هاا مريوم اشوفج سرحانه
مريم:هاي ابلتكم تخلي الواحد غصب يسرح
ميره:الابله ولا77 اللي مااخذ عقلج
مريم:ميرو مب فااايقه لاستهبااالج
ميره:وطي من صوتج الابله بتسمعج 77
مريم:اجلبي ويهج وانتبهي على شرح الابله
ميره:طع!!!... ولييش انتي ماتنتبهين
مريم:ظهري وراسي وبطني كلهم اتأالم منهم
ميره:حشاا عيووز هب مريوم....
مريم:ميروو انجعمي ... ترى اللي فيني كاافيني
ميره:انزين انزين لا تااكليني
<<له له ياا مريوووم... كل هاا يسويه الحب 77...
والحصه الرابعه صوب الادبي... عليا وفرح واقفين عقااب... هب حافظين الايه...
سحر((الابله خخخ)):ممكن اعرف ياا ست فرح ليه مب حاافظه الايه؟؟؟
عليا((بصوت واطي)):ست ولا سبع هع
ريم((سمعتهاا<<حشا مب أذون خخخ)):خخخخخ
فرح:ابله كنت تعباانه
سحر:كل مره نفس العزر <<مصريه الابله مصريه خخخخ
فرح:ابله شو اسوي .. التعب هب راضي يفج عني
سحر:انتي بتتدلعي
فرح:ابله صدقيني كنت تعبااانه
سحر:وانتي ياا ست هاانم علياا...
عليا:سبحان الله ... بعد انا كنت تعبانه.. اتصدقين ياا ابله الليل مااقدرت ارقده من التعب... بطلعة الروح حفظت اول سطرين من الايه ...
سحر:لااا والله... كمان انتي تعبانه...؟؟؟
عليا:الله راايد ياا ابله انا شو اسوي يعني..لوو في ايدي كنت منعت المرض
سحر:اسمعو انتو التنتين بلا خفة دم زايده.. وبكره حتيكوو حاافظين... سامعين ولا ايه
عليا:ان شااااااء الله ابله من هالعين قبل هالعين
سحر:حنشوووف.. اتفظلوو اجلسوو
خخخخ ها المره عدت على خير الجذبه هع هع... <<حضرو لجذبه يديده هع ...
وصوب العلمي عليهم فيزياء .... وداد ومهاا وراهم يالسين مي وابتسام... ودادو الحشره ظارب براسهاا تلعب ..وحدها ملانه... فكتب ع الطاوله لمها اللي كانت مندمجه لشرح الابله <<خربت عليهاا خخخ
وداد((تكتب)):الصخله سوولفي ... والله ملاااانه
مها طالعت وداد بنظره ولا ردت عليهاا... فقدت وداد الامل وعقت رساله لمي وراها خخخ
((والله العظيم بنفجر من الملل))
مي مو متفيجه لوداد فيها ارقاد خخ.. فخشت الورقه في الدرج هع
وداد طالعت بسوم شافتها تحل مسائل مع المس.... يلست وداد تشخبط عالطاوله
<<يااني انقهر .. لما يكونون البنات منتبهين عالمس وانا ابي اسولف خخخخخخخخخخخخخخ

CuT __DEFINE_LIKE_SHARE__

{ كلي دفآشة ..~* · 03-01-2008, 05:25 PM

البأآرت الـ / 39 . . ]

ورن جرس الحصه الاخيره... وراحت كل وحده بطريجها ... ابتسام وعليا وفرح ومها في نفس الباص..
عليا وابتسم يالسين ووراهم مها وفرح .... وطبعاً الازعاج على اصوله..
فرح((ناقزه رايحه يدام عند عليا وبسوم خخخخ)):شحاااااااالكم بنااات؟
ابتسام:بخير بخير... رجاءاً بدون ازعاج عندي سالفه مع علايه
مها:هيه هيه عندكم اسرار
عليا:وانتي ليييش محتره.؟؟1
مها:انجبي انجبي الجيكره
فرح وعليا وابتسام:اييييييييييه مب على القصاار
مها:حشاا حشاا مراابعه يهال انا كل وحده قد صبعي الصغير

فرح:عدااال ياا النخله .. ياا اللي بعقل صخله
مها:جب يا التيسه
<<عيب عيب نحن فقصه^^"
فرح:اففف متى تنزلين وافتك منج
عليا:زييين عن الحشره بتتضاربن ... ردن مكانكن
مها:جييه يالسين على قلبج نحن ...؟؟؟
عليا:مهو يعني غصب تتضاربين
فرح:هيه مهو ترى من زمان مو متضااربه مع حد ... وحاطه الحره فينا
مها:انجبي انتي... بروحي معصبه باجر علينا امتحان فيزياء
ابتسام:هيه والله صدقج.. الله يستر ..وحده كااامله
فرح وعليا:ههههههههههههههههههههههههههههههههه
فرح:مساكين والله قووم العلمي
عليا:تغمضون >< خخخخخخ
مها:ع الاقل احسن عن لادبي الفاشلين
عليا :عدااااااااال يا نيوتن انتي... فديتج لو فيج خييير احفظي شراتنا .. دقااايق ونحن حافظين الكتاب كله
<<هيه صح والدليل اليوم حافظه الايه^^" خخخ
ابتسام:نحفظ بدون فهم!!... شو آلات حفظ نحن!!!
مها:هههههههههههههااااي صدقج والله يا بسوووم
فرح:حبيبتي الشي مااينحفظ بدون مااينفهم ... يعني نحن نفهم هب بقر شراتكم
مها:نحن بقر هاا ... اقول انطمي ترى نحن المستقبل ... ولاا الادبي مامنه فايده
عليا:نترياااااكم يااحظي وبنشوف شو بتسون... فديتج نحن المحاميات ونحن الطبيبات النفسانيات
ابتسام:ككككك حدكم عند الميانين
فرح:عداااااال ياام نظااره انتي... فديتج نحن ندرس المجتمع والاخلاق والظواهر الاجتماعيه.. وندرس الكون والمواقع الجغرافيه
عليا:هب انتو... معادلات وواحد + اثنين... باالله عليكم شو تستفيدون من هالاشياء
مها:هذه العلم ولا بلاااش
فرح:استريحي.... نحن ندرس ظواهر الزوااااج 77
عليا:والطلااااق 77
فرح:والعنوسه 77
عليا:والزواج من الاجنبياات 77
ابتسام:اشوفكن دخلتن ادبي 77
وتستمر قضية الادبي والعلمي^^"... وجان تنزل مها صوب بيتهم.. ويتمون علايه وفرح وابتسام <<الله يعينج يااا بسوم 77...ومن بعدها ايي بييت علايه وتنزل.. ويتمون فرح وابتسام...<<عاد فرحوو وحركاتها 77
فرح:ها بسوم شخبار القلب 77
ابتسام((اونها يعني )):أي قلب؟؟
فرح:قلب يدي... يعني أي قلب بعد 77... بسوم عن الحركات 77
ابتسام:اقول جب وعن الهذره
خخخخخخ مسكينه يا فرح... وعليا دخلت البيت ولا تشوف فطوم متيلسه في الصاله اتابع تلفزيون =) ... برنامج عن الاطفال <<من الحين تحظر خخخخ
عليا:السلااااام عليكمـ
فاطمه:وعلييييكم السلااام والرحمه
عليا فرت شنطتها بصوب وجوتيها بصوب ويلست <<انزين سيري بدلي^^" خخخخ
عليا:هاا شو يالسه اطالعين صدق مينونه...
فاطمه:انزين انا مينونه.. انتي شو يعورج!!
عليا:راسي
فاطمه:يعله القمل
عليا:!!!! اقول انطمي وعطيني الريموت
فاطمه:اقول انجلعي وسيري بدلي وصلي وتغدي
عليا:متعايزه ><
فاطمه:استغفر الله ها البنت تبا اتييب النار ليين البيت
عليا:زين زين لاتحشريني.. بسييير .. ويا ها البرنامج... ياالله خذ يهال وحفظات وحليب ومرضااعه ... تعلمي تعلمي
فاطمه:اجلبي وييييييييهج
وعلى العصر ... الاخت وداد يالسه في الصاله ودفترها الفيزياء وحاسبتها معاهاا اونها تذاكر<<من متى^^"... والكشه منفوشه ولابسه كويتي اسود وبعد يالسه عالارض ومتربعه وياالله مذاكر...
خخخخ جان يدخل بدر الميلس اونه مسوي لها مفآجأه هع... ووقف وراها وهي مندمجه ومعصبه ماتعرف تحل المعادله

وداد:اووووووف هاااي شووووو... الله ياااخذج ياا ابلة الفيزيااااااء
بدر:لاتدعين
وداد ماميزت الصوت عبالها اخوها سامي... خخخخ
وداد:انا شوو قايله مب قايله مااباا حد يدخل الميلس.. تشوفوني يالسه اذاكر الا تخربون علي يعني ... اوف شو ها الناس ماعندهم ذوق
بدر: والله صدق؟؟
وداد:انجلع وخلني اذاكر
بدر:متأكده؟؟
وداد ظربت بالقلم عالدفتر معصبه...خخخخ
وداد:ساااميوو برووووحي وااصله حدي...
بدر:ههههههههههه خلاص خلاص بظهر لاتعصبين
عااااد وداد عرفت امنو صاحب ها الضحكه ومن القفطه والفشيله ماارامت ترفع راسها من الارض ولا طالعت وراها ....77... وبدر شاطر في لعب الاعصاب 77
بدر:الحين شو ... اظهر ولا لا؟؟
وداد صاااااااخه ولا كلمه << داق دواج تستاهليييييييين ههههههههههه
بدر:ارووووووح؟؟؟؟
ودادو دموعها بعيونها<<بجت بجت ههههههههههههه
بدر:خلااص خلاص بروح... ياالله مع السلامه
تحرك بدر رايح صوب الباب .. جان تقول وداد.. بصوت واطي<<اونها يعني خجوله خخخ
وداد:لا
وجان يرد لها وهو ناقع من الضحك ... وهي فزت له...
وداد:لييش ماخبرتني انك بتي؟؟
بدر:حبيت اسوي لج مفأجآه
وداد تمت ساكته.. وبدر عرف بشو تفكر 77 خخخخ
بدر:لاتخافين لاتخافين..حلوووووه
يااذكي انته تعرف حق سوالف البنات بعد^^" خخخخ...
وابتسام ترمس عليا عالمسن...
عليا((تكتب)):شوووو ميلسنج انتي سيري ذاكري فيزياء
ابتسام((تكتب)):يعني اللي يقوول اذا ذااكرت بفهم
عليا((تكتب)):خخخخخخ غبيه تراج
جان يدخل حامد حجرت علايه ..وراح صوبها...
حامد:سيري..امون تترياج عالفون
عليا:اوناااه
وساارت ركض للفون بدون ماتقول للبنت برب ولاااشي خخخ
وبسوم يالسه ياا حليلها وتسولف مع عمرها 77...وحامد وااقف ويشوف 77
وجاان يبااان المستووور خخخخ
ابتسام((تكتب)):والله مادري وين راح حرف الـ H اللي سرقتيه من حامد وعطيتيني ياااه

CuT

تتوقعون شو ردة فعل حامد 77؟؟؟؟

__DEFINE_LIKE_SHARE__

الريم.} · 02-29-2008, 08:48 PM

ثانكس حبوبه __DEFINE_LIKE_SHARE__

@روح وعدي وخذ التحدي@ · 02-29-2008, 09:21 PM

مشكووووو وووووووووو رة دفوش على البارت الحلو

نتريا اليديد __DEFINE_LIKE_SHARE__

قلب حاير · 03-01-2008, 02:54 AM

ثانكس ع البارت الحلو __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ عرض اعلان ] : اضافه اعلانك مجانا لي مده شهر في لدليل عيون الحب http://eyes-love.net/dir	محروم.كوم	منتدى أخبار المواقع والمنتديات العربية والأجنبية	0	10-01-2009 01:00 PM
This is the love هذا هو الحب ..!	محروم.كوم	منتدى أخبار المواقع والمنتديات العربية والأجنبية	0	07-19-2009 06:20 AM
الفرق بين الحب (love) والاستلطاف (like)	وحـداويـ بـرسـتـيـج	المواضيع المكرره	4	08-05-2008 10:46 PM
Love>>الحب	شواقي العين	المواضيع المكرره	3	05-30-2008 01:31 AM