! .. Equalization love = معأآدلة الحب .. ] - الصفحة 103

{ كلي دفآشة ..~* · #1 07-09-2008, 06:54 PM

آلبآإرط الـ / 59 . . ]

نـــرجع لحامد وعليــا 77 ..

حامد : هــا .... شوو؟
عليا: ما ترد ><
حامد: ما عليه بعدين دقي لها ^^"

ودخلوا عند باقي الجماعه 77 ..

ام عادل : انا اقول تسمون البنت نوف على اسم اليده العودة 77
ام محمد: وانا معاج 77
امينه: هممم .. يعني ما بتسمونهم [ حامد ♥وابتســام 77 ]
حامد: احم احم
محمد: والله نوف اسم جيد 77
عادل: انزين والولد ؟!!
ام محمد: نايف .. بيطلعون لايقين على بعض .. نوف ونايف ˇ０ˇ
امينه: عاشت الوالده عااااشت ◕‿◕
فاطمه: اسامي سعوديين 77
عليا: عيل شو انسميهم مثلاً 77 .. جورج و دومينيك ⊙▂⊙
حميد: ههههه حللللللوة حللللللللوة
علينا [ بنظره ] : محد طلب رايك ˇ︿ˇ
فاطمة: اشرايك حبيبي ؟
عادل: بعد مدام عمتي وامي اختارو الاسامي .. انا مالي كلمه ^_^
فاطمه : يعني خلاص .. نوف ونايف ^_^
أمينه: هيه وبعدين ييبي بعد بنت و ولد تووم ..سميهم الهنوف و نواف ^^" كشخه لاااه ◕‿◕
عليا: هيه والله كشخه 77
فاطمة وعادل: هيهيهيهيهيهي ˇ︿ˇ

وصوب ابتسام 77..قامت الحبيبه عن اللاب وراحت شافت الفون ..
ولا تشوف المسج ( انا علايه ردي ) جان تتصل .. وحامد كان برع بيظهر
بيروح البيت فرد بدون ما ينتبه 77 !

ابتسام: هلااااا علااااايه << ثرها دفشه 77
حامد:................

ابتسام: خخ انا بسووم ترا .. الصراحه مبايلج فنتك 77 .. ما خليت شي ما
شفته .. صورة الاحم احم ورقمه ومسجاته وكل شي 77 .. اشرايج اتخلين تلفونج عندي 77
حامد: !!!
ابتسام: الووو .. علاااايه !!؟
حامد: انا مش عليا

ابتسام ماتت من الخوف ⊙﹏⊙ .. انا شو قلت >.< انا شو سويت >.< <<الله يغربلج يا عليا 77

حامد: الوو
ابتسام: اوكي .. السموحه .. بس قول لعليا ان فونها عندي
حامد : هيه بس لا تفتشينه وايد 77

ابتسام ما تدري شو تسوي . تضحك ولا تصيح ولا تصرخ >.< <<موقفج صعب الصراحه77

ابتسام: كيفي فون اربيعتي ><
حامد: هههه هيه بس فيه رقم وصور ومسجات الاحم احم 77

ابتسام >--- ها اللي يباله كف >< خخ

ابتسام: .......
حامد: خلاص خلاص .. لا تصيحين خخ والسموحه منج ..يلا مع السلامه *_^
ابتسام: مع السلامه ^_^

سكر حامد عن ابتسام << عاد الاخ شاف فرصته 77 قال هالمواقف ما تتكرر مرتين 77
فطرش مسج لابتسام 77
[ على فكرة ... كانو بيسمون عيال فطيم حامد وابتسام
بس هونوو و سموهم نوف ونايف ]
ابتسام استلمت المسج جان تقول >!!< << اشبلاه هذا صاير وايد جريء^^"
هع هع بعد هي ما صدقت ..ردت طرشت له <<هيه وكلااا من رصيد عليا><
[ افاا انزين حامد وابتسام احلى
يالله ألف مبروووك وبتربون فعزكم
عسى بس ما يطلعون على عمهم ]
حامد يالس يتريا المسج على احر من الجمر..وجان يوصل ^___^ وتشقق الاخ
وجان يطرش
[ صدقج حامد وابتسام احلى وحتى لايقين على بعض
بس امي ومرت خالوو ضد هالاسمين ^^"]
استلمت بسووم الرساله .. وجان تستحي 77..وبعدين عاد استحت على ويهها وقالت ما بطرش77

وبعد اسبوع قررو الاهل يسوون عزيمه لعادل وفطوم ..ويعزمون كل الاهل والقرايب
والربع .. طبعاً عليا ما نست منحرفاتها 77
وامينه تمت اتحن على ام مريوم عسب ايوون ...وما خيبوها وراحو 77
المنحرفات [ عليا +بسوم+مي+وداد+شما+ريم+مها+فرح]
يالسين في حجرة عليا وداقينها سوالف 77

مي : علايه قومي روحي ييبي نوف ونايف نبا نشوفهم 77
عليا: انزين اصبري اشوي..نايفوو الدب عند ابوه ونوفوه ام كشه عند امها
وداد: مسرع ما استوو دببه واصحاب كشيش
فرح[بصوت واطي] : طالعين عالعمة 77
عليا: نعآآآآآآآم
فرح: نعامه
عليا: ترفسج فبطنج ..!

جان تدخل امينه 77

امينه: علايه عندي لج سبرايس لا صارت ولا استوت 77
عليا: خير ؟!!
امينه: ويت 77

جان تروح برع الحجرة وترجع وهي ماسكه ايد مريوم .. طبعاً استانست عليا
وسارت لمتها ..وجان يكتمل فريق المنحرفات 77.. ويلسو يسولفون ويحشون فالناس
<< تراها هوايه يعني معذورات 77 ^^"
وبعدين دخلت فطوم وفي ايدها نوف الصغيرونه ..راحت مي ركض وشلتها وباستها
و شما و ريم و فرح ركض وراها يبون يشوفون النونو ^^"

مها: شوي شوي عالبنت
وداد: توها ما كملت اسبوعين ^^"
امينه: ايه فرحو عن تفكرين بنت اختي كيكه وتاكلينها 77
فرح: لا واااالله ... اشقصدج >.<
عليها: هههه
فاطمة: ها تراني بخلي بنتي عندكم امانه 77
مي: في الحفظ والصون *_^
فاطمة: اووك عيل امون وعلايه..تعالو اباكم فشغله في المطبخ 77
عليا: اوووف هذا اللي يكرهني فالعزايم ><
امينه: صدقج والله ˙﹏ ˙
ابتسام: خذوني معاكم ^^"
عليا: انتي استريحي
ابتسام: حرااام>.<
امينه: خلاص خلاص تعااالي 77

وجان يروحن فطوم+امينه+عليا+ابتسام للمطبخ وتمن المنحرفات الباقيات
مع مريوم والصغيره 77

مي: ما شاء الله عليها قمر
وداد: حرمت اخوي .. حطي البنت على ريولج عدل .. ما بقى شي وبتصيرين حرمه77
مها: هيه والله 77
مي: ليش انا حاطتنها غلط ><
ريم: ما تشوفينها كيف مايله
شما: هيه والله ..اشوي وبتطيح
مي: خيبه خيبه كلوني >.< ما يسوى عليه ><

وفي المطبخ عليا وامون وابتسام مع فطوم وجواهر وام عادل وام محمد
بنسقون الاكلات في الصحون ويتفننون77 ^^" ...
جان يدخل حامد !!
طبعاً ابتسام على طول صدت الصوب الثاني وامينه وعليا بدان بالحركات 77
وحامد مش ملاحظ وجود ابتسام ^^"

امينه: حيهم الشيوووووخ 77
حامد: خييبه اول مرة تمدحني !! ... شكله اليوم بتمطر !!
امينه: هيه بتمطر 77
فاطمة: امينوو يوزوي 77
ام عادل: انا وحرمت خالكم بنروح ..قولوا للخدم بعدين اييبون الاكل
فاطمه: ان شاء الله
جواهر: خذوني معاكم

راحت جواهر مع ام محمد وام عادل لميلس الحريم ..!

عليا: خير اخي العزيز شو يايبنك 77 ؟
حامد: ولا شي .. بس ييت اشوف شو امحظرين لنا اليوم من اكلات77

امينه تغمز لحامد وتأشر على ابتسام اللي متيبسه فمكانها 77
حامد ما فهم ...شالسالفه ^^" .. جان تكتب له حرف الـe في الهوا
طبعاً حامد فهم 77 وانصدم وعلى طووول وظهر ^^"

فاطمة وعليا وامينه: هههههههههههه
امينه: ياحليله انحاااااش 77
ابتسام: هاا؟ ... شوو ؟ ظهر؟
عليا: هيه هيه 77
ابتسام: والله قلبي وقف
امينه: الحب وما يسوي77
ابتسام : جب جب

وشلت عليا العصير و وراها امون وابتسام وراحن المنحرفات ^^"
طبعاً نوف الصغيرة كانت تصيح .. و وداد وبقية المنحرفات يحاولن يسكتنها ^^" خخخ
عليا [ حطت العصير] : شو سويتو في بنت اخوي ؟ هاه ؟
امينه: قرصوووهااا 77
مي: والله بروحها قامت اتصيح ><
ابتسام: اكيد يوعانه ... عطوني ياها بوديها لامها فالمطبخ

خذت ابتسام نوف الصغيرة وطلعت برع الحجرة ...وعليا وامون يلسن يقولن
السالفه اللي صارت فالمطبخ بين حامد وابتسام للمنحرفات 77
ويعلقون عليهم ... ابتسام كانت شاله نوف ومتجهه للمطبخ وتحاول اتسكتها ^^"

ابتسام: بس خلاص حبيبتي .. الحين بنروح عند الماما ^_^

وجان تلتقي بــ عبدالله اخو علايه الشقي 77 خخخ

ابتسام: هههه اووه عبود كاشخ 77
عبدالله: انجبي انتي ... شو يايبنج بيتنا =.=
ابتسام: يايبه لك حرمه ... ما تبا تعرس ؟
عبدالله: خسي =.=

نوف يلست تتسمع سوالفهم خخ وتلعب بشيلة بسووم

عبدالله:وليش شاله بنت اخوي ؟ هااا؟
ابتسام: هي تباني
عبدالله: ما عندها سالفه

وجان ايي حامد يركض مثل الخبل مدري شو عنده .. وهو كان يرمس بالفون
واشوي ولا يدعم بابتسام<< عاد ماله داعي اوصف الشعور اهني 77
ونوف من شافت حامد قامت اتصيح << خافت من شكلك خخ 77

حامد: اوووب سوري سوري
عبدالله: اشفيك مثل الاهبل تركض ... اشوي ولا اتدوس البنيه
الحين ابتساموو مو مشكله خل تموت .. بس بنت اخوي توها صغيرة ><

ابتسام اتطالع عبود وتتوعد له بعيونها ... وحامد ما يعرف شو يسوي^^"

حامد: نوووفي ليش اتصيحين ؟

وجان يشلها من ايد ابتسام .. وابتسام قلبها طااخ وطيييخ ^^"

حامد: بس بس خلاص لا تصيحين ^_^
ابتسام: خذها لامها في المطبخ ..

وراحت على طول ^^" ... وحامد يلس يطالعها

عبدالله: بس بس خلاااص ...خذ البنت لامها ..خافت من شنبك
حامد: هاذي الرجوله يالياهل 77
عبدالله: امحق 77
حامد: بييك طراااااق

ورااح حامد و ودا نوف الصغيرة لامها ^_^

cut

اتريآإ تعليقآإتكم ع البآإرط هيهي __DEFINE_LIKE_SHARE__

{ كلي دفآشة ..~* · 07-15-2008, 03:19 PM

ـآإلبآإرط ـآإلـ / 60 . . ]

وراح حامد وأخذ نوف لأمها ^^ ..ولما وصل

حامد : هاج بنتج حشرتنا من الصياح .
فاطمة ( تشل بنتها ) : وايه فديتها ..من ضايجها ؟؟!
حامد : محد .. شافتني ويلست تصيح
فاطمة : هههههههه تحرت فلم رعب
حامد : ما شاء الله ..اشوف صرتي في الحسبة
فاطمة : اي حسبة ؟؟!
حامد : عليا وامون
فاطمة : هههههههه اسكت بس لا يسمعونك ..
حامد : بعدين تعالي بتخبرج ..
فاطمة : آمر
حامد: الحين العزيمة حقج صح ؟؟
فاطمة : صح
حامد: يعني المفروض انتي اللي ترتاحين وعليو وامينو اللي يجابلون الشغل هب العكس
فاطمة : ههههههه تصدق بعدني مب مسلمة عالحريم ..يالله عيل بروح اسلم عليهم
حامد : عطيني نوفة
فاطمة : لا استريح ..تبي تصيحها مرة ثانية

راحت فاطمة جان اتيي امينه وهي شالة صينية العصير

حامد : تصدقين مشتهي عصير
امينه ( بخبث ) : خلص 77
حامد : مو مشكلة سووي مرة ثانية
امينة : ماعرف ^^"
حامد : تستهبلين ؟!
امينة : تبي عصير ؟!
حامد: هيه

امينة شلت كوب من اكواب المنحرفات وعطته حامد

حامد : اخييييييع هذا مشروب منه
امينة : لاترده ترا بتندم 77
حامد: ليش ؟؟!
امينة (بصوت خفيف ) : شربه هذا مال ابتسام
حامد : !!!!!
امينة : شربه يالغبي ..فرصتك هاذي

بعد حامد ماصدق وجان يشرب العصير 77 ..<<آخ لو تدري ابتسام خخخ

امينة: هني وعافية ..شو الطعم ؟؟
حامد : عجيب
امينة : هيه اكيد ..ترا مال ابتسام 77
حامد ( قافط ) : يالله بس جب جب عن المصاخه
امينة : على امرك 77

جان تروح امينة .. ولا المنحرفات ضحك وسوالف ومي تسترجع ذكريات
الخطوبة 77

مي : بس والله عجيبة الحركة اللي سويتوها ..اسميني استانست
عليا : احلى صوت كان صوتي صح ؟
وداد : العكس تماما 77
عليا : جب انتي
مي : ههههههه كلكم اصواتكم كانت حلوة آدائكم كان فنتك والله فرحت من الخاطر
فرح ( اللي كانت تاكل ) : انزين بس لا تحلفين ..صدقناج
مي :بلعي وانتي ساكتة

يت امينة ويلست عند ابتسام وفي وسط السوالف والضحك 77 همست لابتسام

امينة : احم احم
ابتسام : خير 77 ؟
امينة : كانو في المطبخ 77
ابتسام : هيه وشو المطلوب ؟ 77
امينة : كانو يبون عصير 77
ابتسام : وخير يا طير 77
امينة : بس كان مخلص
ابتسام : انزين
امينة : جان يشربون من كوبج 77
ابتسام : تتمصخرين ؟!
امينة : لا بعد قالو انه عجيب77
ابتسام : امونو @_@
امينة ( بكل برود ) : هلا 77

وعليا كانت مع مريوم

عليا : اوب اوب مريوم حليانة
مريم : شو يعني ..يعني مصدية ؟ ولا مستوية حلوة ؟ ^^"
عليا : ههههههه لا يالغبية ..مستوية حلوة
مريم : احم احم ثانكس

عاد حزتها المشاغبة امون يلست تسولف بصوت عالي متعمدة

امينة : ما دريتوا بنات 77 ؟

ابتسام قلبها طاح ><

وداد ك شو ؟؟!
امينة : كنا بنسمي اعيال فطيم ..حامد وابتسام ..بس الله ماراد 77

المنحرفات : اووب اووب 77
ابتسام : جب ok
امينة ك يجبج ok 77
ريم :له له من قدج بسوم
شما : وانا اقول ليش الاخت سرحانة 77 !!
ابتسام : ما يخصج @:
المنحرفات : ههههههههه
عليا : هيه صح بسوم ..وين فوني ؟؟
ابتسام : يبته لا تخافين
عليا : اشوه
مها : بنات ..مليت من اليلسة ..تعالو نسوي شي جنوني
ريم : مهو اعقلي نحن في بيت ناس
شما : لا بس صج ..ملل !
وداد : عيزنا من السوالف ><
فرح : وحتى عيزنا من الاكل ><
امينة : هههههه ..زين عيل شرايج ناخذهم لحديقة بيتكم ..كبيرة
وفيها مسبح وارجوحة كمان
مي : يااااااي ارجوحة 77
امينة : ههههههه هيه
عليا : خخخخخ يالله عيل نشو
وداد : تاكدي بالأول ان مافي حد هناك
عليا : لا تخافين الشباب كلهم في الميلس

قاموا المنحرفات وراحن للحديقة وعفسنها عفاس ..اللي تقطع ورود واللي ترش ماي عالثانية
واللي يالسة ع الارجوحه ع قولتهم ..فرح كانت واقفة يدام المسبح 77

فرح : تدرين شمو خاطري اتسبح
شما : ديري بالج تتهورين ..ترا البيت متروس شباب هههه
ريم : اصلا هي تتعمد تسوي جي اغراءا للشباب
فرح : تخسين شايفتني مثلج

وصوب الارجوحة خخخ ..مي ووداد يالسات وعليا واقفة عندهن جان اتيي بسوم

ابتسام : زحوا لي
مي : ما يصير
وداد : بس للي على وشك الزواج
ابتسام : ههههه .. يالله عن السخافة سوو لي مكان
وداد : نو نو
عليا : سوو لها مكان ولا بزقر حامد ترا 77
مي : لا لا كلا ولا مخاوي الليل 77
عليا وابتسام : هههههههههه
وداد : من وين يبتي مخاوي الليل ؟
مي : شدراني .. قلت يعني الاخ يسهر الليل يفكر بالحبيبة فخاواه 77
وداد وعليا : هيييييييييييييييييييييه 77
ابتسام : جب وسوو لي مكان

امون شايفه شغلها يالسه تقطع في الورود ..لين ما زخت ايدها ورود
وبعدين فرتها على ويه مريوم

مريم : لالا >< خربتي اناقتي
امينة : هههه مالت عليج تخيلي عمرج عروس
مريم : العروس يفرون عليها ورود معطرة هب وصخه
امينة : ها ها ، لا تغلطين على ورود قوم عمو 77

وعبدالله الشيطان كان يتجول في البيت ..مر من صوب حجرة عليا ما سمع حس
وقال في نفسه

عبدالله : غريبة وين راحت الحشرة !!

دخل الحجرة ما شاف غير شنط المنحرفات ..عاد الاخ تذكر يبي ينتقم من عليا
فراح يدور على فونها في التسريحة بس ما حصل شي.. بس شاف الفون فوق
شنطة من الشنط << اللي هي شنطة ابتسام 77
راح الاخ وقال وحدة بوحدة فشل الشنطة والفون حسباله لعليا خخخخخ
وراح لحجرته وياب مبايله ويلس يطرش رصيد ..دخل عليه حامد

حامد : شو تسوي ؟
عبدالله : انتقم
حامد : شسالفة ؟
عبدالله : اطرش رصيد من فون عليو لفوني
حامد : ههههههههه

يلس حامد يتحوط في الحجرة فشاف الشنطة فقال لعبدالله

حامد : وهاي شو تسوي بحجرتك ؟!
عبدالله : هاي شكلها شنطة عليو
حامد : من وين يبتها ؟
عبدالله : من حجرتها شفت الشنطة والفون فوقها
حامد : ومتأكد ان الشنطة لعليا ؟
عبدالله : تبي الصدق لا ..بس شو بيودي فون عليا لشنطة غير شنطتها
حامد : لا والله ..لهدرجة السالفه يبالها ذكاء خارق يعني

فتح حامد الشنطة وشاف مبايل ثاني ..

حامد : يالغبي ..الشنطة هاي هب لعليا
عبدالله : احلف ؟
حامد : والله ..شوف هالفون مش فون عليا ..ولا عليا عندها فونين يعني !!
عبدالله : اشوف اشوف

اخذ عبدالله الشنطة ويلس يفتشها ..فطلع بطاقة ابتسام الصحية

عبدالله : لاااااااااااااااااااااااا
حامد : شفيك ؟
عبدالله : هاذي شنطة ابتسااام !!!!!@_@
حامد : شووووووووو !! ههههههههههههههه
عبدالله : شوف والله ... هاي بطاقتها الصحيه

جان يفر الشنطة على حامد

عبدالله: هاك هاك انا ما يخصني ><
حامد: هههههههه انزين من وين يبت الشنطه؟
عبدالله: من حجرة عليا
حامد: ليش الحجرة مافيها بنات ؟
عبدالله: لا .. مادري وين ظاهرات !!!
حامد: عيل قوم ابسرعه رد الشنطة مكانها 77
عبدالله : مايخصنـــــــــي ><
حامد: قوم يالثور ... لا تضيع الوقت
عبدالله: مـــــــــــــابي
حامد ( فقد الامل ) : اوووووف <<< خخخخخخخ

وقال بيروح يشوف اذا يروم يرد الشنطة للحجرة ولا فات الاوان 77
بس قبل لا يروح دخل حجرته .. وبسرعه طلع قلم و ورقه

لك يا هوا قلبي الجديد .. بكتب قصيدي والحروف
بكتب على كيفي وازيد .. ما همني فرق الظروف
قلي تدلل ما ترد .. انطق تكلم دون خوف
آمر وعمري لك مديد .. ياطلعة البدر الهنوف
اكيد في حبي اكيد .. بشيل قدرك بالكفوف
ماينزل الواطي الركيد .. فوق الثريا بك نطوف
عندي العمر كله يبيد .. لاجل شوفك لا حسوف
شوقي لكم شوقـ(ن) فريد .. فاق الحقايق والوصوف
بنطر وصولك من بعيد .. مثل الزرع يبغي نفوف
يوم التلاقي يوم عيد .. افرح واقابلكم لهوف
والمنتظر لازم يشيد .. ويزف محبوبه زفوف
ويعيش فالدنيا سعيد .. ان كان خله به يروف

<< جميع الحقوق محفوظة لي لو سمحتو 77 ~> يعني ربيعتيه هب اناع لول خخ

وكتب اخر شي .. حرف الـ H
وحط الورقه فالشنطه .. وظهر 77
وراح لحجرة عليا وحط الشنطة وظهر ..
اما المنحرفات فبعدهن في الحديقة يالسين على شكل قلب ..ويالسات ويشلن
<<هيه شو عبالكم حتى شله يعرفن يشلن واكيد بمشاركة امون ومريوم
طبعا البداية كانت فرح << فرح فالشلات لا تعليق 77

فرح : كم ذبحني الشوق يالغالي وكم دمع العين هليته
مي : وانت عني لاهيـ(ن) سالي لاوقلبك عني صديته
وداد : شوف حالي كيف يا حالي كل قلم بيديك بريته
عليا : ما كفاك قلبي ولا مالي والله اني الزاد مليته
مها : وكنت سعد الحظ والفالي وقسمتي واللي تمنيته
ابتسام : لك قدر عالي وبن عالي وحبكم فالزين حطيته
ريم : وكنت احلامي وامالي وللاسف يا حب اغليته
شما : غركم منطوق عذالي او عناد(ن) انت ماشيته
مريم : وكيف كيف ؟؟ ترجع يا هوى بالي وانت قصر الحب هديته ؟
امينة : ولكن بأمر الرازق الوالي وحده المأمون جليته

وتمن الاخوات يشلن ويغنن ويسولفن ويضحكن على كيفهن الين يا دور الرجعه
للبيت .. وكل وحدة توكلت على بيتها ..
فرح دخلت بيتهم وهي حدها تعبانة << معلوم من الغناوي والاكل
ولا تشوف الاخ محمد في نص الصالة

فرح : بسم الله الرحمن الرحيم !!
محمد : الحمدلله ع السلامة اخت فرح
فرح : الله يسلمك ..من متى الاخ محمد موجود ؟
محمد: من سنة يدي الاخت فرح
فرح : يا حي الله الاخ محمد
محمد : جان لا رديتي الاخت فرح ؟
فرح : والله صدق ..عيل ردني الاخ محمد
محمد ( بجدية ) : وينج لـ هالحزة ؟؟
فرح : كنت في بيت ربيعتي عندهم عزيمة
محمد : عزيمة شو ؟
فرح : الحين ضروري تعرف ؟
محمد : هيه
فرح : عزيمة بمناسبة ولادة حرمت ولدهم
محمد : وانتي شو دخلج بحرمت ولدهم ؟
فرح : ترا حرمة ولدهم اخو ربيعتي
محمد : زين فاهم ..بس انتي ليش تروحين ؟
فرح : عشان عزموني
محمد : وليش عزموج ؟
فرح : عشان حرمت ولدهم
محمد : الحمدلله والشكر
فرح : انت شفيك اليوم ؟بعدين توها الساعه 10 ..لسه بدري ..
الا ما قلت لي ..اشحالك ؟

وابتسام رجعت البيت وراحت على طول خذت لها دش ..
ورجعت تمشط شعرها يدام التسريحة ..جان يرن فونها وراحت تدور عليه
في شنطتها وردت عليه وكانت ريم تتخبر عنها

ريم : ها بسوم وصلتي ؟
ابتسام : هيه وصلت ..ليش في شي ؟
ريم : لا بس حبيت اتخبر عنج تراج اخر وحدة ظهرتي فينا ..
ابتسام : خخخخ لا تطمني يا صاحبة القلب الحنون وصلت
ريم : ههههه زين عيل اخليج ..فداعة الله
ابتسام : فداعة الرحمن

سكرت ابتسام عن ريم وانتبهت على ورقة مطبقة في شنطتها
جان تفتحها وقرت الشعر الموجود فيه وانصدمت لما شافت حرف ال H
معقوله حامد اللي حطااه !! ولا هذا مقلب من امون ..عالعموم باجر
فالمدرسة بتعرف السالفه كلها من امون ..ويلست بسوم طول الليل تقرا الشعر
وتتأمل بمعانيه

وفي اليوم الثاني في المدرسة ..ابتسام راحت لصف امون وعطتها الورقة
اللي مكتوب فيها الشعر ..ويلست امون تقراها

امينة : وااااااو روعة الشعر
ابتسام : هيه لانه انتي صاحبته
امينة : هههههه ضحكتيني ..انا الحين كلمتين على بعضها معرف اقول

تبيني اكتب قصيدة كاملة ..انتي اكيد استخفيتي
ابتسام : شو يعني ؟
امينة : يعني انتي خرفتي
ابتسام : معقولة يكون ..!!!
امينة : هيه معقولة ..تصير بأرقى العوايل
ابتسام : لالا مستحيل ..
امينة : نحن في زمن لا يعرف الاستحالة
ابتسام : اويه صج الحين ولا شو؟
امينة : صدقي
ابتسام : انجبي انتي انا ما اقصدج
<< مسكينة يا امينة 77

شلت عمرها ابتسام وراحت للصف ..وصوب الادبي يتناقشون
في موضوع اهلا رمضان ..وعليا نايمة عالطاولة كالعادة

ريم : رمضان قرب
فرح : احلى شي الاكلات الطيبة
شما : وانتي ما تفكرين غير فبطنج..بنشوف كيف راح تكون المسلسلات هالمرة
ريم : اعلنوا عن كم مسلسل ..شكلهم حلوين
فرح ( طالعت عليا ) : عليو نشي بسج رقاد ..بتبدأ الحصة
عليا (بنعاس ) : اسكتي امس نوفو ونايفو ما خلوني اتهنى بالرقاد
وااااااااااااااء و وااااااااااااااء
فرح : خخخخ محد قال لكم عرسو ولدكم
عليا : لا والله عيل شو ما نعرسه مثلا
فرح : حل من الحلول
مريم : او مثلا كنتو زوجتوه وحدة مافيها عيال
عليا : !!!!!!!!!!!!
شما : حسبي الله عليكن ..انتن شو تخربطن ؟

CUT

ـآإتريآإ تعليقآإتكم ع ـآإلبآإرط __DEFINE_LIKE_SHARE__

Roo7 wlhana · 07-09-2008, 07:04 PM

تسلمين ونتريا البااارت الياااي __DEFINE_LIKE_SHARE__

دلوعـــ الغربيه ــــة · 07-09-2008, 07:10 PM

نـآآيس نـآآيس البـآآرط

^^

طرر وربييه

نتريـآ البآآرت اليآآي

^ــ* __DEFINE_LIKE_SHARE__

@روح وعدي وخذ التحدي@ · 07-09-2008, 08:56 PM

يسلمووووووووووو __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[ عرض اعلان ] : اضافه اعلانك مجانا لي مده شهر في لدليل عيون الحب http://eyes-love.net/dir	محروم.كوم	منتدى أخبار المواقع والمنتديات العربية والأجنبية	0	10-01-2009 01:00 PM
This is the love هذا هو الحب ..!	محروم.كوم	منتدى أخبار المواقع والمنتديات العربية والأجنبية	0	07-19-2009 06:20 AM
الفرق بين الحب (love) والاستلطاف (like)	وحـداويـ بـرسـتـيـج	المواضيع المكرره	4	08-05-2008 10:46 PM
Love>>الحب	شواقي العين	المواضيع المكرره	3	05-30-2008 01:31 AM