http://

#poem_4eace22fd7f32 td { font-family: Tahoma, Verdana, Arial, Helvetica, sans-serif; font-size: x-large; font-weight: bold; } ياصاحبي وشبك هجرت القوافي العدل طيب بينهن والسواليف لك حرف نطرب له غدا اليوم خافي طربت هل الفنجال لاحضر الكيف حنا بدو نشرب من البير صافي وان اوزمت نشرب حثاريب مانعيف بعيوننا شلنا صنوف السوافي شهبان من حر الشموس المشاريف تافيلنا الصحرا وحنا نوافي الود يجمعنا على نخله وسيف اجدادنا ياما تعنوا حوافي امسوا جنوب وصبحوا يمة طريف الزمل معهم ماتعرف انحرافي تمشي على مشهاتهم برد او صيف والزاد صيد ولا عليه اختلافي والذيب ياكل من بقايا التخاليف سنين مرن كل ابوهن عجافي والخير واجد بر ولا على السيف هاذي حقايق ماعليهن خلافي السيل ياطا الدرب لو كان ماشيف لاتامن الدنيا ولو هي عوافي لو ضحكت تقرع بالاجراس وتخيف هاذي مشاعر خالجت قلب صافي يازينها عند الدلال المصافيف