| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
07-04-2008, 03:06 AM
| رقم المشاركة : [ 291 ] |
| عضو ذهبي  |  ويييييييييييييييييييييييييييييييييييييييييييييييين الباااااااااااااااااااااااااااااااااااااارت ؟؟؟ 
__DEFINE_LIKE_SHARE__
|
|
| |
 |
|
07-07-2008, 01:28 AM
| رقم المشاركة : [ 292 ] |
| عضو جديد  |  ][`~*¤!||!¤*~`][وينج الاجازة ملل متي راح اتنزلين البارت...][`~*¤!||!¤*~`][
__DEFINE_LIKE_SHARE__
|
|
| |
| |
|
07-07-2008, 02:28 AM
| رقم المشاركة : [ 293 ] |
| عضو فعال  | اوف ما نزلتي البارت وأنا اليوم بسافر
__DEFINE_LIKE_SHARE__
|
|
| |
| |
|
07-07-2008, 10:39 AM
| رقم المشاركة : [ 294 ] | |
| عضو فضي  | بســــــــــــــــــــــــــــــم الله الرحــــــــــــــــــــــــمن الرحـــــــــــــــــــــــــــــــــــــيم ; . . .  اليوم انزله ولا يهمكم وغصن الشوق خذي الاب وياك يمكن تقدرين تشبكين حبوبه هناك صخر جلمود عذريني يقلبي ماصرت مثلك بس انشاله بحاول  . . . ; اختكـــــــــــــــــــــــــــــــــــــــم :@ مجنـــــــــــــــــــــــــــــــــــــــــــــــ ـــــــــــونه __DEFINE_LIKE_SHARE__ | |
| ||
| |
|
07-07-2008, 10:40 AM
| رقم المشاركة : [ 295 ] | |
| عضو فضي | بســــــــــــــــــــــــــــــم الله الرحــــــــــــــــــــــــمن الرحـــــــــــــــــــــــــــــــــــــيم ; . . . ............**$$** الجزء السابع والعشرين **$$**................ ================================================== ===== للكاتبه : روح الامارات ....................للكاتبه : روح الامارات ================================================== ===== ( سيف تم قاعد عندها ويحاكيها بس ياس انها ترد عليه ............. --------------------------------------- سيف : طيب ردي علي اذا انا غلطت قوليلي فهميني هيونه بينها وبين نفسها : لا ماغلطت وحذا حقك وغصبا على لازم ارضا لاني لو مارضيت يممكن افقدك ونا اموت ولا اتخلا عنك احبك يسيف بس مو قادره صدقني مو بيدي سيف : هيونه هيونه رفعت راسها وناضرته بعين مكسوره سيف مسك يدها : هيونه انا شنو بنسبه لج هيونه سكتت شوي وبعدها وبصوت مختفي : كل شي ( فكت يدينها ورمت عمرها فحضنه وبكت لانها ماتقدرت مسك روحها اكثر من كذا..... سيف ابتسم من الفرحه , ولوا عليها بقوه وباسها على راسها : انا من غيرج ماعيش والله ماعيش صدقيني ( سيف بلحضه الامل رد ونور عليه دربه , وهيونه املها انها تضل تحت جناحه ودوم يحتويها بحنانه ........ ---------------------------------------------------- ( الساعه 5 المغرب ............ ( الكل مجتمعين فالصاله وكل حزب بروح , دقايق ودخلو هيونه وسيف رفع ابو شهد راسه وابتسم لسيف لانه تفائل بالخير لما شافهم جايين مع بعض ومبتسمين .......... ( البنات خذو هيونه وراحو فوق ولما وصلو طبعا كل وحده فتحتلها موضوع .... بدور : هيونه هيونه بصوت تعبان : لبيه بدور : شرايك تجين تكملين اخر سنه عندنا فرياض والله بنفلها ويا بعض هيونه : وهو بكيفي , وبعدين مالي حق اقوله بدرس بالرياض تبينه يعطل اشغاله علشان شي اقدر اسويه هنا انوار : لا تسددينها فوجيهنا انتي حاولي مرح تخسرين شي وبعدين مابقا الا انا وبدور وهنادي بس ومي وبشاير تخرجو مو ناقصنا الا انتي هيونه وهي منقهره : لا تقهريني ادري بتكون احلا سنه لانها اخر سنه بس في هنا مدارس يعني مالي عذر , بنات تكفون والله صعبه هنادي : طيب انتي اقترحي عليه هالشي وشوفي رده فعله يعني بالعربي جسي النبض هيونه : ماعتقد مافي امل بالمره وانا مستحيل اتجرء اقوله هالكلام انوار وهي متضايقه : اممم يعني بتفوتين هالسنه وهي احلاسنه وحفل التخرج لنتهيتو مرح تكونين ضمت بنات السنه هيونه : يربي كنت مخططه لديكور الصاله بس ربي مو كاتب اكون وياكم ااااااه من الي راح يصمم الصاله اذا ماحضرت انا والله قهر بدور : اذا تبين تحضرين اقنعيه مو صعبه الفلل حولنا كثيره هيونه : بدور تكفين قلبيها فراسك وشغله واهله اذا اقنعته بكون انانيه بدور : اوووه لا تعقدينها مدري مدري الي اعرفه انك تحاولين وبس شوفي مابقا غير 3 ايام ونرد لرياض والدراسه مابقا عليها غير اسبوعين اذا ما حاولتي بتفوتك هالسنه تكفين فكري زين وسيف لو اصريتي مرح يزعلك . ( البنات حطو الفكره براس هيونه بس وضعها اهي وسيف هاليومين مرح يسمحلها تفتح اي موضوع ثاني والي وتر هيونه زياده ان المهله الي نحطت فيها اهي اسبوعين بس .... ----------------------------------------------- ( فالصاله لاجواء ممله لاخر درجه السوالف خلصت والوقت والجو النااار مايصلح لطلعه ............ وقف سلطان وتوه بيمشي ناداه حسين ..... حسين : وين ساير يالخو ؟؟؟؟ سلطان عفس وجهه : رايح فوق في مانع ياحضره الرئيس حسين : لا تتمصخر , وشموديك فوق مالك حاجه مافي الا البنات , تم هني يلا سلطان : مليت ابا ازقر انوار وهنادي بنسير الحديقه نتونس شوي في مانع راشد : شلك بالبنات مادام الشباب هني مجتمعين عن العياره والتلزق وتم هني يلا لاتفضحنا سلطان : انا اتلزق اي اتلزق مايخصك فيني انا ملان ومافي حد بعمري غيرهم ( وراح يركض فوق ..... ولما وصل وقرب منهم وهو خايف ينزلونه خايب وتصير فرصه لخوانه راشد وحسين يتشمتون فيه : احم احم اأ أ انوار انوار رفعت راسها : هلا سلطان : شرايج انتي وهنادي تيون وياي برا فالحديقه لاني مليت معاهم تحت انوار انرسمت عليها البتسامه لان طول ماهي قاعده وهي تفكر فيه وزين جت منه مو منها : ok يلا هنادي هنادي وهي تناظرهم وفاهمه كل شي : لا انا راسي يعورني ومالي خلق اجي لبرد الجو شوي لحقتكم سلطان بينه وبين نفسه : فديت روحج احلا شي تسوينه انوار وقفت وهي خجلانه ومشت قدامه ونزلو العاشق والمعشوق وراحو للحديقه , كان في مرجوحه كبيره خشب يم المسبح قعدو عليها ..... سلطان وصوته يرجف : انوار انوار قلب وجها احمر : هلا سلطان : أ ا عادي ازقرج نوري زي مايزقرونج البنات والشباب انوار معادهي بخير : اي عادي اصلا مو متعوده حد يناديني انوار ( ابتسم سلطان لان حصلت له فرصه يدلعها من دون لاتحس عليه ) ( تمو يسولفون لين خذو شوي على بعض وانوار حدها ارتاحتله تفكيره مثل تفكيرها حتا بالشياء الي اهي تحبها اهو هم يحبها... سلطان : انا اللون الصفر احلا لون بنسبه لي لانه يعبر عن الغيره انوار : الاصفر حلو بس الحمر احلا لانه يعبر عن الحب ورمنسي كثيير سلطان ميل راسه على ورا وتسند وناضر السما : انا الشي الوحيد الي تمنيت اجربه هو شي انا بنسبه لي ماله اسم انوار !! : ماله اسم ؟؟ سلطان : اهو بمعناه يشبه الي قلتيه بس مو اهو نفسه شي له اسماء كثيره بس احس ولا واحد من هالسماء يعبر عن الي فخاطري ( انوار فهمتها بس سكتت تمت تناضره وهو سرحان كان شكله فقمه البرائه , جت لحضه صمت سلطان يتأمل السما وانوار تتامله اهو , سلطان ملامحه كانت تعطي كثير من ملامح راشد بس محد لاحض هالشي الا انوار ... انوار وهي سرحانه وبصوت واطي : يربي محلاه يجنن يشابه راشد وسيف بس اهو احلا فديت هالوجه ( وخذت نفس ... سلطان رفع راسه بسرعه وناضرها وهي من حركته انتبهت لروحها ورجعت على ورى !!!!! : هلا !!!!!! انوار حطت يدها على فمها : سمعتني ؟؟؟ سلطان وهو مصدوم : هيه هه ههه سمعتج ! ( انوار نست روحها لانها سرحت وقالت هالكلام من دون قصد .... [ وقفت وراحت تركض داخل لانها من الفشله مو قادره تحط عينها فعينه , وسلطان للحين تحت الصدمه يبي يستوعب الي قالته سلطان : معقوله تحبني والله , لالالالا اكيد الي قالته مو عني , الا عني ااااه بيوقف قلبي ( سلطان ابدا مو مستوعب الي صار وانوار راحت تركض فوق وقعدت مصدومه من الي قالته وتعاتب عمرها لانها فضحت نفسها بنفسها يمكن الولد مافكر فيها اصلا او يمكن يكون متعلق بوحده ثانيه وهي صارت مثل الأضا المستعجل كانت فيها البكيه ودها ترد وتقوله والله انا كنت امزح بس خلاص اذا فات الفوت ماينفع الصوت , وسلطان المسكين صار يبني احلام وتفائل بانها تكون قصه حب جديده ............... [ وبالويل مر هاليوم على خير , بين هيونه وسيف , وبين سلطان وانوار كان الجو متكهرب , ونضرات غريبه بينهم وبين بعض .. ================================================== === [ الجمعه الساعه 3 العصر .......... [ فالصاله هيونه وناصر وسلطان وهنادي ........والباقي فوق.......... ناصر وهو يغمز لهنادي : شفيهم تاخرو هنادي : مادري عنهم يمكن يصلون العصر لانهم توهم يقومون من النوم وماصلو هيونه : لا من الساعه 2 انا مصحيتهم لانهم نامو من وقت امس [ ناصر كان قاعد على اعصابه ينطرهم وهنادي نفس الحاله , ربع ساعه وجو كلهم وكانو واقفين يم بعض وقفو فوق راسها .. هيونه !! : شفيكم في شي !!! حمد ببتسامه عريضه : توقعي ؟؟ هيونه : يلا عاد في وراكم شي ليش متراصين كذا !!! هههه يلا بلا سخافه وترتوني [ وخر حمد وخرت مي وكان خالد وسعد ماسكين كيكه كبيره وعليها شمعه على رقم 18 مي : ترااااااااااااااااااااا شرايج كل عام ونتي بالللللللللللللللللللللف مليووون طعش خير هههههههههههههه هيونه وهي حاطه يدها على فمها: او ماي قااااد وربي نسين ان اليوم ميلادي وااااااااو روووعه مي : سيف وينه اووو ما علمناه يربي فاته هيونه تضايقت شوي بس ماحبت تبينلهم : معليه اكيد مشغول علشان كذا طول بالجيه للبيت لطيفه : ليش اهوا وينه سلطان : سار ويا سالم وحسين لشركه من الساعه 9 الصبح هيونه بين على صوتها : معليه عادي انا بكلمه الحين ناصر وهو يغمز لمي ولطيفه ويتحلف فيهن : لالا يمكن مشغول حرام لا نعطله ليش احنا مانسد مكانه ولا مو عاجبينك [ ابتسمت هيونه بس مو من قلبها تمنت فاول عيد ميلاد لها وهي متزوجه يكون وياها بس ماحصل , وناصر رقعها لانه متفق ويا سيف وسيف الي وصاه يخترعله عذر علشان يسد مكانه وهو عارف ان هالشي بيضايق هيونه بس الي اهو مخطط له راح يفرحها اكيد ... ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــ [ فالشركه ... فمكتب سيف بتحديد .... سيف : مابا اخليها تلقا اي وجه مقارنه بين حياتها قبل وبين حياتها الحين ابا قبل لا تتمنا الشي يكون جدامها ماباها تحتاج لحد بقـل شيى وأنا مـوجـود حسين : سيف بس البنت هم كانت فعز قبل لا تاخذها ولا تنسا هشي واكيد ماتهمها المضاهر يعني حياتها هني ولا هناك بتكون تقريبا متشابهه والشي الوحيد الي اختلف انت انت وبس الي انت تسويه تقدر اهي تسويه من دونك صدقني يسيف وجودك وياها الحين راح يفرحها اكثر من انك تييب لها اغلا هديه فالعالم , لان هالشي له اثر فحياتها [ سيف مكان مقتنع بالي قاله له حسين وكان مصر على رايه بنها ماتلقا مقارنه بين حياتها وياه وحياتها ويا اهلها بناحيه الماديه , مع انه عارف ومتاكد انها كانت عايشه اكثر من اميره عند ابوها ويكفيها حب ابوها وحب الكل لها وهذا يكفيها عن مال الدنيا كلها ] سيف : اهم شي اني بعوضها وبس انت مايخصك ok ونا متاكد انها بتنجن عليها ( ورفع السماعه على مكتب السكرتير ) بندر ابغاك تكلم الي وصيتهم على الميداليه وسالهم خلصت ولا لاء بندر : هيه طال عمرك خلصت وأنا طرشت حد يجيبها لاتحاتي طال عمرك ساعه وتكون على مكتبك سيف ببتسامه عريضه : احسنت انا اترياك بندر : تسلم طال عمرك ( وسكر منه سيف والبتسامه شاق الحلج ..... سالم : شو بلاك انتا بعد شو مسوي سيف : كل شي بوقته حلو بس انتا انتضر وبتشوف , هيه صح ابا اخذ رايكم بشي بس بصراحه شباب ( وفتح درج المكتب وطلع 6 صور صغيره كأنها صور شخصيه بس شكلها بيضاوي والصور ماتوحي انها صور بطاقه او جواز.. سيف : ابا رايكم اختارولي احلا صورتين لانهم كلهم حلوين ومحتار شو اختار ( خذاهم سالم وقعد علشان يتفرج عليهم ) سالم : اممممم هيه والله كلهم حلوين بس احلا صوره الي خلفيتها بيضا ولاف الغترى هاي احلا وحده فيهن حسين خذا الصور وقعد يتفرج عليهم : هيه صادق سالم هاي احلا وحده والي لابس كاب بعد حلوه سيف : انا بعد عايبتني بس هيونه ماتحب انها تشوفني فالبدله تتضايق ههههه سالم : افااا ليش , وبعدين منو الي خبرك انا اعرفها ماتتجرا تبدي رايها فيك سيف : محد يعرفها غيري ، وانا مايهمني شي كثر ماتهني راحتها , واهي ماترتاح لما البس بدله ونا اقولك اني مرح البسها لين تطلب مني اهي هالشي كم هيونه عندي هههه حسين : وينج يهيونه تسمعين الي نسمعه , بس ماخبرتني وشو له هالصور سيف : بعدين انت مافيك صبر حسين : ok براحتك انا عيبتني هاي بعد حلوه وشكلك حيل رزه فيها سيف : ok يعني هالثنتين احلا ثنتين برايكم ( سالم وحسين هزو روسهم بالموافقه ولما ,ولما جاب بندر الميداليه خبرهم سيف بكل شي حسين كان يعرف بالمفاجأه الي مسويها سيف اما سالم توه يعرف ........ [ خلص سيف شعله , وطلع ويا الشباب وراحو البيت ، ولما وصلو هيونه مابينتله انها متضايقه سكتت وجلست وياهم سولفو شوي وبعدها الشباب راحو المجلس والبنات راحو الحديقه , وتمو يضحكون ويتخبلون لين صرقهم الوقت .... [ الساعه 9 فاليل .. بعد ماتعشو .. كالعاده اجتمعو بس هالمره تختلف عن كل مره لانها اخر ليله لأهل هيونه فأبوضبي علشان كذا لازم تكون قعدتهم غير , وطول القعده وسيف متلوم على هيونه مايحب يشوفها كذا كابته وساكته واجتمع الزعل بليله وحده زعلها على سيف لانه عارف ان اليوم عيد ميلادها ولا جا يوم احتفلو فيها , وزعلها على اهلها انهم راح يمشون بكرى ... ================================================== = [ مطار ابو ضبي الدولي , يوم السبت , الساعه 9 الضحى ........... [ مرت هاليومين وكانت احلا يومين بالنسبه للكل وجا وقت الوداع , هيونه كانت حدها متازمه من هالحضه ماودها تفارق ابوها وامها والبنات والشباب ....... هيونه وهي متضايقه وعافسه وجها : وربي بفقدكم لا تقاطعوني بدور وهو تضمها : خلاص لاتقطعين قلبي كل يوم بدق عليك ( وقالت بصوت واطي ) واللهه اللهه بسيف دري بالك عليه ترى والله مايستاهل الي تسوينه فيه . هيونه : لاتحاتين المشكله الي بينا انحلت وربي يقدرني على اني ارضيه بس هذا الي اتمناه والله بدور فكت هيونه وحطت يدها على فمها : من جد وليش ماقلتيلي يالخاينه اهون عليك بس معليه حسابك بعدين مو وقته العتاب الحين هيونه وهي منزله راسها : اوكي دري بالك على حالك ولا تقاطعين ناصر قرب منها وضمها : خلاص لاتخلينها مناحه انا وشباب ان حصلنا فرصه كل شهر جينا وزرناك ونتي بعد زورينا لخذيتو فرصه سعد : اي ولبغيتي احنا فرسم الخدمه نجي لحد عندك وناخذك كم هيونه عندنا وماضن سيف بيقول شي صح يسيف ( سيف ابتسمله وهو متأكد ان مستحيل يخليها تروح معاهم وهي لو بغت تروح تروح وياه مو لازم وصايط .......) ابو شهد : تعالي يبا ( قربت هيونه وضمت ابوها وهنا مقدرت تمسك روحها وبكت من قلب , وسلمو على بعض ومشو لانهم نادو النداء الأخير ... ( مشى سيف ويا هيونه بس وهيونه كانت شوي زعلانه لانها ماودها تفارقهم بس هالشي بصير اليوم ولا بكره ...... ---------------------------------------------------- ( .. فــ سيــاره ............. وهيونه ماحبت تبينله انها متضايقه علشان ماتكدر خاطره سيف ببتسامه : حياتي لفت عليه هيونه : لبيه سيف : لا تحسبيني نسيت المفاجاه انا حسيت ان الوقت كان مو وقتها بسبب الي صار والحين شرايج نتغدى برى ومنها تشوفينها هيونه وهي كانت ناسيه السالفه كلها وابتسمت : مادري براحتك بس فاجأتي سيف ببتسامه عريضه : ok يلا ( هيونه طول الطريق وهي تفكر , كل شي ممكن ينهدى طرى عليها بس سبحان الله الشي الي كان مجهزه لها ابدا ماطرا عليها وماتوقعته ولا فكرت فيه ولما وصلو للمطعم ... سيف : نتغدا اول بعدين نروح لها ( سيف حب يشوقها وهي معاد فيها صبر لانه من حركاته تدل انها شي مو هين وراح يفرحها كثير.. ( دخلو وجهزلهم القرسون الطاوله وقعدو .... هيونه وهي متردده : طيب لمحلي سيف ببتسامه خبت : لا , وبعدين كلها ساعه وبتشوفينها ليش مستعيله ترى الصبر من صفات المؤمن صبري هيونه سكتت لان مابيدها الا تصبر , جابلهم القرسون المنيو واختارو الي عجبهم , عشر دقايق وجا طلبهم وتغدو وسيف يتغدى ببرود وعلا اقل من مهله وهيونه طول القعده متوتره ونضرات سيف وترتها زياده .... [ وبعد ساعه من الانتضار خلص سيف غداه وطلب الحساب وبعد مادفع طلعو وطول الطريق وهو ساكتين وسيف وده يضحك بس ماسك روحه بالويل , ولما وصلو قدام الشركه ..... هيونه وهي تناضره !!! : هذي الشركه صح سيف ببتسامه : هيه خلي الشركه على جنب شوفي الي قدام الشركه ( هيونه ناضرت قدامه ولما شافت السياره فتحت فمها وناضرته ] هيونه !! وهي مصدومه بس تبغا تتاكد : في اشيا واجد قدام الشركه شقصدق بضبط سيف : نزلي ( نزل اهو من السياره وفتحلها الباب , بعد ثواني علشان تستوعب الموقف نزلت مسك يدها وقرب من السياره ) [[[ كاديلاك CTS مديل عام 2008 ]] سيف : انا اسف اني اكون اخر واحد يباركلج واخر واحد يهديج , كل عام ونتي بالف خير , وهذي هديتي مع انها جت متاخره [ هيونه وهي تناضره للحين مو مصدقه , وسيف وهو مبتسم ابتسامه عريضه وهو يشوفه الفرحه ملت عيونها ...] طلع المفتاح من جيبه وكانت الميداليه معلقه فيه : تفضلي مدت هيونه يدها بشويش , سيف مافيه صبر مسك يدها وحط المفتاح فيها هيونه رفعت المفتاح وناضرت الميداليه كانت فقمه الفخامه ولفتت نضرها وكانت شوي ثقيله عالمفتاح سيف : فتحيها ونا متاكد انها راح تعجبج هيونه ابتسمت وفتحتها ولما شافت الصورتين ابتسمت ابتسامه شوي عريضه ومو عارفه باي طريقه تعبر عن فرحتها سيف وهو ينطرها تجاوب على هالسؤال : فرحانه يابعد كل هالدنيا هيونه ببتسامه : اكثر مما تتصور ( ويمكن تكون هالكلمتين أبصط كلمتين ممكن تقولهن , ورفعت راسها وناضرته والدموع احتبست بعيونها من فرحتها فغلى انسان وهو يحاول يفرحها بكل شكل من الشكال ..... سيف : انا كل الي اتمناه اني اشوفج والبتسامه ماتفارق شفاج هاذا اكبر حلم بنسبه لي تكفين لاتحرميني منها خليها دوم علشان خاطري [ ابتسمت وهي عارفه انها لو تمنت شي لو كان بسابع ارض يحفر الصخر علشانها ........ [ وبعد هالمفاجأه الجنان ردو البيت بعد ماسيف وصا يلحقونه بسياره هيونه للبيت ........ [ وبعد ربع ساعه وصلو للبيت وهيونه ودها تطير من فرحتها , وسيف كان ملاحض هالشي لانها طول الطريق مبتسمه وسرحانه ولما وصلو البيت , ثواني وكانت سياره هيونه وراهم , وطبعا بدت التجارب وتعليم السواقه على اصولها مع ان هيونه خبيره بس بنوع محدد من السيارات مش اي نوع وكان هو السبب الوحيد الي خلاها تلجأ لسيف علشان يعلمها .... [ وصلت الساعه 5 المغرب ولما حس سيف ان الجو بدا يضلم ...... سيف : يلا حياتي الوقت سرقنا ونا الجوع هلكني وحدي تعبان هيونه : سلامت قلبك ok نأجلها بكرى سيف !!! : شو شو قلتي تكفين عيديها هيونه وقلبت ملامحها ووطت صوتها لانها نست روحها بقوه : ها ليش انا شو قلت , انا ماقلت شي سيف : يربي بتجنني هالبنت وربي محد مخلص علي غيرج ااااأأأأأأأه هالمره بتغاضا بس مر ثانيه لااا [ هيونه مشت قدامه داخل وهو مشى وراها رضخ للامر الواقع وراحو فوق وقعدو بالصاله لان سيف من التعب مايقدر يمشي خطوه زياده ] هيونه : اجيبلك بندول سيف يستمرض عمره : لااا بس جسمي معضل ضلوعي كلها متكسره من الساعه 9 ونا واقف على حيلي والبارح مانمت زين احتديت انام وياهم بصاله والكنبه تعور الضهر هيونه وهو كاسر خاطرها ماحس بالتعب الا يوم تمدد : طيب دقايق بس [ وخذت جوالها وبعدت شوي عنه وكلمت اختها شهد ] شهد : هلا هيونه حياتي هيونه بنبره : هلا شهوده وصلتو شهد : اي من متى واصلين شفيك لاتقولين تخانقتي ويا سيف هيونه : لالا الله لايقولها بس يقلبي من الساعه 9 وهو واقف على حيله ومن اليوم وهو يتوجع من ضهره تكفين شهوده شسوي علشان يهدى ضهره لان الوجع ماتجمع الا يوم تمدد على الكنبه شهد : اي خذي اي كريم عندك وسويله مساج على ضهره كله 10 دقايق وراح يخف ( هنا تغيرت ملامح هيونه ) هيونه : شوووو لالا عندك غير هالحل تكفين بسرعه ( بدت حركات النذاله ويا شهوده ..... شهد : لا لانه لو ماسويتيله المساج راح يتم الوجع لبكره اخلصي وبلا دلع يلا ( وسكرت الخط هنا تورطت هيونه .. [ وجت عنده وهي وجها يعطي الوان .. هيونه : للحين يعورك طيب روح تمدد على السرير اريحلك لان ماجابلك الوجع الا هالكنبه سيف انتبه لعمره : هيه صح اخخخخ والله انج صادقه خلني اروح اتمدد يجوز انه يهون [ وقف وراح لغرفته وقط كندورته وقط عمره على فراشه بعدها , اهو صدق كان ضهره يعوره بس اهوا بالغ كثير وهي مسكينه من الخرعه عليه مانتبهت له انه يكذب , وحركات سيف ماتخلص ..... [ دخلت هيونه وراه وراحت لتسريحتها وخذت كريم وخذت نفس وجت وجلست جنبه ..... هيونه : سيف سيف وهو يتعب صوته : عيونه هيونه من الفشله يالله طلعت هالكلمتين : اسويلك مساج سيف ببتسامه عريضه : هيه ياريت والله اخخخ ماتسوى علي ( ورفع فلينته وفصخها هنا هيونه وقفت وبعدت شوي ... سيف : شو بلاج هونتي صح انتي ماودج انام الليله من وجع ضهري صح هيونه والوجه اصفر : لا بس , طيب طيب هيونه بينها وبين نفسها : لالا المفروض اتعود انا شفيني لازم ازعله دوم تكفين هيونه بس هالمره تشجعي [ وقربت منه وقعدت يمه بس بعيد شوي وحذت شوي كريم على طرف اصابعها وبدت تمسج ضهره ايدينها كانت ترجف وهو حاس برجفت ايدينها على ضهره بس تم ساكت علشان مايوترها وهي شوي شوي تأقلمت وكملت لين اختفا الوجع كلياً بس تم ساكت لانه استانس عالوضع هيونه بينها وبين نفسها : يربي اكيد للحين يوجعه علشان كذا ساكت يربي *(( الله لا أله الا هو الحي القـــ... [ كملت المساج وهي تقرا عليه , هيونه يدها خفيفه فالمساج وسيف من كثر ماريحه المساج حس فنوم بس مابغا ينام قاوم بس ماقدر على يدين هيونه شي خيالي وغفا ولما شافته غط فنومه جتها راحه نفسيه لانه مانام الا لان الوجع خف , وفتحت الفراش وغطته بشويش , وراحت وخذت شور وبدلت ملابسها ولبست شي يكون مرتب عليها لصحى سيف وضبطت شعرها ودقت عالخدم enter phone وخبرتهم الساعه 8 يجهزون العشى ........ [ ودخلت غرفتها وشغلت التلفزيون بس وطت الصوت علشان سيف , وبعد ربع ساعه تذكرت لا انها من مشو اهلها ماشافت نواف وراحت تركض لغرفته ودخلت بس مالقته ولفت يم السرير ومالقت شنطته, قعدت شوي تستوعب الموقف بس الغرفه للحين بارد يعني المكيف توه يتطفا ماصارله مده ..... [ نواف كان موجود يوم مشو الشباب والبنات وما حب يروح وياهم تم بالبيت , وبلكونه نواف تطل على الساحه والمدخل الرئيسي , ولما رجعو سمع صوت السياره طلع وشاف هيونه وسيف وهو ينزلها ويمزح وياها قعد على طرف وتم يناضرهم ماحب يخرب عليهم وطول ماهم كانو مع بعض وهو يناضرهم كان المسكين قلبه يحترق من داخل بس كبت على عمره وسكت واجبر عمره يتم علشان يجبر نفسه يتقبل الواقع الي اهو يشوفه الحين قدامه , كانت كل دقيقه عن ساعه وكل ساعه عن يوم تم من الساعه 10 لما ردو من المطار لين الساعه 5 المغرب ولما دخلو سمع كل شي وكان طول هالوقت يقارن روحه فسيف وشلي ميزه علشان تختاره وتفضله عليه ولما شاف هديه سيف لهيونه قارنها بهديته لها [ حلق الماس ] بس ما تجي ربع قيمه الهديه الي جابها سيف , قارنهن بس مالقا وجه مقارنه ولما دخلو غرفتهم لم اغراضه ومشى لقطر لانه وجوده فهالوقت اكبر غلط بنسبه له ..... [ هيونه خذت جوالها ودقت عليه علطول ... نواف لما شاف الرقم ابتسم : بعد شنو يهيونه تدقين بعد ما راح كل شي ( ورفع الجوال ورد كان صوته تعبان بالمره .. هيونه : الووو نواف : هلا هيونه اخبارك يقلبي عذريني والله هيونه : ليش تمشي طيب خبرني خرعتني عليك انت وين رايح نواف : انا فقطر مشيت بعد الشباب عالطول لان مالها داعي قعدتي اهم شي تطمنت عليك هيونه : نواف لاتقص علي الغرفه للحين بارده المكيف توه يتسكر انت توك ماشي ارجع ولا تخليني ازعل عليك نواف رقعها : يمكن الخدم توهم يطفونه لان انا لما طلعت ماطفيته , صدقيني الخدم ولو تبين اساليهم ( هيونه صدقته ومافكرت تسالهم وبعد ماتطمنت عليه سكرت وهي مرتاحه , اهي ارتاحت وهو زاد عذابه ووصل المطار وحجز على اول طياره لقطر بس ماحصل غير بكرى , ومالقا الا انه يروح بسياره وركب سيارته ومشا ] هيونه طول ماهي قاعده وقلبها ناغزها حاسه بخوف بس مو عارفه ليش : يربي اكيد كان يكذب علي , اللهم اني استودعتك نواف عند حفيضاً لاتضيع وداءعه يربي تحفضه من كل شي يربي تسهل دربه وتحميه من عيال الحرام ..... ------------------------------------------------ [ المملكه الرياض الساعه 7 فاليل .............. [ فالصاله ....... بدور : خاله لولوه ام شهد : عيون لولو امري يقلبي بدور قامت ورمت عمرها فحضن خالتها : انا كلمت هيونه واقنعتها تجي تدرس عندنا هنا برياض بدل ماتدرس بروحها هناك وهي ماتعرف حد . منها هناك تكمل دراستها ومنها تقضي اخر سنه ويانا ام شهد : يربي يهديك ليش يما الحين تكبرين راسها كان خليتيها على راحتها يما بدور : بس احنا نبغاها وشلتنا ماتسوى من دونها [ تناقشو شوي لين بدور اقنعت خالتها بكلامها , علشان ماتنصدم بعدين اذا هيونه اقنعت سيف بهالكلام .....] -------------------------------------------------- [ قطر ـ الدوحه الساعه 10 فاليل فبيت ابو نواف ........ [ نواف توه يوصل للبيت , خوال نواف كلهم كانو مجتمعين عندهم والي ضايق نواف اكثر ان سياره بيت خالته العنود موجوده دخل وعلى وجهه ابتسامه مصطنعه , ام نواف كانت قاعده ويا خواتها فالصاله ومانتبهت للي دخل من صوت البزارين.... نواف : السلام رفعت ام نواف راسها : هلا والله بعد روحي متى وصلت ( وقفت وضمته وهات بوس لين تغير لون الولد ... منيره بنت خالته العنود لما سمعت صوت خالتها جت تركض الغرفه , ولما شافت نواف صبت عضامها من الفرحه [ وبعد ما دارو الخلات عليه لين هلك من كثر ماسلم وكل وحده لها ربع ساعه , قعد ولما لمح حد واقف يم الباب رفع راسه وشافها منيره بدلع مصطنع : هلا نواف حمدالله عالسلامه متى وصلت نواف بينه وبين نفسه : كملت هاذا الي كان ناقصني [ وقربت منيره وسلمت عليه وهو جالس , شين وقواه عين نواف ماحب يوقف علشان مايسلم عليها طلعت هي الي انزلتله وسلمت عليه , ابتسم من ورى قلبه وقعدت يمه ..... منيره : نواف صحيح كنت فالامارات نواف وهو يبيها تفك عنه : اي اشتقت لبنت عمتي وقلت خلني اروح اشوفها و خفت تزعل علي بعد لاني محضرت زواجها منيره والشرار بعيونها : مو لازم تعني روحك , كلمها على الموبايل ماتسوى عليك جاي من بريطانيا نواف وهو يبي يقهرها علشان تزعل وتروح وتكفه: لا مقدر هيونه غاليه علي ومايهون علي زعلها واجي لو كنت بخر الدنيا ماتفرق وياي ام نواف تبي تعدل الموقف : اي تعرفين اهم من كانو صغار وهم مع بعض وهي زي اخته روان مايقدر يزعلها نواف وهو يناضر منيره بخبث : واكثر من اختي والله منيره : امم اي الله يهنيا بس صراحه انصدمت لما دريت ان سيف الـ ـ ـ اهو الي خطبها وماتوقعتها توافق ههههه يحليلها [ روان وهي توها داخله وسمعت كلام منيره الي مثل السم , ولفت على سيف وشافت شلون انقلب وجهه ..... روان وهي داخله : اكيد بتوافق لان نواف شار عليها صح نواف , وهي ماتشك خيط ببره الا برايه تعودت عليه يعلني افداها نواف وهو كابت : اي صح , عذروني انا تعبان ودي اروح انام منيره : مو من بعد المسافه علشان تتعب , تعال العب ويانا ورق الكل مجتمعين فالصاله الثانيه نواف طفح الكيل عنده : انا تعبان ومالي خلق وبعدين تراك لوعتي كبدي فكيني ( ولف وراح فوق , الكل انصدم من كلمته .. ام نواف وهي ودها تهزئه على الي قاله : معليه اهو لكان تعبان يقط خيط وخيط لاتواخذينه فديت روحج منيره وعيونه شوي وتطلع على برى : لالا عادي انا عارفته بس ولا يهمج يخاله براضيه لاني حاسه اني زعلته [ منيره , حبها لنواف انبنا من كانو صغار بس نواف كان دوم يكرها , لانها ماتحبب الناس فيها , مع انها وحلوه وجذابه لحد كبير بس عيبها ماتعرف تتعامل وياه , وماحاولت تكسبه او تقربه لها كانت دوم تنفره منها , غيرتها من هيونه عمتها كانت تلاحض اهتمامه فيها مع انها اصغر منه وهي تقريبا بنفس عمره .......] [ نواف صعد لغرفته ومن التعب قط روحه على فراشه من دون لايبدل ملابسه , بس التفكير ماخلاه ينام .... نواف واتلتفكير مو مخليه ينام : يربي شبيدي اسوي شبيدي [ مالقا حل الى انه يشكي لحد لانه لو ماطلع الي فخاطره بينفجر [ ورفع جواله وكلم بدور .... [ ما علق الخط بالول بس بعدها لقط .... بدور وهو تتخبل : هلووووو نواف : مكلم شايب انا ههههههه ولا مكلم بنت عمتي بدور وهي تعاتبه : اخيرا عرفت ان عندك بنت عمه اسمها بدور , بس معليه معذور نقول ان الدراسه خذت وقته هنادي كانت يم بدور والفضول فيها عاده مو قراده : مين الي داق بدور وفقت : بعدين اقولك ( وطلعت عاللبلكونه ) ها يالحبيب امر , ترى حدي مستغربه اتصالك نواف : بدور انتي فاضيه ابي اسولف وياك شوي بدور : اي ماعندي شي وملانه حدي زين انك اتصلت نواف : بدور بسألك سؤال بس اتمنا تجاوبيني بصراحه ومن دون لف ودوران زين وعديني بدور !!!! : ok وعد ترى وربي خرعتني نواف وهو متردد : هيونه مرتاحه بزواجها من سيف ولا كل الي اشوفه خيال وتغطيه قدامنا ؟؟؟؟؟؟ بدور !!!! : اي ينواف واكثر مما تتصور ربي كتبلهم يكونون ويا بعض نواف صدقني لو لك نصيب فيها كان خذتها بس ربي ما كتب ونت بذن الله بتفرحنا وبتبشرنا فيوم من اليام انك عزمت تتزوج , صدقني محد راح يطلعك من هالحاله الا الزوجه الي تملي عليك دنيتك نواف : اي يبدور انا عزمت اتزوج بدور صرخت : لااااااااااااااااا لاتقولها من جدك ووووووووووووووووووووو وناسه نواف وهو مبتسم : قصري حسك يويلك ان عرف احد بسالفه انا بغيت اول وحده تعرف هيونه بس الوقت تاخر وخفت يكون سيف يمها بدور : ليش انت مو عندهم , روح وطق الباب عليها نواف : لاا انا فقطر مشيت بعدكم علطول لان قعدتي صارت مالها داعي بدور وهي مصدومه : امم اي ok طيب ماقلتي من أهي سعيده الحض الي ناوي تتزوجها نواف بنبره حزن : اهي كانت هيونه بس الحين انا معاهد عمري محد يختار لي عروس غير هيونه ونا متاكد من هي الي راح تختارها لي لاني انا بعد اخترتها ,علشان كذا ابغاها تكون منها مو مني ,وبعد علشان اتاكد انه اكثر وحده تناسبني ... بدور : احسن شي سويته يمكن هالشي راح يريح هيونه شوي ويريحك بس تعتقد انك بتكون وعادل وياها نواف : انشالله ربي يقدرني ادعيلي بدور ان ربي يوفقني بدور : الله يوفقك انشالله , يلا نقول من الحين منك المال ومنها العيال نواف وهو يضحك : تو الناس خل البنت توافق بالول [ تمو يسولفو ويضحكون اكثر من 3 ساعات متواصله لين هلك نواف وجاه النوم وقرر يسكر وينام ,وبعد ماسكر منها نام احلا نومه وهو مرتاح اتم الراحه ...... ------------------------------------------------ [ ابو ضبي الساعه 12 بليل , صحى سيف من النوم وهو متثيقل روحه وقف وهو يتلفت يدور هيونه وشافها فصاله الغرفه نايمه على الكنبه , كانت تنتظر سيف لما يرتاح شوي وبعدها تقعده علشان يتعشى بس من التعب نامت ونست لا تقعده ..... سيف قرب وقعد على الأرض يمها وقعد يناضرها : يربي يحفضها لي يارب [ سيف قليل مايحل فرص زي كذا يقعد بهدوء ويتأملها وهي نايمه , كان بكل لحضه يحمد ربه على النعمه الي اهو فيها الحين.. [ هيونه حست بنفسه وصوته وفتحت عيونه بشويش لانها كانت حدها تعبانه ... سيف ببتسامه : صح النوم هيونه عدلت جلستها : صحيت سيف : اي حياتي صحيت ترى حدي جوعان , الجوع مقطعني وقومني من نومي هيونه حطت يدها على فمها : اوو سوري يقلبي ثواني ويكون الكل جاهز ( وقامت بسرعه وراحت الحمام وغسلت وجها ونزلت تحت , بس الخدم نايمين وضطرت تسوي كل سي بنفسها , انكبت الرز وطلعت السلطه من الثلاجه لان الخدم جهزوها قبل لاينامن وبعد ما خلصت وودتهم فوق فغرفه الطعام , راحت لغرفتها ...[ دخلت بشويش ... هيونه : العشى جاهز وقف سيف وجا عندها : يلا يقلبي لاني مقدر اصبر اكثر من كذا [ وراحو لغرفه الطعام ونكبت له بصحنه , اهو ماصدق من الجوع وكلا لين طلع من خشمه ... [ بعد العشى , راحو غرفتهم وقررو يسهرون عالتلفزيون , وهيونه ماتقدر تخبي شي على سيف وخصوصا اذا كان مهم وخبرته عن نواف , اهو تفاجا بالول بس بعدها اعتبره شي طبيعي لان لو اي احد فمحله راح يسوي الي سواه الي سواه نواف وهذا شي اكيد .. هيونه : يعني ادق اتطمن عليه ولا اخليها بكرى سيف وهو يمسح على شعرها : لا الحينه الوقت متاخر وماله داعي خليها بكرى ok حياتي هيونه : ok سيف ببتسامه : يلا حياتي ماودج تنامين هيونه وهي تغير الموضوع : ok لان انا بعد حدي تعبانه وابي انام ضلوعي كلها متكسره سيف ببتسامه : حياتي فديت روحج ,اجليلي النوم بعدين ****************************************** ========================================== [ ابو ضبي الساعه 8 الصباح ...... [ صحت هيونه من نوم وهي بجد متثيقله روحها , ولفت على سيف وكان حده غرقان فنوم وهي كانت خجلانه وخايفه بنفس الوقت من حالتها وهالرجفه مو راضيه تروح منها , وقامت بشويش وراحت الموزع الملابس وقعدت شوي عالكرسي , لانها مو قادره توقف حتا , رن المنبه وفزت بسرعه وخذت فوطتها وراحت تركض للحمام قبل لايصحى لان مو ناقصها وهي بالحاله ان سيف يكمل عليها ويحرجها , خذت شور وطولت شوي علشان يكون طلع من الغرفه ,وبعد ماخلصت طلعت عالموزع عالطول وبدلت ملابسها ولبست *  * [ هيونه كانت متازمه مو عارفه شتسوي تطلع تقعد وياه وهو يتفطر ولا تتم لين يمشي لشركه وبعدها اهي تاخذ راحتها [ وبعد 10 دقايق , قررت انها تتشجع وتنزل له تحت وعدلت عمرها وتعطرت ونزلت ... [ سيف وهو قاعد على طاوله الطعام فالصاله الداخليه شافها وهي نازله لان بيته تقريبا كان مفتوح على بعض ابتسملها وهي جايه كانت تمشي بشويش وهي منزله عينها وقعدت وهي ساكته وجت الشغاله وحطت لهيونه بصحنها نور : مدام gos هيونه بصوت واطي : يا gos [ صبتلها نور العصير ولقتلها شي تلتهي فيه ... سيف : ليش ساكته حتا صباح الخير ماقلتيها فيج شي هيونه بصوت واطي : صباح الخير سيف : تو الناس ( وسكت شوي وبعدها قرب كرسيه من كرسيها وهو متردد ليفتح الموضوع وياها بس بعدها تشجع لانه لو ماكلمها فيه الحين مرح يكلمها فيه بعدين ) شفتي حياتي قلتلج انتي لاتخافين وبذن الله راح يكون كل شي طبيعي مع اليام ( وباسها على راسها ) فديت قلبج انا رايح خلي تلفونج وياج لاني راح ادق عليج اوكي حياتي ( هيونه هزت راسها بشويش , اهو هنا حس براحه كبيره ومو اي راحه الهم الوحيد الي كان مو منومه اليل ونحل ومايطلب من ربه الا الرضا .... ================================================== = ( ادري تاخرت بس شرايكم , تابعوني بالجزء الجاي الـ28 , نواف راح يفاتح هيونه بالخبر السعيد الي قرر عليه وتتوقعون من سعيده الحض الي راح يخطبها نواف , ويا ترا راح توافق ولا لاء , وهم هيونه راح تفاتح سيف عن دراستها فالرياض تتوقعون بيتقبل الفكره ولا لاء , تابعوني وبذن الله مابتاخر عليكم ......... . . . ; اختكـــــــــــــــــــــــــــــــــــــــم :@ مجنـــــــــــــــــــــــــــــــــــــــــــــــ ـــــــــــونه __DEFINE_LIKE_SHARE__ | |
| ||
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
العرض العادي
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| روايه عن بنات المتوسط ومراهقتهم | عزيل قلب | قصص و روايات | 10 | 04-30-2010 03:47 AM |
| انتهي المشوار فهل تحقق بعض حلمي؟!(ارجو التثبيت) | حبوب الوسمي | شعر و خواطر | 5 | 07-24-2009 03:53 AM |
| بالصور.. ماكسوبل:حلمي تحقق واليوم هو افضل يوم في حياتي | محروم.كوم | منتدى أخبار المواقع والمنتديات العربية والأجنبية | 0 | 07-19-2009 06:30 AM |
| وقد تحقق حلمي وربحت nokia n96 تعال وجرب بنفسك وربح!! | محروم.كوم | منتدى أخبار المواقع والمنتديات العربية والأجنبية | 0 | 06-02-2009 06:30 PM |
| [حصّري] آخر سكربتات Dev Team ! روووووعه×روووووعه | سَوّافْ | المسنجر وملحقاته , توبيكات , ماسنجر بلس , msn | 44 | 01-29-2008 07:30 PM |
الساعة الآن 03:24 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227