؛[¤(تـ...ـوهـتـ"ـنــي بـ..ـحـ...ــبـ"ـك دخـ...ـيـ"ـل

Дјறàl Диsǎήһ · #1 03-12-2009, 09:52 PM

؛[¤(تـ...ـوهـتـ"ـنــي بـ..ـحـ...ــبـ"ـك دخـ...ـيـ"ـل
ربـ..ـك لاتـ..ـخــ"ـلـــيني)¤]؛

للكاتبه:*({§}أجـ...ـمـ'ـ'ـل أنـ...ــســ"ـانــ.^..ــه{§})*

عايله عبدالعزيز<الجد> وزوجته فاطمه وعيالهم
محمد بعده منى وبعدها سلطان وبعده ساره وبعده سعد وبعده نوره وبعدها سعود
محمد ابو عبدالعزيز وزوجته نوره
عبدالعزيز عمره 28 متزوج من غلا بنت عمه سلطان مدرس انجليزي
عنود وعمرها 23 ومتخرجه تخصص جغرافيا وتاريخ ( وووع )
عبدالله عمره21 وبقى سنه ويتخرج وصديق مشعل الروح بالروح
ريم عمرها 17 عشانها داخله المدرسه مبكر ثاني ثانوي ادبي ونجحت لثالث
ريماس سادس ابتدائي وراحت لأولي
ريماز 4 سنوات
ومنى زوجها احمد
مشاري عمره 27 طبيب جراحه
مشعل كبر عبدالله ونفس الجامعه
مرام كبر ريم ونفس المدرسه
غرام كبر ريماس
انغام سنتين
وسلطان زوجته حصه
ثامر عمره 25 يشتغل فالشركه مع عمانه وابوه
غلا زوجت عبدالعزيز وعندهم بنت اسمها رغد سنه وشوي بس مابعد مشت
راما نجحت وانشا الله اولي جامعه وعمرها19
بندر20ثاني سنه جامعه
ساره زوجها بدر
سامي 24
قمر 20 وفجر توأم بس مافيه شبه بينهم
زياد18
سعد زوجته لطيفه
نواف عمره 25 مبرمج حاسب آلي
نوف 23 متخرجه إداره اعمال
نايف كبر بندر
ريف نجحت لأولى ثانوي
نوره زوجها ياسر
لارا ويارا توأم عمرهم 5
وسعود ماتزوج عمره 28
ملاحظه(مشعل خاطب بنت خاله ريم من زمان بس ماتملكوا )
وباقي شخصيات بتذكر فالروايه
الــبــــــــــ>1<ـــــــــــارت
ريم فغرفتها قاعده تغني وترقص وتنطط عالسرير مستانسه لانها نجحت وجت العطله
ريم:سلامات حبيبي مو على بعضك سلامات سلامات اشوف الحزن بعيونك سلامات فلقياك القلب يشفي غليله وانا وأياك مثل قيس وليلى روايات مدري وشو روايات
عبدالله دخل عليها
عبدالله يطنز :تصدقين صوتك رهيب وتحريفك فالاغنيه احلى من الرهيب
ريم مبتسمه:اكيد شي اساسي اني رهيبه مو انا اختك
عبدالله قلب عليها:والله لو يسمعك راشد على طول يعتزل بدون تفكير
ريم بغرور:اكيد مو لانه سمع صوتي ياحلو صوتي
عبدالله:اقول لايكثر بس قوليلي وش فيك هيصه ورقص ومناقز
ريم:وحده جتها العطله وش تبيهاتسوي تحط يدها على خدها وتبكي مثلا
عبدالله:هذا ورجلك منكسره تسوين كذا اجل لو مانكسرت وش بتسوين بعد ...او الله يقلع بليسك نسيتني ليش راقي .. انزلي غلا وعبدالعزيز تحت
ريم فرحانه:صدق يوه من زمان عنهم من بدت الامتحانات ماشفتهم الى ثلاث مرات
عبدالله:طيب لاتنسين انزلي
ريم:طيب انت وين بتروح
عبدالله:بروح اكبر المخده وانوم
ريم تناظر ساعتها :صاحي انت في احد ينوم المغرب الله من زين الوقت والزهق والكأبه
عبدالله:والله قايم مبكر
ريم:محد قالك قوم مبكر
عبدالله:كله من شعيل داق علي و مروق عاد طار النوم
ريم ابتسمت ورفعت كتوفها بكبريا :مدام مشعل سبب خلاص سماح روح نوم
عبدالله رفع حاجب:احلفي تكفين
ريم ضحكت ودزته على برا:قولهم جايه اللحيين
بعد دقيقه نزلت ريم كانت غلا لاهيه تسولف مع عنود وعبدالعزيز
صرخت ريم:غلو
غلا ضحكت:هلا والله
سلمو على بعض وجلست بين غلا وعبدالعزيز
عبدالعزيز ضربها على كتفها بمزح:قومي يالله وش دخلك بينا
ريم:كيفي وبعدين طول وقتكم مع بعض خلاص يكفي
شهقت غلا:قولي مشاء الله
ريم كشرت:مشاء الله اللهم لا حسد
عبدالعزيز:عنودي عطشان تكفين جيبي لي مويه ذي تخلي الواحد يعطش
عنود تبتسم:طيب من عيوني
عبدالعزيز:تسلمين
غلا:عنود خليك جالسه انا بروح اجيب له
ريم تمسك يد غلا:لا روحي وانتي(قصدها غلا)بسرعه جيبي لي رغودي
غلا:شفيها فالمقلط مع ريماس
راحت ريم جابت رغد ورغد مطيره عيونها
ريم تضحك:وش فيهاذي مطيره عيونها اكيد معجبه فيني
غلا:واثقه والله مو منك من التيشر الي لابسته
(ريم لابسه تيشرت أخضر وطني فاقع وبنطلون كتان مقلم بالطول بلون وردي وفوشي واخضر واصفر وابيض رهيب يصلح للبيت ورابطه شعرها ذيل حصان وحاطه بوف من قدام وفيه كلبسه فيونكه طالع شكلها انوثي ومالمحها تساعد مشاء الله عيونها وساع بس مو كبار وخشمها متوسط وشفايفها شبه صغير وطولها اوف على طولها عارضه ازياء وجسمها شي ولون بشرتها اصفر على ابيض خخ قله الأكل وشعرها كستنائي يعني مشاء الله جنان بس عنود عكسها بكل شي بس فالعيون نفسها وخشمها صغير وشفايفها صغيره مره وجسمها صغير ريم اطول منها وبشرتها بيضا بياض حلو على حمار وشعرها بني غامق وطوله نص ظهرها .. عاد الحين وصفت لكم ملامحهم بقى غلا وش اقول عن غلا جمال شويه عليها عيونها وساع وخشمها حاد حده اوف صاروخ وشفايفها صغيره مره وبشرتها برونز مدري وش لون حلو مره وطولها متوسط وجسمها حلو مره وشعرها قصير عند كتوفها واسود سواد الليل)
ريم تضحك:بالله غلو مو حلو لون التيشرت
غلا:الى حلو بس سبور يعني للبيت وبس واجتماعات بسيطه مع البنات
عبدالعزيز:غلا الساعه 9 اوديك خلاص انا رايح الحين
غلا:اوكي
ريم عقدت حواجبها:وين
غلا:بروح بيت اهلي
ريم :لا ما فيه ماشبعت منك
غلا:خلاص تعالي معي
ريم:لا مافيه بروح اتصل فيهم واخليهم يجون
غلا:لا خلاص تعالي معي وش بيظرك
عبدالعزيز:لاتحاولين إذا حطت شي في بالها بتسويه خلاص غلا خليها تدق تجرب
ريم راحت تدق على بيت عمها
وبعد ربع ساعه او اكثر رجعت
ريم:كلمت وتقول امك خلاص بيجون ودقيت بعد على عماتي وعمي سعد وسلطان كلهم بيجون وعمي سعود مارد علي
عبدالعزيز:مشاء الله طابختها وخالصه
ريم:اكيد
عبدالعزيز:طيب روحي عطي علم لامي
ريم راحت
عبدالعزيز:الحين ذي راحت تجيب مويه ونامت(يقصد عنود
غلا:بروح اجيب لك واشوفها
راحت غلا ورجعت بعد شوي
غلا:مالقيتها فالمطبخ
عبدالعزيز :غريبه
غلا:تلقاها رقت فوق نست
وبعد شوي نزلت عنود
عبدالعزيز:عنود وين المويه
عنود عقدت حواجبها :يو نسيت عبدالعزيز وغلا ضحكو عليها
بعد صلاه العشا الكل وصل بيت محمد دخلت عنود غرفه ريم اختها
عنود:ريوم بليز استشوري شعري مالي خلق
ريم تلبس حزام البنطلون:اصبري خليني ازين مكياجي واستشوره لك ولا اقولك اصبر ادق على قمر رنه واهي بترقى بتفهمها
عنود:يالله بسرعه عجلي
ريم دقت على قمر رنه وبعد شوي رقت عليهم راحت غرفه عنود مالقت احد واتجهت لغرفه ريم طلت عليهم
قمر:هاي
عنود وريم:هايات ادخلي
قمر:ماخلصتوا
ريم:تبينا نخلص ساعدي استشوري شعر عنود وانا خلصت مابقالي غير الميك أب
قمر خذت السشوار:الله والمكياج كله روج وكحل وماسكرا
ريم:اسم اني حاطه شي بس خلصوا بسرعه ماما بتجي تكرشنا
قمر: تعالي عنود
وبعد ربع ساعه نزلوا البنات وسلموا عليهم ريم دارت بعيونها تدور ريف
ريم مبتسمه:خاله وين ريوف
لطيفه(مرت سعد :نايمه عجزت اقومها بس ماقامت
ريم:باب البيت مفتوح
لطيفه:ايه ليش!؟
ريم ابتسمت:خاله اسمحي لنا بنروح نقومها
لطيفه ضحكت:ياحليك والله ماتحبين احد ينقص
ريم:اكيد
وقامت ريم راحت جمب مرام وراما
ريم:مروم ورمو تعالوا معي بيت عمو سعد نقوم ذي التبن ريفوه
راما:انا ماني رايحه اخاف في ااحد
ريم:تكفين عاد تراهم ماياكلون لحوم بشريه
مرام:ترى خجلك زياده عن اللزوم فاهمه
راما:انا ماني رايحه لاتضيعون وقتكم روحوا
مرام سحبت يد ريم:امشي بس مافيه فايده لو تتكلمين من اليوم لبكره مرح تفهم

طلعوا مرام وريم رايحين بيت سعد سعد ومحمد وسلطان وابوهم عبدالعزيز واحمد زوج منى(لان فيه صله قرابه بينهم) ساكنين جمب بعض يعني عباره عن قصر كبير فيه 5 فلل ودور صغير فبيت الجد عبدالعزيز لسعود إذا تزوج وبين كل بيت باب داخل كل فله مثلا ريم ومرام راحو بيت سعد مرح يطلعون برا البيت بيطلعون من الباب الي بين بيت محمد وسلطان وبعدين باب سعد
دخلو البنات البيت وتوهم جايين بيرقون الدرج وسمعوا صوت داخل المطبخ
مرام شهقت وبلعت ريقها:ريم لا يكون قطوه
ريم:تكفين انتي بعد امشي بس نرقى فوق
مرام ثابته فمكانها:ماني راقيه معك اخاف ترقا القطوه وننحبس
ريم تركتها:احسن جعلها تجيك
مرام:انقلعي انشا الله تطيحين وتنكسر رجلك الثانيه(تبون تعرفون وشلون انكسرت رجلها هع مسكينه كانت طالعه من المدرسه اهي وراما ومرام وصديقتها منال آخر يوم من الامتحانات جت بتنزل من الدرج منال صارت واطيه على عبايتها طبعا مو قصد وطاحت اهي عباره عن 3 درجات بس عاد بنت نعومه انكسرت رجلها خخخ)
ريم سفهتها وراحت ومرام ثابته فمكانها من الخوف مو عارفه تتحرك سمعت الصوت كل ماله يزيد شالت رجوله وراحت اتجهت لصاله مغلقه فيها تلفزيون ولقت شماغ طايح وجوال طايح استغربت وبلعت ريقها وتكلمت مع نفسها( لا اكيد قطوه اجل وش ذي الحوسه ياليت اني جلست معك يارمو) تسندت على الباب ورجعت راسها على ورا وحطت يدها على قلبها وقلبها يدق ويدق من الخوف (ملاحضه:ترا راما ومرام عدوهم اللدود الحيوانات وخاصه القطوات والهامسترات لأن كل بيت فيه هامسترات الى بيت منى وسلطان طبعا عشان راما ومرام)
طلع نواف من المطبخ معه سندوتش جبن وشاهي متحمس ياكل وقف فمكانه لماشاف مرام قعد يتأملها وشكله يضحك شعره محيوس توه قايم من النوم وسرحان من جمالها وجاذبيتها عاد ماعليه زود يهبل وخق لما رمشت 3 رمشات ورا بعض من الخوف رجع على ورا عشان ماتشوفه جلس يفكر وش لون اطلع وتشوفني طبعا عشان تتغطى ومايحرجها جت فباله فكره يطلع ويغني طلع قاعد يغني جن جنوني لعاصي الحلاني
مرام حست فيه خذت الشال من كتفها وتغطت
نواف عند باب الصاله:احم ..من انتي؟(شفتوا دفاشه الشباب خخخ)
مرام:جايين نقوم ريف
نواف كاتم ضحكته:طيب مين راما ريم والخ حددي
مرام:مرام
نواف:طيب شفيك جالسه هينا روحي قوميها
مرام:ريم فوق تقومها
نواف:أها
ماحب يكثر كلام ودخل جوا الصاله
مرام:ااااوف نواف من فالمطبخ
نواف متحمس ياكل :شو!؟
مرام:من فالمطبخ
نواف:مافي احد
مرام :سامعه صوت فالمطبخ
نواف:اها انا
مرام:يعني مافيه قطوه
نواف ضحك: لامافيه قطاوه عندنا
مرام حست احد وراها بلعت ريقها طقتها ريف مع ورا
ريف:هاي
مرام شهقت وصرخت:بسم الله خوفتيني
ضحكو عليها
مرام:غريبه قامت
ريم :لقيتها قاعده تلبس
مرام:طيب يالله نروح
البنات:اوكي
طلعوا البنات وجلس نواف يفكر فمرام همس:فديت هالعيون الحلوين(عاد مشاء الله عيونها كثير حلوين كبار وفيها نعوسه بس على خفيف وفيها جاذبيه غير طبيعيه وخشمها ماعرف اوصفه عادي وحلو وشفايفها حجمها متوسط وملتمه على بعض يعني حلو مره وفيها غميزه وحده وحواجبها جنان ترسمها وتطلع حلوه لانها خفيفه بلا تشقير بلاهم وطولها حلو تقريبا 160 حلو على بنت وجسمها يميل للنحيف بس فيه اشيا تبرزه خخخ تصلح عارضه ازيا بس مو طويله لون بشرتها برونز وشعرها اشقر على بوني وقصير تحت كتفها بشوي ومدرج على طوله بس تلبس نظرات إذا جت تقر وماتشوف شي بعيد عشان كذا تلبس عدسات)
نواف تنهد وغمض عينه يفكر
(الرجال اجناس مو الناس اجناس هذا مفهومي عن الرجال والشباب)
الساعه 10قام سعود ونزل تحت ينادي
سعود:يمه يمه ام محمد وينكم
لمس جيب بنطلونه مالقى جواله رقا فوق بسرعه وخد جواله واهو ينزل يشيك عالمكالمات لقى مكالمه من ريم ومن صديقه سلطان دق على ريم وريم طلعت جوالها صار عمها داق ردت بين ازعاج
ريم:هلا والله
سعود:ريم مااسمعك اطلعي من الازعاج
ريم طلعت من الصاله
ريم:هلا
سعود:هلاوين داقه علي
ريم:اي صح انت فالبيت
سعود:ايه توني قايم طالع
ريم:خلاص تعال بيتنا كلهم موجودين
سعود:اها وانا ادور امي مالقيتها اوكي جاي الحين
ريم:اوكي باي
ريم رجعت عند البنات وجلست بين راما ومرام
مرام :من
ريم:عمو سعود
مرام ابتسمت بفرح:بيجي
ريم:يس افكورس
مرام:وناسه والله إذا ماطلعت عيونه مااكون انامروم
راما تضحك
مرام:وش تضحكين عليه انتي بعد
راما تبي تقهرها زاد ضحكها
مرام سكرت على اسنانها:راموه ياحيوانه ليش تضحكين
راما:مافي شي حرام الواحد يضحك
جتهم فجر
فجر:وش جلسكم انتو هينا تعالوا معنا
البنات:يالله

بعد نص ساعه دخل سعود عند الحريم
سعود :يمه ليش ماقومتيني
الجده:انا ماقومتك الى انبح صوتي وانا اقومك
منى:محد قالك يصير نومك ثقيل
سعود:احم استري علي على الاقل عند حريم اخواني
منى:لاياشيخ حريم اخوانك عارفين عن كل بلاويك
سعود :الحين انا عندي بلاوي الله يسامحك
نوره زوجه محمد:لا عاد كل شي الى سعود ماارضى عليه ربيته مع ولدي عبدالعزيز
سعود ابتسم:طيب ليه مارضعتيني عشان تفتشين عني
ريم:والله وناسه كان مااقوله عمي
ساره:الحمد لله يالفالحه عشان ذي الكلمه
ريم:لا بس عشان افلها فالكلام معه يعني مو احاسب على اي كلمه بقولها وياليتك انتي اختي بعد
سعود يطنز:مشاء الله عليك مؤدبه..الي يشوفك يقول ما كأني عمك
مرام قاهرها خالها وتبي تقهره
مرام :خالو انت ليش ماتبي تتزوج
الجده:من قالك انه مايبي انشاء الله ذي العطله بيتزوج
سعود:لا مابي مو جاهز
مرام:خالو طيب ليش وإذا كان في وحده تحبها قولنا ونخطبها لك
منى:ايه قولنا وانا نروح نخطبها لك
سعود:وش فيك علي انتي وبنتك
منى:انشاء الله ذي العطله بتتزوج وبيتزوج مشاري بعد
لطيفه:ونواف ولدي انشاء الله بيتزوج
حصه:وثامر عاد ثامر يختلف عنهم كلهم ثامر بنفسه جاي وقايلي والبنت فباله بس مابعد قال منو
ريم همست لمرام:صفقيني أذا تزوجوا كلهم
سعود حس انه متورط:خلاص إذا تزوجوا عيالكم تزوجت بعدهم
منى:خلاص اجل عيالنا واثقين منهم بس يتزوجون ونزوجك
سعود يخز مرام بنضرات ومرام حست انها انتصرت
فجر تهمس لمرام:ياويلك منه والله بيجيبلك قطوته
مرام بلعت ريقها:انقلعي انقلعي
فجر:براحتك احسن
قمر:فجر قومي يالله بنروح
ريم:تعالوا وين تروحون
قمر:البيت وين يعني
ريم:مافيه روحه تو الناس
قمر:ريوم ناسيه بكره الاحد
ريم:طيب
قمر:زواج ولد عمو
ريم تذكرت :اي صح تذكرت
قمر:الحمد لله على السلامه
فجر تلعب عليها:ترانا جايين بس عشانك
ريم صدقت:احم احم اجل خلاص روحوا
فجر وقمر ضحكوا عليها وراحوا

وفالليل الساعه 4 الفجر نوف وريف فالمطبخ الي فوق نوف تصلح لها صوص لشيبس دريتوس جبن وريف تصلح اندومي

ريف:نوف تعالي انزلي معي بجيب صحني
نوف:فاضيه شوفي الدرج مليان صحون ولا لازم صحنك ذا
ريف بترجي:بليز
نوف بعزم:لا روحي انزلي بروحك فيه نايف فالصاله
ريف:نوف تكفين انزلي معي أخاف
نوف عصبت: قلت لا يعني لا
ريف عقدت حواجبها وخنقتها العبره :اوف عشاني انا الصغيره فالبيت تذبون علي كلام
وانا ما اقول شي
نوف:اسكتي بس اسكتي
ريف استسلمت وطلعت من المطبخ واهي تنزل درجه درجه تقرى المعوذات وآيه الكرسي ولاصقه بالدربزين وبقى اخر درجه مسك الدربزين ببنطلونها وطاحت وانشق بنطلونها قامت ريف والدموع تنزل على خدها بصمت وبشهقات مكتومه اتجهت المطبخ بكل هدوء وخذت الصحن وجت بتطلع من باب المطبخ فجأه حست احد وراها بلعت ريقها وخافت خوف مش طبيعي وحست بلمسه بخصرها فتحت فمها بتصرخ الى يحط يده على فمها وحس انها خايفه وترجف من الخوف
نواف:اوص انا نواف
وخلها تشوفه
نواف جلسها على كرسي يهديها:
خلاص ريفو(هذا دلع ريف الخاص بنواف)
ريف تصيح مو من الخوف الى منقهره من نوف
ريف بين شهقاتها :خوفتني حسبتك حرامي
نواف ضحك على برأتها:اي حرامي يدخل بيت واهله موجودين ولا بعد فالعطله كل الناس سهرانين
نواف قعد يهديها ويسايسها حوالي ربع ساعه ونوف ذي الخبله حتى مافكرت تشوفها ليش تأخرت
نواف:ريفو يالله نرقى فوق
ريف:يالله
وصلو عند الدرج نواف رقا درجتين وناظر وراه وريف ماتحركت من مكانها
نواف:ريف وش فيك واقفه!؟
ريف:مالي خلق ارقى تعال سولي عكه
نواف ضحك:لا مو صاحيه اسويلك عكه فذا العمر امشي بس بلا دلع
ريف بعناد:مابي
نواف:احسن خليك جالسه ذي المره بيطلعلك حرامي صدق
ريف:نواف ترى بصرخ وبقول لبابا انت خوفتني
نواف:لا وبعد عرفنا نهدد
نزل لها نواف يبي يسويلها عكه
نواف:يالله اركبي فوقي
ريف :لا اجلس عشان ارقى فوق كتفك
نواف :لاه كتفي راح فيها
ريف بدلع :نواف انزل بسرعه
نواف نزل:نزلنا يالله ترا بغرمك إذا صار فيني شي
ريف ضحكت:لا مرح يصير شي
رقت ريف على كتف نواف ونواف مسك رجلها عشان ماتطيح قام نواف
نواف:اوبا مشاء الله ياثقلك مع انك عضامه بس فيك حقك
ريف:اسرع
شوي ودخلو الصاله الي فوق
نوف ناظرتهم بأستغراب:انتي وش فيك تأخرتي
نواف:هذا تصرف زين تخلينها تنزل بروحها تحت
نوف ببرود:عادي مافيها شي شوفها صار لها شي
نواف:لا بس جن جنونها لما شافتني بغت تنهبل من الخوف
نوف:طيب نزلها عشان ماتخرع كتفك
نواف نزل ريف
نوف:تعالي انا ماقلت لك تحت فيه نايف
نواف:لا ياشيخه نايف ماسك خط الشرقيه(نايم من زمان)
نوف:اها ريفو وش في بنطلونك صاير لونه بني
ريف:طحت من الدرج قبل شوي
(ريف لابسه بنطلون بجامه ابيض وتيشرت ازرق (حلو))
نوف:تعالي اشوف
جت ريف ونوف رفعت بنطلونها وشافت فساقها جرح بسيط
نوف:نواف الله يعافيك جب ستيكر جروح فالدرج الي عندك
نواف فتح الدرج مالقى شي
نواف: مافي شي
نوف :شف فوق الطاوله وجب مسحه طبيه
لقاها نواف وعطاها نوف
ريف:اح توجع
نوف:خلاص خلصت
نواف:مدامك تحبينها لهالدرجه وتخافين عليها ليش مانزلتي معها
نوف:نواف خلاص خلصنا وبعدين مافي اي احد يشككني بحب ريفو صح
ريف:صح
حضنتها نوف وباستها

الساعه 9 ونص الصبح دقت ريم على جوال مرام تقريبا مكالمتين ماردت دقت الثالثه وردت
ريم:اخير كابتن ماجد رديتي(هذا لقبها خالها سعود منشبه فيها لأنها تحب كابتن ماجد طبعا الشخصيه الكرتونيه مو الي فبالكم)
مشعل:الووو
ريم استغربت:الوو
مشعل:هلا والله بحبي
ريم حست كل شعر جسمها وقف:من انت
مشعل حب يخوفها:انا مشاري
ريم شهقت:وشو
مشعل:ليش حرام الواحد يكلم بنت خاله
ريم معصبه عالآخر:كلم وش دخلني فيك بس مو انا
مشعل:ليش مو انتي
ريم منقهره وخانقتها العبره:انا ما
مشعل قاطعها:عادي
ريم طلعت منها تنهيده قويه:عطني مرام
مشعل كسرت خاطره:فديت كل دمه تنزل على شاني
ريم صرخت عليه:ماني فاضيه لك عطني مرام
مشعل تورط:ريامي حبي انا مشعل
ريم ودها تصدق وماودها:لا لا مو مشعل
مشعل:افا ماتعرفين تميزين صوتي ومشاري مافي امل يسويها هاه صدقتي يابعد كل الهامسترات(مع انها مايليق عليها يلقبها هامستر عشانها طويله ينفع زرافه بس اهي بنظره قصير لأن مشاء الله شباب العايله كلهم طوال خاصه مشاري عبدالعزيز وبعدهم الدرجه الثانيه نواف مشعل ثامر سامي عبدالله ونايف وبندر وزياد مو مره طويل بس طوله زين على عمره)
ريم عندها شك:ساكته لا تعليق
مشعل تنهد:ريم عمري حياتي قلبي روحي ردي فديت روحك
ريم مبرده عالآخر:ابي مرام
مشعل عصب:تبين مرام هاه اصبري على
وسمعها صوت القطار طوط طوط طوط ريم استغربت
ريم انقهرت:وجع مشعل مايسكر الخط فوجهي
دق عليها مشعل من جواله لها بعد ماخذ الرقم من جوال مرام ريم ماناظرت الرقم على طول حست انها مرام
ريم بلهفه:الوو مرام
مشعل:انا مشعل
ريم:انت كذاب مشعل مايسكر الخط فوجهي
مشعل بترجي:ريم حبيبي آسف يالله عاد صدقيني
ريم حست انه مشعل:وش يضمن لي انك ميشو حبيبي
مشعل ضحك:فديت هالرمسه انا
ريم:لا ياشيخ تكلم سعودي ازين لايسمعونك الأمراتيين يغيرون لهجتهم
مشعل:صدقتي انا مشعل
ريم:لا غن لي واعرف
مشعل:غالي والطلب رخيص..وحشتني سواليفك وحشتني شوفتك اكثر كل ليله مع طيفك حبيب الروح انا اتحسر اتحسر وحشتني سواليفك طاير من عيوني النوم على هذا الحال انا كل يوم سمعني حبيبي الصوت وسيرني على كيفك آه
ريم ضحكت:خلاص عاد عطني مرام
مشعل: طيب صدقتي
ريم:اي صدقت عطني مروم
مشعل:مرام تحت تسويلي فطور تعالي افطري معنا
ريم:عادي
مشعل:خلاص اجل تعالي
ريم بدلع:لا ماقدر فيني النوم بس عطني مرام
مشعل:والله تحت
ريم:انت ماتخاف على اختك روح شوفها لاتجيها قطوه ولا شي تلقونها ميته بسكته
مشعل:ذي جنيه بسم الله وبعدين عندها مشاري وغرام واكيد الخدامات قاموا
ريم:اقول كأني زوتها معاك باي
مشعل:تعالي اصبري وش فيها إذا كلمتيني
ريم:وش فيها خلاص اجل روح قول بابا وش فيها
مشعل:عادي بيقول تملكوا وكلمها على راحتك
ريم:لا ميشو الى الملكه كثير يحبون بعض فرقتهم ايام الملكه حلو الملكه تكون شهراو اسبوع وبعدها الزواج
مشعل:خلاص روحي مرح اضغط عليك براحتك
ريم مبتسمه وبحيا:شكرا باي
مشعل:باي
نزل مشعل لمرام لقى مشاري يساعدها
مشعل:هاي مروم خذي جوالك ريومي داقه
مرام فيدها السكين تقطع جبن كرافت"يمي اموت عليه
مرام:لايكون رديت عليها
مشعل:وش رايك
مرام:ليش وبعدين وش دراك انها ريم
مشعل:قلبي
مشاري:يافضيك لذي الحركات
مرام:صدق وش عرفك
مشعل:شيكت على المكالمات الي قبل اهي دقت مرتين وقلت اكيد وحده من بنات خوالي او خالاتي وشفت الرقم وطبعا انا حافظ رقم ريم بس مو مره وبعدين تعالي ليش كاتبه توأم روحي
مرام:كيفي جوالي وانا حره وحاطه راما بعد توأم روحي 2 وريف 3
مشعل:اللهم لا لحس (معناها زي المنحوس كذا تعرفون الضاطور إذا لحس شي نفس كذا خخخ كلمه شبابيه دايم يقولونها)
مرام:اصلا غلطان الي يحط جواله عندكم ذي المره بحط رمز حمايه عشانك مو عشان غرام تحوس فيه
غرام:ليش شايفتني بزر
مرام:بسم الله من وين طلعتي ومن متى انتي هينا
غرام:من زمان
مرام:ايه بزر مو تو تناظرين توم اند جيري
مشاري:خلاص عاد بلا طقاق وتوم آند جيري الصغير والكبير يناظرها بلا مشاكل
مشعل:ماخلص الفطور
مرام:الا بس بجيب الكوفي
جهزو كل شي للفطور وجلسو يفطرون(مشاء الله فالعطله الي مو ظفر يكون ظفر هع)

الاحد الساعه 3 العصر فبيت ساره دخلت ساره غرفه فجر وقمر تقومهم لسه نايمين مابعد قاموا ساره فتحت الستاير وسكرت المكيف
ساره تصفق:يالله حبايبي قوموا
فجر:مماتي بليز افتحي المكيف حر
ساره:مافيه يالله قوموا بعد شوي بتجي الكوافيره
قمر:ماما بس فايف مينت
ساره:وش بتنفع خمس دقايق
قمر:خلاص قمت
ساره:لاحبايبي مرح اطلع الى لما اشوف كل وحده داخله الحمام(الله يكرمكم)
قمرقامت ودخلت دوره المياه خذت شاور وطلعت ودخلت بعدها فجر وخذت شاور وبعد ربع ساعه نزلو تحت لقوا بدر ابوهم وسامي وزياد
قمر:هاي
سامي وزياد:هايات
بدر:صباح الخير
قمر:صباح النور
بدر:صباح الخير جوجو
فجر جلست بصمت طبعا اهي إذا توها قايمه من النوم اخلاقها تشين عكس قمر تماما
فجر بأبتسامه مصطنعه:صباح النور
دخلت ساره:قمر فجر تعالوا افطروا
قمر:انشاء الله
فجر:مابي شي مالي خلق
ساره:مافي روحه لزواج وبطنك فاضي فاهمه
فجر من غير نفس:طيب
قامت قمر وفجر راحوا يفطرون
سامي:فجر غريبه الطبايع
بدر:ليش
سامي:عصبيه قوه عطس قمر
بدر:لاتغرك قمر صح انها حليمه بس إذا عصبت وخر عن طريقها اتق شر الحليم إذا غضب
زياد:لا والله عندي قمر اهون من فجر فجر تعصب من اي شي
بدر بمزح:عاد عطيتكم وجه تتكلمون عن بناتي قدامي
سامي:افا وانا وش بالنسبه لك
بدر:خلاص عاد كلكم واحد

والساعه 9 الا 5دقايق قمر وفجر وساره جاهزين كل وحده احلى من الثانيه قمر لابسه اسود سترتش ناعم مره بس ورا فيه لولو ذهبي وحاطه مكياج برونزي مموج مع اسود اهي بنفسها حطت الميك أب لأنها ماتحب ميك أب الكوافيرات يكثرون لها واهي ملامحها يبغالها مكياج ناعم وشعرها اسود مره وطويل ومدرج على طوله سوت بوف بسيطه مع قدام وشعرها كله سوتها ويفي بس مارفعته طلعت كأنها هنديه مشاء الله عيونها جنان وسيعه على كبر وفيها رومانسيه خياليه وخشمها سعنون بس طويل وشفايفها آه على شفايفها سعنونه تجنن وبشرتها برونزيه
وفجر لابسه احمر مع ذهبي كمان شيفون حلو مره ورافعه شعرها بتسريحه حلوه ماعرف اوصفها شعرها اشقر عكس قمر وبشرتها بيضا وعيونها لاصغار ولا كبار متوسطين ولونهم اخضر على عسلي وخشمها تقريبا نفس خشم قمر وشفايفها صغار بعد واهي طويله مره اطول من قمر بس ملأم مع جسمها الي يشوفهم اهي وقمر يقول مو توأم قمر كأنها هنديه وفجر كأنها اوربيه بياضها وشقارها بس بملامح خليجيه
سامي دخل عليهم :وااااااو وش ذا الزين يابختي فيكم ويابخت ازواجكم
قمر:ياخف دمك
سامي:وانا اقول الصدق بس دورو لي على وحده حلو نفسكم
فجر:انت نق اي وحده من بنات خالي او خالاتي ونروح نخطبها لك
سامي يغمز :وحده من بنات خوالي بس بعدين بقول من
فجر:اوكي بس اول وحده تقولها انا
سامي:حاضرين للحلوين
قمر:شكلك لوتي راعي مغازل
سامي:حرام عليك والله اني موأدب
ساره جتهم:سامي روح البس تأخرنا عنهم
فجر:تو الناس
ساره:لا مو تو الناس انا اهل المعرس لازم نجي مبكرين
سامي:طيب خلاص بروح البس

الساعه 10
مرام تسولف مع راما عالتلفون وجنبها مشاري
مرام:وش رايك نلحقهم بس
راما:وش دخلك فيهم تحبين الروحات
مرام:اكيد في احد مايحب الروحات
راما:انا
مزام:انتي انقلعي
راما صدقت:يالله مع السلامه
مرام:تعالي وين مع السلامه
راما:مو تو تقولين انقلعي
مرام:ههههههه ههههههههههههههههههههههههههههصدق انك مخفه

راما:وش دراني حسبت احد يبي التلفون.. مروم دريتي
مرام بلهفه:وشو
راما تبي تحرق اعصابها:خلاص إذا جيتي عندي قلت لك
مرام:حرام عليك قولي
راما:خلاص بكره الأثنين بنجتمع عند جدو
مرام:مسكينه ارحمك مافي اجتماع
رام بحسره :افا ليه
مرام:جده بتروح الشرقيه عند اختها الي اهيا خالتي
راما: متى
مرام:يوه تلقينها راحت من وقت
راما :غريبه محد قالي وبعدين حتى إذا راحت الاجتماع اكيد فيه
مرام:انتي رايقه بعد ..الى وش السالفه
راما:هونت ماني قايله لك
مرام:راموه تقولين غضب عن خشمك
راما:خلاص بقول..بعد سبوع بنروح المزرعه بنوم فيها سبوع او اكثر
مرام نطت من الفرح:واو وناسه وانا عندي خبر ثاني
راما:شو
مرام: بنسافر كلنا الشرقيه بس فآخر العطله
راما:ياي وناسه محد قالي
مشاري طفر منهم:اوف مرام روحي لغرفتك سولفي على كيفك قلقتي راسي
مرام:شوي واسكرها وبعدين اول مره اشوف احد يقضي شغله فالصالون ترا في غرف
راما قاطعتها:اقول جنبك احد
مرام:ايه مشاري
راما ارتبكت:خلاص اجل باي باي
مرام:لحضه
ما امداها تقول كلمتها الا وسكرت
مرام تكلم نفسها بصوت مسموع:غبيه ذي البنت
مشاري ضحك:مسكينه سكرت فوجهك
مرام عصبت:كل السبب منك
وضربته بالمخده

وفي يوم الخميس الظهر الدوريه فبيت الجد خلصوا الحريم والرجال الغدا وجلسو يشربون شاهي الحريم فصاله والرجال فصاله ثانيه
عنود:قمر حلو الزواج
قمر:يعني عادي
عنود:تستهبلين الاوتيل ذا مشهور وحلو مره
قمر:الاوتيل حلو بس لازم يكون في ناس تحليه وكل الناس زفت
عنود:قمر!انتي علاقتك مع بنات عمك اوكي و حلوه صح
قمر:الحمد لله حلوه بس الي ماخذها مغروره ومتكبره لدرجه ماتتصورينها حتى فزفتها تناظر الناس بغرور وكبريا ما اقول الى الله يعينه
عنود:لا تحكمين على البنت خاف تضلمينها
قمر:لا لا متأكده
عنود:شوفي الناس إذا شافو راما يحسبونها مغرور واهي ياحياتي قمه فالتواضع
قمر:لا ذي وش لون اقولك تحب تتباها بلبسها بأكسسواراتها بكل شي وتذب فالوجه ماعندها مجامله حتى بنت عمو ريما مو راضيه ان اخوها ياخذها بس اهو مختارها
عنود:اعوذ بالله منها
قمر:اي والله الله يعينه عليها
نوف نطت عليهم:شباب وش قاعدين تسولفون عنه
عنود:وش شباب ذي نقلت لك العدوا مرام
نوف:اقول لاتضيعين الموضوع وش تتكلمون عنه
قمر:عن زواج ولد عمو
نوف:اي صح وش صار
قمر:يوه توني متكلمه لعنود بعدين اقولك
وعند ريم وراما ومرام وريف اهم جالسين نفس الصاله بس مو جنب بعض
ريم معها رغد:غلو وش رايك ارمي عليك رغد
غلا:تسوينها مو غريبه عليك
ريم:غلو تخيلي اني رميتها وطاحت فالأرض وش بيصير شكلها اقل اقل شي بينفقش راسها
غلاسكتت تتخيل وشهقت:والله تسوينها جيبيها
ريم:نو نو
غلا قامت وخذت رغد منها
غلا:تبين بنتي تموت قدام عيني
ريم:صدق انك مخفه يعني انا برميها حتى البزر مايسويها
الجده تقاطعهم:اقول ريم جبيلي مويه احسن لك
ريم بدلع:تيته إذا جيت بجيب مويه لازم امر عند الشباب وبعدين رجلي مكسوره بيضحكون علي
نوره عمتها:اقول بلا دلع فاضي روحي جيبي لأمي مويه
الجده:خلاص لاتتعبينها نسينا ان رجلها منكسره
عنود:لا ماينفع ذا الكلام تصدق عمرها وتدلع علينا
الجده:خلاص اجل روحي جيبي لي مويه
عنود:اوكي ليش لا بروح بس لاتدلعونها وتصدق عمرها
عنود قامت بتطلع
نوف:عنوده انتبهي لاتقابلين احد او احد يشوفك
عنود:ياخف دمك
وراحت مرت من عند الرجال بس ماشافوها لأن ذي الصاله مغلقه ولا خذت شال معها اتجهت للمطبخ واهي واثقه ان مافي احد خذت كاس من ولا انتبهت ان في احد فالمطبخ وصبت فالكاس مويه وطلعت ودق جوالها
عنود:هاه
قمر:تكفين جبيلي مويه معك
عنود:طيب
عنود رجعت المطبخ وتوها جايه بتدخل الى سامي بيطلع وتصقع فيه وتنكب المويه عليه وعليها عنود رفعت عينها والتقت عينها بعينه ولا عرفت وش تسوي رجعت بخوف ووجهها عرق وركضت راحت عند الحريم سامي سكت شوي و يكلم نفسه معقوله ذي عنوده ياي ماني مصدق وأخيرا شفتك ياعنوده وانشاء الله تكونين مانسيتي الوعد الي بينا سامي استوعب نفسه ورجع عند الرجال
ملاحضه(سامي يحب عنوده من يوم انه فأيام المراهقه وكبر حبه معه تتوقعون اهي تحبه ولا بيكون حبه من طرف واحد بتعرفون من خلال قرايتكم للروايه هع هع هاع مسويه فيها اعرف احمس)
عنود عطت جدتها المويه وجدتها تناظر فالكاس مستغربه مافيه شي بس سكتت
وراحت عنوده جلست جنب قمر
قمر:وين مويتي وبعدين وش ذي المويه الي على بلوزتك
عنود مرتبكه:هاه لا لا مادري
قمر:وش فيك
عنود بلعت ريقها:لا ولاشي
قمر مو مصدقه:لا علي انتي يبغالك جلسه اصبري علي
وبعد ساعه طلعو الشباب والرجال للملحق ماعدا سامي راح دوره المياه وقمر طلعت من الصاله راحت للمغاسل الي عند دوره المياه وبعد شوي طلع سامي
قمر شهقت:بسم الله روعتني
سامي:خبله
قمر :وش في قميصك فيه ماي
سامي:لا عادي
قمر مو مصدقه:وش قصتكم الليوم انت وعنود
سامي ارتبك:هاه عنود مادري اسأليها
قمر حامت كبدها:اوف قرفتوني انت وياها مادري مادري
راحت وتركته
سامي يكلم نفسه يعني اهي عنود وراح عند الشباب
العصر الساعه 5 الا 10 مرام طلعت برا فالحديقه تكلم صديقتها منال ولاحست بعمرها الا عند ملحق الشباب سكرت منها وناظرت حواليها
مرام:بسم الله وش جابني هينا
لفت على الملحق لازم عشان تروح تدخل الفله وقفت وطيرت عيونها وفجأه قطوه عمها سعود تقرب منها واهي ترجع على ورا ماسكه صرختها والدموع تنزل لا شعوري فنفس الوقت طلع نواف يكلم صديقه عشان ازعاج عند الشباب لما جاء بيدخل حس بحركه جنبه والتفت و للمره الثانيه يشوف مرام وابتسم ابتسامه جانبيه وقعد يتأملها وشاف تعابير وجهها مو طبيعيه قرب منها شوي شاف الدموع تنزل اهو جن جنونه شاف القطوه عرف انها السبب قرب من عند مرام مسك يدها على طول التفتت عليه ولا همها ذا الوقت غير القطوه القطوه شافت نواف قربت زياده لأنها تحبه مرام انهبلت فقدت توازنها وجت بتطيح بس نواف كان اسرع منها ومسكها بقوه وبعد القطوه عنها ولما راحت القطوه التفت لها
نواف متردد:مرام خلاص راحت
مرام لا تعليق
نواف كان ماسك خصرها نزل يده وراح عنها عشان مايحرجها(وش يبي غير ذا الاحراج وش سالفه اليوم كله احراج فأحراج خخخ وحده مصدقه)واهي طالعت حواليها وسرعت تجاه باب الفله وجسمها كله يرجف من القطوه ومن نواف دخلت عن البنات بأندفاع الكل التفت لها
مرام بأرتباك ابتسمت ابتسامه غبيه
ريم:مرام شاربه شي
مرام بأرتباك:لا بس شفت القطوه برا
نوف:ايه اقول وش في البنت مسود وجهها
مرام ضحكت لاشعوري
راما لمست راسها:لهالدرجه القطوه كذا تسوي جعلي ما انحط فذا الموقف
بعد خمس دقايق مرام تصنعت بالهدوء واهي داخلها قلبها يرقع من الأرتباك

والمغرب الساعه 7 الرجال بعد مارجعوا من الصلاه دخلوا الصاله عند الحريم يتقهوون وبعدهم بشوي دخلوا الشباب
محمد:اجل وين البنات
منى:اكيد فوق
محمد:روحوا نادوهم نناقش سفره المزرعه والسفر مع بعض
ثامر:عمي مو لازم البنات وين مانروح يروحون معنا مايعارضون
عبدالله:ضحكتني انت تتكلم عن اختك لاكن انا عندنا وحده الله يكفينا شرها
ثامر:اجل ياحليل اختي مسالمه صح انها دلوعه بس مخفه ينلعب عليها
سلطان:والله ماالمخفه الى الي قالها لاتتكلم عن بنتي كذا
ثامر:اوه نسينا محاميها موجود بس الله يهداك فشلتنا عند الناس
سلطان:هذا جزاك واقل من جزاك
محمد قاطعهم:يالله وحده منكم تروح تناديهم
منى:نوره قومي اصغر القوم خادمهم
نوره :لاياشيخه اصغرنا زياد
منى:زياد وش يوديه عند البنات قومي بس قومي
زياد:بروح محد يتغطى عني
محمد:بسرعه
راح زياد ناداهم وبعد شوي رجع
زياد :الحين بيجون
محمد يكلم الشباب :انتم تعالو هينا هذا مكان البنات
الشباب قامو وجلسو فمكان واحد
بندر:ياليتني بنت
نايف:اي والله
محمد:اسكتوا
بعد خمس دقايق دخلوا البنات وعيون ثامر تدور يدور اخته
ثامر عاقد حواجبه:كأنكم ناقصين
غلا بصوت واطي:اي راما مرح تجي
محمد:انا مرح ابدا الى لما تجي
ثامر:غلا ناديها وخلصونا
غلا:ماطاعت تجي اغصبها
ثامر :خلاص انا بروح اجيبها وينها
غلا:فالمجلس
ثامر:اي واحد
غلا:جنب المقلط
ثامر قام وراح عند راما
ثامر:رمو
راما بأبتسامه:عيوني
ثامر رد الابتسامه:تسلم هالعيون..تعالي عمي محمد مرح يبدا كلامه الا إذا جيتي
راما:مابي ثامر مستحيه كلهم فيه شكلي غلط
ثامر:عادي كل البنات موجودين
راما بقله حيله:طيب خلاص بس وانا امشي انت قدامي ولا تخليني الا لما اجلس
ثامر:اوكي قلبوا يالله
راما مسكت يده وراحوا عندهم دخل ثامر ووراه راما وجلسب على اول كرسي جنب مرام
محمد:شفيك راما ليش ماجيتي راما ساكته
ثامر:عمو لاتفكر مستحيل تتكلم
محمد:طيب طبعا انتم عارفين بنروح المززعه وانشا الله بنسافر مع بعض ونقعد فالمزرعه سبوع او اكثر ونسافر آخر العطله شورايك ابوي(مشاء الله عليه ماشي 120خخ)
الجد:انا معكم وين ماتروحون
محمد:هاه اخواني وش رايكم
الكل:شورك انشاء الله
محمد:والشباب والبنيات
الشباب والبنات:حلو
محمد:في احد معارض
الكل ماعارض غير ريم رفعت يدها
محمد:خير ريم وش فيك
ريم:انا معارضه
محمد:وش فيك
ريم:انا عندي شروط
محمد:آمري
ريم:بس لحط يقاطعني
محمد بأبتسامه:تفضلي
ريم:ثانكس..اول شي مرح نروح اي مكان الى لما تنفك تجبيره رجلي
الجد:اكيد عندكم شك مرح تحلى طلعتنا الى انتي مستانسه
ريم فرحت ونفشت ريشها
عبدالعزيز:طيب فرضنا ما انفكت تجبيرتها الى بعد سنه تحرم عايله بسبتها انا وغلا بنسافر وبصركم انتم
ريم شهقت:بسم الله علي شو بعد سنه حشى مو رجل بنت رجل فيل ..انا قلت شرطي تنفذونه رحت معكم ماتنفذونه بجلس فالبيت
مرام:اي صفقيني تجلسين فالبيت بروحك
ريم:لا اجلس الحمد لله ماعندي خوف من شي حيوانات مثلا ومن ناحيه اي حرامي يعتدي علي اعطيه درس من دروس الكارتيه مالي
عبدالله:الحين ليش كل ذا الازعاج والتجبيره بيفكها الدكتور الخميس وانتي ..يقصد ريم..رجلك بتمنعك عن الحركه مشاء الله عليك ما كأنها منكسره تنططين وترقصين ما كأن فيك شي
سلطان :خلاص لحد يزعلها مرح نروح الى هي بخير
ريم:عمو يالبى قلبك
ثامر:احم ابوي راما بتقتلك فالبيت لاتدلع احد قدامها
سلطان:لا عاد راما الدلع كله
محمد:هاه اجل نخليها السبت
سلطان وسعد ومنى وساره ونوره وسعود:زين
سعد:الفجر ازين
الكل:بأذن الله
عبدالله يهمس لمشعل:الله يعينك عليها إذا تزوجتوا
مشعل:فديتها وفديت دلعها انا اتحملها لو وش تكون
ريم سمعتهم نطلت على عبدالله مخده
عبدالله:وجع سمعتي
ريم ناظرته نظره كأنها يشوفها خخخ ولفت عطته ضهرها(خخخخخخخخخخ
محمد:شباب ماعندكم دوامات
الكل :لا
مشاري:انا عندي مناوبات الصبح بس مرح تمنعني من الوناسه بروح اورجع لكم
محمد:اجل يكون خير
مرام:اقول خالو محمد
محمد:لبيه
مرام:خلاص
محمد:وشووو!!!؟!!
مرام:الاجتماع
محمد:هههههههه اي خلص
مرام قامت :يالله شباب قوموا
عبدالله:ملقوفه مانبي نطلع
مرام:انت الملقوف ماكلمتك
مشعل:اقول عبود اتق شرها تقصد البنات شباب
عبدالله تفشل:اها العقل نعمه
مرام راحت :خله لك
ريم:تعالي ريم بغت تتطيح ولا همها كملت طريقها وراحت مع مرام
مشعل:بسم الله عليك انتبهي لاتطيحين..بصوت خفيف.. (فديت هالطول والجسم شو حلوين طبعا يكلم نفسه)
منى عطت مشعل نظره:شعيل بلا خفه دم زايده هاه
مشعل:احم فشلتيني يمه
منى:احسن تستاهل
مشعل:وانتي راما ماودك تفشليني زيهم
ثامر:اغسل إيدك بتايد ترد عليك
مشعل:ردي ياحلوه انا ميسو على قولتك ميسو ميوسي
(مشعل يصير اخو راما من الرضاعه واخو غلا وثامر وبندر راضعته حصه مرت خاله كانت جايبه ولد كبره بس مات بعد ولادته بأسبوع )
راما على طول قامت راحت عند البنات
منى:مشيعل يابيخك
مشعل:موصاحيه ذي البنت تستحي حتى من ضلها
سلطان:انت الحين ليش ماتسكت ترى ذي راما لحد يغلط عليها
مشعل قام: احم مع السلامه
الجد:اجلس مابعد اذن
مشعل بخفه دم:بروح ادور خشمي قبل مايأذن
الكل:ههههههههههههههههههههههههههههههههههههه
سلطان:اجي ادور معك
مشعل:لا خالي استريح طال عمرك
طلع مشعل وطلعوا البنات وراحو فوق وفوق بالتحديد فعرفه البنات طبعا في 3 غرف مخصصه للبنات
قمر منشغله ترسم مشاء الله رسمها خيال اهي ونواف ولد خالها رسمهم جدا حلو راما تعرف ترسم وحلوا بس مو مثل قمرو نواف يرسمون وجيه اما راما تصمم ازيا وترسمها بس
عنوده:قمر شو تسوين
قمر تستهبل:ارقص
عنوده:يقطع بليسك من ترسمين له
قمر:مدامك عارفه اني ارسم ليش تسألين
عنوده:عاد هذي عاده فالإنسان خخخخ
قمر:ارسم لرموسه اختك
عنود ابتسمت ابتسامه تشق الوجه :ارسميني
قمر تستهبل عليها:بالله عليك شيييز اقوى
عنود تضربها على راسها مزح:حيوانه ماعليك شرهه
قمر:خخخخ ارحمك
عنوده ماعطيتها اكبر طاف وعطتها ظهرها
قمر:هاي انتي ترى يوم القيامه تشيليني
سفهتها عنود قمر سحبتها مع بلوزتها مع ورى وانشقت بلوزتها
عنود تسوي نفسها معصبه:قمير ووجع شقيتي بلوزتي
قمر:عادي فدوه لي
عنود:احلفي بس
ريم عصبت عليهم:انتم ازعجتونا اسكتوا
عنود:والله موانه بنت انا اختك الكبيره
ريم كشرت فوجهها
نوف:صبايا شو مخططاتنا للمزرعه
ريم:نبي نحدد يوم نروح سوبر ماركت وكل وثنتين عليها شي
مرام:انا وراما شوكلاته
نوف:اكيد ياعشاق الشوكلاته
ريم:وانا الشيبسات
نوف:خلاص انتي وريف
ريف:لا انا ابي الحلويات
نوف:لا انتي معها
ريف مدت بوزها بزعل:طيب
نوف ضحكت:ريفاني تراني مو نواف تدلعين عليه اوكي
مرام سمعت اسم نواف جتها قشعريره
نوف:وانا علي المشروبات الغازيه وهذي الحركات
العنود:وانا
نوف:انتي وانا بنجيب بخاخات ثلجيه وخيوط..وانتم..تقصد قمر وفجر..تفكر
نوف:تكميلات يعني اشياء طبخ حقتنا مو مال الحريم ولا اقولكم قمر انتي مع عنود بخاخات وانا وفجر تكميلات الطبخ
ريم:في حبوب كيرم
مرام:لا في الكيرم نفسه اما الحبوب آخر مره لعبنا فيها فالمسبح
نوف:خلاص بجيبها وبجيب اونوا وورقه وميني بولي طيب تبون بلاي ستيشن
ريم:في فالمزرعه واحد
نوف:على اغراضنا هذي يبيلنا سياره كامله غير اغراضهم
راما:خلاص انا بروح مع ثامر بروحي واركبها معي
نوف:اوكي خلاص الى وين غلا اختفت
ريم:فغرفه عمو سعود تنوم رغودي
عنود:لا تقولون لها عن اتفاقنا بتقول لازم اجيب شي والحمد لله كل شي مو ناقص
الكل:اوكي اتفقنا
===============================
ويوم الجمعه الساعه12 فاليل الكل يتجهز على شان المزرعه وريم اخيرا فكت تجبيرتها وقامت تنطط زي العالم والناس بسم الله عليها حتى واهي مجبسه مامنعتها من حركتها وفي بيت غلاو عزوز انا بقول عزوز اختصار
عبدالعزيز جالس عالاب توب فالصاله وغلا فالمطبخ تنظفه المطبخ مفتوح عالصاله
غلا تنادي عزوز:عزوزي حبيبي
عبدالعزيزسامعها بس حب يستهبل عليها
غلا بدلع:عزوزي اناديك
عبدالعزيز:ساكت
غلا تركت الي بيدها وراحت جلست جنبه
غلا عصبت:عزيو
عبدالعزيز ماسك ضحكته:ممم
غلا سكرت الاب توب:ناظرني
عبدالعزيز التفت ناحيتها :آمر عيوني لك
غلا عطته ظهرها:خلاص مابي شي ماحب احد يكلمني ومايعطيني وجه
عبدالعزيز مسكها مع خصرها ولفها ناحيته:يالبى قلبك وش في خاطرك
غلا بدلع تلعب بحواجبه:انت ماعندك شغل الحين
عبدالعزيز خق وصلت معه: فديت هالدلع حتى لو مشغول بفضي نفسي عشانك
غلا:طيب قوم البس ابي اروح السوبر ماركت شوي
غزوز:من عيوني روحي البسي عبايتك
غلا:ثانكس حبيبي وباسته على خده وراحت تلبس عبايتها ولبست رغد معها غلا تنادي عبدالعزيز
علا:غزوزي
عبدالغريز:لبيه
غلا:حبيبي إذا ماعليك امر شل رغودي معك
عبدالعزيز دخل:يالله حياتي
غلا:اوكي جاهزه
وطلعوا من شقتهم راحوا

شو تتوقعون يصير فالمزرعه
ونواف ومرام شو رح يصير بينهم و مرام وش رح تكون رده فعلها

اذا شفت تفاعل نزلت البارت الثاني

وللمعلوميه هذا المنتدى الوحيد الي نزلت فيه الروايه لان الكاتبه اهي انا

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
""""""""مطلوب لكزس lx570 الدفع كاااش """"""""""	محروم.كوم	منتدى أخبار المواقع والمنتديات العربية والأجنبية	0	07-19-2010 03:50 AM
"""""""""""""""""""""""""""فساتين زفاف راقية ومميزة """"""""""&am	محروم.كوم	منتدى أخبار المواقع والمنتديات العربية والأجنبية	0	07-13-2010 12:00 AM
"سيتي" يصدر تصنيفات إيجابية لـ "إعمار" و"الدار" و"العربية" و"الخليج الأول"	محروم.كوم	منتدى أخبار المواقع والمنتديات العربية والأجنبية	0	09-29-2009 01:20 PM
"""""للبيع باترول سوبر سفاري موديل 99 ديزل """""""""	محروم.كوم	منتدى أخبار المواقع والمنتديات العربية والأجنبية	0	04-28-2009 02:40 PM
؛[¤(تـ...ـوهـتـ"ـنــي بـ..ـحـ...ــبـ"ـك دخـ...ـيـ"ـل	Дјறàl Диsǎήһ	استراحة قصص وابداعات الاعضاء	10	03-16-2009 08:20 AM