السلام عليكم ورحمة الله وبركاته





أدخل في الموضوع

بس في البداية حابة أذكر قصة واقعية 100% :

في يوم من الأيام ...مب بعيد هاليوم ..اليوم..في إحدى مدارس

الدولة .. توفى شخص من أهل معلمة (ربي يرحمه ويغمد روحه

الجنة ) ..فقرووا البنات إلي تدرسهم هالمعلمة يروحون العزا ..طبعا

بالتنظيم مع الادارة ..لحد الحين ماشين زين ...المهم وش صار

الادارة منعت صف من الصفوف إنه يروح بحجة إنه ما عليهم حصة

عسب يعوضونها ..وفي اليوم الثاني ( إلي المفروض يروحون فيه )

وش صار ...

قالوا لهالصف إلي مانعينه : تبون تروحون العزا

فأكيد راح تكون الاجابة : هي بنروح ابلتنا بعد كيف

وقالولهم : بنروح الحصة الثانية تزهبوا

ويت الحصة الثانية ...

المهم راحوا البنات ولبسن عبيهن وفي بعضهن هب يايبات عبيهن

فقالوا ما بنروح المهم ويوم يوو البنات إلي بيظهرن وقفتلهم

الناظرة وهي تقول وتأشر بإيديها : يالله يالله روحوا داخل انتوا شو

مطلعنكم .. منو قايللكم

البنات : أبلة شقا ما نروح ..

الناظرة: انتوا عندكم حصتها عشان تروحون

البنات : هي عندنا أمس ابلتنا مبدلة حصتنا ويا حصتها عسب نظهر اليوم ..


الناظرة : يالله يالله داخل داخل ( ويلست تدز في البنات ) >> بدون تعليق

البنات : أبلة بنروح هذا واجب.. يعني شو الواجب على ناس وناس

حتى في هالشي... يعني شو ما نروح ..(القهر واصل حدهم)

الناظرة ارفعت إيدينها وهي تقول : اششش انتوا أبد ما تتعاونون >>شخصه التعاون الحين ..

وكملت وهي تقول : انتوا دوم الصف إلي يعطلنا ..

البنات :ابلة شو نعطلكم ما نعطلكم ..أمس قلتولنا لا واليوم

هي ..يعني الغلط مب منا ..

الناظرة : بس اششش اسكتوا >>> هذا الغلط إلي نعاني منه

ويت الأبلة إلي كانت مشرفة عليهم إنها بتوديهم فتفأجأت بالمديرة

وهي تقوللها : انتي ما وراج حصة ..ليش بتطلعين >>> شقا

ترمس المعلمة جي :ha:

طبعا النفسيات هني حدث ولا حرج ...

خلنا نوقف شوي ..

ليش ...

ليش الواحد من يبا يجادل الطرف الثاني .. يسكته ..عشان هو أعلى منه مرتبه يعني ..

رسولنا عليه الصلاة وعلى آله السلام : كان يسمع من كل الأطراف

حتى لو كانت هاي الأطراف معادية ..

هذا واحد والشي الثاني : الأسلوب ..

وين الأسلوب الحضاري إلي نطمح

له ..يعني كان بإمكان الناظرة وبلا هالبلبلة كلها تتكلم بأسلوب ..

ليش هالأيام الواحد من يتكلم أو يبدي رايه قالوا : انت فيك وفيك

إذا كانت هذي دنيانا فأنا أفضل الصمت في

زمن يعتبر الكلام فيه جريمة .. كيف نطمح للتحضر ونحن

ما زلنا نواجه هالعقليات ..

على الأقل أسلوب ..وفرصة إنه

الواحد يبدي رايه ..

بانتظار مناقشاتكم ...