السلام عليكم و رحمة الله و بركاته

كيف حالكم يا شباب , طولت الغيبة عليكم . السبب اني قلت ابي ارجع بوضوع دسم بصور صيد طيبة بس مع الاسف ما الله وفق, الحظ عاثر معانا هذي الفترة.

موضوعي اليوم جى من نار في جوفي بسبب سمكة الله اعلم وش هي.
تعودت استخدم نوع معين من الميادير بجميع مقاساته لجودته العالية جدا فهو حاد و قوي لدرجة انه ولا مرة انفرج مع في شيرة او تغيرت حدته يعني يا يفك من الشيرة او يقص الرداع.
المهم طلعت زمرور حي و فورا شكيته من الذيل و رميت على امل انه يجيب نتيجة, انتظرت نص ساعة مع وجود حركة خفيفة جدا توقعتها حركة الزمرور, في النهاية سحبت الخيط و كانت المفاجئة
v
v
v
v
v
v
v
v
v
v
v
v
v
v
v
v
v

انذهلت من اللي صار بالميدار الزمرور راسه مقطوع ما شفت ضربة ممكن تسبب مثل هالنتيجة.
حسب معلوماتي انه في سمكتين في الخليج ممكن يسوها السبيطي و الفسكر
بس حطيت احتمال السبيطي لانه يحب الزمارير و الفسكر ما يضرب عليها
سؤالي هو في غير هالنوعين ممكن يقفل ميدار بهالقوة و يملك فك جبار و قوة ضغظ عالية ؟
ارائكم يا جماعة
تحياتي للجميع