انتشرت كلمه تعرف عايض ! - الصفحة 2

Ťĕ®мίŊăŧŐŕ-ĂĐ · #1 09-16-2011, 11:48 PM

المشاركة الأصلية كتبت بواسطة ● ◦ ٱڷٳﻣﭔﺮآطۈﺭۀ ◦●

السلام عليكم ورحمة الله وبركاته

مساج الله بالخير اختية ^^

في البداية أشكرج عالموضوع الحساس نوعا ما

لكن أنا بيكون رايي مختلف عن الكل

للعلم أنا ما جفت المسرحية إلا من جفت موضوعج قررت أطالع وجفت لقطات بس عشان أفهم شو السالفة بالضبط ما أقدر أتكلم في شي مالي علم فيه لين ما أتأكد

أنا بتكلم بالعقل

(تعرف عايض ) جملة عادية جدا ما فيها شي غير فعل وإسم

أما تقولون معناها هل زنى بك عايض هاي قوية والتفسير يرجع للشخص نفسه ما أظن الإنسان الفاهم والعاقل بيقول إن معناها هل زنى بك عايض

نرجع للمسرحية المسرحية اسمها بخيت وبخيتة للفنان الكبير طارق العلي

وأنا أحييه على هالمسرحيات الهادفة والكوميدية بنفس الوقت

أنا جفت اللقطة يوم يدش أي أحد ويقول عايض ويشردون

المقصود إن هالشخص سمعته مب زينه ومعروف عند الناس من جي يشردون عنه

المقصد من هالشي واللي الناس متغاضين عنه إن في ناس ما تخاف ربها وتسوي الحرام

طارق العلي طرح مشكله عايض مب معناته إنه يشجع الناس على هالشي لكن عشان يوصل

فكرة عن الواقع وهالشي ما ينزعل منه حب يوصل هالشي بأسلوب فكاهي والذكي يفهم

وياخذ الفكرة بصورة مفهومة ولو تلاحظون مسرحيات طارق العلي كلها تنغيزات وقصده يوصل إلنا

أفكار إيجابية بطرق مباشرة وغير مباشرة .

المغزى إن المسرحية ما فيها شي غلط

الغلط من الشخص المتلقي

كل شخص بيتلقى المسرحية حسب تربيته مثال يوم تكلم طارق عن عايض
في بعض من الناس خذوا الشي السلبي تعرف عايض تعرف عايض (عايض اللي سمعته فالأرض ) جنهم فرحانين بالموضوع وايد وقاموا يتناقلونه بالأجهزة الالكترونية هذيلا (تفكيرهم سطحي جدا ) ويهمهم الضحك بس .

وفي منهم خذوا الأشياء الإيجابية وهي طرحه لمشاكل منتشرة عندنا والكل متغاضي عنها
مثال البويات واللواط .... إلخ هذا واقعنا المر رضينا وإلا ما رضينا ترا هالشي صاير ومنتشر
وكلمة الحق ما تزعل .

في نهاية كل كلامي الغلط الكبير في المتلقي وليس المسرحية :afk_r:

عموما يعطيج العافية عالموضوع

لج تقييمي ^^

اتفق وياج في كل ما قلتيه بالحرف الواحد

واحب اذكر بشي

هذي مسرحية والناس مسكو الكلمة هذي للغشمرة فيما بينهم البين

واستغرب انه الناس كلها زعلانه من هاي الكلمة

ما زعلت من المسلسل التركي العشق الممنوع وهو الي فيه اخص والعن من تعرف عايض

وتحياتي
__DEFINE_LIKE_SHARE__

afnan mansour · 09-16-2011, 09:41 PM

والله هالموضضوع يستاهل المنااقشه ..^^

والله انا اشووف حتى اليهاال يقوولوونها ..

واين الرقاابه الكوويتيه ..؟

الى طاارق العلى معقووله وصلت لهذا المستووى ..

والله مسرحيياته كلها كلام وصخ ويسوى رووحه نكته ..

وتسلميين .. __DEFINE_LIKE_SHARE__

فتنـۂ الـڪِوטּ · 09-16-2011, 09:58 PM

عزيزتي ممثل والنعم فيه وفي مسرحياته !
لكن شعنه ودروا كل شي من المسرحيه وعلقو على هذه الكلمه الي معناها سخيف ومافيه ذره من الادب!
المسرحيه ابدا مالها معنى
شي وايد احلى وارقى منهـا . . بالنسبه لج انتي شو اللي حبيتيه
طبعا شي ناس وايد اعجبوا فيها والبعض انتقدها / نبا تعرفونا على الاشياء اللي حبيوتوها وتعلمتوا منها دروس ! ؟
بالنسبه لي الامور الجديه ترمس باسلوب محترم وجاد لكن مايدششونها فالضحك
الضحك له وقت والجد له وقت . . وهالامور ماتنقال بشكل مسرحي جميعنا نعرف عن الرجال وعن قوم لوط وعن البنات الشاذات اللهم احفظنا
محد غافل عن هالامور كفايه ذكرها فالقرءان

للاسف كل مكان اشوف فيه صور مكتوب عايض ومادري شو
وكل حد ترمسه تحصلهم يرمسون عن هالسوالف وضحكهم واصل لاخر الشارع ! __DEFINE_LIKE_SHARE__

● ◦ ٱڷٳﻣﭔﺮآطۈﺭۀ ◦● · 09-16-2011, 10:36 PM

المشاركة الأصلية كتبت بواسطة فتنـۂ الـڪِوטּ

عزيزتي ممثل والنعم فيه وفي مسرحياته !
لكن شعنه ودرا كل شي من المسرحيه وعلقو على هذه الكلمه السخيفه !
المسرحيه ابدا مالها معنى
شي وايد احلى وارقى منهـا . . بالنسبه لج انتي شو اللي حبيتيه
طبعا شي ناس وايد اعجبوا فيها والبعض انتقدها / نبا تعرفونا على الاشياء اللي حبيوتوها وتعلمتوا منها دروس
بالنسبه لي الامور الجديه ترمس باسلوب محترم وجاد لكن مايدششونها فالضحك
الضحك له وقت والجد له وقت . .
للاسف كل مكان اشوف فيه صور مكتوب عايض ومادري شو
وكل حد ترمسه تحصلهم يرمسون عن هالسوالف وضحكهم واصل لاخر الشارع !

طارق العلي انسان كوميدي وأغلب مسرحياته كوميدية وهذا ستايله دايما فكل مسرحياته يعني من

يومه جي وما ننكر له معجبين كثار بفنه وأنا منهم

انتي تتكلمين إن الموضوع لازم يعرضونه بطريقة جاده خلني أجرب أكون معاج في هالشي

مثال برنامج خطوة اللي عرفنا عن طريقه مواضيع ومشاكل اجتماعية ما كنا نتوقعها مثل قضية

البويات ترا في ناس للحين لو قلتي جدامهم البويات ما بيعرفون شو السالفه لأنهم ما احتكوا بالبيئة

الخارجية ولا يعرفون بلاويها أو لأنهم ما يتابعون برنامج خطوة مثلا .

فرضا في ناس كله يتابعون مسرحيات ميولهم هالشي عالأقل بيعرفون شو صاير بالدنيا لو انطرحت مثل هالمشاكل سواء بطريقة كوميدية أو جادة أهم شي إن الممثل يوصل فكرته للمتلقي ولكل شخص الحرية بتوصيل أي مشكلة بالمجتمع سواء بطريقة كوميدية أو جادة يعني الأهالي بتنتبه وبيزيد حرصها على العيال هذا لو كان عيالهم يهمونهم وودهم يحافظون عليهم

وإذا عالصور والتعليقات هالشي من الناس مش من المسرحية

ناس سطحية بتفكيرها

أتمنى وصلت فكرتي لج

أكتفي __DEFINE_LIKE_SHARE__

*نظره مني تسدك* · 09-16-2011, 10:28 PM

"

السلام عليكم ورحمه الله وبركآته
اشكرج اختي ع الموضوع

الكلمه عااديه جدااا..اذا بنقول تعرف عايض./ انا شخصيا تابعتها وضحكت لأنها عيبتني..عمووما طآرق العلي يعيبني بكل احوواله...جررئ ويعرف كيف يوصل الفكره/ وبمآ ان المسررحيه هادفه وكوميديه ليش..نحن نكبر السالفه.!!

يعني تعرف عايض شرراتها شررات عزيزي./ سووالف المحششين وكل موووضه تظهر ف البلاك بيري
ليش نمسسك العصااا دوم من البدآيه اوو النهايه..ليش دوم نشوف الغلط بعين وحده../ ما نشوفها بطريقه افضضل

اعتقد ان الممثل انسان عاقل..واللي حوله والرقابه هب طمطمه عشان يخلون شي مثل هذا....هي كآنت فكررره موجوده وانطرحت...!! والمسسرحيه هب تاافهه شرات مآ ذكررتي.؟؟

انا ششفت له لقاء تلفزيوني..والله انسان غايه ف الذوق الاحترام!.بعدين الستاف كله تراهم ربعه من سنين

واذا على تعرف عايض سوت شوشرره...ترى نحن مخلف علينا يالعررب نكبر الامور اللي نبغيها. وواموور اهم ولا نددددري عنها

وتوني عررفت كلمه تعرف عايض ^,^
ووالمقصود يددددري بمعناتها

وهذا رررايي....وكلن له رراي ^^

شكرا لج ع الطرح. __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
[BlackBerry] أقول تعرف عايض	محروم.كوم	منتدى أخبار المواقع والمنتديات العربية والأجنبية	0	09-16-2011 09:40 AM
تعرف شو يعني كلمه(احبك)؟	غالية الثمن	الإستراحه العامة	7	09-05-2009 11:34 PM
تحميل برنامج كلمه سر للموبايل / حارس كلمه السر المتميز	محروم.كوم	منتدى أخبار المواقع والمنتديات العربية والأجنبية	0	08-19-2009 11:50 PM
هل تعرف ماذا تعني كلمه Yahoo ? ارجو التثبيت	محروم.كوم	منتدى أخبار المواقع والمنتديات العربية والأجنبية	0	05-29-2009 04:00 AM
بكبسه زر استبدل كلمه start باي كلمه تريدها فقط ادخل هنا	محروم.كوم	منتدى أخبار المواقع والمنتديات العربية والأجنبية	0	05-28-2009 11:40 PM