عبق الحب (القصة حقيقية)

خبالي راقي · 04-27-2009, 08:14 PM

ومرت الايام وصار عيد ميلاد القلب ولازم يودي لها هدية وهو ما يعرف شو يودي

كان يكلم وحدة ع المسن ويحبها وايد مثل اخته يعني لا يروح بالكم بعيد وهو يقولها كل شي وقال لها اليوم عيد ميلاد حبيبتي شو اودي لها انا ما اعرف بسوالف البنات

قالت له ودي كل اي في خاطرها باقة ورد حمرا وساعة وعلبة عطور
وسار علي وشرا كل شي واتصل بالقلب

علي : الو هلا بحبي هلا بقلبي هلا بالي تذوبني بصوتها <<<<<<<< عطها فرصة تقول الو

مريم وهي خجلااااانة : هلا فيك

علي : يلا جهزي عمرج ابي اشوفج بالمكان (..........)

مريم : خير شو في ؟؟؟؟؟؟!!!!!

علي : ما في شي حياتي بس عندي مفاجئة لج يلا بسررررررررعة جهزي عمرج وسكر التلفون

مريم : زين علي.............توت توت توت <<<<< صوت التلفون يوم يتسكرررر

وكانت مريم تحس ان احمد حاس فيها او يالس يراقبها ولو عرف خالها بيذبحها

وردت اتصلت بعلي

علي : الو هلا بالغالية ها شو محتاجة شي من عنوني شو تبين

مريم: لا حبيبي ابي سلامتك بس ما اقدر اطلع معاك لاني حاسة احمد يالس يراقبني وتعرف شو يصير لو عرف خالي اسفة حبيبي

علي : شو ؟؟؟؟شو ماتقدرين تطلعين انا بشوف حل لازم اشوفج اليوم !!

وسكر الفون وسار حق اخته سارة دش حجرتها ما شافها صار يصارخ بالبيت

سارة سارة سارة وصمخ جلاب

سارة :خير شو تبي ليش تصارخ جي

علي : تعالي ابي اكلمج

وسارت سارة معاه

علي :مريم

سارة : اي مريم ؟؟؟؟؟؟؟؟

علي : مريم ربيعتج الي ساكنة عدال بيت بو سالم

سارة : هيه شفيها

علي : انا احبها

سارة : ادري من زماااااااااااااان انزي انت تحبها وانا شو خصني

علي : عاد لاتسوين عمرج فهيمة ؟!

سارة : والله اعرف شو تبي

علي : اليوم عيد ميلاده ابي اطلع معاها وهي ما تقدر وانا لازم اشوفها حتى لو خمس دقايق

سارة: والله انك متواضع بس خمس دقايق بخليها ساعة شوف خطتي انا بسير حق امها وبقول لها ابي اطلع مع مريم للسوق وانت بتي معانا عسب توصلنا وهناك تشوفها

علي : والله انج خطيرررررررررررررررة يلا انا الحين بتصل فيها اقول لها

واتصل علي بمريم وقال لها ع الخطة وطبعا هي طارت من الفرحة <<<<<<< طبعا بتشوف القلب

وسارو بيت مريم واستاذنت سارة من ام مريم انها تروح معاها السوق وكان علي واقف برع البيت بس كان يسمع شو يتكلمون

ام مريم : انزين حبيبتي بس تردون قبل الساعة عشرة

وصار علي يضحك طبعا بقلبة حشة مب مريم ساندريلا

وركبو السيارة

سارة : علاوي ودينا مطعم ع البحر خاطري اروح مطعم ع البحر والا انزل الحين

علي : لا لا لا شو تنزلين اوك .. بوديج مطعم ع البحر

وصلو المطعم وكلو وخلصو وضرب علي اخته بريله يعني قومي

فهمت سارة الموضوع

سارة: عن اذنج مريم اروح الحمام اغسل ايدي

وقامت سارة

وصار علي وسارة يالسين بروحهم
وتمو علي ومريم بروحهم

وهي تمت منزلة راسها وتقول انا شو طلعني

وهو متخبل عليها
قامت مريم مسكها علي من ايدها وقال لها وين رايحة ؟؟ بس حس بالجراة والخوف بنفس الوقت
مريم ماتت من الخوف

مريم :امممم بسير مع سارة
علي : احنا شو نبي بسارة انا ابيج انتي ابي اكلمج

وكلمها

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اكيد يالسن تقولون شو هذا

حبايبي هذا كلام صار بينهم بس صاحب القصة ما رضى يقولي شو هو

مريم : علي انا خايفة ؟!

علي : افا حبيبتي خايفة معاي ؟!!!!

مريم : اخاف انك يالس تلعب فيني وتضحك علي

علي : انا احبج وعمري ما فكرت في هذا الكلام
يلا امشي خلينا نتمشى ع البحر

ونزلو يتمشون ع البحر ويلسو وقال لها انا وايد احب البحر لاني اقوله كل شي ويحفظ اسرارج وعمره ما يعطيها حد
ومسك ايدها وتم يتمشى لكن مريم كانت ميته من الخوف

وردو البيت

رد حجرته وناااااااام لكن فجاة طلع واحد وخرعة

علي : بسم الله الرحمن الرحيمابو احمد : احمد فهمني لا تيلس ترمس بالالغاز.

احمد : يبه انته ليش مستهيل اصبر وما بتشوف الا الي يسرك .

ابو احمد : انزين يلا خلينا نسير نرقد وباجر بيحلها الف حلال

وسار كل واحد حجرته عشان يخمد سوري اقصد عشان يرقد نوم العوافي ودش احمد غرفته وقال: افاا يا مريم تحبين علي وتطلعين وياه والله لاارويج شي ما شفتيه في حياتج وبعذبكم انتوا الاثنين <<< ليش مب الاحد سوري طلعت عن القصة للترفيه خخخخ

وفي اليوم الثاني سار احمد المدرسة وطبعا هو وعلي نفس المدرسة ونفس الصف بعد وكل واحد عند شلته بروحه سار احمد عند شلته
احمد وهو يوايهه ربعه : هلا شباب ويتخاشمون >> طبعا هذا سلام الشباب وين ما يسيرون
الشلة : اهلين بالبوس .
احمد: تعرفون علي
الشلة: اكيد علي ما غيره الي ويانا في الصف
احمد:هيه
الشلة :شو تبي فيه؟
احمد : خاطري اتضارب وياه.
الشلة : شو السبب ؟؟؟
احمد: شي استوى وانا ابي انتقم وابي ثمن؟ >>حشى مب سايرين مدرسة
واحد من الشلة :خلاص بنضربه يوم نطلع من المدرسة
احمد : علي مب سهل وما ينقدر عليه ولا تنسى ربعه وياه يعني بتكون صعبة
واحد ثاني من الشلة :شو رايك نضرب جامة الكافتيريا مال المدرسة ونقول علي وشلته لانهم دوم يسلون هناك ومب شي يديد عليهم تكسير الجامة
احمد: لاهاي جديمة نبي شي يديد
واحد من الشلة :دايما الاستاذ خالد ينسى شنطته عدنا في صفنا شو رايك نسرق شي ونحطه عند علي ويوم بيفتشون بيشوفون الاغراض عنده
احمد: لا يا دب انته تعرف ان علي اول ما يشوف شي مب ماله يرده وهذي مجربينها السنة الي طافت في مايد بعدين يمكن يكشفنا انا يتني فكرة.
نكسر جام سيارة استاذ الدين وتعرفون انه ما يداني علي لانه علي وايد free ومستوية وايد مشاكل بينهم ويوم بنقول علي بيصدقون 100%
الشلة: فكرتك فنتك
ونفذوا الشلة التعبانة الفكرة واتهموا علي وطبعا الاستاذ صدق لان في مشاكل بينه وبين علي بس علي اتكلم ويا المدير وقال ان ما في شي يثبت انه هوو الدليل انه ما كسر الجامة انه كان في هذاك الوقت عند الاستاذ عيسى يدرسه شي مب فاهمنه
المدير و استاذ الدين سامحوا علي بس علي ما سامح احمد وفي الفسح سار عنده وقال له ابيك في كلمة يوم نطلع لاقني عند المكان الفلاني بس لا تهيب وياك شلتك التعبانة
فهد وهذا واحد من الشلة : ايه انته شو مب عايبينك؟
علي: اسكت والي يعافيك تراني موول ما ادانيك .
فهد : هدوني عليه
احمد:فهد خلاص انزين انا بشوفك هناك.
وتقابلو علي واحمد في المكان الي اتفقوا عليه
احمد: خير شو تبى
علي : الخير في ويهك وعطاه بوكس محترم وسار عنه
احمد: النذل اذا انته ريال تعال عندي
علي: انا ريال غصبا عن خشمك فاهم بس حبيت اعطيك درس من دروسي وهذا درس خصوصي بس لليلعبون وياي بطريقة وصخة وسار عنه وخلى احمد مشتعل بناره
و رد علي بيتهم مرتاح وفرحان لانه عطى احمد درس من دروسه و رد احمد معصب ومنقهر ويلس في حجرته وبعد شوي دشت عليه ام مريم : احمدرتعال كل

احمد: ما ابي اتسمم
ام مريم: شو هاي الرمسة انا بحسبة امك عيب ترمسني جيه.
احمد: اسف بس كنت شوي معصب
ام مريم شو بلاك ليش جيه ويهك جيه منتفخ؟؟؟>>وحليلها ما تدري انه ماخذ بوكس محترم
احمد : لاماشي بس اليوم اثنين من الشباب مضاربين وانا اكنت افجج من بينهم وصار فيني جيه.
ام مريم : احمد ابعد عن المشاكل ترانا مب ناقصين مشاكل وانتبه لدراستك.
احمد :لا خلاص انا بنتبه للدراسة شو غدانا تراني يوعان.
ام مريم :كل خير يلا تعال تغدى.
وسار احمد بس كان يفكر كيف ينتقم....
وفي يوم مرضت مريم وطبعا علي خاف عليها وكانت عندها فاطمة وعلي كل اشوي يتصل فيها عشان يطمن عليها
وفاطمة الغيرة شاعلة قلبها وتبي تنتقم لان اول مرة اتصل علي هي ردت عليها وهو عرفها بس ما عطاها ويه
فاطمة :اقول مريم اشوف علي وايد مهتم فيج
مريم:هيه فديته يخاف علي
فاطمة ليش ما خطبج
مريم: بلى البارحة امه يت و طلبت ايدي
فاطمة :بس للحين الريايل ما رمسوا في الموضوع اقولج ودريه احسن باين ان هذا واحد لعاب
مريم: لاعلي يحبني ما يلعب علي
فاطمة : الايام بتبين لج يلا انا سليرة
مريم :لا فطوم ارقدي عندي اليوم
فاطمة : اوكي
وفب الليل اتصل علي حق مريم وقال لها خلي الفون مفتوح لين ما ترقدين>>>والله متفيج

وفاطمة ميتة قهر وتقول في خاطرها انا ارويك يا علي>>> الكل عليك يا علي المسكين
وفي يوم احمد رقم فاطمة وهي خذت الرقم واتصلت فيه
فاطمة: الوو
احمد:هلا بهالصوت فديتج انا.
فاطمة :شوف انا مب مصلة عشان سواد عيونك اتصلت لاني اعرف انك ما تداني علي وانك تبي تنتقم وانا بعد ابي انتقم
احمد :والله انج ساحرة كيف عرفتي؟؟؟
فاطمة: الحين ما ابي اضيع الوقت فكيف عرفت انك تبي تنتقم
احمد: شوفي بنشوه سمعته واكيد يوم بتتشوه سمعته مريم بتبتعد عنه بتصير لي وانتي دبري عمرج
فاطمة: وكيف بنشوه سمعته؟؟؟
احمد: خليني افكر يباله بنت تقدر تشوه سمعته
فاطمة :انته قولي شو بتسوي وانا بلقالك البنت
احمد: انزين اسمعي عدل شو بقولج __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
صور عيد الحب * عيد الحب * بطاقات عيد الحب للتصميم	محروم.كوم	منتدى أخبار المواقع والمنتديات العربية والأجنبية	0	10-05-2009 07:50 PM
قصة حقيقية وقعت في لندن والله القصة حلوة وفيها عظة وعبرة	ولد-RAK	قصص و روايات	18	08-26-2009 07:40 PM
[Style] : ستايل الحب قمة الاحتراف تصميم شبكة نسيم الحب	محروم.كوم	منتدى أخبار المواقع والمنتديات العربية والأجنبية	0	05-02-2009 03:10 AM
-:: الإنسان قبل ( الحب ) وبعد ( الحب ) وعند ( الحب ) ... ::-	♕ وليد الجسمي ♕	الإستراحه العامة	6	01-06-2009 12:35 PM