~*¤ô§ô¤*}أغليهـ يعنيـ أعشقهـ~*¤ô§ô¤*أعشقهـ يعنيـ أموتـ فيهـ{~*¤ô§ô¤*~ - الصفحة 377

Grshoob Albdoo · #1 02-11-2011, 04:20 PM

بس عاد حدكم .. يلااه انرد الامارات ..
اممم وين تبونه نسير ..!
شرايكم مول الامارات .!!
بنشوف فيلم اكشن مع حمده وربيعتها شرايكم!!
اخاف انتو الي تسون فيلم اكشن مع حمده ..بتفلعون البنت وحليلها هه..
حدرت حمده الفيلم متاخر .. اشوي عسب الاكل الي شرته ..
والكل يتابع ومندمج ..
صعدت لربيعتها فوق .. الي يالسه تترياها
وهيه تركب تخرطفت بس.. ( لاا تضحكون ما طحت صدقوني )) بس ..
...... زخها من ايدها : بسم الله ..
حمده اشوي وبتصيح من القفطه: السموحه منك اخوي ..
......: حمده!!
حمده : تعرفني ..!
.....:مسرع نسيتيني ..
حمده:نهيان ..!!
ميره ربيعتها : حمده تعالي بسرعه ..
حمده: سلم على عمي .. ..
نهيان: يوصل وانتي بعد سلمي على عمي ..
حمده: يوصل .. وسارت ..
نهيان في خاطره: هه نستني حتى .. يوم اقول لك يا نهيان ماتفكر فيك بس انت ماتصدق..
راشد ربيعه : نهيان تبه ..
نهيان : هاا .. لاا
صوب حمده.
ميروه : امنو هذا ..!
حمده: واحد من الاهل
ميروه: اها ..
ويلسن يتابعون الفيلم..
في ليوا ..
سعود: حبيبي الله يخليج..
موزه جتفت ايدها وصدت عنها : لا لا ما اقدر..
سعيد: مووزه..
موزه: عيونهاا ..اسفه والله بس ما اقدر..
سعيد:تقدرين .. شو عندج..!!
موزه: يدوه اخاف تزاعج..
سعيد: لا لا ماعليج..
موزه: ماابه اسفه حبيبي ..وتوها بتسير
جان يشيلها ويربع فيها الين السيااره
موزه تضربه على صدره:نزلني سعود بطيح ..
سعوود: اوووصصص..
وركبها فالسيااره وقفل عليها الباب
اتصل على سااره
سعود: سااروه هاتي عباية موزه بسررعه انا اترياج صوب سيارتي
وصك في ويها .. عسب ما تساله ليش..
موزه تدق على الدريشه عسب يشوفها
سعود امسوي طااف يعرف انها راح تتحرطم
ويت ساره وهي زاخه العباه
سااروه: وين موزه!!
سعود خذ منها العبااة : فالسياره اذا حد سال عنها قولي لهم انها ظهرت مع زوجها ...
ساروه: ان شاءالله ..
سعود: بااي ساارونه
ساروه: بااي قلبي ..
وركب السيااره
سعود قبل لا تنطق بكلمه:اووووصصصص..
ولا كلمه ..
موزه زعلت وسكتت وصدت صوب الدريشه تشوف خاري
طول الدرب ساكتين انتبهت انها رادين ابوظبي
موزه: راح انرد ابوظبي!!
سعيد: لا ..
موزه: عيل
سعيد انتبه لسياره واقفه على ينب :هدي انتي وراح تعرفين وين سايرين
موزه سكتت..
فجاء ترك الشارع العام وركب فوق العراقيب
موزه: سعيد ظلاام وين تبه رد دخيلك..
سعيد:........
موزه اشوي وتبصيح..
شافت شي يضوي من بعيد
وجربو من المكان ووقف السياره
سعيد: يلا نزلي مايحتاي عباة اصلن بس اخاف تبردين جان تبين لبسيها
موزه : لا عادي..مب بردانه
سعيد نزل بسرعه وفج لها الباب قبل لا تفجه
مد ايده لها
موزه ابتسمت ومدت ايدها له وظهرت من السياره
سعيد حضنها من خصرها ويمشي معاها: ماتعشينه عدل وسبه يدوه
موزه:هه الحين كل هذا لانك ماتعشيت عدل !
سعيد:امم تقريبا ..
موزه تطالع المكان: متى سويت كل هذا !
راح احاول اوصف لكم المكان ..
فوق عرقوب كان شي فرش احمر كبير وشي على الفرش
صفره وعليها اكل شكله توه محطووط وملحف وغير العصاير الي محطوط في علبه متروسه ثلج شرات مالت الخمر
وحولين الفرش الاحمر شي 6 عمدان خشب امولعه وخلت الجو اكثر رومنسيه
سعيد: الله يسلمج ثاني ساعدني..يبت الاغراض وعطيتهم له
ويوم ساريحط كل شي وقتها انا كنت احاول معاج عسب تظهرين معاي وانتي مش راضيه خفت الاكل يبرد وانتي بعدج ومانفع معاج غير الي سويته اني اشيلج ويبج اهني ..
موزه: كيف عرفت انه اهني ..
سعود: ما انتبهتي على سياره كانت واقفه على شارع !
موزه: هيه يوم لفيت بعدها
سعود: هيه هذي سيارة ثاني
موزه: اها
سعيد سحبها : بسج اساله تعالي نتعشه
مزه ابتسمت : يلاه حبيبي
فالمزرعه
الساعه 12 تقريبا نص الي فالمزرعه نامو..
غير نوره وهند وسلطان وحارب وحمد وساره الي كانو خاري وموزه وسعيد بعد..وثاني الي سهران مع مرته على الفون
امم تقريبا بس الشياب الي كانو نايمين ..
فطوم:هه على هذا الرقم تطرش الرصيد
ذياب : رقمج هذا .!!
فطوم اشوي وبتنفجر من الضحك:هه احم هيه عيل
ذياب : امنقع ..مشكله اليهال
فطوم: المهم طرش عليه ...
ذيااب: ان شاءالله ..
فطوم: هيه ولا تتصل لو سمحت ولا تطرش مسج حتى لو كان عن يوم الجمعه ما ااستقبل من نااس غرب..
ذيااب: لا والله..
فطوم: ما ابه اشوف غير مسج تحويل رصيد لااا غير ..
ذيااب بضيق:زين..
فطوم: زين تصبح على خير يالسخيف
ذيااب: انا سخيف
فطوم: ومن زمان بعد..
ذياب: ساكت عنج لانج اصغر عني بشهر واحد بس ولانج ياهل وانا من عادتي ما ارد على اليهال
فطوم انقهرت: نعم..الحين انا ياهل
ذياب: ومن زمان بعد..
فطوم انتبهت على الكوره الي طايحه جان اتسير وتفلعه فيها
ذيااب: ااااي يالخايسه جيه تضربين
فطوم: تراني ياهل والياهل مايعرف الصح من الغلط
ذياب: ماعليه والله لا زخج
فطوم:هه ماتروم وصارت تربع ..
وذياب خلفهها ..
فطوم تصد له وتظهر الساانه
ويوم زخها من غير قصد دزها
ذيااب: فطووم انتبهي ..فطووم..
ما انتبهت فطوم انها جريبه من الحوض
ويدام هند ونوره الي يالسات فجاء فطوم تزحلقت وبعدها طاحت فالحوض..
هند ونوره منصدمات من الي شافوه ..ماستوعبو انها طاحت
وصل ذياب صوب الحوض..
ظهرت فطوم رسها : يالخاايس كله منك
ذياب فيه ضحكه على شكلها:احم..اسف ..
وظهرت من الحوض وهي ترد شعرها لوره
جان اتشوف نوره وهند: وانتن بدل ما تساعدوني يالسات وتطالعن مالت عليكن وعليه بعد..
وسارت عنهم وهي زعلانه ..
ذيااب: السموحه منكم... كنه نلعب وهي ماانتبهت ...
هند:ههه لا عادي..
وسار خلف فطوم عسب يتسامح منها
فطوم تمشي وهي محرجه وتصيح ظهرها يعورها ودها تضرب ذياب من القهر
ذياب: فطووم فطوووم..
فطوم تصارخ: جاااب ولا تي صووبي ..
ذيااب يلحقها: اسف انزين ..
فطوم تمشي ولا هامنها:........
ذياب: والله اسف ...
فطوم: انجلع
فطوم صدت وكان هو ورها بضبت جان يدعمها
ورج خطوه وراء : اسف ..
فطوم: لاخر مره اقول لك ... ا ن ج ل ع
ذياب انتبه لعيونها تدمع : تعورتي ..
فطوم: لااا لااا بس انت انجلع عني ..ما ابه اشوفك... حتى تعرف لا تطرش رصيد..
وصدت عنه عسب تسير
ذياب زخها من ايدها : عيل ليش تدمعين
فطوم منقهره: يالغبي هذا مااي مااااي ..( شلت ايده )وساارت ..عنه
حدرت البيت وسارت لغرفتها وهي ميته من البرد لانه جو البيت باارد..
راحت وخذت لها شور على السريع وانتبهت على ظهرها الي متشلخ من اطيحها وبعدها لبست ونسدحت عسب تنام ..
فطوم: يقهر يقهر ...تكسرت وسبه هوو ..
فطوم: مصدق عباله عطيته رقمي ..ما يدري انه رقم الدريول ..
__DEFINE_LIKE_SHARE__

Grshoob Albdoo · 02-11-2011, 04:21 PM

حدر ذياب الغرفه وشااف صقر يالس ومجابل اللاب ..

صقر: شوفيك..!

ذياب: مااشي..

صقر: احلف!

ذياب: من غير قصد طيحتها .. وشكلها تعورت ..

صقر: امنوه !!

ذياب: فطوم..

صقر:انزين كيف صا رر هل شي ..

ذياب سار وغير ثيابه ونسدح على السرير وصار يقول السالفه لاخوه صقر ..

وبعدها حاول ينام بس ما قدر جان يطرش مسج لفطوم((رقم الدريول))

بعض المواقف تجي وتروح ماتبقى...

وبعض المواقف صداها بالعمر باقي.
..ياصاحبي لامعي تتعب ولاتشقى...
يتبدل الوقت واخلاقي هي اخلاقي..
.إن جيت"أرحب"واذا ماجيتني"تبقى...
انت اكثر انسان عزيته من اعماقي

انا اسف ..تصبحين على خير ..

ومرت الايااام ومر الاسبوع وبعدها شهر

وردو مروان ومها من شهر العسل والكل حضر عرس مانع ..وكان العرس من افخم ما يكون ..ومرت الاياام وخلصوامتحانات ..وخلصت المدرسه وبده الصيف

وذياب الين الحين يطرش على نفس الرقم مايعرف انه رقم الدريول

وفطوم عبالها انه سمع رمستها وصار مايطرش ..

وظهرت نسب البنات وشبااب وكلهم كانو بالتسعينات وثمانينات ..

وقرب سفر سلطان وحارب الي مارمس نوره من ايام المزرعه

وجرب عرس حمد وساره وسعيد موزه

باجي شهر وراح يعرسون...

ف دبي ..

في بيت ابو نوره..

موزه وساره كانو يالسين عندهم وراح يتمون اهناك الين العرس عسب سعيد وحمد مايشوفونهم .. وسعيد وحمد امحرجين من هل سالفه وكل يومين سايرين دبي على امل كل واحد يشوف حبيبته ..بس ابو نوره واليده خاصتاً مش امخلينهم..

درب مطار طيران الامارات

سعيد وحمد متجهين للمطار ..عسب يستقبلون ناااس..

وصلو للمطار ونزلو...وحدرو داخل وصاارو يتريون ..

دقايق ولا يسمعون القاادمون من امريكا

نشو حمد وسعيد عسب يستقبلونهم..

ظهرو النااس ..وبعدهم مابينوسعيد:اتصل اتصل عليهم شوفهم وينهم

حمد لمحهم من بعدي..: مايحتاي وصلو..

ويوم انتبه سعيد عليهم سارو لهم..

حمد تخاشمو : مرحبا الساااع توه مانوت دبي ..

سعيد تخاشمو: فديتكم نوورتو.. محلوووين هه

ماايد: مرحبتين امنوره بناسهاا

حمدان: اشتقنا لكم والله..

سعيد: ونحن اكثر

حمد: ماعرفتونه على اربيعكم..

مايد : هذا حامد.. من السعوديه ..حامد هذا سعيد اخويه

وحمد ولد عمي ..

حامد:تشرفنا

سعيد: حي الله حامد..

حامد: الله يحيكم..

مايد: ليكون خبرتوهم انه اليوم نحن وصــ

سعيد: لا لا ماخبرناهم ..

حمد: مدام نحن فدبي بنسير بيت عمي ابو نوره..

مايد: ابه اشووف التووم..

حمدان: يانااس انا يوعااان .. بسررعه خلونها نظهر

الكل :ههه ..

ظهرو وسارو صوب جميرا .. بيت ابو نوره

وصلو ونزلو ..

سعيد:.. حدروو انتو الميلس .. بنسوي سبرايز لعمي ..

حمدان:اوكيه..

وحدرو الميلس .. وحمد وسعيد حدرو البيت ..

فالميلس ..

حامد: مايد.. انا بسير بيلس في فندق..

مايد: لااا مايصير راح اتم عدنا ..

حمدان: صدقه مايد.. مايصير ..

حامد: بس والـ

مايد: لا بس ولا شياته .. راح تي معانه .. ابويه راح يزعل لو عرف انك يالس في فندق..

حامد : على هواكم..

بعد يومين الكل عرف انه مايد وحمدان رجعو ..

واليوم مسوين عزيمه لرجعتهم والكل حاضر

هند: اوووب اووب..مانورووم نحن شو هالكشخه حمداني ..

حمدان: احمم.. لازم..

هند: ربي يحفظك من كل عين.. امين ..

حمدان: امين ويحفظج ياعسل ,,هنوود.. وين المدخن.

هند: خبرت الخدامه ثواني وراح يكون عندك.

حمدان: مشكووره غناتي ..

في صوب ثاني..

عواش: ميوود.. تعال عسب ادخنك..

ميود:ثوواني..

ويوم ظهر..

ام سعيد: بسم الله عليك ربي يحفظك.. من كل شر

مايد: احم.. شورايكم..

عواش: اطيح الطير من السماء

ام سعيد: عوشه قولي ماشاءالله عن يصيبه شي..

عواش :ماااشاءالله مااشاءلله ..

مايد:هه..هيه صح سارونه ماراح تي ..!!

ام سعيد: لاا... هيه وموزه راح يسيرن مول الامارات يتحوطن وياخذن كمن غرض..

مايد: اها ..

سعيد توه نازل وسمع رمست امه :شووو!!

يعني موزه ماراح تي !!!

ام سعيد:لاا يدتك قالت مـ

سعيد: يدتي ويدتي .. مب حراام عليكم..صار لي فتره مشفتها حتى يوم سرت امسات بيت خالي ماخلتني اشوفهاا ..

في بيت ابوحمد..

حمد: شو هالحاله ياخي .. الي ييشوفكم يقوم مخطوبين مب مالج عليهاا .. يعني شو بيصير لو شفتها ..

هند وهيه تاكل موز: الله يسلمك عسب تشتاق لها اكثر هه

حمد: سكتي سكتي انتي لا ادخل الموزه كلها في حلجج..

ام حمد: يعني شو اسوي لك.. يدتك قالت مـ

حمد: ادري ادري مايصير يشوفون بعض حفظت الجمله والله ..

حمدان تو نازل

حمدان: يببو ياحريم المعرس وصل ..

هند وقفت : الف الصلاة وسلاام عليك يااحبيب الله محمد .. وصاارت تيبب

هند تخبلت : يا معريس عين الله تراك..القمر والنجوم تمشي وراك..

حمدان ارتبش وصار يرقص شرات حريم اول : ويا معريس عين الله تراك..القمر والنجوم تمشي وراك

حمد: الحمد الله وشكر ...

ام حمد:ههه ..

حمدان :هنوود بعد وحده ..

هند: صاارت تيبب...

حدر ابو حمد الصاله وشاف المصخره

ابوحمد:ههه تخبلو عيالي ..
__DEFINE_LIKE_SHARE__

Grshoob Albdoo · 02-11-2011, 04:33 PM

في دبي دار الحي ..
ابو نوره: انزين ليش ماتبين اتسيرين ..؟
نوره: باباتي خلاص انا سلمت عليم جيه اسير وبعدين ابه اسير مع سارونه وموزه ..
ام نوره: خلااص راشد خلها على راحتها ..
ابونوره: على راحتج.. يابنتي ..انزين فطوم راح تي !
فطوم: هيه بسير معاكم..
ابو نوره:زين عيل يلاه ركبو السياره ..
اليده : موزه سااره ما اوصيكن بناتي جان اتصلو عليكم لا تردون عليهم ..
ساره وموزه : ان شاءالله يدوه ...
بعد ساعتين ..الساعه 8:11 المساء
الكل وصل اهل دبي واهل العين (قوم ثاني)..ومروان ومرته
والي من راك مانع ومرته ..
الخيمه انمزرت ريايل ..
فالخيمه ..
حارب: اخوك صقر سافر صح !!
ثاني : هيه سافر من سبوع ..
مايد: حساافه بغينه نشوفه ..
ثاني ابتسم ..
حارب : سلطون موزه وساره روحهم فالبيت !..
( يبه يسال عن نوره بس مب عارف كيف )
سلطان: لا نوره معاهن وسارن مول الامارات ..
حارب: اها..حساافه ..
سلطان :جيه حسافه !
حارب: هااا ..لااقول يعني بغيت اشوف ساره اختي من زمان عنها..
سلطان : اها ..
تحديدن في امارات مول ..
نوره: بتخبركن تعالو نسير صوب الالعاب .. خاطري في
مطعم فرايديز
موزه: اووك حتى اناا خاطري فيه ..
ساروه: بس خلوني احدر هالمحل اول
نوره: اوك..
بعد ما خلصو ..ظهرو من المحل
نوره :هه تذكرون فـ
دعمت بولد صغير يصيح
ساروه: اويه شكله ضايح
نزلت نوره لمستوى الياهل
نوره تمسح على راسه: لا تصيح ..بنحلص هلك حبيبي
موزه نزلت هيه بعد : حبيبي شو اسمك.؟
.....: يصيح
ساروه : عندي حلوه تبه ؟؟
نوره: ظهري الحلوه هه لا تسالين ..
ظهرت الحلوه وعطته
سكت ..
موزه: تبه تلعب ؟
الولد اطالعها : هيه ابه
نوره:هه فديتك انا .. تعال بنلعبك..
ساروه: يلاه قول لنا شواسمك..عسب تروح لماما ولا ماتبه تسير ؟
الياهل: لا ابه ..اسمي حمني
نوره:هه فديت حمني انا ..انزين يا حمني يلاه قوم معايه
نوره : ميري خذي الجياس عورت ايدي
سارن صوب الالعاب ..عسب يلعبون حمني
موزه: اقول بنات شرايكن نحدر السنيما ..
ساروه: وحمني !! اكيد اهله يدورونه
حمني يلعب :عموتي هني كانت واقف
نوره: وين !
جان ياشر على مكان شبااب واقفين في نفس المكان
نوره: اكيد هم صوبنا عيل .. دام كانت واقفه هني
موزه : انزين تعالو ننزل وناخذ تذاكر
سارونه: وحمني
موزه:بنخليه معانه وجان ماحصلنه هله بنحدر وبنشوف الفيلم وهو معانه
نوره: زين .. بنشووف رسوم عيل عسبه .
حمني: عموتي قالت بشوف بتوديني اشوف رسوم
موزه: يمكن صوب السينما هم ..اكيد بنحصلهم بعدين فالقاعه
سارونه: من صدقج انتي ولدهم ضايع تبين يحدرون ويشوفون الفيلم..
نوره ترمس حمني : حمني حبيبي ..انت بس يااي مع عمتك!
حمني: لاا وعمي بعد..
نوره: انزين شو اسم عمتك!
حمني: خدوي ..
نوره: وعمك!
حمني: خالد
نوره: نزين شو اسم ابوك؟
حمني:محمد
نوره: اقول بنخبر السيكورتي حرام اكيد يحاتونه
موزه: انزين انا باخذ لنا تذاكر ..
ساروه : اي معاج نوره؟
نوره: لا مايحتاي هذا السيكورتي واقف ..
ساروه:زين نحن صوب الاكل جان خلصتي
نوره: اوكيه
نوره: ميري ..تعالي معايه ..
وسارت تمشي وراها .. وحمني حذالها وزاخ ايدها ..
مرت صوب شلة شبااب على يمينها وعلى يسارها ..(تعرفون انتو بعد صوب السينما جيش من الشباب ..وياليت لو كلهم يحدرون ويشوفون فيلم ))
واحد منهم: حلوه ماشاءالله
الثاني: هذا ولدها ؟.ماتخيل احسها صغيره ...
....: ابه ارقمها .. عيبتني..
.....: ماتشوف ولدها معاها ...
.......: يمكن اخوها انزين ..
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
لمح ولد يمشي مع وحده .
خالد: جنه هذا
سار خالد ورا نوره ..الي توها وصلت لسيكورتي
خالد: عبد الرحمن ..
صد يشوف الي يناديه
حمني : عمي ..
تدرك ايد نوره وربع صوب خالد..
حضن حمني وشله وسار صوب نوره ..
خالد: مشكوره اختي ..
نوره: العفو اخوي..
خالد: اسمحيلنا مره ثانيه ..
نوره: مسموح..هااحمني ..مب تترك عمتك وعمك اوكيه حبيبي ؟
حمني ابتسم: زين ..
نوره جربت وزخت خده : شطوور.. يلاه عيل فمان الله .
خالد ذاب يوم جربت ريحت عطرها خبلت به:فمان الله ..
رن فونها يوم سارت
__DEFINE_LIKE_SHARE__

ياعمري · 02-11-2011, 04:55 PM

وين التكمله ><

والله يعطيك العافيه على البارت
__DEFINE_LIKE_SHARE__

Grshoob Albdoo · 02-12-2011, 07:08 PM

المشاركة الأصلية كتبت بواسطة ياعمري

وين التكمله ><

والله يعطيك العافيه على البارت

التكمله على البارت الثاني ان شاءالله
الله يعافيج
تسلمين على المرور
نورتي خيتوه .. __DEFINE_LIKE_SHARE__

مشاهدة نتائج الإستطلاع: رآآآيكـمـ يهمنيـ...*ّ`~!
ترتووبـ..*ّ!!	254	93.38%
مااشيـ حاالهاا..*ّ!!	18	6.62%
المصوتون: 272. أنت لم تصوت في هذا الإستطلاع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
~¤ô§ô¤}أغليهـ يعنيـ أعشقهـ~¤ô§ô¤أعشقهـ يعنيـ أموتـ فيهـ{~¤ô§ô¤~	Grshoob Albdoo	المسنجر وملحقاته , توبيكات , ماسنجر بلس , msn	68	10-10-2009 02:39 PM
يآربـ أموتـ و أفتك ]$ ...&_* ][لاتحرموني من مروركم ][	MS theeba	المواضيع المكرره	2	04-18-2009 10:37 PM
دعنيـ استعيركـ ..!!	جبروت أنثى	شعر و خواطر	18	01-24-2009 05:43 AM
انا جديدهـ"" وابيـ:: ترحيبـ"" يعنيـ "شاي وقهو	اميرة بكلمتها	تراحيب وتهاني	17	08-18-2008 03:52 PM
تضـ ح ـك ..[ وآناا] ../ لاجـِـِـًلك[ آموتـ، ] !	¬»ĤǿหєЎ	المسنجر وملحقاته , توبيكات , ماسنجر بلس , msn	19	05-07-2008 09:07 PM