~*¤ô§ô¤*}أغليهـ يعنيـ أعشقهـ~*¤ô§ô¤*أعشقهـ يعنيـ أموتـ فيهـ{~*¤ô§ô¤*~ - الصفحة 360

Grshoob Albdoo · #1 10-31-2010, 05:57 PM

مرحباااا شباب بناات
اشحالكم !

ادري طوولت واااااااااااايد صدق صدق سوري بس الغلط مب مني

كنت بنزل بس يوم رجعت المانيه صارت مشااكل اهناك وصارت الجامعه حزب عربي &خليجي وحزب الماني ..وكل يوم ضراايب اخر شي قطعو كل الخدمات عنا ..حتى البي بي قطعوها الهروم ..انزين شي لبس فالسفارات الخليجيه والامانيه نحن شباب الجامعه شودخلنا يقطعون عنا الخدمه ..مصخره والله

ومن يومين فجو كل شي كان كل شغلي فالجامعه يوم قطعوه ما قدرت احدر المنتدى وطرش لكم البارت .. تخيلو من رمضان طقعوها عنا ..والله هروم

سووري ادري انه احتمال اكبير اتصفع وخاصتا من البناات اخخ .. بس اعذروني احم انزين ..

هيه صح مشكورين على اهتمامكم فالقصه ..واشكركل من يراسلني على الخاص وعلى اهتمامهم ..
..النقطه 2 الي يطرش رساله بس وده يتضاارب يطرش على العام عسب الكل يطالع ليش مفتشل ويطرش على الخاص..ان كان بنت او ولد.. ياخي لو مب عايبتنكم القصه لاتقرون ماضربتكم على ايدكم وللعشرين مره اقول لا تقرون جان مب عيبتنكم..

النقطه 3 اشكرج اختيه مزاجيه .. وزين يوم تومي امخبرتنج..

النقطه 4 وهيه الـvip بنسبه لكم..البارت راح ينزل في هل ويك اند اذا الله راد..

النقطه 5 اممم ماشي سلامتكم..

اتريوني مع الباارت اليااي وان شاءالله راح يعيبكم..
__DEFINE_LIKE_SHARE__

¬» ۶ـنيدهـِ بـפـبڪْ ؛* · 10-31-2010, 07:57 PM

مـرحبتيين خيـوؤ ..//
واللـه حـأإآلنـآ يسؤك ولـآ يضرك .. ومن صوبك ..؟!
عسـأإآك بخيير و مـآ تشكي بـأإآس

مسمـوؤح خييـو وبـ الحل .. ونحن عـأإآذرينك
وان شـأإآء الله ينزل بـأإآرت هالويكند
بالحظ كنت حـأإآدرهـ اجييك على احواال القصـة .. ولقييت انك اخر رد جـأإآن اتشق الابتسـأإمـة فيسي ..!*

حليلنـآ نـحن >> البنـأإآت << فديتنـآ مسـأإآلمـآت مـآ نصفع >.<
بس أنـأإآ اللي شكلي بتصفعني الـأبلـة .. علي حل مسـأإآئل وليين الحيين مـآ بديت فيهن { من الشطـأإآرهـ الزاايدة .. LoOlz } بس كل شي يهوون من أجل القصـة ..

فـ انتظـأإآرك خييوؤ بـ البـأإآرت أخر الـأسبووع .. اذا فضييت نزل النا بـأإآرت .. بس اذا مـآ كنت فـأإآضي لـآ تنزل .. أهمـ شي دراستتك .. وشد حيييلك و بيض الوويـه .. وربي يوفجك

أعرف واايد رمست ^.* .. تقبل مروري

__DEFINE_LIKE_SHARE__

زهرة زماني · 11-05-2010, 07:22 PM

وينك غرشوووب تاخرت وااااايد __DEFINE_LIKE_SHARE__

Grshoob Albdoo · 11-06-2010, 03:24 PM

الحين بنزل البااارت ... كنت اكتبه سووري على التاخير __DEFINE_LIKE_SHARE__

Grshoob Albdoo · 11-06-2010, 03:50 PM

البارت 36

لا تنصدم اذا قلت انا اليوم مـا أبيك . .
القلب عافك و انتهى اليوم دورك . .
اعميتني بحبك عسى الله يعميك . .
ورميتني يا شين بـ أعمق بحورك . .
يالله توكل لا تجيني و لا أجيك . .
يـالله حبيب أمك قوم رتب امورك !!

..

هند : فطوووم..

فطوم: هلاا ..

هند: نووري وين..!

فطوم: مادري يمكن داخل ادق الباب محد يرد..

هند: شوفيها فالغرفه الثانيه

فطوم: اووكيه..

سارت فطوم الغرفه الثانيه

توهاهند بدق البااب

بس انفتح..

وظهرحارب ونزل تحت ..

هند منصدمه اطالع نوره

نوره طاحت على الارض ويلست اتصيح

هند..حدرت وصكت البااب وسارت صوبها

هند: شويسوي هذا اهني..

ماردت عليها نوره..

هند صوتها عله شووي وصارت اتهزها من جتوفها: اقوج شويسوي هذا اهني ..شووو..

حدرت فطوم: هـ بس شافت نوره اتصيح..

فطوم: شوصاير ..!!

هند: ردي عليه ... ليش اتصيحين ..جاوبيني ..

فطوم: هند نوره شوفيهاا ..

هند: صارشي..!!!

نوره صارت اتصارخ: لااالااخلوني ابروحي..خلوني..

فطوم مستغربه: شووفيكم..

نوره: ظهروو برع برررع ...

هند: مبظاهره الين ماتقولين ..

نوره زخت راسها من الصدع الي صبها فجاء .

نوره صارت اتصيح : ماااشي بس خلوني روحي الله يخليكم لله يخليكم..

هند: خلاص خلاص بنظهر ..نشت من مكانها

فطوم: تهمس لهند اسيراخبراميه.

هند سحبتها من ايدهاعسب يظهرون : لاالامايحتااي ..

نزلوتحت .. ويلسوفالصاله مع البناات الكل يسولف ماعده هند السرحانه تفكر في نوره..

فجاء نشت من امكانها ...

موزه:على وين هندوه.

هند: نسيت فوني فالغر فه بسيراخذه وبرد..

موزه: اهااووكيه..

صعدت فوق.. وظهرت الفون من مخباها وصارت تكتب .

(( حارب تعاال ابسرعه نووره تبه تقولك شي..))

كانت يالسه فالطابق الثاني امجابله غرف الشباب ..

ظهرحاارب ابسرعه توه بيصعد الدري ..

بس ..

هند: حاارب ..

حارب: فالغرفه هيه صح..!

هند: هيه..

توه بيصعد

هند: بس ماتبه اتقول شي..

حاربصدلها : كيف يعني.!!

هند: كتبت هل مسج لاني اعرف لوقتلك شوصايرماراح اتقول ..

حارب يلس على الدري: يعني قصيتي عليه ..

هند: ..شووصارامبينكم..

حارب: ماصرشي..

هند قربت منه وعلت صوتها : عيل ليش نوره منهاره اتصيح..

بسجي ... دلع !!

حارب: بغيت افهمها موقفي ..يوم شافتني ارمسها ..

هنداستغربة:امنووه..!!. ومتى شافتك..

حارب: اليوم ..

صوب نوره..

كانت منسدحه على الارض وتصيح

نوره: احبك والله ..بس ماقدرماقدر ..اقول اخاف انصدم فيك مره ثانيه..كفاي الي سمعته ..والي شفته ..ماابها سمع بعد ولااشوف ..

مابه انساك ..ماابه احبك اكثر .ماابه..(( صارت اتصيح))

مااابه ...

مااابه...

وصارت اترددهل كلمه الين ما نامت ..

تحت فالصاله ..

شهد: خلصتواغرااض العرس..!

موزه: كل شي جاهزالفستان بيوصل بعد ثلاث تياام..

ويوم الاربعا بنسيرانا وساارونه عسب البروفا..

ساروه:حجزنا للميك اب ..ولتسريحه ..وخترنا المسكه ..

عوااش: زين الحمدالله خلصتو ..

شهد: الين الحين ماخذ تفستاان ..

عواش: حتى انا ..

شهد: بنسيردبي .. على الويك اند الياي شورايج..!!

عواش:اووكيه.. حتى هنوود ونوره ماخذن .. بنسيرمره وحده احسن ..

شهد: اوكيه..

عواش تهمس فاذن شهد:بعده يرمسج على المسن ..!!

شهد: لااا .. تصدقين كسرخاطري ..ترجاني مااحذفه ..

عواش : ماعليج.. منه .

شهد: تعرفين كل مااحدرالمسن احصل اضافه

عواش: منه..!!

شهد: لااكل مره ايميل غير .. بس تعرفين حاسه انه هو.. مادري ليش..

عواش: المهم زين حذفتيه. انزين لاتحدرين على هذاحدري على الثااني ..

شهد: يصيرخير ..

تــــــــــــآآآآآبــع...!
__DEFINE_LIKE_SHARE__

مشاهدة نتائج الإستطلاع: رآآآيكـمـ يهمنيـ...*ّ`~!
ترتووبـ..*ّ!!	254	93.38%
مااشيـ حاالهاا..*ّ!!	18	6.62%
المصوتون: 272. أنت لم تصوت في هذا الإستطلاع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
~¤ô§ô¤}أغليهـ يعنيـ أعشقهـ~¤ô§ô¤أعشقهـ يعنيـ أموتـ فيهـ{~¤ô§ô¤~	Grshoob Albdoo	المسنجر وملحقاته , توبيكات , ماسنجر بلس , msn	68	10-10-2009 02:39 PM
يآربـ أموتـ و أفتك ]$ ...&_* ][لاتحرموني من مروركم ][	MS theeba	المواضيع المكرره	2	04-18-2009 10:37 PM
دعنيـ استعيركـ ..!!	جبروت أنثى	شعر و خواطر	18	01-24-2009 05:43 AM
انا جديدهـ"" وابيـ:: ترحيبـ"" يعنيـ "شاي وقهو	اميرة بكلمتها	تراحيب وتهاني	17	08-18-2008 03:52 PM
تضـ ح ـك ..[ وآناا] ../ لاجـِـِـًلك[ آموتـ، ] !	¬»ĤǿหєЎ	المسنجر وملحقاته , توبيكات , ماسنجر بلس , msn	19	05-07-2008 09:07 PM