~*¤ô§ô¤*}أغليهـ يعنيـ أعشقهـ~*¤ô§ô¤*أعشقهـ يعنيـ أموتـ فيهـ{~*¤ô§ô¤*~ - الصفحة 137

Grshoob Albdoo · #1 08-17-2009, 11:47 PM

تسلموون عـ مرور الغــــــــــــــــــــــــــأووي..

وان شالله.. اليووم بنزله... بس بعدني..

ربي لـــــــــــــــأهانكم..

تحيااتي لكم..

غرشوووب.. __DEFINE_LIKE_SHARE__

غبشوهـ · 08-18-2009, 01:20 AM

Waiting >>>>>>>>>>>>>>>>>>>>>>>>>>>>>>>>>> __DEFINE_LIKE_SHARE__

Grshoob Albdoo · 08-18-2009, 02:35 AM

سلااام السمووحه اتأخرت...لكم الباارت... اتمنى يعيبكم...

ومبروووووووووووووووووووووكـ عليكم شهر رمضــــــــــــــــــــــــــــــان....

اخليكم مع البــــــــــــــــــــــأرت...

البارات 26

افففف يااربي .. ابه انام هب قادره...عدلت فـ يلستهاا وتربعت عـ سرير...
خذت فونها تبه تعرف اساعه كم...؟؟
نووري: يااربي .. السااعه 3 الفير .. آآآآه ابه اناام...لو سااعه...بس ...
نشت من السرير .. وساارت صوب البلكونه اول ما فجت البااب هب عليها هوى باارد..تقريبا...
نوري ببتسامه: مممممم حلو الجو...
طحت عينها عـ بلكونت حارب .. تذكرت اخر موقف معه...
نوري: افففف الكل راقد... ماا عده انا....يلست عـ كرسي الي فـ بلكونه وحطت ايدهاا عـ خدها...
نووري: مممم شوو اسوي الحين...مليت اناا يالسه..؟؟ تذكرت انهاا الين الحين ما تخذت القراار المناسب ...
ياربي سااعدني... اناا مالي غيرك انـ.. قطع عليها رمستهاا صووت الفون...
نووري بستغراب": امنووه الي بيتصل فـ هل وقت..
نووري: ممم يمكن امااني...؟؟ ... لا بس اماني كلمتني... خلني اشووف امنووه.. دخلت تخذ فونهاا...ماا نتبهت عـ اسم وردت عـ طوول...
نووري: آلووو...
.....: شحاالج...؟؟
نووري تطالع الفون في خاطرهاا يااربي اناا ليش ما شفت الاسم قبل لا ارد...
.....: آلووو .. وووينج....؟؟؟ نووره...
نووري : نعم شوو بغيت ؟؟ ..
خالد: هههه انزين ليش امحرجه..؟؟
نووري: اكيد بحرج .. في حد يتصل الساعه 3 الفير..؟؟
خالد: ههههه اناا...المهم.. شوو العزيمه...؟؟
نووري بحده : ماالك شغل ..
خاالد: هههههه اذا انتي ما خبرتيني .. العصفوره راح تخبرني...؟؟
نووري: افففف.. انت وبعدين معك .. ياخي .. اتركني بحاالي.. خالني اعيش بااجي حيااتي..
خاالد: هههههه بل احلام ياا حلووه...
نوري: افففف .. شووو بغيت الحين ...؟؟
خاالد: ههههه ايوه جي ابااج... .. سمعت انه بتنتقلون...دبي..
نووري بصدمه: اا.. انت امنووه خبرك..؟؟

خاالد:هههههه... كمن مره اقوولج . ..العصفوره .. شوو هب امصدقه...؟!
نووري ودموع فـ عيونها حست بخووف .. بترجي" :خاالد دخيلك ... هدني بحاالي..
خالد: ما بهدج لين تنفذين الي فـ بالي...
نووري : شوو هل الي باالكـ...؟؟

خالد:توافقين عـ انج تنتقلين .. دبي...
نووري: نـــــــــــــــعــــــــــم....!؟؟؟!
خالد: انتي حره اذا ما وافقتي .. انتي .. وحبيب القلب حاارب.. راح تشوفون شي عمركم كله ماا شفتوه...
نوري: اول شي حاارب هب حبيبي... ثاني شي.. انا هب منتقله..
خالد بخبث: كيفج .. بس ..اذا ماات حارب .. تره بسبتج...
نووري بصدمه: شووو.... انت بتقتل..حاارب...؟؟!
خاالد: اذا مانفذتي الي اطلبه منج .. هب بس حاارب حتى انتي .. وقتل كل من تحبينه ...مثل امااني اربيعتج . وهند وغيره ..
نووري تصيح: حراام عليك انا شوو سويت لك... عسب اتسوي جي.. دخيلك اتركني بحاالي...
خاالد:هههههه.... اذا نفذتي الي اطلبه...رااح اترك حبايبج..
نووري تمسح ادموعها ... بتردد: انزين خلني افكر...
خاالد: اووكي .. بس بااجر ترديلي الخبر.. انتي فاهمه...
نووري: ان شالله...
خالد: يلاه تصبحين عـ خير..
نووري اي خير.. اله شر..: وانت من اهله...

بعد ما سكر خالد من عند نووري...
خاالد: ههههههههههه احله شي فـ هل لعبه .. انه تتحسبني ..ولد...اخخخخ....كسرت خااطري .. حسيتهاا تصيح ....آآآه هذه كل لعيون حمدووه... وله ماا كنت بسوي هل سوه ...

خالد : الله يعينج يانوره ... عـ خطط حمدووه.. بس حمده ليش اتسوي كل هذه وهي مله دخل.. معقوله هذا كله بس عسب ولد خاالتها حارب ..؟؟!

صووب نووري ... كانت يالس فـ زويه فـ غرفتها.. وهي ضمه ريلهاا وتصيح...
نووري: آآآه.... يااربي انا ليش ايصير فيه جيه...ليش لزم اتعذب .. ليش ... ليش .؟؟!!
والله تعبت .. انا بس ابه اعرف انا شوو سويت .. وحاارب شوو دخله بسالفه...
نووري: اناا لزم اوافق ... صح اني بفقد يدي ويدتي والكل ... بس ...آآآه بس هذا لمصلحتهم.. اناا لزم اواافق.. خاالد عادي يسويهاا...

نفس الوقت...
هند: تصدق اليوم رؤعه كان .. بس الي خرب عليه هوو انه يمكن عمي راشد بينتقل دبي..
خليفه: ان شالله الي تبونه يصير ... شوو العزيمه...؟؟
هند: حلووه... واايد... هي صح اخووي خطب بنت خالتي ..و ولد خالي خطب بنت عمه..
خليفه: صدق مبروووك .. يلاه عقبالج...
هند: لا وووين بااجيلي وااايد....
خليفه: هنوود .. تتوقعين وووين انا الحين...؟؟
هند: مم اكيد فـ غرفتك .. ومتسدح عـ سريرك شرااتي...
خليفه: ههههه لا ...
هند: ممم انت ف بيت...؟؟
خليفه يبتسم: ممم لاا..
هند تفكر : ممممم هي صح انت مر قلت انك تحب البحر ... انت سااير البحر صح..؟؟
خليفه : ههههه ياساحره .. ليكون ترقبيني وانا ماادري...
هند:ههههه تقدر تقوول جي....
خليفه: لا والله .. هند صدق كيف عرفتي اني عـ شاطي...؟؟
هند ببتسمه :ممممم... تعرف لمه الوواحد يتعلق بشخص روحه تسكن روح هل شخص وتكون معه في كل مكان ووين مااسر .. جنه تحرسه من شي..
خليفه مبتسمه: افهم من كلمج انج تحبيني...؟؟!
هند: ممم ماادري....؟
خليفه بخبث: هنوود.. يلاه عااد لا تكاابرين ..قوولي انج تحبيني.. وتموتين فيني
هند: لا ااا والله وااايد وثق من عمرك...
خليفه يبتسم: آحم...آحم.. اكيد واثق من عمري...
هند : تصدق عااد ...اناا اكرهكـ .. اكرهاااك.....
خليفه :هههههه موو من قلبج...
هند بحقد: لا من قلبي.. خلووف انا اكرهاااكـ...بااي..
خليفه طح عـ رمل وتم يضحك عـ صوتها جنه منقهر...
خليفه: آلوو..
....:.............
خليفه: هههه سكرت...آآآه..يااهنوود مووت احبج..
وطرش لها هل مسج...

دام (" ...دبي..." ) كلهاا حيل تهواكـ...
اشلون قلبي بعدهاامــا يحبكـ....
في ( ".... الورقا..") صافح الود يمناكـ..
("...الجميرا..") كلها تتمنى قربكـ...
("..البرشا..") وكل اهلها تفداكـ..

رد وتصل عليها مره ثانيه....

خليفه: آلووو...
هند:......
خليفه: ههههه انزين ردي علي....
هند: نـــعم....؟ !
خليفه: بس حبيت اقولج شي...
هند: تفضل اسمعكـ...
خليفه يصارخ: هنــــد ... اااااااااااااااااااااااااااااااااااحـــــبج...
هند عـلى طول اول ماا سمعت كلمة احبج ... صكت افويه .. من المستجه....

الساعه 3:28...
سلطان: حشه سنه لين مااتي...
حارب: اخرتني حمدووه...
سلطان: هي بعدهاا لزقه فيك... حاارب انت لزم اتوقفها عند حدها..
حاارب يلس امجابل البحر وتناهد: ...ماادري متى راح افتك منها...
سلطان يطالع المووج: هي تحبك صح..؟؟
حارب: آآه و هذي المشكله بس اناا ما احبه .. تعرف شوو يعني ماا احبهاا.. انا اعتبرهاا شراات اختي..وبـــــس...
سلطان: انزين قولها هل كلام...
حارب: اخاف اكسر بخااطرهاا...
سلطاان: والله ما فهمتك .. ما اقول غير الله يعينك عـ مابلكـ...
حارب: ويصبرني...
سلطان: عيل وين الشبااب..؟؟
حارب: ساارو الجمعيه عسب يتشرون ...
سلطان: ثاني خال موزه معهم..؟؟؟
حارب: هي.....
بعد خمس دقايق..
سعيد شاق الحلج: سلآآآآآآآآآآآآم ...
حارب وسلطان: وعليكم...
مايد : حموود يبت المسجل..؟؟
حمد: هي...
ثاني : وانا يبت طبل ومسيقه...
حمدان: ياسلام... اليوم السهر صبااحي...
مايد: يلاه شباب .. كل واحد يسوي شي..
حارب: انا وسلطون بنشب النار..
مايد: واكى..
حمدان: بسير ايب الكراسي ..من السياره...
ثاني: انا وحمود بنجهز اللحم وتكه...
سعيد: بصوركم...اخخخ..
مايد: شوو تبون احط لكم..من اغااني..
سعيد: اغنيةحلو عـ قلبي ..لحسين..
حاارب: لاااامانبه .. انت ماا شبعت منهاا...؟
مايد: شبااب فااتكم.. اول ما وصلناا البيت .. نزلنا انا وسعود صالة البلياردو وعليناا عـ هل غنيه عد سعوود رقص من الخااطر..
ثاني:هههههههههه....
حاارب: انا بعد انضميت معهم .. ارتبشناا عـ اخر .. وسااروه هب فاهم السالفه ..هههههههههه..اما عوااش ارتبشت ونضمت لناا ...
سعيد: هههههههه ميوود دخيلك خلاها ودي ارقص...
الشبااب: ههههههههههههههههههه...
سلطان : لا خل لنا اغنية انا ولا عرف لتامرحسني...
حمدان: هل غنية طرررر..
ثااني: صدقك..
سعيد: ميوود خل اي شي المهم تربش..
وحطو غنية انا ولا عارف ..
حمد: ميوود عل الصووت على الاخر..
وبدو يغنون مع الغنيه...
الشباب : انا ولاعرف انا ملي وله الي قرالي ..بـــــــــــــــحبكـ... ياحبيبي ..بـــــــــحبكـ وهتجنن عليك..
نش سعيد وتم يرقص .. وحتى حمدو تم يرقص مع سعيد وهو زاخ صيخ اللحم.. وشبااب مرتبشين عـ اخر...ولي يصفق ولي يغني ولي يرقص..
حمد وسعيد يغنوون : يحبيبي بــــــــــــحبكـ.. وهتجنن عليك...
من بعد ما غنوو ورقصو .. اذن الفير سارو يصلون ومن بعده ردو عسب يشون اللحم وتكه وكل اشوي واحد فيهم يغني.. عـ الساعه سته الفير كل واحد فيهم رد البيت ....

السااعه 10 الصبح
موزه: يلاه عااد... ثنوووي...
ثاني: دخيلج بس خمس دقاايق..
موزه: كل اشوي تقص علي وتقول خمس دقايق... شوو نسيت انه اليوم خطبة اليمعه...
ثاني: ماا نسيت .. بس .. شي وقت...
موزه: تراك ما بتصليها في بوظبي.. بتصليهاا فـ عين ... شوو نسيت العزيمه...
ثاني نش من سريره: اوووه رااح عن باالي ... جان خبرتيني..
موزه: خبرتك بس انت ما تسمع الرمسه...
ثاني: السمووحه منج عمتي...
موزه: ههههه مسمووح...
ثاني: الفطوور جااهز..
موزه: يب .. جاهز وهل مره اناا امسويتنه...
ثاني: ياسلآآآآآآآآآآآآآم... راح اكل من ايد اغله انسانه في هل كوون اليووم...
موزه بخبث: متاكد اغله انساانه...؟
ثاني بحيره: ليش انت شاايفه شي...
موزه: يعني انا اغله من ميثاني..
ثااني اونه مايعرف: بسم الله انتي عن امنووه تتكلمين.. امنووه هي ميثاء
موزه ببتسامه: انت عارف عن امنووه ارمس..
ثاني: .... لا هب عاارف .......لا تطالعيني جي.....
موزه بخبث: كيفك .. بس مردك بتقوول ..وباسرع وقت بعد..
ثاني: اقوول بره ... خلني اسير اتسبح..
موزه: يعني طرده..
ثاني: هي نعم طرده...
موزه: ها كله بس عسب طريت ميثااني..
ثاني: لا حوول ...
موزه: هههه خلاص طالعه..اتريااك تحت بااي..وظهرت
ثاني يكلم عمره : كيف عرفت عن ميثاء..؟؟
موزه تفج البااب وظهرت راسها: العصفووره خبرتني...

في نفس الوقت
نووري: سلام عليكم..
البااجي: وعليكم السلام ..
اليد: هلا بنوور حيااتي.. تعاي يلسي عدالي..
راشد : بتسيرين مكان..؟
نووري: هي من بعد ماا افطر .. بسير المسبح بسوي ارياضه
فطوم: يدي ....انت بس اتحب نووري ماا تحبناا..
اليد:ههههه بدت الغيره ...منووه قص عليج ...اناا احبكم كلكم...
فطووم: انزين اناا شوو..؟؟
اليد: انتي فرحت البيت ..وملوك ملاك البيت وميااري ..روح هل بيت...
راشد: الله .. هذا كله حقكم شوو خليتو حق البااجي..ههههه
الباجي:هههههه
نووري: الحمدالله...
اليده: ووين ماخلصتي صحنج..
نووري: بس يدووه شبعت..
اليد: ليكون اتسوين هذا الي سمونه جم...ترااج اضعيفه حق شوو تسوين..؟
فطووم:ههههههههههههههههههه حلوه حلوه يدي...بس دخيلك لا تعيدهاا..
راشد : فطووم... عيب هذا يدج...
فطوم: آحم.. السمووحه يدي..
نووري:ههههه يديه يسموونه رجيم...لا ما اسوي رجيم .. بس شبعت .. وبعدين ما ابه اتأخر فـ مسبح .. عسب ارد ابسرعه..
اليد: والله ماله داعي هل رياضه الي تسوينهاا .. ما شالله عليج ..ضعيفه وطويله
نووري: يدي الرياضه تسليني.. وبعدين ما راح اطول...
شيماء: ماما نوري لا تتأخرين ..
نووري: ان شالله..
نووري: مع سلامه...
اليد:ربي لج حافظ..
الباجي: مع سلامه..

نفس الوقت
حارب: آلوو محمد.. اكلت كااسر ؟؟ .. سبحته ..؟؟؟ زين انا الفليل بي باخذه ..هب اتظهره انا راح امشيه اوكي...يلاه بااي...

تم يطالع عمره فـ منظره ..ويعدل ثيابه .. كان لبس قميص نص كم لونه ازرق قامج ا مخصر عليه عـ برموده رمادي .. وجوتي ارياضه رمادي ولبس كاب ((لونه ازرق غامج))
ومشط شعره .. سار لغرفة الثيابه عسب يخذ نظارته ويوم فـج الكبت حصل علبه حمره ابتسم وخذهاا وشل نظارته..
حارب يلس عـ سريره .. وفج العلبه ... هي عباره عن علبه متوسطه في الحجم وفيهاا سنسلتين ((قلتين)) وحده ذهب وثانيه فضه مكتوب عـ وحد منهم نوور حياتي وتحتهاا بخط اصغير نووري((الفضه)) .. وثاانيه نوور حيااتي تحتها بخط اصغير حـــــآرب((ذهب))...حلو شكلهاا فيهاا قلب عود يتلمع محفور فيه ..
حارب: متى .. متى بس اهديه لها ...
حارب شل القلده الي مكتوب فيها((نووري)) وتم يتمنظر فيها: مشكله اذا ردتني ......ردالقلده مكانه..وسكر العلبه وردها مكانه ..
شل نظارته ونزل تحت..
حارب:صبـــــــــــــــــــاح الخير...
الباجي: صباح النوور...
ام سعيد: حارب حبيبي تعال تفطر..
حارب: لا اميه تفطرت انا قبلكم...
ابو سعيد: مايد وسعيد نشو...
حارب: لا بعدهم...
ساروه: اسير اوعيهم..
ابو سعيد: هي بابا سيري وعيهم متى بينشون .. وبعدين سعيد وره درب للعين..
حارب: عن اذنكم...
ابو سعيد: ساير الاسطبل ..؟؟
حارب: لا ساير العب رياضه..
ام سعيد: حارب ولدي لا تبطي عسب ترد تسبح وتروح المسيد ويه ابوك ..
حارب: ان شاالله اميه... يلاه مع سلامه..

نووري: ليش ما ترد...؟؟
هند بكسل :آلوو..
نووري: صبااح النوور..
هند:هلا بقلبي.. صبااح الخير...
نووري: بعدج راقده..
هند: لا صحيت ..
نووري: اقوول هنووده .. اذا فاضيه تعالي المسبح ..
هند: اكيد فضيه حتى لو مب فضيه راح اترك كل شي ويلج..
نوري: اووكي.. اناا اترياج..
هند: عـطيني سااعه بل كثير وانا عندج...
نووري: وااايد..
هند: انزين اشراايج تين بيتناا ونظهر مع بعض..
نووري: لا خلاص انا فـ هل ساعه راح اسويلج فطوور ... شوو تيبن كووفي وله حليب ..؟؟.
هند: لاتعبين عمرج .. انا بتفطر وبي .....
نووري :لا ماا يخصني .. راح اسويلج ....
هند: اووكي بشرط .. تتفطرين معي....
نووري: مادري .. بشووف توني متفطره..المهم انتي شوو تبي ..؟؟
هند:كووفي ...نووري بتسبحين ..؟؟
نووري: لا بسوي ارياضه
هند: اووكي حبيبتي بااي..
نووري: بااي...
من بعد ما تجهزت هند توه بتنزل تحت بس.. تذكرت خليفه وطرشت له هل مسج...
صباح الكلمة الحلوهـ ..
صباح حلو بليا حدود ..
صباحكـ ريحته قهوهـ ..
وطعمه بالحلا معقود ..
صباحكـ نغمته تغريد ..
وصوته ينعش المجهود ..
صباحكـ خير ..
صباح الشوق ودهن العود ..
صباح الشّوق ..
ياللّي من العسل أصفى ..
ولو بيدي علاج الناس ..
لأخلّي شوفتكـ وصفة ..
صــــبــــــاحـكـ ورد...

تـــــــــــــــــــــــأبع.. __DEFINE_LIKE_SHARE__

Grshoob Albdoo · 08-18-2009, 02:39 AM

ساروه: عوااش .. بتين معي .. بسير اسوي ارياضه ..؟؟
عوااش: ماادري بشووف شهوود..
ساوره: اووكي انا سايره ابدل ...
......: آلوووو..
عواش:مرحبا...
.......: مرحبتين...
عواش: اخباااركـ حموود..؟؟
.....: آحم... انا حمدان..
عواش توترت وتذكرة يوم شاافها فـ مطبخ:هلا .. اا اشحاالك حمدان...؟؟
حمدان شاق الحلج: يسرج حاالي.. وانت شحالج..؟؟
عواش: اناا.. اناا تمام.. اا حمدان ممكن تعطين شهوود...
حمدان: جيه مليتي مني..
عواش امل من الدنيا كلاها وما امل منك: تقدر تقول جي..
حمدان: افا بس افا مااهقيتهاا منج ياابنت عموه..
عواش: حمدانووه لا تفهمني غلط.. عطني ايها بسرعه..
حمدان : تصدقين توني اعرف انه اسمي حلوو..
عواش: حمدااان...
حمدان: روح حمدانه عيون حمدان قلب حمدان..
عواش استحت: باي...
حمدان حس فيها: هههه انزين وشهود..
عواش: انت هب طاايع تعطيني ايهاا .. خلاص بتصل عليها..
حمدان: خلا ص راح اعطيج يها بس .. عـندي سوأل..
عواش: امر..
حمدان: تره صغير ..واايد ..
عواش: هههه بنشووف هل صغير ..
حمدان: ابيج اتجاوبيني ..عـ سوألي..
عواش: عـلى حسب اذا قدرت راح اجوبك ..
حمدان: حمدان شو بحيااتج..؟؟
عواش انصدمة ماا توقعت هل سوأل.. آآه.. ياحمدان انت تسألني انت شوو بحيتي .. انت حياتي .. انت نوورها انت هوى قلبي..
حمدان: هاا ووين سرحتي..؟؟
عواش: السموحه منك ماقدر اجوبك..
حمدان: عواش دخيلج جاوبيني ..
عواش:اخليك حمدان اميه تزقرني..وقول لشهد انا وساروه فـ المسبح اذا بتي هي وهند لانه بنسوي رياضه..بااي..
حمدان: آآه .. ان شالله .. بااي غنااتي.
عواش: هلا ماما .. شوو بغيتي..
ام سعيد: سااروه وعت سعيد..؟؟؟

تدري شمعنىَ ,, عذاب !؟
يعني ,, انّك كل مَاا تفتح خفوقك

ودَّك بـِ خلّك تشوفه ..
مَاا تلاقي إلااا الغيـَاب !!
حَاضر بـِ ترديد خوفك !

ثاني: يااسلام ...شوو هل فطوور الــــــغــــاووي... بهمس)) يبخته سعوود فيج..
موزه: شووو قلت..؟؟
ثاني: سلامتج......موزي..
موزه تقره جريده:همممم...
ثاني بتوتر :مممم.. انتي كيف عرفتي عـن ..
موزه بخبث : ميثااني..
ثاني : هي...
موزه تطالع الجريده: العصفوره خبرتني...
ثا ني: موووزه...
موزه: ليش تهمك ميثاء..؟؟ هب توك تقول امنووه ميثاء...
ثاني: الحين شو بتقوولين ..
موزه خلت الجريده عدالها : ثاني عني بعنك...
ثاني رفع نظره جدها: هممم..
موزه: تحبهاا...؟!
ثاني نزل راسه: لا ...
موزه: معجب ابها..؟!
ثاني: لا...
موزه: عيل ليش تسألني عنهاا..؟؟
ثاني : بس جي..
موزه: كيفك لا تقول ... هي صح تراها انخطبت وخبرتني امس .. تقول انه ولد عمهاا...
ثاني قص فـلقمه: كح كح ..
موزه فيه ضحكه: صحه .. صحه... بسم الله اندوك اشرب مااي..
بعد ماا شرب المااي
ثاني عيونه صاارت حمر من القصه: صدق..؟؟
موزه: هي صدق ..
ثاني: يعني ميثااني طاارت مني...
موزه: جيه انت بغيتهاا...
ثاني: آآآه... دخيلج موزه سكتي عني..
موزه ندمة انه خبرته: ثااني شوو فيك ...؟؟
ثاني: ماا فيني شي..
موزه: كنت دايمن تقولي اسراارك ..فضفض قوول شولي بخااطركـ..؟

ثاني: آآه ياموزه ...حلام بنيته .. ولحين ينهدم...
موزه: خالي فديتك ...انت تحبها ..؟؟
ثاني بيأس :هي احبها.. ومووت فيهاا .. وعشق خيالها .. كنت خايف افقدها مثل ما فقت امي وبوي واختي ..آآآه الي خايف منها صاار...وانا اليوم فقتها..
موزه: لا مااا صار .. خاالي ميثاء ما نخطبت ..

هند: يااامي .. شوو هل فطوور الغـــــــــــــأووي..
نووري: عيبج ..؟؟
هند: اكيد عيبني..
نووري :هند .. حبيبتي بغيت اخبرج ابشي..
هند: شوو غناتي.. فضفضي..
حارب: صبــــــــــــــــاح الخير
نووري وهند: صبــــاح النوور ..
حاارب: شحاالكن..؟؟
نووري وهند: يسرك حالنه .. وانت اشحاالك..
حاارب: اناا تماام..
نووري: حيااك حاارب ..
حارب: تسلمين انا تفطرت من زماان..وانا سااير شفت باب المسبح مفتوح وشفتكن قلت بسلم عليكن.
هند: بتسوي ارياضه..
حارب: هي ..فـ مسبح الثاني..
((فـ قصر((يتكون القصر من ثلاث فللا)) العوود... شي مسبحين مسبح بناات ومسبح اولاد ..وكل مسبح في ادواات ريااضه وحمام سونه وحوض سبااحه...وطبع هل مسبحين محوطنه الزجاج مكيف ..و مخفي يعني الصبح الي برع مايشووف الي داخل والعكس فـليل..
سااروه:سلاآآآآآآآآآآم...
الباجي: وعليكم السلام ...
نووري: ووين عوااش...؟؟
ساروه:مليت وانا اترياهاا .. قلت بتي مع شهد..
هند: بتسوين رياضه..؟؟
سااروه: هي ..
حارب: يلاه عن اذنكم..
الباجي: اذنكـ معكـ..
بعد خمس دقاايق وصلو شهد وعواش...
ساارو: ناقصتناا موزه ..
الباانت : صدقج..
نووري: بس تعبت واناا العب رياضه ..
هند: حتى اناا ..
عواش: وانتو من متى واصلين..؟؟
نوري: من عشر ..
شهد: من ساعتين..
هند: يب ونحن اموصلين ..برياضه..
نووري تشرب مااي بارد: هند تعاي بسر البيت تعبت ..
هند: اوكي يلاه..
نووري: بتبدلين عندي ...
هند: اووكي..بس خلانا انسير البيت ابه اخذ فووني..
نووري: اووكي..

حاارب:1...2..3....4..5..6..7
سلطان يرفع حديد: حرووب يمكن هل اسبووع اسير دبي..
حارب: 10...11... ليش..؟؟
سلطاان: ماا بجي شي عـ مداارس .. شهر بل كثير ونداوم .. وبعدين ابه اسير الناادي..
حاارب: انزين شي حديد اهني ..
سلطان: هنك شي مدرب فوق رااسي ..ينصحني كم اشيل وكم احط من حديد..
حاارب: تصدق ودي اشترك بناادي شرااتك .. ابه تصير عندي عضلاات ..شرااتك وشراات سعوود
سلطاان: اذا بتشترك اشترك من الحين وانت بهل سن .. لانه اذا كبرت راح اتعااني ..اكثر من الحين ..
حاارب: ماادري بشووف..
حارب يطالع برع : هذي نووري ...
سلطان وعينه عـ هند: هي نووري..

هند: نووري شوو كنتي بتقولين ..؟؟
نووري: الوقت هب منااسب .... بعدين بخبرج ..
هند: وعد..؟
نووري تبتسم لهاا: وعد..
هند: حتى انا ودي اخبرج ابشي..
نووري: شووو..
هند: انا اعرف انه هوو غلط ... بس .. مـ
نووري: هنوود انتي شوو سووتي..
هند: بعدين بخبرج ..

سعيد: امر عليك...
ثاني: يااليت ....
سعيد شاق الحلج: دقاايق واكون عدكم..
ثااني بسرعه: لااا لا تي .. خلي حمووود ياخذني..
سعيد: ليش..
ثاني بهمس: ههههه ماا بخليك اتشووفهاا..
سعيد: ثااني عااد ..والله مشتااق لهاا..
ثااني: منقوود ... شوو بعد مشتااق لهاا
سعيد: انزين ما راح انز(( صخ يوم سمع صوت نااعم .. مخملي....
موزه: خاالي سلطاان .. ووين غترتك .. خلي الخداامه تكويهاا..
سلطاان: تحصلينهاا عـ سرير ..
موزه: اووكي ..
سلطان: سعووود ... وووين رحت..؟؟
سعيد: آآه امووت فيهاا.. ماايصير نملج بااجر..
سلطاان: هههههه خلهاا توافق بل اول ...
سعيد: جيه ماا خبرتووهاا..؟؟
سلطاان: والله يااسعوود ماا دري شوو اقوول..
سعيد: شوو فيك ..؟؟
سلطان في ضحكه: يوم ابوهاا خبرهاا تمت اتصيح وتقول ما ابه لا تقصبووني..عليه .. دخيلكم.. وانت تعرف عمك ما يحب يرد بنته .... او يقصبهاا عـ شي..
سعيد بقصه : انت.. متأكد من كلامك..؟
سلطان اشوي وبينقع من الضحك: ... لا تتكدر .. هذا نصيبك ..ومليون وحده تتمنااك..
سعيد بخنقه: بس اناا ما ابه هل مليون ابه .. موزه..
سلطان ماقدر يستحمل:ههههههههههههههههههههههههههههههههههههه
سعيد: سلطان شوو فيك.....((بعد دقايق فهم السالفه))((محرج ويزاعج)).... يالجلب .. تقص عليـ... طيحت قلبي .. والله كنت بمووت..
سلطاان:ههههههههههههههههههههه
سعيد سكر فـ ويهاا.. شل نضاارته .. ومفتيح السيااره والفون وظهر...
حمد:آلوو..
سعيد: هلا حموود..
حمد: بسم الله شوو فيك.. محرج..
سعيد: ماا فيني شي..
حمد: ههههه سعوود شوو فيك..؟؟
سعيد: ثانووي .. قص علي وقاال انه موزه ما وافقت وانه كانت اتصيح وماا تبااني..
حمد:ههههههههههههههههههههههه عسب جي امرج..
سعيد: اقولك طيح قلبي.. ..
حمد:هههههههههههه انزين ووينكـ..؟؟
سعيد: بمر اخذ ثاني ..
حمد: انزين مر عليه انا مب متفيج اسووق..
سعيد: اظهر انا يدم الفله..
حمد: اووكي بااي..

نووري: تسبحي انتي الاول ..
هند: لا انتي..
نووري: لا انتي..
نفس الوقت
هند: نووري..؟!
نووري:هند.!
نووري وهند:ههههههههههه
نووري: خلاص انتي اتسبحي اهني .. وانا بسير اتسبح فـ غرفة ميره
هند: اووكي..

تــــــــــــــــــــــــــــأبع.. __DEFINE_LIKE_SHARE__

Grshoob Albdoo · 08-18-2009, 02:40 AM

حارب: اااه .. يالله اتاخرنه ..
سلطان: صدقك ..
حارب: يوم بتجهز بي صووبك اووكي..
سلطان: اووكي .. يلاه جـــآآآو..
حارب: جآآو..
وكل واحد ساار يربع للبيت ..

ثاني:هههههههههههههههههههه..
حمد: ههههههههههههههههههه...
سعيد انفجر .. وصف السياره عـ يمين: انزلو انتوو الاثنين..
حمد مسك ضحكته: السمووحه منكـ..
سعيد: مالي خص فيكم .. يلاه نزلوو..
ثااني: سعوود والله سوووري...
سعيد : ماالي شغل .. دبروو روحكم..
حمد: يهون عليك تخلين فـ نص شاارع..
ثاني: والله آســــــــف..
سعيد ما سك ضحكته: ماالي شغل .. يلاه الحين تنزلون..
حمد: يعني ما شي فاايده..
سعيد مجتف ايده: نووو ويه..
ثاني : يلاه حموود نزلناا..
سعيد ما هنو عليه ... اول ما فجو البااب حرك سياارته ..وطاار
حمد: ياابوك زين ما طحت ..
سعيد:هههههههههه .. تستاهلون ليش تضحكون عليه..
ثاني: ياابوك وقفت قلبي.. زين زخيت فـ قبضت الباب وله اليوم اناا ميت...
الباجي:ههههههههههه

مروان: ميثاااااااااااااااء..ميثووه...
ميثاء: هلا..
مروان: دخنتوه الميلس..؟؟
ميثاء: هي خليت الخدامه ادخنه... ماتباني ادخنكـ..
مروان: اووكي.. يلاه .. قبل ليوون... ميثاء..
ميثاء: عيونهاا..
مروان: تسليملي عيونج.. اقوول غنااتي.. تره الي خبرتج عنهاا بتي...
ميثاء: صدق...
مروان: هي .. اول شي مارضت .. بس يوم عرفت انه شي وحده قدهاا وافقت..
ميثاء: والله متشوقه اشووفهاا...
مروان: عاد ماوصيج...
ميثاء: بحطهاا بعيوني... هذي الغاليه...
مروان:ههههههه
ميثاء: انزين اختهاا مابتي..؟؟
مروان: والله مادري.. بس عـ ما اظن لا يقول منووع انهاا نسيبه رد من السفر وهي ردت بيتهم..
ميثاء: اهاا..
مريوم: لا مانروم شوو هل زين.. ليكون بتعرس وانا مادري..
مروان:ههههههه ياليت..
مريوم: منووه هي .. انت بس اشر وانا بسير اخطبلك اياها..كم مر عندي..؟؟؟
مروان:هههههههه تسلمين والله.. بس تو النااس...
ميثاء: مريووم غنااتي .. تره معهم ضيفه..
مريوم: صدق.. شوو اسمهاا..
مروان: مهاا.. اسمهاا مها..
مريوم بخبث: وانت اشدرك... ليكون تحبهاا..هاا مروان ادريبك ..تحبهاا صح..
مروان:ههههههههه كشفتيني..هي احبهاا..
مريوم: ياسلام بشووف حبيبت المر اليوم..
مروان: هههههه اوووص عن اتفظحينه لا تخبرين حد..
مريوم: افاا عليك. سرك افبير..
ميثاء: جنهم وصلو صوت الهرن..
مروان: يلاه ساير اشووفهم..
مرويم: الفاله جهزه..؟؟
ميثاء: هي حطيتهاا فـ صاله..

صار موعد الصلاه .. وكل اتجه لمسيد..
وبناات اتجهو يصلون ..ويقرون سورة الكهف...
وصلو سعيد وحمد وثاني .. وتجهو مع مروان ومانع واحمد وابو احمد للمسيد

بعد ماخلصوو من صلاة اليمعه..
فـ بيت ابو حمد.. الكل متيمع عـ سفره عسب يتغدون ما عده هند
حمدان: عيل وين هنووده...؟؟
شهد: عند نووري...
حمدان: اهاا.. شهوود بعد ماتخلاصين غده.. خبري البناات يتجهزون.. وعـ عصر نحن ظاهرين .. اووكي..
شهد:اووكي..
حمدان: ياسلاآآآآآآآآآآآم.. شوو هل طبااخ الغااوي.. فديتج والله يا ميه..
خوله: بل عافيه ...حبيبي..
شهد: ماما.. ماتبين تين معنه..؟؟
خوله: لا يميه .. اليوم بسير انا وعمتج وشيما السوق عسب نتشره للبيبي..
حمدان: صح ما عرفت اذا بنت وه ولد..
خوله: لا والله بعدهاا.. بس انا اقوول يمكن تووم..؟
شهد: يااسلام .. تووم..ياارب تيب تووم اولاد..
حمدان: يشبهون نووري..هههههه
شهد:ههههههه.. اعيونهم املونه..

سارووه: ماما.. فديتج تسلمين عـ هل طبااخ الغااوي..
ام سعيد: بل عافيه حبيبتي.. بس ياليت لوو تاكلين.. انتي حته ما تخلاصين صحنج..
عواش: تعرفين ني ما داني السمج..ليش سويستي..سمج..؟
ام سعيد: اتريي الحين بي غدااج.. ادريبج ما دقين السمج..
عواش: شوو مسويتلي..؟؟
ام سعيد: اسبقتي .. بل خضره..
عواش: تسلمين ..يامي..
حارب: عوااش غنااتي انا باكل معج..
عواش: حيااك..
ميوود: ساارونه متى بتسيرون البحر...
ساروه: والله مادري.. بتتصل شهوود وبتخبرناا..
ميود: ماادري افكر اي معكم..
عواش: هي ميوود دخيلك حبيبي انته.. تعل..
ميوود: ماادري والله بشووف..
ابو سعيد: انتووه ووينكم اليوم الفير ما شفتكم فـ مسيد..؟؟
حارب: كنا سايرين البحر..
سارونه: صدق..
ميوود: هي.. اتفقنا نحن الشباب انسير.. البحر ونشوي..
حارب: يبه .. حموود وسعيد تخبلو امس.هههههههههههههه
عواش: جيه شوو صار..
ميود: مااشي حطينه اغاني .. ومن الونااسه الي فيهم نشوو يرقصوون.هههههههههههه
الباجي:ههههههههههههههههه
ابو سعيد: هب صاحين ..ههههههه

شيماء: يدي شوو تبه تشرب..؟؟
اليد: خلاها تصب برتقال..
وصبت الخدامه عصير برتقال وحطته يدم اليد
اليد: عيل وووين نووري..؟؟
شيماء: فووق مع هندووه.. عدهم جلسه خااصه عـ قولتهاا..
اليده: شوو مايبون يتغدون..
شيماء: خليت الخدمه توديلهم الغده ...
سلطان: اختي انا هل اسبووع راد دبي..
راشد: ليش سلطون ليكون مليت منه...
سلطان: لا حش اليلسه معكم ماتنمل.. بس لزووم اسير النادي.. صالي فتره ماسرت وبعدين المدرس قربت تفتح..
راشد: والله اليلسه معك ماتنمل.. ياسلطان..
سلطان: تسلم والله.. بس شوو نسوي ..
اليد: انزين تم هل اسبووع وبعدين رد..
راشد: صدقه ابووي..
سلطان: ماادري بشووف..

نووري: ممم هندووه..
هند: هلا ..
نووري: ترني قررت..
هند بخووف: شوو..
نووري: هند اناا موافقه انه ننتقل دبي..
هند: لااااااا نووري دخيلج لا تهديني..دخيلج..
نووري بدت اتصيح: هند والله هب بيدي.. والله..
هند تحضن نووري وتصيح: بترووحين وبتتركينه .. نووري تكفين .. فكري..
نووري: انا فكرت وقررت .. خلاص مابترجع.في قرااري..
هند:بس.. يا نوري ا
نووري: لا بس ولا شياته ..هند والله الظرووف هي الي اجبرتني.. صدقيني..
هند: شوو هل ظرووف .. الي تخليج تبعدين عن هلج..
نووري تناشق: ما اقدر اقوول..
هند: لا بتقوولين ... سارت هند وقفلت باب الحجره بل مفتاح وردت..
هند: نووري بتقوولين .. الين متى وانتي ظامه بقلبج دخيلج قولي لي..
استسلمت نووري وبدت تقولهاا كل شي عن خاالد وانه هو الي خنقهاا وبغه يومتهاا كل شي خبرتهاا الين اخر مكالمه يتلهاا من خالد
هند: الجلب ال حقير. ووينه عطيني رقمه والله بخليه يندم عـ ساعه الي انولد فيهاا..
نووري: عسب جي ما بغيت اخبرج.. هند انا ماخبرتج عسب تروحين تظاربين . هند خاالد اكبر عني وعنج .. انتي ماتعرفين ..شوو يمكن يسووي.. هددني بقتل حاارب .. وبقتلج وبقتل امااني .. كل هاا وماتبيني اوافق.. هند انتي وحاارب واماني اغله .. من رووحي.. انا ماابه يصيبكم شي منه.. دخيلج.. خلج ابعيد..
هند: بس جي انتي تخلينه يتماده اكثر..
نووري: والله مب بيدي..
هند:آآآآه.. وهو اشدره انج تحبين حارب..
نووري: ماادري.. والله مادري...((انصدمة)) انتي شدرج..؟؟
هند: ياماما الحب باين من عيونكم.. نووري انتي واايد اتكابرين.. واايد.. بس مهما اتسوي انا فهمتج .. انتي ما تبين حد يعرف واولهم حارب.. بس هذا الجلب ال**** كيف عرف .. اكيد في حد وره هل قصه صدقيني..
نووري: هند ما ابه حد يعرف عن خالد..وله عن حبي لحاارب دخيلج..
هند: لا تخافين محد بيدري.. بس حارب يـ
نووري: انا اول ما بنتقل بنسى حارب ...
هند:شوووووووووووووو...؟؟؟؟؟!؟!
نووري تصيح: انا قررت .. انسى حارب..
هند: بس حارب يحبج .. والله يحبج..
نووري: عشان يحبني .. ابه ينساني .. ينسه وحده اسمها نوره ماتيب ورهاا اله المشاكل...
هند: نووري لا تقولين جي..
نووري:آآآآه هذه الصدق .. انا اما ايب اله المشاكل...
هند عـ طول حضنت نووري وصارو يصيحون

سلطان: اقوول حرووب..
حارب: هلا..
سلطان: انا عـ عصر بظهر بسير الماريناا .. ابتي..؟؟
حارب: متى بترد..
سلطان: ممم مادري يمكن 10 او 9 المساء..
حارب: سوو تسوي..
سلطان: ابه اتشره ..اعرااض..
حارب: لا ما اروم اليوم انا بسير لكاسر...
سلطان: عـ راحتك..
حارب: عيل وووين يدي..؟؟
سلطان: كلهم يالسين فـ صاله الثانيه ..ماعده نوري وهند..
حارب: اهاا.. سلطوون نش بنلعب كوره
سلطان: الحين...؟!
حارب: هي..
سلطان: بس حر..
حارب: عاادي.. يلاه عاد..
سلطان : اووكي..يلاه...سريناا..

نوري تمسح ادموع هند: اسفه خليتج اتصيحين ..
هند: اذا ما اصيح عشانج اصيح لمنووه..
نووري: قومي خلينا انغسل ويهناا عن حد يحدر عليناا..هههه
هند:هههه
نووري تزاعج: هندووه فونج يرن..
هند: شوو في امنووه..؟؟
نووري: هي شهووده..
هند: انزين ردي..
نووري: اووكي..
نووري:آلووو..
شهد: فديت آلووو الي تظهر منج..
نووري: هههه انا نووري..
شهد: ادري غناتي.. اشحالج نووري..
نووري: الحمد الله تمام...
شهد: عيل ووين هندووه..؟؟
نووري: تغسل ويهاا ...
شهد: اهاا.. انزين نووري غنااتي جهزو اعماركم.. عـ عصر نحن ظاهرين اووكي..
نووري: اووكي... حموود مابي صح..
شهد: لا مايروم
نووري: انزين ميوود..؟؟
شهد: مادري عوااش قالت يمكن بيسر معانه.
نوري: اهااا.. انزين عيل اخليج غناتي..
شهد: اووكي .. بااي ..
نووري: بااي..

ابو احمد: من رخصتكم شباب.. انا ساير ..اريح ..
الباجي: مرخووص..عمي..
ابو احمد: تره البيت بيتكم.. والله شرفتوونه .. اليوم ..
الباجي: تسلم عمي..
مروان: بتخبركم شباب..
الباجي: هلا..
مروان: اشرايكم نظهر ونسير يبل حفيد..
ثاني الصغير: اناا ابه اسير..
سعيد: هاا شوو شباب..؟؟
مانع: بس اختيه..؟؟

مروان: عادي بتم مع اختيه ومرت اخووي.....
مانع: مادري عـ هوااكم..
ثاني: مروان خلهاا عـ عصر الحين حر..
موران: هي والله .. حر.. خلاص عيل بنسير يبل حفيد بعد ما نصلي العصر..
حمد: خلاص ... اتفقناا .. بس نحن من يبل حفيد .. بنرد بوظبي..
موران: ليش تموه الين العشه اتعشو وسيرو..
سعيد: لا مافي داعي .. كلفنه عليكم .. واايد. لا دخيلك .. نحن من يبل حفيد ظاهرين..
احمد: لا كلفتو علينه ولا شياته .. والله اليلسه معكم ماتنمل..
ثاني: تسلم والله.. بس ورانه درب .. الين بوظبي..
مانع : وانا برد اخذ اختيه .. وبنسير..
مروان: حتى انته .. يلاه عااد ..منووع..
مانع: والله كلفنه عليكم .. وبعدين ان شالله بنزوركم فـ مره اليايه..

مريم: حي الله مهووي..
مها:هههه ربي يحيج..
مريم: مهووي انتي اخر العنقود صح..؟؟
مها: هي..
مريوم: ربي يحفظج..
ميثاء: شو تخصصج..
مها: هندسه..
ميثاء: ما شالله..

مها: وانتي..؟
ميثاء: اناا طب.. بس خلاصة..
مها: اهاا شرااتي .. انا بعد خلاصة..
مريوم: كم اخت عندج..؟؟
مها: ثنتين .. ميره ولطيفه ...
مريوم: متزوجات..صح..
مها: هي .. ميره الصيف الي طاف اتزوجت ..
مريوم: ربي يسعدهاا..
الباجي: آمين..
ميثاء:وانت ان شالله هل صيف .. بتنخطبين...
مها:ههههه.. بس انا ما ودي اتزوج..
مريوم: ليش..؟؟
مها : هههه كيف اخلي ابوي .. وحبيبي .. واخوي.. لحاله..لزم ايوزه بل اول..
مريوم:هههههه تقصدين اخوج مانع..
مها: هي..
مريوم: خلاص عيل انا بدوله وحده مناسبه له..هههههه
مها:ههههه المشكله هو هب طايع يتزوج عسبي..
مثياء: وانتي بعد ..شرااته..
مريوم: ربي يخليكم لبعض..
ثاني الصغير حدر عليهم: ماماا.. مااماتي..
مريوم: اعيوون ماما شوو بغيت..؟؟
ثاني: ابه اسير الدكان...
مريوم: الحين...؟؟
ثاني: هي .. دخيلج .. دخيلج .. عشان البيبي..
مها وميثاء: ههههههههه
مريوم: الحين البيبي وشله..انت وله هو الي بيروح الدكان..
ثاني: لا اناا.. ماا ماا..
مرويم: سير قول لبابا .. واذا قال انزين .. خلي الخدامه اتوديك ..
ثاني: اووووكي..وطاار للميلس..

نووري : هندووه شوو بتلبسين..؟؟
هند: مممم مادري..
نووري: هي صح ما قتيلي..شوو الي مخبيته عني..
هند: خلاص مره ثانيه راح اخبرج...
نووري: لا والله ماراح تظهرين من اهني الين ماتخبريني .. كل شي..
هند: مممم بس ماابه حد يعرف هل سر..
نووري: افا عليج سرج افبير...
هند: آآه ادري انه الي اسويه غلط بس هب ابيدي..
نووري: خوفتيني .. شوو مسويه...؟؟
هند: نووري .. بخبرج بس لا تحرجين عليه..
نووري: الله يستر .. تفضلي اسمعج..
هند: مممم ابصرحه انا اكلم واحد..
نووري: شووووووو...تكلمين واحد
هند بخوف: هـ هي..واسمه خليفه...
نوري: الله يخذه .. انتي غبيه ..وله غبيه..
هند: انتي اسمعي السالفه كلهاا... وبعدين ارمسي..
نووري حرجة: شوو تبيني اسمع .. في حد يسوي هل سوه..
هند بدت اتصيح: والله هب ابيدي..
نووري هدت: لا حبيبتي لا تصيحين .. بس انا محرجه ..لاني خايفه عليج...ما ابج اطيحين من عين عمي وخالتي..
هند: خلاص ما راح اكمل..
نووري: لا راح اتكملين ... وانا راح اسمعج...يلا حبيبتي.. قولي السالفه ..ماابج اتخبين عني شي..مهما يكون بسيط..

مها وميثاء:ههههههههه
مروان من ورا الباب: ميثاء..ميثاء..
ميثاء: عن اذنج مهووي..
مها: خذي راحتج..
ميثاء: نعم..
مروان: نحن بعد ما نصلي العصر بنسير يبل حفيد.. فـ يوم بنرد مانع بي اشيل اخته .. يعني لا تحاتي..
ميثاء: هههه.. ان شالله..
مرويم : مروان انت شوو تسوي اهني..؟
مروان: ماشي.. بس حبيت اخبركم انه نحن بنسير يبل حفيد..
مرويم: انتوو الشباب..؟؟
مروان: هي ..
مرويم: ريلي معكم..؟؟
مروان:هههه هي..
مرويم: عيل نحن بنسير معكم.. شوو بس انتو اتسيرون..
مروان: بس انتي حامل ماترومين عـ
مريوم : لا اروم اصلن انا من زمان اتوحم عـ يبل حفيد..
مروان: هههههههههههه يبل مره وحده..
مريوم: هاا شوو قلت بتودونه وله اقول لعمي يودينا نحن البناات..
مروان ابسرعه : لا دخيلج كله وله ابوي.. ان شالله بس بخبر الشباب..
ميثاء: يعني بنسير..
مروان: هي .. هي مريوم ..الغاليه .. كيف تبيني ارفضلهاا هل طلب..
مريوم: فديتك والله .. يعل اشووفك معرس.. ان شالله تخذ الي فـ بالك..
مروان:آآآآآآآآآمين.. ربي يسمع منج..
ميثاء: عيل انا سايره اخبر الخدم خلي يجهزولناا الشاهي وقهوه.. وحصير .. والفاله..
مروان: اووكي.. من رخصتكم ..
ميثاء: والله انج هب هينه ياامريوم..
مرويم: هههههه.. انا سايره لمهاا خلينهاا روحهاا..

راشد: شيماء.. نووري ما خبرتج..عن شي..؟
شيماء:آآه لا .. تعبت وانا احول معهاا... بس هب طايعه ترمس..
راشد: لا حول.. انزين .. ما يتلج اليوم ..وقلتج عن قرارهاا..؟؟
شيماء: لا .. راشد ..
راشد: امري..؟
شيماء: تتوقع راح اتوافق..؟؟
راشد: آآه والله مادري... بس انا اقول لا ..ماراح اتوافق..
شيماء: ما اظن ... اكيد .. بتفكر فيك..
راشد: ماادري ... والله..

هند: وهي السالفه.. كلهاا..
نوري: كيف عرف رقم فوونج..؟؟
هند: ماادري..يوم سألته .. قال .. المهم حصلته..
نوري: شوو تحسين يوم يكلمج..؟؟
هند: آآآه .. احس اشي غريب ..ماادري شوو هو..شي.. اول مره احس فيه..

نووري: شفتيه..؟؟
هند: لا ..
نووري: ماتحسينه يبه يلعب عليج..
هند: كنت اشك .. بس موقفه معي..خلاني اشي هل افكر من بالي
نووري: هو من دبي..؟؟
هند: هي.. تعرفين يوم طحتي بغيبوبه .. كان كل يوم يتصلي.. يوم كنت اصيح .. كان يصيح معي..
نووري: لهل درجه..؟؟
هند: هي والله.. حسيته صدق يحبني ..
نووري: كلمج ريحني.. بس انتي ما تعرفين .. شوو نيته..
هند: صدقج..
نووري: اذا طلب صورج لا تعطينه ..
هند: شوو مينوونه....؟؟
نووري: انا احذرج..
هند: ان شالله.... اووه .. ماخترناا شوو نلبس..
نووري: ههههه .. نشي .. خلناا انبدل ..

سلطان: واااااااااااااك.. فزت عليك..
حارب بخبث: ههههه.. سلطوون .. اشراايك نلعب لعبه..ثانيه..
سلطان حس فيه: وشو هل لعبه..
حارب : اني ازخك..وصار يربع ..
وسلطون يربع :هههههههه .. ما ترووم..
حارب:هههههههه بنشوف..
سلطان شاف يدامه المسبح ..
حارب: سلطون .. وووين سااير..
سلطان: اتسبح..
حارب:هههه.. بزخك...
سلطان: ماا تروم..
حارب: ارووم..
سلطان عـ طول نقز فـ حووض..
حارب نقز وراه
تمو يالسين فـ قاع الحوض متربعين ..
سلطان ياشر افيدهاا ..خلناا نظهر..
حارب ياشر .. اووكي..
سلطان:آآه..حلوو المااي باارد..
حارب: صدقك.. تعل نلعب..
سلطان: شوو..
حارب : امنووه اكثر واحد فيناا يتحمل يلس فـ القاع ..
سلطان: اووكي..يلا ..
حارب: و123..
وحدرو هم الاثنين.. وتربعو .. وكل واحد يطالع الثاني.. بنظرت تحدي..

تـــــــــــــــــــــابع.. __DEFINE_LIKE_SHARE__

مشاهدة نتائج الإستطلاع: رآآآيكـمـ يهمنيـ...*ّ`~!
ترتووبـ..*ّ!!	254	93.38%
مااشيـ حاالهاا..*ّ!!	18	6.62%
المصوتون: 272. أنت لم تصوت في هذا الإستطلاع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
~¤ô§ô¤}أغليهـ يعنيـ أعشقهـ~¤ô§ô¤أعشقهـ يعنيـ أموتـ فيهـ{~¤ô§ô¤~	Grshoob Albdoo	المسنجر وملحقاته , توبيكات , ماسنجر بلس , msn	68	10-10-2009 02:39 PM
يآربـ أموتـ و أفتك ]$ ...&_* ][لاتحرموني من مروركم ][	MS theeba	المواضيع المكرره	2	04-18-2009 10:37 PM
دعنيـ استعيركـ ..!!	جبروت أنثى	شعر و خواطر	18	01-24-2009 05:43 AM
انا جديدهـ"" وابيـ:: ترحيبـ"" يعنيـ "شاي وقهو	اميرة بكلمتها	تراحيب وتهاني	17	08-18-2008 03:52 PM
تضـ ح ـك ..[ وآناا] ../ لاجـِـِـًلك[ آموتـ، ] !	¬»ĤǿหєЎ	المسنجر وملحقاته , توبيكات , ماسنجر بلس , msn	19	05-07-2008 09:07 PM