#poem_4e6fd164938bb td {font-family: Tahoma, Verdana, Arial, Helvetica, sans-serif;font-size: x-large;font-weight: bold;} قامت تصافق حاية الخير ببروق مبشره باللي يجينا باثرها طارت عمايمنا وسط مرتع النوق وكلن على راسه ربطها وحكرها والبدر خلف ركامن اسود ومطبوق في ليلتن تناصفت من شهرها وشوي قامت ترعد وجابت حقوق والخير قام يلفنا من مطرها والصبح شمسن مالها اية شروق باتت مزون الخير للي امرها قامت تنادا واقبلت كلها تسوق سبحانه اللي جابها ثم نثرها من صيبها تمشي مشاريب العروق ضلت ثلاث ايام ماشي حكرها نقل خبرها راعي الزمل بالسوق انشهد انه جاب صادق خبرها وعلى الوجيه اللي لها طيب وصدوق بان الفرح بقلوبهم ثم عمرها سحابتن نادر تجي كل مخلوق سبحان من نعماه محدن حصرها