لاتنثر القدله على كوكب الشمس = ارفع جناح الليل لاتقتل النور

اطلق شعاع الشمس ياناعم اللمس = حرام نور الليل بالليل مقهور
الهرج يكفي منك لو بالخفى همس = وان ماحصل غير الحكي قلت معذور
يضيق صدري لاغدى خاطرك عمس = ويرتاح لامن صرت رايق ومسرور
باقي لبصمة عشرتك بالحشى رمس = يامن وهبك الله جمال اجمل الحور
اصفق على فرقاك خمس ً على خمس = واون ونه خطرة ً تفلق الزور
محبتي لك والله ان ماهي من امس = مرت عليها ايام ودهور ودهور
بيني وبينك طرقة ً تتعب الجمس = اربع ميه واربعه وخمسين ماطور