يافتى يوز وسير فيما عنالك =مالك تعرض في الذي ما يعانيك
وسع شؤنك لا تضيق مجالك =ترا الصبر حيه والعقل هو يجديك
اصبر ف حكم الله على ما جرالك =واللي نجا يوسف من البير ينجيك
لي من توفق ليك حظك برالك =يفتح لك ابواب الفرج والمساليك
والحظ يسعى ليك يوم ارتحالك =وان بار بك بيطيح طيحة مداريك

وان ياد عند الناس يرفع امسالك =وتجيك يمنى وين بترد بيديك
والليبارك لك ويوفر حلالك =واللي يشوفك تستحقه بيعطيك
لكن عاده لا تخرب اعمالك =الاعمال بالنيات والصدق ينجيك
وامشي عدل والله عليم بحالك =مابين كاف ونون رزقك يناديك
لو تسكن جبال اغلاق المسالك=ليك السعي مكتوب والحظ ياتيك
وان ثار ليك الحظ ابشر بفالك=وان ما تلته لا عذر هو بيتليك
احذر لاترمس بصافي افعالك =افعل وغيرك في المجالس بيطريك
ولا تفتخر بالشي تكسب وبالك=واللي عطيته مول مافي اجر ليك
عن لا تصافي صاحب ما صفالك=عقب الصداقة بالعداوة يعاديك
بالمكر والحيله خدوع مشا لك =ان شاف عندك رمسة الحق يرضيك
واصحب صديقك لي تهمه المسالك =ينصاب منك يوم حد بيبليك
يفرح بناموسك ووده بعدالك =لو يبتعد عنك صديق يداريك
هذاك حبه ع مقدام عيالك =لو في ظلام اللي طرش وبيجيلك
يستر ظروفك يوم صكت احبالك =يرفعك عن المقاصيد ويذريك
وآها الحذر ثم الحذر دير بالك =نفسك على اكبر المصايب تمنيك
شوف الدهر مايل على غير ذلك =روس الطوايف يحسبوهم مماليك
واليوم ما تعرف ينوب وشمالك =تمشي في سيد ما مشوا فيه اهاليك
وال يلي هبك هبوبك ذرى لك =واليوم ماشي عن جوازك يمشيك
لا يسمعوك ولا يفيد احتيالك =الا بامر شيخك وتصحيح واليك
ماينشدو عنك ولا حد يسالك =ماخوذ حقك ظلم ما حد ينابيك
يا ما حدث منك وياما بدى لك =عقب الفرج دارت عليهم شرابيك
واهل الزبن بند خبرهم كذلك =شافوا مهابات الكند والتماتيك
حكام هذا الوقت ما في احتفالك =المفرج الله الخالقنك معاليك
مادام شيخك في نفس وش يبالك =انت فقير وهو غني ما يدانيك
عليك بالشيول وقيم اشتغالك =وان ييت من مطراش جمرك مشاريك
وان كان راعي المال زكاه مالك =قال العشر نبغيه والا بجازيك
لا تستوي قيدوم ربعك اشقى لك =حاكمك حاضر بالهيانه يبديك
يا الله بوسيلة نلتجى في ظلالك =حاشا علينا يا دهر ما نباليك
انته تبانا نعيش واحنا نبالك =لكن بنتك يا دهر عرست دون مليك
شمس الضحى قد غردت من جبالك =وذياب غيرك راتعه في مفاليك
وحيد العروبه ثار قطع عقالك =قص الشبيق وروحن به يباريك
واختمت جيلي عد حايب رمالك =على النبي الهادي عسى الله يهديك.