وكاله من غير بواب

محروم.كوم · #1 08-30-2011, 06:51 AM

استميح المشرفين الكرام عذرا في كتابة هذا الموضوع ولكن مايدفعني لذلك هو محاربة من يحاول استغلال هذا الشعب الطيب او المقيمين الاعزاء وقد اعماه الجشع والطمع ولم يفكر في يوم تشخص فيه الابصار(في اي مجال كان) وان كان موضوعي الان عن وكالة سيارات كثر الحديث عنها وعن وكالة عبداللطيف جميل(مافي دخان من غير نار) ولكن لان هذا حصل لي شخصيا مع وكالة نيسان فسوف اكتفي بالكتابة عنها واليكم ماحصل:

معي ماكسيما 2008 خبط القير وطبعا ماراح اروح لوكالتهم لانهم بيصلحون القير وبيسوون شي في المكينه عشان تخبط وترجع لهم يصلحونها كما هي العاده وذكر بعض الاخوان ذلك في كثير من تعليقاتهم على مواضيع نشرت عن الوكالة 000المهم رحت لواحد فنااااااان وطلب مني قطعه اجيبها من الوكاله (وعطاني القطعه ) 0
رحت للوكاله اللي بالصناعيه(عطيتهم القطعه) جلس الموظف يقلب في جهازه بعدين في كتلوج عنده كبير 00قلب عيونه 00حك راسه 00فرك خشمه 000رفع راسه وقال صديق ايش هازا000قلتله تسألني انا 000انا قلتلك قطعه خارجيه بالقير بس هذا اللي اعرفه 00هز راسه كنه يرقص على مقطع موسيقى وقال روخ وكاله في خريص شوف مدير كبير000دريت انها تصريفه بس وش اسوي 0000رحت للوكاله في خريص لقيت شابين سعوديين(عطيتهم القطعه) ماعرفوا نادوا كبير البياعين اعتقد باكستاني شافها 000قربها عند عيونه 000بعدها شوي عن عيونه 00شاف الجهاز 00قلب الكتلوج 00قال شوف صديق روح ورشه شوف مهندس (ورشتهم جنبهم ) رحت لقيت مهندس قلت شف اي سياره نفس موديل سيارتي وعطني رقم هالقطعه قال ماعندي الان 2008 بس ايش هالقطعه ؟ وانا انتفها من يده وروح للصاله اللي فيها خدمات العملاء (اللي جاي بيشري -عفوا قصدي جاي بيتورط-واللي يسأل عن خدمات الشركه - واللي واللي ) المهم وقفت بنص الصاله ورفعت صوتي -يارجال 00يالوجيه الطبيه شوفوا هالقطعه اللي بيدي لا البياعين ولا المهندسين عرفوا وشهي --- شوفوا وكاله وش كبرها ماعرفوا قطعه من سياره هم وكلاها -- اقسم لكم بالله العظيم ان هذا حصل لي شخصيا مع وكالتهم وياويلي من ربي يوم الحساب كاني ظالمهم __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أقوى قروب بلاك بيري يشمل اغاني , نكت , أشعار , بنات +20 , مقاطع قروب بنات الرياض والش	محروم.كوم	منتدى أخبار المواقع والمنتديات العربية والأجنبية	2	07-06-2011 11:22 AM
بنات العالم الا بنات الامــــارات	راعـــ الــحــب ـــي	الشعر المنقول	23	09-21-2009 02:06 PM
بنات الأمس ....و....بنات اليوم...الله يستر....حياكم......	الرهيب القطراوي	المواضيع المكرره	3	06-04-2009 05:37 PM
.. الهيبة في بنات[ بريدة] والزين في بنات [ العين ] ..	( همس الليالي )	الحوار والنقاش - الرأي والرأي الآخر	2	12-14-2008 11:11 PM