طول شعرك .. جحل عيونك .. عق الغتره وانته تيول .. حط تقويم .. مبرووووك إنت نجم اليوله..!

زهرة زماني · #1 07-19-2011, 08:43 PM

طول شعرك .. جحل عيونك .. عق الغتره وانته تيول .. حط تقويم .. مبرووووك إنت نجم اليوله..!

حلو إن الواحد يهتم بالتراث والعادات والتقاليد .. وحلو إن الواحد يذكّر الشباب بهالأشياء عشان ما تختفي من ذاكرة الوجود .. حلو إنا نشوف الشباب يتنافسون في سبيل التراث ( يتنافسون فشي غير البنات والسيايير !! ) ..
*بس .. مب حلو إنّا "نسرف" ( مب نصرف! ) مبالغ كبيره و مُبالغ فيها وايد مع إنه بالإمكان صرف هالمبالغ على شي ممكن يفيد الوطن والمواطن أكثر(هذا إذا كانت اليوله أصلن بتفيد البلاد) ...
*وبعد مب حلو نشوف الشباب يتعلمون التراث مب عشان خاطر التراث ولا حبا فيه لكن يتعلمونه عشان الفلوس و الشهره ..

*و مب حلو نشوف أهالي يتحولون وبقدرة قادر من ناس يهينون التراث عن طريق طريق تجاهلهم إياه .. إلى تقديس اليوله و إجبار عيالهم على تعلم "فن اليواله" لغاية في نفس يعقوب ...

*مب حلو لما نشوف و نسمع إن بنات الإمارات يضرب فيهن المثل فالمحافظه على التراث عن طريق الإصرار على حضور حلقات برنامج الميدان و هن كاشفات "شوي .. مب وايد !" ! وما نقدر ننسى الواجب الوطني الي يتمثل في الإتصال "باليويله" عشان ندعمهم ونحسسهم إنهم أعظم ما خلق ربي .. إنهم ملائكة نازلين من السما .. إنهم الجيل الي بيبني حضارة دولة الإمارات .. (وماهم ببانون)

أنا ضد اليوله .. لأنه في شباب "تمرمطو" و دفنو عمارهم فوق الكتب .. حصلو أعلى النسب فالثانويه العامه .. و أحلى المعدلات فالجامعات ..وفالنهايه ما حصلو (0.005) من الإهتمام الي حصلو عليه اليويله ..

( هل نقدر نفهم إن كمن واحد زاخين سلاح "لعبه" بيبنون الوطن أحسن من المتعلمين ؟ .. يمكن !! .. كل شي جايز فهالزمن ..الي صارت فيه اليوله أهم عن العلم .. )

أنا ضد اليوله .. لأنه في ناس بيوتهم آيله للسقوط ..وفي مناطق سكنيه مب موصلين فيها كهربه( كهرباء )..و بعد في "أمّه" مب محصله وظايف من شباب الإمارات...بس محد مهتم فيهم (قلت محد لأنه هالإهتمام بسيط يعني مثله مثل العدم) .. مادري..يمكن اليوله أهم عنهم؟! ..
والسمــــــــــــــــــوحه..

منقووووول __DEFINE_LIKE_SHARE__

مفارقة اعز الخلان · 07-19-2011, 11:29 PM

هيه والله صدقج ،،،، وهالبيزات كانت بتنفع شخص محتاااااااي او مريض او مسكين
مب حق هاللعب

يسلموو ع الطرح __DEFINE_LIKE_SHARE__

زهرة زماني · 07-23-2011, 03:06 PM

المشاركة الأصلية كتبت بواسطة مفارقة اعز الخلان

هيه والله صدقج ،،،، وهالبيزات كانت بتنفع شخص محتاااااااي او مريض او مسكين
مب حق هاللعب

يسلموو ع الطرح

الله يسلمج

يسلموو ع المرورج والراي ويعطييج العاافيه __DEFINE_LIKE_SHARE__

العراب الاماراتي · 07-21-2011, 01:00 AM

+1 .. اتفق معاج

__DEFINE_LIKE_SHARE__

زهرة زماني · 07-23-2011, 03:08 PM

المشاركة الأصلية كتبت بواسطة العراب الاماراتي

+1 .. اتفق معاج

يسلموو ع مرورك ويعطييج العاافيه. ^^ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
شنو العبره	محروم.كوم	منتدى أخبار المواقع والمنتديات العربية والأجنبية	0	07-01-2010 05:00 AM
الجوله الثالثـة من الدور الثانى≈الدورى المصرى≈{تقديمـ الجوله كامله}	محروم.كوم	منتدى أخبار المواقع والمنتديات العربية والأجنبية	0	02-17-2010 03:20 AM
الجوله الثانيه من الدور الثانى≈الدورى المصرى≈{تقديمـ الجوله كامله}	محروم.كوم	منتدى أخبار المواقع والمنتديات العربية والأجنبية	0	02-11-2010 03:10 PM
درب ..درب ............فارس الغبره وصل	فارس الغبره	تراحيب وتهاني	20	08-13-2009 12:42 PM
اين تذهب اذا خنقتك العبره؟؟	قطوه صغنونه	المواضيع المكرره	1	10-13-2008 10:13 PM