قال الوداع ومقصده يجرح القلب ~.. - الصفحة 71

RoODey-a7 · #1 10-31-2011, 07:09 PM

وبعد ربع ساعه ياب دريول نزلت تحت وزينب وياها وزقرا قوم سعاد وحطو دي بي اونه عسب يغايضون اللي فالسته هع
روضه:احين فذمتج قوم علو فاللسته يعني مابيقولون شي
سعاد:ههه مستحيل اصلن تدرين ليش ولو قالو بنقوللهم ان ديبي وقلنا نبا نحط شرا بعض وخرط جي هع
زينب:يب يب فديتج هع
روضه:هههههههههههههه مالت عليكم والله انكم مول ماتفكرون انزين ايدينا والبجايم اللي لابسينهم يعني مول ماتبين ههههه
وفوي:هيه صح والله مخكم تنك
سعاد:مخ ام ريلج تنك انزين
روضه:ههه خيببـــــــه بلاج جلبتي عليها
سعاد:هههههههههه طاعي شكلها شوفي ويها شكل خخخ
وفوي :جب جب اونج عاد ارقد احسن لي
روضه:صدقها والله انا بعد برقد
سعاد:صدق انكم دياي احين حد يرقد
روضه:حلفي انتي بس اقولج احين ساعه 3 الفير ياعمي بعد شو دياي نحن بنرقد
وفوي:يب يب صدقها
زنوب:هيه خلونا نرقد عشان باجر نحوط
سعاد:ومنو بيوديكم ياحلوين
روضه:اممم فكرو وياي منو
زنوب:اويييه صح فكرو
وفووي:امبيــه ماعنا حد
روضه:لا روحي في حد هع دريول ههه
سعاد:مااااالت
روضه:هه سعاد صح شو رايج باجر تطلعينا بموتر دريول
سعاد:حلفو انتو بس
روضه :والله محد بيعرفنا تدرين ليش لان دريول دومه برع وبنخلي سيارتج فالبيت ومب لازم دريول يظهر حياتي باجر يمعه لازم نظهر
زينب:هي صدقج والله
سعاد:هيه فديتكم انتو امهات الافكارات والله
وفوي:ههههههه اونه اففكاراات ههههه
سعاد:هههه جب جب زين
روضه:عاديات انزين
وفوي:اوييه شو هاكلام المخبق ههههههه
زينب:هيهاات والله هههههه
الكل:ههههههههه
روضه:تصبحون ع خير
وفوي:مي 2 تصبحون ع خير
زينب:مي 3 تصبحون ع خير
سعاد:مي 4 وانتو من هله هع
وجي كلهم رقدو وع ساعه 5 الفير وفوي قامت راحت صلت ووعتهم طبعا محد منهم قام فيهم رقاد هه
نسيـر صوب اهل عيمان
احمدو:اوووف بلاها ماترد يعني معقوله راقده ولاخبرتني
خلود:انزين يمكن بزي او ويا اهلها انت ارقد متفيج احين كملنا 5 الفير يالسين نلعب وتتحرطم عن هاي
احمدو:لو سمحت هاي مب اسمها هاي اسمها روضه
خلود:روضه ولا مدرسه
احمدو:ايييه انتـه الزم حدودك اونك اتنكت
خلود:اسولف بلاك بلاك
احمدو:بلاك ولا وايت
خلود:جب لاه
احمد:جبين
خلود:اممم قوم انحوط فالفريج
احمد:متففيج لاااه
خلود:صدق والله ملل
احمد:اممم بس بنحوط وبنرد بسرعه

خلود:اوك
......................
انسير صوب وفوي
وفوي :الله ياخذكم قومو صلوووو بسكم رقااااد
زينب:وفووووووي تندلين الباب
وفوي:هيه ادله
زينب:سيري صوبه
وفوي:سرت
زينب:ظهري برع وبندي وراج
وفوي:احلفي انتي بس قوموو صلو يالحيوااااااااناااااااااات بسكم بسكم رقااد صدق انكم عفنتو قوموو
سعاد بعصبيه:ايييييييه انتي حيوانه انتي اسمعي احلمي اليوم اتين ويانا يالحشره برع
وفوي:خيبه ههههه كلتيني انزين صلاااتج اهم
سعاد:جب لااه روحي برع بصلي عقب
روضه:يالحشره ابا ارقد
سعاد:انتي جب خل هالعله تظهر وبنرقد
وفوي:اوف بظهر بظهر مالت
وع ساعه 12 الظهر
زهرا:قومو يلا يلا شو تتريون لا صلاه ولا عباده يلا قومو
سعاد:أووهوووووو تو مظهرين وفوي زهرا بلا مشاكل اظهري
زهرا:لا والله بلا مشاكل اونه اظهري
سعاد:والله راقدين ع فير خلينا نررقد
زهرا:5 دقايق وبي
زهرا ظهرت "زهرا عمت روضه وتسوي اخت سعاد وتسوي خالت زينب هع "
سعاد:ايييه خلاص نشو ترا مابيخلون فحالنا يلا
روضه:اووف صدقج والله
زينب:كله منكم مخلين وفوي الياهل ترقد عنا شو فو شو سوت لاخلتنا نتهنا فرقادنا ولا شي
سعاد:اوف لاه قومو نسبح نسيتو ورانا طلعه
روضه:هاللي فالحين فيه
كل وحده خذت لها شاور ع سريع ولبسو كلهم لقنز اسود وقميص بنفسجي مخطط بالاسود واتجحلو ع خفيف ونزلو تحت
علو : انتو احلفو بس حد يقوم احين
سعاد:سير موت لاه اونه حد يقوم احين زين منا واعين
علو :حشا مب رقاد حدكم ميتين
سعاد:جب جب اونك اتحاول تنكت نبا ريوق
علو:روحو المطبخ ياين تقولولي شو
وراحو الطبخ كل وحده تمت تسوي شي روضه سوتلها سندويجه نوتيلا وسعاد بيض وزينب شافت سلطه وكلت ..،
زينب:تدرون خاطري فعصير موز
روضه:وانا برتقال
سعاد:وانا جاي كرك من مطعم صادق ههههههههههههههه
زينب وروضه:هههههههه
زينب:هيه يبالنا واحد ههههههه
روضه:هههههه
زينب:وهيكا
سعاد:اممم شو رايكم انروح اشوفلي اشياء حق ملجتي وجيه
زينب:تو ناس ترا اتقولين عرسج سنه الياي
سعاد:لا يالخبله ملجتي ترا شهر واحد بدايه سهر واحين شهر 11
زينب:اوك عيل بس بنشوف مابناخذ شي
سعاد:يب
ويدخل عليهم عمهم مروان يلس ع كرسي وياهم
مروان:ماشالله احين حد ياكل
روضه:كح كح نحن
مروان:مالت عليكم قومو عن ويهي صدق مول انتو احين الناس يتغدون
سعاد:سير لاه
مروان:جب انا يوعان سويلي شي اكله
سعاد:ازقر حرمتك ختسويلك
مروان:اه وافديت حرمتي انا والله احين لو عندي جان سوتلي
سعاد:روح لاه وايد تتخيل يمكن بعد ماتسويلم
مروان:بلاج ع لاه
سعاد:مايخصك
مروان:روحي موتي
روضه:خيبه بلاكم جي صبح احين كلكم جي واع مودكم كونو شوي فرش
مروان:خلينا الفرش حقج يالفرش
روضه:هي شو مب عايبتنك
زينب:ههههههههه
مروان:لا عايبتني ونص خخ
سعاد:بسكم عاد
مروان:هيه سعاد هاج بيزاتج مال تيرم الاول والثاني وحق المواد اللي بتنزلينهم بعد
سعاد:ثانكس
مروان:وترا 3 تلاف زايدنهم من عندي لاتسانسين وايد

سعاد:وافديت اخوي الكريم انا الله يخليك لي
مروان:هههههه وقت المصالح
زينب:تجيك الكلاب مشتاقه
روضه:هههههههههههههههههههه سعادي يعني انت جلبه ههههه
سعاد:سخيفين مستانسه انه عاطني بعد شو
مروان:هههه مالت
روضه وزينب راحو فوق
زينب:اه وااااااااااااافديت ماي بيبي
روضه:وافديت ماي "وسكتت"
زينب:روضو روضو روضو اتحبين
روضه:بلا استهبال ماحب انزين بس استعبط ع اخلاقج
زينب:جب والله تحبين
روضه:اويييييه بحب منو روحي موتي
زينب:اوك والله تحبين وبذكرج فهاليوم وعاد ها اذا مابغيتي اتقوليلي شي يراجعلج
روضه:أأأ هاا قلتلج ماحب
زينب:هيه صح باين من توتر اللي فيج
روضه:خلاص قلتلج ماحب
زينب:ترا والله بعدج ياهل روضي وهاللي اتحبينه صدقيني يلعب عليج مافي واحد زين واذا بتحصلين نادر لان دنيا دواره والله صح اني انا احب بس والله بعد احس اني اللي اسويه غلط اني ارمسه ونحن اهلنا عطونا ثقه لازم ماندمرها وان شالله انا بعد بودره بس فكري والله مافي ريال اوك واذا في هانعمه من ربج

........................

والسموحه ع قصور
__DEFINE_LIKE_SHARE__

دلوعة خدامتنا · 11-02-2011, 03:56 PM

روؤوؤوؤعهـّ ـآإلبآإرْت جدآإ جدآأإ

آلحيّن بتفكرْ رْوؤضهـّ وؤبتقؤول يّمٍكن يّلعبُ عليّآأإهّ

ـآإلمّهمّ يسْلموؤ ع آإلبآأرْتً آإلطرْرْطْرْيّشن

ويّألله يـآإيوؤ __DEFINE_LIKE_SHARE__

ᵿмợoϰᵿl̲ῶҩIï · 11-02-2011, 04:23 PM

بـآإك ..,
يـآإي ونـآإسه .., البـآإرت طرطوشين ..,هع
حبيت البـآإرت .., يله نتضر أيديدج
أقولج نذـآإله لـآإ أإتنزلين البـآإرت أإله بعد العيد .., خخخ
بروووب
__DEFINE_LIKE_SHARE__

RoODey-a7 · 11-12-2011, 02:57 AM

روضه:خلاص قلتلج ماحب
زينب:ترا والله بعدج ياهل روضي وهاللي اتحبينه صدقيني يلعب عليج مافي واحد زين واذا بتحصلين نادر لان دنيا دواره والله صح اني انا احب بس والله بعد احس اني اللي اسويه غلط اني ارمسه ونحن اهلنا عطونا ثقه لازم ماندمرها وان شالله انا بعد بودره بس فكري والله مافي ريال اوك واذا في هانعمه من ربج

روضه:اها
زينب:دبه وحده
روضه:دبه ريلج
زينب:طااااااااخ ههههههههه اونه ريلج دبه
روضه:ويا راسج احاول اقلد لطوف خخخ تراها تقول ريلج دبه ريلد سخيفه اي شي صار ريلج هههه
زينب:ههههههه بس حلو الشي هع
روضه:ههه ويوم نسـألها ليش اتقول كيف بخ،***
زينب:هههههههه ماتخيل شي هع
روضه:اتخيلي حياتي
زينب:قومي نتصور
روضه:متفيجه
زينب:يلاا روضي
روضه:متفيجه والله انج متفيجه
زينب:اووف انزين شو نسوي
روضه:اممم مادري
زينب:قوم نلعوز كاندي

روضه:كاندي ولا جوكليت
زينب:ههه عن تكون جوكليت هاي الحب كانديتي
روضه:موولت كانديتي اونه عن تاكلينها بس هههه
زينب:ههههه
روضه:اممم متى بنظهر
زينب: مادري والله بس انتي كلمي درويلكم خل ايب الموتر
روضه:كلمته اصلن
زينب:خيبه خيبه مسرع ماوحاالج
روضه:خيبه اتخيبج
زينب:اتخيب عدوينج قولي امين
روضه:اجمعين خخ
زينب:امم انزين شو اسمه اللي تحبينه
روضه "اتغيرت ملامح ويها ":زينب قلتلج ماحب يعني غصب احب ><
زينب:اممم مادري بس احس انج تحبين ليش خاشه عني
روضه:خلاص زينب غيري سالفه لعوزتيني
زينب:اوه براايج قولي ماتبين تقولين وفكيني
روضه:..
زينب:امممممزز اقولج يالسخيفه قومي برع
روضه:نعم
زينب:قومي نظهر برع مليت
روضه:تونا ياين
زينب:اووف شو نسوي شو رايج اتصل فمنايه اتي بيتنا
روضه:يالخبله العصر بنظهر لاه
زينب:اممم عيل شنسوي
روضه:موودري
زينب:اهم شي انج موتدرين
روضه:يلا عزيزتي توته برع
زينب:بس عشان انج قلتي توته بظهر ولا انتي طاف
روضه:حلفي انتي بس
زينب:والله انتي بس يلا جااو
روضه:جااو
وتظهر زينب
...
خلونا انروح صوب عايله بعيده شوي بعيده وايد عن القصه وهم فمنطقه الغربيه
سيف:امـايه والله تعبت والله
ام سيف: حبيبي انت سو العمليه وان شالله خير
سيف:اميـه والله سويت 3 عمليات تعبـت انا بتم جي طول عمري روحج سمعتي شو الدكتور يقول
ام سيف:سيف حبيبي انته الله كريم وهالدكتور شو هالكلام اللي يقوله
سيف:خلاص اميـه انا مافيه حيله
ام سيف: شسوي يا عيون امك لو مني عطيتك كل ماملك بس ودي اشوف صاحي فديت روحك
سيف " يحب راس امه ": تسلمين فديتج الله لايحرمني منج انزين اخليج اناه بظهر بروح صوب العزبه
ام سيف:ماتباني اعاونك اي وياك
سيف:لا حبيبتي تمي جابلي بيتج هع ترا اليوم قلتلج ابا اكل مندي
ام سيف: هههه من عيوني افا عليك
سيف:امايه بس بشل مريومه وياي
ام سيف:اوك بس هالله هالله فيها
سيف:لاتحااتين ترانا الا رايحين العزبه
ام سيف:اذا ماحاتيكم احاتي منو
سيف:ربي يخليج لنا / مريومـه مريومه مريوووووم
مريوم:هلا سواف
سيف:اصغر عيالج سواف
مريوم:امر سمو شيخ سيف
سيف:مابتين وياي بنروح صوب العزبه
مريوم:هيه بي
سيف:يلا عيل
مريوم:ويت بروح بلبس جاكيتي لان برد
سيف:اترياج فالموتر غناتي يلا فمان الله الغاليه
ام سيف:فمان كريم فديتك
سيف "ابتسم " وظهر ركب موتره من اتساند حس بألم عيونه دمعت لانه تعب تعب من دنيا تعب من كل شي ماكملو دقايق الا ومريومه اخته يت
مريومه:احم احم
سيف: هلا والله بطش ورش مرحبا ملاين نورتي موتري
مريومه:هههه وجان استحي هع
سيف:ههه طاع منو يستحي ههههه
مريومه:شو يعني انا ماستحي
سيف:هيه
مريومه:ماعليه اوك اوك
سيف:لا بعد ام لسان طويل
مريومه:اييه والله بنزل
سيف:ههه نزلي عشان افرج فشارع
مريومه:احلف انت بس كيف بنزل انا وبتفرني اصلن انا ماهون عليك
سيف"يمسح ع راسها ": اكيد فديت روحج كم مريومه عندي انا
مريومه "بدلع ": بس وحده وهي انا
سيف:فديتج انا وفديت دلعج
مريومه:يحي اللي بتاخذها والله
سيف :...
مريومه"حست بتوتر سيف ":سيفو راكبه سيارتك مابتحطلي شي يربشني
سيف:افا عليج "وفج الراديو"وحط فم خليجيه كانو حاطين اغنيه مشتاق مالت سالم الرميثي
سيف : شبيك ولبيك وانا من بين ايديك
مريومه:عاش سلوم الرميثي
سيف:حلفي انتي بس اونه سلوم الرميثي
مريوم:ههههه جب
سيف "تم يدق هرنات لين مايا الريال وبطللهم باب العزبه "وتم يحوط بسيارته يطالع شو اليديد فالعزبه وعقب يا ريال وعطاه حليب ماخذنه من ناقه
سيف:مريومه تبغين
مريومه:نو نو
سيف:ولا انا اقولج بنوديه حق الوالده اكيد بتشربه
مريومه:ماما اصلن تعشق هالشي
سيف:يب ادريبها
مريومه:امم سيف اتصل فأبويه
سيف:ان شالله فديتج
واتصل فأبوه
بوسيف:يامرحبا وسهلا بشيخ ريايل
سيف:مرحباني انا اشحالك ابويه عساك الا بخير
بوسيف:انا بخير فديتك وانت اشحالك اشحال مريوم وامك
سيف:الحمدالله ابويه مانشكي بأس ابويه مريومه تبا ترمسك
بوسيف:عطها تليفون
سيف:هاج "ويعطيه حق مريومه "
مريومه"بكل وله " : باااباااتي
بوسيف:ياعيون باباتج
مريومه:اشتقتلك متى بتي
بوسيف:هالاسبوع انا ياي حياتي لاتحاتين
مريومه:صدق بابا
بوسيف:هي صدق بابا اشحالج انتي علومج
مريومه:بخير بابا انت اشحالك
بوسيف:الحمدالله فديتج من سمعت هالمنطوق
مريومه:بااباا استحي
بوسيف:حياتي انتي ماتبين ايبلج شي من برع
مريومه:اممم مادري بابا بس بابا صح صح ابي اقلام بو تكتك وشو بعد اممم صح شنط وايده واايد وايد اوك وشوو اممم اي شي حلو اوك
بوسيف:من عيوني
مريومه:اوك بابا انا احين فالعزبه اخليك رمس سيف
بوسيف:اوك حياتي ربي يحفظج
مريومه"تعطي الفون حق سيف "
سيف:هلا ابويه
بوسيف:ها حبيبي مب ناقصنكم شي
سيف:لا الحمدالله ابويه بس ناقصنا وجودك
بوسيف:انا ياي هالاسبوع لاتحاتوني ماتبا شي من برع
سيف:لا سلامتك
بوسيف:اوك عيل اخليك انا
سيف:ان شالله يلا مع سلامه
بوسيف : مع سلامه
....
وبند عنه
ويت بعرفكم ع عايله بوسيف
بوسيف: سالم عمره 39 سنه ويحب عياله وايد وهو يشتغل سفير في الامارات ولندن يعني مرات يطلبونه فلندن ومرات فدبي بس ماحب ياخذ عياله لندن لانه مايباهم يتغربون ويبتعدون عن اهلهم .
ام سيف:سلامه عمرها 37 سنه تحب عيالها وايد ماعندهاا غير سيف ومريم واتحاول ماتقصر عليهم بشي عشان مايحسون ان ابوهم مب موجود ووايد طيبه .
سيف: عمره 19 سنه طيب وحبوب عيونه عسليه ومحدد بالبني الفاتح وشعره لين اذنه ومعضل ماشالله عليه بمعنى الكلمه حلو .
مريم:صف 4 عمرها 9 سنوات حبوبه وربشه وسوالف عيونها عسليه شرات اخوها بس محدده بالاسود وشعرها لين ركبتها سواد ليل شعرها وهي بعد حلوه .
.......
بس سؤاال من وين ظهرولنا مره وحده هالعايله ..!!
شو وراهم ؟
سيف ليش تعب وشو سالفه العمليات الثلاثه ؟
هل بيتم ع طول جي مثل ماقال الدكتور ولا ؟
شو رايكم بشخصياتهم ؟
......
وظهرو من العزبه راحو صوب البيت اطالع ان بنت عمته وريلها ياين سوا اكبر طاف لا سلم عليهم ولا شي راح يلس حذال امه وعطاها حليب الناقـه
ام سيف " بصوت واطي " : سيف شو هالحركات جي ماسلمت عليهم
سيف: امايه حلفي انج ماتعرفين ليش
ام سيف "سكتت " لان تعرف شو عووار ولدها ><
سيف: امايه لاتاخذين بخاطرج علي
ام سيف:لا عادي
سيف:خلاص عيل انا بروح غرفتي
ام سيف: اقعد شويه وياهم
سيف:اميـه انا ماسلمت عليهم تبيني ايلس دخليج اميه مابي اتعذب اكثر
ام سيف:خلاص براحتك اهم شي راحتك حبيبي
سيف"ابتسم ابتسامه فيها كل الام دنيا ابتسم وهو غصبن عنه حس ان الدنيا كله ضده ماعدا امه حس براحه من كلامها "
مريم "بنت عمه سيف ":هلا سيف
سيف"اطالعها بنظره" ومشا عنها بدون لايرد عليها لان اللي سووه فيه مب شويه مب شويه

احم ..، كــــــــــآآــآــآآــآآت
توقعـااتكم ..!
شو سالفه سيف بضبط ؟
وليش ماسلم عليهم ؟
وشو اللي فيه مب شويه ؟
....................
والسمووحه ع قصور ..><
وكل عام وانتو بخير مؤخراًً
..،
__DEFINE_LIKE_SHARE__

غرشوبة بــ وظبي · 11-12-2011, 06:26 PM

بسألج سؤال ليش ما كملتي الرواية في منتدى فزاع ............. كلنا نترياج احر من اليمر مشكورة ع البارت و بقرها ترا بس كنت قارية البداية و ثانكس __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تدري وش اللي يجرح القلب جرحين	قلـ قطر ــب	الشعر المنقول	2	05-15-2011 10:22 PM
يدري ان اسباب ·ضعفي·نظرتـﮧ يدري اني·مـآ اقـاۈم ·ظحڪتـﮧ يدري ان الرۈح ماتغـلآ عليـﮧ ل	محروم.كوم	منتدى أخبار المواقع والمنتديات العربية والأجنبية	0	04-03-2010 04:30 PM
آ°l\|\|lآ° يدري ان اسباب ضعف نظرته يدري اني ما اقاوم ضحكته آ°l\|\|lآ°	نبض روحي	الشيوخ و رؤساء الدول	30	12-31-2009 05:13 PM
ما يجري في ايران و ما جري و يجري في البحرين	محروم.كوم	منتدى أخبار المواقع والمنتديات العربية والأجنبية	0	06-16-2009 01:30 AM
تدري وش اللي يجرح القلب؟؟	قـلب دبـي	الشعر المنقول	4	09-06-2008 01:40 PM