فطووم:عيل نحن بندخل سينما بتدخلون
روضه تطالع عواش وتقول:دخلنا نحن اول ماينا ويمكن انرد البيت لان عواش من العين
فطوم:هلا والله باهل العين هلا
عواش:اهلين فيج ههه ولا يبين انكم صغاار يبين جنكم قدي
روضه:افا عليج "وغمزتلها"
فطوم وحصو سلمو عليهم عسبت هم بيروحون يتعشون وبيردون البيت
راحو صوب المطاعم
روضه طبعا تبا من مطعم نيويورك وعواش قالت تبا من ماكدونالز كل وحده راحت خذتلها
ويلسو ويا بعض يتعشون وبعد ماخلصو قامو عسبت يظهرون من المول ويدخلون فويهم قوم احمد روضه ارتبكت من الخاطر
احمد رفع حياته وروضه نزلت راسها وبسرعه ظهرو
عواش:جفتي هاك كيف يطالعج
روضه:امم هي ها احمد
عواش:ماشالله عليه حلو
روضه:يب
عواش:اممم راضيه
روضه:احين
عواش:يب
روضه:هو ويا ربعه
عواش:اممم طاعي يعني هو بعد ظهر وماكلمج وانتي حرقتي فونه وهو ماتصلج لازم ترمسينه شو يعني ها حبيب لايطمن ع حبيبته ولاحبيبه تعرف حبيبها وين يسير وهو بعد ..
روضه :انا بتصل وبحط اسبيكر اعرفه بيهزبني اووف
عواش:لاتحاتين فديتج ان شالله خير
واتصلت وحطت سبيكر وهو سيدا رد
احمد:الو
روضه:...
ومن هاك صوب ترمس عواش بهمس بس
روضه:خايفه
عواش:ارمسي بسرعه
ردت حق الفون
..
احمد:الو
روضه:االو
احمد:هلا روضه
روضه:أهلين
احمد:بغيتي شي اليوم حرقتي فوني
روضه"عصبت مني":يعني لازم احرق فونك عسبت ترد ولانسيت ان نحن
احمد يقاطعها :ان نحن نحب بعض انزين انتي ليش معصبه ريلاكس انتي ظهرتي وشبعتي صح وانتي حتى ماخبرتني انج بتسيرين المول ولاطرشتيلي ع بيبي ام
روضه:انزين اتصلت 3 مرات عسبت اتاسف ولا رديت لاتقولي انك بزي لاتخرط علي انت انا دووم اتصل فيك اترد حتى ولو بزي
احمد:اممم انزين روضه انا احين ويا ربعي عقب بنتفاهم اوك فمان الله حبيبي
روضه:فمان الله
وروضه اطالعت عواش وسيدا لفت راسها ودمعت
عواش:روااضي امم بيتكم فاي منطقه
روضه:برشاا

عواش:اي برشا
روضه:برشا *
عواش:انزين اطالعيني اشوي
اطالعتها رواض لاتنزلين دعتج انزين وهو ماسمعتي اخر شي شو قال يعني شي امل انكم تصالحون قالج حبيبي يعني انتي حبه ومستحيل تكبر المشكله زياده اوكيك يلا دليني عاد مابا هالحركات
روضه:هه من عنووني فديتج والله انا لو من دونج اليوم ماعرف شو كنت بسوي "وتمت دليها "
ويوم وصلو صوب بيتهم نزلت روضه
روضه:عوااش حيااج دااخل
عواش:لا فديتج مره الياايه مااروم اتعرفين وراي درب
روضه:انزين تبين شي عصير ماي
عواش:لافديتج توني ماكله وشبعانه تسلمين وانتي بعد تيك كير ورمسيني ع بيبي ام وطرشلي رقمج اوك
روضه:اوك
عواش:يلا فمان الله
روضه:فمان الله درب سلامه
عواش:ربي يسلمج باي
روضه:باي
وعواش تحركت اما روضه تمت عهالحال ماتحركت من مكانها بعد مرور 5 دقايق ونفس الوقفه مر عليها ولد عمها
عبادي:روااض بلاج واقفه برع تترين حد فهاليل
روضه:لاتوني يايه من برع
عبادي:اها زين دشي داخل
روضه:احين بدخل حياك داخل
عبادي:لا ربعي احين بيوني اصلن بس شفتج واقفه ويت سالتج
روضه:شكرا يلا عيل انا بدخل
عبادي:العفو
وروضه سارت عنه وكل تفكيرها فاحمدو ركضت فوق ع غوفتها فرت عمرها ع سرير وتمت تصيح
روضه:اوف اوف ليش انا بذات جي يستوي بي اووف وها مب وقته يزعل وربي اووه انا ليش اصيح عواش طمننتني عليه ياربي خل اروح ابدل
بدلت ملابسها وعقب نص ساعه كانت يالسه فالصاله شافت ابوها داش البيت من شافته راحت حظنته وحبت راسها
ابوها:روااض ليش مب رايحه راك
روضه:وانت ليش ماتنبان
ابوها:انا سالتج اول
روضه:وانا سالت بعدك بس جوابي هو ان مليت فراك وانت دوورك
ابوها:طاع هاي اتعرفين حبيبتي الشغل وجي يعني تعالي نيلس
ويلسو
روضه:بابا انت ليش مب وايد ويانا شرات قبل والله صرنا نفتقدك تدري انا اسبوعين احين مب شايفتنك اتخيل يعني شو ها
ابوها:فديتج انا الشغل حتى لاهني عنكم
روضه:بابا انا من متى خاطري اقولك طالع فاطمه وميمي ومحمد ماباهم يحسون شرات اللي انا يالسه احسه ع اقل اتغدا ويانا والعصر تم شوي وعقب روح كمل شغلك
ابوها:من عيوني يااحلى بنت فهالدنيا شو تامرين بعد
روضه:ماياامر عليك لا عدوو ولا ظالم
ابوها:انزين شو رايج اتروحين ترقدين لان باجر وراج مدرسه وانا بعد بروح وانا باجر اللي بوديج المدرسه اتفقنا
روضه:اتفقنا يلا تصبح على خير ونوم العوافي والحاف دافي واحلام سعيده وكوابيس بعيده
ابوها :وانتي من هله والله يعافيج حبيبتي والحاف يدفيج واحلام تسعدج وكوابيس تبتعد عنج
روضه:امين
ابوها:يلا روحي غرفتج وانا بعد بروح غرفتي
روضه:اوك
واتروح غرفتها وتمت تراجع جي كمن كتاب ع سريع وذاكرت الامتحانات

وتوها تباترقد جان خلت جي صوره ع بيبي ام مكتوب باسمك اللهم وظعت جنبي ووحده راقده

.......................
ورقدت
خلونا انسير صوب قوم احمد
الساعه 2 ونص
خلود:يلا خلنا نظهر من المول ورانا درب بعد
احمدو:يب يب انا عن نفسي باجر باجز
عبود:اصلن كلنا بناجز
خلووف:يلا ع سياره
وراحو سيارة وجي وكانو داقين سوالف وربشه كان عندهم اما عن احمدو كان يالس ويفكر
احمد يقول بخاطره:اووف انا بلاني انجلبت عليها فديتها انا وهي ماسوت شي مجرد انها نست ويعني عادي توها اتعرف اني احبها وهيك يعني لازم مانفعل وايد بس اكيد هالسالفه بيخيلها تعرف ان مره ثانيه ماترد تسوي هيك يالله وفجني "وفقني"
خلوووف:احمدوو بسك عاد والله بشوتك ها
احمدو:اونه بشوتك انت شوتني وانا بفتقرك مكانك بخليك اترد بلادك
عبوود:ايييييه انتو مانبا ظراابه بس عاد وانت سوق خلنا انرد
خلوف:طاع هايلا فسيارتي ويتحرطمون علي بفركم فالشارع احين
احمدو :.. سواله طاف وتم يتعبث فالبيبي
اما عبوود تم يلعوزه
.....