ياشينها لا صرت معجب( خجـلان)

فتنـۂ الـڪِوטּ · #1 04-30-2011, 01:58 PM

ياشينها لا صرت معجب( خجـلان)
خـوف المصـارح لا يجيـب المطمّـه

اخاف اصارح بالغـلا ( ذاك الإنسـان)
و ينقلـب ( جـوو المصـارح مذمّـه)

ويا شينها لا صرت مغرم و ( زعلان )
محد ٍ يراضي قلبـك و ( محـد يمّـه)

وان رحت محد ٍ قال لك: (وين يافلان)؟
روحتك مـع جيّتـك .. ماهـي مهمّـه

ويا شينها لا صـرت عايـش بحرمـان
مثل اليتيـم اللـي فقـد شوفـة أمّـه

ماخوذ حقّه وانظلـم شـوف الأعيـان
واللي اظلموه (عيـال لحمـه و دمّـه )

ويا شين صاحب دربك(ان صار ثعبـان)
لا هو تركـك و لا نفـث فيـك سمّـه

كنّـا خويّـا وانتسـمّـى بـالأخـوان
واليوم أسمـه بأخبـث النـاس سمّـه

ويا شينها لا صـرت ناجـح و ندمـان
وصلت قمّه ( وغيـرك بأعـلاا قمّـه )

مثـل الإمـام ..العالـم بفقْـه الأديـان
يومه نجح .. والكل صـاروا ( أئمّـه )

ويا شينهـا لا صـرت تايـه وحيـران
وسط الطريق .. و باقـي ٍ فيـك همّـه

ودّك ترووح .. وآخر الدرب مـا بـان

تخاف تمشي .. ( ثم تغشـاك غمّـه )

ويا شينها لا صـرت مبلـي ومنهـان
والعلـم كلّـه .. مـن اكاذيـب نـمّـه

مـا فيـه ضـدّك لا دلايـل وبرهـاان
ودخّـان نـارك مستحـيـل ٍ تشـمّـه

ويا شينها لا صرت من روس الاعيـان
ثم تنقلـب فـي نظـرة النـاس رمّـه

ويلااااه يا وقت ٍ نـوى لـي بعصيـااان
أثر الزمن يـا نـاس مـا فيـه ذمّـه

ويا شين طرد المقفْي لو كنـت ولهـان
ياخـذه شيطـان الغـرور و يخـمّـه

يظـن انّـك هايـم ٍ بــه وشفـقـان
ما يدري انّه لو فطـس ... مـا تهمّـه

ومااشين من معاشـر قليليـن الإيمـان
درب الهداية .. لا .. أبد ... مـا تتمّـه

الخلْق سجـن وصاحبـك فيـه سجّـان
والعلم خال العز .... ( والجود عمّـه )

ويا شينها .. أصلا بقى شي ما شان ..؟
هـذي الليـالـي طبعـهـا مدلهـمّـه

الشيـن والله شيـن غاليـن الأثمـاان
لا قـام كـل ٍ رافـع ٍ فــوق فـمّـه

( ويا زينها ) لا صرت لاهي و طربـان
وحبـل القصايـد يرتجيـك و تلـمّـه

يا ليل دانه .. ليل دانـه .. لا لا .. دان
ما فيـه ثـوب ٍ يستـر أطـراف كمّـه

يا زينها لا صـرت معجـب و خجـلان
تنثـر علومـك لـو تجيـب المطمّـه

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ياشينها شينااااااااه	محروم.كوم	منتدى أخبار المواقع والمنتديات العربية والأجنبية	0	05-31-2010 11:20 AM
ياشينها لا صرت مفلس وجوعان .... حياكم .....	الرهيب القطراوي	شعر و خواطر	11	02-06-2010 01:33 PM
يازينها لاصرت فضاي ؟؟؟؟	محروم.كوم	منتدى أخبار المواقع والمنتديات العربية والأجنبية	0	08-29-2009 04:10 AM
ياشينها لا صرت تغلي انسان قصيدة روعة	مزيونة الغربيه	شعر و خواطر	6	07-16-2009 02:23 PM
يازينها من قصيدة ... تفضلوووووووو ...	ra3ie alvtc	الشعر المنقول	4	03-20-2009 10:07 AM