وهـــــذي حكمة العالــــــي علينا ،،،،

{•لحظـة•المـوت•} · #1 02-11-2011, 01:12 PM

السلام عليكم ورحمة الله وبركاته

أسعد الله أوقاتكم بالخير والطاعه
وجمعه مباركه على الجميع إن شاءالله
أحببت أن تشاركوني في هذا الموضوع للنقاش
وأتمنى أن يروق لكم النقاش فيه وشكراً....*

'
'
مثلاً
كلنا نعرف الصديق أو الصاحب (الخوي) يعني،، وخاصة القريب للقلب. يعني كثير هم أصدقائنا ... ولكن واحد بس يكون دايم قريب للقلب ويكون الشخص الوحيد اللي تبوح له سرك وهمومك وكل شي يخصك ... يعني يعرف عنك أشياء ( المخابرات والتحريات مستحيل تعرفها ) لوول يعني ما في حد يعرفها حتى اخوك اللي من لحمك ودمك وأقرب الناس لك مايعرف الي يعرفه خويّك أو صديقك عنك ......
مثلاً
نفرض لو صديقك أو خوييك هذا غاب فتره عنك يعني صارت ظروف وفترقتوا بحكم مثلاً الإقامه أو العمل أو الدراسه أو غيرها من أمور الحياه يعني جعلتكم تفترقوا وتبتعدوا عن بعض ولكنك حاولت التواصل معه ولكن ...ودارت الأيام ولا أحد سأل عن أحد وكل إنسان صار يركض ورا مصالحه بالدنيا وهتماماته... وصدفه في يوم من الأيام تلاقيت بخوييك أوصديقك هذا بمكان....
فجأه تقابلتوا وصارت عينك بعينه....
شو بيكون موقفك لو خوييك أو صديقك هذا نزل عينه o.0'
وكمل طريقه ولا سلم عليك ولا شي .....!!!! ما كأنه يعرفك أو شي ما كأنه عاش وياك أيام حلوه .....؟؟؟ ماعرف هل هو*شي غريب صاير بهذا الزمان *وهذا الوقت أو هو شي طبيعي لازم يصير بين أي إثنين أيّن كانوا بعد مرور أيام أو شهور أو حتى سنوات..........بس*ليش..........ليش ...؟؟

للأسف
>>> شخصياً صارت فحياتي ولازالت اتصير*
ماعرف هل هو سوء حظ!!؟ أو قرادة حظ أو غيره لوول

وصدق الشاعر يوم قال :

على ما قال الأولي بن ظاهر@@@هذى عصور ماضيات اقدامي
*لا تصحبنّ إنسان قبل إتجربه@@@وتراه إذا كثر الحديث أوهامي*

حلفت أنا ما نقل لحد ابغاضه@@@ولا ليت سدي للغشيم غشامي*
السد مثل اما تكون الأمانه@@@ لي خنتها كتبت عليك آثامي
*ولي عاد سدك ما يضمه يوفك@@@ما يوف غيرك كان له ضمامي
*أشكي لمن دارس فروع من الهوى@@@عارف مواضيع الوداد التّماني

وسلامتكم

والسموحه فاشله في التنسيق لووول
ولكن أتمنى إن الموضوع ينال إعجابكم
وتتفاعلون*بالمشاركه.

*

وشكراً
__DEFINE_LIKE_SHARE__

نبض روحي · 02-11-2011, 04:02 PM

السلام عليكم ورحمة الله وبركآته
مسآء الخير آخويه ..

الصآحب اللي مآ كسبت محبته مآ تخسره
الصديق آو الخوي كمآ نسميه عمرها الدنيآ مآ رآح تشغله عن صديقه
درآسه ، شغل ، مال ، عيآل .. الخ كل هالامور ما بتمنعه انه يكون مثل ما انت عرفته
الصدآقه الحقيقيه لآ يمكن ان المسآفآت تهزهآ آو تصيبها بآي خدش

للآسف هالشي صآر عآدي نحن نعرف بنآت في الجآمعه ونقضي ويآهم سمستر كآمل
وبآلآخير مآ يتنآزلن يسلمن علينآ .. هالشي نحن نتعآمل معه بالمثل
اول فتره يمكن بنسلم و بنسآل .. بس اذا ما لقينآ آي تجآوب
ننسحب من حيآتهم بهدوء
وهذآ آفضل حل برآيي
دآم آنآ مآ بهم صديقي ولآ انه بيفكر فيني شرآت شرآت ما أنآ آفكر فيه
فليش آتعب عمري و نفسيتي وفي سبيل هالشخص
غيره بدآل الوآحد مليون
الآفضل انك تنسحب من حيآة هالشخص بهدوء ومصيره يعرف ان الصديق الوفي مآ يتعوض
وهو اللي خسر مش انت .. ^^
ثآنكس ع الموضوع .. ^^
__DEFINE_LIKE_SHARE__

مناير · 02-11-2011, 09:42 PM

وعليكم السلام ورحمة الله وبركاته

صح في البداية بتضايج بس ماتعلم يمكن هالشخص دخل في حياته انسان غيرله كيانه وصح لو شافك في ذيج الساعة بذكرك وعقب قطع حبل افكاره في شئ ثاني ... وهالشئ منقود عند العرب انك تشوف شخص تعرفه ولا تسلم عليه بس هاي مصايب الزمان >< ...

بس انت ليش ماتبادر وتبدا بالسلام وتكون احسن منه ^^ .. المهم تأدي واجبك وعسب ضميرك يرتاح

هذا اولا

وثانيا :
احيانا نضطر نفترق عنهم بسبب اشياء سلبية طلعت فيهم مانتوقعهم يسون هالاشيا في يوم من الايام
ونحن نتعب كثر ماننصح ونسوي المستحيل عسب ننجيهم بس لاحياة لمن تنادي فليش نركض وراهم وهم لامبالاه فافضل ندور عن شخص ثاني يكون احسن منه

والسموحة ع الفلسفة الزايدة هــع
^_^ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
حكمة	جريح العين	شعر و خواطر	1	02-08-2011 03:03 PM
لكل حرف حكمة	اخت قاهر البنات	الإستراحه العامة	4	03-28-2010 02:20 AM
[ عرض برمجه ] : رمضان السنة دى علينا عرض الاحلام فى رمضان كل حاجة علينا	محروم.كوم	منتدى أخبار المواقع والمنتديات العربية والأجنبية	0	07-28-2009 12:50 AM
حكمة اليوم	دبي مووون	الإستراحه العامة	4	06-18-2008 02:09 PM
حكمة اليوم	wadha	الإستراحه العامة	2	05-01-2008 01:38 PM