آنـــآ مشــرف ..* - الصفحة 2

نبض روحي · 01-31-2011, 12:34 AM

المشاركة الأصلية كتبت بواسطة شُـمْوכֿـ آڷـــۈد

السلآم عليكم ورحمة الله وبركاته

شخبارج اختي ..؟

مآ هي عيوب "معظم " المشرفين في استرآحتنآ ؟

امممم اظنه قلة التواصل بينهم وبين الاعضاء يعني
بعضهم تحصلي منهم الرد اللي يحمس وبعضهم تشوفي رده لج بشي عادي سطحي
مثل غيرهم

سلبيات وايجآبيات الاشراف بشكل عام ؟ وبشكل خاص في منتدآنآ ؟

شوفي كل شي في الدنيا له سلبيات وايجابيات لو ماكنات السلبيات موجوده
ماعرفنا طعم الايجيابيات وكان طعم الايجابيات شي عادي.

’’
انهم ياخذون ويعطون لو طلبتي شي منهم ولا يحطون الموضوع في الهامش هذا موضوع
شفته في المنتدى اكثر من غيره
°°°°°°
و لو ماكان المنتدى تمام ماكان شفنا الناس تكون موجودة
وتحط مشاركات وردود سنعة

اهتمام الادارة بكل مايرقى المنتدى به ومراعة القوانين والضوابط للجميع..
بعض الأعضاء تجد فيهم روح التعاون والإخاء..

°°°°°°

تواصلهم طيب مع الأعضاء
وأنا بصراحة ماشفت شي من أي احد والله يوفقهم

ومآ هي آهم المميزآت التي يجب توآفرهآ في هذا المشرف ؟

يداري عمله أول بأول

°°°°°°
يحفز ويساعد ويعطي وجهة نظر ويراقب قسمه ويكون في خدمة اي عضو في قسمه
هذا القسم مثل ارضك اعطي وراح تحصل اللي يرضي

°°°°°°

وبالتوفيج ياااارب

وعليكم السلآم ورحمة الله وبركآته
بخير ربي يعآفيج
انتي علومج ؟

التوآصل من الامور المهمه لتطوير المنتديآت .. فلآ يمكن تطوير منتدى مآ دون توآصل المشرفين والادآريين لمعرفة النوآقص اللي في المنتدى

الادآريين في منتدآنآ مآ مقصرين من نآحية التشجيع يحآولون كثر مآ يقدرون .. ^^

صدقتي ف الشروط اللي وضعتيها
تسلمين ع المرور الطيب حبوبه
لآ هنتي
__DEFINE_LIKE_SHARE__

نبض روحي · 01-31-2011, 12:45 AM

المشاركة الأصلية كتبت بواسطة السردال

السلام عليكم ورحمة الله وبركاته

هلا ختيه بموضوعج الجميل

مآ هي عيوب "معظم " المشرفين في استرآحتنآ ؟
ما شاء الله عليهم يشاركون ويتفاعلون في مواضيع الاعضاء
لكن ,,
مو ذاك الزود يعني مشاركاتهم لا باس بها وكنت اتمنى
انهم يردون على المواضيع ويرحبون بالاعضاء
ويشجعونهم بشكل اكبر واكثر من الوقت الحالي.
سلبيات وايجآبيات الاشراف بشكل عام ؟ وبشكل خاص في منتدآنآ ؟
من رأي انه المشرف يمسك الاشراف على قسم لمدة معينة
وبعدها تترك الحرية له انه يختار قسم ثاني ويحاول يطور فيه
عسب ما يمل ويحس بالتجديد في نفس الوقت,
وجذي الادارة تستفيد منه بشكل افضل.
والمشرف يستفيد من التغيير.
ومآ هي آهم المميزآت التي يجب توآفرهآ في هذا المشرف ؟
*انه يهتم بقسمه بشكل اكبر
ويعطي فرصة للاعضاء انه يشاركون
في القسم عن طريق المواضيع
اللي تشدهم والردود اللي تخليهم
يرجعون ويتابعون المواضيع اول بأول
*انه يرسل رابط الموضوع المميز في قسمه
من اي عضو لكل او لمجموعة من الاعضاء
عسب يردون ع الموضوع وفي نفس الوقت يعطون
صاحب الموضوع حقه من الاشادة والاهتمام .
* ارسال الرابط ما ينتقص من صاحب الموضوع
لانه يمكن يحس انه موضوعه يستاهل الرد ولو كان بسيط
اذا استغل المشرف سلطته في غير محلها
مثل حذف الموضوع او الردود السطحية على الاعضاء
تنفر الاعضاء في القسم والمنتدى نفسه .
موقف سلبي آو ايجآبي مر عليك من قبل آحد المشرفين .. وترك عندك آثر خآص ؟
ايجابي :
يوم نزلت موضوعي الحصري (http://vb.ma7room.com/t538434.html)
وكان اول ردلمدير المنتدى وتقريباً اعضاء الادارة واغلب طاقم الاشراف ,
تفاعلهم ترك اثر طيب علي وشجعني ع التميز في الردود واضافة مواضيع يديدة .
سلبي :
لين الحين ما عندي اي عتب عليهم
بالعكس لولا استفادتي واستمتاعي في المنتدى ما كنت استمريت اصلاً
وتميت فترة طويلة عضو خامل يعني لا ارد ولا اضيف مواضيع
ولولا تشجيعكم واهتمامكم ما كنت تميزت

واذا كنت من المشرفين هل اضاف الاشراف لك شيئآ ؟. وآخيرآ .. زيآدة المشرفين المستقيلين في استرآحتنآ في تزآيد .. شو السبب في هذآ ؟
انا مو من المشرفين لكني جربت الاشراف والادارة في مكان ثاني وتشبعت منهم
وبحسب خبرتي اظن الاشراف لو ما فيه تجديد يفقد ميزته
والاشراف مسئولية ع المشرف لانه يحاول انه يتميز بكل الطرق
فالمفروض يكون التشجيع من الادارة للمشرف المميز والمتفاعل ويا الاعضاء
وفي نفس الوقت نعطي فرصة لباقي المشرفين انهم يبتكرون افكار يديدة
واظن زيادة استقالة المشرفين ترجع لسبب عدم اهتمام الادارة في المقام الاول
وملل المشرف من مهامه الروتينية في هالحالة يتم تغيير القسم له
واذا ما عنده رغبة فأفضل له يترك الاشراف لمن يستحقه أكثر .

أشكرج على الموضوع المميز والله يعينكم ويوفقكم يادارة المنتدى ومشرفينها .

وعليكم السلآم ورحمة الله وبركآته
آهلين آخويه
منور الموضوع بطلتك

ان شاءالله بنشوف التفآعل في تزآيد من قبل المشرفين ف المرآت اليآيه وهم ما عليهم قصور
بس في حآلة تغير المشرف لقسمه خبرته الكامله في هالقسم بتضيع يعني ما بيكون شي تطور ف القسم اذا تجدد المشرفين في كل مده ..

مدير المنتدى او المرآقبين ما عليهم قصور في مسآلة التشجيع يحآولون ع كثر انشغآلآتهم التوآجد والتشجيع ويستآهلون تحيه لآن في منتديآت ثآنية المدير مآله علاقة ف هالامور
وان شاءالله ما بنشوف شي سلبي من اي حد

تسلم اخوي ع ردك و ارآئك الطيبه
يعطيك العآفيه
__DEFINE_LIKE_SHARE__

نبض روحي · 01-31-2011, 12:57 AM

المشاركة الأصلية كتبت بواسطة ذابحة قطوتهــآ

السلام عليكم ورحمة الله وبركــآتة ..~

شحاالج يا رووحي ..~

ربج الا تشقحين شرااتي .. هع ..~

صرااحة مووضووع مميز ..~

و مثل ما عودتيناا ان الزين ما يطرح الا الزين ..~

الاشرااف مع اني ما جربتة .. احسة شي مب سهل .. ويباا لة مجهوود ووقت .. بالاضافة الى طولة الباال ..~

المووهيم .. نرووح لاسئلتج ..~

مآ هي عيوب "معظم " المشرفين في استرآحتنآ ؟

اممم .. بشكل عام الاحظ ان معضم المشرفين ما عندهم استمراارية في العطاء ..

يعني مثل ما قلتي قبل .. اول شي يدخلوون بحمااسة .. ومحد قدهم .. بس عقب يقل الحمااس ويقلل التواجد .. وياالله يالله جاان حصلتيهم اذاا بغيتي منهم شي .. لا ويردوون عليج عقب قرن .. هذاا اذا اذكروو انتي شوو تبين منهم اصلا ..~

سلبيات وايجآبيات الاشراف بشكل عام ؟ وبشكل خاص في منتدآنآ ؟

لكل شي في الحياة ايجابيات وسلبيات ..~

بالنسبة لسلبيات الاشرااف ...

الاشراف شي مب سهل .. يبالة وقت وجهد .. يعني احسة مثل الدوام بوقت كامل .. هع ..~

لازم الواحد يكوون متفرغ لة عدل..~

اماا الايجاابيات ..~

فأناا من وجهه نظري المتواضعة .. اشووف ان الاشراف يعني تميز عن الباقيين .. ومن منا ما يحب التميز في حياتة .. بالاضافة الى انة يعطي صاحبة سلطة جزئية على استرااحتة ..~

ناهيج عن ان من يطرح المشرف مووضووع الكل يشاارك ويتفااعل .. مب شراتناا نحن الفقاراا .. من نطرح مووضووع نقعد نشحت ردوود وتفاعل من الاعضااء .. هع ..~

ومآ هي آهم المميزآت التي يجب توآفرهآ في هذا المشرف ؟

ااناا اشووف ان المشرف لازم يكوون طويل الباال .. ما يتسرع في إتخااذ قراراتة ..~

ولازم يكوون عندة استمراارية في العطااء .. يعني مب شهر وعقب يغرز ولا نشوفة الا في العيدين والمناسبات الرسمية .. هع ..~

بالاضافة الا انة لازم يكوون انساان ذو افكار متجددة .. ودايماا يسعى للتميز ..~

موقف سلبي آو ايجآبي مر عليك من قبل آحد المشرفين .. وترك عندك آثر خآص ؟

امممم ... صراحة ما في شي في بالي الحين .. لكن اذاا ذكرت شي .. ولا يهمج برجع وبسدحة ... هااع ..~

واذا كنت من المشرفين هل اضاف الاشراف لك شيئآ ؟. وآخيرآ .. زيآدة المشرفين المستقيلين في استرآحتنآ في تزآيد .. شو السبب في هذآ ؟

اناا مب مشرفة .. فما اقدر اجااوبج على سؤالج ...~

لكن بالنسبة للشق الثاني من سؤالج .. اناا اعتقد انة مثل ما قلتي لماا المشرف يخف حماسة ويبداا يحس ان الاشراف صار تكليف علية .. بالاضافة الى نقص التشجيع .. هذاا كلة ممكن انة يؤدي الى نقص العطاااء وبالتالي استقالة المشرف .. هذا اذاا ما سبقتة الادارة وسحبت الاشراف عنة ..~

تسلمين روحي على هالمووضوع المتميز ..~

في انتظاار الافضل من صووبج ..~

تقبلوو مروري فديتني والله ..~

وعليكم السلآم ورحمة الله وبركآته
خخخ . .آنآ آستآنس شو آشوف ردودج . آحس ان الموضوع بيخترش هع
عآل العآل فديتج
انتي علومج ؟
آحم آحم آخجلتيني .. من ذوقج الغآليه

خخخ صدقتي .. الحمآس يقل .. بس ليش هالحماس يقل ؟
يعني المفروض الواحد لو يحب شي بيعطيه ع كثر مآ يقدر صح ؟

صح ان مب سهل .. يس الواحد يوم يسوي شي لازم يستمتع فيه عشآن مآ يحس انه حمل عليه ..*

تسلمين حبوبه ع المرور الطيب
ويعطيج العآفيه
__DEFINE_LIKE_SHARE__

نبض روحي · 01-31-2011, 01:10 AM

المشاركة الأصلية كتبت بواسطة *نظره مني تسدك*

"

"

"

السلام عليكم ورحمه الله وبركآته

هلا وغلا نبوضي..احم

مسآج وله فديتج..~

انآ بخبرج..

بالنسبه لي..وما برمس عن حد ثاني..وجهة نظري يعني..انآ كثير احب المكآن اللي انا فيه..لأنه كآن اختياري..من رد المنتدى واششتغل ../ عقب 4 شهور تمت ترقيتي احم..المشرف لو يحب شغله ويحب شو يالس يسوي..اظني ما بيكون مقصر..ولو ان بعض الاحيان الضروف..تشغل الوآحد..بس ذي ما يمنع انه يطل بين ساعه واخرى على قسسمه..~

بما اني انسانه فاضيه وما ادرس ولا اششتغل..فاشوف الاشراف شي حلو بالنسبه لي اتسلى واحسسه جزء مني..

تييئ فترآت الواحد يتعب شوي..خصصه يوم يكون عنده ضغط دراسه واشغال من برع..ما وده يدخل المنتدى..بس اعتقد ساعه وحده ..تششيك ع المواضيع./ متابعه الردود../ تنبيه المخالفين..شي المشرف ملزوم به وهو مكلف به انه يسويه وما بيخسر شي..^.^

مآ هي عيوب "معظم " المشرفين في استرآحتنآ ؟

الله يسلمج المشرف اول ما يترقى يكون شي لا يعلى عليه..بس يتعود على الشي اللي يسويه..يمل..ثم يهمل ..ثم ينقطع..ثم في اقل من شهر تم سحب الاشراف منه..وليش اذا انا من البدآيه احسس روحي بقصر..ليش اخليهم يعينوني هع..بس يظل الضروف تششغل..اشوف هالعيب الوحيد..بس أغلبهم مافيهم حيله..^^

سلبيات وايجآبيات الاشراف بشكل عام ؟ وبشكل خاص في منتدآنآ ؟

الايجابيات بالنسبه لي ان يوم الوآحد يحب شغله..بيبدع فيه كثير..وبيحاول قد ما يقدر انه يواصل ويستمر بهالابدآع..وطبعا لازم الددعم الكبير من الجميع

انه ما يخلي شي يعيقه..في مشرفين..توصل اشياء..وتهبط من عزومهم..ليش اخلي اشياء تافهه تهزمني..احآول مآ اسستمع للعذال هع

السلبيات..الاشرف هب لون والسلام اسالوني انا..مسؤووليه قسسم بالله..يعني لو انا ما ابغي اشرف ولا عندي شي اعطيه..اعتقد بالمفروض هالمشرف يتنآزل عن الاشراف لأن في ناس تسستحق اكثر عنه بوآيد..~

ومآ هي آهم المميزآت التي يجب توآفرهآ في هذا المشرف ؟

اول الشي الاحترآم ثم الاحترآم ثم الاحترآم..احترم الانسان لي يالسه اكلمه..حتى لو ما اعرفه..ع الاقل ياخذ صوره عني حلوه..واعامل الناس باخلاقي والاشياء لي تربيت عليها..هب ارمس الوآحد من طرف خششمي..ليش؟!!

بعد كذلك ع المشرف أن يكون معآون ومساعد لكل من يسستفسر ويبغي حل..^^

موقف سلبي آو ايجآبي مر عليك من قبل آحد المشرفين .. وترك عندك آثر خآص ؟

الحمدالله السلبي قل ما يصير وياي..ولا اهتم له لو صار..

الايجابي..تششجيع محروم والغضي الياسي ع المواصله دآيمآ..هالاثنين صدق يتركون اثر طيب في نفس الانسان..والحمدالله على كل حآل..^^

ولا انسسسى خوياتي الي في المنتدى اللي لولاهن جآن نظووره محد من زمآن هع

واذا كنت من المشرفين هل اضاف الاشراف لك شيئآ ؟. وآخيرآ .. زيآدة المشرفين المستقيلين في استرآحتنآ في تزآيد .. شو السبب في هذآ ؟

هيه..ثققتي في نفسي زآدت ووآيد بعد..خلتني اعرف الناس كيف تفكر..ولا زلت اتعلم..صح مرآت انصصدم في وآيد ناس..بس على يقين دآيم دآمني امشي وانا واثقه ولا ابالي من اي كلمه اسسمعها فانا بخير..( واثق الخطوه يمشي ملكآ )

بالنسبه للمشرفين المستقيلين هالشي يحز ف الخاطر..كل وآحد له ضروفه..والله يعينهم ان شاءالله...^^

تسلمين نبوض ع الطرح الطيب
حمسستيني وآيد الحقيقه

عسآج ع القوه.~

وعليكم السلآم ورحمة الله وبركآته
آهلين عنوني
آحلى هنآك يآ خطيره انتي . .آكيد الوآحد لو بعدة آسآبيع بيثبت وجوده وحضورة .. وآنتي آكيد توفرت فيج هالاشياء

الوآحد يوم بيحس انه مب قدر المسؤولية فلآ يحرم غيره من فرصه الاشرآف
صح في مشرفين يشوفون حآلهم على الاعضاء اليدآد وماآ يردون ع الموآضيع و لآ يردون ع الرسآئل اللي توصل لهم منهم .. فهالشي يحبط الاعضاءويكرهون التعامل مع هالمشرف مره 2 وحتى المشرفين نفسهم من خلال التعآمل بتلآحظ فيهم الحشيم وفيهم مآ يهتمون لحد ..

الحمدلله هالاثنين وغيرهم من الادآريين ف منتدآنآ مآ عليهم قصور ^^

حلو يوم الانسآن يتعلم هالاشياء من خلال منتدى ومن ورى الشاشات

تسلمين حيآتي ع الرد
كفج حتى انا كنت متحمسه يوم كنت اكتب الموضوع هيع
ويعطيج العآفيه
__DEFINE_LIKE_SHARE__

محآميـه ـه آلح ـب · 01-31-2011, 11:20 AM

وعليكم السلام رحمته الله و بركاته .

صباح أو مسائج ..

موضوع جادة يعني لازم ما فيه مدح بس أخاف أشكل مشكلة كبيرة .

أول ما شفت عنوان أنا مشرف قلت أنا عضوه يعني ما بدخل في موضوع و بعد فترة قررت أقول رأي

و إن شاء الله بتستفيدون .

مقدمة موضوع هذا حياة أي عضو ينضم ألي أي منتدى و حلم كل عضو أو عضوه أنها تصبح مشرف أو

مشرفه و أعلي .

لكن مشكلة هل هي تسحق هذا الكرسي أو لا ؟

جوابي عن نفس سؤالي و سؤالج

المشاركة الأصلية كتبت بواسطة نبض روحي

مآ هي عيوب "معظم " المشرفين في استرآحتنآ ؟

بتكلم عن أكبر نقطتين لاحظتهم :

1 . أنهم غير متواجدين هذا الأيام ( يمكن عندهم سبب مقنع )

لكن مصيبة مع الذين لاحظ عليهم أنهم فقط يشاهدون الصفحة الرئيسة من منتدى لماذا ليس عليكم واجبات ؟ .

أنتم حصلتون حقوقهم وين واجبات .! .

2. بعض مشرف أو مشرفة تهتم باستراحة لي هي مشرفه أو مشرف عليها .

بدون أن تحدر استراحة الثانيه و تراي ما فيها . أنا لا اقصد أن تهمل استراحتها و تذهب

لي اهتمام بستراحه الغير بل مفروض أنها تقوم بكامل واجباتها في كل استراحات فائدة .!

المشاركة الأصلية كتبت بواسطة نبض روحي

سلبيات وايجآبيات الاشراف بشكل عام ؟ وبشكل خاص في منتدآنآ ؟

اسليبات : هو عدم عطاء منتدى حقه يعني مفروض ع مشرف يعطي أكثر من هو يأخذ.

عدم مجود فكرة جديد حاليا في بعض استراحات لي تحتاج لي تحريك من جذورها .

وهذا من عمل مشرف أو مشرفة .

ايجابيات : صراحة وااااااااااااااااااااااايد ... ما قدر اعددها .. ( عسب حصلتون مدح مني )

المشاركة الأصلية كتبت بواسطة نبض روحي

ومآ هي آهم المميزآت التي يجب توآفرهآ في هذا المشرف ؟

هي مب مميزات هي صفات يجب ع كل مشرف أو مشرفة .

تعاون و تقيم خدمة لي عضو أو من يحتاج و تصحيح أخظأ و

أهم نقط من نقاط التي أحبها في مشرفين هو عدم مجامله .

أنه في مجامله كنه يغش الشخص الذي أمامه و قال رسول الله من غشنا فليس منا.

قل أفق هنا يجب عليك أن تفعل كذا وكذا .

المشاركة الأصلية كتبت بواسطة نبض روحي

موقف سلبي آو ايجآبي مر عليك من قبل آحد المشرفين .. وترك عندك آثر خآص ؟

موقف سلبي أو موقف ايجابي

:مممممم صراحة لا يوجد موقف سلبي أنه مشرفات واايد محترمات و يساعدون و انا كذا وحدة ساعدتني .

بس صار مره وحدة سوء تفاهم مع وحدة أنها كانت ما تجامل و كان هذا الشئ لي مصلحتي أنا

( حولت أن أرفع من ضغطها لي اصدم أنه ضغط دمي هو لي ارتفع )

و اكتشف أنها

تحرص ع عملها و تهتم

و انها أمينه ع أسرار منتدى ..

و تحرص ع أن أعضاء يكونوا أحسن من أول مره انضم الي منتدى

و هذا شئ كبرها في عيني .

ترك أثر في نفسي :

هو أنه عضو لازم يحاول مره أو مرتين لي وصول الي أعلي القمة .

و إن شاء الله أكون أحسن و انتبه ع أنقاط و احرص ع عمل نصائحها .

المشاركة الأصلية كتبت بواسطة نبض روحي

واذا كنت من المشرفين هل اضاف الاشراف لك شيئآ ؟.

بما أني ليس مشرف بل عضوه لا استطيع أن أجواب ع أذا كنت مشرف

همسه : كلمة مشرفة أو مشرف ليس لون فقط بل عليها واجبات أكثر من عضو نفسه ..

المشاركة الأصلية كتبت بواسطة نبض روحي

زيآدة المشرفين المستقيلين في استرآحتنآ في تزآيد .. شو السبب في هذآ ؟

تقصدين تضخم اشراف .. ( )

سبب تزايد مشرفين هو مقاييس

و أهمها : شنو لي اعطى منتدى أسلوبه و كيف يتعامل مع عضوات و الله أعلم .

السبب : هو يستحق يكون مشرف ليش لا ؟

تعليق بسيط :

صراحة في منتدى وااايد أعضاء مميزين في طرحهم أو أسلوبهم في كتابه فصعب جدا

أنه تقدر توجد وجودك من بينهم . و أنا أحاول و أحاول أن شاء الله أكون مميز .

صراحة في بعض استراحة نلاقي مشرف أو مشرفة و بعض أخر عدت مشرفين

يعني لو تزايد عدد مشرفين يكون أحسن لأنه في مشرفين محتاجين أحد يكون معاهم !!

( أنا لا اقل من واجبات أو أدوار آخرون بل حبيت أن أوضح وجهة نظري فقط ) .

المشاركة الأصلية كتبت بواسطة نبض روحي

وآخيرآ ..

أن شاء الله لم تكون أخيرا بل نترقب كل ما هو يديدج فارغ الصبر ..

و تسلمين و إن شاء الله ما حصلتون مدح ( ) مني بل إحباط ( ..<<< أسولف

صراحة هذا موضوع وايد يدل ع انه تحرصين ع أداء واجبج أكمل وجه

و ربي يوفقكم لما يحب و يرضي .

مما أنج تحرصين ع عملج لج مني أحلي تقيم ..

.

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
آنـــآ كذّبتــ فيكــ لي نقل ليــ صآدقآت آخبــآٍ ر .. " فزّأع "	نبض روحي	الشعر المسموع	5	04-05-2011 11:52 PM
ٺعَــ/ـبٺ أضحَڪ عَڷى غيري ۈأغني ڷــہ أنـــآ مَرٺآحَ	غلا البحرين	الشعر المنقول	17	01-24-2010 05:07 PM
ٺعَــ/ـبٺ أضحَڪ عَڷى غيري ۈأغني ڷــہ أنـــآ مَرٺآحَ	ولـد الـ ع ــيـــن ]~	الشعر المنقول	5	10-30-2009 10:30 PM
لـــيه تطــعني و آنـــآ ميـــت بليــــآ . , ! ّ ْ ~ MmS	تحريات بوظبي	هواتف , مسجات , وسائط , برامج , ثيمات , نغمات , بلوتوث	20	08-01-2009 08:12 PM
مشــرف عام مميز ...	محروم.كوم	منتدى أخبار المواقع والمنتديات العربية والأجنبية	0	06-28-2009 10:00 PM