نِقاش و إبداع عاصفة الطلاق وآثارها على الاسرة.

السردال · 02-07-2011, 12:36 AM

المشاركة الأصلية كتبت بواسطة شباصة محتشرة

سلااااامي علييييييك خييييو

اول بااااادي احب اني اشكرك والله على تقييمك لي مرتيين ف مواضيعك

واذا كانت انا ردودي مميزه عليييك

فهذا نتيجة هطوووووولكم بمواضيييع وابداعات مميزه علينا
هي يلي تدفعنا انه نرد عليك برد مميز خيي سردال
وان اعتبر كلامك لي وتقييمي هذا وسام مميز منك والله

:afk_r: :afk_r: :afk_r:

وبالنسبه للطلاق صدقني بتتعدد الاسباب والمصيبه وحده وانا اعتبرها مصيبه لانها تخلف وراها اثار معنويه قوووويه سواء ع الزوجين ولا اهل الزوجين ولا بذرة الزوجين (العيال) . ربي يكون في عونهم ان شالله ..

بس أنا ودي اعرف شي واااااحد لو تقدروون تجاوبوني عليه :-

* اش يسوى الطلاق لهم اذا فيه خسااارة العمر اللي انعااااااش طول فترة الزواج بين هالزوجين !!؟

* اش يسوى الطلاق لهم لما يخلف وراه انهيااااار وتعب للمطلقيين!!؟
{{الله لا يبلي السااامعين}} امين يارب العالمين

* اش يسوى الطلاااق لهم لما يتضرر الابنااااااء والاطفاااااال اذا اتواجدو بين هالمطلقيين!!؟

* اش يسوى الطلاق لهم لما الطفل ينشد عن كل واحد فيهم وهو قاعد بحضانة امه ولا ابووووه !!؟

* اش يسوى الطلاق لهم لما تنهاااااار حياة أسريه في مجتمعنا مشان غلطه بسيطه سهل تنذكر وصعب تنجبر >> (الطلاااق) !!؟

خاطري اعرف والله اش يسوى لهم !!؟

صدقني لو كل حد حط باعتباره كلمة اش يسوى الطلاق جان مالقيت جذا حالنا اليووم ....!

وعليج السلام ختيه

والله لو كل الناس حسبوا حسابهم لهالاسئلة اللي تفضلتي بها
جان ما كان حد طلق من الاساس
لكن شو نقول غير الله يهدي بعض الازواج
اللي كلمة الطلاق يطرونها اكثر عن اسم الحرمة نفسه
والله يهدي بعض الحريم اللي على اتفه سبب تزعل وتتحرطم
لا وتتحدى زوجها اذا انت ريال بتطلقني
عيل كيف تبون الرياييل يسكتون عن هالمصيبة ؟؟؟
لا والله بيطلقها اكييييييد
جان ما طلقها من هالدنيا

هيه هيه هيه
قبل لا انسى ترا بعد في شي يقرقع في قلبي وخاطري اقوووووله للشباب المتزوجيين

ترا الطلاق صااااير من خيانة الزوووج لزوجته هالايام فغضوووا البصر شووووي وتذكروا انه في وحده في البيت تبيع عيووونها فدوتن لك ولعيالك وتشري راحتك انت وعيالك انزييين

وهو الحبيب هو والخير رباعه يربع ورا الفاشلات على انها من الحلاوات

والله ثم والله ثم والله

مافي احلى من حرمتك بالدنيا شايلتنك وشايله سمعتك وعيالك ع راسها وتخدمك انت وياهم من القلب فديتها

لا والله انا شفت رياييل ما كان حد اخس عنهم ايام العزوبية
وعقب الزواج تغيروا 180 درجة والبعض منهم ماشاء الله الله هداه وطلق لحيته
يعني صدقيني اختي الحرمة في ايديها كل شيء
لانه تروم تتفهم زوجها وتساعده انه يكون زوج واب ناجح
بسلاستها في التعامل واحترامها له
والله ماحد في هالدنيا يكون في باله الطلاق وهو ناوي يعرس
لانه الزوج والزوجة يتمنون انه تكون حياتهم سعيدة
ويكملون بعض بفرح وخير
واهم شي المفروض انهم ما يستسلمون للمشاكل
اليومية ويتغاضون عنها يكون افضل لهم

والسمووووحه منك خيوووو

والله يوفجك ياربي للاخر وسوووري ماقدرت الا ارد عليييييك واشكرك

و ع اللي بخاطري من ضيم هالطلااااااق اللي اجوووووفه هالايام بزياده ببلادنا

بس الواحد ما يقوول ياغير انه في النا ربن كريم يرحمنا ويخف علينا من سبايب هالطلاق شوووووي

قولو آآمين انتو بس...

وتقبل مروري المحتشر شوي بس مب وايد فديتني

الله يرحمنا ويبعد عنا ضيم الطلاق وبلاويه
ويحفظ مجتمعنا من الافات اللي تظهر فيه وتزيد كل يوم
مشكورة ختيه وتستاهلين احلى تقييم محتشر من صوبي .
الله يوفق اليمييع ياربي
والسموحة منج ع التاخير في الرد

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الكسارات وآثارها الخطيرة	محروم.كوم	منتدى أخبار المواقع والمنتديات العربية والأجنبية	0	09-01-2010 05:30 AM
زيارتي مع beddo إلى البليدة وآثارها	محروم.كوم	منتدى أخبار المواقع والمنتديات العربية والأجنبية	0	06-02-2010 12:20 AM
تحت العواصف (عاصفة الرياض اولى حالات الغرق وهروب النيسانعاصفة طريق القصيم)	محروم.كوم	منتدى أخبار المواقع والمنتديات العربية والأجنبية	0	05-09-2010 06:30 PM
حالة الاسرة عند قدوم طفل معاق	رًوَحًيَ بًدَوًيهَ	قسم ذوي الاحتياجات الخاصة	4	02-26-2010 09:57 PM
جائزة الاسرة العربية التقنية	uaegroup	اخبار محلية و عالمية	10	02-12-2008 12:22 AM