شبابيك الجفا .. } - بـ قلمي

راعي النيسان 97 · #1 01-16-2011, 10:23 AM

مدخل .. }

ليت الشوارع تجمع اثنين صدفه
لا صار شبّاك المواعيد .. مجفي

على كثر التعب فيني .. أبـ أفتح لـ العتب شبّاك
.......... وأدوّر شخص فـ الدنيا : .. يجي يتحمل .. أتعابك

لـ أنك غبت مدري وين .. لـ أنك رحت وش ودّاك
.......... تركت القلب هايم بك .. يسولف لييين هذرا بك

تعال إسمع صدى صوتي وتعرف وشكثر أهواك
.......... تعال إسمع حكاية حب .... ماتت قبل تحيا بك

تعبت آدوّرك فيني .. رحلت وقول : وين ألقاك ؟
.......... أبي تسمعني شويّه .. بعدها : .. طيّر أسرابك

أخاف أبحر معا حزني وأسافر لـ الجفا وأنساك
.......... وأخاف الجرح يظلمني .... وينساني على بابك

أحاول قد ماأقدر : أعيشك .. حُب .. وأتمناك
.......... وأحاول كثر هـ الدنيا .. أموت ولا يجي عتابك

تمنيتك تجي وياي .. نعيش العمر .. أنا وياك
.......... وتمنيتك تروح شوي ... وترجع تمحي غيابك

غريبه كل لحظاتي .. شلون تغيب .. ماأحياك
.......... غريبه كيف تاخذني ........ وقلبي صار يغتابك

زرعت من الوفا وردة .. حتى إسأل دفا يمناك
.......... زرعت إحساس مايذبل ... جذوره تملي ترابك

ضحكت من الحزن وأدري .. حبيبي وينها دنياك
.......... وبكيت من الفرح وأدري .... يسليني دفا ثيابك

تخيّل .. كثر مااحبك .... مكانك باقي يستناك
.......... تعب من كثر مايبكي .. وكل هذا من أسبابك

جلست شوي كلمني : ياراشد قول وش بكاك
.......... تقطع قلبي من حزنك .... عيونك تفضح كتابك

همست وقلت : يادربي طويل وكل ابوه أشواك
.......... عجزت أعرف حقيقة شي .. ليه الحزن هلاّ بك

أشوف أفراح هـــ الدنيا .. تسافر .. تبتعد لـــ هناك
.......... كثر ماجيت أبـ ألحقها .. يجيني صوت : وش جابك ؟

ابـ أنهي كل شي عشته .. سنين الحب ولا رضاك
.......... أنا مابي سوى حاجة : ...... دموعك تملي أهدابك

حبيبي ... وإنتهت قصه : فصلها الأول ... أترجاك
.......... حبيبي .. وأبتدت قصة : .. قدرت تغيّب أحبابك ؟

على كثر التعب فيني .. بـ سكّر لـ اللقاء شبّاك
.......... عشان تموت بـــــ غيابي .. مثل مامت بـ غيابك !

{ .. مخرج

أحبه كثر ما قفا عن عيوني " بدون أسباب " ؟! ..
وكثر ما أملا له أكواب الغلا .. " وينثّر أكوابي " !! ..

~ __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تصميم غرفة نوم من مؤسسة شبابيك للديكور	محروم.كوم	منتدى أخبار المواقع والمنتديات العربية والأجنبية	0	07-18-2010 09:20 PM
ليه الجفا	محروم.كوم	منتدى أخبار المواقع والمنتديات العربية والأجنبية	0	07-13-2010 10:10 PM
ماسك ستاتيك المركز	محروم.كوم	منتدى أخبار المواقع والمنتديات العربية والأجنبية	0	06-08-2010 11:10 PM
مؤسسة شبابيك للديكور في أبوظبي والعين	محروم.كوم	منتدى أخبار المواقع والمنتديات العربية والأجنبية	0	06-08-2010 12:00 AM
ضيقة شبابيك وذكرى وكم سؤال - mms و sms	محروم.كوم	منتدى أخبار المواقع والمنتديات العربية والأجنبية	0	05-25-2010 02:50 AM