وطتّ رجليّ علىً دربه و لآآإ آإدريّ وشّ نؤوى فيني .!

«ضَحِيًة حِبُيًبُيً ..}● · 04-07-2011, 11:15 PM

.

.

.

البارت الـ 54

سيف : قومي بوديج المستشفى . .

قامت ميثا وساعدها سيف تلبس عباتها وراح !!

اما مهره زاد عليها التعب وطلعت من الغرفه تدور سيف بس ما حصلته . . مسكت تلفونها بتتصل ف شوق . .

شوق ترمس بصوت واطي : ألوو ؟

مهره : ترومين تيني ؟

شوق : الحين " تخف صوتها " ريلي اهني ومعصب من عياله مادري شسالفه . . اول ما يطلع يسير لهم بمر عليج . . فيج شي ؟

مهره : لالا حبيبتي مافيني شي بس كنت بروحي وكنت ابيج تين عندي . .

شوق : سيفو ما ياج ؟

مهره : يا شوي وراح . .

:: ششششششوووووووق !!!!

شوق : يايه يايه ، خلاص حبيبتي بخليج الحين . .

مهره : الله وياج . .

تمت مهره منسدحه ع السرير وتدعي الله ان ألمها يروح . .

.

.

.

عذاري منسدحه ع الغنفه . .

منصور : ها ام كيييييييييييكه معفنه . .

عذاري : خلاص مابي اسمع انتقادات . .

منصور : ههههههه شو فيج يا حسره

عذاري : باجر امتتتحااان والنفسسسيه تعبانه

منصور متعمد : ماطلعتي ع سلطون متفوق وششاطر ماشاء الله عليه . .

عذاري : ربيعك ادبي لازم بيتفوق . .

منصور : عداااااااااااااال يأ ام العلمي . . بروحج حي الله ادبي . .

عذاري : نسيت لازم تذكرني بمأساتي يعني . .

منصور يتمصلح : انزيين عذور . . وربيعتج ما بتمتحن شو

عذاري تلعب بضفرها : اي ربيعه " تلعوزه "

منصور عاقد حياته : عذور ودري عنج سوالف النذاله

عذاري : صدق ماعرفت . . وايد ربع عندي . .

منصور تلفونه يرن ومن اول رنه رد : هلا والله . . " يطالع عذاري" نصوور . .

عذاري تشققت بس رن مبايلها بعد وشلته بسرعه : هلآإ حصييص . . بسم الله شو فييج ؟؟ قوولي والله . . وبتسافرين وياه ؟ انزين شو بتسوين احين . .؟؟ الاسبووع الياي ؟؟ انزييين حصلتو حجز ولا ؟ وكييف عن تزهييييييبتج ؟؟ حتى لو اسبوع ما يمديييج اتسسوين شي وتتشششرين حصووه !!! مممم اعرف شقولج . . يالله الله يجدم الي فيه الخير واكيد فيه خير لج لا تكدرين روحج . . خلاص حبيبتي . . الله يحفظج . .

منصور: الووو ؟؟ نصووور ؟؟ انت معايه ولا ؟

طوط طوط طوط . .

تم عقبها منصور يحاول يشبك بس ّ! مايحصل خط . .

منصور : انزيييين شرايج ادقين عليها تطمنين . .

عذاري سحبت فونها ودقت لسلامه بس ما ردت . .

منصور : دقي مره ثانيه . .

عذاري تطالعه بنص عين وردت دقت . .

سلامه بصوت راقد : الوه ؟

عذاري ترمس من البلاك بيري وبدون سماعه وطبعا الصوت بدون سماعة يطلع عالي !! والبعييييد يسمع

سلامه : الووو ؟

منصور "فديت حسسها" ويطالع سلامه ويبتسم

عذاري ساكته . . ومنصور يدزها عششان ترمس

سلامه : عذور مش وقتج

عذاري : " تكلم منصور " آآآي عوورتني . .. هلا سلامووو كيف عرفتيني . . يمكن ما اكون انا . .

سلامه تبتسم : يعني منو بتكونين . .

عذاري تطالع منصور : يمكن مممممممممممممنصور اقصد ممممهور ولا شي

منصور فاج عينه ويأشر بايده انه يتوعدلها . .

سلامه : هههه سخيفه . .

منصور بصوت مسموع : ماجذبت والله . .

سلامه : منو هذا ؟

عذاري : هايييل عرب يتخبرون لو انتي بخير ولا . .

سلامه ابتسمت : بخيير انا . . صوبج هم ؟

عذاري : مررره لاصقييييييين بعد .

منصور يفرها بمخده . .

عذاري : آآآآآآآآآىيييييي . . ماعليه انا بوريك . .

وقامت من مكانها وسارت ترمس فوق !

منصور يركض وراها ويمسك ايدها : والله اخر مره والله اسسسف صدقيني ماكرررها . .

عذاري : هههههههههههههههههه والله وعرفنا عووقك . .

سلامه : حيوانه انتي لا تستغلييينه . .

عذاري : يويلي ماروؤؤؤؤؤؤؤم

منصور ماسمعها بس ابتسم حس ان شي حلو . . : شقالت ؟

عذاري : ماشي بس يدافعون عنك . .

منصور حاط ايده ع قلبه : ياويل حالي . . اموووت . .

سلامه بدون لا تحس : اسم الله عليه . .

عذاري استغربت . . معقوله سلامه تكن له مششاعر ؟

عذاري : اويه شو هالمراهقين . . خلاص عذوور بندي بندي

سلامه : هيه انا اقول جي احسن . .

منصور : خل يتغطون عدل ويرقدون براحه وطمانينه . . كل شي بيعتدل ان شاء الله وعلى ايدي بعد . .

سلامه مبتسمه . . :

عذاري: سمعتي ؟

سلامه : هيه . .

منصور : يعله نوم العوافي ..

عذاري تطالعه -.- : شرايك تاخذ الفون تسولف وياها ؟

سلامه صرخت : انتييييييييييييييي ايييه . .

منصور وعذاري ضحكو من قلب عليها لان تحرت صدق . .

سلامه : خلاص يالله يالله جلبي ويهج . .

عذاري : متاكده ؟ كلنا ولا بس انا . .

سلامه بحيا: بس انتي . .

منصور كان لاصق فاذن عذور عشان يسمع ردها . . وحط ايده ع قلبه وهو يقوول : آآآآآآآخخخ يارب

سلامه : شفيييه ؟؟ ليش يقول اخ ؟

منصور : تعبان . . قوليلها تعبان . .

سلامه : سلامته من التعب . . لا يكدر روحه مافي شي يسوا . .

منصور : غيرها مافي شي يسوا . .

عذاري : وبعدين . . ارسب باجر صح . .؟ لا تبوني ارسب يعني . .

سلامه مبتسمه : لافديتج روحي نامي يلاوشدي حيلج باجر . .

عذاري: ان شاء الله . .

سلامه : مع السلامه . .

عذاري : الله وياج . .

منصور :يلا روحي نامي فكينا من ويهج . .

عذاري تطالعه : وانت ما بدق حق حد يعني ؟

منصور اطالعها بنظرة . .

عذاري: شفيك يمكن نصور يعني . . وااالله . . كله يفهم غلط . .

وراحت فوق . .

.

.

.

عنود يالسه تبدل فالقنوات

حمد : ليش ما رقدتي ؟

محمد : ماتدري .؟ سلامه طاردتنها برا . . ما ششفت ويها وهيه مطروده . . كان شكلها الحلقه الاخيرة خلاص

حمد : ههههههههههههههههههههههههههههههههه

عنود : هاهاهاا ما يضحك

ام خالد تبتسم : والله يا محمد مسوي لنا جو فالبيت . . من بعد المرحوم البيت كله صخه ومحد يضحك

عنود نزلت راسها : الله يرحمه يارب . .

محمد شاف ويهها الي جلب من انذكر خالد . .

محمد : عممموه لو قلتلج بخطب بنتج شو بتقولين ؟

حمد ومحمد يطالعون عنود وفيهم ضحكه . .

عنود فجت عينها وطالعته بصدمه . .

محمد : بس خلاص . . كنت بغير نظرة الحزن بس

ام خالد : ما بتلاقي بنتنا احسن عنك يا محمد والنعم فيك ياوليدي . .

حمد : انا اشششهد . . ونعم النسب ابن عمي

ام خالد تطالع عنود بنص عين عشان ادخل قصتها . . وعنود مش فاهمه ومش حاسه ان امها من الصبح تنغز . .

محمد يقوم : يالله انا بقوم بنام . . تامروني ع شي ؟

ام خالد : وين يالسس . . والله يلستك ما تنمل . .

حمد : هيييه يا حمود خلاص . . شليت السوق كله . . مالنا شي احنا . .

ام خالد : كبببرت ع هالرررمسسه . .

محمد يبتسم : تصبحون ع خير . .

عنود لاحظت انه جلب فجاه ! بس ما قالت شي ..

اول ما طلع ما صك الباب عدل . . وقبل لا يمشي سمع الحوار !!

ام خالد : من الصبح اغااااامز لج . . جان عقيتي الشيله جدام الريال بعد ؟ كلنا ولد عمج وما عادينه غريب ومخليينكم تيلسون ويا بعض معانا بس مش تعقين الشيله . .

حمد استغرب من انقلاب امه المفاجىء !

حمد : انزين امايا شوي شوي ماكانت تدري . . "يطالع عنود " حاسبي فديتج مره ثانيه . . كل شعره ب جمره . وادري انج ما تقصدين بس حاسبي كل شوي جيكي . .

عنود عاقده حياتها : يعني شو امايا انا بتم بالشيله 24 ساعه !!! وكله تبيني البس جلاليب ان شاء الله ؟؟؟ انا ماقدر . . ليش عنده ملحق ؟ خل يروووح ييلس اهناك كل شي فييه . .

بو خالد بعصبيه : عنــــــــــــــــــــــــووود !!!

عنود توقف من الزيغه

بو خالد : تقولين عن ولد اخويه الوحيد جذه . . ماتستحين . . ماتدرين ان خالد اخوج كان يحبه ؟ ماتدرين ان خالد اخوج ما كان يرضى على محمد ولا يرضى حد يقوله شي . . ولا خالد ماله مكانه عندج . . وعمج ؟ وانا ؟ يعني مش سادنج اني حاب وجود هالولد ؟ هذا ما صارله يوم وانا مستانس فيه و احس انه راد الروح فالبيت . .

ام خالد : هيه والله رد الروح

حمد : زين ابويه هد اعصابك . . عنود ماتقصد شي . .

عنود بضيج : انزين ابويه انته قلتله يعيش ف الملحق مش كل شويه داش الفله . . انا ماروم اتتم لابسه الشيله ولابسه طويل صراحه

بو خالد : عندج الطابق الي فوق كله . . اشبعي فييييه . . لبسي الي تبينه . . يوم بتييين تحت حشممممي عمممرج عدل . . وان سمعت هالرمسه تنعاد يا ويلج . .

عنود : ان شاء الله ابويه . .

مشت بسرعه بتسير فوق ونزلت دمعتها غصه وف قلبها " الله ياخذك يامحمد جانك سويت جي ف اول يوم بس "

ابتسم محمد بضيج وسار الملحق وانسدح وهو يفكر بكلام عنود . . لهالدرجه وجودي ثجيل يا عنود ؟ لهالدرجه . . "ابتسم " وانا الي حاس انج مستانسه فيني بس ما تبين تبينين . . " يتنهد " محد حبني في يوم اصلا . . ولا حد بيحبني في يوم . .

.

.

.
__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وطت رجلي على دربه ولآأ أدري وش نوى فيني ~	ḎmỒ3 Ảl-Я7eL..	تصاميم الاعضاء	7	04-14-2012 07:32 PM
عندمآ نقۈل لآ آله آلآ آلله مآذآ يرد آلله علينآ }	فراشة الشارجة	الإسلام والشريعة	19	02-27-2012 07:31 PM
لك آلله يآ ردى حظٍ زرع فيني .. [ ثلآث قبور! ]..p!cs +bg	همس العشق	المسنجر وملحقاته , توبيكات , ماسنجر بلس , msn	7	02-13-2011 06:09 PM
عليًڪٍ الْبالَ مشًغًلنٍيْ ..	آلـῳـولعيه	عدسة الاعضاء , كاميرا الاعضاء	7	01-03-2011 07:45 PM
مـآت ورسـول آلله [ صلى آلله عليه وسلم ] رآضٍ عـنه ..	» βỊη άℓ đόόŁα «	الإسلام والشريعة	4	12-23-2008 05:19 AM