وطتّ رجليّ علىً دربه و لآآإ آإدريّ وشّ نؤوى فيني .! - الصفحة 952

«ضَحِيًة حِبُيًبُيً ..}● · #1 04-19-2012, 04:42 PM

.

.

البارت الـ 216

.

.

.

عنود تمسك ايده : انته بخير حمود ؟

محمد يطالعها : هيه . . بس مصدع وايد . .

عنود : انزل خلني اسويلك شاي

محمد : اسبقيني انزلي . . ابا اتم شوي فالسياره . .

عنود تطالعه : لا تخوفني عليك

محمد يبتسم : لا تخافين . . بيييج الحين . .

عنود : تبي تاكل الحين ولا بعدين ؟ .

محمد يطالعها : على راحتج عنود . . بس ابا اتم الحين روحي . .

عنود : بزهبلك الغدا . . لا اتطول انزين؟

محمد يبتسم ابتسامة مصنطعه :انزين . .

وتدخل عنود وهيه تحس روحها مخنوقة . .

عنود : السلام عليكم . .

بو محمد + ام محمد : وعليكم السلام والرحمه

بو محمد : انا بروح ارقد شوي . .

ام محمد : ماتبي تشرب قهوتك ؟

بو محمد : يوم بنش . .

وراح . .

ام محمد : عسى ماشر عنود ؟ شصاير

عنود تطالع ام محمد : ماعرف . .محمد . .

ام محمد تحط ايدها ع قلبها : شفيه

عنود : لا مافيه الا العافيه بس فجاه تغير ماعرف شصارله . . ملامحه تغيرت واحس شي صارله بس ما يبي يقول

ام محمد : وينه الحين ؟؟؟

عنود :برع . .

ام محمد تعطيها حمد : هاج . . بروح اشوفه وبرجع

عنود تبوس ولدها : مامااتي . . حبيبي . . اشتقت لي . .

>

<

ام محمد : محمد ؟

محمد ينزل الجامه حق امه ويتصنع الابتسامة : هلا باهل الكويت كلهم . .

ام محمد تركب السيارة : شفيك يمه . . ؟

محمد : ماشي امايا

ام محمد تشم : انت دايخ ؟

محمد يطالعها .

ام محمد : ليش رجعت تدوخ محمد شصاير !!!!!

محمد : ِشفت تناهيد اليوم فالمستشفى

ام محمد تطالعه : ايه؟

محمد : ماعرف . . ماعرف شقولج

ام محمد : اييه قول شصار

محمد : خبرتني ان كل شي قالته عن روحها جذب في جذب

ام محمد : من صصصصجها

محمد : هيه والله . .

ام محمد : وانت شـ رديت ؟

محمد : مارديت عليها . . وها الي معورني . . اني ماقدرت ارد عليها . .

ام محمد : شتبي تقولها . .

محمد : ماعرف بس ابا اكلمها ابا ارد عليها . . سكوتي بيخليني متعذب

ام محمد : وانا مابيك تسكت يمه

محمد يطالعها : ادقلها ؟

ام محمد : ليش تبي تكلمها . .

محمد : ماعرف امايا بس احس اني ابا اكلمها والكلام بروحه بيظهر

ام محمد : يالله . . اتصل

محمد : اتصل .؟!

ام محمد : أتصل . .

محمد مسك فونه ودق بالارقام الي حافظنها واتصل . .

تناهيد من اول رنه ردت : الو ؟

محمد : . .

تناهيد : محمد ليش رجعت تتصل فيني ..

محمد : بس بقولج كلام في خاطري وبسكر

تناهيد : اسمعك . .

محمد يطالع امه وعقب يصد الصوب الثاني . .

تناهيد : . .

محمد : تناهيد انا نسيتج . . انااا . . تجاوزتج ، تعديتج ، وانا سعيد في حياتي مع حرمتي وولدي سعاده ماتنوصف . .انا كنت محروم من شي كبير والي هو العايله . . والحين انا عندي العايله الي كنت احلم فيها وماحس اني محتاج شي ثاني فالدنيا . .

تناهيد تبتسم وتنزل دموعها : الحمدلله . . وانا سعيده بهالكلام والله . . وسعيده لانك مشيت فالطريق الصح وتجاوزتني . .

محمد : ماقدرت اكبت الي فيني كنت محتاج اوضحلج هالنقطه بس . . ومره ثانية لووو . . لوو . . لو شفتيني بالصدفه . . سوي عمرج ماتعرفيني . . لاني ماقدر اخون عنود . .

تناهيد : والنعم فيك محمد . . وانا صدقني ماكنت بكلمك لكن كنت لازم اوضحلك الي صار . . والحين وضحته ومش محتاجه شي غير اني اشوفك سعيد فحياتك . . والله يهنييك

محمد : مع السلامه

تناهيد : مع السلامه . .

ام محمد تطالعه وتبتسم : عفيه عليك ياوليدي . . عفييه . .

محمد يبتسم ويحط ايده ع قلبه : شي كبير انزاح عن صدري

ام محمد تبتسم : الحمدلله

محمد يبوس ايد امه : مادري كيف بتصرف وانتي محد ..

ام محمد : يالله انزل . . عنود تحاتيك . .

محمد يبتسم : ان شاء الله . .

.

.

.

سلطان يدق باب الغرفه : عذاري ؟

عذاري : الباب مفتوح . .

دخل سلطان وماسك صينية في ايده وحطاها ع السرير . .

عذاري تطالعه : مش يوعانه . . شل الاكل

سلطان : ماراح اطلع من اهني . ..

عذاري قامت بتطلع من الغرفه بس سلطان مسك ايدها بقوه

سلطان يصارخ : يوم اقولج خلج واقفه مكانج . .

عذاري ارتعبت ووقفت . .

سلطان يرص ع ايدها بقوة : بس كاافي الي تسوينه . .

عذاري تطالعه : شوه الي تباه مني . .

سلطان يصارخ ويدق ايده فاليدار مره ومرتييين وثلاث مما خلا عذاري تخاف . . سارت صوبه ومسكت ايده

عذاري : بسسسسسسسسس . . بسسسسسسسسسس

سلطان يصارخ : انتي الي بسسسس . . ليش تبين تحسسيني باحساس الذنب . . انا حاس فيه حااااااااااااااس . . انا مابي اصير مثل ابوووي . . شوفي ابوي . . يمع له عياااال شكثر ولا يدري عنهم ولا يصرف عليهم . . يتزوج وحده ويطلق الثانية وبس يجمع عيال من كل حرمه . . انا حتى ماعرررف اخواني شكثرهم الحييين . . ولا اعرفهم كلهم حتى . . وكل العيال متلعوزين لان ابوي ما يصرف عليهم وحتى النفقه عقب الطلاق ما يعطييييهم . . انا مابا اكون ابووووو سيء مثل ابوي . . مش مستعد اخلي ولدي تعيسسس مثل التعاسه الي انا كنت فيها . . انتي تعرفين ان منال كانت تصرف علي ؟؟ منال كانت تحطلي فالبوك بالالاااف وانا مادري . . ويوم اسالها تقولي ابوك اكيد حطلك وابوك لين زخيييتها مره وهي تسويها . . انتي ما عششششتي الي انا عشته ولا عاانيتي الي انا عانيته واانا مش مستعد اعذب عياالي من الحين . . ابا اوفرر . .أبا يكون عنددي خييييير عشان يوم ينولدون ما يكونون محتااجين شي . . يكون كل شي بين ايدييييييهم . . ما يموتون حرقه عشان بنت اختج مهره عندها اي باد وهم ماعندي ولا يموتون حرقة لان ولد روضة عنده سياره فيراري بالريموت وهم ماعندهم . . فكرتي بهالاشياء ؟؟ فكرتتي ؟ انا فكرت فيها قبل لا اتزوجج عذاااري . . فكرت فيها ف كل لا تحمممملين . . " تنزل دموعه" انا احترق لاني مش قادر اكون الريال الي انتي تحلمين فيه . . تتوقعين انا مرتاح ؟ قسم بالله مش مرتاح . . مششش مرتاح ابدد

عذاري مصدومه من الي كل الي قاله . . حظنته على طووول . .

عذاري : ليش ما صارحتني بكل هذا ليش ما قلتلي . .

سلطان يجابلها : لين متى بتم اقولج ماعندي ماعندي ماعندي . . انا ريال . . عيييب اعيد وازيد فهالموال . . عييب اقولج عن انه بنت كانت تصرف علي حتى لو من دون ماكنت اعرف .. عيب اقولج ان ابوي واحد يفشششششل . .

عذاري تحط ايدينها عويهه : انا ما يهمني حد فالدنيا الا انت . . مايهمني حد غييييرك . . والي في بطني بيعيش احلى عيشه . . واحسسن وارفه عيشه . . سلطان الياهل الي فيني ما بينولد باجر . . بينولد عقب 9 شهوووور . . 9 شهور قرااابه سنه كامله وضعك بيتحسن . . وكل شي بيتحسن . .

سلطان : نسيت . . نسيت انه بي عقب 9 شهور

عذاري : 9 شهور كاافيييه تخلي الي في بطني يعيش مثل ما انت تبي ومثل ما انا ابي . . صح ولا لاء

سلطان يتنهد : صح . .

حظنته . .

سلطان : غبيه . .

عذاري تبتسم . .

سلطان : والله غبيه . .

عذاري تخوز عن حظنه وتطالعه . .

سلطان يبتسم بابتسامه ساحرة تظهر جماله الي يعذب عذاري : غبيه بس احبج . .

عذاري : ههههههه " بحيا " وانا احبك . .

سلطان يطالعها : زعلتج مني وايد وايد

عذاري : مسامحتك على كل شي . .

سلطان يطالعها . .

عذاري : لاني اعرف نيتك الزينه . .

سلطان يمسكها من ايدها ويقعدها ع السرير ويقعد حذالها . .

عذاري تطالعه :شفيك . .

سلطان كانت ايده ترجف وهو يحركها لين بطن عذاري . .

عذاري ابتسمت واستانست وايد . .

سلطان يطالع ايده الي ع بطنها ويحس انه يرجف بشكل مش طبيعي .

عذاري حطت ايدينها الهنتين على ايده وهمست له : ليش ترجف

سلطان يطالعها : لاني مش مصدق ان من اهني بيطلع لي ولد ولا بنت يشيلون اسمي . .

عذاري ابتسمت وتحس روحها طايره من الفرحه . . واخيرا حست بفرحة سلطان . . واخيييرا !

سلطان يطالعها : فديت روحج

عذاري تنزل راسها . .

سلطان يتقرب منها ووو يهمس لها فاذنها : الله لا يحرمني قربج

cut

.

.

.

يندق الباب بشويش ويدخل . . فزت مهره وعلى طول حطت شيلتها . .

حمد : اسسف . . " ينزل راسه وياي يطلع "

مهره : تعال حمد . . " تتحجب عدل "

حمد يطالعها : اسمحيلي . . تخبرت عنود قلتلها بمرج وقالتلي ان سيف موجود . . مادريبج راقده وروحج . .

مهره تبتسم : لا انا مش روحي . . بنتي وياي" تثاوب "

حمد : اسمحيلي خربت عليج رقادج . . بس ما قدرت قلت لازم اشوف بنت اخوي " يبتسم "

مهره تاشرله ع السرير . .

مشا حمد صوبها وسارلها . .

حمد : بسسسم الله علييييها . . " يبتسم بسحر " بسم الله عليها ماشاء الله . . " يحط 1000 درهم تحت قماطتها . . " الله يحفظها ويخليها ياارب " يطالع مهره " تشبهج وايد . . " يبتسم " بس وايد صغيره

مهره : ههههه . .

حمد : كتكوووته " يبتسم " مايصير اشلها البيت ؟

مهره : هههههههه لا مايصير

حمد : فديتها الله يخليها لكم وتتربى بعزكم يارب ..

مهره تبتسم : اميين . .

حمد يرد هدآيه السرير . .

مهره : الحمدلله ايدك خفيفه ما نشت . . لو سيفوه شالنها جان قامت على طول

حمد : عاد انا خلاص عندي خبره باليهال . . حمد الصغير ما يرقد على ايد ابوه مثل ما يحب يرقد عندي

مهره تبتسم . .

حمد : اووه نسيت . .

طلع من الغرفه وشل الورد الكبير الي مسونه لها . . وكيس جوكليت من شوكولالا . .

ورد دخل . .

حمد حطاهم حذالها . .

مهره تطالعه : ما كان له داعي تكلف ع روحك . .

حمد يطالعها عين بعين : افا عليج . .

مهره ابتسمت . .

حمد : انتي بخير ؟

مهره : الحمدلله " تثاوب "

حمد : هههههههه خربت عليج رقادج . .

مهره تبتسم : هيه الصراحه

حمد : اسمحيلي والله اتحرا الناس مرتبشه اهني . .

مهره : كانو مرتبشين بس خليتهم يروحون بغيت اريح . .

حمد يبتسم : ريحي عيل . . محتايه شي ؟

مهره : سلامتك . .

حمد : يالله عيل اترخص

مهره : مرخوص الله وياك . .

مشا حمد بيروح . .

مهره : حمد . .

حمد صدلها بسرعه : عيونه . . " ماحس بروحه "

مهره حست انه ارتبك وماقصدها وطلعت منه بدون قصد : سلاامتك عيونك ياخوي . .

طعنته الكلمه بس ابتسم . .

حمد : امري . .

مهره : ولاشي كنت بقولك مشكور بس . .

حمد يبتسم : ماسويت شي . . يالله فمان الله

مهره : فمان الكريم . .

وطلع حمد وسكر الباب وراه وتم واقف عند اليدار الي ع الغرفه وهو ماسك قلبه ..

معقوله ماحبكـ وانا حي معقول وانت الذي تفرض علي احترامكـ

حبك ملكني حيل بالعرض والطول وكل المشاعر ذايبه في غرامكـ

احساسي المرهف غدى فيكـ مشغول وينزف خفوقي من سبايب سهامكـ

حبكـ بقلبي يالغلا دايم بجول يحلى ويعلى في فؤادي مقامكـ

انساكــ هذا يالغلا شي مجهول هايم في بحر الشوق ولذه هيامكـ

.

.

__DEFINE_LIKE_SHARE__

«ضَحِيًة حِبُيًبُيً ..}● · 04-19-2012, 04:43 PM

.

.

.

.

البارت الـ 217

بعد مرووور الايآآآم . .!

الليله عرس شوق . .

مهره تركب السياره وهي متغشية : السلام عليكم . .

سيف : وعليكم السسلام . .

مهره تطالعه : وين هداااايه ليش ما يبتها وياك عند منو مخلنننننها . .

سيف يبتسم : عند رامي . .

مهره تفصخ الغشوه : تستهبل . .

سيف يبتسم : يا لبى المهررر انا . .

مهره : خلك مننني ليش مخلنها عند رامي

سيف : ما بغتني والله . . تصيييح تصييح وتام ادور فيها شلها رامي اقولج ف دقيقه سكتها تخيلي . . صدمتني بنتج الخايسه

مهره تبتسم : اسمييك . .

سيف يبتسم : شو هالحلا هااد . .

مهره : ههههه عيونك " تبتسم بحيا "

سيف : لا جد حلوه

مهره تبتسم . .

حرك سيف السيارة وتوجهو الفندق . .

تغشت مهره ونزلت هي وسيف سايرين صوب رامي . .

مهره : رااامي . .

رامي يبتسم : اهلييين مدااام موهره

مهره : اسمحلنا اكيييد تعبتك . .

رامي : لا والله كتيير مهضوووومي . .

سيف يشل هدايه عنه :ماتبين ابوج يالهرمه عيل هاه . .

رامي : تعلللم منييي . . شافييت الحنان كلوو عندي

سيف : يا ريال خف عليييينا

رامي يبتسم : لما بدكون تتخلصو منها جيبوها عندي والله بدي دير بالي عليها كتير منيح . .

مهره : ماتقصر يا رامي من يومك فيك الخير . .

رامي ابتسم . .

وصعدو مهره وسيف فوق . .

اول مادشت مهره انصدمت من الصوره المحطوطه فالصاله . .

مهره : اللله . .

سيف ابتسم : خلص ألبوم عرسنا . .

مهره تطالعه : هالبرواز الي شريته لي في يوم ميلادي وقلتلي بتعرفين عقب حق شو شارنه

سيف يبتسم : بالضضضبط . .

مهره تحظنه : حبيبي والله . .

سيف : لا تستانسين لاني بشل الصوره وبحطها عقب في حجرة النوم . . مش كل حد يدش يشوفج مفصخه

ابتسمت مهره . . : هاتها بسير بغير ثيابها وبشربها حليب عشان ابدل ملابسي والحق ع العرس

تقرب سيف منها وباس خشمها : احبج

مهره تبتسم : وانا احبك . .

.

.

.

فهد : روووضضضه كم مره قايلج لا تشيلين الطاوله من مكانها

روضة :انزين فهد خفيفه والله . .

فهد : حتتتتتتى ولو . . قايلج مش زين .!! ليش ما تسمعين كلامي انتي

روضة تبتسم : خلاص اسسفه انزين

فهد : والله بعصب عليج لو شلتيها مره ثانية

روضة : ان شاء الله . .

فهد يبتسم ويتقرب منها : حرام عليج الي في بطنج اترياه انا . . اباه بخيير

روضة تبتسم : وبيكون بخيييير ان شاء الله

فهد يبوس راسها : ان شاء الله . . بس انتي اسمعي الكلام لو سمحتي

روضة : هههههه ان شاء الله . .

فهد : احبج . .

روضة تطالعه : وانا احبك . .

.

.

.

ناصر: ليششش . .

حصيص : نصور والله مافيني حيل حق طلعه . . تعباااانه

ناصر : بس صارلج يومين محكوره فالبيت . . لازم شوي تشمين هما عشان الياهل ينتتعش

حصيص : منتتتتعش لا تحاتي

ناصر يبتسم ويحط ايده ع ويهها : وحرمتي منتعشه ولا ؟

حصيص : هيه منتعشة . . " تبتسم "

ناصر : اكيد ؟

حصيص : هيييه اكيد

ناصر : احبج

حصيص : ههههه

ناصر : شو يضحك يا حيوانه قاعد اقولج احبج

حصيص تبتسم : وانا احبببببببك . .

ناصر يبتسم : اتحرى . .

.

.

.

عذاري : السلام عليكم . .

سلامه تطالعها : وعليكم السلام . .

عذاري : انا برع بيتكم . . فاضيه ؟ اقدر اشوفج ؟

سلامه : هيييه حياج ادخلي محد فالبيت . .

عذاري : اوكي

وسارت سلامه صوب الباب . .

عذاري : شحالج

سلامه : حيااج تفضضلي . .

عذاري : لا بتم عند الباب

سلامه : مايصير والله تدخلين . .

عذاري دخلت . .

سلامه : شو تبين تشربين

عذاري : سلامه سلطان يترياني فالسياره مابي اطول عليه بس بقولج كلمتين وبروح

سلامه قعدت حذالها شوي ع الغنفة .. : تفضلي

عذاري : انا سمعت من منصور انج ما تبين ترجعين له عشاني . . صح ولا لاء

سلامه تطالعها : اكيد . . يهمني رضااج . . انتي الي جمعتينا وانتي كنتي السبب الاول ف لقانا

عذاري تنزل دمعتها : عشان جي اكره نفسج واكرهج اكثر واكثر . . لانج حقيره ما تستحقيين

سلامه انصدمت . .

عذاري : كنت يايه على اساس اقولج اني مسامحتنج . . لكن ما بجذب . . انا ماقدر اسامحج ولا بقدر اسامحج لاني خيبتي ظني فيج وانا الي كنت احد الاسباب الي خلت اخوي وحبيبي يعاني . .

سلامه تنزل دمعتها . .

عذاري : توقعتج الانسانه الي تسعده وتفرحه لكنج مع الاسف . . دمرررتيه وضيعتيه

سلامه تنزل راسها

عذاري : لكن منصور ميت فيج . . وعلى كل عيوبج يباج تردين لي . . الكل يشوف ان الحب تسامح ااما انا كنت مستحقرره منصور لانه ساامحج بسسس

سلامه تطالعها

عذاري : بس كل الي حوالي يسامحون . . وانا بعد اسامح . . مهره تسامح سيف و عنود تسامح محممد مع اني ماعرف شلي صار بينهم بس متاكده ان محمد كان مسوي شي كبير وعنود سامحته لانه بان التغيير الكبييير . . وفوق هذا انا اسااامح سلطان " تبتسم " ف عرفت ليش منصور يبا يسامحج . . لان كل الي حوالي وانا نحب بضمير . . انا مابا منج شي سلامه . . انا بس اباج تحبين اخوي مثل ما هو يحبج . . وصدقيني لو حبيتيه بتصونينه من نفسج بس حبييييه ولا تلعوزينه . . ترا منصور وايد تأذى منج . . حاولي تعوضينه . . " تمسك ايد سلامه " انا يمكن ما سامحتج للحين . .وبعدني شايله عليج وايد لكن اباج ترجعين لمنصور اليوم قبل باجر . .مابا اشوف منصور يعاني . .بسسسسه خلاص . . مابا اكون سبب اني احرمه منج

سلامه تنزل دموعها : ماعرف شقولج

عذاري : انا اعرف انج لجئتي للطريق الصح . . لكن صدقيني من داخلي ماقدر انسى الي سويتيه ومن حقي هالشي . .

سلامه : ما الومج . .

عذاري : ارجعيله . . " تبتسم " ابيج ترجعين له عشانه . .

سلامه تتنهد وتنزل راسها . .

عذاري تقوم : امي بتمر عليج اليوم . . خبريها رايج . .

سلامه تحظن عذاري وتصيح : سامحيني . . بتم اترقبج تسامحيني

عذاري تبتسم : صدقيني لو عوضتي منصور بسامحج من دون لا احس . .

سلامه تطالع عذاري : بعوضه .. وبتشوفين

عذاري تبتسم : ان شاء الله

سلامه تبتسم : مشكورة وايد . . وااايد . .

عذاري تبتسم: مع السلامه . .

وطلعت من بيتهم وركبت السيارة . .

اول ماركبت انهلت صيااح . .

سلطان : شفيييييج

عذاري تطالعه : ماااعرف . . " تنزل دموعها بغزره من دون ماتحس " قلبي يعورني ع كل شي

سلطان يمسح دموعها : فديت قلبج . . الا قلبج

عذاري تطالعه . .

سلطان : انتي سويتي الصح .. لا توقفين بدرب اخوج وتكونين من اسباب تعاسته . .

عذاري : انا سبب تعاسته من البدايه لاني عرفتهم ع بعض

سلطان :لأ غناتيه غلط . . منصور يحببببها . . وانتي بترجعين له حبه . . ومنصور بيكون سعييييد . . منصور سعيد بهالحب . .

عذاري: بس عاانى وايد

سلطان : حتى انتي خليتيه يعاني يوم كلمتييني

عذاري تطالعه . .

سلطان : وانا خليته يعاني لاني خيبت ظن الرفاقه الي بينا . . لكن عوضناه وسامحنا .. لانه يحبنا صدق . . منصور ريال زييين والله بيعوضه عن قلبه المتساامح . . صدقيني نادرا ماتحصلين واحد شراته وعلى فكرة " يبتسم " منصور واخوانه كلهم نفس الطبع . . قلب التسامح فيهم . .

عذاري تبتسم : عشان تقدرني

سلطان : وانا مقدرررنج " يبتسم بخبث " اروم ما اقدر هالبنت الي شلت قلبي بكبره

عذاري تمسح دموعها

سلطان : بس عاد لا تصيحين . . بتخوفين الي في بطنج . .

عذاري تحط ايدها ع بطنها : لا بسم الله . . مابا اخوفهم

سلطان يتقرب منها يبوس خدها وعقب باس بطنها . .

عذاري تطالعه : انا وايد احبك والله . .

سلطان يطالعها ويبتسم : وانا وايد احبج والله . . ( فخاطره يقول " واموت فيج وماتخيل الدنيا بدونج )

.

.

.

شوق ترجف : الوو . .

يوسف : هههههه خايفه هاه

شوق : والله خايفه وايد . .

يوسف : من شو خايفه

شوق : احس مفتشله ماقدر اطلع للناس . . احب بموت من الخوف

يوسف : لا تخافين ولا شي . . بتظهرين شوي وعقبها انا بظهر وراج وبنكون سوى ان شاء الله . .مافي اي شي يخوف ويارااسج . .

شوق : بعدني خايفه

يوسف : انزين لو قلتلج احبج بيخوز الخوف

شوق تبتسم : ماعرف يمكن . .

يوسف : احبج

شوق : خفت زياده

يوسف : هههههههههههه

شوق تبتسم : والله خفت

يوسف : فديتج . . صدقيني بس شوي بتظهرين والناس بتتاملج وبتتامل حلاتج وعقبها بفترسج انا

شوق : شووو

يوسف : هههههه بل والله انج صدق خايفه

شوق مبوزه : احس مابا اطلع للناس بموت خوف والله

يوسف : شرايج اتم اقولج احبج لين تهدين ..

شوق : اوكي . .

يوسف : احبج . . احبج . . احبج احبج احبج احبج احبج احبججججج . . احببج احبج

شوق تبتسم: وانا احبك . . خلاص بس هديت شوي . . بند الحين خلني اتزهب حق النزول . .

.

.

.

محمد : عنوووودووه

عنود وراه : انا اهني شفيك خوفتني

محمد عاقد حياته : ها شو يسوي في كبتي " يرفع قميصها "

عنود : ههههه يمكن الشغاله حطته بالغلط

محمد : بصمها هالشغاله بكس ع خشمها بخليه يستوي معواي اكثر

عنود : ايييه عيب عليك

محمد : عيل هالقميص تتوقعه يكون قميص .. لا شوفي وفيه طرره بعد . . تستهبل صح ليكون تتحراني مش ريال . .

عنود : هههههههههههههههههههههههههههههههههههههههه

محمد يطالعها : لا تضحكيين ياالبايخه

عنود تيلس ع السرير وميته ضحك : ههههههههههههههههههههههههههههههههههههه

محمد : يالسيلانية انتي الثانية بشلج بعلقج ع المروحه وبكتب عليج للبيع . .

عنود : هههههههههههههههههههههه

تقرب محمد منها وتم يقرقطها اكثر وهيه خلاص متيبسه ضحك . .

عنود : بسسسسسسسسسسسسسسس بمووووت . .

محمد يودرها ويبتسم : يعلها ضحكه مديمه ..

عنود تبتسم : ويااااك يااارب

محمد : تعرفين انج تستوين خسفه يوم تضحكين

عنود : هيه اعرف قلتلي

محمد : خسفه لدرجه تلوع جبدي ماقدر اشوفج . .

عنود : ادري ادري قلتلي

محمد : وقلتلج اني احبج يوم تضحكين حتى لو تستوين خسفه وتشبهين التيس ؟

عنود تضرب جتفه : التيس من قااالها

محمد يبتسم : انا ع شو حبيتج يا حسره

عنود : حممممود يالخايسسس

محمد : صدق ع شو حبيتج . . تلوعين بالجبد . . كل شي فيج يلوع الجبد

عنود : مشكور مشكور

محمد يبتسم : بس بعد احبج . .

عنود : عقب شوو . عقب ما شرشحتني يالبااايخ

محمد يبتسم : والله احبج يالخبله

عنود تبتسم : حيوان . . بس بعد احبك والله

يرن تلفونه . .

محمد : الوو .. هادم الملذات

حمد يبتسم : اسمحلي خربت عليك بو الملذات

محمد يبتسم : ماعليك . . متحملنك شسويبك بعد

حمد : اذا فاضي اظهرلي انا عند باب البيت

محمد : حق شو واقف عند باب البيت احدرر

حمد : لا تعال السياره بنتمشا اباك فرمسه

محمد : يالله ياينك

يبوس حمد الصغير : فديت الي رقد . .

عنود : حمد؟

محمد : هيييه برجعلج يالهبله . .

ويقوم يطلع من البيت ويركب السياره ويا حمد

محمد : ها السباال شعندك

حمد : بغيت اقولك اني . . . اني بسافر

محمد يطالعه : ع وين العزم

حمد : لندن . .

محمد : ليش شعندك . .

حمد : بتم اهناك

محمد يطالعه : نعم ؟

حمد يبتسم : بتم اهناك سنه ولا سنتين . . عقب برجع

محمد : انت استخفيييييييت ؟

حمد يطالعه : اتم فالبيت عند منو حمود ؟ سلامه بتعرس جريب . . وابوي يوم فالبيت و5 ايام عندكم . . مهره وسيف استقرو فدبي انا ليش اتم فالبيت روحي . . ذبحتتتتتتتتني الوحده ياريال

محمد : تزوج

حمد : انت تعرف اني مستحيل اتزوج حمود ليش تقول شي وانت عارفه

محمد :ياخي حببب لك وحده وتزوووجها

حمد : مابا احب ولا ابا اتزوج حد . . انا حبيت بس مره وخان الحب ظني فيه وقلبي انكسر مره ولين اليوم اجمع فيه . . وتبت وتابت احساسي وصرت اقسى من القاسي . . ماقدر احب حمود خلاص .. انا من هالنوع الي يحبون وحده ويتمون معلقين عليها طول العمر . . انا مابحب غيرها طول عمري ويكفيني اشوفها مرتاحه ومستقره في حياتها مابا شي ثاني . .

محمد : بس مش حل انك تسااافر حمود

حمد : صدقني حل

محمد ابتسم : تذكر يوم كنت اشكيلك من الوحده شـ قلتلي مره . .

حمد يطالعه

محمد : قلتلي تعال واسكن عندنا . .

حمد يبتسم : ههههه لا تتحراني بسويها وبعيش عندكم

محمد :عيل والله بتعيش عندنا . . مثل ما رحبت فيني بعز ضيقي وهمي . . انا برحب فيك طول الوقت . . ياريال انت ابن عمي مششش غريب

حمد يطالعه

محمد : لا تخليني ألجأ للاسلوب الي انت لجئته . . اخلي ابوي يرمسك ويغصبك ويحلفك

حمد يبتسم . .

محمد : وبعدين ع الاقل انت ما بتكون غريب . . ابوك ويانا واختك ويانا . . وامي رحبانية شرات المرحومه امك . . الا بتملي البيت علينا . . ع االاقل يوم ابا اطلع ويا عنود نعرف عند منو نودر حمد

حمد يبتسم : زفت . .

محمد يبتسم : وانا مالي غنى عنك . .انته ماما وانته بابا وانته حبيبي وريلي وعمري

حمد يضربه ع جتفه : ايييييه

محمد : ههههههه احبك ياريال

حمد يسوي روحه مستحي ويقلد صوت البنات : وانا بعد

.

.

.

__DEFINE_LIKE_SHARE__

«ضَحِيًة حِبُيًبُيً ..}● · 04-19-2012, 04:43 PM

.

.

.

.

البارت الـ 218

سيف يمسح ع شعرها : تذكرين هاك اليوم ؟

مهره : اي يوم ؟

سيف : يوم قلتي لي " يبتسم " جمله وايد حبيتها وما نسيتها . .

مهره : ذكرني . .

سيف : ماتذكرين مهروو

مهره تبتسم : شو ذكرني . .ناسيه والله

سيف : كنا ف منتجع الكوف . . وقاعدين مجابل البحر وع كرسي واحد بعد !!

مهره تطالعه : ممم

سيف : كان بينا حساب كبيررر ومن ذاك اليوم صفينااه . .

مهره تطالعه . .

سيف يبتسم :تذكرين ؟

>

>

<

سيف : ادري عششنا مآضي مؤسف . . فيه مشاكل وايده . . بعضضها للحين تألمممج وتالمني . . وبعضضها عمرج ما بتنسينها ولا انا بنسآآآهآ . . لكن انا اوعدج بششغله وحده . . اني ما انزل دمعتج ف يوم الا بعد موؤتي . ." يبتسم " لازم تصيحين علي شوي

مهره ترص ع ايده : بسسسسسسسسم الله عليك . . لـا تقول هالرمسسه حبيبي . .

سيف يطالعها باصرار : عمري ما دخلت وياج بتفاصيل ف ماضينآ . . ف العذاب الي عيشتج اياااه . . خليتج برووووحج فـ الليالي ف اماكن ما يتم فيها الا إلي رايحات فيها . . ف مكان كنت بخسرج فيه ومادري شو كان بيصير لج . . وو تناازلت عنج ف مستشفى وتخليييييييييييت عنج وانتي ما تعرفين اي مخلوق "يبتسم باستهزاء" صج اني حقييييييييير . . ضربتج . . اهنتتج وايييد وجرحتج وايد . . "يبلع ريجه ب حرقه " ترككككتج ورحت لغييرج . ." تي ف باله ميثا " غازلت ورمست جداامج . . حظنت غيرج وبستهم وانتي تطالعيني . . كنت ابي اطلعج وابيج تغيرين جو و فلحظه اخليج وارووح لغيرج . . ما استانستي ف حمالج ولا كنت اول شخص يباركلج ويحظنج ويهنيييج !! خليتج تعانيييييييييين وايد . . حتى سسفر ما سافرتي . . ولا عشتي شهر العسل وياي مثل ما عاشو باقي البنات يوم عرسسو ! وعدتج تكملين دراستج وماوفيت ف وعدي ولا قدمت اوراقج . . كنت اباج تتناسين الموضوع . . تحكمممممت فيج ع كييييفي . . خليتج تمشين ع مزاجي . .!! متى ما استانس ابيج مستانسه ومتى ما اكون معصب اسفل فيج ومابيج تضحكيين . . حرررمتج من الحب . . الحنان . . حقوقج الزوجيه . . حتى حررمتج من السسعاده فتتتره طويله . . عذبتج . . وريتج العذااااااااب ع اصووووله . . حتى امج حرقت قلبها عليييييييج . . " يطالع عيونها " حتى حرمتج من جمالج . . " يشوف شعرها ويلمسه " حرمتج من انوثتتج كـ بنت وتحب شعرهآ . . حتى شششعرج بترته . . عيوؤؤنج . . كنت اصيحج ليل ونهار . . كل يووووم تصصصيييحين . . وحتى ع دموعج اعاتبج . . فششلتج جدام شوق وخليت الناس تشفق عليييييج . . . حتى جدام اختي جررحتج وخليتج تستحييييييييييين . . محبوسه ف شقه ومحرومه من كل شي حلو . . حتى ف غرفه حبستجج بلا رحمه يوم كامل لا اكل ولا شششرب . . اهتميت ف غييرج وداريتهم وخليتج تعانين وتواجهين كل شي صعب بروؤؤؤحج . . شسويت فيج . .آشيآآآآآآء وآشيآء ما تنغفـر ولا حد يتحملهآ كثثثر مآ تحملتييهآآآ !! ليششش وكيف تحملتي هالكثثر كيييييييييييف !! مش قادر استوعب انه بنت مثلج ف كل هالرقه عانت كل هالعذااب وصصصبرت . . ليش صبرررتي !! ليش تحمممملتي

مهره : لاني احـــــبك . . اموت فيك . . مآرضى اشوف انكسارك . . ولا ضيقك . . ولا زعلك . .

سيف يطالعها بتمعن . . ماتوقع يكون ردها جذي !

مهره : انا من اول يوم عرفتك فيه . . كتبت ف دفتر جمله وسبحان الله مشيت عليها وانا مش حاسه ابد ف روحي

سيف : شو الجمله ؟

مهره : وطت رجلي على دربه ولا ادري وش نوى فيني . .

سيف يطالعها بتمعن . .

مهره : ريولي وطت لوين ما تبي يا سيف . . ماكنت اعرف شـ نيتك ولا شنآوي ولآ شـ بيصيير . . بس الي اعرفه اني بمشي على دربك طول ما انا حيه . .

سيف : سامحيني ع كل شي . . سآآمحيني . .

مهره مبتسمه : مسامحتنك حبيبي . . مسامحتنك ولا شايل قلبي عليك ششي . . ومابي غير انك تعوضني . . والماضي ننساه وايدينا في ايد بعض ! ومانخلي لا عاذل ولا حسود يغير علينآ . .

سحبهآ لصدره وغمض عيونه . . خلآ الدموع تعبر وهيه خلت دموعها تسيل . . كآنو محتاجين يصفون النيه ويصفون الحسآب الكبييير الي عآشوه وعآنوه . .

.

على ذاك الطريق اللي يسمونه غرام أحباب

وطت رجلي على دربه ولاأدري وش نوى فيني

تبعته لآخر دروبه .. ألين أن القمر قد غاب

تعب قلبي ، ولا تعبت مسافاتٍ توديني

لقيت الليلة الجردا : هدب ظل وسما واعشاب

بعد ذاك الظلام اللي يتوهني عناويني

صدفتك معجبه فيني وياليت..الغرام : اعجاب

وتراك انتي الهنوف اللي هقيتك تستحقيني

عطيتك عشق من قلبي..وسلمت لغلاك رقاب

وغيرك يحترق قلبه ولا يقدر يحاكيني

أنا قبلك صدفت عيون لكن ويش جاب لجاب؟

ترى كل العيون اللي لقتني ما تكفيني

رماني حظي العاثر عليك وجيت لك طلاب

ولا أنتي اللي عشقتيني ولا انتي اللي عتقتيني

تعالي واعتقي ذاك الخفوق المولع المرتاب

مهب لاجلي ، عشان الله يجازيك ويجازيني

تعدي في سما عشقي ولو عشقي خراب أصحاب

وصوني بالهوى نفسك قبل لا انتي تصونيني

وشيليني على متنك : خفوقٍ باريٍ منصاب

ومن فوق الغرام العذب .. شيليني وحطيني

ولا منك هقيتيني شجاع وما يطيق يهاب

أنا لك بالهوى والله مثل ما انتي هقيتيني

أنا ما أمشي ورا غيرك ولو أنه يطق الباب

وترى عيبٍ عليّ أطعن..ولو كثرت سكاكيني

زهودٍ ما يطيق الدم لا داين ولا طلاب

شجاع وعارفٍ نفسي وأظن أنك تعرفيني

غيورٍ ماعرفت أضحك مع الغدر ببّرود أعصاب

أبيع عيوني الثنتين قبل أنك تخونيني

إذا شد الغرام .. اترك خفوقي : بين ناب وناب

لفرقى تكسر ضلوعي .. ولا عشقٍ يوطّيني

أنا رجلٍ ولي غيره .. وإذا شفت الهوى كذاب

تثور بقلبي الفزعه ولا تهدى شياطيني

سؤالك لو يزعزع بي كياني ما قبلت عتاب

اجي لك وأسالك نفس السؤال اللي سألتيني

عن العشق القديم أبواب .. تقفيها كثير أبواب

بعد ذاك الحبيب اللي خدعني وانخدع فيني

أبي عشق تحسب له كل نظرات العيون حساب

وابي قلبٍ علي قلبي ، وابى دينٍ على ديني

وابي نظرة عطا توفي ولا تخلف بدون أسباب

وابي منك قبل لا نتي تصديني .. توديني

وابي دربٍ على العذال صعبٍ ومتعبٍ وغلاب

وابي نفس الطريق الصعب يبعدهم ويدنيني

ترى لو للقلوب عيون ولدموع العيون أهداب

حشى ما تنزل الدمعه لغيرك لو تركتيني

أنا أول من عرف قدرك وأنا توي صغير وشاب

وابي منك ما دام أنك عرفتيني تحبيني

ما دام أني لقيتك في طريق أسمه غرام أحباب

دخيل الله ، وبعد الله دخيلك .. لا تخليني

ما دام أن كل من يحيا على وجه التراب تراب

عسى تنساني الدنيا مادام أنتي ذكرتيني

>

<

>

مهره تطالعه وتبتسم : صدق وطت رجلي على دبره ولا ادري وش نوى فيني

سيف ابتسم : ناوي فيج كل حب وكل خيير يا ااغلى ميم فالدنيا . . " يبوس راسها " الله لا يحرمني منج

مهره تغمض عينها : ولا يحرمني منك يااارب . .

.

.

بعد هالمعاناه الطويله بين كل عاشقين . . مرت الايام والشهووووور . .

شوق ويوسف تزوجو زواج عادي . . ماكان تقليدي ولاكان عن حب . . تقدم لها من خلال اعجابه فيها . . تجارب شوق كانت مؤلمة بحيث انها انجبرت تتزوج شيبه اكبر عنها ب 40 سنه ومريض .! انحرمت من ابو والسبه مرت ابو وانحرمت من ام لان الام افتكرت بنفسها فقط .! حبت شووق بضمير . . وتمنته يكون من نصيبها لكن مع الاسف ما صار من حظها وهالشي من واقعنا مش كل واحد تتمناه البنت تحصله ! يا كثر الحب من طرف واحد . . ويا حلات الحب لو كان بالحلال ! له طعم ثاني . . . وهالطعم الحلو جربته شوق مع يوسف . .

فهد وروضة صار عندهم ولد . . .سموه سالم . . حياتهم مثل ما هي فالبدايه . . مستقره . . مبنية على تفاهم وعلى مشاكل خفيفه بين اي زوجين . . اليهال كان احد اسباب تفاهمهم ورضاهم دوم . . عاشو حياه عادية لكنها جميله بالنسبه لهم . . كلها ثقه وامل وحب ووضوح . . . روضة مطيعه وفهد طيب . . كانو يستاهلون بعض . .ويستاهلون الحياه الحلوه الي يعيشونها . . الي مثل هالاثنين وايد . . وايد متزوجين زواج عادي ومستقر . . في بعضهم يحسون ان ملل لكن بالعكس . . هذا الاستقرآآآآآر والراحه الي وايد ناس فاقدينها ..

حصيص وناصر : القدر ما جمعهم فالبدايه مع بعض . . كل واحد فيهم عاش تجربه . . ناصر عاش التهور والطيش وحصيص جربت الطلاق . . جمعهم القدر من حظهم . . مع ان حصيص ما كانت تحب ناصر وايد . . جذبه لها حبها المينون لها . . محد حبها مثل ما حبها ناصر ! وهذا احد اسباب حبها له . . منو يقول ان ناصر الياهل المتهور بيصير ابو لتوأم وهو بروحه توأم ؟ استانس لانه ياب توأم وايد . . وسماهم على اغلى خواته مهره ويوم عرف سيف حلف عليهم يسمون الولد سيف واستانست حصيص وماعارضت . . ناصر ياب مهره وسيف الصغار! في البدايه ناصر ما اتاقلم مع وجود اليهال بحكم انهم توام وماخذين كل وققققت حصيص لكن مع الايام بدو يتعوود ويحب الوضع اكثر واكثر . . صح انه مرات يطفر لكن ما يرقد الا وبنته وولده ع نفس السرير الي يرقد فيه . . نقدر نقول الي مثل حصيص وناصر بيكونون محظونين لو القدر جمعهم عقب معاناه !

سلامه ومنصور : رجعو لبعض !!! مع ان عقب الرجوع الوضع وايد صار مختلف . . صح ان ام عبدالله وبو عبدالله والكل كان مشجع منصور يرجعلها بحكم العذاب الي يعيشه لكن .! عقب الزواج وايد غيير . . كانو يشوفون سلامه فالبيت ويتذكرون كل الي كانت تسويه مما يخليهم يتجنبونها . . لكن سلامه بعد ما حفظت القران كله !!! وفازت بجائزة تكريم من احدى الشيخات ، عرفو ان سلامه صارت احسن انسانة من بينهم . . لجئت للطريق الصح وسعت فيه اكثر واكثر واكثر . .وخلت الكل يفتخر فيها واولهم عذاري ! الي كانت الاولى الي حظنتها وحطتها ع حظنها وهيه تصيح وتباركلها وتعلن لها انها سامحتها ع كل شي . . ممنصور .! مننصصور مثل الطير الي كان سنين في قفص محكور . . ومن تزوج سلامه اتحرر . . عانى منصور وايد وايد وايد عانى . . لكنه ارتاح بالاخير " ماضاقت إلا لتفرج " منصور كان سبب كبير في تغيير بنت مثل سلامه . . كان سبب في اجر كبير بيحصله ع تشجيعه لها من البدايه . . الي مثل منصور نادرين . . من البدايه تزوجها وهيه عاااجزز . . ساعدها تتشافى وتحمل اغلاطها ووو سامحها عقب كل شي . . الي مثل منصور ان شاء الله ما ينعدمون لانهم اشرف ناس . . ماشين على مبدأ التسامح والعفو . . الي مثل سلامه وايد وايد . .لكن مش كلهم يمشون بنفس الطريقه الي انتهت فيها سلامه . . البعض يحس ان فات الفوت للتوبه لكن ابد مافات الفون للتقرب من الله ! كل بنت جرفها الزمن للغلط بقصد منها او بدون قصد دامها بعدها حيه تقدر تتوب وتمشي بالطريق الصح وحتى لو ما حصلت الي مثل منصور يقدرها راح تحصل رب كبير يغفرلها ويعطيها حياه افضل من حياه الدنيا . .

محمد وعنود : نقدر نقول ان عنود محظوظه ف واحد مثل محمد . . خفيف دم وووجوده وايد حلو . .يخلي كل الي حواليه مستانسين ويضحكون يعني عنود ما بتشوف يوم هم باذن الله . . ع فكره عنود حامل !! محمد ع قولته يبا يصف 10 يهال ورى بعض . . الله يعينج ياعنود !! محمد كان الانسان المحروم من كل شي واهم شي والي هو الاهل وحس العايله . . وصبر ومشا فالطريج الصح ما انحرف وصار صايع وتم طول عمره عزابي وويمشي بالغلط لان اهله محد وماعنده حد ! كان ماشي صح والله رزقه شرات نيته . . عنود كانت الانسانه الي صدق تستاهل محمد خاصه يوم سامحته على خيانته لها . . حست ان هي مقصره مع انه وايد حريم يوم رياييلهم يخونونهم يطلقون ! ما ياخذون الامر ويراجعون نفسهم ويسالون روحهم اذا هم غلطانين او لا .!!! وعنود حست انها كانت السبب ف خيانه محمد لها لكن ! عقت اللوم ع وحامها مع انه ماكان بايديها وسامحته وما حسسسته بالذنب وصبرت ! وعقب الصبر الله فرج عليها واتهنت . . وهذي نهاية كل وحده تصبر على زوجها وتحن له وتسامحه . .عنود اول شي صح سوته انها ما عايرت محمد وهالشي نفقده فهالزمن . .ألريال لو سوا غلطه وحده تعايره حرمته طول ماهو عايش مما يخليه ينفر منها ويكرر الغلط مره ومرتين وثلاث .! عنوود طيبه ومحمد طيب ويستاهلون الحياه الحلوه الي يعيشونها . . ( الطيبون للطيبات )

عذاري وسلطان : عصافير الحب . . غردو مع بعض كل الالحان . . حزن . .عذاب . .لكن شو احلى من حزن وعذاب الحب ؟ هالشي دومه كان سبب ورابط كبير يجمعهم ف بعض اكثر واكثر . . عذاري حالها حال اي بنت ساذجه تعشق بجنون لدرجه انها تنسى حتى تاخذ حقها .!!! وهالشي انا اشوفه صح مش غلط مثل ما يشوفونه الناس . . سلطان زوجها ومن حقها اطيعه لدرجه الذل !! هو يحس ع ذنبه بمجرد انها تسامحه بسرعه ويحس بذنبه ويتلوم اكثر لانه صوتها ما يرتفع . . عذاري عطت سلطان درس كبير وكانت صفعه له يوم تغيرت عليه ف فتره اول حمالها لما رفض الياهل .! ومن بعدها سلطان وايد تغير لانه ما بغا يشوف الويه المخباي ف عذاري .. يحب الروح الحلوه الي فيها والروح الطيبه الي ما تشيل عليه ابد . . عذاري لما وصلت الشهر الثالث طاحت من ع الدري وطيحت الياهل . . عاشت بحاله انهيار كبيرة وعقت السبب على سلطان لانه فالبدايه كان يتهندق على الياهل ! لكن حزن اكثر عنها لانه تامل فالياهل امال واحلام كبيره تحطمت بمجرد ما مات الي في بطنها . !! حالتهم المادية تحنست واايد . . وبدا سلطان يعيشها الي ماقدر يعيشها اياه في اول فترره . . والحمدلله عقب ما تحسنت الظروف اكثر واكثر حملت عذاري مره ثانية .!

حمد . . : " ما كل ما يتمناه المرء يدركه " حلم حياته ضاع بين ايده لكنه بعده عايش !. ألمه بدا يصير اخف بوايد عن قبل . . من عاش مع محمد ونفسيته وايد تحسنت . . محمد غير نفسيته للاحسن وساعده يتغلب على الي فيه . . صح ماقدر محمد ينسيه مهره ! لكن ساعده بتخفيف الالم . . حمد مثل دفتر فيه ورقة وحده ! رسم مهره في الورقة الوحيده وسكر الدفتر ّ! مافي اوراق ثانية فالدفتر وهذا حال حمد . . كل يومين صار يروح دبي مش عشان مهره ! بس عشان هدايه . . على قولته " حبيبت عمها " يموت فيها . . والسبب الي مخلنه سعييييد وايد . . وعلى قولته يوم بتكبر بتكون صديقته واقرب وحده له !!

مهره وسيف : اختلاف كبير بين الشخصيتين . . كل واحد منهم كان عنده حبه الاول والحقيقي .! كيف حبو بعض كيف ؟ سيف عشق ميثا ومهره عشقت حمد . . اثنينهم اخلصو في حبهم ولكن جمعهم القدر حالهم حال اي ناس شراتهم ! الي مثلهم نادرا ما يتمون ويا بعض لازم تنتهي بهم الحياه بالطلاق بس ! مهره وسيف كانو من الحالات المعجزه ! حبهم لبعض بدا بطريقه مختلفة عن كل قصة . . سيف كان السبب في تعذيب مهره طول ماهو متزوجنها . . كان هو السبب في دمارها وضياعها وعذابهاوحزنها . . تحملت وايد وعانت منه وايد . . تحملت امور كبيره كان يسويها مافي اي ريال يسويها . . استحقرته وكرهته لكن . . عقب كل كره انولد عششق كبير . .عشقت كل شي فيه وعشق كل شي فيها . . نست حبها الاول بالمره ونسى حبه الاول ! رسمو للحب طعم ثاني . . كل عاشقين اول زواجهم شهر عسل اما هالاثنين شهر عسلهم يزيد فالاخر اكثر واكثر . . انكتبت لهم سعادة واستقرار وراحه . . يمكن على كل المعاناة الي عاشوها هالاثنين الله عوضهم بهالسعاده الفظيعه . . هدى . . ثمرة حبهم . . كانت سبب كبير فـ عشقهم لبعض اكثثثر واكثر . . سيف من حبه لبنته ما يبا مهره تحمل ! يبا يعطي هالبنت كل الحبب بس ما يبا يعطي حد غيرها وخاصه ان هدايه كل ما تكبر اكثر تشبه مهره !! وملامحها تشبه مهره اكثر واكثر .! سيف كل ما ياه ويعوض مهره عن كل دمعه ذرفتها وعن ضرب ضربها . . كل ما ياه وقلبه يصير حنوون عليها اكثر واكثثثر . . صار يشوفها الام والزوجه والصديقه . . ما صار عنده حد غيييرها . . كانت له البيت الي تحتويه طول الوقت . . وهالشي الي خلاه يجن جنونه فيها . . دايما قلبها وحظنها مفتوح له . . ومثل ما يعطيها تعطيه ومثل ما يغرقها حنان تغرقه حنان ودلال . . رسمو للحب طعم ثاني . . طعم حلو ونادر . .رسمو للحب بسمة امل . . !

.

النهـــــــــــــاية
.
.
.

كانت معكم ضحية حبيبي . . نظرتي للدنيا رسمتها في الشخصيات الخيالية الموجوده في الرواية . . هذي نظرتي من كل الزوايا وصلتها لكم من نسج خيالي . . اتمنى ان الروايه كانت خفيفه حيل عليكم . . واتمنى انكم تذكرونها بكل طيب . . اعذروني على كل تقصير واعذروني على الاطاله لكن ماقدرت انهيها بسهوله . . حبيت اتعمق بكل شخصية واعيشكم الشي الي ابا اوصله للجميع بكتاباتي . .

.

اغلبكم توقع نهاية حزينه ! وكان المفروض يكون في شي حزين لكن انا اؤمن بالنهايات السعيده ف حبيت اعطيكم هالانطباع والتفائل . . . لا بد في يوم من الايام كل النهايات تكون سعيدة بإذن الله . .

هالروايه ما بنساها طول عمري وبتم وسام على راسي لاني حصلت فيها لقب
" كاتبة الامارات الاولى " من جميع جمهوري وقرآئي وهالشي بحد ذاته فخرررر لي . . يمكن اكون بديت الكتابه بعمر صغير وبعدني صغيره على هاللقب لكني افتخر فيه حييل . . ماعرف شقولكم اكثر . . اذكروني بخير . . من بعد روايتي الاولى قلتلكم انه لي عوده ! لكن من عقب هالروايه ماعتقد ارجع للكتابة افكر اعتزلها . .

دايما الكتابه توصل مشاعري واحساسيسي ونظرتي للعالم !! فـ ما يندرى يمكن يييني إلهام وارجع اكتب . .

اتمنو لي الخير وادعولي . . وبكون متواجده دائما وفي اي وقت . . حتى لو اعتزلت الكتابه ما راح اقطع جمهوري وقرائي . . ف لو احتجتو تكلموني تعرفون وين تحصلوني . . بكون دائما متواجده ف المكان الي عرض فيه مواهبي بجداره . .

كلمة اخيرة : شكر خآآآص حيل لكل شخص وقف معآي وشجعني . . اعتز بكل الاشخاص هذيل وربي . .
الله بجبر بخآطركم دووم مثل ماكنتو تجبرون بخآطري . . ولولا تشجيعكم ما حصلت الروآيه هالشهره وهالاطلاع الكبيير . .
على راسي كل شخص خط تعليق حتى لو بحرف واحد رفع فيه معنوياتي . . = )

السموحه منكم . .

ضحيهـّ . . ّ

__DEFINE_LIKE_SHARE__

«ضَحِيًة حِبُيًبُيً ..}● · 04-19-2012, 04:44 PM

كانت معكم ضحية حبيبي . . نظرتي للدنيا رسمتها في الشخصيات الخيالية الموجوده في الرواية . . هذي نظرتي من كل الزوايا وصلتها لكم من نسج خيالي . . اتمنى ان الروايه كانت خفيفه حيل عليكم . . واتمنى انكم تذكرونها بكل طيب . . اعذروني على كل تقصير واعذروني على الاطاله لكن ماقدرت انهيها بسهوله . . حبيت اتعمق بكل شخصية واعيشكم الشي الي ابا اوصله للجميع بكتاباتي . .

اغلبكم توقع نهاية حزينه ! وكان المفروض يكون في شي حزين لكن انا اؤمن بالنهايات السعيده ف حبيت اعطيكم هالانطباع والتفائل . . . لا بد في يوم من الايام كل النهايات تكون سعيدة بإذن الله . .

هالروايه ما بنساها طول عمري وبتم وسام على راسي لاني حصلت فيها لقب
" كاتبة الامارات الاولى " من جميع جمهوري وقرآئي وهالشي بحد ذاته فخرررر لي . . يمكن اكون بديت الكتابه بعمر صغير وبعدني صغيره على هاللقب لكني افتخر فيه حييل . . ماعرف شقولكم اكثر . . اذكروني بخير . . من بعد روايتي الاولى قلتلكم انه لي عوده ! لكن من عقب هالروايه ماعتقد ارجع للكتابة افكر اعتزلها . .

دايما الكتابه توصل مشاعري واحساسيسي ونظرتي للعالم !! فـ ما يندرى يمكن يييني إلهام وارجع اكتب . .

اتمنو لي الخير وادعولي . . وبكون متواجده دائما وفي اي وقت . . حتى لو اعتزلت الكتابه ما راح اقطع جمهوري وقرائي . . ف لو احتجتو تكلموني تعرفون وين تحصلوني . . بكون دائما متواجده ف المكان الي عرض فيه مواهبي بجداره . .

كلمة اخيرة : شكر خآآآص حيل لكل شخص وقف معآي وشجعني . . اعتز بكل الاشخاص هذيل وربي . .
الله بجبر بخآطركم دووم مثل ماكنتو تجبرون بخآطري . . ولولا تشجيعكم ما حصلت الروآيه هالشهره وهالاطلاع الكبيير . .
على راسي كل شخص خط تعليق حتى لو بحرف واحد رفع فيه معنوياتي . . = )

السموحه منكم . .

ضحيهـّ . . ّ

__DEFINE_LIKE_SHARE__

«ضَحِيًة حِبُيًبُيً ..}● · 04-19-2012, 04:45 PM

ان شاء الله لي عوده بآجر بنزل لكم الروآيه كامله على عده روابط في ملف الـ word

تصبحون على خير . . .

__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وطت رجلي على دربه ولآأ أدري وش نوى فيني ~	ḎmỒ3 Ảl-Я7eL..	تصاميم الاعضاء	7	04-14-2012 07:32 PM
عندمآ نقۈل لآ آله آلآ آلله مآذآ يرد آلله علينآ }	فراشة الشارجة	الإسلام والشريعة	19	02-27-2012 07:31 PM
لك آلله يآ ردى حظٍ زرع فيني .. [ ثلآث قبور! ]..p!cs +bg	همس العشق	المسنجر وملحقاته , توبيكات , ماسنجر بلس , msn	7	02-13-2011 06:09 PM
عليًڪٍ الْبالَ مشًغًلنٍيْ ..	آلـῳـولعيه	عدسة الاعضاء , كاميرا الاعضاء	7	01-03-2011 07:45 PM
مـآت ورسـول آلله [ صلى آلله عليه وسلم ] رآضٍ عـنه ..	» βỊη άℓ đόόŁα «	الإسلام والشريعة	4	12-23-2008 05:19 AM