وطتّ رجليّ علىً دربه و لآآإ آإدريّ وشّ نؤوى فيني .! - الصفحة 893

«ضَحِيًة حِبُيًبُيً ..}● · #1 03-28-2012, 09:53 PM

.

البارت الـ 202

.

.

.

عنود : يا محمد خلاص ودررره في حاله خله راقد لين نوصل والله ماقدر اسكته . .

محمد : ولدي ولا ولدج ؟

عنود : ولددددددي

محمد : طاع ويهج وانتي تقولينها . . بابا حممممممودي . .

عنود بعصبيه : حموووووووود

محمد : هاااااااااااااااا . . .صخيييييييييييييت

صااح حمد . .

عنود : ارتحت الحين ارتحت . .

محمد يبتسم : وايد والله . . فديييييييتك حممد . . صح النوم حبييييبي . . هاتيه هاتيه

عنود : حمود ركز فالسواقه . .

محمد يرن تلفونه : الوو . .

ام محمد : مرحبا

محمد يبتسم : هلا بالزيييين . . هلا بهالصوووت الحسن

ام محمد : ايه ايه خذني بهالكلام

محمد : شششدعوووا يمممممه

ام محمد : بياع حجي . . قعدت انطر اتصالك مارجعت تكلمني

محمد : هييه . . نسيت فديتج . .

ام محمد : قلت لعنود تزهب جناطها

محمد يطالع عنود : قلتلها قالت مابا اسكن ويا عمتي . .

عنود تصارخ : جذااااااب عموه والله جذاب

ام محمد : ايه ايه ادري انك جذاب . . مو انا كلمتها وقالتلي انه ماعندها مانع . . ماتيووز . . صرت ابو عيب عليك الجذب

محمد : ههههههه ليش الواحد يوم يستوي ابو ما يجذب

ام محمد : الجذب حرام . . ان كنت ابو ولا مو ابو . .

ام محمد : الصراحه اقنعتيييني يممه

ام محمد تبتسم : يالله قول لي متى راح تجون . .

محمد : مزهبين اغراضنا وكل شي مزهبينه لا تحاتين . . بنروح بيت حرمه سيف الحين بنتغدا اهناك وبنتريا سيف ومهره لين يون من دبي . . بنسلم عليهم وبنشل القششار وبنيكم . .

ام محمد : خلاص بنطركم . .

محمد : شو بتسوين لي اكل

ام محمد : احنا اليوم انتقلنا البيت ومن الصبح قاعده ارتب فيه . .بعده مافيه اكل انطر شوي ماتفكر الا ف بطنك . .

محمد يطالع عنود :بل بل . . كلتني

عنود تبتسم : تستاهل . .

ام محمد : شلون الاوضاع بينكم

محمد تذكر تناهيد وتلاشت ابتسامته وسكت

ام محمد : الوو . .

محمد : معااج . .

ام محمد : ليش تغير صوتك

محمد : ..

ام محمد : خلاص خلاص لا تخلي عنود تحس ب شي . . راح نتكلم بعدين

محمد : ان شاء الله امايا

ام محمد : الله يحفظك ياوليدي . .

وبند عنها . .

من حسن حظه ان عنود ألتهت ب حمد ترقده وما لاحظت انه تغير . .

.

.

.

روضة : السلام عليكم

فهد : السسلام عليكم . .

الكل : عليكم السلام والرحمه . .

ام عبدالله : تعال جسسسوم خلني ابوسك . .

عذاري : ريموووه حبيبتي تعالي

ناصر : يالله حصيص بكلمج عقب بدت الحشره الحين

حصيص : اوكي . . مع السلامه . .

ناصر : ايييه

حصيص : ها

ناصر يبتسم : احبج . .

حصيص : هههههههه

ناصر : شو يضحك يالخبله

حصيص : ماشي . . يالله باي

ناصر يبتسم : باي . .

منصور : اوب العايله كلها وصلت . .

محمد وعنود يدخلون : السلام عليكم . .

بو عبدالله واقف عند الباب : وعليكم السلام ورحمه الله وبركآته . . هاتي الصغيرون هاتيه . .

وشل عن عنود حمد الصغير . .

محمد : شحالكم يا جماعه . .

الكل : بخيير الحمدلله

ام عبدالله تزاعق : عنود تعالي امايا اهني . .

عنود تبتسم : صبري امايا بفصخ عباتي وبييج . .

ام عبدالله : ودي عباتج حجرتج .. بطلت الباب اليوم ورتبت لج الغرفه

عنود : فديتج اميه ما تقصرين . .

وسلمت عليها عقب سارت تبدل عباتها وولبست لها شيله بيضا . .

عذاري تحظن وفوي : حبيبت عمووه شحالج . .

وفوي : ماحبشششش

عذاري : بل . . يعلج بريل . . شحقه ما تحبيني

وفوي : احب عممي ثثثثثلطان

عذاري : عمج سلطان ما يحبج لاني ماتحبيني

وفوي شوي وبتصيح : يحببببببببببببني

عذاري : مايحبج

وفوي تصيح : يحححححححححححححبني

فهد : يوزي عنها عذور حرام عليج . . تعالي وفوي اهني

وفوي تركض صوب فهد . .

عذاري : انا براويج يالدبه يالقزمه

وفوي من بعيد : هيييييييوانه

عذاري : هيوااانه ؟ انا هيوااانه يالهماااره

روضة : عذووور شو تعلمييييييييييينها انتي خليها خلاص

عذاري : ماتشوفينها ام لسان بدت تتعلم تسبني . .

ام عبدالله : محمد وينه حممد وو وينها سلامه ما يت ؟

محمد يطالع منصور : عمي عندهم فالبيت . .

ام عبدالله : عسى ماشر صاير شي ؟

محمد يطالع عنود وهي تمشي يايه . .

عنود : شقولج يا اميييه . .

منصور مركز على عنود . .

ام عبدالله : تكلمي شصاير

عنود : اليوم ابوي الصبح ياي وشال سلامه ووداها المحكمه

منصور يرمس: ليش

عنود : زوجها حق واحد مانعرف ارضه من سماه . .

منصور بانفعال : شووووووووووووووووووووووووووووووووووووووه

ناصر يمسك ايد منصور : منصور . . اهدا

منصور : وليش زوججججججها . .

ناصر : منصووور خلاص

بو عبدالله من بعيد بعصبيه : منصصصصصصصصصصصور !

منصور اطالع ابوه وابوه عطاه نظرة حمقية خلت منصور يبلع ريجه ويسكت ويقعد . .

الوضع تكهرب . . الكل سكت والكل يطالع منصور من تحت لين تحت . .

مهره تدخل : السلام عليكم . .

الكل : عليكم السلام والرحمه . .

سيف : السلام عليكم . .

الكل : الحمممدلله عالسلامه . . وعليكم السلام

وقامو يسلمون ويحظنون فيهم . .

ام عبدالله : تو ما نورت البلاد فيكم والله . .

سيف : منور فيج عمووه . . " ويبوس راسها "

ام عبدالله : امي مهره بلاج مصفرره . .

سيف : تونا يايين من العباده

عذاري ماسكه ايد مهاري بالقو : ليش شو فيج . . " تمسك بطنها "

سيف يطالع مهره : بتقولين ولا اقول

مهره تبتسم : فيني بنت . .

الكل باركلها ويصارخون ويهتفون . .

سيف يبتسم : كانت تعبانه وتحس بعوق في بطنها سرنا جيكنا والحمدلله ما طلع في شي بس البنت راقده ومتجلبه بطريقه عورتلها بطنها . .

ام عبدالله تدمع : فديتج يا اميه . . " تمسك بطن مهاري " . .

روضة تبتسم : في اي شهر انتي الحين مهور ؟

مهره تمسك بطنها : الخامس . . شوي وبدخل السادس

روضة : مع ان مول مافيج بطن ما يبين . .

ام عبدالله : احسن لها عشان عيون الناسس . .

محمد : عموه ما بتاكلينا . . بموت يوع

عنود : مفضحنا هالريال كله يوعان

محمد : شسوي . . مش متريق

عنود فاجه عينها : منو ماكل 4 سمونات بيض

محمد : ما يشبع . . ها جنه جبس . .

يضحكون عليه ماعدا منصور الي كان شارد من الدنيا . .

ام عبدالله : يالله بسير احط الغدا . . نشو بنات عاونوني ماعدا الحوامل يرتاحون

عذاري تحط ايدها ع خصرها : شقصدج امايا . . ماشي غيري ترى

عنود : هههههههههه انا بي بساعدج

ويروحون المطبخ . .

مهره تسير صوب منصور وتقعد حذاله : شدعوه ماشي سلام ماشي تبريكات ماشي ابتسامه . .

منصور يقوم من غير لا يسلم عليها : الحمدلله ع السلامه

وطلع . .

مهره تطالع ناصر :شو مستوي ..

ناصر : ماخبروج ؟

مهره : عن شو . .

ناصر : عن سلامه . .

مهره عاقده حياتها : شفيها سلامه . .

خبرها ناصر . .

مهره تطالع سيف . . : معقوله سيف ما يدري. .

تنش تروح صوبه . .

فهد : شو لندن

سيف : والله لندن الي يدخلها ما يبا يطلع منها يا ريال . . جوو وو " يشوف مهره من بعيد تاشرله عشان يي " لحظظه شويه . .

سار صوبها . . : شوفيج . . شي يعورج؟

مهره : تعرف عن الي صار في سلامه

سيف يتنهد : اعرف

مهره : وليش ماخبرتني

سيف : مش بالشي المهم

مهره : كيف مش شي مهم . .

سيف : خلها تولي . . زين منها حصلت حد يرضا فيها . .

مهره تطالعه : ليش تبيع اختك جيه

سيف : انا ما بيعها . . ابوي ولي عنها وهو الي اختار .. واتصل بي شاورني قلت ونعم الشور . .خلها تسير اهناك تهتم ف حرمه عيوز وتنظف لهم البيت وتطبخ لهم . . الريال بيستر عليها شو تبا بعد . . انا مش مرتاح اصلا اتم فالبيت بدون رقيب

مهره : حرام عليكم سيف الي تسوونه فيها . .

سيف عاقد حياته : محد سوالها شي .. ها كله من يورها خل تتحمل . .الي سوته مش شوي

مهره : ترااااها تحملت بما فيه الكفايه بس كافي

سيف يقاطعها : حبيبي مابا ارمس فالموضوع . .

ام عبدالله تزاعق : يالله تعالو قربو . .

سيف : يالله خلينا نروح ناكل

مهره بضيج : مابا اكل

سيف يطالعها : انتي شو فيج الحين شو تبين فيها . .

مهره تطالعه عين بعين : مافيك قلب مافيك رحمه

سيف : الي سوته في اممممج وفيج وف منصور ما انساه ولا بنساه في حياتي . .انا للحين مش قادر اطالع ف عين امج ولا ف عين منصور شرات قبل .. سودت ويهي وفشلتني وقللت من قيمتي . . احرجتني جدام اهللللللللج . . ما بتعرفين شعوري ابدا . .

مهره تمسك ايده : بس حبيبي خلاص . . الي صار صار . .

سيف يبوس يبهتها : عشان خاطري . . سكري الموضوع .. ع الاقل الحين

مهره تتنهد

سيف : قلتلج ع الاقل الحين . . وخلينا ناكل . . لا تخلينها تعكر مزاجنا واحنا تونا فرحاننين .

ومشت مهره معاه عشان يتغدون . .

.

.

.

__DEFINE_LIKE_SHARE__

«ضَحِيًة حِبُيًبُيً ..}● · 03-28-2012, 09:54 PM

.

.

.

.

البارت الـ 203

شوق : الو

حمد : الو . .

شوق : مرحبا

حمد : مرحبتين

شوق : . .

حمد : شحالج

شوق : بخير

حمد : شو الاخبار

شوق : الحمدلله

حمد : ممم . .

شوق : ليكون كلمتك مهره علشان جيه دقيت لي

حمد : كلمتني ؟ بخصوص ؟

شوق : ليش ما شفتها اليوم

حمد : لا ماشفتها . . انا قاعد انطر اختي فالصالون تخلص . .

شوق : ممم . . ايوا

حمد : شصاير

شوق : ماشي سلامتك . . غريب اتصالك ؟ مع انه مهره حواليكم

حمد : ما شفتها . . تراني اقولج يالس اتريا اختي فالصالون " يبتسم باستهزاء " زوجها ابوي غصب . . والحين عشان ع الاقل تكون عروس حقيقيه يبتها الصالون وعقب بردها البيت وريلها بيشلها وبروح صوب قوم مهره . .

شوق : حررام .. اكيد سلامه

حمد : هيه

شوق : الله يعينها

حمد : حاولت . . " يدق ايده بالقو ع السكان " حاولت امنع هالزواج بس ما قدرت . . اخخ لو سيف بس رفض زواجهم جان ابوي اقتنع لكن سيف أيد الزواج

شوق تبتسم : انت وايد طيب . .

حمد : انا ما رضى على خواتي . .لو شو ما صار . . ماباهم يعانون . .

شوق .: الله يكون بعونها وان شاء الله يكون ريال زين يسعدها

حمد :وان ما سعدها انا بكون اول من يخلصها منه . . ياكل تبن يفكر يأذيها وانا موجود

شوق : ما ينخاف على خواتك دامك وراهم . .

حمد : انتي طمنيني عنج

شوق : ممم الحمدلله . .

حمد : شو الشي الي كانت بتخبرني اياه مهره ؟

شوق : ممم . . اني بتزوج

حمد انصدم : بتتزوجين

شوق : هيه

حمد : بتتزوجين منو ؟

شوق : مراجع تقدم لي . .

حمد : وبتوافقين جذيه بدون ما تسالين عنه

شوق : من وين اسال عنه . . انا شفته وارتحت له

حمد :الشوف مش كل شي . لازم تسالين عنه

شوق : ماعندي حد يسال عنه

حمد : شسمه . . عطيني اسمه بالكامل وانا بسال عنه من اليوم

شوق : وليش تهتم . .

حمد : . .

شوق : ..

حمد : كيف ما اهتم وانتي كنتي صديقه واخت وقفت وياي وماشفت منها الا كل خير . .لازم بهتم . .

شوق : ..

حمد : انا اتمنالج السعاده من قلبي والله . . واتمنى الي خطبج يكون ريال زين ويسعدج وتتهنين في حياتج

شوق : . .

حمد : . .

شوق : عقبالك . .

حمد : لا . . انا ماراح اتزوج ابدا . . وعدت وعدته للوالده ما بخلفه . .

شوق : لازم تشوف حياتك ومستقبلك

حمد : لاتحاولين معاي شوق . .امي رحمه الله عليها ماقدرت علي . . محد راح يقدر . . انا هالشي مسكرنه من زمان . .

شوق : الله يختارلك الاحسن ان شاء الله

حمد : ان شاء الله . .

شوق : ممم عيل خلاص عيل بخليك الحين . . وشكرا ع اتصالك

حمد : ما قلتلي اسم ريلج بالكامل ؟

شوق : يوسف محمد عبدالله الـ ******

حمد : برجع اتصل فيج بعد ما اسال عنه عدل . .

شوق تبتسم : ماتقصر ..

حمد :لا تردين ع الريال خبر لين اتصل فيج . . ولا تنسين اتصلين استخاره

شوق : ان شاءا لله

حمد : محتايه شي

شوق :سلامتك . .

حمد : اترخص . .

شوق :الرب حافظ

حمد : فمان الله . .

شوق: فمان الكريم . .

ركبت سلامه السياره وكانت متغشيه . .

حمد يطالعها : خلصتي. .

سلامه : هيه . .

حمد : اذا ما تبيني اردج البيت قولي ما بردج . .

سلامه : لا ودني البيت اكيد يترياني . .

حمد : سامحيني لاني ماقدرت اسويلج شي

سلامه تصد صوب الجامه وخنقتها العبره : انا استاهل كل الي قاعد يصيرلي . .انت مالك ذنب في شي اخوي . .

اتنهد حمد بضيج . . ووصلها البيت . . والسكوت عام المكان . .

اول ما وصلو كانت سياره سالم ريلها تترياها . .

نزل حمد ونزلت سلامه . .

حمد يسلم ع سالم بالايد . .

سالم يبتسم : ها العروس جاهزه . .,

حمد يطالع سالم بنظره جديه : هيه جاهزه . . ماوصيك عليها تراها الغاليه . . مابا اسمع شي يضايق

سالم : افا عليك . . . لا توصي حريصص . . " يطالع سلامه المتغشيه " تبين تشلين شي غير الشنطه الي يابتها الخدامه السياره ؟

سلامه : لا

حمد يحظن سلامه وتنزل دمعته : لو احتجتي شي دقيلي . .

سلامه ماتتكلم . .

حمد : اي شي تبينه دقيلي . . واي وقت . .

سلامه : ان شاء الله . .

سالم : يالله عيل نترخص . .

حمد : مرخوص .. الله يحفظكم . .

ركبت سلامه السياره وحرك سالم . . .

سالم يصد صوبها : شلي الغشوه . .

اما سلامه مطنشتنه وصاده صوب الجامه . .

سالم : اكلمج . .

سلامه تصدله . .

فصخ سالم عنها الغشوه وهو يبتسم : بسم الله ماشاء الله على هالجمال ..

مسك ذقنها . . : ماعنده سالفه وغبي الي طلقج . . حد يودر هالجمال

سلامه : لا تطري طليقي ابدا . .

سالم يطالعها شوي وشوي يطالع الشارع : ليش . . ؟ بعدج تحبينه

سلامه : لا تطريه وخلاص

سالم : انزين انزين اعصابج عن تنطرين علينا . . " يبتسم " كل هالجمال وعصبيه ؟ ما يركب . .

صدت سلامه الصوب الثاني . . وعقبها بدقايق . .

سالم : انزلي . .

سلامه بخوف : وين

سالم : ههههههه شو بعد وين ؟ " يبتسم بخبث " ها يومنا ولا نسيتي . .

غمضت عينها سلامه وهي تحس روحها مخنوقة ومكسورة . . مافي شي يداويها .. صعدو فوق وشل شنطتها . . وصلو الغرفه وعلى طول راحت سلامه الحمام و شغلت الماي وتمت تصييييح . .

قعد سالم يتريا ويتريا ويتريا لين مل وتم يدق عليها الباب . .

سالم : انتي شو تسوين

سلامه تصارخ : لا تكلممممممممني

سالم عاقد حياته : نعمممممممم؟ بطلي البااااااب

سلامه : ماببطل الباب ..

سالم : بطلي لا اكسره فوق راسج الحين

سلامه ما فجت له

وتم سالم يدق الباب بشراسه وبقوة لين خافت سلامه وبطلت الباب

سالم : انتي ايه شو فيج . . تتحريني متزوجنج ببلاش .. دافعلج مهرر مش عشان تقوليلي لا تكلمني . .

مسك ايدها بقوة : انتي مغصوبه علي مش مغصوبه هاي مشكلتج . . انا صح خريج سجون ومحد رضا فيني غيييرج لكن مش معناته انج تعامليني بهالطريقه . . انتي حي الله وحده مطلقه مكبره راسج علي ليش . .

سلامه انصدمت " خريج سجون " !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!

سالم مسسكها بقوة : تعالي اهني

سلامه : لا تلممممسني . . " تصارخ " لاتلمسسسني

سالم يطالعها بعين ششر . . ووؤؤؤ

cut

.

.

.

منصور : مهرررررررره . . مهررررررررره

عذاري يت صوبه : مهره محد . .

منصور : وين راحت . .

عذاري : تغدو شوي وعقب حمد اتصل ف سيف وقاله تعال ضروري البيت وراحت معاه مهره

منصور طلع . .

عذاري تصارخ : تعال وين رايح . .

.

.

.

حمد يصارخ : استانست ؟؟؟؟؟ استااانسسسسسسسست يوم بعت اختتتتتتتتتتي لواحد خايس مثثثثثثثله . .

سيف يصارخ : حتى اختتتتتتتتتك خايسسسسسسه في شو هو احسسسسن عنها ؟ كااان ماضيه ززززززززفت واسود وراعي بنات ؟؟ حتى اختك نفسس الشي

حمد عطاه بكسس طاح سيف ع الارض . .

مهره : حممممممممممممممد كاااااافي . .

حمد يطالع مهره . .

راحت مهره صوب سيف الي طايح ع الارض ..

مهره : خلاص دخيلك . . اسكت عنه هو معصب خله يطلع الي فيه قبل لا ينفجر اكثر ..

سيف يقوم بعصبيه : على شو معصصب انت على شو . . لو في شي تعصب عليه عصب على الحال الرددددددددددددددددددي الي حطتنا فيه . . شمتت فينا ناسسس وخربت سمعتتتتتتتتتنا . . ياي ادافع عنها على اي اساسس

حمد يصارخ : على اساس انها اختي يا حيوااااااااااااااان " يضربه بكس ثاني "

سيف : اختتتتتتتتتتتتتتتتتتتتتتتتتك هي السبب الي ذبحت فيه اممممممممممممممممممميه . .

حمد سكت وتيبس مكانه . .

سيف : خسسسسسسسرت امممممممي وهي السبب . . هي ذبحت امي قهههههههههههر . . حولت ابوي لواحد حتى هو ما يعررررررررررررررررررفه . .

حمد تنزل دموعه : بس مش معناته انه نبيعها بهالطريقه . .

سيف : تسسسسسسستاهل . . خلهاااااااااا تذوق المرررررر . .خلها تنننننننننننذل . . خله يعاملها باززززززززززززفت الطرررررررررررررق . . خلها تذوق العذااااااااب مثل ما ذوقتنا . . خل تحسسس ان الي سوته مش هييين " يصارخ " اختك ترقد ويا رياييييييييييييييييييل . . اختك باعت شششششششششرفهااا وهي متزووووووجه لواحد ما يحط عينه ف عين اي بننننننننننننننننننننننننننننننننننننننننننت

ركضت مهره وصعدت فوق و على طول صوب التلفون واتصلت في عنود

عنود : الوو . .

مهره تصيح : عنود الحقيني . . مش قادره اتصرف ويا اخوانج تعالي بسرعه ..

عنود : شو مستوي مهور اتكلمي

مهره : دخيلج خلي محمد ييييبج وتعالو بسرعه البيت

عنود : يالله باي الحين بني . .

ردت مهره الصاله تحت وشافتهم قاعدين ع الغنفة ومجابلين بعض ويصيييحون . .

حمد : بعت اختي . . بعتتتتتتها . .

بو خالد يمسح دمعته . .

حمد : على شو تصيح وانت بعتها لواحد عمره ما راح يسعدها . .

قام بو خالد وطلع من البيت . . لكنه رجع مجرد ما شاف منصور واستغربت مهره من وجوده . .

منصور يمسك جتف حمد : وييييييييييين سلامه . .

حمد مصدوم وسيف مصدوم اكثر . .

منصور يصارخ : وين وديييتوها

مهره تنزل : منصصصور

منصور ماسك كندوره حمد : تكككككككككككككلم

بو خالد : منصور . سلامه عمرها ما استاهلت واحد مثلك . . وانا عطيتها لواحد يربيها من اول ويديد

منصور عاقد حياته : شوووو . . عطيتها لواحد يربيها . . . " يصارخ " وانتتتتتتت . . انت شو خاااااااااااانتك . . مش ابوها ؟؟؟ "يشوف سيف " وانت مش اخووووووووووها " يشوف حمد " وانتووو شو . . طراطيييييير اهني ما ترومون تربوونها وتشجعونها تتغيير . . فريتوها على واحد ***** راعي سجوووووووووووووووووووووووووووووووووون . . سالت عنه وطلع واحد خخخخخخخخخخخخخخخخخخخخخخخخخخخررررررررررا . . " يصارخ بجنون " كيف تسلمونها لواحد مثل هذا كيييييييييييييييييييييييييييف

بو خالد يصارخ : هذا الي يستاهلها . . واحد نفس طييينتتتتتتتتتتتها

منصور مصعووق : لييش فريتوها بهالطريقه ليش ..

سيف : شو تبا فيها منصصصصصور . . انسااااااها . . خلها تلتعننننننننن

منصور : تللللللللللتعن ؟؟؟ " يصارخ " ياحقيييييير انت تعرف ان اخوووووووك خاالد كان يعرف سوالفها وعمممممممممممممممممره ما اتكلم . . تعرف ان اخووووووووووووووك العوود كان السبب ورا الي هي عاشته . . عودها على الغلللللللللللط وكببببببرت فيه تعرف ولا لاءءءءءءء

بو خالد بصدمه : انت شو تقول

حمد باستغراب : منصور شو هالكلام

سيف : انت عن شو تتكلم . .

منصور : خااااااااااالد كان يقبض بيزاااااااااااااات من ورى ششششرف سلامه . . الحين ياييين تلومووووووووونها ؟ الغلللللللللط منها ألف مييييييييييه لكن ما تعرفون منو اساس هالغلط ؟؟ ماتعرفون ان هاااك الحيييييووووو" سكت " الله يرحمه ما بسسسسسسسسسسبه . . هو السببب الاول في الي هي وصلت فيه . . خالد وحرمته هم السبب الاول . . هم الي دخلوها هالمجال وكسبو من وراها .. هم الي علموها الغلط وعلموها كيف تتعود عليه وماتقدر تودره . . اقل شي مثل ما بدا اخوكم الغلط ومشت فيه اختكم . . كنتو تقدرون تغيرونه وتساعدونه لكن اختفففففووووووووووو . . بعتوها . . " تنزل دموعه " بعتوها . .

.

.

.

__DEFINE_LIKE_SHARE__

«ضَحِيًة حِبُيًبُيً ..}● · 03-28-2012, 09:54 PM

.

.

.

.

البارت الـ 204

مر اسبووع .. اسبوع الكل عانى فيه من وايد امور . . منصور كان يضارب فيها كل الي يشوفهم ما رحم حد وبعدها نفسيته تعبانه وايد وخاصه انه ما يعرف ولا شي عن سلامه !! مع ان يخلي امه تدقلها بس ابد ما ترد عليها ولا تكلمها . .

فهد عانى من اليهال الثلاث الي على راسه لان روضة وايد تدوخ ووايد تتعب في بدايه حملها مما خلا ام عبدالله تتكفل فيهم هم الثلاث وشلتهم عن فهد لين ترتاح روضة وتقدر تاخذ بالها عليهم وطبعا اليهال كانو واقفين لها بالمرصاد مارضو الا يوم شافو ابوهم راد من السفر وقرر يتم معاهم . . صح فالبدايه عارض واستحى فهد ان يخلي بنته تروح عندهم عذاري مول ماعطته ويه وقالتله انه بنته صارت وحده منهم وفيهم وملزومين فيها ف ارتاح وطرشهم كلهم . .

مهره ماشافت سيف من عقب سالفته مع منصور . . لانه رجع دبي عقبها ماقدر يشوف حد . . كان يكلمها فالفون بس وويكلمها شوي بعد لانه انشغل فالدوام حييل ويعوض عن الايام الي غطو فيهم ربعه عنه . . كانت اتم اكثر الايام فالبيت مع حمد وابوه لانه تعرف ان البيت كئيب عليهم وماقدرت تطلع . . كانت تحاول تلطف الجو قد ماتقدر وتقعد معاهم وتعطيهم من الكلام الي يريحهم شوي . . مما خلا بو خالد ترد نفسيته تتحسن شوي ويرجع يبتسم وما يقعد فالصاله ابدا الا اذا كانت مهره موجوده . . ومجرد ما تروح بيت اهلها تسلم عليهم وتقرر انها تقعد معاهم يتضايق ويتصل فيها ويقولها تقعد لين فليل بس وهو بيمر يشلها . .

حمد كانت نفسيته جدا تعبانه على حال اخته وعلى تانيب الضمير الي فيه لانه ما قدر يوقف الدمار الي صار باخته ، لكن مهره كانت تحاول قد ما تقدر تساعدهم ينسون وتعطيهم الامل ان كل شي بيصير زين وكل شي بيتحسن . .

سلطان وعذاري من عقب سالفه السفر كلمو بعض مره وحده واتفقو اتفاق صادق انهم ما يكلمون بعض لين العرس وكانو قد الاتفاق واخيرا . .

اما حصيص وناصر مثل ماهم . . ناصر مول ما سمح لحصيص تمشي فكرة انها ما تكلمه اسبوع ولا سوالفها سالفه حتى كان يشوفها كل ما يدق فراسه . .

سيف تكلف بـ ليلة سلطان وعذاري وناصر وحصيص . . وعطاهم هديه . . حجزلهم حق اول ليلتين لهم ف برج خليفة . . حصيص وناصر بيقضون يوم واليوم الثاني بيسافرون فيه . . اما عذاري وسلطان بيتمون فيه ليلتين . .

محمد و عنود وحمد الصغير انتقلو لـ لبيت بو محمد وام محمد وعاشو معاهم . . كانو وايد مستانسين لان الكل كان يحبهم ويباهم يوون خاصه من ربشه محمد الكل كان يزقره . . كان يجبر بخاطر الكل . . يومين يرقد في بيت ام عبدالله الي جد صارت متعلقه ف حمد الصغير وايد وماتقدر تخلي يومين يمرون بدون لا تشوفه . . وكانت تغري محمد بالاكل الغاوي عشان يمرها . . ويوم يروحون عند حمد الي تم وحيد ف بيته هو وابوه . . ف كانو يقسمون الايام بالتنقل والشي كان عايبنهم ويحسسهم بالتنوع ف مول ما كانو يضاربون وحياتهم ماشيه حلوه . .خاصه ان ام محمد واقفه مع محمد وقفه كبيره عشان تشجعه ينسى تناهيد

بعد يومين من مكالمه شوق وحمد . . اتصل فيها حمد وخبرها ان سال عن الريال والكل يمدح فيه ووايد استانست ان حمد مانساها وتعنالها وسال عنها . . اتخذت خطوه كبيره وقررت تمشي في حياتها وماتخلي قلبها يتحكم ف مستقبلها ويخليها تتريا حمد للابد . . ف ردت على اخت يوسف بالموافقه . .وخطبها يوسف من ابوها الي ابد ما عارض . . وحددو ان الملجه تكون فالمحكمه بس والعرس يكون عقب 3 شهور . . وبما ان مهره هددتها وقالتلها احتمال ما تي لان بيكبر بطنها وسيف ما بيخليها تروح بهالحاله . . تواصلت مع اخت يوسف عشان خاطر مهره وخلت العرس عقب شهرين عشان ما يكون لمهره عذر وتقوم فيها بالعرس . .

بـ يوم الجمعه بالتحديد

اليوم هو اليوم الموعود . . يوم راح يجمع فيه قلبين حبو بعض بالحيييل . . الاهل كانو جدا شويه . . مجرد الاقارب المقربييين ّ . . طبعا مشا العرس حسب ما بغت ام عبدالله بدون عرس احترام لـ ربيعتها المتوفية ام خالد . .

حصيص : عذور يالله روحي الغرفه الثانية سلطان يترياج

عذاري : انتي شدراج

حصيص : ناصر توا اتصلبي قالي . . يالله عشان تتصورون . .

عذاري : ناصر وينه

حصيص : الحين بييني اهني . .

عذاري : كل شي فيني اوكي ؟

حصيص : هيه كل شي اوكي . .

ابتسمت عذاري واول ما يت تطلع يت مهره فويهها ومبتسمة : اختي حبيبتي .

عذاري تحظن مهره : مهوووور

مهره : ههههههههه ليكون خايفه . .

عذاري : وايد خايفه . .

مهره : من شو تخافين . . مش هذا سلييطيين حبيب القلب . ؟

عذاري : بموت ماقدر احس خلاص ماباا اعرس

مهره فاجه عينها : شو هالكلام بعد . . يالله امشي معاي خل اوديج . .

عذاري : لالا مابي اروووح

مهره : عذور يالله المصوره تتريا . .

عذاري تمشي معاها على البطيئ : شرايج فيني

مهره تبتسم : تخبلين . .

كان فستان عذاري مرسوم عالجسم وخفيف وايد . . مش منفوش . . كان ستايل اوروبي بح . . وحصيص نفسها تقريبا . .

مهره : يالله دشي .. ماقدر ادش وانا مش متغطية . .

عذاري تبلع ريجها : دعواتج

مهره تبتسم : ربي يوفقج . .

دشت عذاري . . كان سلطان يلعب ب فونه واول ما شافها قام . . كان يطالعها من فوق لين تحت وهي تمشي يايه صوبه . . كل مره يشوفها بالستايل العادي او الوايد دفش . . وايد حب ستايلها الخفيف مع الفستان الاوروبي والمكياج الهادي . . عينها كانت مرسومه بالجحال تحت العين وممدود وفوق عينها مكياج بالابيض والوردي الفاتح . . تخبل عليها . . حاول ما يبين لكن عيونه فضحته

عذاري تبتسم : ليش تطالعني جي

مسكها من ايدها وحب راسها : مبرووك . .

عذاري : الله يبارك في حياتك

عذاري حست من ايده انه وايد يرجف . . اكثر عنها ف ما عرفت شو تقول . .

سلطان يطالعها ومبتسم : وحشتيني .. وحشني صوتج وحشتني شوفتج

عذاري ابتسمت ونزلت راسها . .

سلطان ابتسم اكثر : شو هالجمممال . . الحين صدق عروس

عذاري تطالعه . . كان لابس كندوره بيج ومتغتر بغتره بيضا مع العقال . . ما تذكر انها شافته بالعقال . . ومع البشت شكله وايد غييير . .

سلطان مبتسم ويقبض ايدها بقوة : الله يقدرني واخليج سعيده طول العمر . .

عذاري بلعت ريجها ونزلت راسها وخنقتها العبره . .

سلطان : شفيج . .

عذاري : ماعرف

سلطان : قوليلي شو الي تحسين فيه

عذاري : احس الارض مش شايلتني . . " تطالع عيونه "انت انت . .الي حلمت فيه . . صرت لي " تبتسم " صرت حلالي . .

سلطان مبتسم : الحمدلله . . .

عذاري : الحمدلله ..

سلطان يحط صبعه ع طرف عينها : يالله عاد لا تصيحين وتخربين روحج . . ورانا تصوير

ومسك ايديها الهنتين ووقوفها . . واستعدو للتصوير وبدت المصوره شغلها وتقولهم الحركات الي يسوونها . .

كانت مهره واقفه عند طرف الباب وتسمعهم . . حبت تتاكد ان اختها بخير . . وارتاحت ومرت في بالها ذكريات . !!!

>

<

عذاري : مهور لا تصيحين حبيبتي . .

مهره تطالعها وتنزل دموعها : ليش يزوجوني غصب بمجرد ان امي ربيعت امه . . حرام عليهم والله حرام

عذاري : صدقيني سيف بيسعدج وبيكون لج الريال الي تتمنينه

مهره تصيح وتسكر عينها بقوة : انتي ماتعرفين ششششي . . ماتعرفين شي . . خليني بروووحي . .

عذاري : بزقر عنود وبرجع

طلعت عذاري وسكرت مهره الباب بقوة وتمت تصيح . . تشوف روحهها فالجامه بعذااب . . دشت عليها عنود . .

عنود : مهور شوه فيج ليش تصيحين . .

مهره تمسح دموعها : عطيني تلفونج شوي

عنود : ليش بتتصلين حق منو

مهره : عطيني . .

عنود : تلفونج وين

مهره : مادري وين فريته . . عطيني

طلعت عنود تلفونها وعطتها : اندوج

مهره : خليني شوي . .

طلعت عنود ودورت مهره الرقم واتصلت فيه . .

حمد :الوو . .

مهره تصيح . .

حمد : الووو . . عنود شفيج . .

مهره : . ..

حمد بدا يميز طريقه الصياح . . مش عنود . .

مهره تصيح بصوت يقطع القلب . .

حمد : مهوور ؟

مهره تمسح دموعها : انت بخير ؟

حمد : انا بخير . .ليش تصيحين خوفتيييني .

مهره : انت ماتعرف شقاعد يصير

حمد : شقاعد يصير . .؟

مهره ابتسمت لانه عرفت انه ماخبروه منو بتكون زوجه اخوه . .وماحبت تنطق عشان ما يقطع الدراسه ويرجع . .

مهره : سلامتك . .

حمد : ليش تصيحين انزين خبريني ..

مهره : ماعرف بس جي حسيت اني ابا اصيح . . واتصلت فيك

حمد : محتايه شي ؟ تبين شي حبيبي ؟

مهره تغمض عينها وترص عليها بقوة : تحمل ع روحك وايد حمد . .

حمد يبلع ريجه بغصه : ليش هالنبره ..

مهره : دخيلك تحمل ع روحك وايد . . وكون بخيير

حمد : لا تحطميني بهالكلام . . انا بكون بخييير معاااج انتي بس . . هاااانت . . ما بقى شي وبرجع . . احين فتره امتحااناتي .. بخلص وبييج وانا ارككككض . . ما بتريا يوم واحد وبخطبج . . قولي ان شاء الله بس

مهره ابتسمت بحسره : انا لازم اسكر الحين . .

حمد : مش مرتاح . .

مهره : لا ارتاح . . مافي شي انا بس كنت متضايقه وووو

حمد ابتسم : حنيتي لي صح

مهره تبتسم بعذاب : صح . .

حمد : ان شاء الله دوم تحنين لي اكثر واكثر . . عشان ع الاقل اسمع صوتج

يندق الباب . .

مهره : لازم اسكر الحين . . عنود ع الباب

حمد : لحظة . .

مهره : . .

حمد : احبج . . وبتم احبج انتي بس . . طول العمر . . كوني مطمنه

مهره تبتسم وقلبها مجروح : حممد . .

حمد : عيووونه وقلبه وروحه . .

مهره : ادعيلي . .

حمد : دوووم ادعيلج والله من غير لا تقولين

مهره : ادعيلي اكثر . .

حمد : الله يريحج حبيبي من كل هم .. والله يسعدج ياارب وين ماكنتي . .

بندت التفلون بسرعه قبل لا تخنقها العبره اكثر ومسحت الاتصال من السجل ومسحت دموعها . .

عنود تدخل : انتي بخير الحين ؟؟

مهره : هيه " تعطيها فونها "

عنود : يالله سيف يترياج . .

مهره تطالع عنود ..

عنود : انا اسفه لاني مادري بتنغصبين . . واحس بتانيب الضمير لاني انا السبب رشحتج لـ سيف

مهره تمسك ايد عنود وتنزل دموعها وفخاطرها تقول " ليتني صارحتج بحبي الحقيقي " . .

عنود : صدقيني سيف وايد زين . . وبيخليج تكملين دراسه وتشتغلين وكل الي تبين تسوينه ما بيمنعج عنننه . .

مهره تتنهد تنهيده كبيرة ولبست شيلتها وعباتها . . وتنزل مع عنود ويروحون الميلس . .

مهره : دخلي معاي . .

عنود : انتي ادخلي قبلي وانا بزقر امج وبرجع . .

وقفت مهره عند باب الميلس ماقدرت تدخل خاصه من سمعه مكالمة سيف . .

سيف : حبيبي شوه فيج بخلص من اهني بمر عليج . . . ياربيه . . قلتلج ما بطول . . بشلها بوديها الفندق وبرجع قلتلج . . ليش هالعنااااااااد ؟ ميييثا خلاص . . لا تصااارخييين خلينا نتكلم بهداوه

وهو يرمس ويحرك عينه ف كل مكان انتبه لوجودها عند باب الميلس وبند التلفون على طول . .

سيف يوقف وماعرف شو يقول . .

دخلت مهره بعيون مليانه دموع تحاول تبلع الغبنه لكن باين فيها . . : كمل مكالمتك . .

سيف : انا كنت اكلم . . . . . ربيعي

مهره تبتسم :ادري . . سمعت المكالمه وعرفت انه ربيعك

يدخل ناصر : العرووووس . .

مهره تحظن ناصر وتصيييح . .

سيف كان ميت خوف انها ترمس وتقول شي . .

ناصر : شوه فيج اختييه . .

مهره تبلع ريجها : مابا اودركم . .

ناصر : هههههههه يا حيوانه ما بتودرينا ولا احنا بنودرج . . مش يعني انج تزوجتي خلاص ماراح تشوفينا . .

يجابها ويمسح دموعها ويرمس بصوت واطي : ادري . . حلمج كان عرس وفستان ابيض وما صار الي تبينه لانه استعيلو ف عرسج . . لكن كل شي بيكون حلو صدقيني . .

مهره تطالعه : خاطري اصدقك . .

ناصر : ثقي في اخوج . . " يبتسم " سيف وايد زين

مهره تتنهد : ان شاء الله

ناصر يطالع سيف : اسمحلنا سيف . .بس العروس دلوعه شويه . . " يتبسم " تحملها هاي الدلوعه من بين خواتي .

سيف يبتسم بمجامله . .

دخلو الحريم وشلو المكان زغاريط وتبريكات . .

ام خالد : يالله سيف ابويه شل حرمتك وسيرو . .الدنيا ظلمت . . وراكم سفر باجر

سيف : ان شاء الله . . " يطالع مهره "جاهزه ؟

مهره تهز راسها ب هيه . .

قامت مهره وشل منصور شنطتها ووصلها لين السياره وسلم عليها . . وتيمعو عند الباب كل الاهل يسلمون ويودعونهم . .

ام عبدالله : سيف ابويه مر علينا باجر قبل لا تسافرون . . لازم نشوفكم قبل لا تركبو الطياره

سيف : هيه اكيد ان شاء الله عموه لا تحاتين . .

ركبت مهره السياره وركب سيف . . وراح . .

اول ماتحركت السياره جمعت ايدينها بويهها وتمت تصيح بصوت مسموع . . صوت يقطع قلب سيف حيل . . ماقدر يتكلم . . لانه يعرف انها مغصوبه عليه من عنود . . وهي تعرف انه مغصوب عليها بعد من عنود . . ماقدر يقولها شي .ولا يتكلم الا عقب ما شاف صياحها يزيد اكثر واكثر . .

رن تلفون سيف . .

سيف : هلا حمممد . .

مهره سكتت . .

حمد : بالبرررركه بالبركه الممعرس . .

سيف : الله يبارك فييييك . .

حمد : ليكون متصل ف وقت غلط

سيف : هههههههه لا ياريال تونا طالعين من بيت الاهل

حمد : وينها العروس بباركلها . . ؟

سيف يطالع مهره ويشوفها صاده صوب الجامه . . : العروس تستحي . . ماتقدر ترمسك الحين . . خل تتعود عليك بترمسك . .

حمد يبتسم : يالله زين بالببركه وباركلها بالنيابه عني . . وهالله هالله فيها وتحملو ع رواحكم . .

سيف : تمام فديتك . .

حمد : استودعك الله . .

سيف : ربي يحفظك . . " يطالع مهره تمسح دموعها . "

سيف : في كلينكس تحت

شافت مهره وين تحت وشلت كلينكس ومسحت دموعها . .

واكتفو بالسكوت لين الفندق . . نزل سيف ونزل الاغراض كلها ف غرفه وحده وعلى طول اول ما شافته طلع من الغرفه قفلت ع روحها الباب . .

>

<

عنود تصفعها ع ويهها بخفيف : مهوووووور . .

مهره تنقز : هاا . .

عنود : في شو سرحانه . . تلفونج يرن من الصبح ردي . . سيف يحاتي .. توه بند عني قالي اشوفج وين واوقولج تدقين له . .

فونها كان بايديها واتصل سيف مره ثانية . .

مهره ابتسمت : مادري وين سرحت . . " ردت ع التلفون " الوو . . لحظة شوي سيف

عنود تبتسم وراحت عنها . .

تمت تمشي مهره تبي تروح غرفتها . . واول ماوصلت وسكرت الباب . .

سيف : انتي وين كنتي هالكثثثثثثثثثثثثثر . .ليش مخلتتنني احااتيج

مهره : سوري . .ماحسيت بروحي

سيف : وين كنتي ؟

مهره : موجوده وماسكه الفون بايدي

سيف : عيل ليش ما تردين

مهره : سرحت . .

سيف سكت ..

مهره تبتسم وتنزل دمعتها : خذتني الذكريات

سيف : تذكرتي شو . .

مهره تغمض عينها وتنزل دموعها . .

سيف : بسم الله عليج حبيبي شو فيج . .

مهره : تذكرت كيف كانت ليلتي . .

سيف : . . .

مهره تمسح دموعها . : ادري مش وقته بس ماعرف مر في بالي . .

سيف ابتسم : كان يوم صعب وايد صح

مهره : وايد . .

سيف : لكن عدا الحمدلله . .

مهره تبتسم . .

سيف : مسحي دموعج الحين ويالله ارجعي لهم لا تخلينهم . .

مهره : ان شاء الله . . ما بتمر ؟

سيف : ودي بس ماقدر اظهر . . مناوب عن ربيعي

مهره : ليش تناوب عنه . . وبعدين اليوم الجمعه

سيف : حبيبي هو عنده مناوبة الجمعه وانا خذت عنه اليوم . . وايد غطا علي وناوب عني

مهره : مكانك ناقص .. محتاجه وجودك . .

سيف : فديتج . . بيييج ان شاء الله اول ما احصل فجه . .

مهره : ما يصير ما تشوفني بالفستان الي اخترتلي اياه . .

سيف ابتسم : فستان لندن

مهره تبتسم : هيه . .

سيف : بشوفه ان شاء الله في وقت ثاني . . بخليج تلبسين لي اياه . .

مهره تبتسم : ان شاء الله . .

سيف : الساعه 5 الفير بي ربيعي الثاني وانا بترخص وبروح الشقه برقد على طول . . ف ماظن بقدر اكلمج قبل لا ارقد . . لاني ما بدقلج اواعيج . .

مهره : لا دقلي طمني عنك انك وصلت

سيف : بطرشلج مسج لكن ما بتصل . . بخلي الغاليه ترتاح هي وامها بدون ما ينقزون

مهره تبتسم : ان شا ءالله

سيف : وانتي لا تكدرين روحج حبييبي . . ولاتفكرين بشي يضايقج

مهره : ان شاء الله

سيف : تحبيني

مهره : احبك . .

سيف : واافديتها انا . . وانا احبج . .

مهره تبتسم : تحمل ع روحك

سيف : انتي الي تحملي ع روحج

مهره : ان شاء الله . .

سيف :يالله الغاليه . . ربي يحفظج . .

.

.

__DEFINE_LIKE_SHARE__

«ضَحِيًة حِبُيًبُيً ..}● · 03-28-2012, 09:55 PM

.

.

.

.

البارت الـ 205

ناصر يبتسم ويشل حصيص : خل نختمها بهالصورة ..

حصيص مستحيه وضحكت ببراءه . . وؤؤؤؤؤؤؤجكككككككككك . .

خلصت المصوره تصوير على الساعه 1 فليل . . قعدو يتعششون وناصر كل شوي يوكلها مش مخلنها تاكل . .

حصيص : بس خلاص شبعت . .

ناصر : من ايدي الجميله ماتبين تاكلين . .

حصيص : بس بستوي فيل

ناصر : وهالمطلوب . .بخليج تستوين درام بعد

حصيص : لا والله

ناصر: هييه . . حلاتها الدبه

حصيص : ههههههههه دبه فعينك

ناصر يبتسم : انتي احلى دبه اصلا . .

حصيص ابتسمت ..

مهره تدق الباب . . :سوري بخرب عليكم الجو الرومانسي . .

ناصر ابتسم ووقف : فديتج خربيه على كيفج . . انتي مسموح لج . .

مهره تحظنه : حبيبي والله . . يالله عذاري وسلطان زهبو وركبو السياره . . ما بتروحون سوى ؟

ناصر : سلطان الخاين . . قلتله اتريا بنروح زفه . .

مهره : منصور حطا شنطكم فالسياره والسياره تترياكم . . يالله نشو . .

حصيص : اروح بفستاني عادي ..

مهره : هيه عادي . .

ناصر عاقد حياته : لا عادي ولا شي . . يلا يلا . . عطوها شي تلبسه وين بتمشي جيه في وبرج خليفه ناس مخبل اهناك والكل ماسك كاميرا . .

مهره : بغطيها بعباه ثجيله . .

ناصر : لالا . .

مهره تطالع حصيص : الله ييعينكم ع هالريايييل . . سلطان بصوب خلاها تبدل مسكينه وانتي شكلج بعد بتبدلين الحين . . " تبتسم " فديت سواف بالفستان مطلعني من الفندق

ناصر عقد حياته : انتي ما لبستي فستان ف عرسج

مهره تذكر ان في يوم ميلادها محد يعرف الي سواه سيف غير عذاري وروضة وشوق . .

مهره تبتسم : سوالي عرس ثاني بروحنا " تبتسم اكثر بحيا " مايخصك ما يخصك خلاص تعالي حصيص حجرتي بدلي . .

حصيص تطالع ناصر : بلبس عباه ثجيله وانت بتقودني لين داخل . . بكون متستره بكبري عباه سودا محد يشوف شي . .

ناصر يطالع مهره . .

مهره : والله بعطيها عباه ثجيله وعريضه ما راح تبين شلابسه

ناصر : انزيين . .

حصيص ابتسمت بنصر وتطالع مهره : فديت نصصوري مش بس سوافج

مهره : ههههههههههه

ناصر : هههههههههههه الله اكبر . .

وراحت حصيص مع مهره وعطتها عباه ثجيله نفس ما وصفتها . . وسلمو المعاريس ع الاكل . . وسلطان تم يتريا لين ناصر ركب سيارته وانطلقو ب سيارتين . .

.

.

.

بو خالد يتصل ف مهره . .

مهره : هلا عمي . .

بو خالد : وينج ابويه ما خلص العرس ؟

مهره : بلى خلص عمي وتوهم المعاريس ركبو السياره

بو خالد : عيل ليش ما رديتي . .

مهره فخاطرها تقول " اوبسس " : ماشي وقت عمي الحين . . برجع الصبح ان شاء الله

بو خالد : لا لا ماترقدين اهناك . . انا بمر باخذج . .

مهره شافت منصور مجابلنها يالس يدوخ . .

مهره :خلاص عمي شفت منصور اخوي . . بقوله يييبني الحين . .

بو خالد : هيه يالله زين ما برقد لين اشوفج فالبيت . .

مهره : ان شاء الله

وبند عنها . .

مهره راحت صوبه : منصور . .

منصور يطالعها ويفر الزقاره . .

مهره : من متى اتدوخ . .

منصور : من اسبوع " يكح "

مهره : ليش تسوي فروحك جي ياخوي

منصور يطالعها : انتي حاسه فيني ولا لاء

مهره : حاسه فيج . . والله العظيم حاسه . .

منصور : اكبر دليل انها متعذبه . . ما يت الحفله اليوم

مهره : اكيد ماتعرف . . منو بيخبرها

منصور يتنهد . .

مهره : قوم ودني البيت . . عمي يترياني اهناك وبنرمس فالطريج . .

منصور : يالله بترياج فالسياره . .

راحت مهره داخل اكتفت انها شلت شنطتها وبعض الاغراض وتمت بفستانها وطلعت ركبت السياره . .

منصور كان يسوق بسرعه جنونية . .

مهره : مش زين منصور خفففف

منصور ما يخف . .

مهره : اذا ما تخاف على روحك . .ولا تخاف علي . . خاف على بنت اختك

منصور على طول تذكر ان مهره حامل وخف السرعه . .

مهره تبتسم وتمسك جتفه : انا مريت بظروف محد يعلم فيها يا منصور . . انا بنت وعانيت وايد والله العظيم عانيت بشكل محد يتصوره . . شفت الظيييم بحياتي بشكل فظيع . . انت يمكن ماتعرف . .لكن ناصر يعرف كيف انا انهنت وانظربت وعانيت

منصور عاقد حياته : سيف يضرررررربج

مهره : كاان . .

منصور بعصبيه : وليش ما رمستي . ؟ ليش ما قلتي

مهره : مش هذا موضوعنا الحين . . الي ابي اوصله لك . . الي كنت اعانيه في يوم ! عمري ماظنيته يعتدل توقعت حياتي بتكون طول عمرها ميئوسسه . . " تتذكر "

>

<

سيف يدق عليها الباب . .

مهره : شتبي . .

سيف : لبسي عباتج .. ابا اكلمج بموضوع برع الفندق . .

مهره : مابا اطلع معاك مكان

سيف : بنيب عشا وراح نرجع . . موضوع مهم لازم نرمس فيه . .

تنهدت مهره بضيج وطلعت له بدون نفس وردو نزل تحت ..

وفالدرب عقب هدوء بسيط . . .

سيف : جؤوفي مهره . . انا عارف من عنود انج مغصؤبه عليه . . وانتي عارفه من عنود بعد اني مغصوب عليج . . اني احبج وانج تحبيني هذا شي بحد ذاته مستحيييييييل . . مستحيل اني احبج ومستحيل انج تحبيني . . مستحيل اني اتقبلج ومستحيل انج انتي بعد تتقبليني . . زواجنا عشآن ابوي جبرني و انا ماتعودت اقوله لا وابوي كبير ما ابي له يصير مثل ما صار في عمي . . وبعدين انا احب وحده وابوي مارضى اني اتزوجها . . علشان امايا كانت مرمسه امج بدون شوري حزتها . . وقالي ابوي تاخذ الي امك اختارتها و عقب كيفك جان بتاخذ عليها الي تباها . .

مهره تقاطعه : لاا تكمل . . اعرف الي بتقوله شوو . .

سيف : لا بكمل . . ولا تقاطعيني . . ادري انج تعرفين . . لكن ما تعرفين كل شي . .

مهره تتافف بشويش وفي خاطرها " كمل يا مال الدحق " . .

سيف : راح نعيش شرات الاخوان . . او خليني اقول شرات الربع . . يعني الي تبيين تسوينه سويه انا مالي علاقه فيج . .

تقاطعه مهره بهدوء : شو قصدك ؟

سيف : لا تفهميني غلط . .انا اعرف انج متربيه عدل وانج مش راعيه حركات . . الي اقصده . . اطلعي وردي واستانسي ويا ربيعاتج ع راااااحت راحتج ما بقولج لا ولا تاخذين حتى شوري . . ارقدي نشي اسهري اظهري كلي الي تبيييينه ويخطر عبالج وما سويتيه في بيتكم سويه عندي . . وانا بالمثل طبعا . . ما ابيج تدخلين فـ ولا شي يخصني . . ولا حتى تحشرين نفسج فيه . . من البدايه خلينا نتفق . . رااح تشوفيني اكلم الي احبها لين ما نكمل فتره ع الاقل كم شهر وعقب اروح اخطبها . .

مهره بدون اهتمام : سو الي تبيه . . موافقتي يت لان ابوي ما راح يخليني اكمل دراستي فـ الجامعه لو ما تزوجتك . . وما راح يخلوني اتزوج بالاساس لو ما وافقت عليك انت بالذات . . امي ربيعت امك الروح بالروح . . و صاحت عندي امي اني لو ما وافقت بتخسر صداقتها الي من 40 سنه ويا امك . . ويوم طولت فالتفكير ياني ابوي معصب ويهددني لو ماوافقت راح ايلس فالبيت طول عمري لا دراسه لا جامعه ولا شغل . .

سيف مبتسم : يعني اتفقنا . .

مهره : اتفقنا . .

سيف : صح نسيت شغله . . راح نمثل جدام الاهل . .

تقاطعه مهره : ان نحن عايشين قصه حب ومستانسين وحياتنا ولا اروؤؤع . .

سيف : ايوووا . . عليج نور . . ويوم بتزوج الي احبها العذر بيكوون . .

تقاطعه : اني ما اييب عيال وحرام انت تظلم نفسك . .

سيف ابتسم ويطالعها وهو يسوق : عفيه عليج . .

ابتسمت بدون نفس . .

>

<

>

منصور مصدوم : وليش مانطققققققتي . .

مهره : ماعرف ليش سكت طول هالفتره . . لكن خل هالجانب من هالموضوع . . شوف شصاار منصور . . سيف طلق ميثا الي كان يعشقها . . كلامه ان مستحيل نحب بعض انجلب . . صار يموت فيني وصرت اموت فيييه . . صرنا مانعيش بدون بعضض . . سيف يعوضني ع كل ضيم شفته منه . . ع كل دمعه نزلت من عيوني بسبته او مش بسبته . . نساني كل شي مش حلو ف حياتي . .

منصور يطالعها . .

مهره : كل شي بلحظة يتغير .. خل عندك امل . . تفائل . . ربي لازم بيفرجها عليك في يوم . .

منصور تخنقه العبره وتنزل دموعه : متىىىىىىى متتتتتى

مهره: صدقني ربي بيفرجها . . محد بيتم يعاني طول العمر . . لازم تفرج ب يوم . . انا عمري ما توقعت اني احب سيف . . ولا توقعت انه ف يوم بيحبني عقب الليله هذيج والكلام الي قالي اياه لكن " تبتسم " الله فرجها علينا . . والحمدلله قاعدين نعيش ايام وااايد حلوه . . " تمسك جتفه بقوه " وانت بتفرج عليك جريب بعد . . ثق بالله .. وادعي . . وتقرب من الله قد ما تقدر . . محد بيريحك غير الله . . الزقاير ما بتغير شي ترى . . الي ييغيره الله . . " تبتسم "

وتتقرب منه تبوسه على خده . . وتنزل من السياره . .

ردت له الروح . . ردت له شوي من الامل . . زرعت فيه التفائل مره ثانية . . صكت شوي من جروحه وقعد يفكر فيها . . شكثر عانت اخته وهو مايدري ؟ اثره مش الوحيد الي يعاني . .

.

.

.

بو خالد : الحمدلله ع السلامه . .

مهره تبتسم : الله يسلمك . .

بو خالد : وينه منصور ليش ما دخل

مهره : تعبان بيروح يرقد

بو خالد يحظنها : تعبتج ف هالليالي خليتج تين . .

مهره تبتسم : لا عمي افا عليك . . اصلا انا مستانسه لانك ماتروم ترقد وانا محد . .

بو خالد يجابلها ويبتسم : يالله ابويه سيرري ارتاحي ونامي . .

مهره :وانت بعد عمي . .

بو خالد : ان شاء الله . .

مهره : اترياني قبل لا ترقد . . بييب لك حليب . .

بو خالد : خذا حمد دورج اليوم . . ويابلي

مهره تبتسم : فيه العافيه ياربي

بوخالد ابتسم وحبها ع راسها وراح حجرته ..

اما مهره حست بدوخه شوي ف قعدت ع الغنفه ما رامت تصعد . .

حمد : مهره ؟

مهره نقزت : بسم الله . .

حمد ابتسم وتم يشوفها . . : ماقصد ..

مهره تبتسم . .

حمد : غريبه ليش رديتي . . توقعت بترقدين اهناك

مهره : كنت برقد اهناك . . بس عمي اتصل بي قال ما بيرقد لين اي

حمد يبتسم : ابتلشتي ف حبه

مهره : حرام عليك لا تقول جي

حمد يبتسم : روحي رقدي ريحي . .

مهره تطالعه . .

حمد : شوو . .

مهره تبتسم وتقوم : سامحني . .

حمد بنظرة جدية : اسامحج .. على شو . .

مهره : سامحني على كل شي بس

حمد : انتي ما سويتي شي اسامحج فيه . .

مهره : سامحني لاني تزوجت سيف . . وخليتك تم معلق ولا تقدر تتزوج وتكمل حياتك

حمد : لالالا .. لاتقولين هالكلام . . مول مابا اسمع منج هالكلام مره ثانية . .انتي مالج ذنب في اي شي . . كوني واثقه انج مالج ذنب . . الغلط كان كله مني . . انا ما سمعت كلامج من البدايه وخطبتج . . جان ما صار الي صار . .

مهره : كل شي مكتوب . .

حمد : والنعم بلي الله كتبه . .

مهره : اليوم . .

حمد يطالعها يترياها تكمل . .

مهره : تميت اتذكر ليله عرسي . .

حمد يطالع عيونها بتركيز . .

مهره :اليوم الي دقيت لك فيه وانا اصيح . .

حمد يغمض ع عينه بقوة ويعض ع شفايفه : كنتي متصله عشان هالمووضوع !!!

مهره تبتسم : كانت خانقتني العبره . .

حمد يطالعها : ليتج تكلمتي حزتها جان تصرفت . . ليتج

مهره تبتسم : انت سافرت عشان الشهاده . . مستحيل اخليك ترجع عشاني بدون شهادتك . .ماكنت ابي اضيع حلمك . .

حمد : حلللللللللللمي . . وانتي شووو . . .انتي حللللللللمي . .

مهره تطالعه . .

حمد : تتوقعين شهادتي بتكون اهم مننننننننننج . . مينوووونه والله مينونه

مهره : ادري ان شهادتك مش اهم مني . .لكن ما كنت بضيع عليك هالحلم

حمد : ضيعتي علي حلم اكبر " يبتسم بحسره " حلم اكبر عن الشهادة بوايد . .

مهره تطالعه . .

حمد : روحي ارتاحي . .

تنهدت مهره وصعدت فوق ولحقها حمد وصعد فوق ودخل غرفته . .

وكل واحد ف هالليله كان عايش عالم مختلف . .

سلطان يحط ايده ع ويهها : مرت الايام . . وانتي الحين اهني . . عندي . . عندي انا بروحي . . " يبتسم " بين ايدي . .

عذاري تنزل راسها : تحقق حلمي . .

سلطان يرفع راسها بذقنه : حتى حلمي فيج تحقق . .

Cut

.

.

.

ناصر يبتسم : مع اني عانيت لين حصلتج . . عانيت لين افوز بحبج وبقلبج وافوز فيج . . لكن حصلتج

حصيص : هههه " تبتسم بحيا "

ناصر : الحب الي حبيتج اياه كان وايد طايش . . بس كان حقيقي والله . . تذكرين يوم كنت اوقف عند دريشت حجرتج ؟

حصيص : اذكر

ناصر : تذكرين الشعر الي قلتج ف عرسج الغبي ؟

حصيص تبتسم : اذكر

ناصر : كانت كل افعالي طايشه وانتي السبب . . انتي الي خليتيني مخببل

حصيص : مش بس مخبل . .

ناصر يطالعها . .

حصيص : اهبل . .

ناصر : انا اهبل حصوه

حصيص: اهبل ونص

ناصر بخبث : اراويج منو الاهبل

حصيص تضحك : لالاتراويني

ناصر : لا بلى براويج . .

وووو

cut

,

.

.

فهد : الوو . .

روضة : هلا فهد . .

فهد : البيت مش حلو وانتو كلكم مش فيه والله . .

روضة تبتسم : والله ماقدر اشم ريحه البيت . . من ييت بيت امي ارتحت اكثر . . اهناك كل شوي ارجع مادري ليش . .اهني مرتاحه اكثر . .

فهد : ماقدر اتحمل . . باجر بي بشل العيال ع الاقل لين تتحسنين . .

روضة : لا لا ماراح تروم عليهم . . خلهم اهني متونسين ويا عبدالله . . كل يوم يطلعهم . .

فهد : انزين وانتي . .

روضة : . .

فهد : خليني اشلج باجر

روضة : انا مجرد ما اتخيل اني برجع البيت من كلامك احس اني ابا ارجع . .

فهد : افا . .

روضة : فهد بكلمك عقب بروح الحمام . .

وراحت الحمام وتمت ترجع . .

.

.

.

على الساعه 3 ونص يندق الباب عليها . . حست بخوف . . معقوله حمد بيتهور . .

راحت صوب الباب وفتحته بخوف . .

سيف : بووه

مهره اول ما شافته انردت الروح فيها وحظنته بقوووووووة . .

سيف : واابووويه . . بلاج . .

مهره تحظنه بقو وتصيح . .

سيف : انتي بلاج اليوم . . شوه ياينج ع الصياااح . .

مهره : مااادري " تصيح "

سيف : بس حبيبي . . بس ياروحي انتي . . " يمسح ع ظهرها " انتي ما بدلتي فستانج للحين !!

مهره تمسح دموعها وتجابله : يمكن قلبي كان حاس انك بتي . .

سيف يبتسم : والله جد ؟

مهره : لا ما يخصه | . . كنت اطالع السقف وما حسيت بالقو . . " تشوف الوقت " انت كيف ييت الحين

سيف : ربيعي يا قبل الوقت . . حسو اني تعبان . . وييتج اهني على طول . .

مهره تبتسم : دقيت خط عشاني . .

سيف : والله طول الدرب ادعي انج ما رقدتي . . وادعي انج ما بدلتي فستانج عشان نبرت صوتج وانتي تكلميني وتبين اشوفه . .

مهره تبتسم : والله استجاب دعائك . .

سيف يرجع ورى عشان يشوف الفستان عدل : ياويلي ياويلي . . والله عندي ذوق انا . .

مهره : ههههه . .

سيف يبتسم :الفستان حلو . . وانتي محلتنه اكثر . . حتى مكياجج حلو

مهره تبتسم : سواف انا مش حاطه شي فويهي . . مسحته . .

سيف : عشان جي حلوه اكثر . .

مهره تبتسم : عييياار

سيف : والله ارمس جد . . " يبتسم "

مهره تتقرب منه وتحظنه : كنت محتاجه وجودك هاليوم كله . .

سيف مبتسم ويحظنها بحنان : وانا موجود عندج الحين . .

مهره تغمض عينها . .

سيف : بترقدين ع صدري وانتي واقفه حبيبي . .

مهره تخوز عنه وتضربه ع صدره : ههههه حمار . .

سيف مبتسم : يموت فيج هالحمار . .

مهره تطالعه بحنان

سيف يمسح ع ويهها : تعرفين شو احلى شي فالدنيا . .

مهره : شو . .

سيف :انتي طبعا . .

مهره تبتسم

سيف : وتعرفين شو ثاني احلى شي فالدنيا .

مهره : ششو . .

سيف يحط ايده ع بطنها : بنتي طبعا . .

مهره تبتسم اكثر . .

سيف : وتعرفين شو احلى ثالث شي بالدنيا . .

مهره : انت طبعا . .

سيف يبتسم : لا . . ان وحامج وايد حلو . .

مهره تطالعه باستغراب . .

سيف : مخلنج حنونه اكثر .. وهاديه . . " يبتسم ويمسح بصبعه على ويهها " وتحبيني وايد . . وما جلبتي علي شرات ما سوت عنود . . لاني كنت ميت روعه يستويلج الي استوالها . .

ابتسمت مهره . .

سيف : وايد صايره حساسه حتى . .

مهره : ما حسيت

سيف : دمعتج من قبل على عينج على طول . . والحين من حملتي دمعتج ما تبقى ف عينج . . على طول تنزل . .

تقرب منها وباس راسها : الله لا يحرمني منج . .

مهره : ولا منك يارب . . " ابتسمت " بروح ابدل الفستان وبرجع . .

سيف : لا خلج فيه . . لا تبدلينه . .

Cut

.

.

__DEFINE_LIKE_SHARE__

«ضَحِيًة حِبُيًبُيً ..}● · 03-28-2012, 09:57 PM

.
.
.

السلام عليكم ورحمه الله وبركآته

تم الانتهآء بحمد الله من 5 بآرتآت جدآ طوييله بعد

للامآنه هلكت فيهم صرآحه اتمنى يكونون قد المستوى ودشت خاطركم . .

مثل ما تشوفون مآ بآقي ع النهآيه شيّ . .

ذهب الكثير ولم يبقى إلا القليل . .

شسمه شو يسموؤؤنه . .

آتمنى آسمع آرآءكم وانتقآدآتكم بآمآنه وصدق . . .

ومثل مآ آقولكم دؤؤم ترآني آتقبل كل شيّ بصدر رحب . . . .

.
.

بالنسبه للي سألوني في سجل الزوار والرسايل الخاصه
عن طريقه التصويت . . تراني كتبتها قبل . .

http://vb.ma7room.com/t829197.html

هذا هو الموضوع .. ووصوت الكل فخر لي
وعلى رآسي كل صصّوت صوتلي . .

ترآني دلعتكم بـ الـ 5بآرتآت والبآرتآت الطويله لاتتعودون ..
لان اجازه بس . . .

ملاحظة : للاعضاء الي دوم يسالون وين البارتات وفي اي صفحه . . تراني دوم اقولكم اسهل لكم دشو صفحتي بتلاقوني حاطه صفحه البارتات . . . = ) . .

ترقبوني آن ششآء الله الاسسبّبوع القادم على خير . .
لكم تحيآإآإتي . .

ضحيـه
__DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وطت رجلي على دربه ولآأ أدري وش نوى فيني ~	ḎmỒ3 Ảl-Я7eL..	تصاميم الاعضاء	7	04-14-2012 07:32 PM
عندمآ نقۈل لآ آله آلآ آلله مآذآ يرد آلله علينآ }	فراشة الشارجة	الإسلام والشريعة	19	02-27-2012 07:31 PM
لك آلله يآ ردى حظٍ زرع فيني .. [ ثلآث قبور! ]..p!cs +bg	همس العشق	المسنجر وملحقاته , توبيكات , ماسنجر بلس , msn	7	02-13-2011 06:09 PM
عليًڪٍ الْبالَ مشًغًلنٍيْ ..	آلـῳـولعيه	عدسة الاعضاء , كاميرا الاعضاء	7	01-03-2011 07:45 PM
مـآت ورسـول آلله [ صلى آلله عليه وسلم ] رآضٍ عـنه ..	» βỊη άℓ đόόŁα «	الإسلام والشريعة	4	12-23-2008 05:19 AM