.

.

البارت الـ 161



على صباح اليوم الثاني . .

فجت عينها بتعب وما لقته موجود . . . نشت ودخلت تتسبح . . عقب ما طلعت لبست لها مخوره عنابية . . لمت شعرها بربطه صغيره . . تعطررت وقعدت تشوف عمرها فالجامه وتشوف الحزن المرسوم فعينها . .

دخل الحجره بشويشش واتفاجأ . .

سيف :انتي واعيه ؟ تحريتج نايمه وداش بهدوء اوني

مهره تطالعه بدون نفس وماعلقت . .

سيف : يالله لبسي عباتج عشان نروح . .

مهره تطالعه : وين

سيف : بيتنا . .

مهره : مابي اروح دبي

سيف : بس بتروحين

مهره تقوم : انا مابي اروح اهناااك . .

سيف : لكنج بتروحين

مهره : انت شتبي مني بالضبط ؟ تبي تراضيني وتوعدني بألف وعد وعقب من تسمع اي طاري شين عني قمت وضربتني ؟

سيف : خلاص ذبحتيني وانتي تعيدينها لي الف مره

مهره : وليتك تتأدب . . ليتك تحرررررم . . ليتك تعققققل ! نفس ما انتتتتتتت . . " بصوت واطي " خرا

سيف : بتقبل منج كل شي تقولينه . . من حقج والله

مهره تطالعه

سيف : لبسي عباتج يالله

مهره : حطيت فيك أمال وايده عقب مارجعنا من العمره ! بس حسافه . . الي مثلك ما يتغيرون

سيف تقرب منها وباس راسها . . : بعدني اقولج بتقبل منج كل شي

قامت عنه ولبست عباتها . .

سيف : يالله ..

نزلو سوى وقابلو حمد كان توه ناش من الرقاد وعينه على مهره . .

حمد : صباح الخييير

مهره : صباح النور . .

سيف يطالع حمد ومبتسم : احنا بنروح دبي . .

حمد يبتسم : درب السلامه ان شاء الله

سيف عطا مهره السويج : اسبقيني السياره . .

شلته بدون نفس وغابت عنهم . .

سيف يطالع حمد : مش عارف شسوي معاها . . ماعندي الا اسلوب الغصب

حمد : انت وايد غلطت سيف ووايد قسيت وضربت واذيت . . بس اتحمل . . اتحمل كل الي يييك وخلها تسوي الي تبي تسوي لين ما تبرد حرتها فيك . . وان شاء الله كل شي يرد شرات قبل

سيف يبتسم باستهزاء : ماظن شي يرد شرات قبل

حمد : انت تخرب كل شي بلحظة .. حاوووووول ولا تيئس ولا تممل . . الي يحب عمره ما يمل . .

سيف : ان شاء الله ياخوي . . " يتخاشمون " فمان الله

حمد : الله وياك . .

دخل سيف على سلامه وشافها تقرا قرآن . .

سيف : انتي اكثر انسانه في حياتي اكرهها . .

سلامه تطالعه بعذاب . .

سيف : دمرتي كل شي كان حلو فهالبيت . .

سلامه تنزل راسها . .

سيف : صوت امي وحركتها فالبيت . . الراحه والضحكات الي كانت مليانه فهالبيت . . كل الي فالبيت طفشوووووو وطلعوو . . خليتي البيت كئييييب . . محد طايق يعيش فيه . . عنود وطلعت من البيت . . وابوي راح فندق مع عمي ومحمد . . وانا الحين بطلللللع وما ابي ارجع . . باقي حمد الي يطفش

سلامه تنزل دموعها . .

سيف : عمري ماتوقتج بهالانحطاط . .

سكر عليها الباب مره ثانيه وقفله . . ونزلت دمعه فعينه مسحها بسرعه . .

.

.

.

فتح عينه ناصر ع رنة مسج " بعد ربع ساعة "

ناصر : شو بعد ساعه ؟ شسالفه بلاها حصيص خرفت

وتجلب ورد رقد . . وعقب ثواني استوعب ونش بسرعه

ناصر : بعد ربع سااااااااااااااااعه بتيييييييي

فزز من مكانه ودخل الحمام يسبح ع السريع وطلع كشخ واتعطر ونزل تحت وطلع عند باب البيت . .

تم يتصدد يمين ويسار ويشوف ساعته

ناصر : كملت ربع ساعه بالضبط . . الحين بتي

حصيص من وراه تكح عمدا ..

ناصر صد وشافها وتلعثم . . تم يشوفها بسحر . . بعذاب . . بشوق . . بوله

حصيص تبتسم بحيا : السلام عليكم . .

ناصر بصوت مبحوح : عليكم السلام ورحمه الله " يبتسم " وبركاته

حصيص تطالعه وتبتسم : شحالك

ناصر : انا ؟ انا الحين صرت بخير ومحد شرات حالي

حصيص بحيا : دوم

ناصر : حصوه يالسبااااله .. لج وحشه

حصيص تطالعه : سبااااله عاده

ناصر يبتسم : هيه . .

حصيص تبتسم : انزين وخر خل ادش داخل عن حد يشوفنا . .

ناصر مسك ايدها وهيه ترمس بصوت واطي : ايييييه وين مودني


وداها على زاويه فالبيت فالحوش محد يخطف صوبها . .

نااصر : خلج اهننني . . خليني اشوفج واشبع منج . .

حصيص تطالعه بلوم : ناااصررر

ناصر يغمض عينه : عيون ناصر انتي

حصيص تبتسم : ليش مغمض عينك ؟

ناصر : مش قادر اشوفج احس قلبي بيظهر من مكانه

حصيص : بل بل . . هالكثر مشتاقلي " تبتسم "

ناصر بعده مغمض : شفتي عاد . .

ابتسمت . .

ناصر : لا تبتسمين بموت

حصيص فاجه عينها : كيف تشوفني وانت مغمض ؟؟

ناصر : احسس

حصيص : خل عنك يالعياار

ناصر يفتح عينه ويبتسم : والله كنت مغمض . . .بس اعرفج

حصيص تبتسم : ياويلي ياويلي , ,

ناصر: متى اخطبج حصوه متى

حصيص : جريب ان شاء الله


ناصر : متى هالجريب .؟ بتطلع روحي

حصيص : بسم الله على روحك

ناصر يتقرب منها

حصيص ادز صدره بايدها :ايييييه لا تقرب

ناصر : عيل لا تقولين بسم الله على روحك ولا بحظنج والله

حصيص : ههههههههههه خلاص ما بقول

ناصر يبتسم : وحشتني هالشوفه . . وربي وحشتني هالشوفه

حصيص تبتسم بحيا

ناصر : انا نصيبج حصيص . . محد بياخذج غيري سمعتي

حصيص تبتسم : ان شاء الله

ناصر : اوعديني هالمره ما تاخذين حد غيري

حصيص تطالعه . .

ناصر : اوعديني طمني قلبي . .

حصيص : اوعدك

ناصر يطالعها . .

حصيص : اوعدك احارب الكل عشانك . . ولو اضطريت بشرد معاك بعد

ناصر : ياويل حالي انا " يطالعها بخبث " لهالدرجه تحبيني

حصيص تنزل راسها بحيا : انت خليتني احبك

ناصر يطالعها بسحر : كيف خليتج تحبييني

حصيص تطالعه : بخبالك . . تصرفاتك الصبيانية . . رمستك " تبتسم " اسلوبك وجيه

ناصر مبتسم بخبث : اموت انا . .

حصيص : بقول ترى

ناصر : بحظنج والله لو قلتي

حصيص بصوت واطي : بسم الله عليك

ناصر تقرب منها بيحظنها بس صرخت حصيص

ناصر مسك حلجها : ايييييييه بتفضحينا اسكتي

حصيص سكتت وناصر وخر ايده

ناصر : اتخبلتي " يبتسم " ولا انتي خبله اصلا ؟

حصيص : ما اتخبلت بس انت الي تخبلت وياي تحظني . . فلم هندي هوو

ناصر فاج عينه :فلم هندي ؟ تبيني اوريج الفلم الهندي على اصوله

حصيص : هههههههههههههه لالا . . مشكور

ناصر : اتحرى . .

حصيص تبتسم :انزين خلاص . . انا بروح

ناصر : ويييييين

حصيص : برووح بيتنا . .

ناصر : وعذور ؟

حصيص تبتسم : انا يايه اشوفك اصلا

ناصر يحط ايده ع قلبه : بيوقف اليوم

حصيص تضربه : لا تقول جي . .

ناصر : والله قلبي يحبج . .

حصيص تبتسم بحيا وبصوت واطي : وانا احبه

تقرب ناصر منها وباس راسها : يفداج قلبي . . وافداج انا . .

حصيص تبلع ريجها : خلاص يالله بروح

ناصر : توا الناس عاد

حصيص : لا مافيني . . انا طالعه ومحد يدري

ناصر يبتسم : يالله بوصلج

حصيص فاجه عينها : شو توصلني اتخبلت انته ؟ خلك خلك . . بروح روحي

ناصر : ههههههههه .. خوووووووووافه

حصيص تبتسم : تحمل ع روحك

ناصر : من عيوني . .وانتي تحملي على روحج . .

حصيص : ان شاء الله

ناصر : دقي ع البيت عاد . لا تقطعين

حصيص : هههههههههههه . . انزييييين

ناصر يبتسم : الله يحفظج ياربي . .

ومشت عنه وسارت . .

.

.

.

عذاري تتصل فيه . .

سلطان بصوت تعبان : الوو

عذاري تبتسم : صباح الخيييييير حبيبي . .

سلطان : صباح الورد . . " يتثاوب " شعندج من الصبح

عذاري : بصبح عليك بعد شووووو . .

سلطان : عذور انا ماصدقت اليوم ويكند ابا ارقد ؟ وقتج يعني

عذاري : مالت عليك مش ويه رومانسية انزين . .

سلطان يبتسم : جب خلاص . .

عذاري : ناااااام نامت عليك طوفه ببند

سلطان : جب قلتلج . . خلج معايه وصخي ماريد اسمع حرف . .

عذاري : مابي ببند . .

سلطان : غناتيه ؟

عذاري : خلاص بتم . .

ابتسم سلطان ورد غمض عينه وهيه معاه ع الخط . .

.

.

.

عقب 4 ساعات . .

محمد : السلام عليكم . .

ام عبدالله : وعليكم السلام . . ادخل ابويه . . .

محمد : تسلمين خالوه . . عنود وين ؟

ام عبدالله : تعال بدليك غرفتكم . .

وودته . .

دخل عليها كانت فالحمام ترجع . .

محمد سار صوبها :حبيبي انتي بخير ؟

عنود تصيح : لاااا . . انا مش بخيييير . . انا تعبانه . . انا بموووووووت . .

محمد قلبه يعوره : بسم الله عليج . . ياربيه مش حاله هاي . . خلاص طيحيه لو متعبنج جيه انا مش قادر اتحمل اشوفج تعانين . .

عنود تصيح . .

تقرب منها محمد بيحظنها ..

عنود : لااااا تقررررررررب . . تعبت وانا ارجع مابي ارد ارجع بعد . .

محمد : ان شاء الله فديتج ان شاء الله . . خلاص امسحي دموعج لا تصيحين . .

عنود ماردت عليه وتمت تصيح . .

ماقدر يتحمل محمد وقرب صوبها ومسح دموعها . . وغسل ويهها بماي . .

عنود كانت متلوعه منه بس حاجتها له اكبر فتمت متحمله . .

محمد يبوس راسها : فديت روحج . .

عنود : من امس وانا هاي حالتي . .بس ارجع . . عيني ما غفففففت دقيقه ولا ارتحت والله

محمد : بس اهدي حبيبي . . بيخف ان شاء الله كل شي . .فتره وبتعدي ان شاء الله صدقيني . ,

سحبها لين السرير ولحفها . . خذت لها شيله قريبه منها وحطتها ع خشمها عشان ما تشم شي . . وتمت قابضه ايده ومغمضه عينها لين نامت . .

حطا محمد راسه قريب منها . . ونام معاها لانه كان مع ابوه وعمه امس فالفندق ومارقد من كثر ما كانو يرمسون . .



.

.

.