وطتّ رجليّ علىً دربه و لآآإ آإدريّ وشّ نؤوى فيني .! - الصفحة 41

حرم سهيل · #1 02-02-2011, 12:32 AM

|[ ضحوووووويهـ شويآآج آبطيتي علينـآإ

عسـى آلمـآإنع خيييييييييير }..~ __DEFINE_LIKE_SHARE__

R-Y-B · 02-02-2011, 01:27 AM

الغلااا وينج؟ __DEFINE_LIKE_SHARE__

غلا ال؟ · 02-02-2011, 03:58 AM

نترياااااااااا التكمــله ..

لا تطولييين علينـــــــــــــــــآآآ __DEFINE_LIKE_SHARE__

«ضَحِيًة حِبُيًبُيً ..}● · 02-02-2011, 07:01 PM

.

.

.

البارت الـ 36

حمد من عقب ما سلم على امه وابوه تم يفكر .. كييف بيتصل ف سيف ويقوله ؟ ما يا في باله الا رامي . . اتصل فيه وقاله كم شغله !

رامي : لك تؤمرني . . بس هم هلأ مو هوون . . لما بيرجعو راح ألوون . .

حمد : وين راحو ؟

رامي : ما بعرف والله .! لكنهون كتيير مبسوطين . . .

حمد مبتسم : الله يبشرك ب خير . . خلاص عييل تمام . . من تشوفه وصل له الرمسه . . واسمحلنا رامي ادري ملعوزينك ويانا. . انا من صوب واخويه من صوب وحبيبتي من " وسكت "

استغرب رامي بس ما قال شي . .

حمد يكح : ووحرمه اخويه من صوب . .

رامي يرمس باللهجه الاماراتيه : افا عليك يا ريال . .

ضحك حمد : مع انه مش وقت ضحك . . لكن يبتها حلوه . . .

رامي : اضضحاك . . كم بدنا نعيش . .

حمد مبتسم : صدقت . . يالله عيل فديتك . . السموحه منك . . .

رامي : الله معاك . .

من عقب ما بند حمد . .ياه ابوه وقاله يسير وياه عشان يخلصون اجراءات الدفن ويشترون الكفن وهالسوالف . . . تنهد حمد ب ضيج كبيير وراح مع ابوه . . .!

.

.

.

ناصر كان طايح ومتردد . . يدقلها او لا . . . ما يعرف الي يسويه شو . . بس يبا يسمع صوتها . . ودق . .ردت عليه من اول رنه . .

حصيص : خير يا ناصر خيير . .

ناصر يبتسم ب عذاب : تصدقين . . . . كنت متصل بس أريد آسمع منج ألو ! لكن الحين سمعت آسمي . . منوو قدي . .

حصيص تتنهد : ناصر انا باجر بكون ع ذمه رياال . . انا باجر بملج . . .

ناصر : ما تقدرين تمنعين هالزواج . .

حصيص : وليشش امنعه ؟

ناصر : لانج مغصوبه عليه . . حاولي تمنعين . .

حصيص : انا صح مغصوبه لكن السبب اني ابا اكمل درااستي . . مش رافضه الريال . .

ناصر ب صدمه : فذمتج ..؟

حصيص ب حزم : ناصر انا مآ آكن لك أي مشششاعر . .مع انك اكبر عني بس والله . . احسك ياهل . وانا لو فكررت فيك ك زوج بحسك مش قد المسؤوليه . . ماخذ الدنيا سهله . . لعباان . . انا مابا واحد جي . . كممل دراستك . . واثقل . .حلات الريال ب رزانته مش بطياشته . . والله يوفقك ان شاء الله . . ودخيلك لا تتصل . . لا تخليني اضطر اغير رقمي . .

ناصر مبتسم باستهزاء : هه ! ماعليج . . كلامج سدني . . والي كنت ابا اسمعه سمعته . . . الرب لج حافظ والله يوفقج يارب . .

طوط طوط طوط . .

بند ! . .

ردت اتصلت فيه . . . واسستغرب من اتصالها بس رد عليها . .

حصيص : بس بقولك شغله وحده يمكن تفيدك . . والله يآ نآصر . لو انت كنت بس بهالنبره الي كلمتني فيها قبل شوي من البدايه كنت يمكن تخليني انجذب لك . . وانجذب لـ شخصيتك . . . لا تعق عمرك ع حد لهالدرررجه . . . لا تذل رؤؤؤؤؤحك من البدايه . . . انت حتتى ماتعرفني عدل وشوف شقاعد تسسوي . . هالشي يصغرك جدام الطرف الثاني . .البنت ما تبى الي عاق عمره عليها ب هالمستوى . . .

ناصر يبلع ريجه : انا مش عاق عمري عليج . . انا بس كنت ابا ارتاح والله . . . احس براح ـه يوم اكون بمكان قريب منج . . . كنت ابا اريييح روححي ما كنت ابيج تحسسين ان الي اسويه كبيير . .

عضت شفايفها ب قوه : حتى ولو . .

ناصر : خلاص حصه . . والله كلامج وصل . . ماريد اسمع شي زياده . . انا ببند الحين . . وهذي اخر مكالمه لج واكيد انج ما بتردين تتصلين لي . . وما بتشوفيني لا اتصل ولا حتى ارد عليج لو اتصلتي . . مع السسلامه !

من بند عنها على طول اتصلت عذاري .!

حصيص : ألو ؟

عذاري : ممم نايمه ؟

حصيص : لا . .

عذاري: سوري لو انفعلت او .

حصيص تقاطعها : جب جب . . ما بينا .. مقدره وضعج لانه اخوج . .

عذاري : ليش ما رقدتي ؟ باجر وراج ملجه لازم تريحيين عشان ويهج ينور . .

حصيص : توا الناس بعدها الساعه 9 !

عذاري : انتي وراج نشه من 8 الصبح !!!! عشان مكياجج وغيره . .

حصيص : لالا . . بسم الله عليج هاي ملجه مش عرس . . انا صح بسير املج الصبح ف المحكمه . . . لكن عادي برد برقد . . .والعصر بتيني الكوافيره و وحده تمكيج البيت وبيعدلوني .. . لين العشا بكون زاهبه وبنزل لهم . .

عذاري : ودي احظر . .بس ما اقدر لان امي ما ببتخليني عشان خالد وسموي حرمته الله يرحمهم . . .

حصيص : حتى امايا من اليوم خبرتني انه ما بيكون لا دق ولا اغاني . . حفله بسيطه بس اهله واهلي وبنشوف بعض وبنتعشى . .

عذاري: بمر عليج انا العصر ان شاء الله بشوفج ب الفستان والمكياج وبروح . .

حصيص استانست : فديتج والله . . جان زيين . .

عذاري مبتسمه : افا عليج . . حصوه ما بتكملين دراسه ؟

حصيص : يا امي انا من الله مش فالحه . . ماصدقت بعرس . . بزوال كل شي . .

عذاري : خذي ع الاقل شهاده الثانويه العامه انزيين . .

حصيص : ماباها .. مابا الدراسه بكبرها . .

عذاري: مالت عليج . . جنج مش مصدقه بتعرسين . ..

حصيص : هم غصبوني اتزوج واكمل دراسه . . وانا شرطت عليهم لو وافقت ما بكمل . . قالو لي حرفين . .

عذاري تضحك : هههههههه اكيد طز . .

حصيص : هوا دا . . .

عذاري : الله يكتب لج الي فيه الخير يختي . . . يالله عيل برايج بحط راسي برقد . . بنش الصبح بدرس . . عقب 4 ايام الامتحانات . . . مادري شو بهببب . .

حصيص : مسكينه . . يالله حبيبتي موفقه . .

.

.

.

من عقب ما طلعو من الفندق راحو المرسى بيتمشون وبيتعشون اهناك . . . اول ما وصلو على طول تمشو وكل واحد فيهم سرحان ب فكره معينه وهو يشوف البحر . . .

سيف يطالعها : تبين تركبين طراد .؟

مهره فاجه عيونها : احين . . " تشوف ساعتها تشير للـ 9 " ف الليل ندخل البححر . . !! لالا اخااف . .

سيف : يالله ما بنطول . . نص ساعه . . وعقب بنتعشى ب نص ساعه وبنروح دبي مول بنحظر الفلم . .

مهره تطالع عيونه : والله ما احب ادخل البحر فلييل . .!!!!

سيف يبتسم لها ويشلها ويسير صوب الحجز عسبت يحجزله وحده ويدفع ويركبون على طول . .

مهره مغطيه ويهها على صدره : احيين الناس شو بتقوول . .

سيف عاقد حياته : يقولون الي يقوولون . .

مهره بصوت واطي : انا بحبك متيم . . . وخل الحساد يموتون . .

سيف يبتسم : ششو قلتي . .

مهره حطت ايدها ع شفاتها وغطت ويهها اكثر على صدره : ما قلت شي . .

سيف طنش وابتسم ابتسامه تشق الويه . .

>> مهره ، ان شاء الله ما يفهمني غلط . . انا كنت اكمل الاغنيه يعني بس . . . اففف احررراج . .

اول ما وصل صوب الحجز نززل لها . . . كانو العاملين يطاعونهم ويبتسمون . . ومهره منحرجه وايد . . من عقب ما دفع سيف على طول خذولهم طراد و انطلقوو . . . !!!!

قعدو جدآإم عشان يخذون راحتهم والهندي الي يتحكم بالطراد ما ينتبه لهم . . . كل واحد مندمج ب فكره معينه ويبي يفتح موضوع بس مش عارفين كيف ّ! لين تكلم سيف . .

سيف : ممم . .

انتبهت له وتمت تطالع تترياه يكمل !

سيف : ميثا انا ارتاح يوم اكون وياج . .

بلعت مهره ريجها بـ غصه وهيه تطالعه : ميثا ؟

سيف : ميثا !

مهره تبتسم : توك قلت ميثا .. .

سيف : ماحسيت . . . " يبلع ريجه بسرعه " اسف . . .

مهره تتنهد وتتصنع الابتسامه : ماعليه . . .

سيف : ميثا بالنسبه لي اول حب . . . اول قصه ف حياتي انرسسمت وانخطت ف القلب . . اول مره شفتها فيه كانت ف الممشى وطاحت . . وتميت اضححكك عليها لين تعبت . . وعقب شفت الدم من راسها وويهها . . وماشوف اي حد حواليها . . كل الي سويته اني وقفتها وتميت امشيها لين سيارتي عسبت اوديها المستشفى . . . ووو طولت ف المستشفى مع انه الاصابه مش خطيره . . . كنت كل يوم اروح وارد اطمن عليها . وماشوف حد من اهلها يسأل الا عمتها يتها مره . . . حسيتها غامضه وكنت ابا اكتششفها . .. ومن المستشفى بدت قصه الحب . . .تقريبا 5 اايام تمت ف المستشفى . . وانا كل يوم ارووح اهناك . . واتم بالست والسبع ساعات معاها . .

مهره تقاطعه : برووؤؤحكم ؟

سيف : هيه بروحنا . . . وعقب تعرفين الباقي . . يوم طلعت خذت رقمها ووو . . .

مهره : رمستها ولين حبيتها . . .

سيف : ايوه . . ميثا بالنسبه لي شي كبير . . شي ماقدر بدووونه . . . كاتمه اسراري . . صديقتي . . حبيبتي . . كانت تفهممني بس من عيوني .!!! تعرف كيف تهديني وتعرف كيف تخليني اكتم اعصابي بسرعه . . . تحصل لي حلول لمشاكلي من غير ما اتعنى وافكر . . كل هالاشياء خليتني اتعلق فيها اكثر واكثر . .! تقدرين تسمينها الطواري ! الي من تتعبين او تضيجين تبين حد يغير عليج وينسيج همج . . وووكل هالامور . . فاهمه علي ؟ انا ماعرف شو يالس ارمس . .

مهره تطالعه ب اهتمام : فاهمه عدل . .

سيف : تبين الصدق . . كنت اششوفها كل شي ف حياتي . . وكنت اباها حرمتي ما تتصورين كيييف . . تزوجتج عشان اقدرر اتزووجها .!!! لكن الحيين . . احس " يطالعها بـتركيز " احسج انتي الي حرمتي . . وهيه . . " بحيره " ماعرف . . ما ااحس اني احتاجها وايد . . يمكن ف ضيجي بس تي على بالي . .

مهره : شو متخيل رده فعلها وانت تقولها هالكلام ؟

سيف : ميثا بتفهمه روحها . . انا ماقدر اجذب عليها زوود . . . انا احبها ماقولج ماحبها . . بس ماشوفها زووجتي . . احسها صديقه قريبه . . مش زوجه . .

مهره بـ حيره : و آنآ ؟

سيف يبتسم : انتي !! " يمسك ايدينها ويخليها تقوم وتيلس حذاله . . خلا راسها ع جتفه " ماقدر اتكلم عنج وانتي تشوفيني . .

ابتسمت مهره . .

سيف : انتي . . . انتي شي مش طبيعي !! شي ما ينووووصف من حلاته . . .

" يبوس راسها " : انتي شيطونتي . . . دلوعتي . . . حلالي . . شي حلوووو واايد حلوو . .

عم السكوت لـ مده بسيطه وعقبها كمل : ماعررف الي بينا شوه يعتبر ؟ بس ما اباه يوقف . .

مهره تتنهد بـ راح ـه . .

سيف : انزيين وانا شو بالنسبه لج ؟

مهره تطنش وتوخر راسها من عـ جتفه وتطالعه ويبادلها النظرات . . .

مهره : تأخر الوقت يالله . .

سيف يبتسم : تتهربين . .

مهره بـ احراج : ما يخصصصه . .

سيف يمسك ايدينها الهنتيين ب حنيه . . . : قولي قولي . .محد غريب . .

مهره فاجه عيونها : شقوول . . استخفيت انت . .

سيف يبتسم : والله تقولين . .

مهره : يعني انت الريال ومارمت تجابلني وترمس عني . . تباني انا البنيه حليلي اطالعك عين ب عين واخبرك كيف انت تعنيلي . .

سيف يبتسسم اكثر : اعنييلج . . .

مهره تصد راسها الصوب الثاني :بسسس . .

سيف : يالله يالله . .

مهره تطالعه وفاجه عينها : ماقدر اقول جيييي . .

سيف : تقدرين انتي رياله . . يالله راويني قوتج . .

مهره تنزل راسها : امم . . .

يرفع سيف راسها ويخليها تشوفه . . ويبتسم لها بـ راحه عشان تتشجع وتتكلم . .

مهره : اول ايامنا كنت وايد استحققرك . . . ماكنت اطيق وجودك . . ولا كنت احب اسمع سوالفك ولا صوتك . . كنت اشمئئئز منك وايد . . .

سيف : عثره . . . انتي تطاعيني وتقولين جي . . . انزين كملي . .

ابتسمت : خـلاص ما بكمل . .

سيف يضحك : ههههه لا والله كملي خلاص . .

مهره : وجيييه . . .

سيف : شوو جييه كمممملي لا اصفعج . . مندمج انا . .

مهره تنزل راسها : ماعرف لين متى . . . بس كل ما يمر يوم مع بعض كان يذوب هالاستحقار . . كنت اشمئئز منك بس اخاف عليك . . اشمئز منك بس احاتيك . . حتى اكتشفت انك يوم ضربتني وحتى يوم طلعتني برا الشقه بعدك ماتهون علي وما بغيتك تحاتيني . .. حتى لو كل شي تسويه ممكن يتعبني ويجررحني . . بس دااامك مرتاح ما تفرق ويايه . .

سيف قربها لـ صدره وحظنها وبـ نبره خفيفه على خبث : لو الهندي محد جان سويت فيج سوايا . .احمدي ربج انه اهني . .

مهره مبتسمه : الحمدلله . .

سيف : الله لا يحرمني منج . .

انقرص قلبها بقوه وتمت تررجف من حياها بس اكتفت انها اتم ف حظنه وما تقول شي . . لين خلص وقفتهم ورداهم الهندي . . .

.

.

.
__DEFINE_LIKE_SHARE__

حرم سهيل · 02-02-2011, 07:33 PM

|[ آللللللللللللللللللللللللهـ وآخييييييييييييييرن سيف آعترف بشعورهـ

ومهرهـ آعترفت بشعورهـآإ ..~

يآللهـ ضحييهـ نتريآ آلبـآرت وآيد تآخرتي فـ هآلبآرت ..~

آتمنى آنج مآتتآخرين فـ بـآرت آلـ 37 }..~ __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وطت رجلي على دربه ولآأ أدري وش نوى فيني ~	ḎmỒ3 Ảl-Я7eL..	تصاميم الاعضاء	7	04-14-2012 07:32 PM
عندمآ نقۈل لآ آله آلآ آلله مآذآ يرد آلله علينآ }	فراشة الشارجة	الإسلام والشريعة	19	02-27-2012 07:31 PM
لك آلله يآ ردى حظٍ زرع فيني .. [ ثلآث قبور! ]..p!cs +bg	همس العشق	المسنجر وملحقاته , توبيكات , ماسنجر بلس , msn	7	02-13-2011 06:09 PM
عليًڪٍ الْبالَ مشًغًلنٍيْ ..	آلـῳـولعيه	عدسة الاعضاء , كاميرا الاعضاء	7	01-03-2011 07:45 PM
مـآت ورسـول آلله [ صلى آلله عليه وسلم ] رآضٍ عـنه ..	» βỊη άℓ đόόŁα «	الإسلام والشريعة	4	12-23-2008 05:19 AM