و يـٍٍٍٍنــكـ ؟ حٍــبــٍيبــي (ما) وحــٍشـنـٍْاكـ .؟؟.

احلى دلوعه · 01-05-2009, 10:19 PM

الــــبارت الــــثانـــي

الشله المشتله متيمعين ف الحوش
بانتظار حضور ملكة الشله ميراني و كانوا (منال ميثه فطوم عواش مهره)..
منال : بنات هالاسبوع بنسير صوب اهل رماح .. ميثه: حلفي
منال:والله.
فطوم:ياي وناسه.
عواش:اسميها ميره بتستانس .
منال:من زمان ماسرنا صوب رماح .
فطوم: والله اتولهت عمغامراتنا هناك .
ميثه : هي والله كانت ايام.
عواش:بنات خاطري انسيرالعزب صوب ليوا اتولهت عروحة العزب..
عواش: خلينا انخلص امتحانات بعدين نفكر ف العزب...
منال:عرفتوا الاسبوع الياي الشباب بيون زياره .
ميثه:منو عمي سلطان ،وحمداني وسيف .
منال :هي فديتهم والله اتولهت عليهم كملو ثلاث اسنين وقبل العام بس يو اربع ايام وردوا ماشبعنا منهم
ميثه: وكم يوم بيقعدون
منال :اي دونت نو مي بي اسبوعين،
ميثه:لا شو ها احنا بنجابلهم ولا بنجابل الامتحانات
مهاري :جابلي دراستج بعدين جابليهم امتحاناتج كلها اسبوع ونص وبعدين جابليهم.
عواش: الا بسألج منول ميره كم يوم بتقعد
منال:اظني بتقعد خمس ايام..بتدرس وياكم وبتروح الجمعه ان شاء الله
ميثه:ياي كشخه وناسه ...
وتموا يسولفون البنات ..

وفجأه..

دخلت سياره لكزس استيشن رقم دبي وركضن البنات صوب السياره عرفن انها ميره ونزلت ميره وسلمت عليهن ميره:امايه موجوده..

منال :ماماتي سارت رماح .
ميره: اها،وشخباركن فديتكم تولهت عليكم
البنات : واحنا بعد تولهنا عليج .عواش عندنا لج مفاجأه.
ميره:ياي اموت ع المفاجآت شو المفأجعه؟
مهره:بنسيررماح.
ميره:احلفن؟
كل البنات: والله ..
ميره:ياي وناسه .متى بنسير؟!الحين!
منال :بس نتريا رواضي ومريوم يرجعون من الجامعه وبنسير
ميره:اها،ومتى بيرجعون ؟!
ميثه : الساعه اربع ،
ميره:خيبه تخيب العدو وايد
.البنات: هههه.
طبعاالكل متفقين يتيمعون فرماح بماان عندهم فلة اليده هناك مجابل فلة موزه بنتها وكانت الفله عوده وتوسعهم كلهم .
طبعا الكل كان موجود فرماح ماعدا البنات والشباب اللي كل حدهايت ف مكان .بعد المغرب بعدماصلن البنات
سارن صوب رماح ويادريول بيت اليده عبد القادر .
ودريول بوسيف انقسموا البنات في
السيارتين س١( ميره ،مهاري ,ميثه،عواش،فطامي،شوق)
س٢(منال, روضه،مريم,مروه ,سلامه،امون) السياره١.كانوا مسوين عرس مشغلين عيضه احساس غالي ويصفقن وحالتهن حاله .. بعد ساعه وصلوا البنات رماح وعطول من نزلن ترابعن صوب فلة موزه<< يهال..
دخلن البنات بيت موزه طبعا الشله المشتله بس والباقي سارن البيت العود ..ودخلن الصاله كان فيها ( موزه،نوف،حمده)
حمده من شافت الشله اتخبلت و قامت تتناطط فوق الكراسي والبنات هجوم صوب عمتهم موزه سلموا عليهاوعالبنات
نوف وحمده اللي كانت بتموت من الوناسه وطبعاشلن حمده وسارن كلهن برع يتراكضن فالحوش ,وكان الجوكشخه
وسهيل كان راقد و نش من رقاده وفتح دريشته وهزبهم هزاب ورد يكمل رقاده...والبنات ساروا البيت العودبعدهزبة
سهيل المحترمه وسارت وياهم نوف بعد .
وتيمعوا البنات كلهم برع ف الحوش .
ميره:وين امايه العوده عيل وباقي الحريم ..
حمده سايرين بيت خالوه سويحان ..
ميره:عيل ليش مايو اهل سويحان ..
نوف:باجر بيون .
.ميره:افا.... وليش علايه مااتي وياقوم امايه
خلود:انزين كلميها خليها اتي وياهم
ميره:بكلم عموه مهره وبخليها تطرشها...وشلت ميره فونها ودقت ع عمتها مهره..
مهره:هلا والله بنظر عيني.
ميره:مرحباملاين فديتج تولهت عليج وايد..
مهره:وانا اكثر فديتج شحالج عساج مرتاحه.
ميره:دامج بخير انا بخير
مهره :فديتج احنامانشكي باس .
ميره:يعله مديم ياربي اقول عموه.
مهره:عيونهاامري فديتج.
ميره : طلبتج.
مهره:تم..
ميره:خلي علايه تي صوبنا ..وياقوم امايه.
مهره:ترى باجرياين كلنا ان شاء الله ..
ميره:ماباماباانتي قلتي تم .
مهره: خلاص فديتج بكلم ابوهااذاطاع تم
ميره:ميرسي عموه...
ع الساعه عشر المسا كانوا البنات قاعدين ف الصاله يشوفون فيلم هندي وكل وحده دموعها اربع اربع
دخلو عليهم الشباب (،عبدالله، حمد،أحمد،مبارك،سعيد)وشافوالبنات وساروا صوبهم.مبارك:ههههههههههاي
وزقر الشباب:تعالو شوفو بسرعه ههه.. ولا بيفوتكم نص عمركم ..
وسارواكل الشباب وشافوالبنات و نقعواضحك عليهم وعلقوا عليهم شوي و ساروابرع صوب الملحق الخارجي طبعاالملحق فيه اربع غرف وصاله عوده ومطبخ تحظيري وكان مكان خاص بالشباب..كل مايون الشباب يقعدون فيه..وع الساعه عشرونص ,وصلواالحريم وكانت وياهم علايه ساروا البنات وسلمواع الحريم وع يدوتهم .
.اليده لميره :شحالج فديتج تولهت عليج.
ميره:يسرج حالي امايه وانابعدتولهت عليج فديتج.
ميره سارت ولوت ع يدتهاوحبتهاع راسها.
وبعدين،الكل سار يرقد ماعدا الشله المشتله(ميره،ميثه،مهاري،عليا،عواش، فطامي،حمده،ومعاهم منال،وروضه)
من قدهم الشلة المشتله كلهم اتيمعووو .. وباقي البنات سارن يرقدن،.
ميره بنات شونسوي الحين،
البنات:شو؟!؟!
ميره:شو شوبعد اسألكم انا..
عواش: شو رايكن انسير انخوف الشباب ..
منال:كيف بعد أنخوفهم.
عواش: ذياب وعبودوحمود قاعدين يلعبون بلي اشتيشن ف الخيمه انسيرانخوفهم ..
ميره:والله فكره..وحده تسيروتيب عبي الحريم مالت الراس ووقي سودنلبسهم ونتغشى وانسيرنزيغهم ..
فطامي :فكره حلوه انابسيربيب العبي والوقي..
ميثه:بسرعه يالله.
مهاري :ويت فطامي بي ياج.
فطامي:يالله مشينا.. وسارن فطامي ومهاري والبنات يتريونهم عسب ينفذون الخطه..
وبعد خمس دقايق وصلواالبنات وكل وحده شلت عباه ولبستهاوأتغشن وسارن يدام باب الخيمه
وكانت اول وحده ميره ووراها الباقي بندت ميره ليت الخيمه والاولاد مالاحضوا ان البنات دخلوا
وبعدما بندت ميره الليت صدوا الشباب كلهم وراوشافوا اربع اشخاص سود وصرخ ذياب بصوت عالي
وهو ميت خوف والباقي بعد صرخواوالبنات الشرده نص المريله واترابعن ورا الفله .. وبما ان الخيمه
جريبه من الملحق فسمعوا الشباب صوت الصريخ وظهرواكلهم من الغرف وشافوا الاولاد ف الصاله .
سعيد معصب :ويع شوعندكم تصرخون فانصاص الليالي وعيتواخلق الله من عزرقادهم ها..
ذياب واهويرتجف:شفنا..شفنا ينانوه فالخيمه كانواأربع سود..
أحمد فطس من الضحك مع انه كان معصب:شوشفتو.هههههههههههههه ..
مبارك:ههاي حلوه هاي شافوا ينانوه ..
حمد:بروك قوم انسير نشوف الينانوه.. اللي شافوهم ..ونتعرف عليهم ...
مبارك:يالله مشينا.
حمود:شو تحسبون نقص عليكم نحن والله مانجذب
.سعيد:ماتجذبون يالله يالحميرانا بعد بشوف ينانوتكم يالله مشينا ..
ووظهرواالشباب من البيت وساروا صوب الخيمه ..
حمد:ينانوة ذيابووينكم ظهروابشوفكم يالله ههههههههه ..
مبارك.لايستحون يظهرون خخخخخخ ..
حمد:هههاي..حلوه..
مبارك:حلوه رقمها ككككك .
حمد:لامايصيرارقمها بوجودك.انت رقمها ولد العم تفداك ..
مبارك:لالامايصيرعيبتك انت قبلي محد يرقمهاغيرك.
حمد:لامنقود اتعدى ع املاكك ولدالعم..
سعيد:حوه انتو بس خلاص.
والكل انطم.
سعيد يوجه كلامه للأولاد ينانوه قالواالحين يدامي يالله رقاد..
وساروا الأولاد صوب الملحق ..ودخلوا هم وباقي الشباب يكملون رقادهم, بس قبل لايدشون سعيدو حمد
سمعوا صوت ضحك.
سعيد:تسمع الاصوات ..
حمد:هي صوت ضحك
سعيد:قوم نسيرنشوف شو السالفه
البنات قاعدين ويتضاحكن ع الموقف اللي صار ورا الملحق ..و
صلو سعيدوحمد صوب البنات
سعيد:انتوشواتسون هني ... و ليش تتضاحكن؟
البنات صخن ولا وحده قالت شي..
حمد:رمسوليش ساكتين؟
منال:هاشوكيف ماشي بس ..
سعيد:شوفيج اتبلعمتي
.ميره:هايعني ماشي بس عواش قالت نكته ضحكتنا..
حمد:لااحلفي انتي بس.
ميره ببراءه: صدق.
سعيد:والنكته هاي مايصير تنقال داخل.
ميره:لاخفن انضحك وتعلى اصواتناونوعي اللي فالبيت ...
حمد:احلفي انتي بس .تعالي صح متى يايه انتي؟واشحالج؟
ميره سارت توايه حمد:اليوم،يسرك الحال ومن صوبك وسارت توايه سعيد : اشحالك
سعيد:يسرج الحال ..{كيفهاخوانها}
وحمد: انتبه ان في عبي فحضن مهاري ...
وقال : ليش هالعبي فحضنج شو ناوين تشردون؟!
مهاري:هالابس وسكتت .
سعيد:لايكون انتوالينانوه اللي شافوهم قوم ذياب..
وهني خلاص البنات مارامويمسكون
ضحكتهم ونقعن ضحك..حمد:يابنات
الذين...اقول شورايكن نخوف بروك الكلب..
ميره:والله فكره حلوه.يالله ..عليه ..
حمد : يالله عطوني انابلبس عباه وحده.ومنال عباه وميروه الهبله عباه وسعيد عباه.
سعيد:شو صدق ماعندك مذهب.تباني البس عباه.
حمد:ماتبا برايك .. يالله عطوني عباه وشل عباه ولبسها وغطا عمره فيها ..وساروا هو وميرهومنال
صوب الغرفه اللي راقد فيه بروك.ودخلوا الغرفه من غيرصوت وسارواصوب السرير ومط حمد
الحاف عن مبارك ..و عطول نش مبارك وشاف يدامه ثلاث اشباح سود
وقال:بسم الله اعوذبالله سكنهم مساكنهم وتم يصرخ وينادي حمد سعيد شباب تعالو وينكم ..؟؟
ونزل من السرير وركض صوب الباب وشاف يدامه سعيدوالبنات وهم يضحكون عليه وصد ورا
وشاف حمد وميره ومنال وركض صوب حمد
مبارك : يا الحمار...وحمد يشردعنه.
والبنات ورا مبارك وحمد دش غرفة قوم ذياب و قفل الباب ورقدعندهم ..
وسعيدهزب البنات،وطرشهم يرقدون.
وبروك متوعد لحمد..
والبنات طبعا سارن البيت بس كملن السهره هناك(اذا اجتمعت البنات هرب الرقاد)
تمواالبنات سهرانين ..وصلوا الصبح ورقدوا
يوم الجمعه
ساروالريايل المسجد والبنات طبعا رقود و الحريم يعابلن فالمطبخ..
وصلوا أهل سويحان وسارت خلود صوب البنات توعيهن.دخلت الغرفه اللي راقدين فيها قوم منال.فتحت الستاير.

ودخلت وياها شوق والعنودوتمويصرخون و من حشرتهن نشن البنات..وانطلقت خلود للغرفه اللي فيهاالشله المشتله
وطبعاوياهاالحشرتين شوق وعنوده , وبدى الصريخ وركضن فوق الشبريه وتمو يتناططن والبنات معصبات..
ميره صرخت: برااااااااع.زاغن شوق وعنود وضهرن ع طول..
بس طبعاخلاص بعدماوعوهم طارالرقادونشن البنات
وهن متوعدات لخلود اللي وعتهن ..
ميره:والله لاندمها ع الساعه اللي فكرت انهاتوعيني فيها.
عواش:لازم نفكرفخطه جهنميه ..
ميثه:ماالك الا سعيد..خخخخ..
ميره:صح لسانج .
ميثه:صح بدنج.
ميره:خشمج.
ميثه: كفج.
فطامي:انزين .. المهم .. شومضمون الخطه .
ميره:خلوني افكر فخطه وادرسهامن كل الجوانب.. وخلاف بخبركم ..
علايه:فكري ياام الخطط ..
ميره بعدتفكيرطويل:وجدتها.
عواش: وماهي بسرعه قوليها.

ميره:ما بدي خبركن لما بنفذهابدكون تعرفوا.
ميثه: دخيلك تابريني اوليلي.
ميره:مابدي بعدين راح تعرفو.
والبنات كلهن معصبات عميره.ومتحرقصات يبون يعرفون الخطه ..وميره خلاص حطت خلود فبالها
وميره من حطت شي فبالهاخلاص اتسويه يعني تسوي.. (( الله يعينج ياخلود )) ..

Stop

ها شورايكـــم ف البــأرت
ان شـــاء يعجــــبكـــم ..
ياتـــرى هل ميره بتخبر البنات عن خطتها؟؟ ..
وشو هي الخطه اللي فكرت فيها ميره ؟؟ شو راح اتسوي ف خلود المسكينه ؟؟
كـــل هذا راح تعرفــــونه ف البارت الياي ..

تــابعونــي ولي عوده . __DEFINE_LIKE_SHARE__