| ||||||
| قصص و روايات تهتم بالقصص المنقوله وقصص الاعضاء الطويلة والقصيرة |
 |
| | LinkBack | أدوات الموضوع | انواع عرض الموضوع |
| |
|
#1
01-14-2008, 11:56 AM
| |||
| |||
| السلام عليكم ورحمة الله وبركاته حبيت انزل لكم هذي القصة وانشاء الله تعييبكم نبدأ بسم الله.. للعلم : القصه منقوله أمشي على در ب الهوى عكس قانونه للكاتبة: درر الجزء الأول (1) الكل فز من سمع صراخ سارة وهي تربع فوق الدري: ماماتي..باباتي..سهيل بيرجع بعد أسبوووووووووووع...سهيييل بيرجع... وأخيييييييييييرا. أم سهيل وهي متروعة: خير ساروه بلاج ازاعجين من صباح الله خير؟ سارة وهي تحاول تلقط أنفاسها من كثر الركض والصراخ: أمايا.. سهيل أخوي بيرد .. بيرد بعد أسبوع. أم سهيل وهي بعدها هب مستوعبة رمسة سارة: والله؟ قولي الصج ساروه تراني أعرف خريطج سارة: أفا يا أم سهيل وبعدين في هالأمور ماشي مزاح أم سهيل وعيونها تدمع: وأخيرا برجع ولدي يعلني أفداه سهيل هو البجر، وأخو سارة الوحيدة من بين ثلاث أولاد..سهيل 26 سنة(وهو الحين راد من برع بعد ما سافر عسب يدرس مع ولد عمه حارب الي في نفس عمره، نقدر نقول أن سهيل توأم حارب يعني اكثر من ربيعه وولد عمه وصديقه وهو يعتبر حارب أخوه الكبير بحكم ما يتميز فيه حارب من منطق كبير والكل يحترمه ويقدره ويحسب له ألف حساب.. غلا سارة؟ بعدين بتعرفون ليش؟؟؟) أما أخوها الثاني فهو أحمد 20 ويشتغل موظف، وأخيرا سيف آخر العنقود 13 سنة ويعتبر سارة شرات أمه لأنه وايد متعويد عليها حتى أنه أحيانا يزقرها ماما سارة..أما سارة فهي أصغر عن أحمد بسنة 19 سنة وهاي السنة الأولى ألها في الجامعة.. سارة بدلع وهي مادة البوز: يا سلام يعني بس تتفدين ناس وناس؟ أم سهيل وهي تلوي على بنتها: بلاج يما تراج انتي بعد الغالية ولا نسيتي دلع أبوج شو أمسوي بج؟ سارة: واي فديت باباتي أنا..أصلا أنا بس أحب بابا أم سهيل وهي تروغ بنتها: ضكي عني أوهووو، خلي بابا مالج ينفعج سارة وهي تلوي على أمها وتبوسها: امممممممممممواااااااااح، فديت عيوزتي والله..ترى كلنا ما نسوى شي بدونج.. أبو سهيل وهو يحدر الصالة: منو طرى عيوزي؟ترى كلش ما أرضى عليها سارة: لا لا خلاص ما نروووم أم سهيل استحت فنشت عنهم: ضكوا عني أوهووو، لا البنت ولا أبوها عاقلين سارة: طاعوا هاي أنتوا أونها استحت ياحليلها سارة + أبو سهيل :ههههههههههههههههه أبو سهيل: بس بابا سارة.. شفيج على أمج؟ سارة وهي امبوزة: حتى انت بتحط علي... كلكم ما تحبوني.. محد يفهمني غيرك يا سهول أبو سهيل: وش طرى سهول الحينة؟ سارة: ترى سهيل بيرد الأسبوع الياي أبو سهيل: والله، ومن فرحته حضن سارة وقعد يبوسها.. يالله يا سهيل أخيرا بتكحل عيونا بشوفتك.. سارة: بباتي .. تراني انخنقت.. أبو سهيل: عيون بباتج انتي..ياحيج والله على هالخبر أم سهيل وهي تدخل عليهم: ممكن تسكتون شوي..برمس أم علي ببشرها سارة: وانا بتصل بحصوه وبأحمدوه بخبرهم سارة وهي تدق على أحمد: ألووووووووووو أحمد: بسم الله.. من وين ظهرتيلي أنتي؟ سارة: شحالك بوشهاب؟ وينك؟ اتصل بك محد يرد ، مشغول؟ها؟ اعترف؟من ترمس؟ احمد: بل بل بل، شوي شوي علي، بلاج كلتيني بقشوري دبوه؟ سارة: لاتحاول تغير السالفة.. أعترف؟ أحمد: هههههههه أول شي أنا تمام بس قبل لا أسمع صوتج،خخخخخخخخخخ ثانيا أنا الحين عند البحر، ثالثا ما أرد لأني قاعد ارمس عندي خط رابعا خامسا وسادسا بس ترى عطيناج ويه.. سارة: ما علي أحمدوه.. أصلا ما يحتاي تقولي أنا أعرف منو ترمس..خخخخخخخ أحمد: شاااطرة...والحين ممكن تفارجين؟ سارة: يعني ما تبي تسمع شو بقولك؟ أحمد وهو خلاص ميت يبي يسكر لأنه وايد طول: لااااااا ولا يهمني....بعدين دبوه بعديييييييييين.. وسكر في ويها وما عطاها فرصة ترد عليه.. ما أقدر أوصف لكم شعور سارة في هاللحظة خلاااااص مفولة حدها: ما علي أحمدوه....أنا تسد التليفون في ويهي، لكن الشره هب عليك الشره علي أنا الي كنت بقولك....لكن أراويك. نزلت سارة الصالة والشرار في عيونها وراحت صوب التليفون ودقت بيت عمها أبو علي.. سارة: ألووووووووووو : ألوييييين سارة وهي مو متفيجة ملاقة:اففففففففففففف، وين حصوه؟ : انزين سلمي..السلام لله سارة: عليييييييييييييييييييييييييي اجلب ويهك هب فايجتلك سير ازقر لي حصوه بسرعة علي: كم بتدفعين لي أول؟ سارة وهي تصارخ: ياااااااااااااااااااااااااااااااااااااااالله علي وهو ميت إلا يغايظ بها: محمد رسول الله سارة وهي تهدد: ترى والله والله بتشوف شي ما شفته علي: انتي خبريني أول اشو تبين بها؟ سارة: عنلاتك يالخام...وانت شلك؟ داش عرض ليش؟ علي: يزاتي إني حبيت أساعدج؟ سارة: تساعدني؟ ليش إن شاء الله ؟ علي: ما ادري بس حسيتج مفولة فقلت أكيد حصوه مسوية بلوى؟ ولا أنا غلطان؟ سارة ولمعت في بالها فكرة: هي والله علوي ها ي أختك مفولتني ، عسب جذه أنا معصبة منها.. علي: ما قلت لج. سارة وتسوي صوتها يقطع القلب: يعني أي شي أقولك بتسويه؟ علي: كنا كنا...أعجبج انا سارة: شوف علي..ترى حصوه الخايسة الحين قاعدة تخرط ويا حبيب القلب أحمدوه...عاد أنا قلت ما يستوي نخليهم على راحتهم لازم نلعوزهم شوي علي: وأنتي شلج...واحد يرمس بنت عمه وهي محيره له...ترزين ويهج ليش؟ سارة وهي مبوزة: أفااا عيل وين كلامك توا؟؟؟؟ علي وهو فاطس من الضحك على حركات سارة الطفولية..علي كان دايما يعتبر سارة مثل أخته حصووه...علي 24سنة وهو موظف أما حصه فهي قد سارة ووياها في الجامعة.. علي: ولا أقولج.. كلامج عدل، لازم نغلس عليهم شوي.خخخخخخخخخخ سارة: خلاص عيل أنا بقولك وأنت نفذ..ok علي(اشتغل عند أبوج أنفذ أوامرج): قولي .. سارة: تسير غرفة حصوه ومن دون ما تنتبه لك مط الموبايل منها واركض علي وهو يستعبط: ان شااااااااااااااااااااااااااا الله، أي أوامر ثانية؟؟؟؟؟ سارة وحست أن علي قاعد يتمصخر عليها : أقول انت شكلك ما منك فايدة اقول اجلب ويهك يالخام..وسكرت عنه وخلت علي يضحك عليها.... سكرت سارة السماعة بقوووو وما انتبهت ألا وأحمد داش الصالة.. أحمد وهو يعق سفرته: السلاااااااام عليكم.. سارة:..........................."أونها زعلانة". أحمد: ساروه، سارونة، سويرة، سوووسوو، يالله عاد ترى والله شكلج هب حلو لما تبرطمين؟ سارة: ..................................." لا حياة لمن تنادي" أحمد: عدااااااااااال عدال البرطم وصل القاع سارة وفيها ضحكة بس ميودة عمرها.. أحمد وهو يقرب من سارة وقعد يدغدغها.. هني سارة ما رامت.. سارة: هههههههههههههاااااااااااااييييييي، هيييياااااااااااااااااااااي..احمدوه خلاص ههههههههههااي احمممممممممممممممممممممد هههاي بسسسسسسسسسسس أحمد: يعني رضيتي عنا؟ سارة وعيونها امتزرن دموع من كثر ما ضحكت: خلاص يا بوك ما يسوى علينا هالزعل، عنبوه ذبحتني. أحمد: فديت سارونة والله، انزين الحين أنا فاضي قولي الي عندج؟ سارة: لااااااااااا وااااااااااالله خير الشيخ أحمد الحين حضرتك تفيجت، على كيفك شو؟ سير خل حصوه تقولك، عنبوه 24 ساعة مغازل.. أحمد:ههههههههههه وانتي شو حارنج، باجر بيوصل فارس الأحلام مالج وبنشوف شو بسوين؟ سارة فهمت منو يقصد بس ما حبت تبين له: ها؟ منو تقصد؟ أحمد: والله انتي ادرى سارة وهي مستحية: إيه أنته لا تقعد تخربط أحمد: عدال عدال ألوان الطيف الي بويهج ، بلاج خيتووو؟ سارة: أحمممممممممد جب انزين أحمد وهو صاعد فوق صوب غرفته: ما أقول غير الله يعينك يا حارب على ما بلاك سارة افتشلت ما توقعت أن أحمد بقول عن حارب جذه جدامها: تخسي غلا أنت ويخسي حروب مالك، والله لو يكون آخر ريال في الدنيا ما خذيته...هذا اللي قاصر..واحد مغرور وشايف نفسه ..على شو ياحظي؟ما أقول غير مالت بس مااااااااااااااالت أحمد ويضحك بصوت عالي عسب تنقهر منه سارة: ههههههههااااااااااااااااااااااااااااااااي سارة: ملييييييييييييييييييييييييييييييييييييييييق وربي.. سارة افتشلت ما توقعت أن أحمد بقول عن حارب جذه جدامها: تخسي غلا أنت ويخسي حروب مالك، والله لو يكون آخر ريال في الدنيا ما خذيته...هذا اللي قاصر..واحد مغرور وشايف نفسه ..على شو ياحظي؟ما أقول غير مالت بس مااااااااااااااالت أحمد ويضحك بصوت عالي عسب تنقهر منه سارة: ههههههههااااااااااااااااااااااااااااااااي سارة: ملييييييييييييييييييييييييييييييييييييييييق وربي.. .................................................. ........................................ اليوم المنتظر.....يوم رجعة سهيل وحارب بعد طول غياب استمر لمدة 6 سنوات.. في بيت أم سهيل الكل مرتبش من الصبح..اللي يرتب واللي يبخر واللي يجهز عسب يطلع المطار..والكل كان حاضر..أم ثاني وعيالها، خوية أم سهيل يعني خالته.. وأم علي وحصة لأنهم قرروا أنهم يجتمعون في بيت أبو سهيل بحكم أنه العود وأنهم يتيمعون كلكهم مثل قبل مع سهيل وحارب.. صوب الحريم... أم ثاني: منو الحين بطلع المطار؟ أم سهيل: أحمد وعلي وثاني..وسيف بلحقهم ويا ولد خالة حارب سارة وهي داشة عرض: يا سلام ونحن؟ أم سهيل: وأنتي شو بعد، قري في البيت يلا ما عندنا بنات يظهرن نحن. سارة وهي تتحرطم على أمها: ما يخصني، أنا متولهه حق أخوي ما اقدر اصبر أكثر أبي أشوفه، خالووه الله يخليج خلي ثاني يودينا أنا وحصووه حصه: لا لا وين تبين أنتي، أحمد بذبحني..ما أقدر أسير سارة: بالطقاااااااااااق، أنا وخالوه بنسير..بليييييييز خالوه بليز أم ثاني: بس أخاف أبوج واخوانج ما يرضون؟ سارة: ما يهمج انتي.. الحين أدق حق باباتي جدامج..وسارت سارة واتصلت حق أبوها وبعد عناء طويل وافق أنها تروح المطار عسب تستقبل أخوها..وخاصة أنه تطمن أن خالتها أم ثاني بتكون وياها... ركب أحمد وعلي في سيارة أحمد..وسيف ويا حامد(حامد يصير ولد خالة حارب) وثاني ويا أمه وسارة وخواته التوأم(شمة وشهد) 3 سنوات.. والكل توجه صوب المطار... في سيارة ثاني.. ثاني: شحالج سارة؟ سارة: يسرك الحال...وينك ما تبين؟ ثاني: والله تعرفين الشغل..ماخذ كل وقتي.. أم ثاني: هي والله يا سارة ..حتى أنا تمر علي أيام ما أشوفه في البيت ثاني وهو يغمز حق سارة: يعني كل هالحنة بس عسب ولهانة حق سهول؟ سارة وهي محرجة: نعم نعم، شو تقصد أخ ثاني؟ شمة: ثوثو..ثوثو ثاني كله يكول أنثي ثهبين حالب.. سارة وشكلها ما فهمت شي: حبيبي شموه..ما فهمت شي غير ثاني..من الله تعرفين تقولين حرف الثاء صح أم ثاني+ثاني:هههههههههههههههه سارة وهي تصد صوب ثاني: حتى أنت يا ثاني تقولي جذه..أفااااا وانا الي أقول ثاني يفهمني شهد: ثوثو..أنا معاث وبث(أنا معاج وبس). سارة وتصد صوب شهد وتلوي عليها: أصلا أنا بس أحبج أنتي فديت شهودة والله شمة وشوي وبتصيح: وأناااااااااا؟ سارة وهي تروغها: سيري سيري انتي عند ثاني مالج ..أنا ما أحبج خليه يقص عليج عاد شمة ما صدقت.. وبدت تصييييييييح.. سارة وهي غامضتنها شمة: يا ربي..شميم بلاج حبيبي ترى والله اتمصخر..وتلوي عليها.. ثاني: ههههههههه لا شموه هاي تقص عليج تحب شهود وبس، ويطلع لسانه حق سارة اللي كانت تطالعه بقهر في المنظرة وهو قاعد يزيد صياح شمه.. سارة: خالوه سكتي ولدج.. ام ثاني: ويدي خلاص ثاني أختك وانت تعرفها إذا صاحت ما تسكت.. ثاني بنذالة: وأنا شلي بروحها سارة قالت لها أنها تحب شهود أكثر عنها.. أنا ما قلت شي.. سارة: ثااااااااااااااااااااني، خلاص عاد تراك مصختها.. ثاني: ماصخة..حطي عليها ملح..خخخخخخخخخ سارة: واللي عنده ضغط يعني؟ ثاني: ضغط ولا سكر؟ خخخخخخخخخخخ سارة: وربي سخيييييييييييييييف الكل يعرف أن سارة ما تحب حد يلعوز فيها..عشان جذه الكل يتفلسف عليها.. وتموا على هالحال سوالف وضحك طول الطريج.. في المطار... سهيل وحارب توهم نازلين من الطيارة.. حارب: آااااااااه، والله إني تولهت لدار بوخليفة سهيل: اسكت..أنا أكثر ، خلاص أحس إني ما أقدر اصبر أكثر.. ودي اغمض وأفتح وألاقي نفسي في البيت ، بين أهلي..آخ أخيرا رديت يا سارووووه من صوب ثاني..وصلوا أحمد وعلي وحامد وسيف وثاني وأمه وسارة وشهد وشمة.. الكل تيمع في الكافيتيريا لأن سهيل دق عليهم وقال أنهم بخلصون الإجراءات بعد ربع ساعة.. سارة: ياربي خلاص ما اقدر اصبر..اخيرا رجع سهول حبيبي.. أحمد: يا سلام.. ومنو مخبرني قبل جم يوم إنه ما يقدر يصبر عني ويحبني..آخ يالمنافقة..الحين سهول حبيبي.. ثاني: عيل أنت صدقت هذي.. سيف: هي والله صدقك يا ثاني..أنا عمري ما صدقتها.. سارة ودها ترد عليهم بس مستحية تحس في عيون تراقبها.. سارة وهي تساسر خالتها: خالوووه..شوفيهم..كلهم حاطين علي.. أم ثاني: خلاص، حدكم عاد ترى كله ولا سارة ما أرضى عليها.. سيف: من بسكت ساروه الحين..حصلت محامي يدافع عنها. أحمد + ثاني:ههههههههههاااييي صدقك والله شمة: ثوثو..ثوثو؟؟ سارة وتصد صوب شمة: هلا شميم..خير حبيبي..في شي؟ شمة: أنا وثهد نبي نلوح الدكان..ودينا سارة : من عيوني، وهي تصد صوب خالتها: خالوه..بودي شهد وشمة نشتري شوية شبسات وحلويات وبنرد بسرعة.. أم ثاني: ما علي حبيبتي..بس لا تشترين لهم كل شي..وخاصة هاي شميم ما تخلي شي ما تبيه..ما ادري على منو طالعة؟ سيف: طالعة على منو بعد على ساروه..الزطية سارة: جب انته جب وقبل ما اطلع لسانها في ويهه انتبهت حق حامد اللي كان للحين سرحان فيها.. استحت ونزلت راسها ومسكت شهد في ايد وشمة في الإيد الثانية وساروا star box في star box : طبعا مثل ما قالت أم ثاني..شمة ما خلت شي ما اشترته..وسارة ما تقدر تقولها شي لأن شمه بتصيح وبتفضحها.. لما خلصوا وسارت سارة عسب تدفع..تذكرت ان بوكها في الجنطة اللي خلتها على الطاولة.. سارة: يا ربي شو هالفشلة... : خلي عنج..انا بدفع صدت سارة عسب تشوف منو الريال.. سارة وهي هب مصدقة: حاااامد؟؟؟؟؟؟؟؟ حامد: ما علي حصل خير..وانا خلاص دفعت سارة وهي صج مفتشلة: مشكور الشيخ شهد + شمة: ثكرا حامد وهو ينزل بمستوى شهد وشمه ويبوسهم: عففوا حبايبي.. كم شهودة وشمه عندنا.. ويرد يوقف ويصد صوب سارة: اقول..تراهم كلهم روحوا عسب يستقبلون سهيل وحارب وانا قلت بيي وباخذكم ويايا سارة وهي معصبة انهم روحوا وما نطروها: يا سلاااام، والحين شو؟ حامد وهو ميت على دلع سارة: ههههههه بلاج أختيه ترى الحين بنسير لهم. ومسك إيد شهد وشمة وراحوا صوبهم.. طول الطريج حامد يضحك ويا شمة وشهد وسارة وراهم تلحقهم بس بالها عند خالتها وأخوانها..وهي مفولة منهم وقاعدة تتوعد لهم .. بس حامد كان باله ويا سارة.. سارة أول مرة يشوفها بس دشت قلبه..كان دايما يسمع عنها وعن جمالها من حارب ولد خالته)،حامد 25 سنة وهو دايما يكون ويا حارب لأنهم تربوا ويا بعض وفي بيت واحد..بس ما صدق الين ما شافها بعيونه.. سارة فعلا كانت ملكة جمال بطلتها.. الكل يصد صوبها لما تمر حذالهم.. كانت بيضة.. واللي يبرز بياضها شعرها الأسود الفاحم.. بس قصير وايد لحد أذونها وكل ما يطول زيادة تقصه، بس طالع عليها جنان ، خشمها طويل، وشفايفها مليانات وخدودها ورد، عندها غمازة وحدة صوب اليمين، جسمها مرسوم عليها رسم.. سبحان من صورها.. وفوق كل هذا حبوبة لآخر درجة الكل يحترمها ويقدرها الصغير قبل الكبير، كل هذا جذب حامد صوبها.. لما وصلوا لقوا الكل متيمع عند اثنين.. بس سارة ما قدرت تميز أي واحد فيهم سهيل.. الاثنين كانوا يتشابهون..سهيل كان لابس جينز وبدي أبيض عليه قميص أسود.. اما حارب فكان لابس بنطلون جلد أسود وقميص جلد هم اسود طالعين جنااااااااااااااان، تقدمت سارة أكثر ... وأكثر بس حامد سبقها وسار صوب واحد وتم يلوي عليه.." أكيد هذا ولد خالته المغرور.. يعني الثاني سهول" وعلى طول سارت صوبه ومن وراه مسكته وتمت تصيح وتصارخ: سهييييييييييييييييل حبيبي أخيرا رجعت : دبوووووووووووووه، ذبحتينا.. يعني قلنا مشتاقين حقنا بس هب جذه.. تيبست سارة من سمعت هالصوت ... لا لا هذا هب صوت سهيل هذا صو...... :لااااااااا حارب: ويعااااااااااااا، انتي للحين حشرة سارة وهي تبتعد والكل يطالعها وفيهم ضحكة واولهم سهيل اللي ما قدر يمسك عمره زيادة: هههههههههههههااااااااااااااااااااااااااااااااايييي يييييييييييييييييييييييييي.. من اولها جذي سارة وهي مشتاقة حق سهيل بس في نفس الوقت منقهرة من كلامه لكن شوقها كان أكبر في هاللحظة وركضت صوبه ولوت عليه وهي تصيح..."من الفشلة". سهيل بعد كان وده يصيح لأن سارة أكثر وحدة فعلا اشتاق لها..: والله وكبرتي يا ساروه.. وصرتي عروس .. صج تغيرتي سارة وهي هب قادرة ترد من كثر الصياح: جب انزين. سهيل: ايواااااااااااااا هذي ساروه اللي أعرفهاااا من صوب ثاني كان حامد واقف عند ولد خالته حارب.. لفت صوبهم سارة وحاولت تشوف حارب.... كان متغير 180 درجة كان شعره طولان لحد كتوفه بعكس سهيل اللي كان قاصنه قصة اجنبية ما قدرت تنكر أنه عذاااااااااااااااااااااااااااااااااااب ، حارب انسان وسيم وجذاااااااااب حنطاوي، عيونه سود ووساع..واللي يميزه الشامة اللي تحت عيونه ، صح أن حارب اللي يشوفه يقول أنه مغرور لكن اللي يعاشره يكتشغ عكس ذلك لأن حارب يخفي بداخله طفل حبوب جدا، وحزييييييييييين" بعدين بخبركم سالفته" ولفت صوب حامد وقعدت تسبه مليون مرة " الخام.. كله منه حطني في موقف لا يحسد عليه" :..الجلب..الخايس..الحمااااااااااااااار عقب ما سلموا ببعض وشبعوا من حارب وسهيل تحركوا صوب السيايير عسب يرجعون بيوتهم.. طول الوقت وسارة لاصقة في سهيل وهو حاضننها.. حارب كان شايل شمه وشهد مع حامد مع أنهم ما كانوا مولودين لما سافر بس الظاهر تعودوا عليه وايد ..حامد للحين يطالع سارة اللي حست بنظراته بس كانت مطنشتنها..علي وسيف كانوا يدزون الأغراض وراهم.. برع المطار.. سهيل: كم سيارة انتوا؟ ثاني: سيارتي وسيارة أحمد..وحامد. حارب: أنا بركب ويا حامد ترى على طول بسير حق خالوه ظبية..ما اقدر اصبر زيادة ترى متوله عليها حدي (ظبية هي خالة حارب وهي كل أهله تقريبا.. صح أن عمه أبوعلي هب مقصر عنه بشي بس هو عايش وياها ويحبها موت ويعتبرها شرات أمه الله يرحمها اللي توفت ويا أبوه في حادث مؤسف كان حارب وقتها عمره سنتين عسب جذه خذته خالته وربته وياها وهو الحين يعتبرها كل شي بحياته.. ظبية حرمة عودة ماعندها عيال بس تزوجت مرة ومات ريلها.. والحين ما عندها غير حارب اللي تعتبره مثل ولدها وزود) أحمد: خلاص عيل..بس عشاكم عندنا ترى حارب: يصير خير سهيل: لا لا إن شاء الله أكيد سارة: يلا سهيل ترى أمايا حرقت التليفون ولهانة عليك في هاللحظة ما يدري حارب ليش قهرته سارة بهالحركة واكتفى بنظرة احتقار لسارة الكل حس بها .. وسارة كالعادة ما تسكت عنه.. سارة وبنذالة وعيونها في عيون حارب وجنها تتحداه : أقول سهيل ما في داعي نترجاه، اللي ما يبانا .... ما نباااااه حارب نزل راسه ورسم على ويهه ابتسامة استهزاء كانت كفيلة بأنها تفور دم سارة سهيل وهو ضايع بين أخته وحارب: خلاص ماعلي..نتشاوف فالليل.. أم ثاني: سلم على خالتك يا ولدي حارب: يبلغ إن شاء الله.. ويصد صوب سارة: ومشكورين على الاستقبال الطيب. سارة وفي خاطرها.. والله ولك ويه تحط عينك في عيني..بس ماعلي يا حروب براويك منو تكون سارة الخيلي.. امممممممممم.... شو تتوقعون رح يصير بين حارب وسارة؟ وشو هو الموقف اللي بتنحط فيه سارة ويا حارب.. ومنو هن الشخصيات الجديدة اللي بتظهر؟ كل هذا وأكثر في الجزء (3) __DEFINE_LIKE_SHARE__ التعديل الأخير تم بواسطة عيناويه رقيص ; 01-14-2008 الساعة 11:58 AM.  |
|
01-14-2008, 08:06 PM
| رقم المشاركة : [ 2 ] |
| عضو ماسي  |  مشكــــــــــــــــوورهـ وواتــــريـا التكملهــ ..
__DEFINE_LIKE_SHARE__
|
|
| |
| |
|
01-14-2008, 08:58 PM
| رقم المشاركة : [ 3 ] | |
| عضو ماسي  | مشكورهـ اختي و ننتظر التكمله .. __DEFINE_LIKE_SHARE__ | |
| ||
| |
.gif "lol")
lolr43: |
01-17-2008, 11:20 AM
| رقم المشاركة : [ 4 ] |
| عضو جديد  | أمشي على درب الهوى عكس قانونه الجزء (3) للكاتبة: درر سارة: يلا سهيل ترى أمايا حرقت التليفون ولهانة عليك في هاللحظة ما يدري حارب ليش قهرته سارة بهالحركة واكتفى بنظرة احتقار لسارة الكل حس بها .. وسارة كالعادة ما تسكت عنه.. سارة وبنذالة وعيونها في عيون حارب وجنها تتحداه : أقول سهيل ما في داعي نترجاه، اللي ما يبانا .... ما نباااااه حارب نزل راسه ورسم على ويهه ابتسامة استهزاء كانت كفيلة بأنها تفور دم سارة سهيل وهو ضايع بين أخته وحارب: خلاص ماعلي..نتشاوف فالليل.. أم ثاني: سلم على خالتك يا ولدي حارب: يبلغ إن شاء الله.. ويصد صوب سارة: ومشكورين على الاستقبال الطيب. سارة وفي خاطرها.. والله ولك ويه تحط عينك في عيني..بس ماعلي يا حروب براويم منو تكون سارة الخيلي.. .................................................. ........................ في سيارة حامد... حارب وهو يرد السيت ويتمدد: آاااااااخ والله إني متوله على خالتي.. حييييييييييييييل حامد: هههههههه كلها نص ساعة بالكثير وبتشوفها إن شاء الله حارب: نص ساعة؟ والله لو تقولي ثانية جنها سنة.. حامد : اللي صبرك كل هالسنين بصبرك على هالساعة. حارب: يالله خير إن شاء الله حامد: بس تصدق.. شكلك وايد متغير.. محلو يالخام حارب وهو مسكر عينه شكله تعبان: أصلا أنا دومي قمر حامد: الحين منو بسكته هذا.. يا أخي كلمة وسحبناه آسفين على الازعاج حارب ويكتفي ببتسامة رقيقة.... في سيارة أحمد.. كان فيها أحمد وسهيل وعلي.. سهيل: والله إني متوله عليكم وعلى غشمرتنا ويا بعض.. علي: يالله الحين منو قدك.. خريج امريكا أحمد: سير لاه خريج أمريكا أونه سهيل: يا ربي مشكلة اللي يغارون....من الله شهادتك ثالث اعدادي أحمد: بدينا نغلط علي: هههههههههههههه عيل أنا أشطر عنك على الأقل كملت أول ثانوي ولو بالدز بعد احمد: بتسكتون ولا أفركم الحينة من سيارتي سهيل: والله نذل تسويها علي: يفرنا أونه.. والله مصخرة طمة ويخرط سهيل: حلللللللللللوة بس لا تعيدها أحمد: علوووووي ابلع لسانك أحسن لك علي: يهدد بعد.. سهيل: والله حالة ...هههههههههههههههااااااااااااااااااااااي وتموا على جذه طول الطريج في سيارة ثاني... سارة: يالله بسرعة ثاني أبي أرد البيت قبل سهيل.. أبي أشوف الفلم الهندي اللي بستوي.. ثاني: لا والله بس انا شفت مسلسل مكسيكي اليوم.. هههههههههههههههاااااااااااااااااااااااي سارة وتذكرت الموقف البايخ اللي انحطت فيه اليوم: خااالوووووووووووووووووه شوفي ثاني ترى والله هب فايجة لسخافاته أم ثاني: أف وبعدين معاكم بس اسكتوا أنت وياها.. خلوا شهد وشمة راقدين قفطة.<<<<<<< سارة + ثاني خخخخخخخخخخخخخخخخخخ من صوب ثاني...حارب وحامد توهم وصلوا فلة خالتو ظلبية.. الفيلا كانت أشبه بقصر. يتألف من أربع طوابق في كل طابق 6 غرف تقريبا ، من غير النوافير والاسطبلات وحدائق الورد اللي مزينتنه..مع أن الفيلا ما كان يسكنها غير حارب وخالته والخدم.. حارب وهو ينزل و يأشر صوب أحد الخدم عسب ينزل الجنط..وما عطى حامد سالفة على طول نزل وهو يركض صوب الفيلا وهو كله شوق حق خالته.. حارب وهو يفج باب الصالة الزجاجي بكل قوة: أماااااااااااياااااااااااااااااااااااااااا في هالوقت كانت ظبية ماسكة المبخر وقاعدة تبخر حجرة حارب لما سمعت الصوت ما قدرت تمسك دمعتها.. حارب وهو يصعد الدري ركيض بعد ما خبرته الخدامة أنها في حجرته قاعدة ترتبها.. حارب وهو يدخل الحجرة: أماااااااااياااااااااا ويركض على طول ويرمي نفسه في حضنها.. وما قدر يحبس دموعه زيادة ظبية اللي كانت تصيح من أول ما سمعت صوته يزقرها أمايا اللي صار لها سنين طويلة ما سمعتها.. ظبية وعيونها ممتزرات دموع : الحمد الله على سلامتك يا ولدي حارب: الله يسلمج غناتي، والله إني متوله عليج حيييييييييييييل ظبية: وأنا أكثر..طولت الغيبة حارب: من اليوم وساير ما رح أتركج دقيقة وحدة زيادة ظبية وبدت تكح: كح كح كح حارب وهو يبتعد عن حضنها ويقعدها على أقرب كرسي: خير الغالية.. بلاج؟ ( مثل ما تعرفون ظبية حرمة عودة وما تقدر توقف وايد).. ظبية: ما شر يا ولدي.. المهم أنته يا ولدي خبرني شو سويت طول هالسنين حارب وهو ينزل ويقعد تحت ويحط راسه على ريل خالته: آاااااااااااااه والله أن اليوم بغيابج عن سنة.. بس الحمد الله نويت أني ما أرد ألا وأنا ماخذ الشهادة بس عسب أرد شوي من جمايلج علي..وما أنسى فضل الله ومن ثم فضل سهيل ولد عمي اللي ما قصر علي مولي ظبية وهي تمسح على شعر حارب الطويل: الحمد الله .. حتى أنا يا ولدي عيال عمك وعمك أبو سهيل وأبو علي ما قصروا علي كانوا بين كل فترة وفترة يطلون علي..وخصوصا سارة اللي ما يمر يوم إلا وهي تدق تطمن علي حارب: فيهم الخير خالوه..إلا ذكرتيني.. تراهم اليوم مسوين عزيمة بمناسبة رجوعنا أنا وسهيل في بيت ابو سهيل.. ولزموا ألا نسير ونتعشى هناك..حتى أنا ما سلمت بعمي أبو سهيل وعمي أبو علي.. ظبية: لا صح لازم نسير .. وأنا بعد أبا اتحمد لسهيل بالسلامة.. .................................................. ........................... الساعة 8,30 مساءا، الكل كان متيمع في بيت بو سهيل.. صوب الرياييل.. كان ميلس الرياييل ممتزر .. أبو سهيل وعياله سهيل وأحمد وسيف..وعمهم أبو علي..وولده علي وحامد كان توه واصل وثاني وحارب.. وربعهم اللي عزمهم سهيل (نادر وهزاع وسلطان) <<<<<< كانوا بظهرون وياهم بعثة بس الظروف كانت أقوى منهم وما سمحت لهم.. وجيرانهم كلهم موجودين يشاركوهم الفرحة بهالمناسبة.. أبو سهيل: والله وبيضتوا الويه يا عيال الخيلي سهيل وهو متخقق: احم احم..شكرا شكرا حارب: الله يسلمك عمي ... ترى كل هذا بفضل الله وبفضلكم بصراحة ما ننسى وقفتكم ويانا.. أحمد وهو يستهبل : اللي يقوووول مطيرين طيارة ثاني: أنت تقول طيارة.. أنا اتحرى صاروخ الكل: ههههههههههههههههههههههههههههههههههه سهيل وهو يصد صوب حارب: مو جنهم يتمصخرون علينا ؟؟ حارب: خلهم خلهم.. الحين تلاقي الغيرة ذابحتنهم.... بس انت اسكت عنهم واقرى على نفسك سهيل: صدقك والله.. ترى ما تسوى علينا هالشهادة ، وقعد يقرى سورة الفلق بصوت عالي الكل: ههههههههههههههههههههههه .................................................. ................ صوب الحريم.. الصالة والميلس .........ابد ماشي مكان تحط فيه ريلك الحريم والعيايز والصغارية محد تم ما حضر.. أم علي وحصة وسارة وشهد وشمة وظبية اللي كانت بعيدة شوي عنهم لأنها حرمة عودة وما تتحمل الحشرة بس سارة طول الوقت قاعدة وياها.. وأم ثاني وأم حامد وبنتها شيماء(أخت حامد 20 سنة) وهي ربيعة حصة في الجامعة، وكانوا في شلة بنات أول مرة تشوفهم سارة بس تعرفت عليهم وحبتهم (علياء "أخت نادر" ميسون " أخت هزاع").. كلهن في أعمار سارة وحصة تقريبا.. سارة: يا حيكم والله علياء: فديتج والله يا ساروه.. أنا أول مرة أشوفج بس الصراحة تدشين القلب سارة وأونها مستحية: تسلمين حبوبة ميسون: لا... وقمر بعد سارة: خلاص عاد بلا مجاملات...لا تخجلوني.. ميسون كانت صج ما تجامل.. سارة كانت في قمة أناقتها وجمالها..كانت لابسة تنورة عنابية على بدي أبيض عيه كتابة أجنبية بالعنابي.. وكانت فاجة شعرها القصير ومستشورتنه....وحاطة eye shadoo عنابي خفيف طالع جنااااااان عليها.. حصة وهي مبوزة: وأنا؟؟؟؟ صج خونه.. مو جني أنا ربيعتهم شيماء: فديت حصووه أنا.. أصلا أنتوا كلكم حلوات .. كل وحدة أحلى عن الثانية فعلا.. حصة كانت لا تقل جمالا عن سارة.. كانت لابسة جلابية فوشية من اليشمك روووووعة.. واللي مساعد حصة طولها اللي يخبل.. بعكس سارة كان شعرها أسود طوييل يتعدى اركبها وتموا على جذه طول الوقت سوالف وضحك وصاروا ربع.. وكل وحدة خذت رقم الثانية.. .................................................. ............ في هالوقت سارت سارة صوب خالة حارب ظبية تطمن عليها.. سارة وهي تقرب منها: ها خالوه.. إن شاء الله مرتاحة ظبية: كح كح كح.. هي يما فديتج... بس شوي راسي مصدع..لو ما عليج أمر تزقرين حارب ابي أرد البيت ارتاح سارة: أفا.. مسرع ما مليتي منا ظبية: والله يا بنتي قعدتكم وما تنمل.. بس تعرفين أنا اليوم من الصبح ناشة ومرتبشة قاعدة أرتب حجرة حارب.. وأبخرها بعد هذا الغالي..ولد الغالية..الله يرحمها سارة: الله يرحمها..."وفي داخلها تحسد حارب على هالخالة الطيبة".. سارت سارة تزقر أخوها سهيل عسب يخبر حارب.. وسوت له رنة بس ما رد عليها.. لأنه كان حاطنة عالسايلنت.. دقت حق أحمد بعد نفس الشيء.. سارة: يا ربي.. الحين شسوي.. ما كو غير أسير برع وأطرش ميري أدق باب الميلس... سارت صوب المطبخ..اللي كان ممتزر حريم والكل قعد يطالع فيها أول ما دخلت.. سارة وفي خاطرها:أفففففففففف الحين هذيلا شو يطالعون؟؟.. : وقعدت تصارخ: ميييييييييييري...مييييييييييييررررررررريييييي يي أم ثاني: ساروه.. بلاج تزاعقين فضحتينا..ميري سارت صوب شمة وشهد الحديقة تلاعبهم... يلا الحين اظهري ما تشوفين الحريم سارة: انزين انزين سارت سارة صوب الحديقة اللي ورى البيت.. وشافت مجموعة من اليهال قاعدين يلعبون .. وهي سايرة صوبهم شافت واحد قاعد في الحوش اللي برع في سيارته بس مبطل الباب شكله كان قاعد يدخن... سارة: واخزياه.. لو شافني وأنا بدون وقاية شو بقول أكيد مضيعة المذهب.. خلني أسير بسرعة وأخبر ميري وأدش داخل.. سارة: ميري.. ميري: نأم مدام.. سارة: سيري داخل عند باب سهيل قولي له.. وقبل ما تكمل رمستها.. شافت شهد وشمة يايين ركيض صوبها.. افترت سارة صوبهم تتحرى يايين صوبها بس قفطوها .. لأنهم سووا لها طااف وكملوا طريجهم صوبه.. : هلاا وغلا تيبست سارة من سمعت الصوت وعلى طول انخشت ورى اليدار.. شمة: أمي حالب..(عمي حارب) حارب: عيونه.. شمة: أنا وايد أهبك(أنا وايد أحبك) شهد: لاااااااا أنا أهبه وبس( أنا أحبه وبس) وقعدوا شمة وشهد يتهاوشون.. حارب وهو ميت عليهم: هههههههههه خلاص خلاص لاتزعلون..أنا أحبكم وايد طول هذا كله وسارة منخشة ورى اليدار وهب عارفة شو تسوي لأن ماشي طريج للصالة غير واحد.. وهي بليا شيلة ..والأخ حارب يدري أنها منخشة ورى اليدار .. أصلا هو كان يراقبها من أول ما ظهرت فحب يلعوز بها شوي.. سارة وهي تتحرطم: أففففففففففف ، ياربي أنا الحين شسوي؟؟ وهاي ميري الغبية والله لأراويج حارب وهو ناقع من الضحك بس ميود عمره: شو تلعبون شموه.. لعبوني وياكم.. شمة: نلأب كوك(نلعب كوك) حارب: خلاص عيل .. أنا بعد وأنتوا انخشوا.. أوكي شهد وشمة وباجي العيال اللي تيمعوا حول حارب: يلاااااااااا وفعلا قعد حارب أونه يعد وكل اليهال ساروا وانخشوا كل واحد في مكان.. وتمت شهد تدور على مكان بس ما حصلت وصدت صوب حارب لقته قاعد يأشر لها صوب وين سارة منخشة.. ابتسمت شهد ابتسامة بريئة وسارت صوب سارة منخشة مثل ما قالها حارب.. سارة وهي مصدومة وقعدت تهمس حق شهد: شهووووووووودة سيري مناك.. شو يايبنج هني .. سيييييييييييرييييييييييي شهد: لا لا بعدين أمي حالب بمسكني.. سارة: يالجلبة والله بضربج سيري مناااااااك شهد وهي تصارخ: لااااااااااااااااااااااا كل هذا وحارب واقف الفرصة المناسبة عسب يظهر وهو ميت ضحك ويدعي ربه أنه يضبط الدور.. حارب: 5..4..3..2..1 الحين بظهر.. وعلى طول سار صوب سارة وشهد.. حارب ويسوي عمره أونه مصدوم: وهذي شهوده ومسكناها.....ويسوي عمره مندهش من سارة: أه.. سوري ما دريت انج هني ويرد لورى وهو ناقع من الضحك.....خخخخخخخ سارة وهي للحين هب مصدقة اللي قاعد يستوي.. أما شهد فظهرت تركض صوب حارب حارب: ياحليلها شكوها شهد: اسلا هذا كله من سالوه (أصلا هذا كله من ساروه) سارة وهي ورى اليدار: ساروه فعينج يالدبة.. ما علي أراويج حارب: محد يقدر يجيس شعرة من شهودة الحلوة وأنا موجود.. سمعتوا سارة وهي تقلد صوته: "محد يقدر يجيس شعرة من شهودة الحلوة وأنا موجود.. سمعتوا".. خلاص خفت أنا الحين حارب: جب جب لو فيج خير اطلعي من ورى اليدار.. ويصد صوب شهد: شوفي شهد ساروووووه .>>>>>>وكان قاصد يقولها بصوت عالي عسب يقهرها..ياحليلها للحين منخشة تبي تلعب ويانا غصب.. والله حالة شهد: ههههههههههههه سارة: تخسي ألا أنت أنا العب وياك ماشي شغلة شو.. حارب: عيل شو مظهرنج برع.. مافي حد غيرج هني.. كلهم يهال وانتي قاعدة تربعين من المطبخ للحديقة.. والله شكلج كان تحفة سارة.. ياسلام يعني حضرته طول الوقت كان يشوفني.... يالفضيحة..والله لو شافني سهيل ولا أحمد جان أنا مذبووووحة..وفجأة تذكرت سارة هي ليش موجودة هني: المهم أنا ابي أدش داخل ممكن تفارج ترى خالوه ظبية مطرشتني عسب أزقرك يالخام.. تبي ترد البيت حارب: خالوه..وجي ما تقولين من الصبح؟ وينزل شمة بعد ما حبها على خدها .. وسار داخل.. وهني سارة ما صدقت على طول ظهرت ولحقت على حارب اللي للحين كان قاعد يمشي في الحوش.. قعدت تتأمله للحظة.. كان وسيييييييم بشكل فضيع.. وخاصة أنه كان متسفر وكاشخ بالكندورة القطرية .. سارة: يعرف يكشخ بعد الخام.. وقطع تفكيرها صوت شمة: سالوه كله منج حالب لاح( ساروه كله منج حارب راح) سارة وأخيرا انتبهت لشمة: لا والله شو تفضلتي أخت شمة.. يعني عادي عندج اللي سويتيه فيه اليوم.. بس ما علي أراويج بعدين.. الحين خليني أدش داخل قبل لا يظهر لي واحد ثاني واتبهدل شهد: ثاني مهد هني.. سارة: ثاني؟ منو طرى هذا الخبلة بعد؟ شهد: ما الي بقوله(ما علي بقوله) سارة وتصفع شهد صفعة خفيفة: أقول اجلبي ويهج ترى وايد عطيتج ويه.. وتربع داخل سيدة أمشي على درب الهوى عكس قانونه الجزء(4) سارة وأخيرا انتبهت لشمة: لا والله شو تفضلتي أخت شمة.. يعني عادي عندج اللي سويتيه فيه اليوم.. بس ما علي أراويج بعدين.. الحين خليني أدش داخل قبل لا يظهر لي واحد ثاني واتبهدل شهد: ثاني مهد هني.. سارة: ثاني؟ منو طرى هذا الخبلة بعد؟ شهد: ما الي بقوله(ما علي بقوله) سارة وتصفع شهد صفعة خفيفة: أقول اجلبي ويهج ترى وايد عطيتج ويه.. وتربع داخل سيدة .................................................. .. دشت سارة على طول غرفة ظبية تنشد عنها.. بس ما لقتها الظاهر روحت.. ربعت على طول صوب البلكون.. ومثل ما توقعت حصلت حارب قاعد يساعدها عسب تركب السيارة.. وما شالت عينها إلا بعد ما ابتعد حارب بسيارته.. قعدت على السرير بعد ما تنفست الصعداء وهي تذكر موقفها اليوم ويا حارب.. وقعدت تضحك بصوت مسموع..دشت عليها حصة مستغربة: اللهم سكنهم في مساكنهم.. بلاج ساروه؟؟؟ سارة وهي تكمل ضحها: ها.. ههههههههههههه لا ما شي حصة وهي تلبس عباتها: المهم أنا بظهر الحينة سارة وهي توقف على حيلها: نعم نعم .. على وين إن شاء الله؟ حصة: بلاج، أحمد يبيني انزل له تحت شوي.. فقالي البسي عباتج عسب في رياييل برع سارة وتذكرت موقفها ويا حارب وكيف أنها كانت بدون عباة ولا شيلة .. وحطت ايدها على قلبها.. تحمد ربها أن محد شافها.. حصة وهي تقرب منها وتحط ايدها على يبهتها: لا.. فيج شي اليوم سارة وهي مرتبكة: ها؟ لا لا ما فيني شي.. المهم انتي انزلي بسرعة حق احمدوه عن يعصب ويشوف غيرج حصة: يخسي الا هو يطالغ غيري.. جان اذبحه... وتنزل بسرعة سارة: هههههههه... ياحليلج يا حصوه... شكله هذا احمد مسويلج غسيل مخ.. وع ما اتخيل عمري أحب...يع يع يع.. (سارة عمرها ما حبت أحد.. حتى سوالف أهلها عن حارب ما كانت تعيرها أي أهمية..كانت تعتبرها مجرد سخافات.. والكل يعرف بهالشي ) .................................................. .............. نزلت حصة تحت وشافت بعض الحريم اللي للحين قاعدين يتقهوون مع أن أكثرهم روحوا.. وشافت أمها يالسة ويا مرت عمها أم سهيل.. أم علي: حصة.. وين سايرة؟ حصة: ها؟؟ بسير المطبخ شوي.. عطشانة أم علي: بس تحملي ترى في رياييل حصة وهي ظاهرة صاروخ: إن شاء الله .. إن شاء الله ظهرت حصة ركيض وكل شوي تلتفت ورى تتأكد أن محد يشوفها.. ومن كثر ما هي زايغة اصدمت بأحمد من ورى لأنها ما كانت منتبه للطريج عدل.. أحمد: شت حصة وهي ترتجف من الزيغة: أ..أ حمد؟ ويصد أحمد بعد ما سمع صوت حصة المخملي اللي خلاه يذوب: عيونه..قلبه..رووووحه حصة وهي منزلة راسها مستحية: خير شو تبى بسرعة؟؟ أحمد ويسوي عمره معصب : شو أبى.. ياي أطر منج شو؟ حصة: أحمد والله زايغة.. أخاف حد يشوفنا أحمد : ويعني.. ولا انتي نسيتي أني بصير ريلج حصة وماتت من قالها ريلج ونزلت راسها.. أحمد: فديت اللي يستحون والله.. حصة وبدلع: أحمممممممممممد ، يلا عاد اتكلم جد أحمد: هذي يزاتي إني متوله عليج وأبي أشوفج.. حصة: حتى أنا يا عمري .. بس أنت ادرى بالظروف أحمد: هب شغلي المهم أنا كنت بقولج إني بخطبج رسمي.. شو رايج؟ انصدمت حصة من رمسة أحمد .. هي تحبه ومستعدة تضحي على شانه بس هي هب مستعدة للزواج الحينة.. تبي تكمل دراستها بالأول..: أحمد أنت من صدقك؟ أحمد: لا عيل اتمصخر وياج...بصراحة أنا ما أقدر اصبر زيادة..وابيج حليلتي بأسرع وقت حصة وخانتها العبرة: أحمد.. شو يعني بأسرع وقت..هذا هب اتفاقنا.. أحمد وشكله بدى يفقد أعصابه: لا والله..ومتى إن شاء الله ناوية؟ حصة وهي مصدومة من طريقة كلام أحمد معاها: لا لا ما أصدق أنك أنت أحمد اللي يحبني ويعزني لاااا ما أصدق أحمد وحس أنه مصخها شوي، وبنبرة رقيقة: حصوه.. حبيبتي أنا ما بسوي جذه الا لأني أحبج وأموت فيج.. وبعدين شفيها إذا عرسنا الحينه ودراستج بتكمليها وما بتغير شي حصة وهي تبتعد عنه: قلت لك لأ يعني لأ..وإذا أنت ملزم عالزواج.. ترى بنات الحلال وايد .. ومشت عنه.. أحمد شكله فول من طريقة كلامها معاه وبدى يعلي صوته عسب تسمعه قبل لا تبتعد: بالطقاااااااااق ومثل ما قلتي بنات الحلال وايد وأنا هب ملزوم فيج.. على الرغم من أن حصة ابتعدت شوي بس صراخ أحمد كان يرن في أذونها ووايد حز في خاطرها رمسته: معقولة هذا الكلام يطلع منك يا أحمد وأنا اللي كنت متخيلتنك سندي في الدنيا.. دشت حصة الصالة ودموعها على خدها شلال وعلى طول سارت حجرة سارة وعقت عمرها على السرير.. سارة اللي كانت في الحمام.. من سمعت صياح حصة زاغت وعلى طول سارت وقعدت يمها.. سارة: حصوه حبيبتي بلاج، شو السالفة، شو قالج أحمد؟ حصة: ما أحبه..ما أحبه.. أكرهه انصدمت سارة من رمسة حصة أول مرة تقول أنها تكره أحمد: شووووووووو؟ حصة: آخ يا سارة بس لو تسمعين شو قالي؟ سارة: شو قالج؟؟؟؟؟ حصة: أونه بنات الحلال وايد وهو هب فايج يصبر الين ما أخلص دراستي.. أكرهه..أكرهه سارة: معقولة أحمدوه يقول جذه.. لا لا ما اصدق يمكن يبي يختبرج بس.. لا لا ما أصدق حصة: يتمصخر؟؟ أقولج كان بياكلني وهو قاعد يصارخ علي.. أنت بس لو شفتيه.. سارة وهي مصدومة: معقولة يطلع كل هذا من أحمد.. بس ما علي يا حصوه أنا باخذ لج حقج منه.. وظهرت من حجرتها حتى من غير ما تسمع رد حصة . .. سارة وهي تدق باب حجرة أحمد: أحمد؟؟؟ فج الباب أبي أرمسك أحمد وهو ما له نفس يرمس بعد السالفة اللي صارت قبل شوي: أفففففففف ساروه مالي خلقج ما ابي أفتح الباب.. أبي ارقد تعبان سارة: أحمد صدقني ما بتحرك قبل لا تفج الباب..وقعدت تدق بقو على الباب أحمد وهو مفول من حركات سارة.. وما قدر يتحمل أكثر وسار فج الباب بقو: نعم خيييير؟ سارة وهي ماتت من الزيغة بعد ما شافت منظر اخوها ..كان الشرار يبان من عيونه .. لا شكلها السالفة صج.. سارة وهي مرتبكة.. ضاع منها كل الكلام اللي كانت بتقوله... شكلها حتى لو سألتها عن اسمها في هاي اللحظة عادي تقول سعيدة بدال سارة من الخرعة..خخخخخخخخخ سارة: أ...أححممد..شفيك معصب؟ أحمد: أففففففففف، سارووه الله يخليج ترى خلاص واصلة حدي.. قولي اللي عندج بسرعة؟ سارة وهي تحاول تستجمع قوتها: حصة.. أحمد:............................."ما يرد"<<<<<<<<< يضرب الحب شو بزل خخخخخخخخخخخخ سارة: بلاك ما ترد، يعني اللي قالته حصوه صج؟ أحمد: هي صج، وأنا من باجر بخلي أمايا أدور لي على بنت الحلال.. ولا مذلة هالبنت..حشى تقول باخذ الملكة ديانا سارة وهي تستعبط : من هالناحية صدقت والله .. هاي حصوه ما ادري على شو شايفة نفسها.. على قولتك تتحرى عمرها الملكة ديانا أحمد: تخسين ألا انتي..والله كل العالم ما يسوون حبيبة قلبي حصة سارة: يا سلام..توك تقول رمسة والحين تحطها علي.. سبحان اللي يغير ولا يتغير أحمد: آاااااااه يا سارة أنتي ما تعرفين حصة شو بالنسبالي ، حصة هي كل حياتي.. حصة هي الهوا اللي اتنفسه.. هي الدوا اللي يشفيني..هي .. وتقطعه سارة: بس بس بس.. حشى هب حصوه هذي..روميو وجولييت بزمانكم أحمد: هههههههه سارة: هي اضحك.. خلني أشوف ضحكتك الحلوة.. أحمد وهو يجرب من سارة ويبوسها على خدها: والله أحبهااااااااا سارة: أنا والله هب حصوه.. أنا سارة .. والله العظيييييييم أحمد: هههههههههههههههه سارة: شوف.. الحين بسير أزقر حصة وبييك أوكي.. لازم تراضيها حرام. أحمد: هي وينها الحين؟ سارة: في حجرتي... الحين بزقرها لك.. وسارت سارة عسب تزقر حصة بس ما لقتها.. الظاهر روحت البيت.. أحمد: عنلاتها الخامة. سارت البيت يعني.. بس ما علي أراويج فيها يا ساروه سارة: هي والله.. ابيك تكسر راسها أحمد: مو جني عطيتج ويه؟ سارة: نعم نعم..الحين عطيتج ويه.. بس ماعلي بوشهاب..الشره هب عليك الشره علي أنا اللي قاعدة أساعدك أحمد: تساعدني أونه.. أصلا أنا وحصة دومنا نتزاعل ونتصالح بروحنا..من غير عذااال سارة وتسوي عمرها زعلانة: الحين أنا عذال؟ بس ما علي...الله يسامحك أحمد وهو يجرب من سارة ويحضنها: فديييييييت سارونة أنا..اممممممممممممواح..بلاج استهبل وياج سارة: أحلف..اتحرى صج أحمد: سخيييييييفة سارة: هب اسخف عنك أحمد: جب جب.. ويا شعرج هذا.. عنبوه حتى شعر عبسي أطول عنه..خخخخخخخخخ سارة: وأنت شلك، أصلا أنت غيران لأنه أنعم من شعرك هذا الفلفول ههههههههه أحمد: تخسين شعري أنا فلفول.. سارة: لا والله ما ادري منو يدش حجرتي ويستعمل الاستشوار مالي أحمد: يعني تعترفين أن شعرج كله استشوار..ههههههههه سارة: لا والله.. أنا بس استعمل الاستشوار عسب أجفف شعري.. احمد: هي صح صح خخخخخخخخخخخ وتموا يسولفون ويتمصخرون حق بعض.. وقدرت سارة أنها تعيد المياه لمجاريها بين أحمد وحصة.. وهذا المعروف عن سارة.. دايما تحاول تحل الأمور بعقلانية.. بعد أسبوع من الأحداث السابقة.. قدر أحمد أنه يراضي حصة .. طبعا بمساعدة سارة.. واتفقوا أنهم يخطبون رسمي لكن الزواج تم تأجيله شوي الين ما تحس حصة أنها مستعدة للزواج.. .................................................. .................... __DEFINE_LIKE_SHARE__ |
|
| |
| |
|
01-17-2008, 11:22 AM
| رقم المشاركة : [ 5 ] |
| عضو جديد | أمشي على درب الهوى عكس قانونه الجزء(4) سارة وأخيرا انتبهت لشمة: لا والله شو تفضلتي أخت شمة.. يعني عادي عندج اللي سويتيه فيه اليوم.. بس ما علي أراويج بعدين.. الحين خليني أدش داخل قبل لا يظهر لي واحد ثاني واتبهدل شهد: ثاني مهد هني.. سارة: ثاني؟ منو طرى هذا الخبلة بعد؟ شهد: ما الي بقوله(ما علي بقوله) سارة وتصفع شهد صفعة خفيفة: أقول اجلبي ويهج ترى وايد عطيتج ويه.. وتربع داخل سيدة .................................................. .. دشت سارة على طول غرفة ظبية تنشد عنها.. بس ما لقتها الظاهر روحت.. ربعت على طول صوب البلكون.. ومثل ما توقعت حصلت حارب قاعد يساعدها عسب تركب السيارة.. وما شالت عينها إلا بعد ما ابتعد حارب بسيارته.. قعدت على السرير بعد ما تنفست الصعداء وهي تذكر موقفها اليوم ويا حارب.. وقعدت تضحك بصوت مسموع..دشت عليها حصة مستغربة: اللهم سكنهم في مساكنهم.. بلاج ساروه؟؟؟ سارة وهي تكمل ضحها: ها.. ههههههههههههه لا ما شي حصة وهي تلبس عباتها: المهم أنا بظهر الحينة سارة وهي توقف على حيلها: نعم نعم .. على وين إن شاء الله؟ حصة: بلاج، أحمد يبيني انزل له تحت شوي.. فقالي البسي عباتج عسب في رياييل برع سارة وتذكرت موقفها ويا حارب وكيف أنها كانت بدون عباة ولا شيلة .. وحطت ايدها على قلبها.. تحمد ربها أن محد شافها.. حصة وهي تقرب منها وتحط ايدها على يبهتها: لا.. فيج شي اليوم سارة وهي مرتبكة: ها؟ لا لا ما فيني شي.. المهم انتي انزلي بسرعة حق احمدوه عن يعصب ويشوف غيرج حصة: يخسي الا هو يطالغ غيري.. جان اذبحه... وتنزل بسرعة سارة: هههههههه... ياحليلج يا حصوه... شكله هذا احمد مسويلج غسيل مخ.. وع ما اتخيل عمري أحب...يع يع يع.. (سارة عمرها ما حبت أحد.. حتى سوالف أهلها عن حارب ما كانت تعيرها أي أهمية..كانت تعتبرها مجرد سخافات.. والكل يعرف بهالشي ) .................................................. .............. نزلت حصة تحت وشافت بعض الحريم اللي للحين قاعدين يتقهوون مع أن أكثرهم روحوا.. وشافت أمها يالسة ويا مرت عمها أم سهيل.. أم علي: حصة.. وين سايرة؟ حصة: ها؟؟ بسير المطبخ شوي.. عطشانة أم علي: بس تحملي ترى في رياييل حصة وهي ظاهرة صاروخ: إن شاء الله .. إن شاء الله ظهرت حصة ركيض وكل شوي تلتفت ورى تتأكد أن محد يشوفها.. ومن كثر ما هي زايغة اصدمت بأحمد من ورى لأنها ما كانت منتبه للطريج عدل.. أحمد: شت حصة وهي ترتجف من الزيغة: أ..أ حمد؟ ويصد أحمد بعد ما سمع صوت حصة المخملي اللي خلاه يذوب: عيونه..قلبه..رووووحه حصة وهي منزلة راسها مستحية: خير شو تبى بسرعة؟؟ أحمد ويسوي عمره معصب : شو أبى.. ياي أطر منج شو؟ حصة: أحمد والله زايغة.. أخاف حد يشوفنا أحمد : ويعني.. ولا انتي نسيتي أني بصير ريلج حصة وماتت من قالها ريلج ونزلت راسها.. أحمد: فديت اللي يستحون والله.. حصة وبدلع: أحمممممممممممد ، يلا عاد اتكلم جد أحمد: هذي يزاتي إني متوله عليج وأبي أشوفج.. حصة: حتى أنا يا عمري .. بس أنت ادرى بالظروف أحمد: هب شغلي المهم أنا كنت بقولج إني بخطبج رسمي.. شو رايج؟ انصدمت حصة من رمسة أحمد .. هي تحبه ومستعدة تضحي على شانه بس هي هب مستعدة للزواج الحينة.. تبي تكمل دراستها بالأول..: أحمد أنت من صدقك؟ أحمد: لا عيل اتمصخر وياج...بصراحة أنا ما أقدر اصبر زيادة..وابيج حليلتي بأسرع وقت حصة وخانتها العبرة: أحمد.. شو يعني بأسرع وقت..هذا هب اتفاقنا.. أحمد وشكله بدى يفقد أعصابه: لا والله..ومتى إن شاء الله ناوية؟ حصة وهي مصدومة من طريقة كلام أحمد معاها: لا لا ما أصدق أنك أنت أحمد اللي يحبني ويعزني لاااا ما أصدق أحمد وحس أنه مصخها شوي، وبنبرة رقيقة: حصوه.. حبيبتي أنا ما بسوي جذه الا لأني أحبج وأموت فيج.. وبعدين شفيها إذا عرسنا الحينه ودراستج بتكمليها وما بتغير شي حصة وهي تبتعد عنه: قلت لك لأ يعني لأ..وإذا أنت ملزم عالزواج.. ترى بنات الحلال وايد .. ومشت عنه.. أحمد شكله فول من طريقة كلامها معاه وبدى يعلي صوته عسب تسمعه قبل لا تبتعد: بالطقاااااااااق ومثل ما قلتي بنات الحلال وايد وأنا هب ملزوم فيج.. على الرغم من أن حصة ابتعدت شوي بس صراخ أحمد كان يرن في أذونها ووايد حز في خاطرها رمسته: معقولة هذا الكلام يطلع منك يا أحمد وأنا اللي كنت متخيلتنك سندي في الدنيا.. دشت حصة الصالة ودموعها على خدها شلال وعلى طول سارت حجرة سارة وعقت عمرها على السرير.. سارة اللي كانت في الحمام.. من سمعت صياح حصة زاغت وعلى طول سارت وقعدت يمها.. سارة: حصوه حبيبتي بلاج، شو السالفة، شو قالج أحمد؟ حصة: ما أحبه..ما أحبه.. أكرهه انصدمت سارة من رمسة حصة أول مرة تقول أنها تكره أحمد: شووووووووو؟ حصة: آخ يا سارة بس لو تسمعين شو قالي؟ سارة: شو قالج؟؟؟؟؟ حصة: أونه بنات الحلال وايد وهو هب فايج يصبر الين ما أخلص دراستي.. أكرهه..أكرهه سارة: معقولة أحمدوه يقول جذه.. لا لا ما اصدق يمكن يبي يختبرج بس.. لا لا ما أصدق حصة: يتمصخر؟؟ أقولج كان بياكلني وهو قاعد يصارخ علي.. أنت بس لو شفتيه.. سارة وهي مصدومة: معقولة يطلع كل هذا من أحمد.. بس ما علي يا حصوه أنا باخذ لج حقج منه.. وظهرت من حجرتها حتى من غير ما تسمع رد حصة . .. سارة وهي تدق باب حجرة أحمد: أحمد؟؟؟ فج الباب أبي أرمسك أحمد وهو ما له نفس يرمس بعد السالفة اللي صارت قبل شوي: أفففففففف ساروه مالي خلقج ما ابي أفتح الباب.. أبي ارقد تعبان سارة: أحمد صدقني ما بتحرك قبل لا تفج الباب..وقعدت تدق بقو على الباب أحمد وهو مفول من حركات سارة.. وما قدر يتحمل أكثر وسار فج الباب بقو: نعم خيييير؟ سارة وهي ماتت من الزيغة بعد ما شافت منظر اخوها ..كان الشرار يبان من عيونه .. لا شكلها السالفة صج.. سارة وهي مرتبكة.. ضاع منها كل الكلام اللي كانت بتقوله... شكلها حتى لو سألتها عن اسمها في هاي اللحظة عادي تقول سعيدة بدال سارة من الخرعة..خخخخخخخخخ سارة: أ...أححممد..شفيك معصب؟ أحمد: أففففففففف، سارووه الله يخليج ترى خلاص واصلة حدي.. قولي اللي عندج بسرعة؟ سارة وهي تحاول تستجمع قوتها: حصة.. أحمد:............................."ما يرد"<<<<<<<<< يضرب الحب شو بزل خخخخخخخخخخخخ سارة: بلاك ما ترد، يعني اللي قالته حصوه صج؟ أحمد: هي صج، وأنا من باجر بخلي أمايا أدور لي على بنت الحلال.. ولا مذلة هالبنت..حشى تقول باخذ الملكة ديانا سارة وهي تستعبط : من هالناحية صدقت والله .. هاي حصوه ما ادري على شو شايفة نفسها.. على قولتك تتحرى عمرها الملكة ديانا أحمد: تخسين ألا انتي..والله كل العالم ما يسوون حبيبة قلبي حصة سارة: يا سلام..توك تقول رمسة والحين تحطها علي.. سبحان اللي يغير ولا يتغير أحمد: آاااااااه يا سارة أنتي ما تعرفين حصة شو بالنسبالي ، حصة هي كل حياتي.. حصة هي الهوا اللي اتنفسه.. هي الدوا اللي يشفيني..هي .. وتقطعه سارة: بس بس بس.. حشى هب حصوه هذي..روميو وجولييت بزمانكم أحمد: هههههههه سارة: هي اضحك.. خلني أشوف ضحكتك الحلوة.. أحمد وهو يجرب من سارة ويبوسها على خدها: والله أحبهااااااااا سارة: أنا والله هب حصوه.. أنا سارة .. والله العظيييييييم أحمد: هههههههههههههههه سارة: شوف.. الحين بسير أزقر حصة وبييك أوكي.. لازم تراضيها حرام. أحمد: هي وينها الحين؟ سارة: في حجرتي... الحين بزقرها لك.. وسارت سارة عسب تزقر حصة بس ما لقتها.. الظاهر روحت البيت.. أحمد: عنلاتها الخامة. سارت البيت يعني.. بس ما علي أراويج فيها يا ساروه سارة: هي والله.. ابيك تكسر راسها أحمد: مو جني عطيتج ويه؟ سارة: نعم نعم..الحين عطيتج ويه.. بس ماعلي بوشهاب..الشره هب عليك الشره علي أنا اللي قاعدة أساعدك أحمد: تساعدني أونه.. أصلا أنا وحصة دومنا نتزاعل ونتصالح بروحنا..من غير عذااال سارة وتسوي عمرها زعلانة: الحين أنا عذال؟ بس ما علي...الله يسامحك أحمد وهو يجرب من سارة ويحضنها: فديييييييت سارونة أنا..اممممممممممممواح..بلاج استهبل وياج سارة: أحلف..اتحرى صج أحمد: سخيييييييفة سارة: هب اسخف عنك أحمد: جب جب.. ويا شعرج هذا.. عنبوه حتى شعر عبسي أطول عنه..خخخخخخخخخ سارة: وأنت شلك، أصلا أنت غيران لأنه أنعم من شعرك هذا الفلفول ههههههههه أحمد: تخسين شعري أنا فلفول.. سارة: لا والله ما ادري منو يدش حجرتي ويستعمل الاستشوار مالي أحمد: يعني تعترفين أن شعرج كله استشوار..ههههههههه سارة: لا والله.. أنا بس استعمل الاستشوار عسب أجفف شعري.. احمد: هي صح صح خخخخخخخخخخخ وتموا يسولفون ويتمصخرون حق بعض.. وقدرت سارة أنها تعيد المياه لمجاريها بين أحمد وحصة.. وهذا المعروف عن سارة.. دايما تحاول تحل الأمور بعقلانية.. بعد أسبوع من الأحداث السابقة.. قدر أحمد أنه يراضي حصة .. طبعا بمساعدة سارة.. واتفقوا أنهم يخطبون رسمي لكن الزواج تم تأجيله شوي الين ما تحس حصة أنها مستعدة للزواج.. .................................................. .................... نش الساعة 4,30 الفجر، على صوت الأذان اللي دوم يحب يسمعه وخاصة في مثل هالوقت.. كان متعود يوقف في البلكون ويردد الدعاء.." اللهم رب هذه الدعوة التامة، والصلاة القائمة، آت محمد الوسيلة والفضيلة، والدرجة العالية ، وابعثه اللهم مقاما محمودا الذي وعدته" وصلى الله اللهم على سيدنا محمد وعلى آله وصحبه أجمعين. عقبها دش الحمام(عزكم الله) عسب يسبح ومن بعدها توضأ وصلى الصبح.. توجه صوب خزانة الملابس.. وكالعادة لقاها معطرة ومبخرة..ارتسمت على ويهه ابتسامة حب وحنان.. أخذ لبس الفروسية اللي صار له مدة طويلة ما جاسها..عقب ما خلص من لبسه.. وقف جدام المنظرة عسب يتأكد من أناقته..كان فعلا قي قمة الوسامة.. بنطلون بيج على قميص أسود مع كاب الفروسية الأسود المخملي.. وكان شعره الطويل ظاهر تحت الكاب..عقبها قعد على الكرسي عسب يلبس البوت الأسود الطويل.. نزل تحت.. وكانت السماء للحين مظلمة، والشمس للحين ما أذنت لأشعتها بالانتشار..توجه صوب الاسطبل.. وكالعادة كان " الكاسر" في انتظاره.. فتح رباطة وجرب منه يهمس في أذنه جنه انسان يكلمه.. حارب: أصصصصص، لا تسوي دوشة.. خلنا نظهر أنا وأنت بس .. أخاف تسمعنا " إليزابيث " عقب تحشرنا.. هز الكاسر راسه وجنه فهم رمسة حارب..فعلا كان الكاسر يعي رمسة حارب الوحيد لأن مدربنه من يوم ما كان عمره 6 سنوات.. كان هدية من خالته ظبية.. على الرغم من وجود أكثر من خيل وفرس في الاسطبل ألا أن الكاسر وايد غالي على حارب بحكم أنه أول خيل يستلمه من خالته ظبية.. ظهروا برع.. وامتطى حارب الكاسر.. وانطلق بكل قوته........وانطلقت معاهم أشعة الشمس الذهبية اللي انتشرت بين الورد..مكون لوحة فنية عجيييييبة. .................................................. ....... في هالوقت كانت حصة سهرانة ترمس أحمد في التليفون.. حصة: لا ما بقووووول أحمد: والله تقولينها حصة: أحمد.. والله استحي أحمد: أقولج ما بسكر قبل لا أسمعها حصة: ياربي..أبي ارقد حرام عليك..من أربع ساعات وانا قاعدة أرمسك خلاص أحمد: كيفج والله.. لو تبين الحين بسكر.. بس قوليها بالأول حصة: أفففففففففف، خلاص بقولها وأنت كيفك سمعتها ولا ما سمعتها.. لأني بقولها بسرعة أحمد: كيفج ... المهم تقولينها حصة وبسرعة..: أحبك....وعلى طول سكرت التليفون في ويه أحمد اللي ذاب من سمعها....... .................................................. .......... من صوب ثاني.... سارة كانت توها ناشة من رقادها.. مع أن البارحة كانت سهرانة على فلم أجنبي ويا سهيل....بعد ما خلص سارت صوب غرفتها عسب ترقد أما سهيل فظهر من البيت يقول أن عنده موعد ويا ربيعه.. صلت الصبح ورقدت عقبها.. يعني ما رقدت وايد.. ماتدري ليش؟ مع أنها أكثر وحدة تحب الرقاد.. نزلت تحت لقت الصالة فاضية ...الهدوء والجو البارد .. خلاها تحس بشعور غريب..في هاللحظة مر على بالها حارب..بس ما تدري ليش؟؟؟؟؟؟؟؟؟؟ دشت المطبخ وسوت لها كوب حليب دافي وقعدت في الصالة ...........لحظة هدوء قاتلة وفجأة... في واحد قاعد يمشي بكل هدوء ....مر من حذال سارة بس ما انتبهت له لأنها كانت سرحانة.. فاستغل الفرصة وصرخ في أذونها: بووووووووووووو من الزيغة..انجب الحليب على سارة اللي ما قدرت تمسك الكوب من قوة الصرخة.. والتفتت وراها..لقت سهيل ناقع من الضحك عليها.. انقهرت سارة من حركته البايخة واستغلت أنه كان يضحك فصبت باجي الحليب اللي في الكوب عليه.. سهيل وهو مصدوم لأن حس بشي حار فوقه: أي أي أي.....سارووووووووه يالحمارة.. حااااااااااار سارة وهي تضحك عليه: يا سلام.. عيل ما قلت حار لما زيغتني وانصب فوقي.. سهيل: هههههههههههههههههههههههههههااااااااااااااااااااااا اااااااااااااييييي سارة وهي مستغربة: يالسخيييف شو اللي يضحك الحين؟ سهيل: هههههااااااااااااااااااااي، سيري سيري شوفي ويهج .. منتفخ جنه خميرة....هههههههااااااااااااااااااااي سارة وقفت جدام الزجاج العاكس اللي على باب الصالة الزجاجي.. صج كان شكلها تحفة بيجامتها المتوصخة بعد ما انصب الحليب عليها أما شعرها فكان مبعثر فوق ويها..كانت مبهدلة عالآخر.. وقعدت تضحك على شكلها.. سهيل وهو ينسدح فوق الشبرية: آاااااااااااااااه فيني رقاااااااااااااد سارة وهي تقعد حذاله: انزين سير حجرتك.. منو قابضنك سهيل: ما اقدر..... شو رايج تشليني؟؟ سارة: أشلك؟ مثل الفنطاس غادي.. وين تبى؟ سهيل: الفنطاس ريلج سارة: فال الله ولا فالك.......أصلا أنا ما باخذ واحد درام . بايعة عمري شو؟ سهيل: سارووه؟ سارة: امممممممم سهيل: نقعي صبوعي سارة: بشرط سهيل: آمري سارة: توديني المول.. تعرف بعد الإجارة قربت تخلص وأنا للحين ما شريت شي حق الجامعة سهيل: خلاص تم.. بس شوفي لازم تنقعين 6 على الأقل سارة: أفا عليك....... وما صدقت .. على طول قعدت تنقع صبوع ريله بكل قوتها حتى نقعتهم كلهم.. وسهيل ميت.. سهيل: آاااااااااااااخ..حشى هب ايد عليج.. خشعتيني سارة وهي ترفع ايدها جنها تستعرض عضلاتها: عيل.. شو تتحرى هالعضلات حق سواد عيونك.. سهيل: يعني ألا تروحين.. كنت اتحرى ما بتنقعين هالكثر.. سارة: ما يخصني انت وعدتني.. سهيل: افا عليج.. ما اكون سهول جان ما وديتج سارة وهي تجرب منه عسب تبوسه: امممممممممممواح.. يعيش سهول يعييييييييييش سهيل: نعم نعم نعم.. سهول؟ اصغر عيالج شو؟ سارة وبكل براءة: انت بروحك قلت سهول سهيل وبنذالة: أنا كيفي..بس انتي لأ.. أنتي قولي شيخي سهيل.. يلا سمعيني.. سارة وبكل نقمة بس تصنع الطاعة: إن شااااااااااااااااااااء الله يا شيخ سهيييييييييييييل سهيل: شاطرة والحين جلبي ويهج بسير ارقد سارة: اوكي.. بس الساعة 8 خليك جاهز.. ترى بيي بوعيك سهيل وهو يقول في خاطره"أنا منو قالي أخليها تنقع صبوعي.. بتخسرنا الحينة" سارة: خير.. ما سمعت سهيل: ها.. أفا عليج انتي بس..أكيد أكيد إن شاء الله سارة: اتحرى بعد سهيل اللي كان صاعد لحجرته بس صد صوبها وطالعها بنص عين: شووووووووو؟ سارة: لاااااااااا أقصد أقولك نوم العوفي...هههههههه سهيل: اتحرى بعد.. ورد يصعد الدري سارة" والله لأراويك يا سهول جان ما خليتك تدفع كل راتبك اليوم .. ما اكون أنا سارة الخيلي".. خخخخخخخخخخخخخخ .................................................. .............. في بيت الخالة ظبية الساعة 2,32 الظهر..ظبية قاعدة تقرا قرآن في حجرتها .. عقب ما قرت جم سورة سكرت المصحف وزقرت الخدامة عسب تساعدها تنزل تحت.. قعدت في الصالة وسألت الخدامة عن حارب وخبرتها أن ظهر من الصبح .. فقالت لها أنها تصبر لا تحط الغدا قبل لا يوصل حارب.. في هالوقت كان حارب في المزرعة.. هو ماكان حاط في باله أنه يتغدى في البيت..فاتصل في البيت عسب لا تحاتيه خالته وخبرها أنه في المزرعة وبرجع العصر.. وقبل لا يخلص المكالمة.. ياه خط ثاني.. حارب بعد ما شاف الرقم: خلاص عيل خالوووه..اتصل فيج بعدين ظبية: انزين يما.. بس اتحمل على روحك حارب: إن شاء الله.. فوداعة الله ظبية: الله يحفظك وبعد ما سكر حارب عن خالته رد عالخط: هلا والله سعاد: هلا حبيبي.. وينك..ساعة ألين ما ترد حارب: سوري .. بس كنت ارمس خالوه سعاد: لا مدام خالوه ما علي مسمووووح حارب: ههههههههه وإذا هب خالوه يعني؟ سعاد: جان اذبحك حارب: بل بل.. ظهرتي شريرة سعاد: يعني معقولة ياحارب للحين انت ما تدري شو انت بالنسبه لي؟ حارب: فديتج والله سعاد خلاص ذابت حارب: حوووووووه..وينج؟ سعاد وأونها مستحية: لا حبيبي وياك حارب: أقول غناتي أنا مشغول شوي .. عقب شوي بتصل بج سعاد: أفففففففف توني متصلة حارب: قلت لج خلاص بتصل فيج سعاد: كل مرة تقولي جذه وآخر شي تخيسني ولا تدق حارب: ههههههههه سوري حبيبي بس تعرفين مشاغل والله سعاد: خلاص بنشوف هالمرة حارب: هههههههه يلا باي سعاد وتسوي عمرها زعلانة: باااااااي بس حارب ما عبرها وسكر التليفون على طوول.. (سعاد ... أكيد وحدة من هالخايسات التي يغازلون الشباب.. صح أنها ما ترمس غير حارب .. اللي أبد ما يسويلها سالفة... بس أحيانا لما يحس أنه مضايق على طول يتصل فيها.. ما يعرف ليش؟ يمكن لما يحصل الواحد شخص يهتم فيه فهذا كفيل بأنه يتعود عليه) .................................................. .................... في العين مول.. سارة من محل لمحل، وسهيل ياحليله مستوي الحمال... سهيل: ساروه بس فلستيني سارة ألا حالفة وتخسره: حرام عليك سهول ترى والله بعدي ما خلصت، والله يعني يرضيك يقولون سارة الخيلي وما تعرف تكشخ سهيل: حشى.. كل هذا وبعدج ما خلصتي سارة: أوهو سهيل ترى والله خبلت فيني.. وتفتر عنه... شوف أنا بدش هذا المحل الحينة سهيل: حطي في بالج أنه آخر محل سارة وهي تدخل المحل وتسوي عمرها ما سمعته.. وقعدت تطالع وتشوف وفجأة.. : سارونة؟ سارة وهي تصد صوب مصدر الصوت: منو؟ شيمااااااااااااا...وسلمت عليها شيماء(أخت حامد إذا نسيتوا): هلا والله.. أكيد ياية عسب أغراض الجامعة سارة: هي والله من ثلاث ساعات تقريبا وأنا أحوط شيماء: بصراحة أغراضهم هب لهذاك الزود.. ما عيبني وايد شغلهم سارة: هي صح.. حسيتي شيماء: ويا منو ياية؟ سارة وتذكرت سهيل اللي تأخرت عليه: ويا سهيل.. الله يستر الحين تلاقينه معصب علي شيماء: ههههههههه اسكتي أنا أخس عنج.. حامد يالله يالله رضى أيي وياي سارة: هههههههه يعني الحالة من بعضها وكملوا تسوق مع بعض حتى أنهم اشتروا بدلة نفس الشيء.. وهم مندمجين بالمشترى..ياهم صوت من ورى.. : سارووووووووه يعلج .. شو أقول بس.. خيستيني دبوه سارة وهي مفتشلة: سهيل..بلاك؟ وهني صدت شيماء حق سهيل اللي تفشل منها .. لكن سحرته بعيونها الخضرا.. سهيل: ها؟ لا بس يعني كنت بقولج خذي راحتج لأني بكون برع عند ربيعي.. بس تخلصين سويلي تليفون سهيل كان يقصد ربيعه حامد بس ما كان يدري أن شيماء تصير أخته.. سارة وحست بأخوها اللي ما شل عينه عن شيماء: لا لا خلاص أنا خلصت ما في داعي تنطر زيادة.. ولا شو يا شيماء؟؟ شيماء وهي مستحية من نظرات سهيل واكتفت بابتسامة خفيفة.. سهيل(وابوويييييييييييييي.. اسمها شيماا بعد، لا أنا رحت فيها): سارة شفيج تحرجين البنية..يمكن بعدها ما خلصت شيماء وهي تصد صوب سارة: لا ما علي أصلا أخوي دق علي وقالي أنه برع المحل ناطرني سارة: خلاص عيل نحاسب ونطلع رباعة.. عقب ما خلصوا محاسبة.. ظهروا من المحل وفعلا كان حامد واقفنهم برع المحل بس طبعا ما انصدم يوم شافهم لأنه شاف سهيل قبل وعرف منه أنه ياي ويا سارة.. حامد: شحالج سارة؟ سارة وهي مرتبكة: هلا هلا حامد ....يسرك الحال حامد وهو متخبل على سارة بس ماسك عمره.... ويصد صوب شيماء: ها.. خلصتي؟ شيماء: هي خلصت.. سارة: بصراحة ما توقعت أني أشوفج... لكن تبين الصج.. مفاجأة ولا أروع شيماء: هههههههه فديتج والله سهيل(والله أحلى صدفة)..أما حامد هذا بروحه كان في عالم ثاني.. عالم تسكنه سااارة..وبس سارة هي حاسة بنظرات حامد: يلا سهيل .. روحنا سهيل وشوي وبذبح سارة...لأنه للحين ما شبع من شيما سهيل: والله كيفكم..........وفي خاطره يتوعد حق سارة حامد: خلاص عيل..فرصة طيبة طلعوا رباعة صوب الباركنات وعقبها استأذن سهيل لأنه كان موقف سيارته شوي بعيد وجذي تفرقوا.. ولكن في قلوب مازالت متعلقة ببعضها.. سهيل اللي أول مرة يشوف شيما ومع ذلك أبهرته برقتها وجمالها الهادي..أما حامد اللي خلاص صارت سارة كل حياته لكنها هب مسويتله أي سالفة.. .................................................. ................. .................................................. ................. في سيارة سهيل.. سارة : بصراحة اليوم عجيييييييييييييب سهيل:....................<<<<<<<<<< الأخ سرحااااااااان بشيما سارة: حوووووووه أرمس منو أنا؟ سهيل وتوه ينتبه لسارة: ها؟ خير؟ سارة: لااااا الأخ رايح فيها.. وتغمز حق أخوها سهيل: حلوة صح؟ سارة وبغرور: هي.. بس أنا أحلى سهيل: سيري لا... أونه هي أحلى..أنتي شفتي عيونها بس سارة وهي بعدها تكابر : شنو يعني خضرا.. باجر بسير أشتريلي عدسات شو فيها يعني.. سهيل: ههههههههههه عدسات اونه.. بس هي طبيعي بابا سارة وهي منقهرة من كلام سهيل عن شيما: حبيبي أهم شي أنا واثقة بعمري سهيل وهو يغايظ بها زيادة: لا لا تحاولين..ههههههههههه سارة: أصلا...ويقاطعها سهيل: أصصصصصصص فون فون سارة وهي تتحرطم بصوت واطي عسب ما يسمعها سهيل وهو يرمس في التليفون لأن سهيل ما يحب أحد من أهله يرمس لما يتكلم ويا ربعه: انزين ما علي يا سهول.. أراويك بعدين يالخام : ألوووووووووو سهيل ويسوي عمره يرمس وحده: هلا حبيبتي وقلبي وعيني.... يعلني أفداج يا روحي : لا والله..الأخ ميهود؟؟ سارة وهي منصدمة أن أخوها يرمس وحدة وجدامها بعد، أما سهيل فحب أن يقهرها زيادة.. سهيل: وين أنا بعد ويا هالعلة ساروه.. بس ما علي يا عمري الحين أفرها البيت وأييج صاروخ : ههههه من ناحية علة فهي علة فهاي صدقت سارة وهي واصلة حدها يعني ما كفاه أنه يرمس وحدة لا ويقولها أنا عند ساروه العلة..بعد. سارة وهي معصبة: إيه أنت وياها..؟؟ سهيل ويسوي عمره أونه معصب ويحط إيده على السماعة عسب أونه ما تسمع ربيعته رمسة سارة.. سهيل وبصوت واطي: ساروه بلاج انتي.. فضحتينا أنطمي شوي سارة وهي معصبة وتعلي صوتها عسب تسمعها أونه البنت:: لا والله..انت وياها انطموا .. سمعتي أنتي ياللوث.. هب أنتي اللي تسكتيني يالخامة يالبالوعة.. سهيل وهو ميود ضحكته بس لازم يكمل الدور: ساروووووه.. الله يخليج لا تنحشين البنت مني تراها fresh توني والله متعرف عليها سارة وخلاص ما قدرت تستحمل زيادة ومطت السماعة من سهيل.. سارة: إيه أنتي..شو تتحرين عمرج...ياللوث.. يالبالوعة...يالخامة...والله إنج بيزة ما تسوين...الظاهر ما عندج أهل يربونج.. وفجأة تكلم وقاطعها.. حارب: هني وحدج.. ترى ما أسمح لج سارة وهي متيبسة والدم توقف في جسمها:.......................... سهيل وعرف أنه حارب تكلم من ملامح سارة: هههههههههههههههههههههههههههههااااااااااااااااااااا ايييييييييييييييييييييييييييييييي حارب: صدقه سهيل يوم قال أنج علة والله صدقه سارة وبعدها هب مستوعبة السالفة:........................................ حارب: ها.. وين لسانج الحين..بلعتيه؟ الحمد الله.. الله يهديج سارة والشرار ظاهر من عيونها.. والله إني طلعت مصخرة.. الحين شو يقول هذا عني..كله منك يا سهيل كله منك..وتفر الموبايل في ويه سهيل وقعدت تصيح.. سهيل وهو يحس أن مصخها شوي: هلا حارب، تعال شو قلتلها أنت؟ ساروه قاعدة تصيح ترى حارب: ههههههه دواها خل تتأدب..المهم خل هالدلوعة عنك الحين..كنت أبغيك بسالفة.. سهيل وهو يطالع سارة اللي حس أنه جرحها وحارب ولا هامنه شي: هلا حارب: شوف.. دام أنه الإجازة قربت تخلص..شرايك نظهر ويا الأهل البر.. سهيل : والله شي طيب..إن شاء الله أنا بخبرهم وبرد لك خبر حارب: خلاص عيل أتريا اتصال منك.. أوكي سهيل: خلاص ماعلي حارب: بالحل.. وسكر عن سهيل.. .................................................. ................ في السيارة طول الوقت سارة كانت قاعدة تصيح وسهيل يرمسها ويحاول وياها بس لا حياة لمن تنادي.. سهيل: سارة يلا عاد ترى ما صار إلا الخير سارة وكلامها متقطع البجي: خير..أي خير نشوفه .. من هذا الخام..أكرهه.. والله أكرهه سهيل: انزين والله صدقت هب لازم تحلفين سارة قفطت من رمسة سهيل بس ما تعرف ليش.... سهيل: سارونة.. خلاص ترى والله الحين صج شيما أحلا عنج يوم تبجين رغم عصبية سارة ألا أن هالرمسة من سهيل خلتها تضحك: هههههههه سهيل: حشى..تموت ألا وتقولون لها حلوة..والله إنج يا ساروه..... سارة: جب جب حتى أنت لا ترمسني سهيل: ساروووه والله ما كنت أقصد وبعدين انتي بروحج رزة.. منو قالج شلي السماعة وارمسي؟ سارة: وأنا شدراني أني بسمع صوت هالخام.. والله لو كنت ترمس وحدة صج كان وايد أرحم سهيل: خيييييييبة لهالدرجة أنتوا ما اطيقون بعض.. سارة وهي منصدمة..ما أطيقون بعض..يعني حارب يكرهني.. قعدت سارة تفكر في رمسة سهيل ووايد حز في خاطرها.. مع أنها تقول أنها تكرهه.. بس ما تعرف ليش حست بغصة .................................................. ....................................... .................................................. ....................................... الكل وافق على الروحة بعد ما خبروهم سهيل وحارب..عن الرحلة يوم الجمعة وبعد ما خلصوا صلاة الظهر انطلق الجميع للبر.. كانوا مجموعة كبيرة من السيايير.. أول سيارة: سيارة حارب وخالته ظبية والممرضة عسب تساعد ظبية إذا تعبت ولا شي.. وخاصة أنهم رح يقعدون في البر 3 أيام.. السيارة الثانية: سيارة أبو سهيل ومعاه أم سهيل والبشاكير السيارة الثالثة: سيارة سهيل ومعاه سارة وشمة وشهد السيارة الرابعة: سيارة ثاني وأمه السيارة الخامسة: سيارة حامد وأمه وأخته شيماء السيارة السادسة: سيارة سلطان ربيع حارب وسهيل ومعاه علي وسيف يعني الشباب الباجين السيارة السابعة: سيارة أحمد وحصة<<<<<<<<<<< خطيبته يا خي كيفه خخخخخخخخخخخخخ السيارة الثامنة: سيارة نادر وهزاع ويا خواتهم ميسون وعلياء اللي أصرت سارة أنهم إيون .. على فكرة هزاع ولد عم نادر .................................................. .................. وصل الكل الساعة 5 العصر، بعد ما هلكهم حارب وهم يمشون وراه عسب يحصل مكان بعيد شوي عن الشباب وأخيرا وصلوا ...ونزل الكل..وراحوا الشباب ينصبون الخيام طبعا كانوا ثلاث خيام..وحدة للشباب والثانية للحريم والثالثة للبنات..عسب يسهرون يعني. في الوقت اللي كان الشباب فيه مشغولين بنصب الخيام تيمعوا البنات عسب يجمعون خشب حق النار.. سارة: ياااااااي الجو عجيييييييب حصة: هي والله.. بصراحة أنا طايرة من الوناسة سارة وهي تغمز: لازم حبيبتي..... طول الطريج وأنتي ويا روميو مالج.. البنات: هههههههههههه علياء: يا حظج حصوه..حصلتي لج واحد.. الدور علينا الحينة ميسون وهي تضرب علياء على جتفها: والله انج ما تستحين علياء: شفيها يعني... بعدين هذي سنة الحياة ( المعروف عن علياء أنها دايما تحب تسولف وتستهبل.. لكنها وايد حبوبة وجميلة بعد) علياء : حصوه..ما عندج حد أدزيه صوبي حصة: أفا عليج.. خلاص علوي حقج..وتصد صوب سارة: صح أن في واحد غيره بس هذاك محجوز حق بعض الناس سارة وعرفت منو تقصد: يخسي الا هو... والله لو كان آخر ريال في الدنيا ما خذيته علياء: نفسي أعرف شي واحد انتي ليش ما تحبينه؟ سارة: وليش أحبه بالأساس..ما يهمني بس جذي حصة: انزين ما علي ساروه..وتقرب من سارة: دخيلج بس شوفيه... والله أنه عذاب حارب كان لابس برمودا بيج على بدي سماوي وحاط نظارته الشمسية على راسه.. سارة وهي تصد عسب تشوفه في هاللحظة رفع حارب عينه وطاحت في عيون سارة اللي تيبست من شافته وما قدرت تشل عينها منه... "شفتـــــك شفتك قلبي رجف صبري ضعف...شفتك يالهفة خاطري لوني تغير وانخطف..الكلمه انطقها وترد..حتى الكلام طعمه اختلف...وانا في صمتي اقول الله يا زين الصدف...حالتي يا حالتي عيت الخطوه تطول..خاطري ولهفتي امروني بالوقوف...حاولت اصبر واداري الشوق تحت رمشي..حاولت اصبر واصد عنك انا وامشي...قضيت الوقت في حيره وصمت" أما حارب فتضاربت مشاعره في هاللحظة مشاعر حب على احتقار على كره على عطف.. بس قطع تفكيره صوت سهيل.. سهيل: ها..طحنا عليك ..فمنو سرحان؟ حارب وهو مرتبك يتحرى سهيل كان يشوفه: هاا؟ بلاك؟ سهيل: الحين أنا اللي بلاني وألا أنت؟أعترف منو اللي طيحك من الغرشوبات اللي ويانا؟ حارب: اسكت فضحتنا الله يخس ابليسك.. الحين بسمعك نادر ولا هزاع والله لا يشلخونك خخخخخخخخخ سهيل: هي هي هي.. تنكت حضرتك.. المهم أنا غرشوبي بعيد عن هذيلا... بس حبيت أحذرك لا يكون تحط عينك عليها... في هاللحظة تطمن حارب أن سهيل أخو سارة بس ما يدري ليش... حارب: ومنو هذي اللي خشعتك؟ سهيل: آاااااااااااااااااااااااه شيمااا حارب: هههههههههاااااااااااااااااااااااااي.. أخت حامد؟ سهيل: وطي صوتك الله يخسك .. الحين بسمعك حامد حارب: هههههههااااااااااااااااي.. والله وطلعت هب سهل يا سهول هههههاااااااااااي سهيل: طب السالفة طبك الله.. أنا شو اللي خلاني أقولك؟ حارب: انزين ما علي يا سهول جان ما فضحتك سهيل : حارب جب خلاص عيب عليك بس حارب ما صدق يمسك شي على سهيل وقعد يضحك عليه وبصوت عالي والكل انتبه لهم.. بس سهيل ما قدر يمسك عمره وفول من حركات حارب وقام يبي يضربه بس حارب كان أسرع منه وركض.. وقام سهيل يركض وراه.. الكل قام يطالعهم وهم ميتين ضحك عليهم حارب وهو قاعد يراكض ..بس ما حس بعمره وين يسير لأن المكان كان محدود ومن غير لا يحس ركض صوب البنات.. سارة اللي كانت مشغولة بجمع الخشب ويا البنات سمعت سهيل يزقرها.. سهيل وهو يصارخ: سااااااااااااااااااارووووووووووووووووووووووووووووه .. دخيلج امسكيه دخيييييلج سارة: بلاه سهيل يصارخ وبعدين امسك منو؟ شيما: سارة شوفي هناك.. سهيل شكله يركض ويا حد بس ما عرف منو؟ صدت سارة تشوف ورى مكان ما شيما تأشر عسب تشوف منو يراكض ويا سهيل بس كانت متأخرة لأن حارب صار جريب وايد وما حست بعمرها الا وهي تفر الخشب من ايدها ومسكت حارب من طرف قميصه اللي تعثر وما قدر يكمل ركيض.. وطاح عالأرض حارب وهو يحاول يلقط أنفاسه ويرفع راسه عسب يشوف منو اللي يوده.. كانت الصدمة واضحة على حارب لما شاف سارة هي اللي مسكته.. عيونك توحي بضعفك .. كلامك .. والحواس الخمس شفاتك ترتعش .. رمشك ، سكوتــــك أتلف أعصابك في هالحظة سارة كانت في عالم ثاني.. أول مرة تحس أن حارب جريب منها هالكثر.. كان شعره الطويل مبعثر على ويهه من كثر الركيض كان جذااب بشكل فظيع.. سارة وهي صج مفتشلة وما تعرف ليش سوت جذي وشو اللي خلاها تمسكه.. حارب وهو حاس أنها استحت فقد يضحك عليها: ههههههههههههههههههههههههااااااااااااااااااي يوم انتي هب قد هالحركة ليش تسوينها؟ خلاص عصبت سارة .. كانت بترد بس لما وصل سهيل سكتت وما قدرت ترد.. سهيل وهو يمسك حارب ويطيح عليه: أخيرا مسكتك يالخام حارب: هههههههااااااااي أصلا انت كنت بتموت ولا تمسكني يالبوتنبة.. بس كل من هذي الرزة ساروووووووووه... غصب ألا تلعب ويانا سارة: ما شي شغلة العب وياك شو؟ أصلا أنا كنت العب ويا سهول حبيبي انقهر حارب من سارة لما قالت حبيبي مع أنه شي عادي.. سهيل: أيوااااا سكتوه والله عاشت ساروه .. أصلا أنت محد يجلع عينك غيرها حارب: سيري سيري يمعي خشب سيري.. والله تخسي هاي تجلع عيني أنا سهيل: سارة الحقي.. قاعد يغلط ترى؟ سارة: والله أنا هب فايجة أضيع وقتي ويا..... وضحكت باستهزاء خلت حارب يفوووور دمه...هههاااااااااااااي.. وراحت عنهم سهيل وفي ضحكة بس ميود عمره لأنه كان زايغ من ردة فعل حارب لأنه حس بأنه معصب.. حارب وبصوت عالي: بالطقاااااااااااااق وبعدين لو سمحتي لا ترزين فيسج مرة ثانية سمعتي..وصد صوب سهيل: وأنت قوم من فوقي بعد.. شو تتحرى عمرك؟ مثل الفنطاس غادي سهيل: هذي عضلات بابا.. شو دراك أنت بالرشاقة.. حارب وهو يوقف وعينه صوب ما روحت سارة : اقول قم بس قم بسك خريط .................................................. ....................... بعد ما ردت سارة للبنات .. الحين منو يفكها منهن ومن حشرتهن.. حصة: أقوووووووووووووووول عليا + شيما + ميسون: قوووووووووووووووولي حصة: في ناس أونهم أونهم ها..قالوا أنهم يكرهونهم وقبل شوي قاعدين يلعبون ويا بعض.. حد يفهمني شو السالفة؟ سارة وهي قافطة ومنزلة راسها.. عليا: اقولج منكر ميسون: أقولكم كنا قاعدين أنا وسارة نجمع الخشب .. وشوي التفت ما حصلتها وينها يا ربي وينها..الحبيبة ظهرت عند حبيب القلب الكل: ههههههههههههههههههههه سارة: إذا ما سكتوا ترى والله ازعل عليكم شيما: بس حرام عليكم.. ترى ما أرضى حق ساروه ابتسمت سارة ابتسامة باهته حق شيما عقب نزلت راسها وسارت صوب عرقوب بعيد عنهم شوي.. هني حسن البنات أن سارة فيها شي.. وأنهم مصخوها... بس حصة قالت: عادي شفيكم هذي سارة تعرف أن نحن قاعدين نتمصخر بس .. عادي عادي..take it easy عقب أنا بتفاهم وياها وردوا وكملوا شغلهم .................................................. .......... الساعة 22’9مساء.. في خيمة الرياييل.. سيف قاعد يلعب بلاي ستيشن ويا سهيل اللي كله يخسر.. حامد قاعد ويا حارب و هزاع وسلطان يلعبون ورقة... ثاني يلعب ويا شمه وشهد خواته مع علي برع الخيمة..والشواب راقدين.. هزاع: لا لا ما يصير حامد: شو ما يصير كيفك شو؟ حارب: حامد لا تقعد تتمصخر لا أهفك بكف الحينة (حامد طول الوقت قاعد يغش) حامد: خخخخخخخخخخخ سلطان: يا أخي جان بتلعبون العبوا مثل الناس.. والا أنا هب لاعب حامد: خلاص خلاص.. خل نعيد من أول وعادوا اللعبة من أول وهالمرة غمز حامد حق سلطان عسب يغشون ويا بعض.. حارب: شو السالفة؟ هزاع وهو يحك راسه وحاس أن السالفة فيها إن : بلاك حروب؟ حارب ويصد صوب سلطان: اصطلب سلطان وهو ناقع ضحك بس ميود عمره: جي بوي .. شو شايفني.. صايع عسب اصطلب هزاع: أنا شاك بحامد حامد ويسوي عمره هب فاهم شي: يا أخي انتوا شفيكم حاطين علي اليوم.. إن بعض الظن إثم حارب: وين الجوكر؟ سلطان وهو يطالع حامد: وأنا شدراني حامد ونزل راسه وقعد يضحك شوي شوي عسب محد ينتبه له حارب: شوفوا واحد منكم يطلع الجوكر سلطان اللي انتهز الفرصة وخش الجوكر تحت هزاع: لو هب مصدقنا فتشنا هزاع وشكله مل: يا أخي شو ها مصخرة شو..طلعوا الجوكر بسرعة حارب: حامد طلعه حامد: والله ما عندي حارب وهو يصد صوب سلطان: وأنت؟ سلطان وهو يضحك: أقولك هب عندي هزاع وبدى يصارخ: يعني وين سار ؟ طار يعني.. ويقوم من عندهم وهو مفول.. وطلع الجوكر تحته.. سلطان ويسوي نفسه مصدوم: الحقوووووووووا.. طلع الأخ خاشنه هزاع وهو منصدم: لا والله حارب: توك تصارخ وحالتك حالته وأنا ياحليلي صدقتك بعد هزاع وحس أنه مقلب من حامد وسلطان اللي كانوا ناقعين ضحك.. وهجم عليهم وقعد يضربهم وهو يتمصخر طبعا. .................................................. .... برع الخيمة: كانوا شهد وشمه يلعبون بالرمل جريب من علي وثاني: علي: بررد ثاني: يعني شمة: ثاني ثوف لثمتي هلوة سح؟(شوف رسمتي حلوة صح؟) ثاني ومن دون ما يطالع: هي هي حلوة علي: انزين شوفها بالأول حرام عليك ثاني: يا أخي هذيلا ما ينعطون ويه... الحين بتشوف شو أقصد.. وشوي أطب عليهم شهد: ثاااني رثمتي أنا أهلى..من رثمة ثموه ثح؟( ثاني رسمتي أنا أحلى من رسمة شموه صح؟) ثاني: ما قلت لك.. الحين منو يفكنا علي: ههههههه هي حبيبي حلوة بعد مالج حتى مال شموه حلوة شهد: لااااااااا مالي بس هلوة ثاني: يوم اقولك.. منو بفكك الحينة وشوي يقوم ثاني ويشل شهد وشمة: يلا بابا كش كش رقاد يلا يلا.. .................................................. ........ الساعة 4,9 الفجر.. نشت من رقادها أو بالأصح ما رقدت طول الليل وهي تفكر بكل اللي استوى.. ظهرت من الخيمة شوي شوي من دون ما أحد يحس بها وتوجهت صوب عرقوب جريب من الخيمة وقعدت تلعب بالرمل.. وفجأة.. : صباح الخير حست برجفة في جسمها كله" يا ربي انا الحين منو قالي أظهر من الخيمة عنلاتي من قرادتي".. شيما: صـ..صباح النور سهيل وهو يستهبل : شيما صح؟ شيما وهي تبتسم ابتسامة رقيقة ذوبت سهيل: هي أفضى وكلمني سمعني بس صوتك***لو هي دقيقة وبس من وقتك الغالي عطني مساحة حب أتعبني سكوتك***خلي أعتبريني شي يعنيك بالتالي ضيعتني بصمتك ...توهتني بصمتي***مدري متى الفرصة اتحقق آمالي يكفي غيابك طال وأنا أنتظر وقتي***ليتك تخليني أشكي لك أحوالي قول لي متى بسمع صوتك يداعبني***يملا علي الكون...ياحالي ومالي أرجوك أوعدني وأعكس لي الحاصل***واللي بدينا به خليه بالتالي أفضى وكلمني..خلينا نتواصل***لو مره في يومك من وقتك الغالي (كلمات الشاعر عبدالله بن شماء( سهيل اللي كان سهران طول الليل لأنه ما كان راقد أصلا لأنه ما متعود على المكان: ممكن أعرف شو اللي مسهرنج؟ شيما: ما ادري يمكن هب متعودة حق المكان سهيل: حتى أنا تصدقين.. شيما و نزلت راسها من المستحى فاستغل سهيل الفرصة وقعد يتأملها.. سهيل: الحين هذا حامد أخوج؟ شيا ورفعت راسها: ليش يعني ؟ سهيل: هههه بلاج زغتي بس أقول مستحيل هالغزال أخو هذا الخام حامد شيما وتلون ويها بألوان قوس قزح: حرام عليك ترى ما أرضى على أخوي سهيل: لو سمحتي أنا اللي ما أرضى ترى أغار شيما وخلاص هب قادرة تستحمل أكثر: أ..أنا بدش داخل سهيل: يلا عاد قعدي خلينا نسولف شيما: أخاف ينش أحد ويشوفنا سهيل: ويعني عادي شيما: لا والله وبصفتك شو عسب عادي ترمس وياي؟ سهيل وهو يبتسم ويغمز: بصفتي عريس المستقبل يا حلو هني ما قدرت شيما تتحمل زيادة على طول شلت بعمرها ودشت داخل .................................................. ........ دشت شيما الخيمة وهي تحمد ربها أن محد شافها ويا سهيل بس في نفس الوقت كانت طايرة من الفرحة.. آاخ يا سهيل والله إني أحبك... فديتك والله سارة كانت توها ناشة من الرقاد سارت صوبها وقعدت تكلمها بصوت واطي عسب ما تزعج الراقدين.. سارة وهي ترتب شعرها المبعثر على ويها: أذن؟ شيما: لا وين توا الناس باجي نص ساعة. سارة: أها.. بتيين وياي نظهر برع؟ شيما وخافت أنها تشوف سهيل مرة ثانية: لا لا بقعد هني سارة وهي تلبس الوقاية: كيفج، وظهرت. وسارت صوب المغاسل عسب تتغسل وبعدها فكرت تمر حق الخالة ظبية تطمن عليها.. سارة انصدمت يوم دشت الخيمة كان ودها تظهر بس وين بعد ما شافها الكل.. كان حارب منسدح على ريول خالته اللي كانت قاعدة تقرا قرآن.. حارب اللي اعتدل أول ما شاف سارة وابتسم ابتسامة استهزاء.. حست سارة ببتسامة حارب بس سوت له طاف.. ظبية: حياج يما سارة.. اقربي سارة وهي مرتبكة من نظرات حارب اللي ما شل عينه من فوقها" يعلك عيونك تنشل": سوري خالوه بس أنا ما كنت أد.. ويقاطعها حارب: خلاص انزييييين الحين بتقعد تحشرنا كنت وما كنت سارة اللي انقهرت منه بس ردت عليه خالته: بلاك حروب عالبنية؟ سارة: هي والله يا خالوه دومه حاط علي حارب وهو يبتسم بخبث وينزل راسه ظبية: لا يا حروب ترى ما أرضى على سارة الغالية حارب: أفااااا الحين ساروه الغالية.. وأنا؟ سارة وبكل دلع: انت ما شي أنا الغالية وبس سمعت حارب اللي حس بشي غريب تجاه سارة: احلفي انتي بس ظبية: بس انت وياها.... شفيكم يما كله تتخانقون... سارة: كله منه خالوه.. دومه يلعوز فيني حارب: ههههههههه يهالو ظبية: خلاص حارب، وبعدين انت شو مقعدنك للحين، قم يلا الحين بأذن سير توظأ وخلي الباجين ينشون حارب والود وده ما يظهر بس شو يسوي: إن شاء الله خالوه.. ويبوسها فوق راسها وقبل لا يظهر جرب من سارة وهمس: لهالدرجة مشتاقين حقنا.... حشى تونا يالله بصباح الخير... سارة وهي ماتت من المستحى : جب انزين حارب مات من قالته جب وبكل دلع ظبية: حروب انت للحين هني شو؟ حارب وهو يربع برع وعيونه على سارة: ظاهر ظاهر.. .................................................. .... الساعة 8’11 الكل كان ناش.. كانن الحريم فارشين لهن برع الخيمة عسب الجو كان رووعة.. ومجابلتنهم خيمة الرياييل والشباب اللي كانوا ميتين على البنات <<<<<<<<<<الله يعين بس صوب الرياييل كانوا الشواب قاعدين يرمسون الشباب عن سوالف زمان أول.. أبو سهيل: الله يرحم ذيج الأيام والله أنها كانت غير أبو علي: آاااااه صدقك والله، للحين وأنا اذكرها حارب: هي والله سهيل: طاعوا هذا أنتوا الحين بسوي عمره فهيم... انت شدراك بحياة أول؟ حارب: أونك الحين بتقول أن ما تذكر من حياة أول شي؟ سهيل: من كبري يعني عسب اذكر... أنا أمس شو ماكل ما اذكر أبو علي : وين أيام قبل ووين الحين؟ خلوها على الله بس علي: اقول عمي انت كيف تعرفت على خالوه أم سهيل؟ تراني سمعت رمسة وأبا أتأكد.. سهيل: واااااااااااااابويي الشيخ غدى احمر... لا لا ما يصير جذه علي بلا فشلت الريال.. أبو سهيل : ههههههههههه انت ما تيوز ثاني: عمي.. لا تغير السالفة قول نبي نعرف السالفة رفع أبو سهيل راسه يطالع صوب أم سهيل اللي استحت يوم طاحت عينه في عينها وشكلها حست أنهم يرمسون عنها.. أبو سهيل: الله يسلمكم كنت أنا هذاك اليوم طالع البحر كنت توني 19 سنة.. طرشني أبويا اييب شي وأرد البحر.. وأنا داش البيت حصلت وحدة في الحوش .. عاد أنا قلت يمكن هذي عمتكم سهيلة.. وجربت منها عسب أتأكد ويوم صدت تقولون غزاااااال واقف يمي.. تيبست مكاني هب عارف شو أسوي.... ومن هذاك اليوم وأنا الليل ما أرقده.. وعلى طول رسمت أمي وأبويا عسب يخطبونها لي.. وبعد شهر تقريبا استوى العرس.. ثاني وهو منصدم : يعني لما عرست كان عمرك 19؟ أبو علي: ههههههههه بلاك مستغرب يعني.. الواحد من يصير ريال خلاص ماله غير الحرمة سهيل: عيل أمايا جم عمرها كان؟ علي: على ما أعتقد 10 الكل: ههههههههههههههههههههه أبو سهيل: عيل أنتوا أشوا تتحرون.. يوم أقولكم زمان أول غير سهيل: خلاص عيل أنا من باجر أبي أعرس حارب: الله يعييييييييين أحمد: شنو شنو لا يبا محد يعرس قبلي سهيل: شووووو ما أدري منو الأكبر أنا ولا أنت؟ أحمد: ما يخصني.. أنا صارلي سنة من خطبت سهيل: ونحن شو يخصنا .. مشكلتكم وقعدوا يتهاوشووون والكل قاعد يضحك عليهم حارب: لا الحبايب خشعتهم سوالف الشواب حامد: صدقهم انزين.. ترى حتى أنا مليت من العزوبية شكلي بعرس وياهم ثاني: وأنا تخلوني عزابي بروحي شو.. حامد: خلاص عيل انظم حقنا خخخخخخخخخخخخخ حارب وهو يقوم عنهم: لا بالله كدينا خير وظهر حارب برع وقعد يتمشى بروحة.. وشوي يرن موبايله.. حارب: هلا سعاد: هلا فيك حبيبي.. شحالك؟ حارب: تمام سعاد: حبيبي وينك البارحة عيزت وأنا أدق بس محد يرد حارب: ما ادري شكله كان مفضي سعاد: انزين متى بترد تولهت عليك.. ابي أشوفك حارب: والله شكلنا بعد يومين إن شاء الله سعاد: هاليومين عندي جنهم سنتين حارب: هالكثر أنا غالي؟ سعاد: وأكثر بعد حارب: تحبيني؟ سعاد: وأنت للحين تسأل.. أنا ما أحبك وبس أنا أمووووووووووووووت عليك.. تعرف شو يعني أموت عليك؟ لو تطلب روحي عطيتك.. أصلا انت روحي وقلبي وكلي حارب: بل بل بل هالكثر أنا غالي وما أدري؟ حارب دايما يحب يتفلسف على سعاد مع أنها تعيد هالرمسة في كل مكالمة وطبعا حارب صار روتين ممل عنده.. __DEFINE_LIKE_SHARE__ |
|
التعديل الأخير تم بواسطة عيناويه رقيص ; 01-17-2008 الساعة 11:25 AM | |
| |
|
| مواقع النشر (المفضلة) |
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| الاتصالات تدشن كيبل بوابة الهند الأوروبية بتكلفة 600 مليون دولار يبدأ من الهند وينتهي | محروم.كوم | منتدى أخبار المواقع والمنتديات العربية والأجنبية | 0 | 01-25-2010 09:00 AM |
| الاتصالات تدشن كيبل بوابة الهند الأوروبية بتكلفة 600 مليون دولار يبدأ من الهند وينتهي | محروم.كوم | منتدى أخبار المواقع والمنتديات العربية والأجنبية | 0 | 01-25-2010 08:50 AM |
| امشي على درب الهوى عكس قانونه | اسير العذاب | الشعر المنقول | 2 | 12-25-2008 06:39 PM |
| ظبياني عكس القانون}{}{}{}{ امشي على خطين امشي على درب الهوى عكس قانونه | كنترول النعيم | تصاميم الاعضاء | 16 | 06-14-2008 05:44 PM |
| (( أمشي ع درب الهوى عكس قانونه )) | فطوم المزيونة | الشعر المنقول | 14 | 06-01-2008 10:34 PM |
الساعة الآن 11:46 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227