السلام عليكم ورحمة الله وبركاته

في خاطري شي..
للشاعرة السعودية..فاطمة البلوي

قال لي علامك؟قلت في خاطري شي
باجرح سكون الصمت واعلن قراري
واثور ضد اللي ذبحني وانا حي
وانهي مشاوير العنا باختياري
مات الغلا كله ولاعاد له ضي
بعيونك اللي تيهت كل ساري
مالت غصون ما لنا تحتها فيّ
وبانت بعينك للقطيعة مواري
وملت من دروب المتاهات رجلي
وضيعت قدري بين بايع وشاري
ونويت اعزز موقف الحال بشويّ
صبر..يساند نيّــتي واعتذاري

قال حســـــافة!..قلت لوبطلبك عيّ
فرصة تجدد لوعتي وانكساري
أنــــا التي سلّمتك القلب بيدي
يوم الهوى دربي وقلبك مباري
واليوم ردّه في محله وانا في
عزم يساعد كل ماحل طاري
لامت عطشى فانثره بارد الميّ
بعيونك اللي مثل قيض الصحاري!