السلام عليكم ورحمة الله وبركاته



دانه

كيـف افــرّط فالـــهوا دانـــه.....غايت(ن) للنفــس مــثمونه

في هواها الـــروح عـطشانـه.....ولا رواهــا مـــورد(ن) دونــه

شاربه مــ(الحســن) رويانه.....لاخلت عينـــي من عـيوـنـه

كم تسوى نطـقـــت لســانه.....وان همس يامجمل شجونـه

ماخذه من الوصف ســـلطانه.....وعاديـات الحســن مــرهونه

جامحــه وتريــض فاعيـانــه.....فتنـت(ن) للشوف مزيــونــه

اللّحـــظ مســـودّه ألــوانــــه.....والــرموش احــراب مسنونه

والمحيّـــا بـــرق وأمزانــــه.....من غلـــيظ النـّــــو يسقونه

عالنّقــه والعــود طغــيانـــه.....مسرفن والخــصر مجـــنونه

طـاح جيد(ن) يكسي أمتانه.....به جـــمال اللـــّيل وسكونه

مـ(الجدم) للراس فتّــانـــــه.....ظلـــــها ياعـــلّ يفـــدونـــه

الشقــــا والهـــم وشيطانه.....والغوانـــي لـي يمــارونـــه