أتمنى يمنع صيد القمري ....

محروم.كوم · #1 09-25-2010, 12:57 AM

السلام عليكم ورحمة الله وبركاته
والصلاة والسلام على نبينا محمد وعلى اله وصحبه وسلم ...

الموضوع عن الوضع الخطير جدا جدا والمدمر الذي يمر به طائر( القمري )من عدة سنوات وكيف اصبح حاله الان...والبعض منا يعرف ومايجهل مايحصل لهذا الطائر الجميل في وقتنا الحاضر...واتمنى ان نناقش الموضوع بجديه تامه..للأهميته القصوى..قبل وقوع الكارثة..

يااخوان صدقوني مافيه حل غير ان الحكومه تمنع وبقوة صيد القمري ثلاث سنين على الاقل حتى يرجع ولو شي بسيط مقارنة بزمان اول......والله العظيم أتمنى المنع وبسرعه عاجله لان الوضع مزري مايحتمل التأخير.. واسلوب الارشاد والتوجيه والتثقيف ماينجح عندنا طبعا.... والجميع ملاحظ ان خط الهجره للقمري اللي يمر بالسعوديه كل عام اقل من العام اللي قبله والكارثه ان الفرق كبير جدا وواضح من اعداد القمري في كل المناطق وفيه بعض الديار انقرض منها بشكل نهائي يعني مايمربها ابدا.. حتى الديار اللي الان يصيدون فيها60او 80,70قمريه الي غروب الشمس هذا يكون يوم الكبه الكبيره يعني هو يوم واحد فقط في الموسم كله كامل.. ومن اول كان اللي يصيد40 قمريه نقول ان القمري قليل اليوم.. يعني وقت الكبه الصيد كان للسياره الواحده اقل شي150قمريه الي الساعه عشرة او قبل الظهر تقريبا ويخرج والشجر مليان قمري....ياناس شوفوا الفرق واحكموا بأنفسكم والله مافي مقارنه..
واللي يقولي هذا طير مهاجر مو مستوطن ومايتأثر بالصيد اقوله ...
اولا: اسئل القناصه اللي قبلك عن كثرة القمري زمان اول وعن كثرة سيارات القناصه.وتجار القمري.غير تطور وكثرة بنادق الصيد(الشوازن) .وشوف الفرق . الان الجول يرمي بثلاث وهو ماطار من مكانه.. ايضا لو تلاحظ ان القمري في بعض البلدان العربيه المجاوره ماتأثرت اعداده مثل عندنا لان قناصة القمري عندهم قليل او اقل من عندنا
ثانيا والمهم: ان القمري اللي يمر بالسعوديه في رحلة الذهاب هو نفسه يرجع في العوده يعني مافي جديد .
والبعض يقول غير مسار رحلته بسبب تغيرات في الطقس او المناخ او التمدد و التطور العمراني..او امراض تفتك بالطيور.
ياخوي لا تكون في وهم او تطمئن نفسك وتضحك عليهاوتهرب من الواقع التغيرات والامراض موجوده من زمان ولاننكر تأثيرها على الطيور ولكن بسيط جدا مع تأثير الصيد والا كان انقرضت من اول..والعمران ايضا تأثيرها يكاد لا يذكر وكلنا شفنا القمري على اسلاك الكهرباء وقريب من المدن واحيانا على جدران المباني حتى في الدول الاخرى وليش الطيور الاخرى ماتأثرت مثل القمري والا هي على القمري فقط سبحان الله

واخير ياجماعه صدقوني هذا الوقع والحقيقه حتى لو كانت قاسيه او مرة
واذا استمر الوضع على ماهو عليه راح يجي يوم تقولون(ماشاءالله ابشركم اتصل علي فلان وابوفلان وصادوا اربع قمري فالساحل اليوم اكيد هذي الكبه ويقولوا احتمال نبغى نحنطها للذكرى)
واعذروني على الاطاله والله من خوفي على اجمل واحلا واللذ واطعم طير فالعالم معشوق الملايين....ياعمري يالقمري..

وسلامتكم __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري