ღ,,مًــن حيــآآةِ آآآخــــرً البٌـناتٌ ( المحترمـآآت),,ღ - الصفحة 4

{,.בرايّـر.,» · 01-04-2009, 10:42 PM

الاحد: 4 يناير 2009

اول يوم لي في المدرسه بعد الاجازه الطويله

وامس فاليل كنت راقده الساعه 12:30 من وقت

اتجلب فالرفرااش مافيني رقااد

ونزلت تحت الساعه 1:15 تقريبا اسويلي اندوومي

شفتو الخباال بعينه

محد كان وياي..و كلهم رقوود

المهم خلصنا الاندوومي..ما كنت خايفه اكون برووحي تحت مع انه البيت كاان ظلاام

ويالله يالله ياني الرقااد

6:50 الصبح

( يلاا قوومي مدرسه)

صحيت من النوم على هاي الجمله الي كنت مرتاحه منها قبل 3 اسابيع

والحين ردينا نسمعها مره ثانيه

مالي نفس افطر

وسيده المدرسه

طبعا انا ما عندي ولا امتحان الحمدلله يعني مرتاحه

المهم

كان اليوم مقبوول به في المدرسه خخخخ

لحد اليوم ماشي مشاكل

وعلى الساعه 2:30 رن الجرس

وكلن على بيته

صلينا وتغدينا و تسبحنا

وسيده رقااااد

من الساعه 5:30 الين الساعه 9:30 انا رااقده

يعني شبعت نووم

و الحمدلله

ما عيبني العشا الي كانو مسوينه..

انزين سرنا السفير موول حطنا وحطنا ورجعنا البيت

كاان الجوو باااارد

درجه الحراره : 16 تحت الصفر هههه اقصد فوق الصفر

واشتريت عشا من كنتاكي

و ردينا البيت عالساعه 11:30 تقريبا

المهم..وطبعا لحد الحين ماشفت وين شنطتي

يعني الي اعرفه انه ماعلي وااجب

انزين الحين بسير افتحها

شفتوا الشطاره

وبس

تصبحوون على خير

همسه: الي يبى يشووف مدرستي باجر بحط لكم الصوره..لوول __DEFINE_LIKE_SHARE__

{,.בرايّـر.,» · 01-12-2009, 09:02 PM

الاثنين: 12 - يناير - 2009

المود:

اااه مدونتي من كمن يوم ما نزلت يومياتي متعايزه

المهم هذا اليوم كاان واايد حلوو

مدرستي كانت بتودينا رحله

عاد قوولو وين

( ودونا العيـــن )

وناســهـ

المهم كنت يالسه ازهب اغراضي و جيه

الرحله كانت الساعه 6 الصبح

خيـــــــــبهـ ..من متى حراير اتنش من الرقاد الساعه 6

المهم بعد عنــاء دام اكثر من نص ساعه نشيت و غسلت و سرنا المدرسه

كااان ظلااام و الجوووو..

اهم شي اني استانس

وعلى الساعه 10:30 وصلنا دار الزين

كان الجوو.. مووت حر

شو ها ..المهم استحملت شوي

و يلسنا انحاوط في الحديقه و نتمشى

و بعد ما تغدينا طبعا من كنتاكي سرنا نلعب

انا كنت واايد مشغووله باللعب وما تفيجت اصور واايد

هذي اللعبه فرت راسي و خلتني دااااايخه من الخاطر

وهذي واايد استانست فيها حسيت جني صخله مذبووحه..لوول

المهم

و نحن نتمشى اغراني شي كل الناس متجمعين عليه

فيني فضوول .. سرت و رزيت فيسي و ياليتني ما شفت

اللعبه عباره عن 6 مكعبات الزهر

لازم نفرهم كلهم مع بعض و بعدين نجمع الارقام الي بتطلع لنا في الزهر

و على حسب الارقاام فيه مثل قائمه و هاي الاقائمه فيها ارقاام و على حسب الارقاام الي طلعتلك في المكعبات تشووف نفس الرقم الي في القائمه و شو انت ربحت (طبعا فلووس مب الاب ولا شي ثاني)

اغراني واايد.. وجربت العب

كان حظي حلووو

وبعد ما خلصت يلست افكر فهاللعبه

قلت اكيد هو قاري على المكعبات ولا مستحيل يكوون حظ..لانه اذا كان حظ هو بيخسر

و اكتشفت انه هاللعبه قمــار..

وكنت مضايجه

المهم ..على الساعه 7 جمعونا

و رجعنا المدرسه

و على الساعه 10:30 رجعت البيت

و كنت ما انفع فشي

على طوول سبووح ورقااد

و هيك كان يومي شرايكم؟؟

__DEFINE_LIKE_SHARE__

{,.בرايّـر.,» · 01-18-2009, 12:34 AM

يــاويلي , ألعــاب , ههههههههههههههه كأني مب شايفه العاب بحياتي
هاي لعبه الدواريه على قولتنا لعبنا مااما فيها وكانت حامل , تخيلي
ههههههههههه وفي الهيلي بعد ,

يومج كشووخي وناسه , الله يسعدج دنيا واخره

غلاي..

هههه يحليلها امج لوول

تسلمين الغاليه على المتابعه __DEFINE_LIKE_SHARE__

{,.בرايّـر.,» · 01-18-2009, 12:50 AM

السلام عليكم

الجمعه: 16 - يناير - 2009

المود اليوم : وناسه

اليوم كان اليوم الاول من مهرجاان عوافي

يعني كان صدق وناسهه و ربشه

المهم

بعد صلاة الجمعه و بعد ما تغدينا على طووول عواااافي

كانت زحمه من الخاطر

سرنا صوب العزبه و قالو بيستاجروون دراجه

وعااد اي لون؟؟

اللون الوردي

خخخخخخخ..وستوينا مصخره

اخوي ركب عليها و ساقها من المحل الين العزبه

و كل الشباب تعليقات عليه خخخخخخ يحليله

بس كان اللون واايد شاذ

وهااي صوره الدراجه بس الي راكب فوقها دريوليتنا الدبه مش اخوي

يا ويله الي بيضحك

انزين بعد نص ساعه

سرنا نصعد صوب الند

طبعا انا في مره حطيت لكم الصور و يعني ماله داعي احط مره ثانيه

و بعد ما صعدنا

سرنا صوب الحلبه الي يخمسون فيها

وهناك كان المهرجاان

و اعتقد كانو يايبين فرقه ميامي ف المسرح حق فليل

وكااان زحمه من الخااااطر

وهااااي الصور ( بس السمووحه منكم الصور مش واااضحه واايد لانه كان المغرب و السياره مظلمه)

وهذااا الي جرب يصعد الند الكبير بس ما قدر(سووري الصور مب واضحه)

و بس

و على الليل ولعنا النار و طبعا شوينا

الجوو كان بااارد من الخاطر و درجه الحراره كانت 11 تخيلووو

يعني ما قدرنا انطوول واايد

و قبل لا نظهر من عوافي وجاان تبدا الالعااب الناريه

وسوري لانه الكميرا ما كانت ثابته

وهيك كان يومي

انشالله عيبتكم الصور

وبحاول مره ثانيه انه الصور تكون واضحه اكثر

و تصبحوون على خير __DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ღღ ياقلب لاتحزن ღღ راشد الماجد ღღ	خـوار تلي	نغمــات للهــواتف	18	08-22-2011 10:03 PM
ღღღ الدفعة الثانية من عدسات باربي خلي عيونج مثل الدمية بسعر منافسღღღ	محروم.كوم	منتدى أخبار المواقع والمنتديات العربية والأجنبية	0	06-01-2010 03:20 PM
ஹღˆ¨°ღ♥ღّأكواب القهوة والشاي و الشوكلاه الساخنه احجزي اكوابج الآن ღˆ¨°ღ♥ღஹ	محروم.كوم	منتدى أخبار المواقع والمنتديات العربية والأجنبية	0	04-10-2010 09:30 PM
ღ ღ ღ تأهبوا ليومٍ تترادف فيه العَبَرات، ღ ღ ღ	محروم.كوم	منتدى أخبار المواقع والمنتديات العربية والأجنبية	0	02-28-2010 09:40 AM
[ برنامج ] : ღღღ تخلص من إزعاج الذباب و الحشرات مع هذا البرنامج ღღღ برنامج مضاد للذباب ღღღ	محروم.كوم	منتدى أخبار المواقع والمنتديات العربية والأجنبية	0	05-09-2009 09:00 PM