بعضهم وبعضهم لااااا

احساس الامارات · #1 01-13-2008, 02:57 PM

مرحبا والله........

(سوالف الشباب فالباص)

77
7
7
7

1) عشــاق الكوره :

نفر (1) :: يا خووك احلى شي عاد لين العين تصدر الدوري

نفر (2) :: ايه .. جفت قول آيتوو عاد شق المرمى شق فديته هالريال

نفر (3) :: روحووو مناك .. بييكم الشبح المدريدي بينثـر هاليهال

نفر (1) :: روح روح .. مدريدك ذيله الحمدلله فازو على الدرجه الثانيه

..( وتقوم الضرابة والتكفيخ .. وتلقى واحد منهم مسدوح عـ الارض
والثاني معلق على الباب )..

2) المغازلجيـــــهـ :

نفر (1) :: اااخ يا الحبيب جفتهااا .. هذي قاعده صوب الدريول

نفر (2) :: تقصد هذي ام العباة فيها ستين فراشه ؟!

نفر (1) :: لااا يا حظي العوي .. اللي عباتها الخفاش ..

نفر (2) :: هيه هذي كشخه يابووك بس يقولزن ما تعطي ويـه

نفر (1) :: ما عليك منها .. بتطيح بتطيح ..

..( عاد الاخو اييب تاريخ اهلها واجدادها على اساس ان انا اعرفها ترى ! )..

3) شباب يطنزون :

نفر (1) :: جووف جووف .. هذي ام عباة راس صدقني بطيح

نفر (2) :: شدراك انها بطيح ؟! الا اذا عينك فـرن

نفر (1) :: يا العله بتجووف احين

..( البنت بتنزل من الباص )..

نفر (1) :: حجيــــــــــهـ عبااتج ..:

طــــــــم طـــرااااخ ( طيحه على الويه )
عـاد النفر (1) و (2) : مــ يصدقون ـــا بنت اتطيح "." ههه ههه ههه "."

"" وتقعد تسب فيهم وتلعن وهم للحين يضحكون عليها ""

4) عشاق الكــتب :

نفر (1) ( قاعد يراجع اخر درس من الماده

نفر (2) :: وين وصلت اي بوينت ؟!

نفر (1) :: رقم 6 بس مب فاهمها .. تشرحها لي ؟!

..( ويشرحون حق بعض ويدور الباص ويفتر وينزلون الطلبه كلهم وهم للحين في الباص .. لين اييهم الدريول ويقولهم يلاااا فكوني بروح بيتنا )..

5) صبيان على غير العاده " هاذيله في حالهم" :

نفر (1) :: هلا شلونك ؟!

نفر (2) :: بخير الله يسلمك شلونك انت ؟!

نفر (1) :: الحمدلله بخير يعافيك

..( انتهت المحادثه .. واحد يطالع من الدريشه والثاني سرحان والا راقد )..

6) عشاق البتـه و الاونو :

نفر (1) :: العـــــب خل اكسر راسك .. تقط لي ثنتين الكلفس

نفر (2) :: عشان اتييك الاكـلـه العدلـه ( يلعبون كوت )

نفر (1) :: يا عمـــي .. بنجوف ترى الجوكـر يايك يايك

نفر (3) :: العب العب حبيبي يقولك جوكر ما عليك منه زين

..( والصراخ ينسمع للدريول .. ولا جنه احد يمهم .. ويجوز احيانا ان الكل ينزل الا هم يتمون بالباص طبعا من عقب الصبيان مال الدراسـه والكتب )..

7) عشاق الاغانـي والطقطقه :

نفر (1) :: دقني ودقني دق

نفر (2) :: شو فيك عبود ...

نفر (1) :: (( مطنش )) و دقني شبع في دق يا ناس بالخيزرانة

نفر (3) & (4) :: او دقني ..... او قدي ......

..( مساكين ذيله .. تلقاهمـ يفكرون يغنون في عرس .. ويوم فكروا و راحو شاتوهم بالنعـل ! )..

8) فئة الموضـه :

نفر (1) :: شفت وائل كفوري شمسوي عجيييب شعره مالي الا اروح الريتز يسوونه لي صاير مو شي ( واااي يحليلك اسم الله عليك )

نفر (2) :: لالا ما عجبني احلى شي قصة عمرو دياب بس ناقصه صبغه اشقر على صوب يطلع كووول ..

..( ذيلين مساكين بعد .. اخرة هالقصات بيسوون تسريحة المطربة صباح ! )..

9) فئة البناتـيـه :

نفر (1) دايس على ريل الثاني عن غير قصد

نفر (2) :: آآآي يعوورني

نفر (1) :: اوه سوري عورتك وايد ؟!

نفر (2) :: لا لا خلاص طاف حبيبي

نفر (1) :: لا صج عورتك ؟ اسف يا قلبي ما كان قصدي اجرح مشاعرك

والسموحه من اليميع __DEFINE_LIKE_SHARE__

بنت زايد الخير · 01-13-2008, 03:12 PM

توني اعرف ان الشباب يطنزون

يله ثانكيوووو __DEFINE_LIKE_SHARE__

..][مهـا الـعرب][.. · 01-13-2008, 03:32 PM

السلام عليكم ورحمه الله وبركاته

ههههههههههههههههههههههههههههههههههه

ههههههههههههههههههههههههههههههههه
ههههههههههههههههههههههههههههههههه

كشخه والله سوالف الشباب خخخخخخخخخ

يسلموووووووو ع الطرح

^__^ __DEFINE_LIKE_SHARE__

ж شـمـوخ عـراقـيـه ж · 01-13-2008, 03:38 PM

ـهههههههههههههههههههـ

سلمت يمينك يالشيخ على الموضوع الرايع

يشرفني اكون متواجده في موضوعك الحلوو

ويعطيك ربي الف عافيه ..لاخلا ولا عدم

لا تحرمنه من يديدك ..^^.. تحياتي

__DEFINE_LIKE_SHARE__

غـلا زايــد · 01-13-2008, 04:41 PM

ههههههههه

تسلـم خويـه ع الطـرح .. وانترقـب اليديـد ..

{ تم نقل الموضوع لاستراحة النكت }

__DEFINE_LIKE_SHARE__

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يا ليتني مااااا حبيت بالمره((واقعيه))	روحـ كلها جروحـ	قصص و روايات	193	10-18-2017 08:26 PM
ألحق مااااا تلحق؟؟؟؟	قناصة الإمارات	العاب , فكاهه , مسابقات	21	03-09-2012 11:35 PM
طلبتكم طــلــبهــ لااااا تردوني ...	لساني متبري مني	افلام عربية , أجنبية, هندية , يابانية , كورية وغيرها	5	05-07-2010 01:25 PM
لااااا يفوتكم برنامج اخفاء الرسائل برقم سري وبلعربي	محروم.كوم	منتدى أخبار المواقع والمنتديات العربية والأجنبية	0	03-03-2010 11:48 PM
طلبتكم طلبة .. لااااا تردوني ..	الفيلسوفه	طلبات الاعضاء	0	12-26-2008 11:33 PM