| ||||||
| | LinkBack | أدوات الموضوع | انواع عرض الموضوع |
01-01-2009, 08:34 PM
| رقم المشاركة : [ 11 ] | |
| عضو ذهبي  |  الريم ربعت فوق تصيح بوزايد : شفيهاا الريم ربعت فووق؟ ام زايد: شدرانيه فيهااا جادها الا استحت انته تعرف هالعمر البنات يستحن واذا ماردن عليك يعني موافقات بو زايد: هزرج يعني جادها ما تبغي سالم؟ ام زايد: لا ما يطيع زينك شعنه ما تبغيه سالم ريال ونعم ماعليه رمسه بو زايد: هيه ونعم فيه سالم حشيم ومخاوي شما عند الفزعة ما تشوفه الا جدامك بيفزعلك بسسس...... ام زايد: لا بس ولا شياته وشعنه عيل يوم انته تقول ريال ونعم شتبغي هي بعد بتلقاا اخير عن سالم فذمتيه محد بيحشمها وبيحبها شراته وهو اكيد يبغيها وشارنها يعني ماعرس طول هالوقت يترياهاا تخلص دراسه بوزايد: بس الريم صغيره يا ام زايد الا توها مخلصه ثانويه عامه ام زايد: شو صغيره بعد ماشااء الله حرمه الحين انا يوم اخذك اصغر عنها بو زايد: بس الاول غير يامريم الحين غير البنات ما يعرسن الا يوم يخلصن جامعه ام زايد: والخيبه شو تخلص جامعه بعد لالا غير سالم ماتاخذ ما ينعاب ولد خوويه وهي ما تعرف مصلحتها الحين بعدين بتقول يزاهم الله خير اميه وابوويه بوزايد: انزين خلينيه ارمسهاا بشووف شرايهاا بعد هب زين نغصب البنيه ع شي هي ما تبغيه ام زايد: انا قلتلك رمستيه غيرها ماشي تبغيه والا ما تبغيه تراها بتاخذه وانا ما برد ولد خوويه وهي يوم بتاخذه بتحبه نحن ما سوينا شراتها الا انته امبزنها بزى ما ريته عند حد وفنفس الوقت فبوظبي دار الظبي وخص فبيت بو خالد هزاع دق الباب ع فطامي وهي يالسه فحجرتها فطامي: حياك ادخل يالي دق الباب هزاع: الله يحييج ويبقيج شحالج؟ فطامي: بخير وسهاله غريبه من وين ظاهرة الشمس؟ هزاع: ظاهرة من فوق المهم شو تسوين؟ فطامي: يالسه ع الاب ما تشووف ارمس ربيعاتيه هزاع: اهاا يحيج اممممم الريم حادرة؟ فطامي: ما يخصك هزاع: افاا يا فطامي انا ما يخصنيه فطامي: كسرت خاطريه لا هب حادره هزاع: وياراسج اونه كسرت خاطريه فطامي: المهم الحين شتبغي؟ هزاع: امممم فطامي شرايج ارمس اميه ابوويه عسب يخطبوليه الريم؟ الحين؟ فطامي: الله الله شعليك اخيرن بيستوي الي فبالك اوكي رمسهم الحين هزاع: فديت خشمهاا ياربيه اخيرن الي فباليه بيستوي متى الله بيمعنا سوى ونكون فبقعه وحده فطامي: خيبه حشااا يالعيله انزين عين خير الحين سير رمس اميه وابويه وخلاف فكر هزاع: هيه صح فطامي نسيت ابغيج فسالفه انااا عسالفه الخطبه فطامي: ها بعد خير يالله خلنيه ارمس ربيعاتيه تراك صدعتنيه هزاع: ودري هذا عنج ابغيج فموضووع مهم شوي فطامي: عن الريم بعد ؟ هزاع: لالا هالموضوع يخصج انتي فطامي: يخصنيه شوو تراك حرقصتنيه؟ هزاع: تعرفين ربيعيه سعيد فطامي: هذاا الي كان ويانا فالسفر ماغيره؟ هزاع: هيه هووو ماغيره فطامي: شفيه وشيخصنيه انا فيه؟ هزاع: بقولج شفيج انتي سعيد خطبج منيه عسب يعرف رايج قبل لا يطرش هله فطامي استحت ونزلت راسها هزاع: اوووه من متى فطامي تستحي تونيه ادري والله ههههههههههههه فطامي: فعينك حشااا شو قالوولك هزاع: ههههههههههههههه هذي فطامي انزين المهم يلا مستعيل وفكري فالموضووع تراه هذا عرس هب لعبه وبعدين برد عليج وابغي رايج وتراه سعيد ما يتخير والله ريال ونعم فيه وشارنج وهله ترانا نعرفهم ماعليهم رمسه فطامي ويها احمر من المستحى : ان شااء الله هزاع: بس متى القا ردج؟ فطامي: ماعرف اممممم هزاع: ابغي ردج باجر اوكي عن تبطين عليه فطامي:ان شااء الله هزاع: خلاص الحين بسير عند ابويه برمسه مع السلامه وخلج ويا ربايعج(ضربها ع راسها من ورا هع) فطامي: وجع هزاع: فبطنج ياربيه فطامي: فقلبك حشااا هزاع: لالا دخيلج خلي قلبيه ع صووب وياهالراس ادريبج بالعاني قلتي قلبيه فديته وفديت من سكنه فطامي: هههههههههههههههه ياسلام ظهر هزاع عنهاا وسار صوب ابووه يالس ف الصاله هو وامه وخالد وعوشه هزاع: مرحبا السااااع كلهم: المرحب باجي هزاع تم ساكت ومارمس ام خالد: شفيك هزاع رب ماشر شعندك؟ هزاع: بقوول دام كلكم يالسن بعد اخير اقوول مرة وحده مافيه اعيد رمستيه اممم انا ابغي اعرس ام زايد: هذي الساعه المباركه مني هذي الي تبغيهاا؟ بوخالد: جاد نعرفها عاد؟ هزاع: هيه تعرفونها وتعرفون هلها زين الريم بنت حمد بن هناد بوخالد: ونعم والله ام خالد: ياحي ما اخترت وتنقيت هزاع: ابغيكم عاده تخطبونها عن حد يسبقنيه ابهاا ام خالد: فالك طيب انا باجر الصبح بتصل حق امها وبخطبهاا هزاع:فالج مايخيب تسلمين اميه علنيه لا خلا منج عيوزيه ام خالد: واااااااااايه فديتك يعنيه ما ذووق حزنك هزاع: امييييين ولا حزنج كلهم: مبروووك هزاع هزاع: الله يباركلكم عقبالك يا بوخالد هههههههههههه ام خالد: تونيه اتفداك لالا هونت يوم الا هذي رمستك بوخالد: خلاص عيل عرسيه وعرسك فيوم واحد ش الراي يام خالد (وهو يغمز حق هزاع) هزاع: ياسلام هيه اسميه راي حي خالد: عيل يوم بتعرسون انا بتم اطالعكم هزاع: تراها عووشه يالسه هاااا خالد: وشو يعني بتبطي هي جان بتردنيه عن العرس دامه فباليه عوشه: ببطي هااا بنشووف هي والا انا ونشت هي معصبه ههههههههه هزاع: الحق الحق حرمتك عن تزعل عاد كله ولا بنت عميه ما تهوون هههههههه خالد: ام الغالي ما نقدر نزعلهاا انا بسير اراضيها مشكله الحرمات يوم يزعلن ساعه لين ما يرضن بو خالد : الا ام خالد طوليه بعمرهااا ما تاخذ فخاطرها ام خالد: ثرك تشوفنيه جماد جدامك لا بويه انا زعلانه يوم الا هذي رمستكم وانته اسمعنيه هزاع ما بخطبلك الريم بنت حمد خلاص ترا وقف راسيه الحين هزاع: افاا عيووزيه رب ماشر (وباس راسها) ترانا الا نسوي وياج سوالف والا بوخالد ما يقدر يعرس بوحده غيرج وهو يقدر ع زعل الغاليه ام خالد: هيه يالمصالح الحين ما بيعرس مساعه عرسنا فيوم واحد بوخالد: ما حيدج ما تقهرين يام خالد وانا اقدر اعرس وين فيه حيل بعد ع العرس تكفينيه انتي وتزيدين ومنو هذي الي بتي عقبج اسميها بتبطي وايد هزاع: الله الله سمعي ررمسة الشيبه شتبغين بعد اكثر عقب هالرمسه ام خالد: هيه قصوا ع حد غيريه ظك انته وياه هنا خلونيه اسيرعند حسن هذا بعد شمسوي من العشاا هزاع: شكلها عيوزك زعلت ههههههههه بو خالد: لالا افا عليك هي الا جذه خلاف بتلقاها يايه صوبيه تبغي تسير العزبه هههههههه هزاع: يلا ابويه تامر بحايه بسير صوب الربع بوخالد: ابدن غير سلامتك وبقاك ف الدنيا عن تسرع في الدرب هزاع: ان شااء الله وسار هزاع بسيارته القهوى صوب الربع وخطر عباله يطرش حق الريم مسج والريم طبعن فحجرتها تصيح واول ما وصللها المسج (كل ما جيت اتغلى عليك يعاتبني الوفا فيني وكل ما جيت اجافيك يبدا قلبي يجافيني ترى سؤالي عن احوالك نابع من الزود الغلا فيني يعني رديت او مارديت وصول المسج لنظر عينك يكفيني) وعاد اول ماقرت الريم المسج انفجرت من الصياح وهب عارفه شتسوي وكيف بتقنع امها انها ماتبا سالم ولد خالهاا $$ومنابع دموع المحبين عيني ...... تبكي على نفسي وتبكي على الغير$$ $$عن الغلا ياســاريه خبريني ....... هل عاد بقلوب الاحباب تأثيـــــــــر$$ $$قلب الفراق الي غداله حنيني...... ضميان والقصة ماهي جمة البيـــر$$ $$لكنها شوق يدفه ضنيــــــني ...... يالله عساها ما تطول المــشاويــــر$$ وفي المقهى عند الشباب سعيد يرمس هزاع: ها شسوي بموضوعنا رمستها والا بعدك؟ هزاع: يالله يالعيله شبلاك عنبووو الا اقوول والله انك حركات يا بو عسكور ثرها الي عينك عليهاا اختيه فطامي سعيد: قلتلك من قبل اخت غالي هزاع: اهاا صح بس انته وين شفتهاااا؟ سعيد: امممم تبغي الصدق هي مرة حدرت الميلس بالغلط وكنت انا موجود بس كانت متستره عادي هزاع: ايوااا الحين فهمت لا والله يحيك يا بوعسكور اصلن انته لو وافقت فطامي بيكون لك الشرف تناسبنيه هههههههههههههه سعيد : ههههههههه صدق انك كلب بس اقوولك هي معقووله بترفضنيه؟ هزاع: ليش انته ولد منو عسب ما ترفضك تراك الا سعود سعيد: فعينك سعود بس بس لا الحين ارقد عليك عند الشباب هههههههههه هزاع: طالعواا منو يبغي يرقدني نسيناا من كان يقول هالرمسه منو علمك اياها هاا ههههههههه وتموا يتقارضوون الين الفير وخلاف كل واحد سار بيته والا سعيد كل مرة يتصل على هزاع عسب يعرف راي فطامي اونه يذكره عن ينسى ههههههههههه هزاع: اسميه وذى شكليه بسويله حركة نذاله وتوه حادر هزاع البيت الساعه 5 الفير يسمع صدعه في المطبخ ساار صوبه فطامي مندمجه ويالسه ادندن: ليتني عرفتك باول العمر بدري وشبعت عيني بالنظر من محياك هزاع: بووووووووووو شو تسوييييييييييين؟ فطامي: زاعقت زعقه زين محد نش منها هع : واللعنه تلعن العدو شو ناوي عليه انته هزاع: شوتسوين؟ فطامي: شرايك يعني؟ هزاع: شو انتي مربياتنج الشغالات كل يوم اندومي غدا ريوق وعشا اندومي حشاا فطامي: يالجذب متى والله ماكلت اليوم هزاع: كيف تاكلينه هذاا المهم انا يوعان سويليه شي اكله فطامي: اذاا ما تبغي اندومي لف يسار بتشوف صموون والجبن فالثلاجه تعرف بعد كيف تقص الصمون والا اعلمك هزاع: يالله معوفج وتموا يالسين في المطبخ ياكلون هزاع صمون وجبن وفطامي اندومي هزاع: فطامي فكرتي بالموضووع والا بعدج تراه سعوود وذى اذانيه فيج وافقت والا حشااا حشرنيه فطامي ا ستحت ونزلت راسهاا : تبا الصدق يكفي انه اربيعك ونشت عن الطاوله هزاع: حووه فطامي يالخديه يعني شو ارد عليه فطامي: موافقه انا..... وسارت على طوول فوق وهي بعدهاا ما كملت اكلهاا وهزاع طرش حق سعيد مسج انه فطامي وافقت وماواحى الا انه سعيد يدقله وهب مصدق انه فطامي وافقت وقاله انه بيطرش هله باجر عسب يخطبونها رسمي وهزاع سار حجرته وهو مستانس ان باجر امه بتخطب الريم حقه وهو مسكين حاله مايدري ان الريم مخطوبه والي خاطبنها ولد خالها سالم واليوم الثاني الصبح الريم دقت على فطامي فطامي شلته وهي راقده دهمانه : هلا الريم شفيج ؟ الريم وهي تصيح : فطامي فطامي اول ماسمعت الريم وهي تصيح فزت : الريم فديتج شفيج رب ماشر الريم: خلاص انا بمووووت والله احسسسس اني بموووت فطامي: لا تقولين جذي بلاج؟ الريم: انتي ما تدرين يا فطامي جان ماقلتي جي فطامي: لا تعوريليه قلبي خبرينيه خلينيه اعرف شبلاج وهدي فديتج الريم: فطامي سالم ولد خاليه خطبنيه البارحه فطامي مصدومه: شووووووو؟؟؟؟؟؟؟؟؟؟ الريم: والله وانا ماعرف شسوي واميه معنده راسها الا اخذه واناا الحين ماعرف شسوي دخيلج خبرينيه شسوي ماعنديه حد غيرج اشكيله حاليه فطامي: الريم انتي لازم تقولين رايج وانج ما تبغينه عن تسكتين والله جذي بترضينهم بس ما بترضين عمرج الريم: آآآآآآآآآه يا فطامي قسم بالله احب هزاع ما اتخيل اني احب حد غيره او اني باخذ غيره فطامي: مسكين والله هزاع تدرين انه البارحه رمس اميه وابويه عسب يخطبونج واكيد اميه بترمس امج اليوم الريم: صدق ؟ فطامي: والله العظيم اقولج الريم سيري الحين ورمسي امج وقوليلها انج ما تبغينه سالم ولد خالج وهو صح ما ينعاب بس انتي تعتبرينه شرات اخووج الريم: امممم ان شااء الله الحين بسير عندها وادعي انها تطيع وتتفهمنيه لو انيه شاكه فطامي: لا ان شاااء الله سيري انتي وماعليج وسكرت الريم عن فطامي امرة وسارت عند امها تحت وشافتها يالسه في الصاله سلمت عليهاا ويلست وهي متردده ترمس والا لا وفجاءة دق تلفون ام زايد ام زايد: يامرحبا الساع والله ام خالد: المرحب باجي وشحالج ياام زايد ربج بخير؟ ام زايد: بخير ونعمه ومن صووبج؟ ام خالد: تسرج حاليه .... وعقب السلام والتراحيب ام زايد بغيتج فحايه ام زايد: لبيه ام خالد: لبيتي فمنى ان شااء الله بس بغيت اخطب الريم حق ولديه هزاع ام زايد: ونعم والله الساع بس يام خالد البنيه البارحه خطبها ولد خوويه سالم اسمحيليه فديتج والا والله هزاع ريال ينشرا وما ينباع ام خالد: لا مسموحه بالحل الغاليه وعسى ربيه يهنيها ويوفقهاا وهذا نصيب وادريبج انتي لو محد خاطبنها جان ما رديتي ولديه ام زايد: والشاهد الله هزاع غلاته من غلات عياليه ام خالد: ادري ادري فديت خشمج وحتى الريم شروات بنيتيه فطامي وعيل الحين السموحه فديتج بسكر ام زايد: ع راحتج واستسمحيليه من هزاع ام خالد: شعنه بعد هو بيتفهم وان شااء الله بنلقاله بنيه غيرها لو انه ما ينلقا شروات الريم والله ام زايد: تسلمين الغاليه ........ وعقب سكرت بو خالد: هاا شقالت؟ ام خالد: البنيه مخطووبه خاطبنها ولد خالها البارحه بو خالد: هيه الله يوفقهاا والريم يالسه ودرت انه السالفه فيهاا خطبه وتخبرت امهاا ام زايد: هيه هذي ام خالد كانت تبغيج حق ولدهاا هزاع بس تعذرتلهاا الريم اول ماسمعت امها تقوول ان هزاع خطبها وهي تعذرتله مارامت تيود عمرها وعلى طول سارت فوق وتصيح وفخاطرها تصااااااااااارخ باعلى صوتهاا لا لا اميه لا تردينه هذا قلبيه ليش تردينه احبه احبه ولا عمريه بحب غيره ( وفي المحبه يا عرب لا تعذلوني** لانه حبه في فوادي قد سرى) ( حبه الي صارلي عمري وكوني **ما نسيته لو جرالي ماجرى ) والظهر هزاع نش من الرقاد وتسبح وتكشخ وهو مستانس ودق الباب على فطامي اخته ( هو دوم متعود يدق عليها يصدعها يدري انها راقده بس جي ) بس هالمرة الي استغربه انه فطامي فجت الباب هزاع: حي الحياااه غريبه ناشه هالوقت احيدج تصلين وتكملين رقادج فطامي توها بترمس ويدق تلفونها وشافت ان الريم الي داقه فطامي: ها بشري شو ستوى؟ الريم وهي تصيح : قبل لا ارمس يا فطامي امج دقت عشان هزاع بس اميه قالت الها انيه مخطووبه شسوي شسوي خلاص يعني ارضى بالي انكتب وانساا هزاع فطامي: انا قلتلج الريم رمسي امج ومستحيل هي ما بتتفهمج الريم: فطامي انتي ماتعرفين اميه والله انها عنيده وكله ولا ولد اخوها وسالم يا فطامي بعد ما ينعاب والكل يشهد له يعني ماليه عذر وانا ذاك اليوم قلتلهاا انيه اعتبره شرات اخوويه وبعد قالت هذي الا رمسه خلاف بتتعودين انه ريلج عادي هزاع كان واقف جدام فطامي وهي ترمس الريم وفهم انها سالفه خطبه بس ليش فطامي مضايقه وهو ياشرلها انه شفيج وفطامي تسويله حركه بايدها ان تريا شوي فطامي: يعني ما بتسوين شي بتوافقين الريم: ليش انتي عبالج بيقولوليه وافقتي والا لا خلاص هم قرروا عنيه واعلنوا موافقتيه عليه فطامي: انتي شو ما تفكرين بتوافقين وبتهدمين حياتج ونتي ما تبغنيه تبين ارمس امج واقوولها انج ماتبغينه؟ الريم: لالا اصلن هي ما بتهتم لج يوم انا بنتها ماستهمت منيه هزاع : تبقوليليه شسالفه والا >>> وكان معصب فطامي : لحظه الريم << هي سمعت صووت هزاع يوم رمس هزاع: شسالفة خطبه ولا توافقين الحين تقوليليه؟ فطامي: تبغي الصدق الريم انخطبت حق ولد خالها سالم قبل اميه لا تدق حق امهاا واميه يوم دقت تخطبها لك امها تعذرت والريم ما تقدر ترفضه امها غاصبتنها عليه ولا خذت رايها حتى وهي ماتعرف شوتسوي هزاع هني حس عمره بيمووت وفطامي تقول هالرمسه كل هالاحلام بتضيع بلحظه بس وبدون ما يحس مط التلفون عن فطامي هزاع: الريم شو يعني بتاخذينه واناااااا!!!!!!!!!! الريم وهي تصيح : شسوي يا هزاع انا ماليه ذنب والله وهالي مكتووب انه الحب الي بنيه ويبنك ينهدم هزاع: بهالسهوله ينهدم يعني انتي خلاص الريم ما تبغينيه؟ الريم: انته اكثر واحد ياهزاع يعرف انيه ابغيك ومابغي غيرك وانا حياتيه عقبك ماهي حياه هزاع: عيل شعنه ما ترفضينه ليش ما تبغين ترمسين امج وتقنعينها انج ما تبغينه؟ الريم: هزاع ماقدر ماقدر ومنو الي بيسمعنيه اصلن اميه لو المووت مابترد ولد خووهاا هزاع: انزين شرايج انا ارمس سالم ولد خالج؟ الريم: لالا شو بتقووله هزاع: بقوله انيه ابغيج ورايدنج من زمان واحبج بعد شو بقوله الريم: دخيــــــلك هزاع لا تسويها شو بقولهم خلاف اذا تخبرونيه عنك ومن متى تحبنيه هزاع: انتي تخافين من الحب الحب لا هو عيب ولاحرام ونتي لا تقولين شي مايخصج بقول هي ماتعرفنيه انا احبها لاني شفتها مرة الريم: هيه اخااااف من الحب انا بنيه هزاع اي شي بياثر عليه شو بقولهم اذاا تخبرونيه ليش وافقتي على هزاع ورديتي سالم هزاع: انتي تبغين تقولين انج ما تبينيه بس ماتعرفين كيف توصلينها خلاص اوكي فهمتها الريم: الشيمه هزاع لا تقول جذي والله انيه ابغيك وربيه الشاهد هزاع: اوكي خلاص وافقي لو تبغين وانا بحاول انساج اقصد اتناساج لانيه مستحيل اقدر انساج وبعد مستحيل اخذ وحده غيرج ولو حبيت غيرج عسانيه الموت الريم: هزاع دخيلك لا تقول جي هزاع عطا فطامي التلفون وظهر وهو معصب من الخاطر شاف امه وابوه في الصاله وحبهم ع راسهم وتوها امه بترمسه عن الريم ظهر لانه عرف ان امه بتقوله انه الريم مخطووبه ومافيه يسمع هالرمسه مرة ثانيه فطامي: شو قلتيله لان صدق هزاع معصب الريم: والله ما قلتله طشه وتمت تصيح .....فطامي اخليج هي ميته من الصياح وماتعرف شو تسوي كل الجوارح وقلبهاا يقول هزاع بس عقلها والمنطق يقول سالم لانه ولد خالها وريال ونعم ويحبها من زمان وحاشمنها وعمره ماغلط عليها وف هذا اليوم الريم طول ماظهرت من حجرتهاا وهزاع مارد البيت طول ومحد شافه حتى سعيد ربيعه وكل ماحد يدقله مايرد عليه وصدق كان مضايق من الخاطر ومايعرف شو يسوي يعني الحين عقب الريم مارضت عليه كل شي يروووح شرات المهب وبو زايد حاس ان الريم ماتبغي سالم بس الريم ماترمس وتقول وغير انه ام زايد موقفة راسهاا ان هذاا لصالح الريم وهي ماتعرف مصلحتها الحين واليوم لثاني قوم خالهم يوو بيت حمد بن هناد عسب يخطبون الريم رسمي ويعرفون راي الريم ويسمعون موافقتها ام زايد سارت فوق حجرة الريم ولقتها يالسه ع الاب توب وتسمع اغاني : يلا نشي تعالي تحت في الميلس الريم ماردت على امهااا لانهااا كانت تصيح ام زايد: قلتلج نشي وتلبسي عن هذي البجامه وتكشخي وتعالي الريم : اميه دخيييييييييلج مابغيه لا تغصبينيه عليه ام زايد: انتي بعدج ميسبه راسج انا امج واعرف الي يصلح لج اكثر عنج الريم: حرااااااااااااام اميه والله انيه مابغيه وانا الي بعيش هياه هب انتي وانا عمريه سالم ما عتبرته اكثر عن اخووويه حرام تهدموون حياتيه بيدكم ليش انتي ماتحبينيه ليششش؟!! ام زايد: ايهاااااااااااا شهالرمسه بعد ما بتلقين شرات سالم هو اخير واحد لج ويناسبج وما بعيد رمستيه هذي مرة ثانيه ويلا ورايه وان ماييتي تحت والله ياويلج ونتي عاقل هب ياهل انقفضي الريم عقب رمسة امهااا فقدت الامل وقالت خلاص هذاا القدر الي نكتب الهاا ومصير الحب الي كان بينها وبين هزاع يروح مع هب النسيم %%دخيــــــلك دخيـــــــل اهلك ناسك والي يابوك %% %%رووف بخفــــــوقـــي الي تلاقيته عشمـــــــبك%% وتلبست الريم كندورة ونزلت تحت في الميلس ام سالم: مرحباا والله بعروستنااا الريم: هلا (سلمت عل ام سالم ويلست حتى ما بتسمت بالعكس كانن الدموع فعيونهاا ) وسالم بعد كان يالس وبو سالم ام سالم:ها الريم شو موافقه؟ ام زايد: اكيد موافقه يبالها رمسه بعد وهي هزري ما بتلقى شرات سالم سالم استغرب من الريم كانت غير مضايقه والدموع فعيونها بو سالم: الريم نبغي نسمعهاا منج الموافقه ؟ الريم: ............... ام زايد : السكوووووت علامة الرضا شرات ما يقولون الريم: من رخصتكم بسير فوق راسيه يعورنيه وسارت عنهم فوق سالم: شفيهاا الريم؟ ام زايد: مافيها شي جادهاا الا تستحي لازم سالم ما قتنع برمسة ام زايد وحاس ان الريم فيها شي وانتشر خبر خطبة الريم من سالم وثاني حده مقهوور ومضايق صح ان الريم ما تحبه بس كان عنده امل ياخذهااا شواخي اول ما سمعت الخبر انصدمت توقعت هزاع الي خطبهاا وعلى طول دقت على الريم شواخي: مرحباا الساااااااع الريم: الله يرحبج ع فضله شواخي: شحالج ؟ الريم: ماتسرج والله يا شواخي شواخي: فديتج الريم عيل انا كنت بباركلج<<< تبا تخفف عنها الريم: تباركيليه على شو المفروض تقوليليه حسن الله عزاج شواخي: لالا تقولين جذي شعنه ما قلتيلهم رايج؟ الريم: والله يا شواخي اميه هب طايعه تسمع منيه طشه شواخي: اوكي قلنا امج وابووج هزري ما بيغصبج ع شي وخص انتي البزيه ما بيردج فشي الريم: فديته ابوويه انا ما قلتله لاني اخااف تكوون ردة فعله شرات اميه شواخي: لالازم ترمسينه وتقوليله رايج ربج يفهمج ويوقف وياااج لازم ترمسينه قبل لا كل شي يستوي جد وبعدين صدق بتندمين الريم الريم: مادري والله شواخي: اممممم تدرين ان ثاني اتصل عليه ومحتشر؟ الريم: شفيه هذا بعد؟ شواخي: يتاكد اذا صدق سالم خطبج والا حليله يحبج هههههههههههه الريم: ما عنده سالفه والله ابدي سالم عليه جي قلوا الرياييل عسب افكر فيه ولا همنيه بس واحد شواخي: هيه صح عطاري الواحد شو الحين يدري انج انخطبتي ؟ الريم: آآآآآآآآآآآآآآه هيه والله يدري علنيه الموووت والله ما اقدر اتخيل اعيش بدوونه وبدوون حبه والله يا شواخي انيه احبه احبه ليش محد يفهمني شواخي: فديتج والله انا افهمج انزين شو كانت ردة فعله الريم: عصب وايد حتى انه ظهر من البيت ومرمسه فطامي قبل شوي وتقوليه انه بعده الين الحين مارد ومايشل تلفونه ولا حد يدري وين حتى ربيعه الي وايد وياه ما يعرف وينه والله انا خيفانه عليه شواخي: ماعليج مافيه الا كل خير بس يمكن هو الحين مضايق خليه برايه ولا يكون تفكرين تتصليله الريم: وليش اليه ويه اتصلبه لا مستحيل فديتج اطمني شواخي: اوكي غناتيه اتصلبج باجر وريحي عمرج ورقدي ولا تفكرين وايد والله ما بيكتب الا كل شي فيه خير الريم: ان شاااء الله مع السلامه وخلاف انسدحت الريم ع الشبريه وتفكر وقطع حبل افكارهااا رنة تلفونهاا ياهلي ونيت ونت مبتلي ونتن مويوع من فقد الوليف ....ويوم شافت المتصل كان ظاهر رقم هزاع وترددت تشله ولا لا خلاف شلته هزاع: مرحباا الساع الريم: المرحب باجي هزاع: امممم هااا شو صاار بالخطبه عسى انها تمت بخير؟ الريم: هزاع دخيلك انته ما تعرف انك تعور قلبيه هزاع: ويت بشللج شله اهدااء وانا عشان جذي داق وهذي اخر شلة تسمعينها منيه فرصة سعيدة وافترقنا على خيـــــــــر كنت اتمنى تكون قسمة حـــيــــــــــاتي هذا نصيبي والي جنته المقاديـــــــــــر تبعد وانا ابعد في سكون وسكــــــــاتي حاولت اداري واملك الحب لا يطيـــــر لكن جروحه في الصدر داميــتـــــــاتي دون السبب ماتت جميع المعاذيــــــــر لا حوول ياحبن غدا بالشتــــــــــــاتي حبن يتيمن ذوبته التفـــتـتاكيـــــــــــر ماتت غصونه وانتهى بالفـــــــــواتـي والله لو يشكي الجفن بالتعـــاســــــي لاكان يشكي دمع جرح شفـــــاتــــــي ذكراك هذي وانتهت دون تفسيــــــــر صارت تسمى ماضي فذكريــــــــــاتي فرصة سعيدة جمعتنا على خيــــــــــر خلك بقايا ساكنة مـــــاضيــــــــــاتــي الريم تمت تصيح وهي تسمع هزاع يشل هزاع: لا تمين تصيحين الريم شعنه كل هذااا الريم: هزاع حرام عليك تعاملنيه جذي والله انا مايخصنيه فهذاا كله والله انيه مغصووبه هزاع: مغصووبه انتي اصلن رايج ما قلتيه عسب تقولين مغصووبه انتي لو ما تبينه جان رمستي وقلتي حق امج وابووج انج ما تبينه بس شكلج تبينه الريم: والله مابغي غيرك احبك قسم بالله احبك يا هزاع هزاع: الله هالكلمة من زمان كنت اترياج تقولينها بس الحين يت وايد متاخره وايد وايد بعد وسكر عنهاا امرة الريم : ماقدر اخذ غير هزاع لازم ارمس ابوويه خلاص تعبت وسارت تطالع اذاا حجرت امها وابووها مفتووحه عسب ترمس ابوها وشافتها مفتوحه ماصدقت ودقت الباب وكان ابووها يالس منسدح ع الشبريه وامها محد تحت بوزايد: هاا الريم فديتج شفيج ؟ وشعنه عيونج حمر جادج الا تصيحين شعنه ؟ الريم: ابوويه ابغي اقوولك رايي فالخطبه هذي والله يابويه انيه اعتبره شرات اخوويه ام زايد: شعندج هنا يالسه ؟ الريم: ييت ارمس ابوويه شوي بوزايد: انزين الريم كملي الريم: الي قلتلك والله انيه مابغيه سالم ام زايد: هب عكيفج ما تبغينه خلاص نحن عطينا رايناا ومنقود عند العرب يردون فرايهم الريم: يعني ترضون اخذ واحد انا ما برتاح وياه؟ ام زايد: وشعنه ما بترتاحين وياه جيه سالم ناقصنه ريل والا ايد الحمدالله ريال وشيخ الشباب كلهم بعد بوزايد: افا يا بنيتيه وشعنه ماترمسين جانج ما تبغينه الريم: قلت حق اميه بس ماطاعت ام زايد: شووف انته وياها انا كلمتيه هب رادتنها ولو هي بس تظهرليه عيب واحد فسالم اوكي انا عادي برضاا ومابخليها تاخذه بس يوم انه ريال حشيم وما شفنا منه الا كل خير ابدن مالهاا غنااه عنه وهذي رمستيه وما بعيدهااا بوزايد: بس يام زايد جيه انتي ترضين حق بنتج تاخذ واحد غصب ام زايد: لو هو هب زين جان انته اعترضت هب انا بس انته تدري انه ريال ونعم وهي بعدها صغيره ع مصلحتها وسالم يالريم تراه يحبج وانا خبرتنيه امه انه من زمان يتريااج تخلصين ثانويه عسب يخطبج يعني هب من اليوم والا الحين بس يفكر فيج الريم : الي تبوون تسوونه سووه بس لا تلومونيه اذا رديتلكم مطلقه عقب كم يوم من العرس اوكي وظهرت عنهم وهي تصيح وع الساعه 3 فليل سعيد دق على هزاع تلفون ومايسده عن 20 مكالمة واخيرن هزاع رد عليه سعيد: رب ماشر الشيخ وينك والله قمت احاتيك هزاع: لا تخبر يا سعيد والله احس اني بمووووت بمووووت سعيد: وين انته الحين بييك ؟ هزاع: خلاص انا عند بيتكم تعال ارقبك سعيد: الحين بس بلبس كندورتيه وياينك وعقب سعيد ركب ويا هزاع سعيد: الشيمة تخبرنيه شفيك هب هزاع انته رب ماشر حد من الاهل فيه شي هزاع: اااااااااااه يا سعيد انا الي فيه وفيه عووووق والله حااااااااس انيه بموووت سعيد: شرايك نسير عند البحر وتخبرنيه شفيك هزاع: وهذا الي بسويه سعيد: وينك انته ماخليت بقعه ماسرتلهاا ودقيتلك وايد هزاع: ماليه خاطر دخيلك سعيد ارمس حد يلست ع العرقوب الي في العزبه اسمع يا بوعسكور هالاغنية وطول ع المسجل وحط اغنية غيبووبه من البارحه ياناس عايش في غيبووبه من صــــــــدمتي لليوم مب قادر اتكلم صدق الخبر الي شـــاع والكل سمعوبه وانا الين الحيـــــن كني ماعاد احــــلم محبــــــوبتي ياناس للغيــــر مخطوبه هز الحشا بركـــــان والخــــافق تسلم هذا حكم ربي والاقـــــــدار مكتـــوبـه حــــدن يبــــاركله وحـــــدن له يسلـم ياليـــــتها لو كانت اليوم مغصــــوبـه لا يـــول وسط الناس يوله وانا أتألم ياويــل عين الي فقد شوف محــبوبه الكــــون كــــله بعد شوفتـــــه اظلـــم دبلة وسط يمنـــاه وورده على ثوبــه مجبور ابرضى بالذي صار واستسلم حسبي عليها صارت احلامي مسلوبة لي حل بي يا ناس ماحل ب مســـــلم ابكي ودمعـــــــــاتي ع الخد مسكوبه تتسابق الدمعـــــــــات ع الخد تتقسم ايام عمري صــــارت اليوم محسوبه بــــاخذ من الدنيــــا عبره وبتــــــعلم سعيد : حلوة بس شعنه حاطنها يعني؟ هزاع: لا تخبر يا بوعسكوور والله احس الي كاتب هالكلمات يقصدني ابهن سعيد: هااا وصلنا البحر يلا احدر وخبرنيه بالي هامنك؟ وشاغل بالك وسارق عقلك وخلاك حتى اغلى ربعك ماترد عليه ولا توايب حد ابد ونزلوا سعيد وهزاع البحر وتموا يالسين وهزااااع يوم يلس وشاف البحر تنهد تنهيده طويله :آآآآآآآآآآآآآآآآآآآآآه تدري ياسعيد ليتنيه انا البحر سعيد: اسميه الي صايبنك معوقنك بلاك قوووول يعنيه فداك؟ هزاع: محبوووبتي يابو عسكور للغير مخطوبه هز الحشا بركان والخافق تسلم سعيد: لا تقوول يا بوحمدان ومن الي خطبهااا هزاع: ولد خالهاا عسااه ما يتوفق ولد خالهاا ربيه يهينه شمعنى الحين خطبهاا وهي طول عمره يشوفها جباله بس يوم ييت بخطبهاااا سعيد: لا تقول كذيه هزاع ولا تم تدعي عليه يمكن الريال من زمان يبغيهاا والحين خطبهاا لا تنسا انها كانت في المدرسه يعني مستحيل تعرس بس الحين خلصت ولقا انها الفرصه المناسبه عسب يخطبهاا بس هي شرايها وافقت هزاع: وهذاا الي قاهرنيه تدري انها ما قالت رايهاا ومغصبينها عليه بس بعد الومها لانهاا مارمست وقالت ما تبغيه وغير يوم قلتلها برمسه وبخليه يهون عن العرس بس بعد ماطاعت شسوي هي خلاص بترووح عنيه يا بو عسكوور بتكوون لواحد غيريه ماتخيل ايدهاا الي انا لمستهااا يلمسها واحد عقبيه والله بمووت ماتخيل وايد اشيااء ماتيخل يوم العرس وهي بفستانهاا الابيض وهي واقفه حذاله والمفروض انا الي اكون هب هووو عسى فكندورته عقااارب سود يوم بيعرسبهااا ماتخيل يا بو عسكوووور وكان حذاله حصى ويشل الحصااه ويقوم ويفرهااا في البحر .... قسم بالله احس اني شرات الحصاااااه الي فريتهاا في البحر والله اني ضايع يا بوعسكووور شمعنى الحين شمعنى؟؟؟؟؟؟؟ سعيد تم يسمع هزاع ولا بيده شي غير يخفف عنه وحس بغصه وهو يسمع هزاع لانه ربيعه وصديق عمره والي رابي ويااه والي كان دووووم وياه فالفرح والحزن يعني باختصاار هزاع هو التوم بالنسبه له وماتيخل فيوم من الايام يكون حال هزاع جيييييييه وخص ان هزاع وايد بنات يتمننه ويربعن وراه وهو ما يعطيهن ويه والي عمره بنيه ماكسرته ولانزلت راسه ولا وطته في التراب بالعكس كان هو الي يوطي راسهن فالتراب حتى الشباب يفزوله من ايي فبقعه لانه كانت له شخصيه وهيبه ومحد يروم ينزلها له بس الريم هي الوحيده الي قدرت تضوي راس هزاع وتخلي حالته كسيرة وتخشع قلبه وتحتله من عروووقه سعيد: هزاع تبيغينيه ارمسه ؟ هزاع: لا علنيه افداك ما يحتاي خلاص انا لو ابغي برمسه بس هي ما تباا برايه خلاص وانا لازم ارضى بالواقع الي انفرض عليه فرض ليتنيه ما فجيت باب الحب ولا حتى عرفته ليت ليت للحب قاضي قبل يوم الحساب والله بس الحين ما ينفع التمنى الي فات مات بس الي ما مات حبهااا فقلبيه وماظن فيوم من الايام بيمووت الا بموووتيه سعيد: خلاص ع راحتك الشيخ بس لا تم كذا والله ماتهوون والله انك غالي وانا طول الوقت بتم فياك واي شي تبغيه بس رنه وحده وبتشوفنيه قدامك هزاع: علنيه ماذووق حزنك يا بو عسكور والله بلاك ماعرف شسوي ووين اويه سعيد: نحن في الخدمه بس لا طفربيه دوم هههههههه هزاع: وياراسك انجلللللللع خلنيه مجابل هالبحر سعيد: انقلع هاا فالك طيب بس بعدين لا تي تربع سعيد بو عسكور الحق عليه هههههههههه هزاع: وياراسك جب لا ارقعك بهالتلفون سعيد: ايييييييهااااااا يلا يلا خلنا نسير مليت انا من هالبقعه هزاع: منو يمل من البحر سعيد: انااا يلا لو اناياي بموتريه جان خليتك وسرت بس شسوي الحايه ياي فياك هزاع: عيل شرايك اقلعك هنا واسير عنك واسويلك حركة نذاله سعيد: قدهاا تخلينيه؟ هزاع: قدهاا وقدووود وانااا هزاع ولد عبدالله ال......ي سعيد: افاا وتخلي ربيعك الروحه هنااا اهووون هزاع: ههههههههههههه ربعبك بعير الحين اونك مخلي عمرك طيب سعيد: اقوووول انته شو تبغي ترابعنيه شووو؟ هزاع: لا ابغي اتعرف ممكن الرقم ؟ سعيد:لا هب فاضي الحين مشغووول قدم اوراقك الشيخ يوم بتفيق لك بعدين برد عليك طبعن عقب ما تحترق هزاع: انا بسير يلايلا سعيد تم يربع ورااه هزاع ركب السيارة وسكر البيبان وتم داخل وفج الجامه بس شوي عسب يرمس سعيد هزاع: شو تبغي الرقم ما اتعرف اسمحليه؟ سعيد: يالكلب اييييييه بطل الباب بتخلينيه هناا هزاع: انته مضيع حد والا شاربلك شي سعيد: صدق انك كلب توك تباغم وانا اسكتك والحين تسويليه حركة نذااااله هزاع: هههههههههه شسوي نذل طالع عليك سعيد: يلا عاد بطل الباب لعنبووها الحايه صدق انهاا بنت حرام هزاع: والله ابووها حرام اسمه حليلهاااا وشو من الجبايل.؟ سعيد: ايييييييييه لا تم كذيه والله انك نذل ههههههههه هزاع: لا انا هب نذل بس يقوولون يشبهني هذا النذل اخوويه التوم سعيد: لاتم تتمصخر يلا والله ترانيه مابيي فياك مرة ثانيه هزاع: اتحداك ماتي ويايه وانا هزاع سعيد: ليش خاق بعمرك يااخي يلا ايه بطل ابا اسير ارقد هزاع: اممممممممم<<< اونه يفكر سعيد: شو تفكر يالله بطله هزاع: لحظه شو بتسوي لو مابطلته؟ سعيد: ولا شي هزاع: ولو بطلته؟ سعيد: الي تبغيه؟ هزاع: اوكي ابغيك تبوووس راسيه وتعشينيه وتغدينيه ع حسابك طوول الاسبووع وتدفع البتروول عني بعد سعيد: والاقعه حشاااااا عنبوه الذل وشو يسوي خلاص اقوولك باخذ تكسي او برقد ع البحر شرات اليتيم والا ياهل ضايع عن بيتهو هزاع: هههههههههههههههههههه اونه ياهل هيه وبعدين تيك وحده بنيه طيبه وتقولك وين بيتكم حبيبي تعال بوديك عند اهلك هههههههههههه سعيد: ههههههههههههههههه غربلاتك انزين انا بسير اوكي هزاع: تعال سعووود يالجلب اسوي سوالف تعال سعيد: مابغي زعلت ههههههههههه هزاع: وياراسك ترانيه بفج الباب لو ماييت بقلعك وبسير عنك سعيد: مابغي مابغي خلاص زعلت << اونه يخلي عمره ياهل هههههههههههه هزاع: زعلت بن عروه وعياله العشر شو يعني يلايلا مع السلامه وسار عنه وقبل شحف ويل فويهه وسعيد: الله يلعنك تعاااااااااااال صدق انك مخاونيه مخوت بووش يالكلب هزاع عقب دقيقتين رد على سعيد وشافه واقف :هااا يالحلووو شرايك تركب ويايه بوصلك بيتكم شكلك ضايع والا ماتدل الدرب سعيد: يلعنك ياخي شو هذاا .........وفج الباب وحدر في المووتر سعيد: يعني اونك انته معصب من الي مغربلتنك وتي تحط عليه هزاع: آآآآآآه لا تذكرنيه والله احاول انسااا سعيد: انزين يلا وصلنيه البيت والله ان حرقت عليه العيووز وواقعتنيه لاروييييك يامسود الويه هزاع: عيل عسااها تهزبك وتعطيك من ذيج الرمسه الي تغث هههههههههههههههه سعيد: ماعليه ..... وعقب اذن وصلواا ووصل هزاع سعيد ربيعه بيتهم ورد البيت واول ماحدر شاف ليت الصاله مبطل استغرب ويا يسكر الليت والا تنش فطامي الي راقده ع الغنفه : يييييييييييت هزاع هزاع: خييييييييييه زيغتينيه شو انتي سكنيه فطامي: وياراسك هههههههههه وانا الي يالسه احاتيك وارقب ييتك هزاع: ليش شو ياهل تشوفينيه اونه ترقبنيه فطامي: والله انا الغلطانه الي امتحن منك والا ماتستاهل يلا انا بسير فوووق هزاع غمضته فطامي الي كانت يالسه تحاتيه وفطامي وهي مويهة صوب الدري : فطامي فطامي: عووونك هزاع: عانج ربج بس بغيت اقوولج مشكوورة ولله انج تفكرين فينيه وتحاتين الي فينيه فطامي: افا عليك مايحتاي تشكرنيه بس عفون عفون تعال كل يوم هزاع: انجلعي وياراسج فطامي: امممممم هزاع: غريبه مارديتي شفيج؟ فطامي: الحين شحالك هزاع ؟ هزاع: لاتنشدين فديت خشمج هب كل من ضحك مع الناس مبسووط فطامي: لا تم تفكر فديتك والله هزاع خلاص هذا الي مكتووب وانا بعد برمس الريم هزاع: يصير خير سيري رقدي الحين فطامي: ونته بعد سير ارقد هزاع: آآآه يامن ون والجفن محروم من صوابه ما يغضي بالمنام فطامي: عوووذ بالله حشااا ما يسوى عليكم هالحب انته تنوح من صووب وهي تصيحك من صوب هزاع: يلا فارجي الحين ولا تمين تسويليه سين وجيم فطامي: هههههههههههه لا بسويلك باء وحااء هزاع: يعني شو المطلوب اضحك فطامي: هيه ممكن تجامل وتضحك هزاع: كم بتدفعين والا قالوولج ضحكتيه بلاش؟ فطامي: ههههههههههههه ما نباك تضحك عساك ما ضحكت هزاع: يعلج الحوووم سيري رقدي لو اتم اسوولف وياج ما بتخلصين فطامي: شسوي احبك ياخي هزاع: ادري بس انا ماحبج فطامي: ليش ليش حرام عليك شو سويت<<<< اونها تمثل الاخت تتحرا عمرها ف فلم مكسيكي هزاع: لانج خنتيني وسرتي مع خوويه حمدان خلاص زاعلتج هاتي صبعج الصغير << اونه يوم يزاعلون يشابكون اصابعهم الخنصر بس يوم يتراضون بالابهام لووووووووولز ايام اليهاله هع فطامي: وياراسك هههههههههههههه ذكرتنيه بايام الابتدائية هزاع: فعينج يلا انا بظهر فطامي وفعيونها حزن: وين بتسير هزاع توك يااااي البيت هزاع: ماليه خاطر اقعد فالبيت احس انيه مخنوووق بسير صووب العزبه وبيلس ع العرقووب فطامي: هزاع هب زين تسوي جذي بعمرك والله هب زين رووف بحالك والله بتشتكي عليك هزاع: وين بتشتكي ومتى عشان اعمل حسابي هههه فطامي: لا تم تنكت وياراسك صدق والله انزين انا بسير وياك هزاع: صكي الدعنه وين تبين بعدين خلي اميه والا ابويه اييبج لانهم اكيد بييون يشوفون الحلال تدرين انتي فطامي: انزين خلاص بسير ويا ابوويه بس كنت ابغي اسير وياك ماباك تكون مهموم ونفسك ضايقه هزاع: ههههههههههه وليش نفسيه تضيق لا انتي شي فيج هب صاحيه البنيه يلا باي فطامي : لا بالله الصبي تينن كل هذااا ممن الحب والله مسكين حالك هزاع ادري ان ورا هالضحكه قلب محزوون بس ما تبغي تبين الناا فدييييييييييتك والله خووويه ويعل عووقك فيه العافيه وسار هزاع صوب عزبتهم ويلس ع العرقوب وتم يفكر بالريم وتضربه امواج الفكر والاحزان من كل صووب وتم يدندن ياربي اشكيــــــــــلك بحالي الشكوى لغير الله مذله ولو مر وقتي ما صفالي محدن بيسعفني غير الله ياربي اتعبــــــني سؤالــــي يا عالم في الامر كله من عقب فرقا شخص غالي وقلبي وحيد اليوم من له وفجاءة يصيح تلفونه والمتصل ((راشد المخروش))<< جيه مسيفنه هزاع يوم غيره اسمه هع راشد: مرحباا السااااااااااااع هزاع: المرحب لا هان وشحالك بو سنيده راشد: بخير علني هب بلاك ومن صوبك ربك بخير؟ هزاع: بخير ما نشكي غير فرقا الغالي راشد: منو الغالي لا يكون انا بس ههههههه هزاع: علنيه فداك اكيد انته غالي وعلوومك راشد: والله كتوووف وين دارك الحين؟ هزاع: والله يالس في العزبه ع العرقووب راشد: يحيك وسهلا والله هزاع: يحيييييك ويبقيييييك راشد: وين عيل ما بتي الدوام شكلك هزاع: مافيه و انته غط عليه عن هالمدير الجلب راشد: كم بغطي كل يوم والثاني ماتبغي تداوم جيه شو شايفني خدامك تعال وياراسك الحين برقبك عند الباب واذا ماييت مابتريا المدير ينشد عنك انا بسير له وبخبره هزاع: هههههههههههههههههههههههه صدق انك نذل عنبووها هالمخوه مخوت بوووش راشد: ولا مخوة بن عروة يلا تعال ارقبك هزاع: ياي ياي عنبووها الحايه راشد: بنت منوو؟ هزاع: بنتك يلا باي راشد: هههههههههههههه عصب.......... وكان يرمس سعيد ههههههههه سعيد: هيه يستاهل عيل يروم البارحه يسويليه حركة نذاله ههههه راشد: تدري بو عسكور سعيد: شو ادري راشد: لو انا من هزاع يوم قالك تعال وتقوله مابغي بطبك ولا برد برايك زعلت بن عروه وعياله العشر شو بيضرني اناا انت الي بتتبهدل سعيد: هههههههههههههههههه واااااااااااعثرتيه زين انك هب انته الي فيايه البارحه راشد: عثره تشلك شلت بليس من الجنه ههههه سعيد: حوووه انته تبغي ترابعنيه شكلك؟. راشد: هيه مادري الشيخ سعيد ال نهيان وانامادري عسب ارابعك سعيد: يعلك تفدانيه انا سعيد ال.....ي راشد: ونعم فذمتيه يا بو عسكور ويعلك النفااااااد وياهالراس هههههههههههه سعيد: هب دعاوي عليك ولا عيوزيه غربلاتك وتوه هزاع داش ( ترا هم يشتغلون في الشرطه بس مكتب < ملاحظه ^^) هزاع: مرحباااااا السااااااااااع ... وتوايهوااا كلهم: المرحب بااااااقي هزاع: شحالكو عقوولة بو عسكور؟ سعيد: يعلك العوق لا تقلدنيه هههههه هزاع: تراك وايد ماخذ عليه شو تبا تتعرف الاخوو؟ سعيد: هيه من زمان مقدم اوراقيه والين الحين ماردوااا راشد: سعوود انته سكت خلناا نشووف علوم الريال شحالك هزاع؟ هزاع: ويه ويه قفطووه سير دور ويهك جاد تلقاه فالتراب مدفون من القفطه ههههه والله انا بخير وسهاله يعلني ماذووق حزنك ومن جداك؟ راشد: بنعمه والله سعيد: بنعمه والا فلي هزاع هههههههههههههه هزاع: ياويييييييل حاليه ع فلي هزاع والي سكنها راشد: ومن سكنها فلي هزاع؟ هزاع: ما يخصك انته سعيد: وااااااااااااايه فديتك زين تسوي فيه قفطته هاهااااااااي راشد: قفطنيه انا ونته ليش فرحاان؟ سعيد: والله اسميه سعيد هب فرحان ههههههههه هزاع: ههههههههههههههههههه حلوة يا بو عسكوووور راشد: رقمها انزين اذا حلوة هزاع: مارقم بنات ادينت ههههههههه راشد: فذمتيه هب صاحين الحين انا مستوي فيكم العاقل سعيد: اييه اقووول بتخاوونيه بدع زايد بسير صووب الربع هناكي هزاع: وين عند زايد المزروعي والربع؟ سعيد: هيه بنسير عندهو وخلاف انا بسير صوب يدتيه محتشره يونه ماويه صوبهو وعلى عمومتيه ما بخلي حد عشان ما يتمون يتشكون منيه هزاع: انا مرررة بخاويك والله الروحه ضايق ابيه البال ابغي اغير جوو راشد: وجيييييييييه انا مخاونكم مخوة بوش بخاويكم والله عاده الربع هناك من زمان ماريناهم وعقب الدوام كلهم ظهروا صوب بدع زايد وراحوا صوب الربع في الخيمه كلهم متيمعين هناك سعيد: هزاع انا بسير صووب الاهل اوكي بييكو خلاف هزاع: نرقبك سعيد: شرايك تسير فيايه؟ ترا يدتيه ميته عليك ذاك اليوم من شافتك وكله تقوليه سلم على هزاع ربيعك هزاع :لالا وين فضيحه سعيد: شو فضيحه بعد نحن ما بنيلس عند الحرمات والا اقول ايلس في السيارة يوم انك مستحي هزاع: امممممممم خلاص اوكي خلناا نسلم ع يدتك اسمينيه تولهت ع سوالفهاا وفي السياره وطبعن ساروا بسيارة هزاع <<< لانها رنج ههههههه وسعيد يبا يتخقق فيهاا هع لانه هو الي يسووقهاا سعيد: علووم قلبك الحين هزاع ربه بخير؟ هزاع: والله لا تخبر الحال ماتغير بسمعك قصيديتيه الي اليوم كتبتها وانا ف العزبه في سنه 2006 شفتها واحتلت فــوادي** وفي نفس يومه وزادت على ذا العام ايامي راحت احلامي وضاعت افكاري وحياتي **وانغلق باب حبي وانسد ومالقيـــت مفتاحي وااحسرتي على ذا اليوم وباقي الايامي **اوقات عووفه مرت ولكن اهون عن هالحالي اصفق اليمنا على اليسرا وبدون ميعادي** من حرقت القلب واليوف ومن سبة امصابي وكان السبب فقد شخص اغلى من الغالي** الي رسا في بحر حبي وسرا مع دم شرياني له في خفوقي سكن ما سكنه قبله انساني** اقسم بربي العالي ولا بيسكنه الساع الااحزاني ممكن سؤال يا بو عسكوور ؟؟ ممكن سؤال ليش لكل حبن مكتوب الفراقي** ومكتوب لشخصه يصيح الونه ويذوق الألامي هذا القدر ياصاحبي وش حيله انسان هاوي** كلن له حظه في الدنيا وانا حظي دوم ينهاني (جميع الحقوق محفوظه للكاتبة قطوة يتيمة هع هع) والسلووومة والسمووحه شوي القصيده هب موزونه ع السريييع سعيد: صح لسااااااااااانك الله لا شلك ما تخرب ياولد عبدالله فذمتيه قصيده طررر هزاع: صح بدنك وتسلم والله ووصلواا بيت عم سعيد الي هناك طبعن عايشة يدته مضيحي وهذي يدته سوالف من الخاطر وشافت هزاع لانه مرة كانت فبيت ولدهااا الي هو ابو سعيد( فبوظبي) وهزاع ياي عند سعيد وتمت يدته مضيحي تسولف ويا هزاع وهي ماتت على سوالفه وتمت تمدحه عند كل هل البيت يعني الي مايعرفه بيعرفه هع هع نزل سعيد من السيارة بس هزاع مانزل وياه تم في السياره وسعيد سلم عليهم كلهم وتيننت بنت عمه ( عايشة ) يوم درت انه سعيد ياي وع فكره هم يدرون انه خاطب بس هذي تموووت فشي اسمه سعيد وهذي الي كانوا هل سعيد يبونه ياخذهااا وهو ما يبغيهااا وعقب ظهر من البيت وطبعن يدته مضيحي يالسه خاري في الحوي وجدامها الفواله موطايه والقهوة سعيد: ها يدتيه تامرينيه بحايه الحين؟ يدته مضيحي: وااااااااااااايه التراب وين شعنه بتسير جيه ماريناك الا الساع؟ سعيد: والله يا اميه مضيحي بسير ربيعيه هزاع يستناني ف الموتر يدته مضيحي: واعثرتيه وشعنه يالس في الموتر وجيه ماتخليه ينزل فياك ويسلم سعيد: والله اميه مستحي يقوول يدته: لالالالا ماشي خله ايي ويسلم هب ياي عند هنوود منقوود ايي صوب لعرب وما يويبونه خله يحدر لا الحيين انا اسير احدره غصب من الموتر تراه ما بيطير سعيد: ههههههههههههه انزين الحين بسير اقوله يسلم عليج هو اصلن يبا يسلم وسار سعيد زقر هزاع وعقب محاورات هع اخيرن طاع هزاع ينزل ويسلم على يدت سعيد يدت سعيد: : مرحبا مرحبااا حيييييييييبه من لفااناا وعاناااا اقرب اقررب هزاع: جريب اميه وشحالج؟ يدت سعيد: بخير وسهاله مانشكي باس وجيه ماتحدر من موترك ثرك ياي عند هنود ومستحي ما يويبونك هزاع: هههههههههههه لا اميه عرررب ونعم فيكم يدت سعيد: وشحالك انته ربك بخير وشحال عربك هناك وتواليك؟ يعلهو ما يشكون باس؟ هزاع: لا تنشديــــــــن عن حالهم كلهم امرة بخييييييييير ونعمه وما يشكوون باس يدت سعيد: يعلكو بزووود وبيووود ياربيه هزاع: وياكم ان شاااء الله عيل من رخصتج اميه بنسير نحن يدت سعيد: افااا افاا وجيه بتسيرون ما قصرتوا الدوب فيانا سعيد: اسميحلينا اميه بنسير عند الربع بدت سعيد: والا انشدك يا بو عسكور علومهاا حرمتك؟ سعيد: حرمتيه هههههههههههه بعدنيه ماعرست اميه خطيبتيه قصدج؟ يدت سعيد: هيه علومهااا؟ سعيد: والله بخير نشدي خووها يعرف حالها اكثر عنيه يدت سعيد: والا هي اخت هزاع ونعم ونعم والله هزاع: الله ينعم بحالج ماعليج زوود يدت سعيد: وشعنه ما يبتوها فياكو نسلم عليها ونشوفها هزاع وسعيد: هههههههههه سعيد: وين اميه ان شااء الله يوم بتين بيتناا بوديج صوبهااا هزاع: الا بخليها تيها الين عندها وتسلم عليها شتبغين بعد اميه يدت سعيد: واااااااااااايه فديتك تسلم الغالي هزاع: الله يسلمج وطبعن عايشة وبنت عمهاا وديمة يالسات يطالعن سعيد وهزاع من الدريشه الي مجابله الحوي وديمة: من هذاا الغرشوب الي واقف عدال سعيد ولد عميه؟ عايشة: ماعرف بس صدق انه رحييييييم وديمة : ياويل حاليه كم بعيش الصراحه احلى انسان شافته عينيه عايشة: صخي صخي وديمة : عاده الحين وين بتشلين عويناتج عن سعيد حبيب القلب عايشة: آآآآآآآآآآآآه يا ودوووم والله ضاربنيه قهر شعنه يخطب غيريه والله احس بغصه شعنه ما يبغينيه شبلايه اناا؟ وديمة: ولا شي مافيج شي الا كل الزين فيج وانتي اغوى وحده فينا حتى بس ليش ماعرف اتخبره ههههههههههه عايشة: اووف منج صخي محد يرمسج وديمة: طالعي ابتسامته ويل حاليه والله عايشة: انتي شو ما تستحين وتحشمين نرد عند يدت سعيد الا كانت تسولف وشكلها ما بتخلي هزاع وسعيد يسيرون هع هع دق تلفون هزاع وكانت الي داقة فطامي فطامي: هلا بخووويه الخاين هزاع: هلا بج زوود ختيه الغبيه سعيد يوم سمع هزاع يقول ختيه صخ فطامي: وينك هاا اونه بعدين تعالي العزبه ويا ابويه ما شوفك هنا عيل هزاع: ههههههههههههههه اوه نسيتج والله اسمحيليه بس انا الحين بعيد صوب بدع زايد عند هل سعيد فطامي من طرا سعيد غيرت السالفه: وليييييييييش ان شاااااااء الله بتخطب من هناك؟ هزاع: خطبج بن عروه ان شاااء الله شو هالرمسه بعد سعيد: ايييييييييييه بن عروة يشلك ياربيه هزاع: ههههههههههههههههههه والله انكم تضحكون يدت سعيد: اييييييييييييييهاا بو عسكور شعندك ع ضيفنااا اسميك ما تحشم وعاق مذهبك هزاع طب فطامي الي حاشرتنه : هيه اميه انا شفته ذاك اليوم عاقنه في الزباله واقووله شله كله ولا مذهبك ولا حفل رمستيه شوفيله صرفه ترا الحين اللعرب يدورون مذاهب وهب لاقين ههههههههههههههههههههههه هزاع: ونتي حوووه فطيم يلايلا جلبي ويهج خلينا نسوولف فطامي: عنلاتك انزين سلم على يدت سعيد هزاع: وسعيد؟ فطامي احمر ويهها : سلم عليهم كلهم الي عندك هزاع: اشووف ويهج خشيه من التلفون هههههههه فطامي: ما يضحك اجلب ويهك هزاع: ليش شو تتحرينيه كتاب اونه جلب ويهك فطامي:لا دفتر رياضيات هزاع: والمطلوب اضحك؟ فطامي: اوهووووووووووو باي باي ورقعت التلفون فويهه سعيد: شفيك على خطيبتيه ياخي ترا مارضا هزاع: جب انته وقبل لا تكون خطيبتك اختيه الحين شوف شو بسوي ودق حق فطامي <<< وهي عبالها انه تلوم شرات كل يوم هع واول ما شلته سكر فويههاا يدت سعيد: انته سعيد ما يخصك فاخته يوم بتعرسبها يستوي خير سعيد: لحووووووووول كلكو عليه يلايلا انا بسير ودعتكو وباس يدته ع راسها وركب السيارة وهزاع بعد باسهاا وراح وراه وديمة: يلا لحقي خلينا نسير صووب يدووه نشووف من هذاا ؟ عايشة: لحووووول ترا والله ان ماصطلبتي بخبر عليج علج الحوووم شوهب شايفه ريااييل فحياتج وديمة: لا شفت بس هذااااااا غيررر وين شفتيه يا ودوم شفته انا فحوي عووووش عايشه:ههههههههههههههههههههههههههه غربلاتج خربتي الاغنية وخلاف سارن وديمة وعايشة عند يدتهن ويلس وياهااا وديمة: يدوووه من هذاا الي فيا سعيد ولد عميه؟ يدتهم مضيحي: وشعنه تنشدين عنه ووين انتي شفتيه ؟ وديمة: شفته فياج واقف هو وسعيد عايشه: انتي غبيه ودووم شفناه من الدريشة يدووه يدتهم: واعثرتيه وشله تطالعن الشباب عنلاتكن مسودات الويه بخبر عليكن بو حمد عايشه: لا يدووه فديتج وديمة: انزين ما خبرتينا يدووه جادنا نعرفهم ونعرف خواته يدتهم: واعثرتيه وش بيفكنيه من لسان هالبغام هذاا ربيع سعيد هزاع عبدالله ال....ي وهذا خوو الي بيااخذهاا سعيد بحووول الله فهمتي يالخديه وديمة وعايشة فجن حلوجهن يوم درن ان هذا خو الي بياخذهاا سعيد وديمة: صددددددددق يدووووه؟ يدتهم: يعلج الحووووم وشعنه بكذب عليج اناا عدج ماتعرفينيه عايشة تمت تدووور الف فكرة وفكره يعني شعنه بدا اخت هذا عليه شفينيه انا هزري هب ناقصنيه لاجمال ولا عقل ولا طشه بس ليييييش؟ وديمة: اتخبرج اميه مضيحي؟ يدتهم: تخبري تخبر عليج بليس ها شتبغين بعد؟ وديمة : شعنه سعيد ماخذ عايشة وخذ اخت ربيعه؟ يدتهم: والله مادري يابنيتيه لو ان كان ودي ياخذ بنت عمه عايشة ماعليها قصوور والزين الا من عقبهااا بنت سطان بس سعيد ماطاع يبغي اخت ربيعه وانا اشووفهو ناس ونعم والله ماعليهو رمسة ابدن والقلب وما يهوى شنسوي بعد الله يوفقه ياربيه وديمة: اهاااااااا يعني ماشي سبب غير؟ عايشة: سبب شو انتي بعد ليش شي شايفه عليه الحبيبه؟ وديمة: لا والله محشووومه يا بنت عميه بس قلت يمكن هو سمع شي بالغلط تستوي تراا عايشة : برايه خلاص ما يهمنيه شي وكانت مضايقه وشوي ودموعها بيطيحن عند يدتهاا بس حدرت داخل حجرتهاا وهناك ماقدرت الا انها تصيح وتنزل دمعتها الي ما قدرت تنحبس فعيونها اكثر عن جذي وديمة لحقتهااا عويش فديتج بطلي الباب وعقب محاولات فجت عايشة الباب : امرينيه ودوووم؟ وديمة : لا تمين كذي فديت خشمج وخلاص سعيد سار فدربه والله يوفقه ونتي وايد الي يتمنوونج يا عويش والا خويه ذيااااااااب ميت عليج وحتى قبل كان معصب لانج محيره حق سعيد بس الحين تعالي شوفيه بيطير من الوناسه عايشة: يمكن رمستج صح بس انا ما تمنيت ولا بتمنا غيره يا ودوووم لو هو مايحبنيه بس انا بتم احبه وديمة: انتي كيف ترضين تهينين نفسج حق واحد ما درى عن هوى بالج ولا يدري بحبج عايشة: ومن قالج انه ما يدري انيه احبه؟ وديمة فجت عيونهاا: يعني يعرف ومطنش بس كيف درااا؟ عايشة عقب تردد: امممممممم انا قلتله مرة وديمة: شووووووووووووووو مينووونه نتي عسبت كذي ما يبغيج ياعويش عايشة: ليش يعني؟ وديمة: عواشي فديت خشمج الريال عمره ما يحب البنيه الي تربع وراااااااه وتقوله احبك تراها تصغر فعينه عايشة: خلاص انزين مافات مات بسسسسسس قسم بالله بيندم انه ودرنيه وفرط فيه وخذله وحده مادري من وين ضواهااا وديمة: شبسوين يعني خلاص انتي رضي بالواقع عويش لا تغدين خبله عايشة: اممممممممم يتنيه فكره وديمة: وش هي؟ عايشة: بقوولج بس اوعدينيه قبل ما تخبرين حد؟ وبغيج تفازعينيه بهالفكره بعد وديمة: وعد بس قولي؟ عايشة: امممممم ماعرف الحين بس افكر اني اشوه سمعتها فعين سعيد واخليه يبغضها بس كيف ماعرف وديمة: شووو حرااااااااااااااااااام عليج والله حراااااااام انتي ترضين حد يخرب سمعتج ؟ عايشة: لا اكيد بسسسسس ليش تسرق سعيد منيه والله احبه يا ودوم وما تخيله ياااااااااخذ غيريه وديمة: بس هي مالها ذنب يا عواااااشي يمكن هو خطبهاا لانها اخت ربيعه الي وايد فياه عايشة: انزين شسوي انا بعد ماعرف شسوي يعني خلاص انساااااااا حبه ماقدر ماقدر والله وديمة: انتي خبييييييييل؟ شو ما تقدرين عادي بس اقولج حرام تخربين سمعتها واسمحيليه فهالشي هب فياج عايشة: حرمت عيشتها انزين خلاص بنسا السالفه وديمة: وعدينيه ما تسوين شي وتنسين السالفه هب بس كذا رمسه عنديه عسب اصخ عنج عايشة: خلاص وعد انزين __DEFINE_LIKE_SHARE__ | |
| ||
 |
| مواقع النشر (المفضلة) |
| الكلمات الدلالية (Tags) |
| العيــــــن, خذاه, ساكن, قلبي |
« للمراهقييين والمرااهقاات (يمنع دخوول المتزووجيين)
|
رواية حزين بڷحنهـ ۉٍحرۉٍفهـ ...خآيف يمۉٍت من خۉٍفهـ »
العرض الشجري
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| -{بلاك بيري مني خذاه.,~ | porshcia | عدسة الاعضاء , كاميرا الاعضاء | 16 | 07-23-2010 12:34 AM |
| !!؟..همي من ساكن في قلبي !!؟... | ضحيت حب!!؟... | شعر و خواطر | 12 | 06-24-2009 06:25 PM |
| النيسان والاستيشن صور تقفيز (في العيــــــن)... | ولد_زعبيل_VTC | سيارات و دراجات | 36 | 03-13-2009 06:18 PM |
| قلبي خذاه لي ساكن دبي | نبضي صريدية | قصص و روايات | 23 | 02-21-2009 12:25 AM |
| قلبي خذاه لي ساكن (العيــــــــــن) | الـروح دايـم | قصص و روايات | 94 | 08-18-2008 03:52 PM |
الساعة الآن 02:21 AM
- اخبار رياضية
- اخبار الامارات
- اخبار ريال مدريد
- اخبار برشلونه
- العاب فلاش
- مسلسلات وافلام
- مسجات
- فيديو كليبات
- سيارات للبيع
- ارقام سيارات
- ارقام هواتف
- هواتف للبيع
- حيوانات للبيع
- قوارب ويخوت للبيع
- ملابس واكسسوارات
- ساعات ومجوهرات
- اناشيد اسلامية
- نغمات اناشيد
- نغمات اسلامية
- ادعية اسلامية
- رقية شرعية
- قران كريم
- ديبيات اسلامية
- اذكار المسلم
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227