المشاركة الأصلية كتبت بواسطة "حورية العين"

	مشكؤؤؤره عالمؤؤؤضع الغاؤؤؤي..اختيه برمسج عني شخصيا نحن في عايلتنا عيب نرمس فالفؤؤؤؤن من عقب الساعه 10 لا نحن البنات نرضى لا اهلي يرضؤؤؤن كل شي له حدؤؤؤؤد في الحياااه .. ربيعاتي يتصلن لي في اؤؤؤقات متاخره ما ارد مب على شان شي .. بس انا مستحيييل اؤؤؤاصل ياهن في الاؤؤؤقات المتأخره حتى لؤؤؤؤ اهلي عادي عندهم لاني انا خلاص اتعؤؤؤدت ما اكسر كلام اهلي ..هاي ؤؤؤجهة نظري .. اسمحيلي اختيه .. تقبلي مرؤؤؤري..

	المشاركة الأصلية كتبت بواسطة ● ◦ ٱڷٳﻣﭔﺮآطۈﺭۀ ◦●

	السلام عليكم ورحمه الله وبركاته بصراااحه موضوع حلو وايد ويستاهل النقاش أبدعتي في اختيارج^^ رايي وبكل صراحه أنا ضد اللي انتي اتسوينه إنج تكلمين ربيعتج آخر الليل وما فيها شي لو أبوج اطالعج بنضرات شك وريبه مش لأنه شاك إنج تسوين غلط بالعكس هالشي من خوفه عليج انتي تقولين إن لازم يحترم خصوصياتج فأنا أقولج انتي غلطانة الخصوصيات بأشياء معقوله إن سر بينج وبين ربيعتج ممكن أما منو ترمسين فهاي مش خصوصيات الأهل من حقهم يعرفون انتي منو ترمسين ومنو ترابعين وهالشي ما يعتبر من الخصوصيات الهم حق بكل شي هاي مسؤوليتهم وفي كلام قلتلي إنه لازم أبوج يحترمج أضن إنج إنتي الغلطانه المفروض انتي تحترمينه حتى لو كان غلطان وأنا ما أشكك بأخلاقج محشومه بس انتي يمكن اختلط وياج التعبير على ما أظن المفروض تقولين أبوج لازم ياخذ برايج مب يحترمج أحسها قوية شوي وإلا شو رايج ومن كلامج تقولين لازم تكون الثقة بين الأهل ومحد يشك فأهله بأي غلطه سمعي حبيبتي خليج واقعيه ياما ناس انعطوا الثقه الكامله وخانوا الثقة وناس ما انعطوا الثقه بس ما خانوهم ترا اللي يبا يغلط يغلط واللي ما يبا يغلط ما بيغلط ما يخص الثقه ولا تقارني نفسج بأبوج أو أخوج إذا هم يتكلمون بالليل عادي ترا يسهرون ويا ربعهم عادي أما انتي تبقين (بنت) ما أظني حد بيخليج تسهرين ويا ربيعاتج وما بقولج نحن ما سويناها سويتها مره رمست ربيعي متأخر وطبعا انهزبنا وعيب هالشي مب حلوة فحق أهلي وفوقتها كنت أحس هالشي عادي لكن عقب كل ما كبرنا يتغير تفكيرنا ونحس بكلام الأهل إنه كان صح ولمصلحتنا أنا أعرف عمرج صغير وتفكيرج جي أحين مع الأيام بيتغير تفكيرج وبتحسين الموضوع عادي والسموحه جان طولت عليج ^^ وتستاهلين التقييم

انتي قلتيهااا ان ابووي و خوي يرمسووون حتي الصغير وهو صغير بيقلدهم يسرمس اي احد يوم يكبر شووو فيهاا اذا ربيعتي فااضيه و اناا فاضية ورمستهااا احس مافيهاا شيئ حلوه الثقه الي بين الاهل احلا شيئ انج تحسسين الي يسوي غلط بالثقه عسب يعرف قيمتهاااا بزود شيئ مب ع راسهم ريشه ابوي و اخوي يرمسوون ربعهم واحناا لااا ..


لاا عادي خذي راحتج كلن يقنع الثااني

	المشاركة الأصلية كتبت بواسطة الأمـ الوطني ـن

	اختي يا صغر الفرح في قلبي ... مهما كان الوالدين واثقين من تربية ابناؤهم وبناتهم ... تجدينهم دايما يحرصون على متابعة عيالهم .. الشك في وادي ... والحرص في وادي آخر .. بضرب لج مثال: رغم إن الولد يتزوج وتصير عنده عائلة ويمكن يكون في بيت مستقل .. إلا إنه ابوه دايم ينصحه ويحرص على متابعته صحيح مش بشكل دايم ... لكنه ما يتركه ابدا .. وهذا مش دليل على عدم ثقة الأب في ولده وإنما هذا يدل على حرص الوالد على متابعة أبناءه وبناته.. وإنه دايما يبا لهم السمعة الطيبة والحياة الرغيدة. الام مهما كبروا عيالها ... يظلون في نظرها صغار .. وبالنسبة إلى حديثكم الساعة 4 الفير .. يعني أنا لو فاضي بروح أطلع وأحوط في الشوارع .. ليش لا ؟؟ يا اختي العزيزة ... الاتصالات لها وقتها ,,, وعندج طول اليوم تقدرين إنج تتصلين في ربيعتج وتكلمينها بدلا من الساعه 4 الفير .. فيها وااايد اختي العزيزة ... طاعة أبوج وأمج .. واجبة عليج .. ورضا الله من رضا الوالدين .. وبوسة على رأس أبوج كل يوم ما راح تضر بالعكس ... تعني الكثير لأبوج ... وأبوج لو قعد عدالج وسألج عن اللي قاعدة تسوينه .. تراه مب تدخل في خصوصياتج .. أبدا هذا من زود حرصه عليج وعلى فكرة يحق له إنه يتابع أمرج وهو وصي عليج ألين ما تتزوجين ومسؤول عنج جدام رب العالمين .. ومش تدخل في خصوصياتج في حديث للرسول صلى الله عليه وسلم .. بما معناه : إن الأب لو احسن تربية بناته دخل الجنة. أنا معاج في إنه الشك زاد بين الناس هالأيام .. وصار كل واحد يفسر اللي يباه على هواه .. لكن إذا تبين الصدق .. تعاملات الناس فيما بينهم أصبحت مثيرة للشك والريبة .. واللي نشوفه من تصرفات بعض الناس وطيش الشباب وقصص البنات .. الواحد صار يخاف على عياله .. بس أرد وأقولج لج .. هذا مب شك وإنما حرص من الوالدين .. وأستسمح منج .. إذا شديت عليج اشوي وموفقة في حياتج ياربي