عندي القرار احس صعب ابغي منكم مساعدة - الصفحة 2

بنت العربان · 11-22-2008, 08:35 PM

مرحبا بج يا بنت الامارات 11 في استرحات زايد منوره

اولا :- انج انتي ما حبيتي الشغل و تفكرين فيه انه مب عاجبك ما راح تقتنعين انه الشغل حلو . فكري انه انتي لج قدر بوظيفه سكيرتيره و انج تخدمين بلادج عن العماله الوافده و تساهمين في بناءه

ثانيا :- بمسأله العمر البنات اكبر عنج بي 3 سنين بس و لا تعرفين تتكلمين عندهن لانه ما تعرفينهن و صدقيني بعد وقت بتكلمينهن لانج بتأثرين فيهن و بتعرفين اسلوبهن

ثالثا :- استمتعي في شغلج و اخلصي و أتقنيه

رابعا :- الشغل يعتبر عباده في الاسلام

و هذا كل الي عندي

مع تحياتي
بنت العربان __DEFINE_LIKE_SHARE__

غزيل الدار · 11-23-2008, 12:30 AM

انا اشوف انه شغلج حلو خاصة انه ويا قروب بنات

لي يضايقج اكيـد الدرررب ،، مشالله سكة سفر لين بداية دبي

بس يهوون مع الوقت صدقيـني ،، بتتعلقين بشغلج وبتحبينه وبتسين مسألة الخط

وشغل السكرتيرة ترا مب سيء مثل مانتي متصورة يمكن لانج في بداية حياتج العملية

او ما فهمـتي مديـرتج عدل .. او إذا كنتي دارسة تخصص غير ،، فأنتي تقدرين تعدلين وضعج عقب

هالاحساسيس الي تيج وضيقة والخوف ياتنا كلنا ،، كلها مسألة وقت

يمكن يبالج شهر او اكثر وبتتعوديـن ،،

والفارق في العمر ،، مب سبب يكرهج فدوام

تعوذي من ابليس __DEFINE_LIKE_SHARE__

رفيج الكل · 11-23-2008, 12:52 AM

السلام عليكم ورحمة الله وبركاته ، اصراااااحه انتي حصلتي شغله وااااااايد حلوه خصوصا انج في مكان كله بنات يعني بتكونين مرتاحه من اللي حووووولج ومع الايام ان شاء الله بتتحسن الاوضاع ،، بترمسين وياهن وبتسولفين وبتستانسين ، ولا تنسي رضى الاهل ما دام امج راضيه هذا يسوى الدنيا وما فيها والله بيوفقج دام اهلج راضين ... وتوكلي على الله دام ها المكان اقرب الناس لج ايشجعونج عليه واللي هي أمج وبالتوفيج ان شاء الله .

رفيج الكل __DEFINE_LIKE_SHARE__

عذب القصيد · 11-26-2008, 11:05 PM

المشاركة الأصلية كتبت بواسطة النعيمي

وعليج السلام ورحمة الله وبركاتة

على فكره صلاة الإستخارة تمهد لشئ معين وليس توقعات او مجرد احساس كما هو السائد ..
النعيمي

للاسف اغلبية الناس ماخذين مفهوم صلاة الاستخارة بشكل خاطئ.. اختي مثل ماقالج النعيمي .. دام كل شي تمهد لج ان شاء الله مابيصير الا الخير .. وعصفور باليد ولا عشرة على الشجرة.. يعني حصلتي شغل فزمن صعب جدا تحصلين فيه حتى على وظيفة براتب محدود.. تمسكي فيه قد ماتقدرين..

وسالفه العمر اسمحيلي بس انتي اكبر من جي .. يعني انا من راس الخيمة واداوم ف ام القيوين ويوم داومت كنت

تقريبا اصغر وحده فالقسم (20سنة) عاد تخيلي اللي وياي كم اعمارهم..!!

ان شاء الله مع الوقت بتتعودين واذا ماعيبج الشغل تراج ما بتخسرين شي.. عالاقل جربي ..

وبالتوفيق حبوبه ^_^ __DEFINE_LIKE_SHARE__

مع تحيات الزعيم العيناوي · 11-28-2008, 12:55 AM

اولا اختي الله يوفقج يارب في المكان الي مناسب لج

موعج طبعا اختي بتحصين فيالبدايه ابملل من دون شك انا بقولج شو استوا وياي انا ادرس في الجامعه الكنديه في بدايت الايام تقريبا بدايت شهر اسيرها غصب عني وكرهانه وصلت وياي اني اظهر نها بس صبرت علي عمري اشوي وسبب اكثر الجامع ايرانيه والكلاس كله ايرانيه واسلوب تحسين الايراني له كل شي في الجامعه اشوي اشوي اتعودنا واتعرفنا علي شباب وامور استوت طيبه من بعد مايوا كم واحد عربي للكلاس واتغير اشو الحال وحمدالله ان الحين اهون عن قبل دائما اختي البدايه صعبه من كل النواحي الواحد ايدش المكان يكون اشوي خايف من بعض السوالف ومحتار وقلق في بعض الحيان انتي حاولي غلبي افكار الي بذهنج شو يعني هم اكب عنج بلعكس تعلمي منهم ومن سوالفهم ومن اغلاطهم ترا بتمرين في عمرهم بيكون عندك اشويه خبره علي الاقل تفيدج في المستقبل انتي حاولي اشوي اتغيري جو المكان علي الخفيف طبعا صعب اتغير علي طول بس اشوي اشوي باسلوبج بافكارج قولي اليوم بسير بسوي جي وجي كل يوم حطي هدف لشي اتسوينه لج لناس الي حواليج لشغلج واهم شي لشغلج لو ماتحبين السكرتاريه سيري عند المندير ورمسيه قوليله والله انا ماقدر افيد في ها المجال لو تنقلني او شي لو ماطاع صبريتترا ها الزمان اهم شي الواحد يكون تحد يده وضيفه زينه يستفيد فيه وانتي بعدج في بدايت مشوارج صغيره خذي خبره من الشغل ودوري علي شغل ثاني لو حصلتي انقلي المهم الحين طبعا مليتي من كثر ماقريتي ردي واسموحه اختي علي الاطاله

والله يوفج يارب انج تتعودين علي دوامج اليديد ويوفقج اتلاقي شغل احسن وان شاءالله الحين كرتيره وان شاءالله عقب مدير ياااااااارب __DEFINE_LIKE_SHARE__

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
مساعدة ابغى منكم استشارة للي عنده خلفية عن الجوالا ت الجديدة	محروم.كوم	منتدى أخبار المواقع والمنتديات العربية والأجنبية	0	06-17-2009 01:21 AM
مساعدة ابغى منكم استشارة للي عنده خلفية عن الجوالا ت الجديدة	محروم.كوم	منتدى أخبار المواقع والمنتديات العربية والأجنبية	0	06-17-2009 12:40 AM
ابغى اشتري جهاز سوني اريكسون بس ابغى مساعدة من الخبراء ..	محروم.كوم	منتدى أخبار المواقع والمنتديات العربية والأجنبية	0	05-09-2009 01:30 PM
عندي أختراق بــ ألادمن وأريد حماية .. ممكن مساعدة منكم	محروم.كوم	منتدى أخبار المواقع والمنتديات العربية والأجنبية	0	04-07-2009 04:10 AM
ابغي منكم طلب	عنون الغلا	اغاني , شلات , هبان	5	01-20-2008 03:17 AM