وغـ,,ـلاتي يـ,,ـآ يـ,ـمآ تـ,,ـرجعين ... بقلمي

بريئة بمعانيها · 08-22-2010, 02:24 AM

البارت الاول
نورة : افف كتابي الجغرافيا ما لقيتة اكيد انا نسيتة في المدرسة
خلني الحين ادق ع فاخرة اخبرها
ترن ترن .. ترن ترن .. ترن ترن ..
..... : الو
نورة : هلا هلا
.....: اهليين اخبارج نورة
نورة : انا بخير خالوه دامج بخير
...... : حيا الله نورة عاش من سمع صوتج ,, اخبار ابوج وعزيزة وعيالها
نورة وفي خاطرها (اخ الله كريم) : بخير يا ام ثاني مايشكون باس ,, خالوه ابا اكلم فاخرة ممكن
ام ثاني : ابشري الحين اناديها
ام ثاني وهي تنادي فاخرة : فاخرة فخوور تلفون بنت عمج نورة ع الخط
فاخرة : الحين الحين ياية اماية
ام ثاني وهية تعطي فاخرة السماعة : هاج
فاخرة : هلا هلا هلاااااا والله بالشيخاااات هلا هلا هلا
نورة : بسج خليني اسلم من خذيتي السامعة وانتي تهلهلين خيبة
فاخرة : خيبة تخيبج انتي محد يعطيج ويه شو تبييين ؟!
نورة : اقولج يابنت عمي الحلوة الجميلة
فاخرة : هيه الحين حلوة وجميلة ... شو تبين من الاخر يعني
نورة : اقولج انا في ورطى
فاخرة : شو فيج .. عزيزو قالتلج شي
نورة : لا بس .. نسيت كتابي الجغرافيا في المدرسة .. وباجر عندي امتحان ,, ماعرف كيف اتصرف
فاخرة: اويه ,, كيف نتصرف الحين ,, وانتي ما تذكرتي الا في نص اليالي
نورة : الحين كيف اتصرف
فاخرة : ممم سيري حق لمار الي ورى بيتكم
نورة : تستهبلين ,, ابوية لو درى والله بيحرقني انا ولمار وانتي والكتاب وامج لانها خلتني ارمسج
فاخرة : خخخ .. خلاص خلاص الحين بي بيتكم وبجوف
ستووب بريك ,, خلونا نتعرف ع الشخصيات
عايلة ابو نورة
(ابو نورة) خالد : ريال عمرا 43 عندى اخ اسمى سلطان اصغر منى .. وابو وامة متوفين .. وهم اثنين بس الي يابتهم امهم.. بس تيتمو يوم كانو في سن 18 و 17 تقريبا .. نرجع لخالد << بطالي مايشتغل بس عندى خير وبخييل لدرجة فضيعة معتمد ع حرمتى ع الصرف وسكير وعصبي يعني معروف في الفريج محد يمدح فيه صفى وحدة .. وقاسي على نورة بدرجة فضيعة
(ام نورة ) شيخة : حرمة على نياتها جمال الدنيا فيها حبوبة وطيبة وتساعد الناس .. بس الله يرحمها توفت .. وساعاتها نورة كان عمرها 15
نورة : وهاي بطلة القصة عمرها 18 ثانوية عامة تدرس وية بنت عمها في نفس المدرسة بس هية اكبر عن بنت عمها بثلاث سنين .. جماالها مب طبيعي قليل الوصف فيها ..لدرجة مرت ابوها تغار منها ومن جي المعاملة مب زينة وياها .. يميزها شعرها الطويل . وجمالها كانت ماخذة جمال امها ..ومن بعد وفاة امها وهية كلة منعزلة من العالم رغم ابتسامتها الي ماتفارقها وايد متاثرة بوفاة امها .. وفوق هذا حرمة ابوها بدل لاتكون لها الام الثانية تزيد عليها قسوة.
ام سالم ( عزيزة) : حرمة ابو نورة .. حرمة معروف عنها سلييطة .. محد يسلم من لسانها ,, جافة وعدوانية وية الكل الا عيالها .. رغم ها كلة نص عيالها ما يدانوها من الي تسويه في نورة .
سالم : عمرا 15.. صف اول ثنوي .. انسان حبوب وكتوم ودمى خفيف محد يسلم من مقالبة ,, يحب نورة بدرجة فضيعة ,, رغم امة قاسية على الكل الا وياهم .. ودوم في صف نورة .. ويحب بنت عمى فاخرة ويموت عليها وهي بعد تبادلة الشعور
محمد : انسان كريه لابعد الحدود فتاان محد يدانيه في البيت سوسة عمره 11 صف سادس .. يكره نورة وايد ,, ابوه وامة مكرهينة فيها .. وساعات من نفسى ينش يسوي مشاكل .
واخر وحدة في العايلة العنود : العنود طفلة عمرها 4 سنين .. حليلها هادية .. فيها براءة عجيبة ,, تشبه امها ..
عايلة ابوفاخرة
(ابو فاخرة) سلطان : سطان ريال والنعم فيه,, عمرا 39,, . عندى خير ماشالله. كل حد يتمدح اخلاقة .. في كرمة مافي مثلة ,, ريال راعي فزعة ودوم وية الحق .. وعندة بنت اسمها فاخرة ولدين ثاني وخليفة
طالع عكس اخوه .. يحب حرمتى .. ودوم يتغزل فيها ,, يحب عيالة ويحب نورة وعادنها وحدة من عيالها .. ومايلس مكان واحد وية اخوه خالد .. لانة كل ما يلس وياه يفتح معاه سيرة نورة ويتضاربون ويهدون المكان
(ام فاخرة ) عوشة : انسانة حبوبة وايد , عمرها 34, وفيها هيبة ,, من تدخل المجالس كل حد يحترمها .. وكرييمة لابعد الحدود .. حبها الاول والاخيرة عيالها وريلها ,, وهية اخت شيخة .. واصغر عنها بكم سنة ,, وايد متاثرة بوفاة اختها وها الي خلاها تتعلق بنورة وايد
فاخرة : بنت حبوبة وفرفوشة راعية مقالب تحب الحياة تحب تغني وتطلع وتتكشخ .. ووايد حلوة هية فيها شبه من نورة ,, دوم راسمة البسمة في ويه نورة
عمرها 15 .. وايد صغيرة مدخلينها المدرسة وهية صغيرة والحين هية ثاني ثانوي وية نورة في المدرسة .. تحب ولد عمها سالم وتموت فيه
ثاني : انسان في حالة . عمرا 12 صف سابع .. دوم يصلي يذكر ربى ,, طييب وهادي .. انسان ما يحب الربشة والزحمة .. طيب وايد وحنون لابعد الحدود ,, وعندى اهلى فووق كل شي في الدنيا بالذات امة واختى فاخرة .
خليفة : ها انسان بارد عمرى .. 9 سنوات ,,, هما كلة لعب وكورة بعدى ياهل >> يا حية والله
نرجع للقصة
طق طق .. طق طق ..
نورة وهية نازلة من الدري سايرة تفتح الباب
نورة وهية تفج الباب : هلا هلا والله ببنت سلطان
فاخرة : حية الله ببنت خالد
نورة : حياج احدري الميلس
فاخرة : انشالله
وهم صوب الميلس نورة تقول :
يلا فخور دبريلي خطة ابا ادرس
فاخرة : جوفي دريولنا خليتة يتريا برع .. تلبسي بنسير انيب الكتاب
نورة : شو .. لا .. ماقدر مستحيل .. ابوية لو درا والله يا ويلي .. وبعدين عزيزو في البيت
فاخرة : براية خليها تولي هالعيوز شدراها
عزيزة وهية داخلة عليهم : ايه انتي ياية بيتي وتسبيني .. محد عيوز غيرج
فاخرة : وانا بنت الـ 15 خلوني عيوز .. عيل انتي بنت الاربعين شو اقول عنج
عزيزة : اف انتي وايد مسوية سالفة حق عمرج .. وع فكرة انا سمعت كل .. اجوف وحدة تطلع
سارت عزيزة صوب نورة اتيرها من شعرها وتقوللها : اولا انا اسمي عزيزة مب عزيزو وثاني شي لو فيج خير اطلعي والله لاخبر ابوج وعنج ما درستى
نورة والدموع مالية عينها : حرام عليج ,, برسب في الامتحان مادرست شي ,, الله يخليج اسويلج الي تبية ... بس خليني ادرس حرام عليج
عزيزة وهية تفر نورة ع الارض : انا قلت الي عندي واجوفج اطلعي طاعي شو بيج
قبل لا تروح رفستها ع بطنها وقالت لفاخرة : وانتي ايه اطلعي برع بيتي مابا اجوفج .. يلا اطلعي
فاخرة : ايه انتي ها بيت عمي هب بيتج
وجان تسير عزيزة تمطها من ايديها وتقوللها : جدامي برع برع
فاخرة شلت شيلتها وطلعت
عزيزة : نوير لو فيج خير يبي هاي مرة ثانية البيت
المرة الياية انتي بتنطردين وياها .. فاهمة
ونورة طايحة في الارض تقول في خاطرها :
ياربي شو سويت في دنياي عسب يستويلي ها كلة
ما عندي ام
وحرمة ابوي انسانة قاسة
وابوي بدل لا يكون حنون علي ويعوضني حنان امي جي يعاملني
وينج يا اماية ... وينج . ليش سرتي وخليتني .. ليش ماخذتيني وياج .. ليش خليتني لدنيا ما ترحم .... اماية ياليتج تردين .. دنياي بدونج عذاب
اه يا قلبي .... غفت نورة وهية طايحة والدموع على عينها
فاخرة وهية داخلة البيت تتحرطم :الحمدلله سالم ما جافني وانا اواقع امه .. استغفر الله .. والله لو مب نورة جان ما سرت بيتهم ولا انا مب ميتة عليها الله يعينج يا بنت عمي .. وسارت فاخرة رقدت
الساعة 3 الا ربع في الليل
كالعادة خالد داخل البيت سكران جاف بنتى نورة طايحة ع الارض ويالسة يقول : بلاها هاي ليش مب راقدة في حجرتها الـ*****
وسار يلس صوب وياها رفها من شعرها وقاللها : انتي ايه .. شحقة راقدة هني .. ها ... ارمسج ردي
(وتم يضرب فيها ضرب )
وقال : هاي شكلها ماتت .. خليني ارقد وباجر اسير ادفنها .. >> للعلم كان سكران
صباح اليوم الثاني الساعة خمس ونص
بيت ابو فاخرة
ام فاخرة : فخوور .. حبيبتي نشي صلاة ,, وبعدين ارقدي ,, يلا نشي
فاخرة : ها اماية,, الحين بنش
ام فاخرة : يلا الحين جدامي .. اعرف حركاتج من اطلع تردين ترقدين
فاخرة : انشالله اماية
وعقب نشت حبت راس امها وبعدين سارت توضت وصلت
وام فاخرة وعت باقي عيالها خليفة وعبدالله ونشو صلو
بيت ابو نورة الساعة سبع ونص
تررررن ... تررررررن ... ترررررن
كان صوت منبه سالم
نش سالم على صوت المنبة وفي خاطرة : بالعادة انا اقوم اصلي الفير ونورة توعيني والحين الساعة سبع
غريبة ليش ما وعتني بسير اجوفها
كت
شو تتوقعون يصير حق نورة .. ؟!

ابو نورة شو بيسوي حق نورة .. ؟!
وسالم شو بيكون موقفة .. ?! __DEFINE_LIKE_SHARE__